#الفصل_الخامس “بصيت ل ماجد لقيت فعلا ماسك ايدي وقريب مني سحبت ايدي بسرعه واتوترت وبعدين بصيت ل علي اتكلمت بهدوء _انت فاهم غلط يا علي رد بحده وهو بيبصلي _فاهم غلط اومال ايه الصح يا هانم مش كنتي واقفه معاه دلوقتي هزيت راسي _اه حصل بس مش زي ما انت فاهم اتعصب_طيب فهميني وقوليلي واقفه معاه ليه في الشارع وقدام الناس ده انتي شويه وتكوني في حض*نه “بصتله بصدمه وبعدها زعقت
_انت قليل الادب يا علي ازاي اصلا تشك فيا كده _وانتي مش محترمه انك تقفي معاه بالوضع ده في الشارع يا هانم اتعصبت_انا مسمحلكش تتكلم كده معايا انا كنت بعدي الشارع والعربيه كانت هتخبطني وهو انقذني ماجد اتكلم _هو فعلا ده حصل وبعدين ممكن تهدى ازاي اصلا تكلمها كده بالاسلوب ده وتزعق في الشارع اتكلم بسخريه _اهمم عشان كده كنت واقف معاها في الشارع انتوا اصلا مرعتش ده انت وهي بتلومني انا
_لا انت فعلا اتجننت يا علي انا مش هسكتلك وهبلغهم في البيت كمان عشان شكلي سكوتي على تحكماتك اداك الحق انك تهني بالشكل ده _طيب يلا قدامي وبكره الصبح هنرجع المدينه انتي مينفعش اصلا تقعدي هنا _مش همشي وانت اتفضل امشي ومتورنيش وشك تاني اتعصب _ امشي قدامي يا رؤى ولا انتي عجبك وقفتك معاه “ماجد كان واقف ماسك نفسه بعد ما سمع اخر كلمتين مسك فيه وضربوا بعض حاولت تفصل بينهم بس ماجد بعدها بعيد وضربه بعض
#ايمان_صالح “كان خالد قاعد مع سما بيضحكوا ووصلتوا رساله قرب من الموبيل وفتحه شاف الرساله استغرب جدا واتصدم ،سكت شويه ف سما قلقت وقربت منه _مالك يا حبيبي “بصلها شويه وهو بيفكر يقولها ايه بس هيقول ايه هيتهمها بالخيانه وهي معاه ومين اصلا صاحب الرساله دي فاق من شروده على هزت أيدها فبصلها وابتسم _هه ولا حاجه يا حبيبتي _طيب فيه ايه الموبيل _لا دي رساله ملهاش لازمه _اجهز الاكل ؟
_مش دلوقتي انا هنزل مشوار نص ساعه واجي _طيب هستناك مش هاكل لحد ما تيجي “هز راسه ونزل وهي واقفه مندهشه هو اتغير ليه فجاه كده ،سمعت صوت ابنها بيعيط راحت شالته ووقفت بيه منتظره زوجها “في بيت شاكر مراته مراته راحت ل سما بعد ما اتاكدت من نزول خالد وخبطت على الباب فتحت سما وهي ماسكه ابنها بصتلها وابتسمت _تعالي يا ام يمنى