كانت رفيف قاعده بتلاعب رحيم وهو بيضحكلها ابتسمت بحب وحنان علي شكل ضحكته اللي تجنن
سمعت صوت جرس الباب بيرن فااتجهلته وراحت المربيه تفتح
دخل ايهم ووراه واحده جميله اوي بشعر اصفر وعنين زرقا وبقيت ملامحها مش باينه من كتر الميك اب
قرب ايهم من رفيف اللي اتجاهلت وجوده وقال بهدوء
رفيف اقدملك هنا خطيبتي
غمضت رفيف عيونها بآلم وفتحتهم تاني ووقفت وهي بتدي رحيم للمربيه
خديه علي اوضته يا دينا لو
سنحتي وهاجي وراكي
تحت امرك يا رفيف هانم
مشيت دينا برحيم وطلعت علي اوضته ولفت رفيف تبص ل ايهم ول
هنا اللي بتبصلها بغرور
بصلها ايهم بتفحص
مش هتباركيلي
رفعت رفيف حاجبها وهي بتبصله من فوق لتحت
اباركلك علي ايه يا ايهم
علي خطوبتي انا وهنا
ودي خطبتها امتي دي
النهارده
بصت رفيف حواليها وبصت لاايهم تاني
فين ده ولا كنت عاملها سكيتي
هنا بااشمئزاز
يااي سكيتي بيئة اوي يا ايهم ازاي مخليها تقعد مع رحيم
شاورت رفيف علي نفسها وهي بتسأل
انا بيئة
هنا بسخريه
مش شايفه غيرك هنا
صرخت
هنا بفزع بعد ما شافت رفيف هجمت عليها جابتها من شعرها ومسابتهاش غير
وهي وقعة في الارض بتاخد
يتبع
رواية رفيف الأيهم الفصل الخامس 5 بقلم سمسمة سيد
البارت الخامس
نفسها بصعوبه
لفت رفيف ناحية ايهم اللي كان بيتابع بتسليه
بص يا ايهم بيه لو عاوز تتجوز الصفرا دي اتجوزها لكن انك تفكر اني هسمحلها تربي رحيم تبقي غلطان
هتعملي ايه يعني يا رفيف ابني وانا حر فيه ومن حقي اتجوز واعيش حياتي واجبله ام تربيه اكيد مش هيفضل طول عمره معاه المربيه وانتي
هرفع عليك قضية وهاخد حضانته منك انا اولي بيه من واحد مش شايف غير نفسه وحياته بس
حط ايهم ايده في
جيبه وهو بيقول ببرود
اعلي ما في خيلك اركبيه يا رفيف ابني مش هتقدري تاخديه
بصتله رفيف
بغضب وهي بتضغط علي ايدها قبل ما تهجم عليه مسكها ايهم بعد معاناه وقدر يقيد حركتها وهو بيبص في عنيها
رفيف الايهم
للكاتبة سمسمه سيد حصريا لموقع لمحة
اهدي بقي ايه مش هقدر عليكي انا مثلا
رفيف وهي بتحاول تخلص نفسها منه
سيبني سيبني بقولك مش هسمحلك ابدا تغلط في حق رحيم
اترسمت نص ابتسامه علي وش ايهم وهو بيبص لوشها اللي احمر من العصبيه
جميل طلاما عاوزه مصلحه رحيم زيي يبقي عندي ليكي عرض وافقتي عليه ماشي موافقتيش انتي حره
هديت رفيف بعد كلامه وبصتله بترقب
عرض ايه
نتجوز
فتحت رفيف عنيها علي اخرهم بصدمه
ايه نتجووز انت اتجننت انت جوز اختي !
ايهم ببرود
كنت جوز اختك حاليا اختك الله يرحمها
انت ايه الجبروت والقسوة اللي انت فيهم دي ازاي بتتكلم عن نهي كده مش دي اللي كنت بتمو.ت فيها بتتكلم وكانك كنت مجبور عليها او انها مجرد جواز صالونات
لاني فعلا كنت مجبور
بصت رفيف في عيونه بتوهان
يعني ايه طب واعترافك ليا انك كنت بتحبها كان كذب
انا عمري ما حبيت نهي اعترافي ليكي وقتها مكنش علي نهي
سكت ايهم وهو بيبص ليها ولملامح وشها وبعدين اتكلم
اعترافي كان عليكي انتي يا رفيف
يتبع
رواية رفيف الأيهم الفصل السادس 6 بقلم
سمسمة سيد
البارت السادس
اعترافي كان عليكي انتي يا رفيف
رفيف بصتله
بصدمه ورجعت لورا كام خطوه وهي بتهز رأسها ب لا بتحاول تكذب اللي سمعته
ايوه يا رفيف انا محبتش غيرك انتي حاولت حاولت كتير احب نهي بس مقدرتش كنت بعمل كل واجباتي ناحيتها كزوج لكن مقدرتش احبها ابدا محبتش غيرك انتي
مستحيل انت اكيد مش في وعيك يا ايهم
انا بحبك يا رفيف تعالي نتجوز وننسي كل اللي فات ونبدء مع بعض من جديد
ابدا انا لا يمكن
اتجوزك ابدا يا ايهم انت سامع
خلصت رفيف كلامها وطلعت تجري علي بره وهي بتعيط وحاول ايهم يلحقها بس كانت ركبت عربيتها ومشيت بسرعه مسح وشه باايده بتعب
المره دي مش هسيبك يا رفيف مهما كان التمن
روحت رفيف ووصلت بيتها ودخلت من باب البيت ووشها غرقان دموع
شافتها مامتها وجريت عليها بخوف
مالك يا حبيبتي رحيم حصله حاجه
فضلت تعيط بحرقه علي غباءها وانها ضيعت حب عمرها بغباءها وحتي بعد اعترافه بحبه ليها حاسه انها مش فرحانه حاسه انها هبتاخد حق مش ليها
فضلت سعاد تطبطب علي ضهرها وهي بتسألها ايه اللي حصل
ورفيف مكنتش قادره تبطل عياط
خدتها سعاد لحد الكنبه وقعدت وقعدتها وفضلت تطبطب عليها لحد ما ابتدت رفيف تهدي
سعاد بقلق
مالك يا قلب امك انا اول مره اشوفك بتعيطي كده يا حبيبتي طول عمري متعوده عليكي قويه مبتنزليش دمعه قدام حد ايه اللي حصل يا رفيف
وجع في قلبي يا ماما حاسه ان قلبي متكسر مية حته
بعيد الشر علي قلبك يا قلب امك ايه بس اللي حصل
ايهم
ماله ايهم ضايقك في حاجه
عاوز يتجوزني
ايه !!
غمضت رفيف عنيها بحسره ودموعها نازله علي خدها
عاوز يتجوزني يا ماما
سكت سعاد شويه وبعد كده سألت
بتحبيه
بصت رفيف لسعاد بتوتر
انا مش انا
قاطعتها سعاد
متكمليش انا كده اتاكدت بتحبيه من امتي
بصت رفيف في الارض
من قبل ما نهي
تعرفه او تحبه
وهو بيحبك
اتنهدت رفيف بالم وبدأت تحكي لمامتها اللي حصل وبعد ما خلصت
والله يا ماما ما كنت اعرف انه قصده عليا ولو كنت اعرف برضو كنت هسيبه عشان نهي كانت بتحبه
ابتسمت سعاد
علي طيبه بنتها
بس اللي
انا شيفاه ان القدر والنصيب مصمم يجمعكم مع بعض
بصت رفيف لمامتها
يعني ايه يا ماما
يعني ادي لنفسك وليه فرصه تانيه هتكسبي كتير هتكسبي حبك وهتقدري تربي ابن اختك في ح.ضنك محدش هيبقي حنين عليه قدك
ايوه يا ماما بس نهي
قاطعتها سعاد بحزن علي بنتها
نهي ربنا رحمها يا حبيبتي الراجل لما بيحب مبيقدرش يشوف غير الست اللي حبها مكنش هيقدر يحب اختك مهما عدي عليهم
بس يا ماما انا خايفه خايفه اكون باخد حق مش حقي
كان حقك وانتي بغبائك فرطي فيه يا بنت بطني ادي لنفسك فرصه يا رفيف
الحياة مبتقفش يا بنتي
سابتها سعاد وقامت وقامت وراها رفيف دخلت اوضتها ورمت نفسها علي سريرها وقعدت تفكر في كلام مامتها لحد ما راحت في النوم
صحيت بليل علي صوت خبط علي باب اوضتها
قامت وهي مغمضه عين وفاتحه التانيه فتحت باب اوضتها لقت ايهم قدامها من صدمتها قفلت الباب في وشه
سمعت صوت سعاد وهي
بتضحك وبتعتذر من ايهم
سعاد
معلش يا حبيبي من الصدمه بس استنانا بس في الصالون وهاجيبها واجي وراك
ابتسم ايهم وهو بيشكرها
شكرا يا حماتي انا في الصالون مستني
مشي ايهم وراحت سعاد ناحيه باب
اوضة رفيف وخبطت مره وقبل ما تخبط التانيه فتحت رفيف وشدتها لجوه وهي بتبصلها بوشها اللي احمر من الكسوف
ايه اللي جابه هنا يا ماما
سعاد با ابتسامه
جي يعمل الاصول يا رفيف ويطلبك مني
بصت رفيف لمامتها بصدمه
يطلبني منك بتهزري !
ضحكت سعاد علي صدمة بنتها
لا مش بهزر ايهم طلبك مني واصر يجي
معايا لحد اوضتك يسمع ردك بنفسه
رفيف
بتوتر
انا انا مش موافقه
يا بت طب عيني في عينك كده
يووه بقي يا ماما
خلاص خلاص غيري هدومك يلا وتعالي معايا
حاضر يا ماما
