اختى الصغيره

اختي بلاقيها بتقلع ابني الصغير الهدوم كل يوم واللي اكتشفته كان كارثة وقبل ما نبدا الحكايه اعرفكم بنفسي انا مروة
عندي 28 سنه وشغاله في فيلا اختي انا واختي
هبه وفي يوم جات لي هبه وقولت ليها هبه
والله العظيم انا مش مش عارفه احنا ليه راضيين على نفسنا الاهانه دي شغالين خدامين عندها مروه
هو انت كل شويه تتكلمي في الحوار ده انتي لو فكرتي تشتغلي بره مش تاخدي ربع المرتب اللي هي بتديه ليكي بقولك ايه اتفضلي اشتغلي وانتي ساكته مش عايزين مشاكل معاها الله يخليكي

هبه
خليكي انت كده يا حبيبتي طول عمرك خايفه منها المفروض احنا اخوات هتشغلنا عندها ازاي يعني المفروض تخلي بالها مننا وتدينا الفلوس
اللي احنا عايزنها مروه
بقولك ايه يا هبه انا عارفه ان انت هتفضلي تتكلمي كتير انا طالعه فوق اشوفها عايزه حاجه ولا لا وبعدها كانت اختي نجوي في اوضتها نجوي
انا نفسي اعرف هو انت متضايق ليه المفروض ان انت تكون فرحان ان انت هتكون اب وليد
ثاني كل الدكاتره قالوا الخلفه غلط عليكي وانت ما بتسمعيش الكلام

نجوي
يعني اعمل عايزني اعيش طول عمري لوحدي وانت على طول مسافر وسايبني بجد ما تعرفش ان الموضوع ده خانقني ازاي وليد
بس انت مش لوحدك اخواتك موجودين معاكي في نفس الفيلا وانا هو موجود معاكي وبعدين هو انا بروح فين مش بشتغل وبرجع ليكي علي طول نجوي بالله عليك انا فرحانه بموضوع الخلفه ده بلاش تنكد عليا كل شويه بقى وخلاص انا قربت اولد يعني المفروض تبقى قاعد جنبي ما تسيبنيش وتمشي

وليد
طب وانا هتصرف ازاي يعني ما انت عارفه ان الشغل كله لازم يمشي بامري انا وما ينفعش ان انا ما اروحش علي العموم احنا مع بعض علي
تلفون مش عايزك تخافي من حاجه وبعدها
مشي ودخلت عندها هبه هبه
بجد انا مش فاهمه جوزك ده ازاي كده يعني انت اللي عماله تتحايلي عليه انك تقعدي معاكي وهو اللي بيقولك لا همشي نجوي
اللهم طولك يا روحي انا قولتلك كام مره يا هبه لو سمحتي بلاش تدخلي في اللي ملكيش فيه
بطلي موضوع انك تلمعي اوكر ده بقى

هبه
يعني انا غلطانه ان بحاول اخلي الفيلا علي
سنجه عشره ربنا يعلم
انا بحبك قد اي وعايزاكي تكوني كويسه انا نازله اعملك الاكل والله ما هسيبك الا ما تاكلي من ايدي وبعدها خرجت ودخلت انا مروه
معلش انا عايزه اطلب منك طلب يا نجوى وبلاش تساليني في اي حاجه خلي الاكل مني انا بلاش هبه تعملك اكل نجوي
مش فاهمه كلامك يا مروه هو انتي شاكه في حاجه ولا شفتيها بتعمل حاجه ولا ايه

مروه
لا والله محصلش بس الموضوع ما فيه ان هي بجد مقرفه شويه ما بتغسلش ايديها على طول وانت محتاجه نظافه يعني نجوي
معلش يا حبيبتي هي عشان ان هي تعملي الاكل ما فيش مشكله انا داخله الحمام اخد شاور لو سمحت بقى حضري ليا غيار مروه
حاضر ماشي وبعدها خرجت وكان سمير جوزي
واقف سمير
هو انت في ايه بجد انا مش فاهم انت بتحبي اختك دي زياده عن اللزوم بالطريقه دي كده ليه

مروه
هو انت مجنون ولا بتقول ايه بالظبط
اختي عايزني اكون عامله معاها ازاي سمير
اختك يا حبيبتي مخلياكي خدامه عندها
بدل ما تخليكي هانم زيها لا مستكتره العيشه عليكي مروه
والله مضحكتش عليا الموضوع كان عرض
وطلب وهي قالت وانا وافقت اني اجي عندها وبعدين طيب ما هي هبه معانا في كمان اهيه سمير
اه بس هبه بتعرف تسلك نفسها معاها مش زيك كده خايبه وهبله طب دي هبه اختك دي بحس انها بتعرف كل حاجة احنا مش بنعرفها

مروة
ليه أن شاء الله مكشوف عنها الحجاب ولا مكشوف عنها الحجاب بقولك ايه يا سمير يا ريت تروح تشوف شغلك وتعدي تجيب ابننا من المدرسة سمير
والله انا مش عارف انتي ليه مش عايزة تشتركي له في الباص في المدرسة ماهي اختك على قلبها اد كده ما تقولي لها انك عايزة تشتركي للولد مروة
هي عشان احنا قاعدين عندها بناكل ونشرب وبتشوف كل طلباتنا ومش بتقولنا لا على حاجة اقوم كمان اقولها اشتركي لابني في الباص روح ياسمير روح الله يخليك
وبعدها مشي سمير ودخلت عند هبه المطبخ وقولت لها

مروة
خلصتي الاكل يا هبه ولا لسه عشان اطلعه لاختك أصلها زمانها جعانة هبه
اديني قربت اخلص اهو يا مروة وبعدين بطلي كل شوية كده تبين لنجوي اختنا انك بتحبيها اكتر مني وانك اكتر واحده بتخافي عليها والكلام الفاضي ده مروة
ايه كلامك ده يا هبه على فكرة بقا انتي غلطانة في اللي بتقوليه ده وانا بحب نجوى فعلا وبخاف عليها جدا ومش عايزاكي كل شوية تحطي في دماغك اني بعمل كده تمثيل

هبه
طيب يا حبيبتي يمكن انا اللي بيتهيألي بقا على العموم انا قربت اخلص لها الاكل اهو واهجيبو اطلعه عندها اي خدمة تانية مروة
لا يا هبه مش عايزة حاجة تانية انا رايحة اشوف اللي ورايا على ما تخلصي اللي في ايدك ده
وبعدها خرجت وهبه في المطبخ واتصلت بواحده معرفة اسمها سهام وقالت لها سهام
ازيك يا هوبة وحشاني اوي يابت والله انتي اخبارك ايه طمنيني عليكي واختك الغنيه دي عامله ايه

هبه
انا كويسة يا سهام انتي اللي اخبارك ايه طمنيني يابنتي اخبار الدنيا ايه انا شايفاكي كده مريحة يعني ومبقتيش تبعتي لي ايه هي الناس بطلت تشوف بختها ولا ايه سهام
لا ازاى دي الناس هتتهبل عشان تشوف بختها هي الناس بتبطل يعني المهم قولي لي انتي ممكن تيجي لي امتى كده عشان اجهز لك القاعده وكده هبه
هو انا هكون جاهزه على اخر اليوم اكون عندك يناسبك الميعاد ده ولا ايه

سهام
يناسب جدا خلاص هستناكي بس اوعي تتأخري يا هوبة انا مش عايزة المصلحة دي تروح منى انتي سامعه ولا لا هبه
يابنتي ومن امتى وانا قصرت معاكي أن شاء الله هاجي اطمني يلا سلام انا بقا دلوقتي عشان اخلص الشغل اللي في أيدي ده
وقفلت معاها واختي نجوى كانت تعبانة في اوضتها وهبه طلعت لها بالأكل وقالت لها هبه
مالك يا نجوى فيكي ايه يا حبيبتي لا لا بلاش تتعبي كده من اولها انتي لسه ف اول الحمل اومال بعد كده هتعملي ايه

نجوى
والله يا هبه انا مش عارفه اصلا كمان كان لسه وليد بيزعق معايا من ساعت لما عرف ايه حامل وهو زعلان عشان خايف عليا هبه
عنده حق طبعا يخاف عليكي يا نجوى وبعدين هو لما انتي هتتعبي وعارفه نفسك انك هتتعبي حملتي ليه هو انا عارفه انك نفسك وكل حاجة بس متجيش على صحتك كده نجوى
اهو اللي حصل بقا ياهبه وبعدين انا عملت كده عشان خاطر انا بحبه ومش عايزاه يبعد عني لما يعرف اني تعبانة وكده

هبه.
طيب ماهو عارف انك تعبانة وبرضو مكمل معاكي انتي شاغله بالك ليه بقا ياحبيبتي ان شاء الله يا نجوى ربنا هيكرمك وتخلفي عيل زي الفل المهم يلا قومي عشان تاكلي نجوى
برغم اني مليش نفس اصلا بس هاجي على نفسي واكل عشان بس اللي في بطني ده ملوش ذنب في حاجة المهم قولي لي انتي مش ناقصك حاجة هبه
مين اناااا لا لا خالص ياحبيبتي انا تمام خالص ومش محتاجة حاجة وبعدين انتي خيرك مغرقاني اذا كنت انا ولا اختك مروة

نجوى
انتي عارفه اني بحبكم يا هبه عشان كده اختارت انكم تعيشو معايا هنا بس انتو بقا اللي صممتو انكم تخدموني كده هبه
وهو احنا يعني نفديكي الساعه لما نشتغل عندك يا نجوى ولا نخدمك انتي اؤمري كده وقشري وانتي تلاقينا تحت رجلك نجوى
ربنا يخليكم ليا يارب هبه
طيب على العموم انا نازل النهاردة اخر النهار كده هاروح ازور واحده صاحبتي وارجع ماشي لو عوزتي حاجة ابقي كلميني نجوى
ماشي يا حبيبتي ولاني نفسي اجوزك يا هبه اوي الصراحة عايزاكي تبقى عندك بيتك كده وحياتك

هبه
لا لا جواز ايه وبتاع ايه انا كفايه عليا جربت حظي مره واحده انما اعملها تاني دا مش هيحصل وبعدين انا مش بخلف واتطلقت بسبب كده عايزاني اتجوز تاني يقوم يطلقني لنفس السبب لا مش هتبقا كويسة دي انا رايحة اشوف شغلي
وخرجت من عند نجوى وانا قولت لها مروة
اختك اكلت يا هبه الحمد لله انا اصلي كنت جايه عشان اكلها بس الظاهر انك قومتي بالواجب

هبه
لا اطمني انتي يا حبيبتي انا اكلتها وظبطها و اطمنت عليها كمان وبعدين متنسيش انتي مهما اتشقلبتي برضو انتي الخدامة هنا عندها يلا سلام ياقطه
وسابتني ومشيت وانا فضلت واقفه افكر في كلام هبه وقولت لنفسي مروة
انا فاهمة دماغها هي بتعمل معايا كده ليه غريبة هبه اختي دي بس انا عذراها يمكن عشان هي اللي مش متجوزه فينا ومطلقه فبتعمل كده يمكن
ورجع سمير ومعاه أسر ابني وقالي

سمير
خودي ياستي ابنك اهو انتي عايزة مني حاجة تاني انا هاروح بقا اشوف شغلي بقولك ايه مروة ماتخلي اختك تديني قرشين اعملي بيهم مشروع مروة
استغفر الله العظيم يارب هو انت ايه يا راجل مبتزهقش ابدا انك تتكلم في الحوار ده على فكرة بقا يا سمير انا مش هكلم اختي في حاجة ماشي واذا عليك انت كويس في شغلك فخليك بقا زي ما انت سمير.
ماشي يا مروة خليكي كده عايشة في فقرك ده والاسم انك خدامة عند الهانم اختك وانا اللي عايز مصلحتنا عشان ابننا لما يكبر مايستعرش بامة اللي الشغاله خدامة

مروة
بقولك ايه يا سمير انا داخله اريح شوية اصل انا طول النهار شغاله وتعبت من كتر الشغل وانت يا أسر يا حبيبي روح عند خالتو اقعد معاها عشان انا هنام شوية أسر
حاضر ياماما هو انا هبات معاها النهاردة كمان وكل يوم ولا ايه مروة.
انت عايز ايه يا حبيبي اللي انت عايزة اعمله لو عايز تروح تبات معاها روح سمير
خود يا أسر لما اقولك انت بلاش تروح نبات مع خالتك هبه انت تروح لخالتك نجوى وتقولها تفتح لك حساب في البنك باسمك عشان لما تكبر وكده

مروة
يلهوي يلهوي انت ايه الكلام اللي انت بتقوله للواد ده يا سمير انت اتجننت في عقلك ياراجل روح يا أسر يا حبيبي واوعاك تسمع كلام ابوك ده خالص سمير
يعني انا الحق عليا اني عايز المصلحة خلاص انا مش عايز حاجة منكم ده انت عيلة فقر
وعند هبه أسر راح لها لاقاها بتلبس قالها أسر
انتي رايحة فين يا خالتو انا كنت جاي لك عشان اقعد معاكي اصل ماما هتنام شوية وقالت لي اجي لك

هبه.
انا خارجة خارجة يا حبيب خالتو انت روح عند ماما على بال ما ارجع من بره ماشي يلا روح وابقي تعالي بات معايا أسر.
حاضر يا خالتو انا هاجي ابات معاكي
وخرجت هبه ومشيت راحت لسهام اللي قالت لها سهام
اتاخرتي ليه كده يا بنتي الناس كانت هتزهق وتمشي ادخلي ادخلي هبه
اعمل ايه ماهو على ما خصلت الشغل اللي ورايا في الفيلا بتاعت اختي سهام
والله انا مش عارفه انتي اخرك ايه مع اختك دي ما أنا قولت لك كذا مره تعالي اشتغلي معايا هنا وهنعمل احلى شغل ونوسع انتي اللي مش بترضي

هبه
لا ياحبيبتي انا كفايه قراية الفنجان وبس انما اي حاجة تانية غير كده لا مش هعملها بس قولي لي الأول ايه الموضوع والكلام على ايه عشان ابقي داخله وفاهمة سهام
ماشي بصي ياستي في واحده اسمها هيام دي هتتجنن وتعرف جوزها بيخونها مع السكرتيرة بتاعته ام شعر اصفر الحلوه ولا لأ هبه
حلو اي طيب والاتنين التانين عايزين ايه بقا

سهام.
واحده فيهم شاكة ان حماتها بتاخد حاجات من شقتها بس مش متأكده وعايزة تعرف هي فعلا بتاخد حاجة ولا اما التالتة دي بقا فاعايزة تعرف هي هتتجوز اللي بتحبه ولا لا خلاص كده عرفتي المطلوب واساميهم هيام وجميلة وسناء يلا ادخلي ودخلت هبه وكانو قاعدين تلات ستات بيشربو قهوة وواحده فيهم اسمها هيام قالت هيام
ها يا سهام الست اللي بتشوف الفنجان وصلت يارب تكون جات انا كده هتأخر اوي على البيت

سهام
اهي يا حبيبتي جات ادخلي يا سلمى على الستات اللي مستنينك ياستنا الشيخة دي بقا سرها باتع اوي ياجماعه هيام
بجد طيب بالله عليكي ياستنا تشوفي لي الفنجان وتعرفي لي اذا كان جوزي بيخوني ولا لا اصل انا ياختي هتجنن ومش عارفه امسك عليه حاجة هبه.
اطمني يا حبيبتي انا بعون الله هعرف لك هو بيخونك ولا لأ ومع مين بيروح لها امتى بيرجع من عندها امتى بس كله بتمنة

هيام
انا هدفع لك كل اللي انتي عايزاه بس اعرفي لي الهي يسترك يارب
ومسكت هبه الفنجان بتاع هيام اللي كانت شاربة منه القهوه وفضلت تبص فيه وقالت هبه.
اممممم الصراحة مش عارفه اقولك ايه يا ست هيام بس الظاهر كده انك قلبك دليك طبعا اللي انتي شاكة فيها تبقا السكرتيرة بتاعت جوزك في الشغل والبنت دي بقا تبقا حلوه وبيضة وشعرها اصفر هيام بزهول
مش معقول انتي عرفتيها ازاى انا مقولتش لكي على كل ده يانهار ابيض انتي شكلك سرك باتع فعلا انا مش مصدقة

سهام
مش قولت لك يا مدام هيام ان الست هبه سرها باتع وبتعرف كل المستخبي استني بس واسمعي للآخر كملي ياستنا كملي هبه
شوفي يا مدام هيام هو جوزك معجب بيها وممكن يكون بيروح لها البيت بس اللي اكيد ان هو معجب بيها اوي والبت شغلاه وماليه دماغه على الآخر هيام
ابن الكلب الواطي ابو عين زايغه مع اني مش حرماه من حاجة ابدا وحياتك ياستنا بس هتقولي الواطي واطي طول عمره

هبه
انتي بس زودي اهتمامك بيه شوية اكتر وهو هيجي لك لحد عندك يلا بقا نشوف اللي بعده
وفضلت هبه تقرا الفنجان لكل واحده في اللي موجودين وبعدها مشيو وسهام قالت لها سهام.
ايه يا بت الدماغ دي ده خليتي النسوان تنبهر بيكي اما انتي عليكي كلام يابت ياهبه هبه
اه ياختي بس حظي قليل بعرف اشوف الطالع للناس وباجي عند حظي انا وبقف بقولك ايه هاتي يلا نصيبي خليني امشي يلا

سهام.
طيب فكري في اللي انا طلبتة منك دي شغلانة كلها فلوس وانتي بتحبي الفلوس انا عارفاكي هبه
والله ما عارفه طيب هي شغلانة حلال يعني ولا حرام ياختي الله يخربيتك انتي شكلك هتودينا في داهيه كده انا خايفه منك سهام
من امتى بقا وانا غرقتك يا ست هبه على فكرة بقا انا عايزة مصلحتي انا وانتي انتي بس فكري وردي عليا وانا عندي معارف كتير اوي وهما بقا دول اللي هنقلبهم في الفلوس

هبه.
يعني انا بستغرب الناس اللي بتدفع الوفات في الهبل اللي بنعمله ده اومال بقا لو عملنا الشغل التاني ده هيدفعو ايه سهام
مش بعيد هيدفعو بالملايين ياختي هبه
طيب يا ختي انا همشي بقا دلوقتي وبعدين ابقى اجي لك تاني لما يكون في شغل تاني سلام
ومشيت هبه من عند سهام ورجعت الفيلا وانا قولت لها مروة.
انتي كنتي فين يا هبه كده ده أسر قالي انك خرجتي هبه
ايوه خرجت يا مروة كنت في مشوار وبعدين انا واخده الأذن من اختك نجوي يعني واخده الأذن من صاحبة الشغل اللي انا شغاله عندها عايزة مني ايه

مروة
ولا حاجة وانا هاعوز منك ايه يعني براحتك ياحبيبتي بس انا بس خايفه عليكي وعايزة اطمن مش اكتر هبه.
لا اطمني ياختي انا كويسة اوي وبعدين ق لت لك كذا مرة بطلي تعملي فيها الأخت الحنينة البريئة دي والله ما لايق عليكي الدور ده مروة
اخس عليكي يا هبه انا مش عارفه انتي بتفكري ازاى بس انتي ازاى مش فاهمة اني اختك اللي بخاف عليكم اذا كنتي انتي ولا نجوى على العموم انا مش هدخل في حاجة في ابدا وسعي بقا من قدامي
ورجعت دخلت اوضتي وفضلت اعيط من اللي هبه قالت ليا وهي دخلت عند نجوى وقالت لها

نجوى
انتي فين يا هبه انا مستنياكي من الصبح بصي بقا ياهبه انا عارفه انك بتعرفي تقراي الفنجان وتقولي على المستخبي انا عايزاكي تشوفي لي الفنجان انا شاكة ان وليد بيخوني هبه
يلهوي ازاى الكلام ده بس يا نجوى هو انتي متأكدة نجوى
ايوه اصل هو لما كان موجود امبارح كان بيتكلم في التليفون وكان بيقول طيب انا هبقا اعدي عليكي ولما دخلت عليه عمل نفسه بيكلم واحد بس انا متأكدة انها واحده ست

هبه
يلهوي لا ده انا بقا هاروح اعملك احلى فنجان واشوفهولك
وبعدها عملت لها القهوة وشربتها وقالت لها هبه
بصي يا نجوى هو الصراحة مش باين اوي في الفنجان بس انا ممكن اقولك على انك تعرفي ازاى انتي ابقي هاتي لي حاجة من قطرة لما يكون هنا نجوى
يعني ايه مش فاهمة انتي تقصدي حاجة من هدومة مش، كده هبه
ايوه بالظبط كده وانا هوديها لواحده بتعمل الحاجات دي كويس اوعي
وبعدها سهام اتصلت بيها وقالت لها

سهام
اسمعي انا في شغلانة حلوه اوي هيطلع لنا منها فلوس كتيرة اوي يا هبه انتي لازم تيجي لي حالا
وراحت هبه وقالت لسهام هبه
يانهار اسود انتي مجنونة يا سهام انتي عايزاني افتح المندل لا ياختي مش هعمل كده وبعدين انتي عارفه ان فتح المندل ده عايز قلب برئ لسه أخضر سهام
ياستي اذا كان على كده هنشوف اي عيل المهم انك تعملي الشغلانة دي يابت دي فيها فلوس كتيرة بصي هو واحد عايز يحدد مكان مقبرة فيها آثار والمقبرة دي هو عايز يعرف مكانها بفتح المندل ده وانا بقولك محدش هيعرف يعمل الحركة دي غيرك انتي

هبه
اشمعنا انا ماتعمليها انتي سهام
لاااا ده انتي ستنا الشيخة انتي ناسية ولا ايه يابت ياهبه المهم بس انتي فكري والله هناكل الشهد من الشغل ده بدال شغل الفنجان القطاعي ده هبه
طيب اسمعي انا موافقه بس كل حاجة وليها تمنها ماشي واي تعاملات في الفلوس تكون معايا انا ماشي يا قلبي سهام
وانا موافقه يا هبه المهم بس هنجيب القلب الأخضر البرئ منين تعرفي ولا اتصرف انا

هبه
لا لا متقلقيش انا اللي هتصرف يلا انا راجعة البيت قبل ماحد يحس اني مشيت يلا سلام
ورجعت هبه البيت وأسر كان بايت معاها في الاوضة وتاني يوم الصبح دخلت اصحيه للمدرسة لقيته من غير هدوم اتخضيت ورحت لهبه وقولت لها مروة
هو مين اللي قلع أسر هدومة كده يا هبه انا دخلت اصحيه لاقيته من غير هدومة هو ايه اللي حصل هبه
ااه صحيح اصل قام بالليل وقالي انا حران يا خالتو اوي انا هقلع التيشيرت ده وراح قلعه وبس
وفي اللحظة دي نجوى ندهت على هبه فراحت لها وقالت لها

نجوى
عملتي ايه في الموضوع اللي قولت لك عليه يا هبه هتعرفي تشوفي لي اذا كان فعلا هو بيخوني ولا لأ طمنيني الله يخليكي هبه
ايوه انا لقيت طريقة انما ايه هتخليكي تعرفي اذا كان فعلا بيخونك ولا لأ بس طريقة مجربة يعني مش اي كلام بس محتاجة مصاريف يا نجوى نجوى
انا هديكي اللي انتي عايزاه يا هبه بس اعرف قلبي يرتاح انتي متعرفيش الموضوع ده تعبني اد ايه

هبه
الف سلامه عليكي ياقلب اختك هو انا اقدر اسيبك غير لما أقف جنبك واساندك هو انتي يعني ليكي غيري بصي انتي سيبها عليا ومتقلقيش
وبعدها بقت هبه تشتغل في الشغل ده وتفتح المندل وكل يوم بقيت بلاقي أسر ابني بنفس الوضع ده وقولت لسمير اللي قالي سمير
يعني هتكون اختك بتعمل ايه يعني يا مروة اما انتي عليكي حاجات غريبة اوي يعني بصي لو انتي شاكة في حاجة روحي اساليها وهي تقولك

مروة
ما أنا سألتها كذا مره يا سمير وتقولي أصله بيبقا حران اعملها ايه يعني سمير
خلاص بسيطة متخليش ابنك يروح يبات عندها تاني وخلي ابنك في حضنك طالما انتي قلقانة كده ومتوجعيش دماغنا بقا مروة
ما أنا قولت اعمل كده لقيتها بتتهمني اني عايزة امنع ابني منها واني مش بحس بيها عشان هي مش بتخلف والكلام الفاضي اللي انت عارفه ده سمير
بقولك ايه يا مروة انا مش فاضي لكلامك ده انا ماشي هاروح اشوف اللي ورايا عندي شغل انا مش فاضي لكلام النسوان بتاعكم ده الصراحة
وخرج سمير وقابل هبه وقال لها

سمير
اهلا يا هبه احنا لسه كنا في سيرتك دلوقتي انا ومروة مراتي ولسه كنت عمال اشكر فيكي أصلها قالت لي حاجة غريبة كده هبه بضيق
خير يا سمير وقالت لك ايه بقا الست مروة عني سمير
بتقولي قال أيه انتي بتقلعي الواد أسر ابننا هدومة وهو بايت معاكي الا الكلام ده صحيح هبه
وهو انا هقعله هدومة ليه يعني يا سمير هكون بعمل فيه ايه مراتك دي عقلها فوت باين بقولك ايه انا مش فاضية لك انت وهي وسع عندي شغل
وسابته ومشيت وبعدها سمير قال لنفسه

سمير
والله انتي شكلك كده يا هبه بتعملي حاجة بس مسيري اعرفها هي ايه
وعدت الايام وفي ليله هبه شالت أسر وهو نايم وراحت بيه اوضتة نجوى وسمير كان مراقبها ودخلت عندها قالت لها هبه
يلا يا نجوى احنا بقا هنعرف جوزك بيعمل ايه دلوقتي بس صحي أسر ابن اختك براحة نجوى
انتي جايبه أسر هنا ليه هتعملي بيه ايه هو انتي مش قولتي انك هتعرفي لي وليد بيعمل ايه

هبه
ماهو أسر بقا هو اللي هيقولنا وليد بيعمل ايه بالظبط صحية انتي بس وانا هحضر الكتاب يلا نجوى
انا مش فاهمة حاجة ابدا يا هبه انتي ناوية على ايه بس
وكل ده وسمير مراقبهم وقال لنفسه سمير.
هما المجانين دول بيعملو ايه بابني وايه النور الأحمر الغريب اللي هبه مولعاه في الاوضة ده هي هتحضر أرواح ولا ايه انا لازم اروح اقول للست هانم مراتي تيجي تشوف اخوتها بيعملو ايه
ولقيت سمير بينادي عليا وقالي

سمير
تعالي بسرعه يا مروة شوفي اللي بيحصل في ابننا تعالي شوفي اخواتك بيعملو ايه في الواد تعالي بسرعه
في الوقت ده قلبي اتقبض وقولت له مروة
في ايه ياسمير انت بتقول ايه وايه علاقة اخواتي باسر ابني مش فاهمة وخدني سمير من ايدي وفضلت انا وهو نبص من ورا الباب ولقيت نور شغله غريب خارج من اوضتة تجوي وسمير قالي سمير
هوووش شوفي اللي بيحصل اختك الحلوه اللي اسمها هبه بتستخدم ابننا في انها بتفتح بيه المندل عشان كده كانت بتقلع الواد كل يوم

مروة
يانهار اسود طيب هي بتعمل ايه دلوقتي يا سمير ايه الكلام الغريب اللي هي عماله تقوله على الواد ده سمير
دي تعويذة عشان الواد يحضر عليه الجن ويعرفها اللي هي عايزة تعرفه شوفتي اختك يا هانم مروة
يانهار اسود وانت لسه بتتكلم وابننا بيحصل فيه كده وفجأة فتحت الباب عليهم وقولت لهم مروة
امتى بتعمل ايه في الواد يا هبه منك لله يا شيخة انا مكنتش عارفه انك كده ليه تعملي كده

نجوى
انتي ازاى تدخلي علينا كده يا مروة انتي وجوزك انتو اتجننتو ولا ايه مروة
انا اللي اتجننت ولا اللي انتي واختك بتعملوه ده هو الجنان انا عايزة اعرف انتو بتعملو ايه قوم يا أسر اصحى يا حبيبي اصحى هبه
ما تهدي على نفسك شوية يا مروة ما ابنك قدامك اهوه صاغ سليم هو احنا اكلنا منه حته يعني مروة
يا بجحتك ولسه ليكي اين تتكلمي سمير
والله يا مروة انتي يحق لك انك تبلغي عنهم دول كانو ممكن يأذو الواد

نجوى
احنا معملناش حاجة ياسمير والله يا مروة ابنك زي الفل هو بس انا كنت عايزة اعرف اذا كان وليد بيخوني ولا لا دي كل الحكاية مروة
وانتي ازاى تعملي حاجة زي كده لما انتي مش واثقه في جوزك اعرفي لوحدك واطلقي منه من غير ما تأذي ابني وانا لا هبلغ عنكم ولا حاجه انتو برضو اخواتي انا بس هاخد جوزي وأبنى وامشي من هنا هبه
بالسلامة يا حبيبتي وفعلا اخدت سمير واسر ابني ومشيت وسبت اخواتي عشان مكنش ينفع اني ابلغ عنهم وعشت انا وسمير بعيد عنهم

وبكده تكون خلصت حكايتي