#زوجتي_المجهوله💚 البارت الاول واه واه هتعصي كلامي اياك يابابا انا مش بعصي كلامك بس انا اي ذنبي اتجوز واحده ولا شوفتها ولا شافتني سالم:في تار ما بين العيلتين وانت لازمن تتجوز حد من عنديهم عشان نوجف الدم ده مالك:انا اسف يابابا بس انا مش موافق خلي عدي هو اللي يتجوزها سالم بحزم:جعده البندر شكلها نستك عوايدنا ياولدي مالك:عوايد اي ياوالدي اللي تخليني اتجوز واحده عشان اوقف بحر الدم ذنبنا اي احنا الاتنين وبعدين يمكن هي مش عايزاني او بتحب حد تاني لي انا اتجوزها وتعيش معايا غصب عشان نوقف الدم
سالم بغضب :هي ملهاش حج انها ترفض هي لازمن توافج ورجلها فوج رجبتها عشان التار ينتهي كفايه مفضلش في العيله غيرك انت واخوك عايزني اجعد استني لحد ما يجتلوكوا واحد ورا التاني هي كلمه انت هتتجوز البت ديه يعني هتتجوزها جهز نفسك بكره هنروح نطلب يد البت ثم تركه وخرج مالك بغضب لوالدته:شايفه ياامي شايفه انا عمري ما رفضتله طلب بس مش لدرجه انه يجوزني واحده ولا اعرفها ولا تعرفني عشان ام التار كفايه دم بقي ونوقف التار اللي قضي علي كل العيله بالقانون مش بالجواز
سوسن والدته: ياولدي انت عارف عوايدنا مفيش لا جانون ولاغيره بيوجف التار غير الجواز وبعدين البت كيف الجمر عيون خضرا اي وجمال اي وشعر اصفر اي اجمل من بنات البندر اللي بيحطوا احمر واخضر جمالها رباني وفوج اكده البت بتتعلم وداخله كليه وافج ياولدي الله لا يسيئك انا مش حمل اخسر حد فيكوا وبعدين هما اتفجوا كمان ان واحد من حدانا جصاد واحد من حداهم مالك:يعني اي سوسن:يعني اختك مريم هتتجوز اخو ليال
مالك:اييه حرام عليكوا بجد حرام عليكوا البت لسه 18سنه انتوا متخيلين سوسن:اختك كبرت ياولدي احنا اهني بنتجوز كمان16و17سنه انت مهتعرفش عوايدنا ولا اي مالك:لا ياامي انا من صغري ضد عوايدكوا ديه عشان كده قررت ادخل حقوق عشان لو بأيدي اغير قوانين وعوايد اول حاجه هغيرها عوايدكوا اللي كلها ظلم سوسن بقله حيله:مش وجته الكلام ده ياولدي المهم استعد بكره عشان تروحوا تطلبوا يد البت لتخرج بعدها مالك لنفسه: تمام هتجوزها بس هخليها زيها زي اي كرسي موجود هنا ليذهب الي غرفته
………………………………………………………………….. في مكان اخر امام احد المدارس الثانويه كان يقف عدي شقيق مالك في انتظار اريج ابنه عمه والتي تربت معهم بعد وفاه والدها بسبب التار ومن بعده توفت والدتها خرجت اريج من الباب لتتجه نحوه فهي اعتادت كل يوم ان يأتي عدي ويوصلها الي المنزل اريج برقه:انا اسفه لو اتأخرت عليك بس انا كنت واجفه مع مستر محمد بيشرحلي حاجات عدي ببرود:لا عادي يالا اركبي
ذهبت اريج وركبت السياره وهي تكاد ان تم*وت غيظا من معاملته الغير مفهومه فتاره يتعامل ببرود وتاره يتعامل بهدوء ورقه وتاره بقسوه شخص غريب حقا نظرت اليه وهو يقود سيارته لتسرح في وسامته فهي متيمه به وهو لا يبالي فاقت من شرودها عندما قال هتفضلي باصه كتير اريج:ها لا ا انا ا انا عدي بمقاطعه: خلاص هتفضلي تتهتهي كتير اسكتي
سقطت دموعها فورا علي تلك المعامله لكنها حاولت اخفائها بصعوبه حتي وصلوا الي المنزل لتنزل سريعا قبل ان تفضحها دموعها دلفت الي المنزل لتستقبلها سوسن بالاحضان فهي تعتبرها ابنتها الصغري هي من ربتها بعد وفاه والديها لتحتضنها اريج بحب فهي تحبها سوسن:كيفك يابنتي اريج:الحمد لله ياماما لتقول بمرح:انا جعانه ياخلج سوسن:ههههه خمس دجايج والوكل يبقي جاهز يابتي
لتذهب الي المطبخ التفتت اريج لتصعد الي غرفتها وتبدل ملابسها لتصطدم بعدي لتتوقف حواس كلامنهما في هذه اللحظه فكان يلف يديه حول خصرها وهي تضع يديها بتلقائيه علي عضلات صدره تاه كلا منهما في عين الاخر ليفيقوا علي جرس باب لتبتعد هي سريعا وتهرول نحو غرفتها اما عن عدي فمازال يقف في مكانه واجف اكده لي ياخوي كانت هذه جمله شقيقته مريم من خلفه عدي :ها لا مفيش كيفك يامريم
مريم بحزن:الحمد لله ياخوي وانت توجه نحوها عدي ليحاوط وجهها بحنان:مالك يامريم زعلانه عشان هتتجوزي رعد مريم وهي تهز رأسها بنفي:لا بس خايفه عدي:خايفه من اي ياخيتي مريم:من رعد ده بيجوله شاب فاسد وبتاع بنات اكده عدي :هههههه وهو ده اللي خايفه منيه مريم ببراءه:ايوا معني اكده انه هيخوني وهيعاملني وحش وممكن كمان يتجوز عليا وهو مش بيحبني اصلا عدي:متقلقيش ياخيتي اه رعد اكده وانا عارفه بس اللي متأكد منيه انه مهيأذكيش واصل
مريم:واي اللي خلاك تجول اكده ياخوي عدي:لان رعد رغم التار اللي بين العيلتين انا وهو صحاب وانا واثق انه هيحافظ عليكي مريم:يارب ياخوي يالا عن اذنك هطلع فوق اغير خلجاتي لتصعد الي غرفتها المجاوره لغرفه اريج …………………………………………………………………… في مكان اخر كانت تقف فتاه في منتصف غرفتها وتتمايل علي انغام الموسيقي والتي تعبر عن ما تشعر به
الفتاه:مالي حاسه بارتباك وبحاله مش عاديه عقلي اتجنن معاك مش عارفه اي اللي فيا قوم فض الاشتباك او خبي عنيك شويه ده انا واقعه فيك بجد من كلمتين يادوب بلقيني في حته تانيه مبشوفش فيك عيوب وبراقبك ثانيه ثانيه هو انت اي حد هو انت اي حد لتبدا في الغناء بصوت اعلي:انا نفسي اطير فرحانه جدا ودايبه وبغير حاسه بسعاده وده احساس خطير واه واه اي يابت المسخره اللي انتي عاملاها ديه كانت هذه جمله والدتها التي دلفت الي الغرفه اثر صوتها العالي
الفتاه:واه اتفزعت ياما في اي علا:ما تتفزعي ياختي جومي يابت بلاش لكاعه يالا ورانا تنضيف الشجه عشان عيله البحراوي جاين يتجدموا بكره بجي ونخلص من التار ده ليال بحب وهيام:حاضر ياما انزلي وانا نازله وراكي طوالي. علا:طيب لتخرج من غرفتها وتجلس ليال وتتنهد بحب واخيرا بجي يابن البحراوي ليالي عشت احلم باللحظه ديه اخيرا هتتحجج لتنهض وتمشط شعرها الاصفر الحريري التي يصل الي منتصف خصرها وتخرج من الغرفه متجهه الي اسفل
…………………………………………………………………… بعد مرور اسبوع في فيله سالم البحراوي كان يجلس المأذون وتجتمع البلد باكملها فاليوم عقد قرآن اثنان من اكبر عائلات البلد مالك البحراوي ورعد النجعاوي اما في الاعلي كانت تجلس الفتيات وكل منهما تشعر بشعور مختلف فليال تشعر بسعاده شديده ومريم تشعر بخوف ليال لمريم:انا مش مصدقه يامريم بجد فرحانه اوي اخيرا هتجوز حبيبي مريم بابتسامه باهته:الف مبروك ياحبيبتي ربنا يسعدكوا ليال باستغراب من هدوئها:مالك يامريم حساكي مش مبسوطه انتي مش عايزه تتجوزي رعد
مريم:خايفه ياليال كادت ان ترد لتستمع كلا منهما الي صوت الزعاريط لتدلف سيده ما وجعلت كلا منهما توقع ليوقعا معا وتنطلق السعاده في الفيله بسبب اكتمال اجراءات الزواج سوسن لمريم:الف مبروك يابتي يالا جوزك مستنيكي تحت ياضنايا نهضت مريم لتحتضن والدتها بدموع :هتوحشيني ياماما جوي سوسن بدموع ايضا: وانتي جوي ياضنايا ربنا يسعدك يابتي ويرزجك بالذريه الصالحه لتبتعد عنها وتمسح دموعها بحنان:يالا يابتي عشان اخوكي يدخل لعروسته لتوجه انظارها الي ليال وتقول بحنان اموي:الف مبروك يابتي
نهضت ليال لتقبل يديها بحب:الله يبارك فيكي ياامي لتربت علي كفها بحنان وتخرج هي ومريم لتدلف عائله ليال وتودعها وسط دموعها وبعد فتره كانت تجلس في انتظار دلوفه لتتوقف جميع حواسها وترتعش بعنف عندما دلف بهيئه الخاطفه للانفاس ولكنها صدمت من رده فعله التي جعلتها تبكي اسفل وشاحها الذي يخفي وجهها عنه فهي لم تزيله بعد
مالك بقسوه:بصي بقي يابت انتي انا ولا عايز اسمح صوتك ولا عايز اشوفك ولا كنت موافق علي الجوازه ديه من اساسه فهما شهر شهرين تقعدي فيهم هنا زي الكرسي لحد ما نتطلق وانا هسافر القاهره تاني وارجع شعلي وحياتي وانتي اللي يسألك عني تقولي اي حجه اتصرفي المهم اننا نخلص من القرف والتار ووجع الدماغ ده ثم تركها وخرج من الغرفه حيث كان ذهب الجميع بعد عقد القرآن مباشره …………………………………………………………………..
اول مره اكتب روايه باللهجه الصعيديه يارب تعجبكوا💜 #ايمان_شلبي#زوجتي_المجهوله💛 البارت الثاني سيول من الدموع تسقط علي وجنتيها البيضاء المخطلطه بحمره بسبب دموعها فماذا فعلت هي لكل هذهك الاهانه ما ذنبها انها احبته هي لم تنكر انها من اشعلت في رأس عائلتها فكره التخلص من هذا التار لانها تعلم انه سيكون بالزواج وستتزوج معذبها وها قد حققت الهدف ها اصبحت زوجته ولكن ماذا حدث فهو حتي لم يري وجهها لم يستمع الي صوتها الذي ومن المؤكد اذا استمعه سيتيقن بأنها تحبه بل تعشقه ولكنه لم يعطي لها فرصه
………………………………………………………………….. في الاسفل هبط مالك ليجد الجميع يجلسون وتوجهت جميع الانظار اليه فماذا حدث ليهبط بهذه السرعه سالم:واه واه لي سايب عروستك ياولدي مالك بغضب:مش عملتوا اللي انتوا عايزينه ادينا اتجوزنا اهو عشان الزفت التار بس انا مش هفضل هنا دقيقه واحده انا هسافر القاهره دلوقتي واللي فوق ديه تخليها شهر ولا اتنين عشان يصدقوا اننا متجوزين بجد وبعد كده تروح لحالها عن اذنكوا ليخرج بسرعه ويركب سيارته متجهه نحو القاهره
سوسن:يامري يامري علي الفضايح اهل البت يجولوا اي لما يجوا للبت ويلاجوا جوزها طفش سالم:بس ياوليه اسكتي بلاش فضايح سوسن :فضايح اي اكتر من اكده يامري زمان البت جاتله نفسها عياط جومي يااريج يابتي نشوفوها لتنهض اريج ويصعدوا معا الي غرفتها سالم وهو يجلس ويمسك رأسه :شوفت اخوك ياعدي شوفت اخره جعدته في البندر شوفت اخره دلعنا هنجول اي للناس اللي جاين يطمنوا علي بتهم بكره هنجول ابني طفش وساب بتكوا
عدي :اهدي يابوي هنلاجي حل اكيد الله لا يسيئك بلاش تنفعل عشان صحتك سالم:هنجول اي هنجول اي للرجاله اللي هتيجي الصبح عدي:انا عندي حل يابوي سالم:اي هو يابني عدي:احنا هنجول انهم سافروا بعد الفرح علي القاهره يجضوا شهر العسل سالم:تسلم فومك ياولدي بس البت اكيد مش هتسكت اخوك سابها ليله فرحها وجرحها اكيد هتفضحنا ومهتسكتش عدي:خلي الموضوع ده عليا يابوي متجلجش سالم:طيب ياولدي طيب …………………………………………………………………..
في فيله النجعاوي وصل الجميع الي الفيله وكل ذلك لم يرا رعد وجه مريم بسبب الوشاح التي تضعه علي وجهها دلفوا جميعا ليجذبها هو من كفها ببرود دون ان ينطق كلمه لترتعب هي ويقع قلبها بين ارجلها حتي وصلوا الي الغرفه ليفتح هو الباب ويدخلها ايضا ويغلقه هو بصوت رجولي مبروك ياعروسه مريم بخوف:ش شكرا
اقترب هو منها لتبتعد بخوف ليقترب اكثر لتبتعد هي حتي وصلت الي الحائط خلفها ليلتصق هو بها ولفحت انفاسه الساخنه وجهها لينقبض قلبها بعنف وخوف لتجده يمد يده نحو وشاحها الاسود ويجذبه برقه ليتضح وجهها الناصع البياض وعينيها التي تشبه لون البحر الصافي في زرقتها ولكن مهلا مهلا لم هذه الدموع العالقه في بحر عينيها مريم بخوف:بعد عني متجربش رعد باستغراب وهو يرفع حاجبيه:واه واه مالك اكده خايفه ده انا زي جوزك حتي ياعروسه
مريم وهي تضع يديها علي صدره كي تبعده عنها لتثير هذه الحركه رجفه في جسده ليدق قلبه بعنف ويمكن هذه المره الاولي التي يدق بها بهذا الشكل فهو قابل نساء اشكال والوان ولم تؤثر به اي منهما في لمستها هكذا مريم:بعد الله لا يسيئك ابتعد عنها رعد بأستغراب من خوفها لتتجه هي سريعا الي المرحاض وتغلق الباب سريعا رعد في نفسه:واه ديه مجنونه ديه ولا ايه ديه شكلها هتبجي ليله فله ياميله بختك يارعد يانجعاوي
…………………………………………………………………… في فيله البحراوي كانت تجلس ليال كما هي وتبكي وبجانبها اريج وسوسن تضمها بحنان وندم علي ما فعله ابنها سوسن:متزعليش نفسك يابتي هو ميستاهلكيش بكره يطلجك وتتجوزي سيد سيده ولكن ليال لم ترد وانما كانت تضع رأسها علي صدرها وتبكي وتشهق بعنف حتي طرق باب الغرفه لتبتعد عنها سريعا وبأمل ان يكون قد عاد ولكن خاب ظنها عندما وجدته عدي عدي باحراج:ممكن ادخل ياليال ليال بصوت مختنق:اتفضل عدي:انا عارف ان اللي عمله اخوي ده تصرف واعر وواعر جوي كمان بس انتي طبعا اهلك هيجوا يزوروكي بكره ومينفعش تبجي اهني
ليال بصوت مبحوح:يعني اي لا انا هروح لأهلي دلوج اصلا انا مش هجعد في البيت ده دجيجه واحده عدي:تبجي ضعيفه ليال:جصدك اي عدي بحكمه:الست الشاطره هي اللي تجلي جوزها يجيلها لحد عندها انتي مينفعش تستسلمي اكده ياليال ليال بحرقه:استسلم استسلم لايه اخوك جرحني لاه ده جاب سكينه بارده ودبها في جلبي عدي:ليال انا عندي خطه تخليه يجي راكع تحت رجلك وتأدبيه شويه علي اللي عمله ليال:اي هي عدي:………………………………………………………………. ليال بتحدي:وانا موافجه
في صباح اليوم التالي في القاهره وخاصه امام المنزل التي يقطن به مالك توقفت سياره سوداء لتهبط منها فتاه الفتاه:شكرا ياعدي تعبتك معايا جوي عدي:متجوليش اكده المهم فرصتك جدامك اوعي تضيعيها يالا سلام ليال:حاضر لتنظر بتحدي للمنزل :مهضيعش فرصه انتقامي منك هخليك تحبني يابن البحراوي وبعدين اجولك مبجاش ينفع لتصعد درجات السلم وتصل الي الطابق التي يقتن به لتتجه الي الشقه المجاوره لشقته وتفتحها لتبدا رحله الزوجه المجهوله واه واه انا لساني اتعوج😂😂🖤
#ايمان_شلبي#زوجتي_المجهوله💙 البارت الثالث في فيله النجعاوي وخاصه في غرفه رعد ومريم كانت مريم تنام بعمق وخصلات شعرها تتناثر علي وجهها والغريبه انها تحتضن رعد بقوه استيقظ رعد علي صوت المنبه ليجد شيئ ما يكبل خصره ليلتفت ويجدها مريم ولكن توقفت جميع حواسه عندما وجدها بهيئتها تلك وخصلاتها تتناثر علي وجهها ليقترب منها ويزيح خصلاتها برقه ويجد دموعها مازالت من الامس ليتذكر ما حدث فلاش بااك عندما طال انتظار رعد لمريم جن جنونه فهي من ساعه في المرحاض توجه نحو باب المرحاض ودق الباب بقوه
رعد:هتفضلي في الحمام للصبح اياك ولا اي مريم ببكاء:ايوه هفضل للصبح ملكش صالح بيا رعد بغضب:افتحي الباب ده بدل ما اكسره علي نفوخك مريم بعناد :لاه مش هفتحه جولتلك ملكش صالح بيا انا عاوزه اروح لعيلتي انا مش عاوزاه اتجوز طلجني
رعد بجنون:لاه ده انتي اتجننتي بجي ليبتعد خطوه واحده وفي اقل من ثانيه كان داخل المرحاض لدفعه الباب بقوه صرخت مريم بذعر لتجده يقف بهيئه مرعبه ويقترب منها وهي تبتعد ليجذبها فجأه من خصرها بقوه ويهمس بصوت مرعب:بصي يابت الناس شغل الدلع ده معحبهوش انتي مرتي ومهطلجيش خلاص انتي اتكتبتي علي اسم رعد النجعاوي وهو مبيسبش حاجه ملكه واصل فاهمه ياجطه ولا تحبي افهمك بطريجتي مريم وهي ترتعش :لاه مش فاهمه بعد عني انا مهطجش ريحتك اياك انا اتجوزتك عشان ننهي التار شهر وتطلجني
ضغط رعد اكثر علي خصرها:بعينك يابت البحراوي جولتلك مبطلجش ثم ابتعد عنها ليجدها كما هي بفستان الزفاف
رعد بغضب وانفاسه الحاده تلفح وجهها:واه مغيرتيش فستانك كمان هتفضلي اكده للصبح ثم قال بغضب اشد:انا هخرج وخمس دجايج لو مغيرتيش خلجاتك وخرجتي هتشوفي مني وش معتحبهوش واصل ثم خرج وتركها لتنفذ هي كلامه خوفا منه خرجت لتجمد هو مكانه من كتله الجمال التي امامه حيث كانت ترتدي مريم منامه ستان بيضاء اللون وكات وتطلق لشعرها الاصفر الذي يصل الي منتصف خصرها العنان وما يزيدها جمال هذه الدموع التي تجعل وجهها احمر اللون يجعلك تفقد النطق من جمالها ولكنه اتضح عكس ذلك ليقول بصوت حاد:يالا ناكل توجهت هي الي طاوله الطعام بصمت فهي ليست بحاله جيده للجدال لتبدأ في تناول الطعام
ودموعها لن تجف وهو ينظر لها بين كل حين والاخر حتي انهتهت وهو ايضا ليقف هو فجأه ويتجه نحوها ببطئ شديد ارعبها مريم وهي تنهض:ب بتجرب مني لي رعد بخبث:الليله ليلتنا ياعروسه ولا ناسيه اياك مريم بذعر:لاه لاه متجربش لاه الله يخليك متجربش استغرب رعد كل هذا الخوف ليقترب اكثر وهي مع كل خطوه تصرخ بهستريه حتي وصل امامها ليضع كف يديه علي فمها وعينيه تطلق شرارات من النار وعروقه بارزه ووجهه احمر
رعد بصوت حاد :اخرسي اياك لهجتلك مريم وهي تهز رأسها بهستريه وتصرخ بصوت مكتوم وتض*ربه بقبضتها الصغيره علي صدره لتبدأ في الهدوء وقد وضعت يديها علي رأسها لتسقط فاقده الوعي بين ذراعيه ليحملها هو بين ذراعيه ويضعها علي الفراش وظل فتره ينظر الي وجهها حتي ذهب في ثبات عميق باااااك رعد وهو ينظر لها:ياتري حكايتك اي يابت البحراوي ليبعد يديها التي تكبل خصره ببطئ كي لا تستيقظ لينجح اخيرا وينهض من الفراش ليتجه نحو المرحاض
#ايمان_شلبي ……………………………………………………………………. في فيله البحراوي كانت تجلس اريج امام التلفاز فاليوم عطله لتجد سالم يدلف من باب الفيله ويتوجه نحو الاريكه سالم:كيفك يابتي اريج:الحمد لله ياعمي انت كيفك عملتوا اي في المصيبه ديه سالم بارتياح:الحمد لله يابتي اتطمني انا روحت الصبح اتطمن علي مريم وقالولي انهم لسه نايمين وانا بجي جولتلهم ان بتهم سافرت القاهره مع مالك زعلوا طبعا لان احنا مكناش متفجين علي اكده بس انا جولتلهم انها كانت رغبه ليال عشان تكمل تعليمها هناك وتدخل كليه الحجوج زي مالك وهخليها تزورهم كل اسبع وعدت علي خير الحمد لله
اريج بارتياح:طب الحمد لله ياعمي ربنا يهديهم يارب وليال تعرف تخلي مالك يحبها سالم:ان شاء الله اريج يابتي انا كنت عايز اتحدد وياكي في موضوع اكده اريج:اتفضل ياعمي سالم:انتي اتجدملك عريس يابتي شافك امبارح في الفرح وعجبتيه واتجدم لعدي اريج بقهر:وعدي وافج سالم:هو شايف انه مناسب ليكي وجاله انه موافج بس ياخد رأيك الاول اريج وقد كان قلبها ينزف وكادت دموعها ان تسقط ولكنها قالت:بس انا لسه بتعلم ياعمي معوزاش اتجوز دلوج
سالم:يابتي انتي في3ث يعني سنه وهتدخلي كليه وبعدين مين جال انك هتتجوزيه دلوج انتي هتتخطبيلوا اتفاهمتوا كان بها متفاهمتوش كل واحد يروح لحاله السلام عليكوا التفت الجميع ليجدوا عدي قد دلف سالم:وعليكوا من السلام وصلت مرت اخوك ياولدي عدي وهو يجلس علي الاريكه بجانب اريج:ايوا يابوي وصلتها سالم:طب الحمد لله ربنا يهدي سرهم صحيح انا كنت لسه بتكلم مع اريج بت عمك علي العريس اللي متجدملها عدي:انا عن نفسي شايف انه مناسب وخساره ترفضيه
نظرت اليه اريج بصدمه ممزوجه بقهر واحتقار لتقول بصوت مبحوح:انت شايف اكده عدي وهو ينظر لها ببرود:اه اريج وهي تنظر داخل عينيه بتحدي:وانا موافجه ……………………………………………………………………. في القاهره وخاصه في منزل ليال كانت تقف امام المرآه وتمثل وكأنها تتحدث مع احد
ليال:ازي حضرتك انا اسفه لو ازعجتك بس انا لسه ساكنه هنا جديد وكنت محتاجه حد يركبلي الانبوبه ديه لاني مش بعرف لتبتسم بفخر :ايوون حلو اوي لتتجه الي الخروج وهي صدرها يعلو ويهبط بعنف وخوف وحب ايضا فرغم ما فعله الا انه تحب بل تعشقه(عشان مهزقه 😂🙂🙂)طرقت ليال الباب لتستمع الي صوته يطلب منها الانتظار دقائق حتي فتح ليطل بهيئته التي تسلب روحها وتزيل عقلها تماما اما مالك فعندما فتح تصنم في مكانه فمن هذه الملاك ذات العيون الخضراء الساحره والوجه الطفولي لتيقف هكذا فتره كلا منهما حتي حمحمت ليال ليفيق مالك اخيرا
مالك:مين حضرتك ليال بصوت يكاد ان يكون مسموع:ا ازي حضرتك اسفه جدا لو ازعجتك ب بس انا ساكنه هنا في الشقه اللي جمب حضرتك جديد و و كنت محتاجه حد يركبلي الانبوبه لاني مش بعرف مالك بهيمان :ياسلام عيوني ثانيه بس هعمل حاجه وهاجي لحضرتك ليال برقه:اوك لتذهب الي الشقه ويغلق هو الباب ويستند عليه مالك لنفسه:يخربيت كده هو في جمال بالشكل ده يخربيت جمال امك اهي ديه الستات ولا بلاش مش الغفر اللي عندنا في الصعيد انا مشوفتهاش بس متأكد انها غفر ولا عين خضرا ولا شعر اصفر زي ما امي بتقول يابوووي علي الجمال
…………………………………………………………………….. طبعا الكل هيقولي ازي ليال عارفه تتكلم عادي بما انها متعلمه وكانت بتقرأ كتب كتير فهي قدرت تتعلم اللغه وتتكلم بيها 💙 يابوي ديه ليال شكلها هتنفخك يامالك😂😂😂🤦💜 #ايمان_شلبي#زوجتي_المجهوله💜 البارت الرابع في منزل ليال كانت تقف في منتصف المنزل وتقفز بفرحه ليال :دخلت عليه الحجه دخلت عليه لولولولولولي خمسه عليا يييس ده انا هوريك الويل والله لهخليك تجيلي راكع وانا ارفضك ثم قالت بحب بس هرجعلك تاني عشان بحبك لتشهق بفزع عندما رن جرس المنزل لتهندم من وضع ملابسها وتتجه بخطوات واثقه نحو الباب وتفتحه لتجده معذب قلبها
ليال برقه :اتفضل دلف مالك والغريبه انه لم يغلق الباب لم تعلق وانما ذهبت خلفه ليتجه نحو المطبخ مالك :ممكن مفتاح ليال برقه تجعل قلبه يذيب :حاضر دقيقه لتأتي بعد دقائق به ليبدأ مالك في تركيب الانبوبه كل ذلك وهي تقف بجانبه وهو ينظر لها بين كل حين والاخر حتي انتهي تماما مالك بمزاح:واخيرا خلصنا عايزه حاجه تانيه ياانسه صحيح اسمك ايه ليال بتوتر:ها ا اسمي ساره السيوفي مالك وهو يمد يده ليصافحها:مالك البحراوي
لتمد هي يديها وتصافحه ايضا لتسير رجفه في جسد كلا منهما فقد شعر مالك بانه يعرفها او انها تخصه لا يعلم ما هذا الشعور لكنه شعوره مختلف مع هذه الفتاه اما تلك المسكينه فكانت لمسه يديه بالنسبه لها ماس كهربائي ليرتعش جسدها بعنف لاحظه مالك لكنها ابعدت يديها لتعيد ثباتها وتقول بلهجه صعيديه من التوتر اتشرفت بمعرفتك يامالك شكرا جوي تعبتك معايا مالك باستغراب:انتي من الصعيد ليال بتوتر:ها ا ايوا انا من الصعيد بس انا جايه هنا عشان الكليه
مالك:غريبه بس انتي بتتكلمي عادي حلو اوي ليال بثقه:ايوا انا كنت بقرا كتب كتير في الصعيد هي اللي ساعدتني اتكلم كده مالك:برافو والله علي فكره انا كمان من الصعيد ليال بدهشه مصطنعه:والله مالك:اه والله بس انا بقالي سنتين عايش هنا في القاهره عشان شغلي وكليتي وكده صحيح انتي في كليه ايه ليال:انا هقدم في حقوق سنه اولي مالك بفرحه :بجد انا كمان في حقوق ليال بخبث: بس مش غريبه يعني انت عايش كده لوحدك وسايب اهلك ومراتك اكيد انت متجوز شكلك كبير
مالك بقرف:متجوز بس معرفش شكلها ومش عايز اعرفه لاني شهر ولا شهرين وهطلقها ليال بوجع من فكره كرهه لها بدون اسباب :لي مالك:متجوزها عشان ننهي التار ليال:بس لي مدتش لنفسك فرصه مش يمكن لو شوفتها تعجبك وتحبها زي ما بنقرو في الروايات مالك:هههههه ياشيخه انتي هتصدقي كلام الروايات الفكسان ده هتلاقيها شبه عم عبده البواب ليال بقهر:ربنا يسعدك يامالك وشكرا مره تانيه مالك:ويسعدك ياساره يارب متقوليش كده انا تحت امرك يالا مع السلامه
ليال وهي تمسك دموعها:سلام ليخرج هو وهي تغلق الباب وتستند عليه لتجلس ارضا وتبكي بعنف #ايمان_شلبي ………………………………………………………………….. في فيله النجعاوي استيقظت مريم بصداع يكاد ان يفتك برأسها لتلتفت يمين ويسار ولم تجد ذلك الوحش البشري لتتذكر ما حدث ليله امس وتنزل دموعها بصمت حتي وجدت باب المرحاض يفتح ويخرج منه رعد ليرتعش جسدها خوفا منه رعد بسخريه:صباح الخير ياعروسه لم ترد مريم وانما كانت تبكي فقط(مريم مريم كفايه نكد بقي والله ما قدرالك😂) توجه نحوها رعد ليحاصرها بينه وبين الفراش لتبتعد هي بخوف
رعد بهدوء قاتل:نفسي افهم بتعيطي لي انا كلمتك يابت الناس مريم ببكاء كالاطفال:ا انا معرفكش وخايفه منك رعد بذهول من هذه الطفله:وه وه يابت هو انا عفريت اياك مريم :لاه وحش مخيف رعد بغضب وهو يجذبها من ذراعيها ويهزها بعنف:لمي لسانك يابت البحراوي لحسن انا خلجي ضيج مريم بخوف:اهو اهو شايف كيف اتحولت عليا رعد بهمس:انتي اكده لسه مشوفتيش الوحش اللي علي حج وقسما عظما لو فضلتي اكده تبكي زي الاطفال هوريكي وش تاني لسه لحد دلوج مظهرش جومي غيري خلجاتك وحصليني علي تحت هزت رأسها بخوف ليبتعد عنها ويدفعها بقوه
رعد بعصبيه:ده انتي نكد ياشيخه اباااي عليكي وعلي جرفك ليخرج من الغرفه ويغلق الباب بعنف علا والدته: صباح الخير ياعريس لولولولولي الف مبروك ياولدي لتضمه بحب ليضمه هو ايضا رعد لنفسه:الف مبروك علي اي ياحسره عليا علا وهي تبتعد عنه:اومال فين عروستك ياولدي رعد:بتغير خلجاتها ونازله ياما علا:ماشي ياحبيب امك يالا ننزل نستناها تحت ليهبط الدرج هو ووالدته ويتلقي المباركات من العمال في الفيله ووالده عاصم النجعاوي ويجلس الجميع في انتظار مريم
#ايمان_شلبي …………………………………………………………………… في فيله البحراوي كانت تجلس اريج في غرفتها وتبكي وتشهق بعنف حتي ان عدي من كان يمر امام غرفتها استمع الي بكائها ليطرق الباب لتمسح هي دموعها سريعا وتسمح للطارق بالدخول ليدلف عدي لتنظر له باحتقار ممزوج بعتاب عدي :انا سامعك بتبكي في اي عاد اريج بتوتر:ها لاه انا مببكيش واصل اقترب منها عدي ليقف امامها مباشره ويمد يديه لدموعها التي تغرق وجهها ويزيلها ليقول :اومال اي الميه ديه عاد
اريج:م مفيش عيني بتوجعني دخل فيها تراب عدي بعدم تصديق:متأكده اريج :اه عدي:طيب اعملي حسابك بكره العريس واهله جاين يطلبوا يدك اريج بقهر:طيب عدي بشك:انتي مش موافجه لو مش موافجه احنا مهنغصبكيش اريج بدموع:لاه موافقه جلس عدي علي طرف فراشها ليمسح دموعها برقه:طب لي الدموع ديه عاد انتي بتحبي حد يااريج وخايفه تجولي اريج بتوتر:ها لاه لاه انا مبحبش حد عدي وهو يحاوط وجهها ويقول بحنان:اريج انا زي اخوكي الكبير احكيلي ومتخافيش من اي حد واصل
اريج بوجع :لاه ياعدي انت مش زي اخوي عدي بصدمه وهو يبتعد:يعني اي اريج بجراءه:يعني نجوز لبعض فهم عدي ما ترمي اليه لينهض ببرود ويقول:بس انا بعتبرك اختي يااريج ومستحيل نجوز لبعض ليخرج بعدها من الغرفه ويتركها يبكي بوجع ………………………………………………………………….. جماعه انا مريم اللي بتعيط 24ساعه ديه غيظاني ومالك الحلوف اللي مش طايق ليال من غير ما يشوفها غايظني وعدي اللطخ ده برضو غايظني بقولكوا اي انا الابطال كلهم غايظني 🙄🙄🙄🙄🙄🤦
#ايمان_شلبي#زوجتي_المجهوله🖤 البارت الخامس في المساء وخاصه في فيله البحراوي كان يجلس عدي في شرفته وينظر الي اسفل وهو شارد فيما حدث فماذا يعني ما قالته تلك البلهاء فهو يعتبرها كشقيقته مريم فقط ولن يعتقد انه سيحب مره ثانيه بعد فراقها لينظر الي السماء بوجع وكأنها ترتسم علي القمر وتنظر له بأبتسامه صافيه كصفاء قلبها ليتذكر نعم انها حبيبته السابقه التي تعرف عليها في كليه الاعلام واحبها بشده وهي ايضا ولكن القدر فرقهما فقد ماتت هي
فلاش باااك عدي بصدمه:انتي بتجولي اي بسمه ببكاء:للاسف ياعدي اكتشفت اني عندي الكانسر في مرحله متأخره عدي بدموع ولاول مره:اه بس اكيد لي علاج صح هتتعالجي وتبجي زينه بسمه:معتقدش ياعدي انا في اخر ايامي عدي احنا لازم نسيب بعض عدي :اي انتي بتجولي اي يابسمه انا بحبك ومهسبكيش واصل بسمه وهي تمسك كفه برقتها المعهوده:وانا محبتش في حياتي قدك ياعدي ولا هحب بس انا مش عايزه اعلقك بيا اكتر من كده مش عايزه اتعبك بعد م*وتي
عدي بسرعه:بعد الشر عنك انتي هتخفي وهتبجي زينه ان شاء الله نهضت بسمه بدموع لتقول بوجع:هتوحشني اوي ياعدي اوعي تنساني عدي وهو ينهض ليجذبها من معصمها:لاه مهتمشيش مش بعد ما تعلجيني بيكي تمشي اكده لاه بسمه وهي تسحب يديها:مع السلامه ياعدي لتركض سريعا من امامه وهو يقف مصدوم ليمر يومان فقط وقد استمع الي خبر وفاتها في الحقيقه ظل فتره لم يفارق غرفته وممتنع عن الطعام والشراب وممتنع عن الناس ولن يذهب الي الكليه مره اخري حيث كانت تذكره بها
باااك عدي:اتوحشتك جوي جوي يابسمه مهحبش بعدك واصل انتي اللي كنت عايش عشانها في الدنياوهستني اجلي عشان اكون معاها في الاخري ليدلف الي الغرفه ويغلق شرفته ويتوجه الي فراشه ليذهب في النوم لحين موعد الغداء …………………………………………………………………… في فيله النجعاوي هبطت مريم الي اسفل وكانت ترتدي جلباب فضفاض ومحتشم وتضع الطرحه علي رأسها في الحقيقه لم يزيح رعد عينيه من عليها فهي كانت ملاك علي هيئه انسان توجهت مريم الي والد ووالده رعد وقبلت يد كلا منهما باحترام ليربتا علي رأسها بحنان حتي جلست بجانب رعد كل ذلك وهي لن تنطق بحرف من خجلها وخوفها من المتوحش زوجها
عاصم :الواد رعد عامل معاكي اي يابتي اوعي يكون زعلك جولي بس وانا اجطملك رجبته لم تلحق ان ترد مريم حيث التصق بها رعد ووضع يديه علي كتفها بتملك ليقول :وه وه وانا هزعلها لي بس يابوي مريم في عيني لينظر في عينيها بنظره تحذيريه من عينيه السوداء مثل الصقر ليقول بمزاح:مش صح ولا اي يامريم ياحبيبتي مريم بخوف:ها ايوا ايوا ياعمو رعد زين معايا متجلجش عاصم:طب الحمد لله يالا يابنتي بجي شدوا حيلكوا عايزين احفاد كمان تسع شهور
كانت مريم ترتشف من كوب المياه التي امامها لتبصقه بدون وعي بسبب اخر جمله لتنكمش ملامح كلا منهما اشمئزازا منها لتنظر هي بصدمه لما فعلته وتسعل بشده حتي ان وجهها كان عباره عن كتله من الدم خبط رعد علي ظهرها بقوه كي تستطيع التنفس لتبدا وبعد فتره في الهدوء علا:وه جرا اي يابتي انتي زينه مريم باحراج لما فعلته:ا انا اسفه جدا بس شرجت عاصم:ولا يهمك يابتي المهم انك زينه الحمد لله
رعد بخبث وهو يجذبها من خصرها ويهمس في اذنيها:لاه عايزينك تبجي زينه اكده عايزين الفيله يبجي فيها حفيد بعد 9شهور وانا مهكسرش كلمتهم واصل ليغمز لها بعينيه ليحمر وجهها بشده امامهم حتي ان علا وعاصم لاحظوا ليكتموا ضحكتهم بصعوبه علي ابنهم الذي لن يخجل ابدا ……………………………………………………………………. في منزل مالك كان يقف امام المرآه ويصفف شعره لينهي وينظر الي نفسه بثقه فهو كان يمثل رمزا للرجوله والوسامه معا لياخد متعلقاته ويخرج من الغرفه ويفتح الباب وفي نفس الوقت كانت تفتح ليال الباب
مالك:اي ده انتي خارجه ليال وهي تنظر له بوجع في داخلها ولكنها اظهرت عكس ذلك لتقول برقه:اه انا رايحه الكليه مالك:صحيح انتي في كليه اي ليال:في حقوق مالك بفرحه:وانا كمان اي الصدف الحلو ديه من الصعيد ومن نفس الكليه ليال :اه مالك:طب انتي عارفه المكان ولا اي ليال:لا انا اول مره هنا بس اللي يسأل ميتوهش مالك:طب انا ممكن اوصلك بالعربيه انا كده كده رايح كادت ليال ان ترفض خوفا من اهلها لتتذكر انه زوجها ليال لنفسها:يابت العبيطه ده جوزك
مالك :هييه سرحتي فين ليال:ها اوك شكرا يامالك هتعبك معايا مالك بهيمان:انا عيوني ليكي ياساره ليهبط معا متجهين الي الكليه ……………………………………………………………………. في الكليه حيث تجلس فتاتان ولاول مره نتعرف عليهم ريناد:يابنتي هو منفضلك وبيتعتبر انكوا صحاب لي عايزه تحرجي نفسك وخلاص مرام بحقد:بس هو بتاعي هخليه يتجوزني باي طريقه من الطرق ريناد:نفسي افهمك بجد انتي اكيد مش بتحبيه يامرام وانا عارفه ومتأكده اللي زيك ميعرفش يحب اللي زيك بتاع مصلحته
مرام بخبث:عليكي نووور هو ده يعني انا عايزاه عشان فلوسه كادت ان ترد ليجدوا مالك يدلف وبجانبه فتاه قمه في الجمال هبت مرام واقفه لتقول بقلق:مين ديه ريناد :معرفش بس تلاقيها…. لم تكمل جملتها الا وتركتها مرام وتوجهت نحوهم بسرعه مرام وهي تصافح مالك:مالك ازيك لتنظر بقرف لها :مش تعرفنا مين ديه مالك بابتسامه صافيه فهو يعتبرها صديقته :الحمد لله ياميرو اعرفك ساره ساكنه معايا في نفس العماره واكتشفت انها في الكليه ثم نظر الي ليال ليقول:ساره احب اعرفك مرام صديقتي
ليال بغيره حاولت اخفائها:اهلا مرام بقرف:اهلا مالك:اوووبس معلش انا مضطر امشي عشان المحاضره سلام يابنات ساره اديني رقمك بسرعه عشان اكلمك لما اخلص ونروح مع بعض ليال:.012……… ليذهب مالك سريعا ويبقي ليال ومرام مرام وهي تقترب منها:علي فكره انا مش صاحبه مالك وبس ليال بقلق:اومال اي لتهمس في اذنيها بمكر:وحبيبته كمان بس هو عشان عرق صعيدي مبيقولش علي علاقتنا عن اذنك يا ياقطه لتترك ليال في صدمتها ……………………………………………………………………. اه ياخرابه انتي كمان هي كانت نقصاكي🤦🙄
#ايمان_شلبي#زوجتي_المجهوله💙 البارت السادس ليال بصدمه لنفسها :كمان حبيبتك يامالك انا عرفت لي عملت كده عرفت لي سبتني يوم فرحنا عشان العقربه حبيبتك بس وديني يامالك وديني لهخليك تبكي بدل الدموع دم لتجمع شتات نفسها وترفع رأسها بشموخ فهي مهما كان ما بداخلها ستظل الانثي التي لم ولن يثنيها او هذا الحب بل هي انثي بقلب من حديد وان كان ينصهر هذا الحديد من النار التي تنتشر بداخله ولكنك تستطيع ان تشكله كيفما تشاء بقدراتك تذكرت ليال ان لديها محاضره لتلتفت بجسدها نحو ذلك المدرج وتدلف محاضرتها بثبات انثي واثقه
……………………………………………………………………. في فيله البحراوي وخاصه في وقت الغداء كان يجلس الجميع ماعدا عدي حيث صعدت الخادمه لايقاظه وقال لها انه سيهبط ولكنه ذهب في النوم مره اخري سالم:وه عدي منزلش لي لحد دلوج سوسن:والله ياحج مانا عارفه ثنيه الخدامه جالت انه جالها نازل سالم:مانتي عارفه عدي ياسوسن عاد مبيصحاش من جول مره سوسن:عندك حج انا هطلع اصحيه ياحج سالم:خليكي انتي ياحجه خلي اريج تطلع تصحيه
كانت اريج تجلس علي الطاوله بجسدها فقط ولكن في الحقيقه هي كانت في صراع يطول شرحه بين قلبها وعقلها فقلبها يعشقه وينتظر ان يعشقها هو ايضا ولو ربع عشقها وعقلها يذكرها دائما بمعاملته الجافه والقاسيه في بعض الاحيان معها ويذكرها ايضا كيف طعنها منذ قليل عندما قال(:بس انا بعتبرك اختي يااريج ومستحيل نجوز لبعض)ليتمرد عقلها علي قلبها ويفوز ولكنها انتبهت الي جمله عمها ليخفق ذلك الاحمق الذي يدق بين ضلوعها بحب له
سالم بصياح عندما طال سكوتها:اررريج انتبهت اريج واخيرا له لتقول:ها نعم ياعمي سالم:بنجولك يابنتي اطلعي صحي عدي
اريج بتوتر :ح حاضر لتنهض بخطوات بطيئه وهي تتمني في هذا الوقت ان تنشق الارض وتبتلعها فهي تخشي هذا اللقاء بعد ما قالته وبعد ما قاله هو فبذلك علم انها تحبه لتتجه الي الدرج وهي مع كل خطوه تدعو في سرها ان تجده يفتح باب غرفته ويهبط منه بدون ان تدلف هي ولكن كان للقدر رأي اخر حيث وصلت الي باب غرفته ازدردت ريقها بصعوبه لتطرق باب الغرفه ولكن ما من مجيب ادارت المقبض الحديدي والذي يفصل بينها وبينه ليفتح وقد زال الحاجز لتدلف الي الغرفه بخطوات مرتعشه خائفه متوتره وايضا عاشقه لتجده ينام بعمق ويتعرق جبينه بشده ويهز رأسه يمين
ويسار وكأنه يصارع احد الوحوش في احلامه اقتربت منه اكثر لتجده يهزي باسم ما في احلامه لتقرب اذنيها من فمه كي تستمع الي ما يهذي به لتتساقط دموعها علي الفور عندما استمعت الي اسم بسمه فالكل كان يعلم قصه حبهم الاسطوريه وكيف صار عندما توفت ولكنها كانت تعتقد انه لم يعد يتذكرها فهي قد ماتت لتمسح دموعها وتهزه بقوه كي يستيقظ ولكنها شهقت بفزع عندما سحبها من ذراعيها لتسقط فوقه ليقول بدون وعي:بسمه انتي هنا ياحبيبتي اتوحشتك جوي جوي كان قلب اريج يهبط ويصعد بعنف فما هذا الموقف التي لا تحسد عليه فلو قلنا ان قلبها كاد ان يتوقف من نبضه
التي يشبه الفهد في سرعته ليكون قليل علي ما تشعر به لكنها دفعت نفسها بقوه كي تنهض ولكنه كان الاقوي ليستيقظ عدي واخيرا لينظر بصدمه لتكتمل صدمته وصدمتها ايضا عندما دلفت احد الخادمات لتري وحسب تعليمات سالم البحراوي لماذا تاخرت اريج لتشهق الخادمه بفزع لهذا الموقف لتنظر لها اريج بصدمه وخوف ايضا فهذه فضيحه بالنسبه لها لتزيد هذه الصدمه بجمله عدي في اي ياثنيه مبحلجه اكده لي ثنيه:ها ا اصل
عدي بمقاطعه:انا واريج خطوبتنا بكره وبعد ما تخلص ثانويه عامه هنعمله الفرح عجبالك ثنيه بسرعه وصدمه:ها الف مبروك ياعدي بيه الف مبروك يااريج هانم عن اذنكوا عدي بسرعه:ثنيه خدي اريج معاكي لحد ما اغير خلجاتي وانزل ليبعد اريج عنه برقه وهي مصدومه لما حدث وفي اقل من ثواني لينظر لها عدي بتحذير من عينيه البنيه القاتمه ويقول بنره تحذيريه :انزلي ياحبيبتي وانا هنزل وراكي طوالي اريج بخوف:ح حاضر لتهرول سريعا من الغرفه
…………………………………………………………………….
في فيله النجعاوي وخاصه في غرفه رعد ومريم كانت تجلس مريم وتتفحص هاتفها بملل ورعد يجلس ويعمل علي حاسوبه وينظر لها بين كل حين والاخر تركت مريم الهاتف بعصبيه فهي قد ملت لانها ومن وقت الفطار صعدت الي الغرفه ولم تخرج منها وهذا لانها عروس جديده تمردت خصله شارده من خصلات شعرها الحريري اثر عصبيتها لترفعها هي بتلقائيه خلف اذنيها اثارت هذه الحركه مشاعر مختلطه في رعد حيث كان يشعر انه يمتلك العالم بين يديه فالبرغم من انه زواج بسبب التار ولكنه يحمد ربه علي هذه الملاك وفي نفس الوقت كان يشعر انها تخفي سر ويزداد الشك في انها تحب شخص
مثلا لتتهجم ملامحه لفكره انها تحب غيره ويقول في داخله:بعينك يامريم حتي لو بتحبي حد ومش هخليكي تطوليه انتي بتاعتي انا وبس فاق من شروده علي طرقات علي الباب ليجدها تتوجه لتفتحته بشعرها الحريري والذي يصل الي ما بعد خصرها لينهض ويجذبها سريعا قبل ان تفتح رعد بهمس قاتل:رايحه فين ياهانم مريم وهي تحاول ان تجذب ذراعها:وه هكون رايحه فين يعني هفتح الباب اللي بيخبط ده رعد وهو يقربها منه:مستحيل حد يشوفك بشعرك ده غيري انتي فاهمه عاد
مريم بعناد وهي تنظر داخل عينيه السوداء كسواد الليل :لاه مفهماش انت ملكش صالح بيا انا مطايجاكش رعد بغضب وقد لفحت انفاسه الساخنه والغاضبه في آن واحد وجهها :لاه انا ليا صالح بيكي ونص كومان ليقربه اكثر ويهمس في اذنيها برعب:انتي مرتي لو ناسيه افكرك ارتعشت بخوف اثر جملته وكادت ان تصرخ في وجهه ولكن اوقفها طرق الباب مره اخري ليبعدها رعد لتكون خلف الباب ويفتحه بغضب:نعم الخادمه بخوف:ع عاصم بيه مستني حضرتك علي الوكل يابيه
رعد بضيق:طيب انا نازل ليغلق الباب في وجهها بعنف ويلتفت الي تلك التي تقف وتنكمش علي نفسها خوفا من نبره صوته رعد وهو يقترب منها ويحاصرها بينه وبين الحائط:غيري خلجاتك وتكون واسعه وداري شعرك ولو بان خصله هجطعهالك فاهمه مريم بحزن:انت لي بتعمل معايا اكده رعد وقد لانت ملامحه عندما استمع الي نبره صوتها وملامحها الحزينه ليقول بثبات:عملت اي عاد يامريم مريم ببكاء وشهقات كالاطفال:معرفش انت بتزعجلي كتير واحنا لسه تاني يوم اومال هتعمل اي بعدين
نظر لها رعد بندم فهي محقه فيما قالت ليمسح دموعها بطرف يديه برقه ويقول بهدوء:وانتي لي دايما بتعيطي عاد يابت الناس مريم وهي تنظر داخل عينيه بعينيها الرماديه الساحره لتقول بخوف:خايفه منك رعد وهو يحاوط وجهها:خايفه لي انا مهكلكيش مريم بخجل وهي تنظر في كل مكان الا عينيه:بس انا سمعت عنك كلام عفش رعد بذهول:وه سمعتي اي مريم باندفاع:انك بتاع ستات وانك بتشرب حشيش وبتسكر وعفش رعد بذهول اكبر:وه وه سمعتي كل ده مين العفش اللي جالك اكده
مريم:البلد كليتها بتجول اكده عنك رعد ببراءه:انا بتاع ستات اه وبشرب حشيش اه بس اشرب خمره لااااه حد الله بيني وبين الحرام (لا مؤدب ياواد😂) مريم بغضب وهي تدفعه:كنت اتمني يطلع كلام الناس غلط بس هنجول اي زباله انهت جملتها لتجد رعد عينيه كجحيم جهنم علي الارض ووجدته يقترب منها ببطئ جعل قلبها ينتفض رعبا حتي وصل امامها و……… ……………………………………………………………………..
في كليه الحقوق انهت ليال محاضرتها لتخرج بعدها وقد قررت الذهاب ولم تنتظر مالك ولكنها قررت الذهاب اولا الي مول وتنتقي ملابس تليق بها فهي رأت استايل البنات وقد كانت هذه اول خطوه في توقيع مالك في شباكها التغير واثناء مرورها اصطدمت باحد الاشخاص وكادت ان تمطره بسيل من الشتائم لغبائه ولكنها عندما رفعت وجهها صدمت بشده من كونه ذلك الشخص ليرتعش جسدها وتفقد السيطره علي النطق فكيف كيف وهو قد اختفي من سنوات وعندما فقدوا الامل تيقنوا انه مات رفعت يديها لتحاوط وجهه بارتعاش وتقول بدموع:ق قصي اخوي
…………………………………………………………………… رد فعل الفانز =نبغي البارت الجديد هالحين جواب المؤلفه ابغي اقولكوا اني هنام هالحين😂😂😂