سكريبت ♥️بقلم سولييه نصار♥️ -انا حقيقي زهقت وقر.فت منك ومن غيرتك يا جايدا حقيقي مليت من ده كله وتعبت …انتي ايه كل شوية نفس الموضوع مبتزهقيش !!! قالها فارس وهو بيمسك ايدي بعد ما اخدني بعيد عن الحفلة …كان متعصب وبيزعق لاني كبيت العصير في وش البنت التا.فهة اللي اسمها ليان… زقيته وزعقت فيه وقولت: -انا اللي زهقت يا فارس ..زهقت من البنت المايعة دي اللي بتتلزق فيك دايما…أنا خطيبتك ومن حقي اتضايق وانا بشوفها بتحاول تسر.قك مني …مش كفاية انها هتمثل معاك وقريبة منك في الفيلم اللي هتصوروه ده …
نفخ بضيق وقال: -يا جايدا أنا ممثل طبيعي اكون مقرب من الممثلين زمايلي …انتي عارفة الوسط بتاعنا وعارفة اني ممثل وان دي طبيعة شغلي اني أعمل اللي بيقولوا عليه المخرجين وليا معجبات وزميلات …انتي عارفة كده كويس وانا مش ههد الكارير بتاعي اللي تعبت عشانه بسبب غيرتك التا.فهة دي يا جايدا …
الدموع بدأت تنزل من عينيا ..مش مصدقة …ده مستحيل يبقي الشخص اللي حبيته ابدا …الشخص اللي وقفت جمبه من أول ما كان لسه ممثل مبتدئ …أنا كنت صحفية وليا معارف وحاولت كتير اني اشوفله فرصة عشان يمثل لانه فعلا موهوب …بس لما كبر وبقا نجم كبير اتغير اووي …أنا مش مصدقة ان ده هو فارس … اتنهد فارس وهو بيشوف دموعي وقرب مني وبدأ يمسحها بحنية …بصتله بلوم وهو بيمسح دموعي وقال:
-عارف ان دلعها اوفر وعارف انها و.قحة معاكي وبتستفزك بس أنا بحبك انتي…انتي خطيبتي وبعد ما يخلص الفيلم اللي جاي ده هتبقي مراتي …انتي اللي في قلبي مش. هي وهي متهمنيش خالص يا جايدا …بس افهميني ابوس ايديكي …ليان تبقي بنت أكبر مخرج في مصر يا جايدا وده اللي هيخرجلي الفيلم اللي جاي…ده هيبقي أكبر فيلم في مسيرتي كلها وهيخلي اسمي يلمع اكتر ابوس ايديكي استحملي شوية يا حبيبتي وصدقيني بعد الفيلم هقـ طع علاقتي بيها خالص اتفقنا …
بعدت شوية وانا بقول بتعب : -روحني لو سمحت …مصدعة ومحتاجة ارتاح … بصلي فارس بعجز بس مرضتش اتنازل المرة دي فكملت: -لو حابب اقعد في الحفلة واعتذر من ليان هانم أنا هأخد تاكسي … ولسه همشي من قدامه مسك دراعي وقال: -استنيني هنا هروح ابلغهم اني مروح… …… وقفت عربية فارس قدام بيتنا وخرجت من العربية بهدوء .. -جايدا استني … قالها فارس وهو بيطلع من عربيته وبيقف قدامي..
-نعم … قولتها بتعب فابتسم ليا ..الابتسامة اللي بتقولي انه لسه فارس اللي بحبه موجود جواه ..لسه مما.تش هو موجود ولو جزء بسيط منه … خرج من جيبة علبة شكلها شيك وفتحها عشان اشوف سلسلة دهب معلق فيها فراشة صغيرة …كان تصميم السلسلة بسيط بس شيك اووي وافتكرت ان دي السلسلة اللي كنت هتجـ نن عليها لما شوفتها علي النت…ورغم اني حاولت ابين سعادتي بس ابتسامتي خرجت حزينة اووي ومكـ سورة ….
قرب فارس اكتر ولبسني السلسلة وقال بصوت واطي : -هتفضلي انتي بس اللي في قلبي يا جايدا متخافيش عمري ما هبص لغيرك ..وده وعدي ليكي. ……. مرت الايام وابتدت تجهيزات فيلم فارس الجديد كنا متفقين انه بعد ما يصور الفيلم ده هنتجوز علطول …وطبعا ليان كانت هي البطلة وبالتالي اجتماعتهم مع بعض مكانتش بتخلص خالص وده كان مسببلي ضغط كبير بس مكنتش راضية اتخانق مع فارس كنت كل يوم ابكي في اوضتي من الغيرة والقهـ ر وانا شايفة اللي بحبه بيقضي كل وقته تقريبا مع واحدة تانية ….
بس في يوم كل ده اتغير … …. -رايحة فين يا جايدا …. سألتني امي بحيرة لما شافتني خارجة من البيت الساعة عشرة بالليل فقولتلها بإختصار: -رايحة ادي الورق ده لميار المسطولة زميلتي في الجريدة نسيته معايا .. -ماشي متتأخريش يا حبيبتي .. هزيت راسي وخرجت .اتصلت علي فارس عشان اقوله كمان بس تليفونه مقفول …. فتحت باب عربيتي الصغيرة وركبت فيها وانطلقت بيها لما ميار اتصلت بيا ..
-ايوة يا ميمو اهو راكبة وجايالك …نعم يا اختي مش هتقدري تقابليني…ليه كده يا ميار ده أنا نزلت عشانك وقربت اوصل كمان الله يسامحك يا ولية…طيب تمام يا حبيبتي هجيبلك الورق بكرة الجريدة ..يالا باي…
وقفت العربية وقررت خلاص ارجع البيت ولسه هلف لقيت نفسي قريبة من بيت فارس…رغم ان غلط اروح له دلوقتي بس كنت محتاجة اشوفه بقالي يومين مشوفتهوش ومن الصبح مكلمنيش خالص …سوقت عربيتي وروحت علي العمارة الراقية اللي هو ساكن فيها وطبعا طلعت من غير أي مشاكل لان البواب يعرفني كويس .. فجأة اتجمدت مكاني لما خرجت من الاسانسير ووقفت قدام شقته ولقيتها مفتوحة ..قلبي وقع في رجليا وخو.فت يكون جراله حاجة دخلت بسرعة وشوفت اللي كـ سر قلبي …شوفته معاه …مع ليان!!
يتبع #عشقك_قاسي #سولييه_نصار عودة بعد انقطاع طووويل ♥️الجزء التاني♥️شكرا علي تفاعلكم السكر♥️بقلم سولييه نصار♥️ -جايدا!!! قالها فارس ووشه شاحب ..كانت دموعي بتنزل وانا شايفة ليان لازقة فيه حسيت قلبي بيتعـ صر فجأة فارس زق ليان جامد وبدأ يعدل هدومه وهو بيقول برجاء: -ممكن تسمعيني …اسمعيني بس …جايدا … كنت واقفة متجمدة والدموع بتنزل من عينيا فارس كان بيبصلي بأ.لم وحزن …كان مر.عوب…كنت شايفة الخوف في عينيه …اللي قطع الصمت اللي سيطر علي المكان شوية هي كلام ليان وهي بتقول:
-طيب يا بيبي أنا همشي دلوقتي وهكلمك بكرة عشان نتقابل … -لا استني كملوا اللي بتعملوه أنا اللي همشي… قولتها وكان نفسي اتكلم وانا صوتي جامد وبارد بس للاسف نبرة صوتي طلعت بتترعش بسبب العياط … وبعدين بعدت عشان أخرج …فارس قرب مني بسرعة…الدموع كانت بتلمع في عينيه ومسك ايديا وقال: -اقسم بالله يا جايدا انتي فاهمة الموضوع غلط اسمعيني بس …
مردتش عليه كل اللي عملته بعدته عني وطلعت بسرعة من الشقة …الخيا.نة بتقـ تل أي علاقة ودي كانت نهاية الطريق مع الإنسان الوحيد اللي حبيته …كنت بنزل السلالم بسرعة وانا سامعة فارس بينده عليا جامد وبينزل ورايا …سرعت اكتر لحد ما خرجت من باب العمارة ومهتمتش بالبواب اللي كان بيبصلي بصدمة كنت محتاجة اهرب من فارس بسرعة …ركبت عربيتي وانطلقت بيها …بعد لحظات بصيت في المرايا لقيت عربية فارس ورايا …يارب لا مش عايزة اواجهه.دلوقتي …سرعت العربية اكتر عشان اوصل للبيت …
بعد لحظات وصلت وطلعت من العربية وجريت علي عمارتي بسرعة … كنت بنهت وانا بحاول ادخل المفتاح في الباب عشان ادخل بس صر.خت لما حسيت بحد بيمسك أيدي وكان فارس .. -ابعد عني …ابعد .. صرخت في وشه …مهتمتش أن حد يسمعني الا.لم اللي في قلبي كان قوي لدرجة اني مكنتش مهتمة بأي حاجة … -والله العظيم فهمتي غلط …جايدا ابوس ايديكي اسمعيني …هي استغلت … -اسكت اسكت مش عايزة اسمع ولا أفهم حاجة …
صرخت وانا بحط ايديا علي ودني ودموعي بتنزل بعدين خبطت.جامد علي الباب …. – جايدا … قالها ودموعه نزلت بعدين كمل: -صدقيني معملتهاش …صدقيني مخنتكيش… بس انا كنت رافضة اسمع اي حاجة … اتفتح الباب وبصتلنا امي بصدمة وقالت: -حصل ايه يا ولاد … مردتش عليها ودخلت اوضتي بسرعة وقفلت علي نفسي الباب ….مسحت دموعي بشراسة وروحت خرجت صندوق الهدايا الكبير اللي جابه قبل كده وبدأت الم حاجته -جايدا افتحي ابوس ايديكي ..افتحي ..
قالها فارس وهو بيخبط علي الباب جامد … -ايه اللي حصل يا فارس …عملتلها ايه … مردش فارس وهو واقف قدام الباب حاسس بالعجز …كل حاجة كانت ضده ..هو بيخـ سرها ولو خـ سرها مش هيلوم الا نفسه !!! فتحت الباب فجأة وانا شايلة الصندوق وقولت: -الصندوق ده فيه الشبكة وكل الهدايا اللي جبتها يا فارس …اتفضل كل اللي بيننا انتهي ومش هيرجع تاني …انت خلفت بوعدك ليا انك عمرك ما هتكـ سرني …بس كـ سرتني …وملكش عندي فرص تانية !!!