وهيبه: قومي يا بنتي روحي مع جوزك والاولاد غيري الجو وتعرفي على المزرعه. وبالفعل قامت صبا بعد ضغط كلا من وهيبه ومهران وابوها وامها عليها بان تذهب مع عيسى.
كما ان حاتم وفريده ومياده وكمان ورد وكمان مصطفى خطيب فريده مشي مع بعض علشان يتفرجوا على المزرعه.
حاتم وهو ينظر لصبا الذاهبه مع عيسى هي والاولاد.
حاتم :هيح امتى بقى يبقى ليا زوجه واخدها وانفرد بيها لوحدنا مش ماشي مع العيله كلها.
ورد الضحك: واه.
فريده :وانت بقى يا بتاع ثانوي عاوز تتجوز تعالى كده الناس الثانيه تمو,ت نفسها بقى.
في الوقت ده مصطفى خطيبها نزل بجانب اذونها وهمس
مصطفى: عقبالنا بقى يا فري لاحسن انا خلاص مش قادر. اتكسفت فريده وشها جاب مليون لون وبعدين حاول تتغير الموضوع
فريده :عقبالك يا ورد
ورد: لا لسه بدري لسه على ما اخلص الجامعه الاول. عقبالك انت عاد وغمزت لها.
مياده: وعقبالي انا كمان هيح.
فريده :نهارك اسود انت عاوزه تتجوزي على الواد وهو مسافر
مياده: يا شيخه تنيلي مش لما اتجوزه هو الاول. وضحكت وضحكت جميع الموجودين.
فيها هذه اللحظه سمع صوت من وراهم بيقول وبالنسبه بقى للى في بطنك ايه سرقتيه من واحده كانت حامل فبص الجميع على مصدر الصوت ولقيوها صبا.
مياده: ايه ده انت جيتي