مريم أدهم هيتجوز مش هتحضري فرحه! هحضر يا خالو أكيد هحضر. حضنني وطبطب عليا صدقيني رب الخير لا يأتي إلا بالخير. ابتسمت وحطيت أيدي في أيده بعد ما عدلت الخمار يلا بينا. روحت الفرح كان واقف هو وعروسته كان شيء لطيف وهادي جدا.. زينة بنت لطيفة بعيدا عن كونها بقت أيه وهو! هو كعادته خطڤ قلبي مسحت دمعة نزلت من عيوني بالغلط وابتسمت وروحت تجاههم زينة! لفت وبصتلي وابتسمت فحضنتها
كنت بدور عليك يا مريوم.. أنت فيه شيء مضايقك! ابتسمتلها وطبطت على ايديها لا يا حبيبتي ألف ألف مبروك ليكم. بادلتني بابتسامة بسيطة الله يبارك فيك يا مريوم. بصيت لأدهم وحاولت أرسم ملامح اللامبالاة والفرحة على وشي مبارك ليك. كانت عيونه حزينة مليانة مية عذر وعذر.. وعيوني كانت بتقابلهم بعتاب ولوم رد بصوت هادي مخڼوق الله يبارك فيك يا مريم.
صعب صعب حب عمرك اللي من يوم ولادتك أسمك مينفعش يجي بدونه وأسمه مينفعش يجي بدونك في لحظة يروح منك في دقيقة كل شيء ينتهي.. ليه! لسبب غير معلوم تنام في يوم على أمل لقا حبيبك ككل يوم.. تصحى على خبر إنه هيخطب لما عرفت أتصدمت وقلبي أتجمد حتى مروحتش الخطوبة بس بعدها بيومين خالو عزمه عندنا آه صحيح أنا عايشة مع خالو ومرات خالو بسبب إن بابا وماما مسافرين من فترة طويلة يعني معتادة على التشتت من صغري.. لما خالو عزم أدهم وخطيبته أكتشفت إنها لطيفة مش زي ما بيطلع في الروايات بنت هادية وشبهنا بجد.
مريم! بصيت ورايا لقيته يوسف الټفت له وابتسمت فابتسم تعالي نخرج برا شوية أعتقد هيبقى أفضل لك. شاورتله بماشي وخرجنا فضلنا نتمشى لحد ما وقف مريم أدهم أبن عمي وأنا عارفه كويس.. قاعد جوا آه بس قلبه هنا معاك حصل بينكم شيء طيب! ابتسمت الحقيقة يا يوسف إن مفيش أي كلمة تتقال في الموقف ده ده قدر ونصيب ونصيبي أنا وأدهم مش سوى. بس.. قاطعته مفيش بس يلا نرجع القاعة لازم نبقى جنب أخونا.. مش كده!
ابتسم بهدوء أنت أزاي كده! ضحكت بهدوء أنا كده لأني ممئنة إن ده الخير لينا حبينا بعض.. وحب كبير مش أي شيء آه بس وبعدين! كل شيء كان بيحصل كان بيخلي بركة حبنا تقل يا يوسف كلامنا هزارنا وجودنا سوا في حد ذاته أنا وهو مكناش ننفع نهلك قلوبنا كده.. أعتقد إني كنت ناسية إن أدهم مش أخويا زيك وكنت بعاملكم زي بعض. يوسف يبقى أخويا في الرضاعة وأبن خالي وهو وأدهم ولاد خالي بس كل واحد من خال.
مسك أيدي وابتسم هيا بنا لنغزو القاعة. وقفت مكاني فبصلي بأستغراب فكملت بصراحة بقالي فترة طويلة مش بسمع أغاني وإني أسمعها ممكن يعني..! ابتسم وكمل مشي وهو ماسك ايدي وطلع بينا على الكورنيش وجاب أتنين درة كده أحسن! ابتسمت تدري يا واد يا يوسف! والله أنت لو مش أخويا مكنتش سيبتك. رفع حاجبه بغرور أصل بصراحة كده أنا اتحب أصلا. تبا لتواضعك يا يوسف والله.
ضحكنا كتير جايز في ۏجع في مكان في القلب.. دايما وجعنا بيفضل موجود بس هنشيل الفرحة من حياتنا وهنبطل نضحك! زعلانة وجدا بس دي لحظة لطيفة لازم أعيشها حتى وإن كنت هروح أعيط لوحدي في البيت. هروح لأدهم بقى عشان هيطلعوا البيت أطلعي غيري أنت وكده وطمنيني عليك.. أتفقنا ابتسمتله أتفقنا يا چو. أنا ويوسف الفرق بيننا ١٥ يوم ولحسن الحظ إننا أخوات.. يوسف وحيد وأنا هكذا فكنا دايما بنكمل بعض في كل شيء زي أي أتنين
أخوات مش ولاد خال أو عمة لا. خالو جيتوا ابتسم وباص راسي قلقتينا عليك لولا يوسف طمننا كنت هزعل منكم. ابتسمت وضغطت على أيده أنا بخير يا حبيبي أنت عارف إني — بحاول أبطل أغاني بس وده كان هينكسني تاني.. وغير كده يا خالو ربنا قال إننا منرميش نفسنا في التهلكة ووجودي كان بيأذيني رغم إني والله رايداله الخير هو وهي وبحبها وأنت عارف بس أنا بشړ مش ملاك فقلبي بيتوجع ليا بس.
حضنني أدهم صدقيني مكنش مبسوط بس مش عارف ليه عمل ده. كله بيقول مش مبسوط حتى أنا شفت ده.. بس حتى نظرة عيون زينة كانت خالية من أي كره تجاهي ولكن فيها حزن بسيط مجهول المصدر. يوسف جيه أهو أحطلكم تاكلوا! شاورلي بماشي جيت ماشية لقيت مرات خالو بتبتسملي بهدوء يبث في قلبي طمئنينة فبادلتها الابتسام حضرتلهم الأكل وأكلت معاهم.. أصل مقتنعة إقتناع تام إن الزعل ملهوش علاقة بالأكل ولا الشرب.. جايز النوم آه بسبب إننا أوقات كتير بنهرب بس هل أنا لما أمـ,ـوت جعانة هفرح بيكم! يووهه ما يولع قلبي.. المهم كرشي.
كانت حياتي ماشية عادي.. عادي جدا بزعل بشوفهم سوا.. بس بيعدي علشان لازم يعدي لحد ما حصل الشيء اللي ولا أنا ولا قلبي ولا عقلي لدلوقتي قادرين نستوعبه. زينة ماټت. قعدت أستوعب الجملة بس الحقيقة إنها كانت صعبة لدرجة مرعبة أنا عمري عمري ما کرهت زينة أو حبيت أسمع ده بالعكس كنت شيفاها تستحق أدهم وقلب أدهم صعب الإنسان يستوعب شيء زي ده. أدهم! بصلي بعيون حزينة كنت واثق إنك هتيجي.
كان عدى تلات أيام على العزا وكنت معاهم بس مع الستات والبنات فمكنتش بشوفه قعد قدامي فاهم إنك مستغربة زينة سيبالك كام حاجة معايا. بصيت له بعدم فهم فسابني ودخل الأوضة.. شوية وخرج. دي شوية جوابات وورق كانت كتباه وطلبت مني أديهولك ولما تروحي هتلاقي ريكورد مبعوتلك من رقمها.. اسمعيه. أخدت منه الحاجة وعيوني بتدمع زينة كانت عارفة إنها هتمشي شاور بآه وسابني ومشي روحت البيت غيرت ومسكت الورق.. بدأت أفتح ورقة ورا التانية
مريم وقت ما هتقرأي ده بالتأكيد هكون مش موجودة أولا بعتذرلك من كل قلبي على الحزن اللي خيم على قلبك بسببي سامحيني لو قدرت.. لما أدهم عرفني إنه بيحب بنت قبل ما نتجوز رفض يعرفني هي مين ولولا كلام طنط مكنتش هعرف إنها أنت القصة طويلة.. لو قرأت افتحي الريكورد. مسكت تليفوني لقيت ريكورد طويل منها فتحته وحاولت معيطش ولكن بمجرد ما سمعت صوتها عيطت يا مريووميي.. وحشتك صح! أنا عارفة إنك ممكن تكوني شايلة مني بس صدقيني لو كنت أعرف إنها أنت مستحيل كنت أسمح لنفسي أعمل كده وكتير حاولت أقنع أدهم يعرفك
الحقيقة بس رفض عشان محسش بزعل أو ضيقة.. أنا مريضة يا مريم عندي مرض محدش عارفله علاج وكل يوم حالتي بتسوء.. صوتها بدأ يضعف وبان فيه البكا ومع كل جملة بتخرج منها بيخرج معاها آنين لقلبي. أنا شكلي أتغير وعشان كده بطلت أزوركم بقيت وحشة وباهتة أوي يا مريم عرفت ده وقت ما كان شخص هيخطبني ومكنتش هعرف أهرب عشان أهلي ميعرفوش بتعبي ويتعبوا ولجأت لأدهم وهو متأخرش عليا ابدا وساعدني الحقيقة إني مش عارفة أيه الحل.. أدهم بيحبك ومحبش غيرك يا مريم أوعي تتخلي عنه لأجلي يا مريم أدهم يستحق أدهم قلبه مدقش غير ليك يا مريم.. أنت وبس.
سكتت ثانيتين وكملت أنا وأدهم كنا زي الأخوات بالظبط أهلي محدش فيهم يعرف شيء عن تعبي محدش يعرف اي شيء غيرك أنت وأدهم وبس أدهم أكيد أداك مذكرات وكتب.. دول ثروتي الوحيدة يا مريم وأمانة معاك أدعيلي بالرحمة يا عيوني وكفاياك عياط أنا مبسوطة عشان هتكونوا سوا أبقوا زوروني. الحقيقة إني عيطت عيطت كتير لدرجة —