وهيبه انا عايزه اطمن عليها يا ولدي
يونس اطمن يا امي هي هتبقى كويسه ان شاء الله بس دلوقتي ممنوع حد يدخل عندها
عيسى روحي يا امي مع ابوي واخواتي وان شاء الله اول ما تفوق وتبقى بخير هخليك تيجي تشوفيها. انما وجودك هنا هيخليك تتعبي واحنا عاوزينك عافيه وقويه
صفا اخواتي بيتكلموا صوح ياما يلا بينا. فعلا روحت وهيبه هي وبناتها وجميله مرات ابنها وكمان مهران ومحمد الى البيت ومحمد راح يشوف الشغل لان عيسى مش هيروح.
يونس طلب من عيسى انه يروح هو كمان لكن عيسى رفض رفض قاطع وقال انه مش هيتحرك من هنا.
غير لما يطمن عليها الاول واضطر يونس انه يسيبه لانه عارف انه مش هيقدر عليه. وفضل عيسى بره الاوضه وهو متوتر وحزين وبعد شويه جه عليه يونس يطمن عليه وطلب منه عيسى انه يدخل يشوفها ويطمن عليها
يونس بس ما تعوقش عندها يا اخويا لان ده غلط عليها.
عيسى اطمن مش هعوج
يونس تمام ودخل عيسى عقم وكويس جدا وبعدين دخله يشوف صبا اللي اول ما شافها دموع نزلت اللي كان حابسها من وقت اللي حصل بس دلوقتي انهارت وهو مش قادر يشوفها بالشكل ده قدامه مكان وشها يحاكي المـ,ـوتى كان شاحب ولونه اصفر شايفايفها لونها زرقاء كانها بتمـ,ـوت فعلا وده اثر فيه جدا وخلاه مش قادر يحبس دموعه اكثر من كده
عيسى لازم تقومي يا نبض القلب لانك لو جرى لك حاجه قلبي هيقف عن النبض انا لسه ما بداتش حياتي معاكي عشان تسيبيني وتمشي انا ما صدقت اني لقيتك ووعد مني اني هجيب لك حقك
وهنتقم من اللي عمل كده اشد انتقام هخليه يعرف هو واقف قدام مين وكان عايز يؤذي مين. دقائق ودخل يونس ليه اللي اول ما عيسى حس بيه مسح دموعه فورا
يونس كفايه كده يا اخويا لازم تخرج
وفعلا خرج عيسى وهو قلقان جدا عليها فوجهها لا يبشر بالخير ابدا.
البارت الثامن عشر
عيسى بعد ما خرج من غرفه صبا كان حزين جدا ومتضايق وكان متوتر لان وشها لا يبشر بالخير ابدا
عيسى طمني يا اخويا انا لما دخلت وشفتها حسيت اني خلاص كانها ميته ان في امل انها تخفه وتفوق وتقف ثانيه على حيلها
يونس اطمن يا اخوي ان شاء الله خير تعدي بس لكم ساعه الجايين دول وهنتاكد من المضاعفات اللي حصلت اهم حاجه دلوقت ان السمن ما بقاش موجود وخرج كله من جسمها عاوز بس اعرف تاثيره ايه على اعضائها كمان بالنسبه لوشها فده طبيعي لان دي حاله تسمم حل ربنا بيحبها لان التحاليل اثبتت
ان السم اللي اخذته شديد بس ربك لطف بينا
عيسى الحمد لله
يونس انا بقول روح ارتاح من حد ونطمن عليها وبعد كده ابقى تعالى
عيسى انا مش هروح من اهنه الا لما اطمن عليها الاول
يونس ماشي يا اخويا هسيبك عشان عندي حالات لازم امر عليها
هزه عيسى راسه دليل على الموافقه ذهب يونس يباشر عمله وظل عيسى في مكانه امام غرفه صبا هو غير قادر على نسيان وجهها وصوتها وهي تنده باسمه عندما سقطت وفقدت وعيها لم يذهب من اذنه من وقتها
عيسى يا الله اشفيها لي يا رب انا ما صدقت لقيتها
مش بعد ما قلبي ينبض والاقى البني ادمه اللي احبها بجد تروح منى كده يا رب قويني واشفيها عشاني يا رب كمان عشان خاطر ولادها هقول لهم ايه هقول لابوها ايه اللي وصاني عليها وقالى بنتي امانه في رقبتك هقوله انا خنت الامانه وما عرفتش احافظ عليها يا رب قويني وخليك معانا. ودقائق وكان يسمع صوت تليفونه يرن اخرجه لكي يرى من يتصل به وكانت الصدمه عندما وجد رقم فضل والد صبا
عيسى هعمل ايه بس يا ربي هقول له ايه مش لازم يعرفوا حاجه.
وقام بالرد عليه
عيسى بهدوء الو السلام عليكم ورحمه الله وبركاته
فضل وعليكم السلام ورحمه الله وبركاته ازيك يا ابني عامل ايه
عيسى في نعمه والحمد لله انتم عاملين ايه وامي اخبارها ايه كمان الولاد عاملين ايه معاكم مغلبينكم
فضل في فضل ونعمه الحمد لله رب العالمين يا حبيبي والاولاد كويسين بس هم كانوا عايزين يكلموا مامتهم
عيسى بتوتر طبعا بس انا دلوقتي في الشغل وهي في البيت
فضل احنا رنينا على تليفونها بس مقفول
عيسى اه اصله وقع من ايديها اتكسر وانا هجيب لها واحد ثاني غيره ان شاء الله
ولما اروح
كمان يومين اكده هخليها تكلمكم من على تليفوني او اكون جبت تليفون علشان تكلمكم براحتها.
فضل انت مش هتروح غير بعد يومين
عيسى ايوه اصلي في الغردقه في شغل وهروح بعد يومين ثلاثه اكده.
(زواج تحت التهديد بقلمي اسراء محمود لا اله الا الله وحده لا شريك له له الملك وله الحمد يحيي ويميت وهو على كل شيء قدير)
فضل ربنا يقويك يا حبيبي طب طمني عليها هي كويسه
عيسى بصوت يحاول ان يكون طبيعي اه الحمد لله كويسه وبخير انا كنت لسه من شويه بكلم اختي وكلمتها واطمنت عليها وهي بخير والحمد لله
فضل تمام يا حبيبي ربنا يجعلكم دائما بخير وفي نعمه
عيسى امين يا رب العالمين امال امي فين
فضل خذ اهي معاك هي قلقانه على صبا وبتقول حاسه انها تعبانه
عيسى صبا بخير والحمد لله
اطمنوا عليها
هدى الو ايوه يا عيسى يا ابني
عيسى كيفك يا امي
هدى بخير طول ما انتم بخير يا حبيبي انت متاكد ان صبا كويسه وبخير
عيسى اه الحمد لله هي بخير وطمني بالك واول لما اوصل هناك ان شاء الله هخليها تكلمكم
هدى تمام يا حبيبي ربنا يطمني عليكم يا رب يلا محتاج حاجه
عيسى محتاج سلامتكم يا ست الكل سلام عليكم
هدى وعليكم السلام ثم اغلق عيسى الخط وهو يتنهد تنهيده كبيره
عيسى يا رب قويني وقومها بالسلامه
اما بقى عند سلمى فكانت قاعده فرحانه جدا ومبسوطه من اللي
حصل ومتاكده ان صبا هتمـ,ـوت لا محاله وكانت قاعده منتظره انهم يجوا من المستشفى علشان تتاكد من مـ,ـوتها واول ما شافتهم داخلين جريت عليهم
سلمى وهي تدعي الحزن طمني يا خالي طمنيني يا مرات خالي هي عامله ايه دلوقت
مهران بخير والحمد لله يا بنتي الحمد لله ربنا لطف بينا وقدروا ينقذوها
سلمى بصدمه كيف قصدي يعني من ايه
صفا العصير كان فيه سم وهي شربته ولولا ربنا ستر وهي رجعت على طول كانت ماتت قبل ما توصل المستشفى
سلمى وهي تحاول ان تداري حقدها الحمد لله وربنا يقومها بالسلامه امال فين عيسى
ورده عيسى
ويا مرته هيكون فين يعني اكيد مش هيسيبها ويجي يقعد ويانا
سلمى طيب بالراحه انا بس بطمن
ورد اطمنتي ولا لسه في تحقيق كمان
ثم تركوها ودخلوا وهي واقفه تلعن صبا وحظها معا
سلمى عامله كيف القطه بسبع ارواح كل ما خلص عليك من حته تقومي ولا كان حاجه حصلت. بس ملحوجه انا لازم اخلص عليك لو ما نفعش المره دي اكيد هتنفع المره الجايه
ثم دخلت اليهم حتى لا يلاحظ احد كلامها ولا يسمعها ولا حتى يلاحظ فرحتها بما حدث حتى لا يتهمها احد.
اما عند عيسى في المستشفى فهو فضل هناك حتى انه نام في المستشفى وما سمعش كلام يونس اللي حاول معاه انه يرجع البيت بس لا حياه لمن تنادي. اليوم التاني دخل يونس ومعه مجموعه من الاطباء كي يفحصوا صبا ويطمئنوا عليها وكان بالخارج عيسى وهو متوتر للغايه لا يعلم ماذا يحدث معهم بالداخل بالاضافه الى ان اغلب الدكاتره اللي دخلوا صبا كانوا رجال وده كان مضايق عيسى جدا ولكن اضطر يوافق لان ده في مصلحه صبا.
بعد فتره كبيره قعدها الدكاتره جوه عند صبا خرجوا وكان معاهم يونس
جري عليه عيسى اول ما شافه وخرج من الاوضه
عيسى طمني يا اخويا ايه الاخبار وليه عوجتوا كل ده جوه
يونس الدكاتره كانوا بيطمنوا عن مؤشرات الحيويه للمريضه هي بخير والمؤشرات بتاعتها مطمئنه جدا لكن للاسف
عيسى وهو ينزل له للاسف ايه
يونس مرتك دخلت غيبوبه الله اعلم ممكن تفوق منها امتى
عيسى يعني ايه
يونس هي دلوقتي في غيبوبه ممكن تفوق منها بعد ساعه بعد شهر بعد يوم بعد اسبوع بعد سنه الله اعلم
عيسى واحنا هنسكت هنسيبها كده
يونس للاسف يا اخوي ما فيش حاجه في ايدينا ممكن نعملها غير اننا ندعي ربنا ونستنى ونشوف وان شاء الله ربك يهونها
عيسى بصوت مخنوق يا رب يا اخويا ينفع ادخل عندها
يونس ينفع تدخل يا اخوي بس انا عاوزك تروح تريح حالك وتبقى تاجي اكيد مش تفضل هنا لحد ما هي تفوق كمان لازم نعرفه السم ده جه العصير كيف
عيسى ادخل اطمن عليها الاول وبعد كده هروح بس عشان اعرف مين اللي عمل اكده وبعدها مش هروح من اهنه غير وهي في يدي