صعيدى علمنى الادب بقلم حنين عادل ٢

يونس: ما تسمحيش للوحش يغيرك ويفقدك الثقه في نفسك اتغلبي عليه واتعلمي من غلطك
روح: قعدتي معاك مش معناها انك تدخل في حياتي ميعاد الدوا بعد ساعه نام يا نمر وبعد ساعه هاجيلك ..
طلعت روح وسابته…
يونس بابتسامه: هتتعبيني يا روح ..النمر ..
………………………….
تيت تيت…صوت قطر ..
بينزل كرم وعلي ضهره شنطته …
بيضحك.
كرم: هاقول لامي ايه دلوك ..كله يهون عشانك يا قمري كله يهون ..

…………………………
بعد ساعه…
دخلت روح لقت يونس علي جمب السرير خالص ولو اتقلب هايقع بتفكر تجيب كرسي تحطه جمبه السرير بتمشي لقته بيتقلب طلعت تجري حطت دراعها وكانت قريبه منه جدا
فتح يونس عينيه وبصلها ..اتوترت من قربه منها بدأت تعدله وشعرها جاي علي وشه وهوا مبتسم …
بعدت عنه …
روح: احم ..يلا ميعاد الدوا
طلعت البرشام وراحه تديه في ايده فتح بوقه ..
حطتله البرشام في بوقه وجت تديله ميه ..
يونس: تعبان بقا هاتعبك ..
روح : سلامتك يا نمر. ..
شربته الميه وقعدت..
روح قامت :

انا جايه اهو…
يونس : وهاتسبيني ..
روح: ولا بطل المحن اللي شغال فيه ده
يونس: محن ليه انا عملت ايه يا بنت عمي ؟!!
روح: عملت ..عملت …مافيش انا نازله وجايه..
نزلت روح …وابتسم يونس..
يونس: لازم تفتحي باب قلبك يا روح ..
………………………
كريمه: وه بتقولي ايه يا خيتي البت دي قاعده مع يونس دلوك
صفاء: بقولك انص*اب وهيا وابوها راحوا يشوفوه وقعدت معاه عشان مافيش حد يراعيه
كريمه: اه وقلبه يرق ليها ومش بعيد تحبه كمان ..
صفاء: يابت هما ناقر ونقير علطول استحاله
كريمه:

ما محبه الا بعد عداوه يا خيتي قومي نعاودوا
صفاء: انتي ناسيه انك تعبانه ولسه هاتعملي عمليه بعد تلات ايام كمان
كريمه: اقعد هنا واسيبه للمصراويه تاخده مني نقعودوا التلات ايام هناك ونبقي نيجي
صفاء: يا خيتي
كريمه: لو ليا خاطر عندك يا خيتي ما ترفضيش انا الحمد لله وهاخد الدوا بالله عليكي ما تقولي لأ.
صفاء: هاقول ايه لا اله الا الله
……………………….
دخلت روح للنمر ومعاها صينيه …
روح : يلا عشان تاكل
يونس: لأ انا شبعان..
روح:

لأ انت ماكلتش حاجه من الصبح وبعدين انت بتاخد مضاد حيوي ..
يونس: صدقيني مش هاقدر.
روح: بس يلا ..
حطت الصينيه وقعدته …
روح مسكت المعلقه ..
روح: شوربه خضار بقا بس ايه وفراخ مسلوقه بقا اكل عيانين بصحيح …
يونس: انتي فاكره انك كده بتشجعيني يعني..
روح: ايوه انا بشجعك تخف عشان م*اتكلش الأكل ده وتاكل المحمر والمشمر
يونس بضحكه: ماشي هاكل بس بشرط
روح: ايه ..
يونس: تأكليني ..
روح ضحكت : ماشي يلا ..
بتمسك الصينيه وبتبدأ تأكله ..
روح:

يلا يا قطه كلي ..
يونس: قطه؟؟!
روح وهيا بتأكله: انت م*اتعرفش ان النمر من سلاله القطط
يونس: لأ ماعرفش..
روح بضحك: اشكرني بقا لأني موسوعه
يونس بيضحك علي كلامها ..
روح: يلا هام يا جمل ..الأكل رايح فين رايح فين ..

يونس : ده لو بتأكلي عيل مش هايبقي كده ..
روح : ولد..كل وانت ساكت ..
يونس ابتسم …
اكلته وحطت الصينيه وراحت جابتله يغسل ايده..
يونس بدأ يقوم من علي السرير ..
روح: رايح فين ..انا جايه معاك.
يونس: متأكده
روح: ايوه ..اجي معاك لو عالمريخ
يونس: مش هاينفع
روح: طب هاجي غصب عنك بقا رايح فين
يونس بضحك: طب يلا ..
مشت معاه لحد باب مقفول ..فتحت الباب ….
يونس بضحك : يلا ادخلي .
روح : الحمام ؟!
يونس بضحك:

مش هاتيجي معايا لو عالمريخ يلا ..
روح: مش لدرجه الحمام يعني
يونس بضحك: بس لاحظي انك مش قد كلامك ..
دخل يونس وهيا وافقه متوتره
بعدت شويه عن الباب ..
روح بتفكير: هما يومين كمان بالكتير وامشي من هنا انا حاسه اني مش مرتاحه ..
بتسمع الباب بيتفتح ..بتروح تسنده وبتقعده علي السرير وبتقوم شعرها بيمسك في السوسته بتاعته
يونس : ما تخليكي كده احسن ..
روح: نعم ؟!!!
يونس: بقول صلاه النبي احسن لان الشعر لما بيدخل في السوسته مش بتبقي حاجه كويسه جدا جدا
روح: طب فكني ..

يونس: فاكراني هافكك بسهوله
روح: بتقول ايه ؟!
يونس: بحاول افكك اهو …
يونس فك شعرها ومسكه وتلقائيا رفعه يشمه ..
روح: خلصت ولا استحليتها .
يونس ساب شعرها .
يونس: استحليتها ..مع مين معاكي انتي ههههههه
روح بغرور: ومالها انا بقي ان شاء الله
يونس: انا استحلاها مع بنت
روح بعصبيه: ليه شايف شنبي خاطط في وشي
يونس:

شايفه الرد جاهز لاي حاجه وكل حاجه انا لما اجي احب هاحب بنت تبقي راجل بره البيت واحلي ست في بيتها تبقي قويه مع اي حد الا انا تبقي رقيقه ولطيفه تقدر تحتويني وتحسسني اني امانها وسندها ..
روح: طيب …تصبح علي خير انا رايحه انام …
طلعت روح وهيا متعصبه…
روح بتفكير: وايه اللي معصبك بقا ان شاء الله انك مش عاجباه ولا انه شايفك راجل ماشي يا نمر دا انت شكلك اعمي …
………………………
في بيت كرم…
قاعد هوا وامه وابوه علي الطبليه بيتعشوا..

..مش فاهم لحقت تاخد اجازة امتي
كرم بتوتر: ايه مضايق انك شوفتني ولا ايه يا بوي
..انا يا ولدي انا كنت مضايق انك مسافر بس مستغرب كيف بالسرعه دي تاخد اچازة
كرم: عادي يا بوي طلبت اجازة حسيت اني تعبان
..تعبان قوم نروح للدكتور
كرم: لاه مرهق بس شويه انا هاقوم ارتاح ..تصبحوا علي خير..
………………………..
الساعه 2 بعد منتصف الليل
دخلت روح علي يونس بالراحه تتطمن عليه ..
قربت منه كان نايم حطت ايدها علي وشه ايده كانت نازله بره السرير عدلتها وطلعت لقت شاكر مقابلها ..
شاكر:

كيفه يابتي دلوك
روح : الحمد لله كويس يا عمي احسن انت كنت فين انت وبابا ومصطفي؟!
شاكر: كنا بندعي ليونس ربنا يشفيه
روح: يارب يا عمي..
بص شاكر عليه وراح اوضته
راحت روح اوضتها ..نامت علي السرير وراحت في النوم…
يونس كان بيتألم بس لما لقي الباب بيتفتح عمل نفسه نايم هوا ده يونس مش بيحب يبين انه موجوع ولا ضعيف ولا بيحب يقلق حد ….
يونس خد مسكن من اللي جمبه علي الكوميدينو وحاول ينام …
……………………….
كرم ماسك تليفونه وبيفكر يرن عليها
كرم:

الا ما كلمتها وانت في مصر هتكلمها دلوك والوقت اتأخر قوي في ايه يا كرم مالك نام والصباح رباح وان شاء الله تقدر تشوفها بكره
………………………
في الصباح ..
روح صحيت علي صوت منبه كانت عملاه عشان يونس..
دخلت خدت شاور ولبست بنطلون اسود واسع وبلوزه فوقه ..
وقفت قدام المرايه تسرح شعرها …
افتكرت لما مسك في السوسته بتاعته وافتكرت كلامه ..
رفعت شعرها وبصت لنفسها تاني..
روح: انتي جامده سيبك منه..
طلعت من اوضتها دخلت اوضته…
لقت يونس ومصطفي وبدر..
روح: صباح الخير
يونس:

صباح النور
بدر: صاحيه بدري يعني
مصطفي : اه غريبه ؟!
روح: عادي كنت قلقانه…اجبلك الفطار
مصطفي: انا اكلته واديته العلاج وحميته وفليته
يونس بعصبيه: مصطفي
مصطفي: قصدي ..انا رايح اذاكر …
بدر: ههههههه خدني معاك ..
روح قعدت: ايه عامل ايه النهارده..
يونس: الحمد لله احسن..
روح: طيب ..
قامت روح نزلت علي المطبخ…
روح: صفيه اعملي عصير
صفيه: حاضر يا ست هانم ..
طلعت روح من المطبخ خبطت في حد…
روح: ااااه مش تحاسب يا اسمك ايه انتي
كريمه بغل:

اسمي كريمه وزقتها عالأرض …
روح: انتي ازاي تعملي كده انتي اتجننتي؟!
كريمه: انا هاوريكي الجنان علي اصوله…

كريمه بغل: اسمي كريمه…
وزقتها عالأرض ..
روح قامت من علي الأرض
روح بعصبيه: لأ انت زودتيها اوي اوي يعني ..تعالي بقا …
روح جابتها من شعرها ولفت دراعها لورا ..
كريمه قعدت تصوت…
روح راحت زقاها علي الأرض …
صفاء دخلت وشافتهم: وه وه ايه اللي انتي عملتيه ده يا قليله الربايه
روح : شوفي اختك الأول يا مرات عمي عملت ايه ..
صفيه كانت واقفه …
صفاء خبطت روح في كتفها وهيا داخله متعمده وقومت كريمه من علي الأرض..
صفاء : طيب راعي انها تعبانه
روح:

بقولك ايه صفيه كانت واقفه تقدري تسأليها ايه اللي حصل
صفاء: ايه اللي حصل يا صفيه
كريمه بصت ل.صفيه ..ة
صفيه:الست كريمه كانت داخله عايزه تشرب الست روح زقتها…
روح: ايوه ..قولوا كده بقا انتم مطبخنها مع بعض..
صفاء بصوت عالي: ايه قله الربايه دي انت ازاي تكلمي مرت عمك كده
روح بعصبيه: بقولكم ايه اطلعوا من دماغي ..
نزل بدر ومصطفي وشاكر علي الصوت…
شاكر: ايه في ايه ؟!!
كريمه ببكاء: داخله اشرب يا عمي زقتني من غير ما اعملها حاجه
روح:

ما حصلش يا عمي هيا اللي زقتني وانا هازقها ليه
صفاء: اسأل صفيه ..
شاكر بعصبيه: ماعنديش حريم يعلي صوتها يلا كل واحد علي اوضته يلا …
روح : ما ينفعش الكلام ده ياعمي
بدر بعصبيه: روووح
روح مشت وهيا متعصبه …
روح: its war ( انها الحرب)
دخلت روح اوضه يونس …
يونس: في ايه ايه الصوت ده
روح: بتسألني في ايه في ان كريمه دي لازم تتربي
يونس بصلها لقي وشها احمر ومناخيرها من الغ*ضب.
يونس: بس عارفه. .
روح: عارفه ..
يونس:

عارفه ايه انا ماكملتش كلامي
روح: عارفه انها لازم تتربي انا هاوريها النجوم في عز الضهر بقا ..
يونس: ايه هاتعملي فيها مقالب زي اللي كنتي بتعمليها معايا ولا هتحطيلها تعبان في الاوضه..
روح : انيل …بالمناسبه انت عرفت ازاي اني كنت حاطالك التعبان؟!
يونس : هههههه اولا مافيش حد يعمل العمله دي غيرك انتي ..
روح: وثانيا؟!
يونس: شوفتك وانتي طالعه بتتسحبي من اوضتي فعرفت انك عامله مصيبه دخلت ادور لقيته ..
روح: وحطيته في اوضته ازاي
يونس: زي ما حطيته في اوضتي
روح: ودي اخلاق ؟!
يونس بضحك:

انا ولا انتي انت دماغك دي جواها ايه ؟!
روح: جواها عقل ومخ …مش عضلات ..وبس بقا اسكت
يونس: ليه عشان تفكري في مصيبه ل.كريمه ..
روح بصتله بعصبيه وطلعت راحت اوضتها …
روح دخلت ورزعت الباب…
روح: انا حته بت م*اتسواش زي دي تعمل معايا كده ده انتي ليله اهلك سودة اصبري علي رزقك بقا ..انت فين يا كرمله …
……………………….
بيصحي كرم من النوم علي صوت تليفونه بيرن …
كرم اتعدل بفرحه: قمر ..
فتح بسرعه ..
كرم: قمر عامله ايه اتوحشتك قوي
روح:

الحمد لله انت اكتر بقولك يا كرم عاوزة حاجه
كرم: اؤمريني
روح: عاوزة…………………………………..
قفلت روح مع كرم ونزلت لحد المطبخ تتسحب وقعدت تبص يمين وشمال …
روح: ههههههه ده انا محضرالك بروجرام هايل يا كريمه واهو بنتسلي اللي يحضر العفريت ومايعرفش يصرفه يعرف ان العفريت هايقرفه ههههههه
………………………
في اوضه شاكر وصفاء..
شاكر: انتي اتجننتي ولا ايه يا مرة
صفاء: اتجننت ليه عشان عاوزة لاختي الستر
شاكر: ومين قالك ان يونس هيوافق ماهي قدامه بقالها سنين
صفاء: خبره انت بس وهوا مش بيردلك طلب واصل
شاكر:

عايزاني اغصب علي ولدي يتجوز اختك ليه بنت هاجوزها غصب عنها .
صفاء: ما انت كنت غاصب عليه يتجوز بت خوك اختي دلوك بقت عفشه
شاكر: مش عايز كلام في الموضوع ده واصل هوا لو بيحبها كان طلبها ده جواز مش لعبه

دخلت روح ليونس ..
يونس: انا قلت ايه
روح: قلت ايه في ايه مالك حامي عليا كده ليه ؟!
يونس: لبسك لبسك يا ست روح ايه ده
روح: ايه ده ايه طب ده محترم قميص طويل اهو عايز ايه اكتر من كده وبعدين انت مالك هنرجع للقديم تاني ولا ايه؟!!
يونس: اه طويل بس مبين تفاصيل جسمك الجامد ده
روح بصدمه: انت بتقول ايه يلا احترم نفسك
يونس: بصي يا روح هسألك سؤال
روح بتوتر: اسأل
يونس: انا ان جبتلك شيكولاته مقفوله بكيستها وشيكولاته من غير كيستها هاتاخدي انهي واحده ..

روح : فهمت قصدك يا يونس
يونس: ايه ده بجد ؟!
روح: ايوه …
يونس: انتي غاليه قوي يا روح ..
روح بتوتر: يلا خد علاجك انا كنت من شويه رايحه اجبلك عصير بس الست كريمه عكرت مزاجي صفيه جابته
يونس: لأ
روح: خد العلاج عما اروح اجبها من شعرها