در بقلم ساره مجدي

تعريف الشخصيات
عيون 25 سنة
بنت جميلة دمها خفيف تحسها طفلة فى نفسها شغالة اخصاءية اجتماعية الصبح وبليل كوافيرة علشان تصرف على نفسها ابوها وامها متوفين وعايشة مع عمتها فى حى شعبى عايشة فى عالم الاحلام رومانسية الى ابعد الحدود
ايات:بنت عمت عيون 19 عيون برنسية الجامعة الكل يتمنى نظرة منها متنكة جدا مفيش حد يقدر يملى عينها ابدا…مبتشتغلش فى شغل البيت خالص …كل الجامعة عارفة علاقتها بعلى بتمشى معاه بيقولو هيتخطبوا بعد ميخلصوا جامعة ايات مش بتحبه هى واخداه علشان كل البنات بتتكلم عنه طبعا فاهمين عيون مش فى دماغها اصلا
اعتدال:عمت عيون انسانة طماعة بتحب

الفلوس زى عنيها
بتكره عيون جدا بتحسدها على جمالها ومقتنعة انها هنخطف كل حاجة من بنتها ايات قاتحة محل ملابس
..بتطلع عين عيون فى شغل البيت
احمد:ابن عمت عيون30 سنة شغال مندوب مبيعاب شاب صايع السجاير مش بتفارق ايده بيحب عيون بس هى مش بتحبه
الاء:

صاحبة عيون واقرب واحدة ليها
مومن:شاب وسيم 21 سنة الدم الخفيف والتناكة اللى على حق
جاسر الالفى:30 سنة رجل اعمال صاحب شركات مجموعة الالفى للادوية شاب غامض قاسى الطبع كاره صنف النساء اجمع عايش فى فلة كبيرة مع ابوه وسته ومرات ابوه اب لبنت عندها 5 سنين
بسملة:بنت جاسر عدوانية ومشاغبة وبتغير على باباها جدا
فاطمة:ست باسل ست طيبة وحنينة
الالفى باشا:ذ55 سنة والد جاسر قاسى مع ابنه عمره محسسه بطعم الابوة ابدا بس عايش لشهواته
صافى:34 سنة مرات الالفى باشا بس حطا عنيها على جاسر
مازن:الحب الاول لعيون بس سابها ليه مش هقولكوا

دلوقتى
العزبى:44 سنة كبير حارة العزبى رجل قاسى الطبع اتعود لما بيكون عايز حاجة بياخدها
ياترى ايه علاقة العزبى ب بطال الشخصيات؟عيون هتقع فى طريق جاسر ولا لا؟ايات هتفضل لحد امتى متنكة وشايفة نفسها
دة اللى هنعرفه فى احداث رواية امتلاك بالاجبار رواية امتلاك بالاجبار 1_2 الحلقة 1
فى حى شعبى من احياء القاهرة تستيقظ بطلتنا على رنين هاتفها

عيون بتعب:الو
الاء:يخربيت سنينك انتى لسة نايمة لحد دلوقتى قومى دى المديرة هتطلع عينك
عيون:احنا بالصلاة على النبى مش بنخاف من حد وبعدين انتى لو تعرفى ايه اللى مصحينى متاخر هتعذرينى
الاء:عمتك برده مش كدة
عيون:ايوة ياختى هو فى غير عمتى ….بحسها امنا الغولة فى نفسها… بس هعمل ايه كفايا هى مقعدانى ف بيتها بعد موت ابويا وامى الله يرحمهم
الاء:معلش ياعيون استحملى ان خلقنا الانسان فى كبد..دى اكيد ياعينى خليتك تسهرى على الموعين مش كدة
عيون:نهايتوا بقولك ايه هى الساعة كام دلوقتى بس يعنى على فكرة انا مش مدرسة انا اخصاءية يعنى ملوش لزوم

اصحا من صباحية ربنا علشان اروح المدرسة
ولا ايه
الاء:الساعة 8 ونص ياعيون تعالى منا برده اخصاءية زيك بس انتى عارفة ان من ساعة م جوزى الله يرحمه م مات مبقتش احب قاعدة البيت خالص
عيون:ايوة جاية على طول مش هتاخر بس ربنا يصبرنى على ام الاتوبيس اللى بركبه كل يوم دة
الاء:ربنا يصبرنا كلنا ياعيون الحامى ربك اخلصى بقا انا زهقانة
عيون:ماشى ياختى ….اصل انا شوية لب هييجوا يسلوكى….

يلة سلام يااخرة صبرى
الاء:سلام
قفلت عيون مع الاء ولبست لبس محترم علشان تخرج من الاوضة خرجت منها ودخلت الحمام غسلت وشها ودخلت الاوضة لبست ونزلت
فى الشارع
قدام عربية الفول
عيون:صباح الفل ياراجل ياطيب
برعى:صباح القشطة على ست البنات كلهم
عيون:يلة ياعم برعى عصافير بطنى بتسوسو يلة اشجينى بسندوتشات الفول انت عارف مش بعرف اقاومهم
برعى:من عينى ياست العرايس
عملها السندوتشات
عيون خدتهم
عيون:تسلملى ياراجل ياطيب سلاموز
برعى:سلام يابنتى ربنا يستر عرضك يارب
عيون:تسلملى ياعم برعى سلام
برعى:سلام
فى مدرسة ما
الاء:مش مواعيد دى

ياعيون ايه التاخير دة
عيون وهى بترمى نفسها على الكرسى بتعب
عيون:ونبى اتنيلى دة انا بيطلع عينى والله لسة متخنقة مع واحد والله ناقص رباية قاعدة ف امان الله هو عمال كل شوية يقرب لحد م قرب يلزق فيا اتخانقت معاه وفرجت العربية كلها عليه
الاء:احسن يستاهل…لحد امتى هنفضل نخاف تصدقى فى بنات بتخاف تتكلم لحسن يكون معاه مطوة ولا حاجة يغزها بيها
عيون:ربنا يحفظنا ياالاء
الاء:امين يارب
فى بيت عيون
اعتدال:هى السنيورة مشيت
ايات وهى باصة فى المرايا مبسوطة بنفسها وبجمالها
ايات:ايوة يامامى مشيت وبليز بلاش كلام فى سيرة الناس وقربت

منها وقالت:يلة بقا يامامى اتجدعنى كدة وهاتى فلوس اركب تاكسى مش معقولة واحدة بجمالى دة وتركب اتوبيس زى المحروسة عيون
اعتدال:انتى يابت انتى على طول عايزة فلوس خدى ياختى على الله يطمر فيكى
ايات:هيطمر يادودو يلة سلام
فى كافيتريا الجامعة
غادة:انتى مش هتبطلى كلام فى سيرة ايات لحد امتى هيفضل الحقد مالى قلبك من ناحيتها
بسمة:انا…اخص عليكى…طب يعنى ايات عندها ايه مش عندى طب والله انا لو قلعب الحجاب دة وعملت ربع اللى بتعمله فى نفسها لهمشى ورايا الجامعة كلها
غادة:دة اسمه احساس بالنقص يابسمة
على دخل عليهم وقال
على:بتعملوا ايه
غادة:الناس

بتقول صباح الخير مش بتعملوا ايه
على:ياستى اسفين لجلالتك هى ايات لسة مجاتش ولا ايه دى المحاضرة قربت تبدا
بسمة:لا مجاتش… لو عايز تقعد معانا لحد متيجى اوك مفيش مشاكل
على:اشطا
وقعدوا يرغوا شوية لحد مجت ايات اللى حطت ايدها على عيون على
على:قديمة…دى انتى ياايات
ايات قاعدت على الكرسى اللى جمبه:يوووو عرفت منين انه انا
على:البرفيوم اللى انتى بتحطيه كل يوم مش محتاجة زكاء
ايات:اه صحيح هو انت قاعد بتعمل ايه عندك
على بعدم فهم:مش فاهم قصدك ايه
بسمة:دى اكيد بتغير عليك ياعلى قوم لاحسن تضربك ولا حاجة
وضحكت

على اتعصب وقال:تضرب مين هى تقدر…دة انا اكسر ايدها
ايات مسكت ايده وغمزتله وقالت:احبك وانت عنيف وكملت بدلع وقالت: يلة بقا خلينا نخش المحاضرة سلام يابنات
على وايات مشيوا رايحين المحاضرة
غادة:

الغيرة باينة فى عنيكى اوى على فكرة
بسمة:انا بغير وهغير ليه ان شاء الله وكمان على دة مش استايلى خالص
غادة:ماشى يابسمة يلة قومى عجبتك القاعدة ولا ايه
بسمة:يلة
فى حى راقى جدا
وفى فلة كبيرة ومنظمة
جاسر ينزل ومعاه مفاتيح العربية
جاسر:صباح الخير
فاطمة:صباح الخير يبنى تعالى افطر معانا
جاسر:لا ياستى مش جعان هى بسملة صحيت ولا لسة
صافى بتكلمه وهى بتاكل وتقول:بنتك شكلها مش هتصحا دلوقتى خالص سهرت على البلاى ستيشن طول الليل
فاطمة:طب متروح يبنى تصحيها علشان خاطرى
جاسر:خلاص براحتها انا مش فاضى للكلام دة انا

عندى اجتماع مهم ولازم اروح الشركة بدرى
ومشى
فاطمة:ايدة يعنى الواد يقولك صباح الخير وانت متردش عليه
الالفى باشا:متكبريش الموضوع هو قال صباح الخير ليا يعنى مقالها ليا وليكى ولصافى وانتى عارفة حفيدك كل كلمة بيقولها من تحت ضرسه
فاطمة:بسببك انت عمرك محسسته بطعم الابوة وبالتالى مش عايز يعرف البنت يعنى ايه اب ولا هيعرف يعوض البنت عن امها
صافى ببرود:احنا مالنا بكل دة..هو احنا اللى قولناله يروح يقتل مراته..وبعدين الموضوع دة خلاه يكرة بنته اللى من لحمه ودمه
فاطمة بعصبية:صافى مش عايزة اسمع منك كلام فى السيرة دى انتى فاهمة هو قتلها علشان خانته

مش علشان قاتل ومفيش اب بيكره بنته انتى فاهمة ولا لا
الالفى باشا:خلاص ياامى بلاش تتعصبى انتى تعبانة
فاطمة:انا هطلع استريح فى اوضتى خلى الشغالة تجيبلى قهوة
الالفى باشا:حاضر ياامى
وطلعت
الالفى قرب من صافى وشدها ليه
صافى:يووو يخربيتك اتهد
الالفى:هو اللى متجوز واحدة زيك يعرف يتهد ابدا
وباسها فى شفايفها وهنا
سكتت شهرزاد عن الكلام الغير مباح
فى اوضة بسملة
فاطمة بتصحيها
فاطمة:بسملة قومى ياحبيبة سته بسملة>
بسملة:اوف بقا بسملة تصحى دوواقتى لا بسملة تعبانة وعايزة تنام اه
فاطمة:يعنى مش عايزة تروحى المدرسة وتشوفى صحابك وتلعبى

معاهم
بسملة:لا بسملة عندها صحاب لا بسملة لوحدها اه
فاطمة زعلت على بنت حفيدها وقالت:طب قومى كلمينى انا ست كبيرة ومش حمل مناهدة
بسملة قامت وقالت:ها تيتة
فاطمة:خلاص الوقت اتاخر ومينفعش تروحى المدرسة دلوقتى
بسملة:تيتة عسل وانا بحبها قد البحر
وحضنتها وباستها
فاطمة:ماشى ماشى كلى بعقلى حلاوة ياست بسملة
بسملة:بسملة تكمل نوم اه تصبحى على خير
وشدت اللحاف عليها وكملت نوم
فاطمة:ربنا يهديكى يابسملة
فى مدرسة ما
طق طق
عيون:هى المديرة مش موجودة هنا لو سمحت
لقت واحد عمال بيبصلها برغبة واضحة هى حسيتها
الرجل:لا مش

هنا
عيون:الحقيقة كان فى ملف عن طالبة فى المدرسة هى كانت طالباه منى ضرورى
الرجل:اه تعالى حطيه على المكتب هنا
عيون بتمشى ناحية المكتب وبتحاول تكون قوية
عيون حطت الملف على المكتب وحست بايد الراجل بتمر على جسمها وباسها فى رقبتها حست بقرف وبعدت عنه بسرعة
عيون بعصبية:انت راجل قليل الادب انت ازاى تعمل كدة ايه الجراه اللى انت فيها دى….

دة انا هفضحك فى المدرسة كلها
الرجل:امشى ياشاطرة من هنا…انتى متعرفيش انا مين ولا ايه
عيون:لا انا ميشرفنيش اتعرف على واحد قذر زيك
الرجل بعلو صوت:اتلمى يابت بدل مدفنك صاحية فى مكانك انتى فاهمة دة انا ممكن اقطع عيشك فى ثانية لانى ابقا جوز مديرة المدرسة وتخيلى بقا انا ممكن اعمل ايه
عيون:هو انت متخيل انى ممكن اقعد فى المدرسة دى بعد انهردة بلغ المديرة باستقالتى عن اذنك
ومشيت
فى اوضة المدرسين
عيون قعدت على المكتب وعيطت
الاء:فى ايه ياعيون ايه اللى حصل
عيون بعياط:الدنيا جات عليا اوى ياالاء انا تعبت بجد..تصورى

راجل بجد معرفش بعنى ايه تربية حاول يتحرش بيا فى مكتب المديرة وقولتلوا انى ماشية من هنا
الاء:انتى مجنونة تمشى فين دة انتى المفروض تفضحيه فى المدرسة كلها
عيون بعياط:افضح مين بس ياالاء دة يبقى جوز المديرة يعنى ممكن يحرف الكلام واكيد المديرة هتصدق جوزها يعنى
الاء:طب هتعملى ايه ياعيون
عيون:مش عارفة ياالاء مش عارفة بجد
قى حارة العزبى
عيون ماشية فى امان الله
ايه ياجميل حورية الحارة ماشية لوحدها ليه
لا يبنى دى فاقت الحورية بمراحل متيجى ونجيب مليجى ياقمر
طب بدل متمشى لوحدك تعالى واحنا هنسليكى
اموت انا فى

التقيل
كانوا بيمشوا وراها وهى ماشية ولا كانها سامعاهم
كانت مرعوبة مش اول مرة تتعاكس فى الحارة
ودخلت البيت
فى الجامعة
ايات:يخربيت رغي الدكتورة دى … دة انا بنام فعلا..ربنا يتوب علينا من المحاضرة دى بقا
على:بقولك ايه يايويو
ايات:ايه يالولو
على بعصبية:ايه لولو دى ياايات والله راجل مش عامل ضفيرة فى شعرى علشان تقوليلى الكلمة دى
ايات:ياعم متقفش بهزر وبعديت انت عارف مش بحب يويو دى بتحسسنى انى بنت اختك الصغيرة
على:سيبك بس من الموضوع دة وخلينى اقولك الكلمتين اللى فى دماغى بدل منساهم
ايات خايفة يتكلم معاها فى

حوار الخطوبة هى مش عايزة تتخطب خالص

ايات:قول ياعلى بس لو هتتكلم معايا فى موضوع الخطوبة ياريت بلاش كلام فى السيرة دى لانك عارف ان مفيش خطوبة غير بعد مخلص جامعة صح ولا لا
على مسك ايدها وقال:بس انتى عارفة انى بحبك ومقدرش اعيش من غيرك وانا اهو بقولك طالب الحلال
مش بعمل زى الشباب التانية اللى بينطوا من الشباك
ايات:وانا كمان بجبك بس يعنى مش لازم نعرف بعض اكتر انا معنديش استعداد ان يتعلم عليا فى الشارع بتاعنا يقولوا اتخطبت وفسخت ولا ايه
على:ياستار يارب هو انتى مقتنعة انى لو خطبتك هفسخ الخطوبة على فكرة انا مش النوع اللى ياكل وبشرب ويخرج وفى

الاخر يقول كان فى وخلص
ايات:برده لازم نستنى شوية بليز ياعلى
على:حاضر ياايات زى متحبى
فى بيت عيون
عيون:السلام عليكم
اعتدال:وعليكم السلام ياختى ايه جاية بدرى مش عوايدك يعنى
عيون:انا تعبانة وعايزة انام
اعتدال:خدى هنا تنامى ايه دى الموعين قد كدة جوة والبوتاجاز زى الزفت روحى اعمليهم
عيون بتعب:ياعمتى بقولك تعبانة والموعين دى مش بتخلص ولا ايه
اعتدال:لا ياختى مش بتخلص خشى اعملى اللى قولتلك عليه وبعد كدة اعملى الفطار لاحمد اكيد جاى من الشغل تعبان وعايز ياكل
عيون فى سرها:بالسم الهارى يارب ارحمنى وعلى اساس انه مفطرش فى الشغل يارب

قوينى على العيشة دى
بليل
فى فلة الالفى
جاسر ركن العربية ودخل الفلة لقا فى وشه صافى
جاسر:اوعى من وشى
صافى:هو انت لحد امتى هتفضل مكشر فى وشى بالطريقة دى
جاسر:اخر مرة هقولها اوعى من وشى والا متلوميش الا نفسك
صافى:مهو عنفك دة هو اللى مخلينى هموت عليك
جاسر:طب يارب هو انا اكره انك تموتى علشان ارتاح من وشك دة اوعى كدة
جاى يمشى بس هى مسكت ايده وقالت:انا مش فاهمة فى حد يلاقى المتعة ويرفضها دة انا بقولك انا ملك ايديك
جاسر حس بقرف من ناحيتها
بصلها وقال:النوع الرخيص

ميلزمنيش… انتى اخرك متعة رخيصة مع واحد قد ابوكى واوعى ايدك القذرة دى عنى انا جاى مهدود وتعبان فمتخلنيش اطلع هموم الشغل كله عليكى
سابت ايده
هو طلع الاوضة خد الشاور بتاعه ونام بسرعة من كتر التعب اما هى كانت هتموت من كتر العيظ والعصبية
تانى يوم
فى بيت عيون
عيون:الو
الاء:لقيتلك شغل فى مدرسة لغات والمرتب حلو اوى بس اهم حاجة حلاوتى متنسهاش
عيون بفرحة:حبيبتى ياالاء ربنا يخليكى ليا يارب
الاء:عيب عليكى ياعيون انتى اختى يابت
عيون:تسلميلى ياروحى
الاء:هتستلمى الشغل من اول بكرة العنوان ………………هتروحيلهم الساعة 6 الصبح اشطا ولا

ايه
عيون:اشطا بس.. دى اشطا ومهلبية ورز بلبن وكل حاجة حلوة
الاء:ههههههههه سلام يامجنونة
عيون بتبص لقت مازن على الوايتينك
عيون قفلت مع الاء
عيون:الو
مازن:عيون انا محتاج اشوفك ضرورى
عيون:طب مفيش وحشتينى دة انت وحشنى اوى يامازن
مازن:عيون انا مستنيكى فى المكان اللى دايما بنتقابل فيه ياريت متتاخريش
عيون بقلق:طب قلى فى ايه انت قلقتنى كدة
مازن:لما اقابلك هتعرفى كل حاجة
عيون:ماشى سلام
مازن:سلام
امتلاك بالاجبار الحلقة 2

اعتدال:واخدة بعضك ورايحة على فين
عيون:الاء تعبانة هروح اطمن عليها وجاية على طول مش هتاخر
اعتدال:روحى ياختى اطمنى عليها بس متتاخريش مش عايزين مشاكل مع احمد واديكى شايفة الجو عامل ازاى برة
عيون:حاضر
فى الحارة
العزبى بصوت اجش:رايحة فين
عيون خافت منه بس حاولت تكون قوية
عيون:ملكش دعوة وحل عن سمايا بقا ياعم انت للمرة المليون بقولهالك مش بحبك… ياراجل اختشى على دمك… دة انت قد ابويا الله يرحمه
العزبى وهو حاطت ايده على قلبه:بس قلبى شباب واعجبك اوى …هو انا زى الشباب الخرعة بتاعت اليومين دول ولا ايه…لا انا راجل لامواخذة يعنى

فى دى الكلمة وكل اللى فى الحارة بيعملولى الف حساب
عيون:ياعم انا مالى بكل دة…ارحمنى بقا…بدل م روح ابلغ البوليس وقولهم بيتعرضلى فى الراحة والجاية
العزبى ضحك بصوت عالى وقال:هااو بوليس وعندنا فى الحارة لا مش مصدق عيون انتى لية لوحدى واى راجل رجله تدوس الحارة علشان يروح يتقدملك دة انا اقطعهاله فهمتى ولا اجيب حد يفهمك…انا بس بقولك علشان تاخدى حذرك وروحى مطرح مع عايزة تروحى سلام
العزبى وهو قاعد ناحية القهوة:واد ياسمسم
سمسم:ايوة يامعلمى
العزبى:الشيشة يلا خلينى انظف مزاجى اللى اتعجر بسبب اللى مش بتنيمنى ولا بتريحنى يلة بسرعة
سمسم:اوامرك باسيد المعلمين

عيون فى سرها:يارب تنام ولا تصحاش ابدا ياشيخ الهى وانت جاى ييجى قطر يدوس اللى ميتسمى العزبى ولا يقومش منها ابدا علشان الحارة كلها ترتاح منه
فى بيت عيون
ايات:هاى ياجماعة
احمد وهو بيشرب السجاير:اتاخرتى كدة ليه
ايات:عادى المحاضرات خلصت وبعد كدة خرجت مع صحابى شوية
احمد:مش هنخلص من حوار صحابك دول ولا ايه كل بوم وتانى خروجة مش هينفع كدة ياايات
ايات:يوووه يااحمد خلاص ونبى مش وقت الكلام دة خالص انا تعبانة وعايزة انام بس مش دلوقتى يادوب الحق اتفرج على المسلسل علشان قرب يبدا هتفرج عليه ونام
احمد:ايات انا خايف على مصلحتك

قطعته ايات:لا مصلحتى انا عارفاها كويس روح انت اقعد على القهوة زى عوايدك وملكش دعوة بيا انا مبعملش حاجة غلط وعارفة حدودى كويس سلام
ودخلت الاوضة
احمد دخل لامه المطبخ وقال:عجبك بنتك وكلامها معايا بالاسلوب دة
اعتدال:براحة عليها يااحمد… خليها تعيش سنها… تخرج وتشوف الناس ليه نمنعها…وبعدين انا واثقة فى بنتى ومربياها كويس وعارفة انها مش هتعمل حاجة غلط
احمد:ماشى ياامى انا عارف انى مفيش فايدة فى الكلام انا خارج سلام
اعتدال:سلام يبنى
فى فلة الالفى
فى اوضة جاسر
طق طق
جاسر:ادخل
بسملة دخلت لقت جاسر قاعد على اللاب توب وبيشرب

قهوة
بسملة:بابى
جاسر وهو باصص فى اللاب توب:ايوة يابسملة عايزة حاجة ياروح بابى
بسملة:بسملة زهقانة وعايزة تخرج اه
جاسر:حبيبتى بابا مشغول اول ميفضى هيخرجك
بسملة بتصرخ وبتتنطت برفض
بسملة:لا لا دوواقتى بسملة تخرج دوواقتى اه ….انت بابا وحش اه ..بسملة مش تحب جاسر اه
جاسر بزعيق:بسملة احترمى نفسك انا قولت كلمة المفروض تقولى حاضر دى اسمها الرباية ياعديمة الرباية خشى اوضتك واياكى تطلعى منها تانى خشى
بسملة خافت من نبرة صوته فجريت ناحية اوضتها وهى بتعيط
فاطمة دخلت اوضة جاسر وقالت
فاطمة:ليه كدة يبنى …..كان هيجرا حاجة لو خرجت البنت

جاسر:البنت لازم تتربى ياستى دى متدلعة على الاخر كل طالبتها مجابة خليها تتربى شوية دة احنا لو قولنالها لا على حاجة تعمل اللى ميتعملش
فاطمة وهى بتطبطب على ضهره:معلش يبنى استحمل البنت امها ماتت دة انت المفروض تبقا حنين معاها وتعوضها عن غياب امها مش تعاملها بالشكل الجاف دة
جاسر بعصبية:مش عايز اسمع سيرة البنى ادمة دى…انسانة خاينة لميتها من الشارع حبيتها من كل قلبى صنتها كنت سندها وفى الاخر تروح تخونى مع كلب ولا يسوا.انا مكنتش عايز اقتلها دة انا كان نفسى اعذبها بالبطى بس للاسف الموت رحمها منى
فاطمة:معلش يبنى انا عارف انك اتعذبت كتير بس

ذنب البنت دى ايه ممكن تفهمنى
جاسر:والله ياستى بحبها مش بكرها بس انتى عارفة مليش فى جو الحنية والدلع دة
فاطمة:معلش حاول علشان خاطر بنتك
جاسر:حاضر ياستى
فاطمة:حضرلك الخير يانين عين ستك
فى الشارع
عيون:فى ايه يامازن قلقتنى بجد ويلة بسرعة اتكلم علشان المطر بهدلتنى وانا ماشية فى الطريق
عيون كانت سقعانة وعمالة بتفرك فى ايدها وهى بتتكلم
مازن بتوتر:عيون انتى عارفة انى بحبك صح
عيون ضحكت وقالت:انت جايبنى علشان تقولى كدة يامازن…ايوة ياسيدى عارفة وبعدين انت بقالك فترة مختفى كنت فين
مازن:انا عايز اقولك على حاجة مهمة بس ياريت بلاش

تقاطعينى تمام
عيون:

تمام
مازن:ماما لما عرفت ان الرحم بتاعك اتشال ساعة العملية اللى كنتى رايحة تعمليها قالتلى انى لازم اسيبك والا هتبيع الشقة التمليك اللى المفروض هتجوز فيها وهتخلينى انا اللى اشترى شقة بمرتبى وانتى عارفة ان المرتب بتاعى يادوب يكفى اكل وشرب وبالطريقة دى هاضيع اكتر من نص مرتبى على الشقة الايجار
عيون دمعت وقالت:بس انت عارف ان الموضوع دة مليش يد فيه المستشفى كانت بتستغل وظيفتها فى تجارة الاعضاء وانا للاسف كنت ضحية…كلامك دة معناه انك عايز تسيبنى
مازن:انا اسف اوى ياعيون انا عارف يمكن جرحتك بكلامى بس صدقينى انا حاولت مع امى كتير هى منشفة دماغها وبصراحة

معاها حق..من حقها تشوف حفيدها بين ايديها.
عيون بسخرية:فعلا معاها حق.. للاسف حبك ليا مكنش قوى كفايا والحب الضعيف ميلزمنيش وانا عارفة انى هلاقى حد هيقدرنى وهيكون احسن من ميت واحد من عينتك دى اللى مش مقدر يعنى ايه واحدة كانت داخلة تعمل عملية بسيطة خرجت لقت نفسها الرحم بتاعها متشال واتحرمت من انها تكون ام…سلام ياسوا حلم حلمته..للاسف كنت فاكراه حلم جميل بس للاسف طلع كابوس
ومشيت

مازن:سامحينى ياعيون انا عارف انى وعدتك بحاجات كتير بس معرفتش اوفى باى واحد فيهم لكن الظروف كانت اقوى منى ومنك مفيش فى ايدى حاجة اعملها
نزلت من البيت فى المطر
ومهمهاش برد ااشتاء
بقالوا كام يوم مختفى
مش فاهمة ليه بيعمل كدة
نزلت وراحت على مكان كان فى تملى بيسهروا
اول مشافها فى سلامه بان ان مشاعروا اتغيروا
وقال كلام مكنتش عارفة تجمعوا
متفجاه بيه مذهولة قاعدة بتسمعوا
اصل الكلام دة بيبقا دايما اخره بعد
فعلا قوام ظنونها جات فى محلها
ورفع عينيه وبقسوة وبرود قلها
معلش اسف احنا

لازم نتسى بعض
سرحت وشافت ذكريات اجمل ليالى عمرها
معقولة يعنى قلبه مات وحياتها ناوى يهدها
بصتله تانى باهتمام وقالتله متفقين كدة…انا جاية اقول نفس الكلام..مبقتش عايزة الحب دة
هتقوله ايه مهى مستحيل تستعطفه
معقولة يعنى هتبكى علشان تكسفه
يعنى هيبقا جرح وكمان يبقى ذل
مشيت قوام كانت ضعيفة متشتتة
مشيت قوام وساعتها حست بالشتاء
بس المطر قدام دموعها كان اقل
فى بيت عيون
ترن ترن
اعتدال:ايوة
الاء:ازيك ياطنط انا الاء صاحبة عيون
اعتدال:ايوة ياالاء فى حاجة ولا ايه
الاء:لا ابدا مفيش الحقيقة عيون هتبات عندى

انهردة انا بس بتصل بيكى علشان اقولك
اعتدال:ماشى مفيش مشكلة
الاء:متكشرة اوى سلام
اعتدال:سلام
اعتدال بغضب:وبعدين بقا…يعنى انا كدة اللى هصبن الموعين ماشى ياعيون والله لما ترجعى البيت هطلع عليكى القديم والجديد اما خليتك تمسحى سلم البيت بتاعنا كله مبقاش انا اعتدال
فى بيت الاء
الاء واخدة عيون فى حضنها اللى فضلت تعيط
الاء:خلاص ياعيون والله ميستاهل دمعة وحدة منك
عيون بعياط:بس انا حبيته بجد مكنتش متوقعة انه ممكن يتنازل عنى بسهولة دى
الاء:اومال كنتى فاكرة ايه…على فكرة اللى عمله متوقع جدا…واى حد فى مكانه كان هيعمل كدة
عيون بعياط:دة اتخلى

عنى علشان امه قالتله ياخد شقة ايجار والتمليك هتبيعها لو اتمسك بيا
الاء:ابن امه صحيح
عيون:ايه ابن امه دى ياالاء على فكرة مش عيب الواحد يسمع كلام امه والصراحة معاها حق من حقها تشوف ابن لابنها يلة الحمد لله خلينا ننام علشان نصحى بدرى
الاء:ان شاء الله تكون شغلانة فيها الخير كله ليكى
عيون:يارب يالاء
تانى يوم
على القهوة
العزبى:ولا ياسمسم
سمسم:ايوة جااااى اوامرك ياسيد المعلمين
العزبى:هى عيون مجاتش من امبارح ولا ايه
سمسم:الحقيقة انا عينى ملمحتهاش خالص يامعلمى…شكلها كدة والله اعلم باتت برة
العزبى وهو ماسك هدوم سمسم

العزبى:بتقول ايه باتت برة نهار ابوها مش فايت
سمسم:الله متتحمقش كدة انا عندى ليك الخلاصة اسمعها واشتريها يمكن تريحك
العزبى:ارغى خلينا نشوف عند امك ايه
ياترى سمسم قال ايه للعزبى؟

فى الجامعة
فى الكافيتريا
كذا بنت كانوا قاعدين فى الكافيتريا
البنت الاولى:يابنات سمعتوا اخر الاخبار
ايات:اخبار ايه
البنت 2:مومن البحيرى فى الجامعة عندنا
ايات بعدم فهم:مين مومن البحيرى دة
غادة:معقولة مش عارفاه ياايات
ايات:لا معرفوش مين يعنى
على بضيق:مخلاص ياجماعة من ساعت مسلامته شرف وانتوا بتتكلموا عليه غيروا المحطة شوية
غادة:طب انت متضايق كدة ليه ياعلى…دة كل البنات بتكراش عليه من ساعة مجى.والصراحة معاهم حق دة الواد موز
ايات:موز…اقسم بالله تافهين…انا ماشية لاحسن مرارتى تتفقع انا معنديش غيرها
ومشيت
غادة:دى بسمة لو عرفت ان مومن البحيرى عندنا فى

الجامعة دى هتسيب كل اللى ف ايدها وهتيجى الجامعة جرى
البنت1:

اكيد هتحاول توقعوا بس مش هتعرف انا سمعت ان البنات حوليه قد الرز بس هو اللى شايف نفسه ومتنك على الاخر
غادة:معرفش بقا انا هقولها ونشوف هى هتعمل ايه معاه
على:والله بنات تافهة على راى ايات انا ماشى
ومشى
ايات ماشية فى امان الله فجاه لقت حد عمال يسمعها دريكسيون العربية
هى بتتضايق منه جدا
فلفتله وقالت:فى ايه ياجدع انت ….م ارض الله واسعة امشى من اى حتة تانية…
مومن شاور بايده انها تبعد من طريقه
ايات:ايه رايك بقا انى هفضل واقفة مش هتحرك من مكانى خطوة واحدة ورينى هتعمل ايه
مومن

خرج من العربية وقلع نظارته
ايات فضلت مبحلقة فيه كان وسيم بالمعنى الحرفى
مومن قرب منها وقال:صورتينى كام صورة بس يارب تطلع اربعة ف ستة اذا سمحتى يعنى
ايات فاقت من السرحان اللى كانت فيه وقالت:انت قليل الادب هو انا هبصلك ليه مهند يعنى ولا شاروخان دة انت حتى متجيش ضفر واحد فيهم
مومن بثبات:الظاهر انك لمضة ومتعبة بس انا معنديش وقت فاضى علشان اضيعه عليكى انا عندى محاضرة ولازم امشى
ايات:طب متمشى هو انا مسكاك ثم انا امتى سالتك رايح فين..ولا انت بقا اللى عايز تعرفنى
مومن منع ضحكته انها تظهر وقال:وبتحرفى الكلام تالت

صفة اكتشفتها فيكى من اول لقاء
ايات:لقاء الخميسى ههههههههه سورى الصراحة بحب اقلش انت زعلت
مومن:انتى شكلك ايات مش كدة
ايات فتحت بقها من الصدمة ومعرفتش تتكلم
مومن:اقفلى بقك اللى فاتح على العاشر دة ومتستغربيش دى الجامعة كلها عارفاكى هتيجى عليا يعنى وتقف
ايات:هو انت مين انا اول مرة اشوفك فى الجامعة
مومن:بتستعبطى حلو اوى على فكرة معقولة مش عارفة مومن البحيرى
ايات:قولتلى انت بقا اللى كل البنات بتكراش عليه
مومن ضحك وقال:بت ايه مش فاهم هى الجملة دى معناها ايه
ايات:بتكراش عليه يعنى بتعاكسك معجبة بيك المفاهيم دى يعنى
مومن:اهااا

فهمت بقولك ايه شكل حكايتنا انا وانتى هتطول وانا عندى محاضرة مهمة ولازم احضرها سلام
لبس نظارته وركب العربية ومشى
ايات فضلت سرحانة
على شافها وراحلها
على:ايات…ايات
ايات بضيق:ايه ياعلى فى ايه
على:انا اللى فى ايه…كنتى مبحلقة كدة ليه..فى حاجة
ايات:لا ولا حاجة خلينا نروح
على:اوك يلة بينا
فى مدرسة ما
المديرة:تمام تقدرى تشتغلى من انهردة لو عايزة
عيون بفرحة:الف شكرا ليكى والحقيقة شرف ليا انى اشتغل فى مدرسة لغات
المديرة:حبيتى من ذوقك وبعدين انتى جاية من طرف الاء والبنت دى بعزها جدا ان شاء الله تستريحى معانا

عيون:انا واثقة من كدة
تفاعلوا
امتلاك بالاجبار الحلقة 3
فى بيت عيون
احمد:هى عيون مشيت ليه من المدرسة صحيح
اعتدال ببرود:طب متمشى واحنا مالنا خلينا بس ف اختك ايات
احمد:مالها ايات
اعتدال:معرفش جات امبارح من الجامعة سرحانة وفضلت فى البلكونة فترة متقولش عادى دى مش عوايد اختك
احمد:انت ليه عايزة تقلقينى عليها خلاص اول متيجى من الجامعة هتكلم معاها حاجة تانى
اعتدال قاعدت جمبه وقالت:بقولك ايه ياواد هو انت مش ناوى تتجوز
احمد باستغراب:اتجوز..ضحكتينى…دى عيون لو قالتلى صباح الخير تبقى علامات يوم القيامة ظهرت دى مش بتطيق تبص ف وشى

اعتدال:فشر دة انت ابن اعتدال وبعدين متقلقش ياواد هجوزهالك هى متقدرش تقول لا ولو قالت ليها شارع يلمها

احمد:دة انتى نصيبة يااعتدال
اعتدال بتضربه بخفة وقالت:اختشى ياواد عيب كدة يلة بقا روح شوف حالك ولما ترجع المحروسة هكلمهالك
احمد قام وباس راس امه ومشى وهو مبسوط بجد
فى حارة العزبى
العزبى:استاذ احمد
احمد بلع ريقة بخوف:ايوة يامعلم
العزبى:الحقيقة انا العزبى وكل اللى فى الحارة عارفين انا مين الكبير قبل الصغير واللى يدوسلى على طرف ادوسه برجلى زى اى حشرة رخيصة
احمد بخوف:عارف يامعلم عارف
العزبى وهو بيحرك شنبة يمين وشمال:انا طالب ايد السنيورة بنت عمتك واللى تطلبه انا سداد من جنيه لمليون رايك ايه يااستاذ احمد
احمد اتصدم من كلام

العزبى
دة هو اللى بيحبها بس هو يقدر يقول لا للعزبى
احمد بخوف واضح:الحقيقة يامعلم دة راى عيون لوحدها اول متيجى هبلغها
العزبى:وماله خليها على راحتها على الاخر دى اصول وانا مينفعش اتكلم فيها يلة سلام ومستنى ردها على احر من الجمر
ومشى
احمد بارتياح:ياستار دة انا كنت بموت والجحش دة حد يقدر يقوله لا على حاجة دة كان يبلعنى يعنى بسلامتها عيون تقدر..وليه لا يعنى عيون مش بتخاف من حد.انا هبلغها ونشوف رد فعلها ايه
فى المدرسة
عيون ماشية لقت طفلتين بيتخانقوا
جريت عليهم بخضة
عيون وهى بتحاول تحوش بينهم

عيون:بس بس يابنات مينفعش كدة براحة انتوا شطار ليه بتتضربوا وتشدوا ف شعر بعض بالطريقة دى
سلمى بعياط:بسملة شخطبت على رسوماتى وانا تعبت فيها بسملة وحشة ورخمة
بسملة:بسملة وحشة لا ….سلمى وحشة اه ….سلمى تستاهل اه
عيون:ليه كدة يابسملة سلمى عملتلك ايه علشان تشخبطى على رسوماتها
بسملة:انتى ملكيش دعوة اه..امشى بدل م بسملة تضربك اه
سلمى:شوفى ياميس من يومها وهى قليلة الادب كدة
بسملة بصريخ:بسملة قليلة الادب لا..بسملة هتضرب سلمى اه
عيون حاشت بسملة على ضرب سلمى
عيون بزعيق:بسملة عيب انتى كدة بتغلطى ومش مراعياة وجودى امشى على فصلك بدل موديكى المديرة

واعملك استدعاء ولى امر وانتى ياسلمى روحى معاها
سلمى:حاضر
بسملة اتضايقت وجريت على فصلها
فى مكتب المديرة
طق طق
المديرة:اتفضل
عيون:ازى حضرتك
المديرة:اهلا ياعيون اتفضلى ياحبيتى واقفة ليه
عيون:الحقيقة فى واحدة اسمها بسملة الحقيقة البنت دى عنيفة اوى انا لاحظت دة انا محتاجة اعرف ايه سبب عنفها دة…اكيد اللى فى البيت ليهم دور
المديرة:انتى قاصدك بسملة جاسر الالفى
عيون:الحقيقة معرفش اسم والدها بس هى يعنى طريقة كلامها غريبة مثلا بسملة تحب الاكل لا..بسملة وحشة لا
المديرة:ههههه تبقى هى بسملة جاسر الالفى الحقيقة احنا اتكلمنا مع والدها كتير بس هو مش

مهتم خالص
عيون باستغراب:يعنى ايه مش مهتم مش هو ابوها لازم يهتم بيها ولو الطفلة عندها مشكلة يشوف يعالج المشكلة دى ازاى انا محتاجة اشوف والدها واتكلم معاه البنت لسة متخانقة مع صاحبتها برة
المديرة:البنت معندهاش صحاب هى شقية وعنيفة جدا مع صحابها كل الاخصاءين فشلوا معاها تفضل تزعق وتصرخ فيهم احنا منعرفش هى حالتها عاملة كدة ليه
عيون:كلامك دة بيخلينى ابقى مصممة انى اقابل والدها حضرتك تعرفى عنوان شغله
ياترى عيون اول لقاء هيجمعها بجاسر هيبقى شكله ايه؟

فى الجامعة
ايات ماشية لقت مومن قاعد مع بسمة فى الكافيتريا فراحتلهم
ايات:صباح الخير
بسمة:صباح النور اومال على فين
ايات:على لسة مجاش
مومن:ايات ازيك
ومد ايده علشان يسلم عليها هى مدت ايدها وسلمت عليه
ايات:انا شكلى ضيف رزل انا همشى
مومن:استنى ياايات انا عايز اتكلم معاكى
ايات كانت عايزة تقعد معاه بس لسانها قال حاجة تانية
ايات:معلش يامومن انا عندى محاضرة وكمان على لو شافنا مع بعض هيقلب عليا وانا مش عايزة مشاكل معاه
سلام
مومن اتضايق وقبض على ايده من الغيظ ازاى ترفض تتكلم معاه هى فاكرة نفسها

ايه
بسمة حطت ايدها على كتفه
بسمة:مومن بلاش تزعل هى اساسا هتموت عليك بس هى بتحب تكون تقيلة انت لو جدع بلاش تحسسها انك مهتم بيها ولا هتموت عليها
مومن:بلاش جنان انا لو عايزها مفيش حاجة هتمنعنى.تعالى بس نكمل كلامنا اقعدى
وقعدوا يرغوا شوية بس دماغ مومن فى حتة تانية خالص
مومن فى سره:ايات انتى ليا..انا جيت الجامعة دى علشانك..معنديش استعداد اخليكى تروحى منى…واذا كان على تناكتك وغرورك دول انا عارف هقضى عليهم ازاى.لعبة الحب والغيرة هيبتدوا وانا اللى هكسب
فى مكتب جاسر الالفى
ترن ترن
جاسر:الو
السكرتيرة:فى واحدة اسمها عيون عايزة

حضرتك بخصوص بسملة
جاسر بقلق:خليها تدخل بسرعة
بعد شوية عيون دخلت
جاسر قام من على مكتبه وكان مصدوم بجد قرب منها وعيونه حمراء من العصبية
عيون اتخضت من شكله فبتبعد وهى مش عارفة ايه اللى بيحصل
عيون:يااستاذ فى ايه دى الحيطة خلاص ورايا هروح فين تانى
عيون لزقت فى الحيطة
جاسر فضل يبصلها بصة صقر بالمعنى الحرفى
جاسر:انتى مي
عيون بلع ريقها وقالت:انا عيون ابقا اخصاءية فى مدرسة بسملة
جاسر وهو باصص فى عينها مباشرة:وعايزة ايه
عيون:ممكن تبعد وبلاش تبصلى البصات دى هو انا قتلت امك واتجوزت ابوك ولا ايه

جاسر شد دراعها جامد وقال بزعيق:انتى واحدة قليلة ادب وانا هعرفك تمن التطاول على جاسر الالفى وابعدى وشك دة عنى انا مش طابقه
عيون خافت بجد وقالت:انت اول مرة تشوفنى بس كلامك معايا بيقول غير كدة.وبعدين ماله وشى ومش طايق تشوفه ليه بيفكرك بمين يعنى ممكن تفهمنى
جاسر ضرب الحيطة جامد
عيون حاطت ايدها على وشها من الخوف
جاسر بصوت كفحيح الافعى:اياكى والمجادلة معايا انتى فاهمة واتفضلى اطلعى برة بكرامتك احسلك بدل منادى الامن يطردوكى وبزعيق قال:برة
عيون خافت وجريت والدمعة على خدها
جاسر غمض عينه جامد بحزن وقهر
جاسر:ازاى…ازاى تبقى نسخة منها بالشكل

دة…دى كانها هى بالظبط..انا مش فاهم حاجة..اابنت دى مش لازم اشوفها تانى…انا لو شوفتها ممكن ارتكب جريمة وانا مش حاسس…مش لازم اشوفها تانى
فى الجامعة
على بزعبق:ياايات ارحمينى بقا دى مش طريقة والله
ايات:متزعقش كدة احنا فى الجامعة وبعدين انت اللى مش راحم نفسك مش انا
على:لا منا لازم اعرف انتى بتحبينى ولا لا
ايات:ايوة بحبك
على:مش باين
ايات:ايه هو اللى مش باين يعنى لازم تبقى لبانة فى بقى علشان ترتاح
على:ولا بتقوليها ولا بتعملى حاجة تاكدلى انك بتحبينى..انتى لو بتحبينى هتكونى عايزانى مش تتهربى منى
ايات:انا…امتى هربت منك
على:لما كل

مكلمك فى سيرة الخطوبة تتهربى منى دة اسميه ايه
ايات:اوف بقا انتى شاكلك عايز تتخانق وانا بصراحة مش عايزة
جت تمشى بس هو مسك دراعها جامد وقال بعصبية:لما بكون بكلمك تقفى لحد مكمل كلامى وبعد كدة تمشى… ايات انتى ليا لوحدى انتى فاهمة ولا اعيد كلامى
ايات بوجع:ااه على بتوجعنى اوعى سيب دراعى لو سمحت كفايا
مومن كان ماشى فجاه لقاهم فراحلهم
مومن:فى ايه بس ياعلى سيبها
على:خليك فى حالك ومتتدخلش ما بينا
مومن:ياعم ماشى بس كل شى يتحل بالتفاهم وسيب دراعها هى مش حملك
على:وانت مالك زعلان ليه
مومن:هو انا امتى

قلت انى زعلان
على:انت فاكرنى غبى انت مش شايف نفسك ولا ايه بس احب اطمنك ان ايات ليا لوحدى
ايات بزعيق:اوعى بقا انا مش ملك حد انت اتغيرت اوى ياعلى لو سمحت سيبنى امشى
على بزعيق:قلت لا
مومن بعصبية:متزعقش كدة وبعدين سيبها تمشى والا
على:والا ايه ياسى روميو ورينى ايه اللى عندك
ايات:على خلاص لو سمحت مش عايزين مشاكل
على:بسببك حصلت المشاكل دى
ايات:خلاص انا اسفة يلة خلينا نمشى
مومن بصلها باستغراب مش فاهم هى عملت كدة ليه
مومن:انتى بتتعصبى عليا ليه هو انا مالى بكل دة..

بس يعنى باين عليكى مش بتحبيه ليه مش عايزة تنهى العلاقة دى
ايات:انا مش بحب اقطع علاقات وبعدين انت مين قالك انى مش بحبه
مومن:باين اوى من طريقة كلامكوا مع بعض ايات لو مش بتحبيه سيبيه احسن ليكى وليه
ايات معلقتش ومشيت
مومن:شكلك هتتعبينى اوى ياايات…ايه حكايتك معايا يابنت قلبى
فى فلة جاسر الالفى
جاسر دخل البيت
جاسر:ستى ياستى
فاطمة:ايوة يبنى فى ايه
جاسر:فين بسملة
فاطمة:جوة فى اوضتتها
جاسر:انا كلمت المديرة بتاعتها وقالتلى على اللى عملته دى عايزة تتربى ياستى
صافى جات وقالت
صافى:هاى بيبى
جاسر:مش وقتك

خالص
وطلع اوضة بسملة
فاطمة:ايه بيبى دى عيب عليكى والله
صافى:so …هو انا قلت ايه… وبعدين هو ماله متضايق ليه
فاطمة:صبرنى يارب بقولك ايه احترمى نفسك والا
صافى:

i know هتقولى لجوزى صح احب اقولك مش هيصدقك لانه بيحبنى so much
فاطمة:انا مش عارفة ليه الالفى مصمم يعمل فينا كدة..ليه اتجوزك..وحطنا قدام الامر الواقع…وياريتك واحدة كويسة دة انتى
صافى:توء توء عيب كدة انتى واحدة لادى محترمة ميتفغش تقول الفاظ سوقية وبعدين روحى اساليه ليه اتجوزنى انت بتسالينى انا باى
وطلعت اوضتها
فاطمة:حسبى يالله ونعم الوكيل فيك ياالفى حسب يالله مش هقول اكتر من كدة
فى اوضة بسملة
طق طق
جاسر:بسملة
بسملة:بسملة مخاصمة جاسر اه
جاسر قعد جمبها وقالت:على فكرة دة انا اللى المفروض اخاصمك ايه اللى انتى عملتيه فى المدرسة

دة
بسملة بصريخ:بابا ملوش دعوة اه..بابا بيحب بسملة لا…بسملة عايزة تموت اه..الكل عايز بسملة تموت اه…بسملة وحيدة اه..بسملة عايزة ام اه
جاسر خد بنته ف حضنه وقال:خلاص ياروح قلب بابى متزعليش وبعدين مين قال ان احنا مش بنحبك..دة احنا بنموت فيكى…ويلة بقا ورينى ضحكتك علشان لو ضحكتى هخرجك زى منتى عايزة
بسملة بفرحة:بجد يابى
جاسر:بجد ياروح بابى
بسملة حضنت ابوها اللى اتضايق فعلا على بنته غمض عينه والصدمة ان صورة عيون مش مفارقة خياله فتح عينه بسرعة
باس بنته وغطاها وقال:ايه رايك لو نمت جمبك انهردة
بسملة:هيييييه تعالى بابى حبيب قلب بسملة اه

جاسر خد بنته ف حضنه وقعد يفكر فى كلام بنته وازاى يعوضها عن امها
فى بيت عيون
عيون دخلت البيت متعصبة وقالت:ممكن اعرف ايه الكلام اللى قاله الزفت العزبى دة
الحلقات 4_5
رواية امتلاك بالاجبار الحلقة 4
اعتدال:ومالك ياختى داخلة بزعابيبك كدة ليه واحنا مالنا هو اللى جى واتكلم مع احمد قال ايه عايز يخطبك
عيون بعصبية:يخطبنى ازاى الراجل دة اتجنن ولا ايه دة لو مفيش رجالة فى الدنيا غير هو يستحيل اتجوزه وبعدين دة متجوز 2 مش يحمد ربنا لا الصنف بتاع العزبى مبيشبعش
ايات:عيون الراجل دة شرانى لو قولتيلى بم هيقولك 10

خصوصا انه كبير الحتة ولو حطك فى دماغه قولى على نفسك يارحمن يارحيم
عيون:كبير على نفسه ياست ايات اصل اللى ايده فى المياه مش زى اللى ايده فى النار انا اتجوز الزفت العزبى… دة الموت ارحملى ميت مرة
طق طق
اعتدال بخضة:يانصيبتى مين
العزبى:انا العزبى ياست اعتدال
ايات بصت لعيون بخوف وقال:دة جاى ليه دة
عيون بقلق:مش عارفة انا رايحة افتح
وفعلا راحت وفتحت
عيون:افندم
العزبى:الله هو انتوا بتمكلموا الضيوف على الباب دى مش اصول ولا ايه ياست اعتدال
عيون:ملكش دعوة بحد وكلمنى انا… بقولك ايه انا مش
العزبى:لا حاسبى

نصيحة منى قبل متقولى كلمة فى وش العزبى لازم تكونى عارفة مداها ايه وانا متعودتش حد يقولى لا على حاجة وبعدين دة انا هعيشك برنسيسة
عيون بسخرية:لا ياشيخ برنسيسة دة انت عايز تقعدنى مع مراتاتك الاتنين فى شقة واحدة يامفترى دول اكيد بيكلوا بعض وانت مش موجود بقولك… ايه حل عن سمايا والا متلومش الا نفسك فاهم …ياباى
وقفلت فى وشه
العزبى:معلش نصبر شوية مسيرك ياملوخية تيجى تخت المخرطة وساعتها هفضل اكل فيكى لحد مشبع
تانى يوم
فى المدرسة
ساعة الفسحة
عيون ماشية لقت بسملة قاعدة لوحدها وبتبص على الاطفال وهى بتلعب بحسرة

عيون:الجميل قاعد لوحده ليه
بسملة:ملكيش دعوة اه
عيون قاعدت جمبها وضحكت وقالت:تعرفى انك جميلة اوى…وشكلك حنينة بس انتى ليه مش بتلعبى مع صحابك
بسملة:بسملة عندها صحاب لا…بسملة لوحدها اه
عيون بحزن:هو انت مش عايزة يبقى ليكى صحاب
بسملة:بسملة عايزة اه…بس صحابى وحشين اه..بسملة تحب صحابها لا
عيون:طب ايه رايك نلعب انا وانتى بس بشرط
بسملة:بسملة عايزة تعرف شرط اه
عيون:تقوليلى ايه اللى مضايقك متفقين
بسملة:هتزهقى من بسملة ورغيها اه
عيون:لا ياقلبى مش هزهق ها نلعب وبعد كدة تحكيلى ايه اللى مضايقك ولا لا
بسملة قعدت تقكر شوية وقالت:بسملة موافقة اه

فى حارة العزبى
فى القهوة
العزبى:عجبك كدة يااستاذ احمد هو انا قلة لامواخذة..

دة انا العزبى انا بس عامل خاطر ليك لولا كدة كنت عرفتها مقامها
احمد:الحقيقة يامعلم عيون دماغها ناشفة حبتين وبعدين دة جواز ولازم يكون بالتراضى
العزبى:دماغها ناشفة تكسرهلها…انا هتحوزها غاظبن عن عين الطخين ولو حصلت اتجوزها بالعافية هعمل كدة…ما عاش ولا كان اللى يتكبر عليا
احمد بخوف:تخطف مين بس يامعلم…استهدا بالله وان شاء الله تكون ليك..سمسم هات لسيد المعلمين الشيشة
سمسم:ايوة جاااى ومعاك شيشة تفاح لسيد المعلمين كلهم
احمد فى سره:يادى الحظ الهباب يعنى اللى احبها العزبى ييبقا عينه منها..طب اعمل ايه انا دلوقتى…مفيش غير واحد
ياترى احمد ناوى على ايه؟

فى مكتب المديرة
المديرة:يعنى انتى اتكلمتى معاها وقالتلك كدة
عيون:الحقيقة البنت محتاجة ام ف حياتها البنت دى رقيقة من جواها..

عنفها دة انا واثقة انه هيختفى لو فى ام فى حياتها
المديرة:بس اللى انتى بتتكلمى فيه صعب اوى…معتقدش ان ابوها هيقبل بحاجة زى كدة
عيون سرحت فى اول لقاء بينهم
عيون بتحدى:انا هتكلم معاه مرة تانية وهحاول اكون قوية زى متعودت ابقا.انتى متعرفيش لما بسملة كانت بتكلم كنت حاسة بايه انا لو معرفتش اخد عقاد نافع مع باباها هكلم حد من اهله
المديرة:ربنا معاكى
فى الجامعة
فى الكافيتريا
غادة:سمعتى اخر الاخبار
ايات:انا ملاحظة ان اخبار الجامعة كلها عندك
غادة:اومال يابنتى دة انا غادة اسمعى بس دة مومن وبسمة شكلهم كدة هيرتبطوا

ايات بصدمة:نعم هيرتبطوا ازاى هما لحقوا :وبعدين انتى عرفتى ازاى
غادة:بسمة هى اللى قالتلى
ايات:بسمة قولتيلى دى اكيد بتكدب عليكى
غادة:معتقدش
ايات:كدة…ماشى انا هثبتلك
ومشيت عمالة بتدور على مومن
لقته قاعد مع بسمة فعلا
فراحتلهم
ايات:مومن لو سمحت عايزاك ثوانى
مومن بغرور:مش شايفانى مشغول تعالى وقت تانى وبعدين انتى لو وقفتى معايا على هيقلب عليكى مش كدة
ايات:يعنى مش عايز
مومن:ايوة ولو سمحت هوينا
ايات بعصبية:انتوا فاكرين نفسكوا فين احنا ف جامعة والجو اللى انتوا عايشين فيه دة وفروا لجنينة الاسماك مش هنا انتوا فاهمين والا هقول لادارة الحامعة

بسمة بخبث:فى ايه بس ياايات…محسسانى انك بنت مبغتغلطتش وبعدين احنا قاعدين بنتكلم عادى مش زيك ماشية على حل شعرك مع الزفت بتاعك
مومن بزعيق:بسمة احترمى نفسك ايه الكلام الفارغ دة
وبص على ايات لقاها بتعيط
جاى يتكلم بس ايات مشيت
مومن بص لبسمة بعتاب وقسوة وبعد كدة راح لايات علشان يلحقها

مومن مسك ايد ايات وقال:انا اسف
ايات:على ايه انا اللى اسفة علشان روحت من الاول
مومن:طب ممكن اعرف روحتى ليه
ايات:ملكش فيه
مومن:لسانك الطويل دة عايز يتقص
ايات:هو انت هترتبط انت وبسمة صحيح
مومن ضحك جامد وقال:مين اللى قالك كدة
ايات:ملكش دعوة مين اللى قالى …انت هترد سوال بسوال
مومن:عايزانى اقولك ايه
ايات:قولى انت وبسمة مش هترتبطوا
مومن:يفرق معاكى
ايات:اه
مومن ضحك وقال:لا مش هنرتبط واللى فهمك كدة اكيد بيغير منك
ايات:محسسنى انك جيبت التايهة مهى حاجة معروفة يعنى مكل الجامعة بتغير منى
مومن:هو احنا ينفع نبقا

صحاب
ايات:لا بلاش
مومن باستغراب:بلاش ليه
ايات:علشان على ميزعلش
مومن بغيرة:خايفة على زعله
ايات:الموضوع مش كدة
مومن:انا ميهمنيش اعرف…دى حاجة بينك وبينوا…عن اذنك انا ماشى
ومشى
ايات:اوف بقا هو زعل ولا ايه..شكلى عكيت.طب اروح اتاسف…انتى عبيطة ياايات…تتاسفى ليه..هو انتى غلطتى.وكمان اللى عملته صح…علشان على بالطريقة دى هيحط مومن فى دماغه وانا مش عايزة كدة
فى مكتب جاسر الالفى
طق طق
جاسر:ادخل
السكرتيرة:البنت اللى جات اخر مرة مصممة تقابل حضرتك
جاسر بصلها بعين حمرا
السكرتيرة خافت وقالت بصوت متقطع:والله انا مليش دعوة هى اللى مصممة تقابل حضرتك

جاسر بقسوة:البنت دى مصممة تلعب فى عداد عمرها…خليها تدخل
السكرتيرة:امرك ياجاسر بيه
ودخلت عيون
عيون بتماسك:بقولك ايه بلاش تحسسنى انى قتلتلك قتيل انا مغرفش ليه كل متشوفنى تتعصب كدة…اسمع منى الكلمتين وبعد كدة مش هوريك وشى
جاسر حاول يهدى اعصابة شوية وقال:قدامك خمس دقايق تقولى الكلمتين اللى انتى جاية علشانهم وتمشى
عيون:طب ممكن اقعد
جاسر:انتى جاية علشان تقعدى
عيون بهزار وهى بتقعد على الكرسى:اومال ايه دة انا هقعد وتجيبلى عصير فريش كمان
جاسر غمض عينه جامد وبعد كدة قعد على الكرسى اللى فى وشها وحط رجل على رجل وقال:انتى قولتلى انك جاية بخصوص

بسملة مش كدة
عيون:ايوة قولت الحقيقة البنت محتاجة ام فى حياتها
جاسر قام وقال بعصبية:انتى باى حق تتكلمى فى الموضوع دة…انا يستحيل اتجوز بعد مراتى…ولو دة الموضوع اللى خلة سيادتك تشرفينى فياريت برة مت غير مطرود
عيون قامت وقالت:انا اسفة انى بتكلم فى الموضوع دة…بس صدقنى دة ف مصلحة بسملة..البنت لوحدها ومعندهاش صحاب احنا بالطريقة دى هنضعيها مننا
جاسر بقسوة:ارجع واقولك دة شى خاص بيا انا وملكيش حق تتكلمى فيه
عيون بتحدى:انا اسفة ليا حق اتكلم فى لما بشوف اب بيدمر بنته بايده يبقى لازم اتدخل
جاسر بقسوة:متضحكيش عليا انا عارف البنات اللى زيك بيفكروا

ازاى شوفتى بنت واحد غنى لقيتيها فرصة تصطاديه بيها ومش بعيد تكونى حاطة عينك عليا علشان تكونى انتى اللى المفروض اتجوزها مش كدة…تفكير رخيص من واحدة
عيون بزعيق وهى بترفع ايدها علشان تضربه بالقلم:اخرس
بس هو مسك ايدها ولوى دراعها جامد
جاسر بعصبية:انتى اتجننتى بترفعى ايدك عليا…دة انتى حفرتى قبرك بايديكى بعملتك دى…ومالك اتعصبتى كدة ليه..مدى الحقيقة معلش ساعات بتوجع بس احب اقولك انتى بالنسبالى صفقة رخيصة متلزمنيش ويوم مقول ياجواز مش هتكونى انتى
عيون بتحاول تمنع دموعها من النزول:سيب ايدى انت بنى ادم حقير
جاسر ضحك بصوت عالى وقال:منا عارف قولى حاجة جديدة…بس الحقير دة

صدقينى لو حاولتى تقربى منه او من بنته تانى صدقينى هيبقى اخر يوم ف عمرك انتى فاهمة
عيون:

جاسر بصريخ:فاهمة
عيون:حاضر اوعى بقا ايدى
جاسر ساب ايدها
وهى مشيت
جاسر قعد على الكرسى وحط راسه وراء الكرسى وقال:انا مش عارف ايه حكمة ربنا انه يخلينى اقابل واحدة نسخة طبق الاصل من مراتى…وشكلها مش هتجيبها لبر ابدا.انا لازم اعرف ايه الموضوع وبسملة حكيتلها ايه..انا واثق انها قالتلها حاجة والا ليه تقولى ان البنت محتاجة ام ف حياتها
فى بيت عيون
اعتدال:حمد لله على السلامة
عيون:فى موعين ولا لا
اعتدال:فى ياختى هى الموعين بتخلص
عيون:انا هروح اغير وبعد كدة هخش على المطبخ اغسل الموعين
اعتدال:استنى هنا عملتى ايه مع العزبى

عيون:هعمل ايه يعنى منا قولتلوا لا
اعتدال:العزبى مينفعش يتقالوا لا
عيون:قصدك ايه
اعتدال:قصدى انك تتجوزيه
عيون بعصبية:لا مستحيل دة يحصل
اعتدال:انتى كدة هتفتحى علينا ابواب حهنم
عيون:ارحملى ميت مرة من انى اكون ف حضن راجل قد ابويا
ودخلت الاوضة
عيون:يارب عديها على الخير وعقل اللى متتسما…دى هتودينا كلنا فى ستين فى داهية انا هقولو حاولت معاها ومعرفتش مش ناقصة مشاكل معاه هو بقا اللى يتصرف مش انا
فى فلة الالفى
وبالتحديد فى اوضة فاطمة
جاسر حاطت راسه على رجل سته
فاطمة:معاها حق
جاسر باستغراب:مين دى اللى معاها حق

فاطمة:يبنى انت لازم تتجوز انت لسة صغير
جاسر:اتجوز علشان تيحى واحدة قديها كل مشاعرى وفى الاخر تروح تخونى
فاطمة:يبنى الدنيا فيها الحلو وفيها الوحش انا مش هغيشلك العمر كله..

لازم تتجوز واحدة تصونك واموت وانا مطمنة عليك
جاسر قام وباس راس سته وقال:بعد الشر عليكى ياست الكل دة انتى اللى مصبرانى على العيشة هنا
فاطمة بمغزى:هى الاخصاءية دى حلوة
جاسر سرح فى عيون شوية وقال:وشها بكرهه اوى ياستى
فاطمة باستغراب:ليه يبنى هو وشها بيفكرك يعنى بحد بتكرهه ولا ايه
جاسر:الاخصاءية شبه نوال ياستى
امتلاك بالاجبار الحلقة 5
فاطمة بصدمة:انت بتتكلم بجد ياجاسر معقول فى كدة
جاسر:انا اتصدمت لما شوفتها ياستى..دى شبه نوال بالظبط انا لما بشوفها تلقاءيا بتعصب علشان كدة البنت دى لازم تترفض من المدرسة
فاطمة:هتقطع عيش البنت ليه يبنى…من

امتى بقيت قاسى كدة
جاسر:ياستى متقلقيش انا هشوفلها شغلانة تانية بس بعيد عنى وعن بنتى
فاطمة:اعمل اللى انت عايزه بس ميكونش فى اذية لحد انا مربيتكش على كدة ياجاسر
جاسر:حاضر ياست الكل
فى اوضة بسملة
بسملة:الو
عيون:ازيك يابسملة
بسملة:بسملة كويسة اه
عيون:دايما يارب تكونى كويسة
بسملة:بسملة عايز تقول لعيون حاجة اه
عيون:قولى
بسملة:نقولى على بسملة فتانة لا
عيون بقلق:لا مش هقول عليكى فتانة قولى يابسملة فى ايه
بسملة:بسملة سمعت جاسر بيقول هيرفض عيون من مدرسة اه
عيون بصدمة:يرفضى انا ليه بشتغل عنده وبعدين مش هيقدر يعمل كدة

متخافيش
بسملة:بسملة عايزة عيون تمشى لا
عيون:متخافيش ياروح عيون مش همشى يلة بقا اتغطى كويس ونامى
بسملة:تصبحى على خير عيون
عيون:وانتى من اهله
فى بيت عيون
عيون:انت طلعتلى منين يالى اسمك جاسر…يارب انا هلاقيها من امنا الغولة اللى عايشة معاها ولا الاقيها من الزفت العزبى ولا الاقيها من اللى عملى فيها سى الاستاذ حجر دة اوف وبعدين مش هيقدر يرفضنى يورينى عنده ايه
تانى يوم
فى الصالة
عيون بعصبية:لا انا ربنا لازم ياخدنى علشان ارتاح منكوا كلكوا جرا ايه ياعمتى جواز من احمد مش هيحصل
اعتدال:انتى تطولى يابايرة…وبعدين احمد هو اللى

يقدر يحميكى من العزبى
عيون:احمد عايز اللى يحميه…وبعدين انا يوم متجوز هتجوز واحد يشيلنى من الفقر اللى انا عايشة فيه وجوزازى من احمد انتى كدة بتحكمى عليا انى اعيش طول عمرى فيه
اعتدال:على راى المثل ردينا بالهم والهم مش راضى بينا
هتفضلى طول عمرك ياعيون طماعة واعملى حسابك مفيش قعدان فى البيت الا لما تكونى مرات ابنى
عيون بصدمة:ليه كدة بس ياعمتى دة انا عايشة عيشة الكلاب عندك وراضية بيها بقول كفايا هى مقعدانى فى بيتها وبعدين احمد مش هيطلع عليه صبح لو العزبى عرف انه خاطبنى
اعتدال:هتتجوزى احمد ولا لا ياعيون
عيون:يقولوا طور يقولوا

احلبوا انا مش هتجوز احمد ولا العزبى ولا هتجوز من اساسه وسلام بقا علشان انا الصراحة تعبت
ومشيت
فى الحارة
على القهوة
عيون:اسمع ياراجل انت وحط الكلام اللى هقوله حلقة ف ودنك لو قربت منى قسما بالله هبلغ عنك انت متعرفش انا ممكن اعمل ايه
العزبى قام وقال:انتى بتعلى صوتك عليا يابت
عيون:اعلى صوتى على اطخن شنب فى الحارة لو عايزة بقولك ايه انت معلم معلم على نفسك مش عليا انا ساكتة مش عشان ضعيفة انا ساكتة بمزاجى ويوم متكلم هيحصل قنبلة فى الحارةوالقتبلة دى هتفرقع فى وشك انت فاهم
العزبى حرك شنبه يمين

وشمال:لسانك كرباج بس عجبانى يابنت الايه وبزعيق قال:اشهدوا ياحارة حورية الحارة جاية بتهددنى معزورة اصلها متعرفش العزبى وايه اللى ممكن يعملوا ولما يحط حاجة فى دماغه الجن الارزق ميعرفش يمنعه
عيون:انا قولتلك وخلاص وعقلك فى راسك تعرف خلاصك
وبصتله بصة احتقار ومشيت
سمسم:ايدة يامعلمى انت هتسيبها تمشى
العزبى:سيبها تلعب براحتها يلا ياسمسم انا اللى ماسك خطوط اللعبة متقلقش على المعلم بتاعك وعيون دى هتبقى العروسة اللى هتزين بيتى قريب ودة وعد العزبى ليك يلا ياسمسم
سمسم:تعجبنى يامعلمى
فى المدرسة
طق طق
المديرة:ادخل
عيون دخلت وقالت بصدمة:انت
المديرة:خشى ياعيون
عيون دخلت

وقال:دة اكيد قالك كلام يخليكى ترفضينى بس صدقينى كداب انا معرفش انت عايز منى ايه دة انا عايز مصلحة بنتك مش هضرها بس لا انت عايزها تفضل مريضة زيك
جاسر قام وقال بعصبية:انتى ازاى تتكلمى كدة…دة انا اوديكى ورا الشمس لو عايز وبعدين هى بنتى اشتكتلك
عيون:مش لازم تشتكى البنت حالتها صعبة
المديرة:ياعيون احنا ملناش دعوة
عيون باستغراب:انت ازاى تقولى كدة..ازاى يعنى ملناش دعوة استاذ جاسر لازم تقرب من البنت وانا هقدر اساعدك فى حاجة زى كدة
جاسر:وانا مش عايز مساعدتك
عيون:براحتك بس انا واثقة انك هتحتاجنى ايه ياحضرة المديرة امشى ولا خلينى قاعدة

جاسر:انتى لازم تمشى من هنا
عيون:لو مشيت دة مش معناه انى هتخلى عن واجبى تجاه بسملة
جاسر باستغراب:انتى ليه بتعملى كدة
عيون:علشان دة واجبى
جاسر بسخرية:واجبك…قولتيلى
راح طلع شيك من جيبه
جاسر:على فكرة انا مش بعمل كدة كتير دة شيك ب100 الف جنيه مقابل انك تبعدى عنى وعن بنتى
وياريت تمشى ومتورنيش وشك دة تانى
عيون خدت الشيك وبصت للمديرة لقيتها وقفة بقلة حيلة
عيون بصت مباشرة فى عيون جاسر وقطعت الشيك ورميته ف وشه
عيون:انا همشى من المدرسة كلها بس مش هاخد الفلوس بس صدقنى انت اللى هترجعلى انت فاكر

ان بفلوسك هتعرف تشترى الناس انا كان نفسى ان البنت تتحسن بس ياخسارة هتفضل طول عمرها بنت لاب عقيم فكريا
ومشيت
جاسر فضلت عينه توسع جامد وانحولت لدم احمر وقبض على ايده جامد ومشى برة مكتب المديرة وهو ناوى على الشر بالمعنى الحرفى
عيون:اقسم بالله انسان فرحان بالبدلة اللى لابسها دة انا واثقة لو قلعها هيقلب شحات هو قاكر انه لو طلع الشيك دة هقبله وانتى ياختى عملتى فيها سبع رجالة ف بعض اهو اترفضتى هتشتغلى فين تانى
وهى ماشية لقت حد شدها على الحيطة جامد
عيون بوجع:اااه ايه يااخى فى ايه
جاسر بعصبية وقسوة:اخى

ف عينك…انتى ازاى ترمى ف وشى الشيك…انتى اتجننتى
عيون:تستاهل علشان انت انسان مستفز انت فاكرنى ايه
جاسر:مكل شى وليه تمن انتى بقا ياقطة تمنك ايه
عيون:مش بقولك قليل الادب
جاسر لوى دراعها جامد وقال:القليل الادب دة لو حطك فى دماغه عقلك الصغير دة مش هيعرف يقولك هو ممكن يعمل ايه
عيون بتحدى:انا مش بخاف من حد وبعدين انت هتعمل ايه اكتر من انك قطعت عيشى
جاسر:دة عربون صغير على فكرة انا لسة معملتش حاجة
عيون:انا بكرهك
جاسر:وانا بكره وشك وربحتك وكل حاجة فيكى
فضلوا باصين فى عيون بعض
وكل واحد باصص

فى عين تانى بكره شديد
ياترى ايه اخرة الكره دة؟

فى بيت عيون< تانى يوم معلش انا عارفة انى بقالى فترة مش باجى الكوافير...حاضر من اول بكرة ابقى عندك...حاضر ان شاء الله...سلام وقفلت معاها طق طق عيون:ادخل ايات:ممكن ادخل عيون باستغراب:ايات اه طبعا تعالى ايات قعدت وقالت:انتى اكيد مستغربة علشان جيت اتكلم معاكى عيون:عايزة الحق الصراحة اه ايات:الحقيقة انا مشوشة اوى ومش عارفة اعمل ايه عيون بقلق:خير فى حاجة ايات:هحكيلك بس اوعدينى الكلام دة ميطلعش برة عيون:حاضر مش هيطلع برة اوعدك ايات حكتلها كل حاجة عيون:بصراحة انا مش فاهمة يعنى انتى بتحبى على ولا مومن ايات:على انا مش بحبه ياعيون بس مومن فى احساس غريب بيشدنى ليه ومش عارفة افسره عيون:طب ايه اللى هيجرا لو سيبتى على ايات:لو سيبت على يبقى بعلن عدواة مومن وعلى وانا مش عايزة كدة عيون:حيرتينى معاكى يعنى عايزة ايه ايات:مش عارفة ياعيون بس علشان خاطرى ساعدينى عيون:احنا لازم نعرف مشاعره ايه من ناحيتك الاول قبل اى حاجة ايات باهتمام:ودى هنعرفها ازاى عيون:هقولك فى فلة الالفى جاسر نايم فى الاوضة فجاه لقا حد ييلمس ضهره اتخض وقام جاسر:انتى صافى وهى حاطت ايدها على شفايفه:اششش ايوة انا واجشنى اوى ياجاسر حطت ايدها على وشه هو مسك ايدها جامد صافى:اى براحة ياجاسر ايدى جاسر:بلاش مياعة واخلصى وقولى جاية ليه صافى:انا بحبك ياجاسر وقربت منه جامد عينيها جت على شفايفه هو حس بريحتها فحس بقرف وقام من على السرير جاسر:امشى ياصافى من هنا قبل محد يشوفك وتحصل مشكلة صافى قامت وقربت منه وقالت بدلع:خايف عليا جاسر:بقولك ايه ابعدى من وشى بدل م والله هقول لجوزك وهو يتصرف معاكى صافى:كنت قلت من زمان جاسر:تاخدى كام وتحلى عنى صافى:ولا مال قارون يخلونى ابعد عنك انت محسسنى انك مغلطتش ...ايه نسيت ايه اللى حصل بينا فى الساحل جاسر:كنت سكران صافى:مهو علشان اليوم دة مش عايز تقول لجوزى عن اللى بعملوه ياجاسر ارحمنى بقا والله بعشقك جاسر مسكها من دراعها وطردها برة الاوضة كلها صافى:كدة ياجاسر ماشى والله لوريك تحت فى الصالة بسملة بصريخ:لا بسملة عايزة عيون اه بسملة عايز عيون تروح مدرسة اه بابا وحش اه بسملة تحبه لا لا لا جاسر بصريخ:بسملة احترمى نفسك وعلى اوضتك مفيش مرواح المدرسة انهردة فاطمة:جاسر عيون ترجع المدرسة ومش عايز اسمع منك كلمة بتعارضنى فيها مفهوم جاسر بضيق:حاضر ياستى فاطمة:خلاص بقا يابسملة اهو قالك عيون هترجع المدرسة يلة اطلعى على اوضتك بسملة:حاضر تيته وطلعت جاسر:كدة مينفعش خالص على فكرة سيبينى اربيها بطريقتى فاطمة مردتش عليه وطلعت الاوضة جاسر بعصبية:حسابك كل مدا بيتقل معايا انت عايزة منى ايه وايه اخرك معايا اللى مستغربه امتى بسملة اتعلقت بيكى امتى فى المدرسة فى مكتب المديرة:انا جيت علشان حضرتك صممتى لكن اشتغل تانى هنا لا المديرة:سامحينى جاسر الالفى مفيش حد يقدر يقوله لا دة بيتهزله رجالة بشنبات علشان خاطرى ارجعى الشغل عيون:اسفة مش هقدر طق طق المديرة:اتفضل بسملة:عيون عيون بصت لقتها بسملة بسملة قربت منها بسملة:بسملة مخاصمة عيون اه عيون:ليه ياحبيتى بسملة:علشان عيون عايزة تمشى وتسيب بسملة اه عيون:لا ياحبيتى عيون مش ماشية عيون هتفضل مع بسملة على طول بسملة بفرحة:بجد عيون:ايوة ياحبيتى بجد بسملة حضنت عيون عيون فى سرها:لحد امتى الدنيا هتفضل تخبط فيا انا والله تعبت فى بيت عيون اعتدال:بصى كمية السراسير اللى فى المطبخ عيون:حاضر ياعمتى هرش اعتدال:تصبنى المطبخ والحمام عايزاهم قشطة عيون:حاضر ياعمتى طق طق اعتدال بتبص لقته العزبى ومعاه المازون امتلاك بالاجبار الحلقة 6 اعتدال بخضة:يالهوى دة العزبى ومعاه الماذون عيون بخضة:يانهار اسود ماذون ايه الراجل دة اتجنن اعتدال فتحت وقالت بخوف:اهلا يامعلم العزبى:اهلا بيكى ياست الستات اتفضل ياسيدنا الشيخ عيون:استنى هنا يتفضل مين ايه شغل البطلجة دة انا مش قولتلك انى مش موافقة على الجوازة دى العزبى:بقولك ايه ياست البنات هلا هلا على الجد والجد هلا هلا عليه انا مش هتحرك من هنا غير لما سى الاستاذ الماذون دة يكتب كتابى عليكى والا هتمشى من الحارة كلها وهنضربلك تعظيم سلام كمان عيون بصدمة:عمتى قولى حاجة اعتدال:اقول ايه بقا حكم القوى على الضعيف يابت انجدى نفسك وانجدينا واتجوزيه معندكيش خيار تانى عيون:لا عندى ياعمتى انا همشى من الحارة كلها ارض الله واسعة وربنا مش هيسيبنى العزبى بعصبية:مالك يابت فردة جناحاتك علينا كدة ليه.امشى من الحارة كلها لو عايزة... بس وعد منى هتبقى ليا.دة وعد ومكتوب عليكى ياحورية الحارة يلة بينا ياشيخ ومشى اعتدال:هتروحى فين بقا ياختى عيون:اروح مطرح مروح مش فارقة اعتدال بعصبية:يعنى ايه مش فارقة شكلك هتحيبلنا العار يابت عبدالرحمن عيون بعصبية:كفايا بقا ارحمينى...انا هروح اقعد عند الاء...العزبى مش هيسيبنى ف حالى...انا همشى النهردة وريحكوا منى ودخلت اوضتها فى المدرسة فى اوضة المدرسين الاء جات عند عيون المدرسة الاء:خلاص ياعيون بطلى عياط بس تصدقى كويس انك مشيتى الموضوع دة كان نفسى فيه من زمان عيون بعياط:الراجل دة تعبت منه...جراته وصلته انه يجيب المازون ويطلب منى الجواز والا يطردنى من الحارة كلها الاء:بيتى مفتوحلك ياحبيتى متشيليش هم حاجة..بقولك ايه انا عايزة اقولك حاجة بس خايفة تزعلى عيون بقلق:فى ايه ياالاء الاء:مازن هيتجوز عيون بصدمة:وانتى عرقتى منين الاء:اصل العروسة رنت عليا وعزمتنى عيون:بطلى توتر وعروسة مين دى احنا نعرفها يعنى الاء:بصى ياعيون الواحد ميعرفش الخير فين يمكن مازن دة مش نصيبك اصلا عيون:متخلصى ياالاء واتكلمى على طول الاء:مازن هيتجوز سهير اللى كانت معانا فى الجامعة...عرفت توقعه بنت الايه...بس صدقينى هما شبه بعض...انتى تستاهلى سيد سيده عيون بوجع:هو فرحه امتى الاء:بعد اسبوع من دلوقتى عيون:هنروح انا وانتى الفرح وهغنى فيه كمان فى الجامعة ايات ماشية فجاه لقت حد شدها على الحيطة ايات بخضة:فى ايه يامومن مالك مومن:انا عايز اعرف انتى بتحبى على ولا لا ايات:وانت مالك بحبه ولا لا...هيفرق معاك فى ايه.وبعدين انت باى حق تمسكنى كدة مومن بغيرة:منا بصراحة مش فاهمك لما صحابك بيكونوا موجودين تفضلى تتدلعى عليه ولما بتكونوا لوحديكوا مبتكونيش طايقاه انتى عايزة ايه بالضبط ايات:ملكش دعوة عايزة ايه ...ولو سمحت سيبنى مومن:انتى شايفة انى مليش حق وشد دراعها ليه وقال بتحدى:انتى هتكونى ليا ياايات وانا عارف انك بتحبينى ايات:لا مش بحبك مومن:كدابة ايات:لا مش كدابة وعلشان اثبتلك انا هتخطب لعلى مومن:انتى لية بتعملى كدة ايات:اللى بعمله هو الصح مومن:ماشى ياايات انا هعرفك مين هو مومن البحيرى ومشى ايات:انا اسفة اوى يامومن بس انت متعرفش على وايه اللى ممكن يعمله..اللى عملته هو الاحسن فى فلة الالفى مش عايزها تغيب عن عينك لحظة..دبة النملة تبلغنى بيها مفهوم...ماشى سلام جاسر قاعد على الكنبة سرحان فى اوضته بعد شوية دخلت عليه بسملة بسملة:بابى جاسر:تعالى يابسملة بسملة:جاسر متصايق اه جاسر ضحك وقال:متضايق بس شوية بسملة:عيون مضايقة جاسر اه جاسر ضحك على ذكاء وطفولة بنته وقال:لا ياحبيتى مش عيون هى اللى مضايقة بابى بقولك انتى عملتى الواجب بتاعك ولا لسة بسملة:بسملة عاملة واجب لا جاسر:طب تعالى نعمل انا وانتى الواجب فى الكوافير مارينا:ايه ياعيون كل دة عيون:معلش يامدام سامحينى خلاص هشوف شغلى دلوقتى مارينا:فى واحدة عايزة تعمل شعرها وبعد مسمعت عنك مصممة انك انتى اللى تعمليلها عيون:حاضر من عنيا فى فلة الالفى جاسر قاعد فى البلكونة وف ايده القهوة بيشربها عمال بيفكر ف عيون جاسر:ياترى مين اللى عايز يتجوزها غصب...ودة سبب يخليها تسيب بيتها وتروح عند صاحبتها فى حارة العزبى على القهوة العزبى بعصبية وهو ببشرب الشيشة:البت دى لازم تيجى راكعة تحت رجلى هى فاكرة نفسها مين سمسم:طب متخطفها واتجوزها بالعافية يامعلمى العزبى وهو بيحرك شنبه:اخطفها ووديها فين ياحدق سمسم:فى شقة انا كنت م اجرها يامعلمى ايه رايك تاخد البت فيها العزبى:انت بتساعدنى ليه يلا ياسمسم سمسم:ربنا يعلم غلاوتك عندى يامعلمى وبعدين البت لازم تكسرلها مناخيرها الله ولا ايه يامعلم العزبى:انت خليت فيها معلم دة انت اللى معلم...بقولك ايه يلا ياسمسم..انا هخطفها ووديها المكنة اللى قولت عليها انت بقا تدارى عليا سمسم:وجب ياسيد المعلمين تانى يوم فى بيت اعتدال اعتدال:جرا ايه ياواد لحد امتى هتفضل لاوى بوزك دة احمد:متضايق اوى مكنش ينفع تمشى اعتدال:ومين سمعك دة انا هموت من العيظ مشيت وسابت شغل البيت كله على راسى احمد:دة كل اللى همك ياامى شغل البيت اعتدال:بقولك ايه ياخويا انا مليش خلق للسهوكة دى...اوعى يكون ياواد حبيتها بجد احمد مردش اعتدال:يبقى حبيتها قوطع الحب وسنينه انا مش فاهمة ايه المميز فى البت دى اللى يخلى كل الرجالة هتموت عليها كدة احمد:انا نفسى اقتل الزفت العزبى دة...علشان هو السبب فى ان عيون تسيب البيت وتمشى...بس يارب يسيبها ف حالها اعتدال:قصدك ايه ياواد ممكن يعمل فيها حاجة احمد:العزبى دة ممكن يعمل اى حاجة علشان ياخد اللى عايزه ربنا يستر عليها فى الجامعة غادة:ايه ياايات هتروحى الرحلة اللى عملاها الجامعة ايات:انا اصلا معرفش حاجة هى الجامعة عملة رحلة اصلا غادة: ايوة عاملة 4 ايام للغردقة ايات:غردقة ايه بس ياغادة...احنا ف شتاء غادة:وفيها ايه يعنى ياايات دى كل اللى فى الدفعة رايحين وغمزتلها وقالت:ومومن البحيرى كمان رايح ايات:طب انتى بتغمزى ليه...وبعدين رايح ازاى وهو مش معانا فى الدفعة غادة:مهو من ضمن المشرفين نظم كل حاجة مع رعاية الشباب..وتعرفى انا سمعت ان بسمة ناوية تطلع مخصوص علشانه وانتى عارفة بسمة ملهاش فى جو الرحلات دة ايات بغيرة:امممم قولتيلى وعلى فكرة انا مش متضايقة علشان هى طالعة دى رحلة واللى عايز يطلع براحته غادة:يعنى طالعة الرحلة ايات:اه ان شاء الله غادة:اشطا بعد كدة غادة راحت عند بسمة وبلغتها بسمة:يعنى هى رايحة الرحلة غادة:ايوة هى قالتلى بسمة:بس انا مش هخليها توقع مومن فى شباكها مومن ليا لوحدى غادة:يابنتة ايات مش بتحب تقطع علاقات وبعدين حتى لو مومن حبها ايات مش هتستسلم لحبه بسهولة بسمة:ولو...انا لازم اقرب من مومن على قد مقدر واعتقد الرحلة دى هتبقا فرصة كبيرة ليا وايات دى هتموت بقهرها وخلى حبها لعلى ينفعها عند ايات وعلى ايات:على انا موافقة على:على ايه ايات:على الخطوبة على:هو انت مش قولتلى بعد الجامعة ايات:وانا اهو بقولك موافقة على:بس انا مش موافق ايات:ليه كدة مش دة اللى انت عايزه على:انا بجد مبقتش فاهمك ايات بصوت واطى:يعنى انا اللى عارفة على:بتقولى حاجة ايات:لا ولا حاجة خلاص ياعلى براحتك انا همشى وهى ماشية خبطت فى مومن ايات:انا اسفة مومن فضل باصص فى عنيها وقال:ولا يهمك بس ياريت تحاسبى بعد كدة ايات بصت فى عنيه وقالت:شكرا على النصيحة ومشيت مومن مشى على طول من غير حتى ميسلم على علي اللى حس ان فى بينهم حاجة احساس بالغيرة اتملكه وهو ناوى على حاجة ياترى ايه هى؟ فى الشارع عيون ماشية فجاه لقت عربية قربت منها طلع منها واحد كممها وركب العربية وطلع فى مكتب جاسر الالفى جاسر:انت بتقول ايه اتخطفت.....خليك وراء العربية وبلغنى بخط سيرها..واول متعرف وقفت فين بلغنى فورا...ماشى سلام فى شقة ما العزبى:عفارم عليكوا يارجالة هو دة الشغل المظبوط الرجل1:البت عندك جوة بالهناء والشفاء العزبى:حد شافكوا وانتوا بتخطفوا البت الرجل1:عيب عليك يامعلم دة احنا رجالتك مفيش حد شافنا متقلقش العزبى:تمام خدوا حلاوتكوا واتكلوا من هنا الرجل1:من يد منعدمها يامعلم يلة سلام ومشيوا فى العربية الو....عرفت العنوان.....دى حارة شعبية ولا ايه...مقطوعة ازاى يعنى....تمام تروح تبلغ على طول وانا اهو فى طريقى على هناك..ماشى سلام فى حارة العزبى فى اوضة ايات قاعدة بتفكر فى مومن ومحتارة مش عارفة تعمل ايه ايه اللى هيجرا لو قالتله بتحبه...بس ياترى هى بتحبه بجد..ولا مشاعرها تجاه مومن نفس مشاعرها تجاه على هى بجد مش عارفة تعمل ايه ترن ترن ايات:الو غادة:ايوة ياايات انتى فين ايات:فى البيت هكون فين يعنى غادة:احنا فى ديسكو....والدنيا حلوة على الاخر تعالى اقعدى معانا ايات:لا بتهزرى مينفعش اروح الاماكن دى...دة كان اخويا يقتلنى غادة:بطلى عبط عيشى سنك شوية...دة مومن وعلى والشلة كلها هنا اخلصى وتعالى ايات:طب اقول لماما ايه غادة:قوليلها اى حاجة قوليلها رايحة اذاكر مع واحدة صاحبتى ومتقلقيش هتصدقك اخلصى يلا مستنينك ايات:اوكى يلة باى فى الديسكو على:تمام غادة:عيب عليك ....بس تصدق اول معرفت ان مومن جاى قالت هتيجى على طول بسمة بغيرة:مش قولتلكوا دى واحدة حرباية كل شوية بلون على:هنعرف كل حاجة بس لما تيجى فى شقة ما العزبى قلع الجلبية وقرب من عيون:اخيرا هتكونى ليا يخربيتك انتى شبة لهطة القشطة كدة ليه فضل باصص لجسمها برغبة واضحة وقرب من شفايفها وباسها بعنف هى حست بيه وقامت مفزوعة عيون بخضة:انت اه ياكلب ابعد عنى العزبى ضربها قلم وقال:انا كلب انا هعرفك مين الكلب دة دلوقتى اما خليتك متعرفيش تبصى فى عيون الناس انا كنت هتجوزك على سنة الله ورسوله لكن دلوقتى الموضوع اختلف على الاخر قرب منها وقلعلها هدومها بيحاول يغتصبها وهى عمالة بتقاومه بكل قوتها جاسر كسر الباب سمع صريخ اتخض ودخل الاوضة لقا العزبى فوق عيون وهى بتصرخ ميعرفش ليه الدم غلى فى عروقه راح مسك العزبى وضربه بكل غل الدنيا عيون بعياط:جاسر جاسر الحقنى اااه بموووت جاسر ساب العزبى وراحلها جاسر:عيون انتى كويسة...متقلقيش هنروح المستشفى حالا متقلقيش انتى بخير شالها وركبها العربية وراح بيها المستشفى البوليس خد العزبى على القسم فى حارة العزبى احمد بعصبية:انتى بتهزرى ياامى انتى ازاى تخليها تمشى... دى نهارها مش فايت معايا اعتدال:يبنى هى هتتخطف وبعدين انا معايا رقم صاحبتها وعارفاها ايه المشكلة لما تروح تقعد تفك معاها شوية احمد:البت دى لو جرالها حاجة انتى السبب مش انا اعتدال:ياخى تف من بقك دة السم فى اللسان ان شاء الله مش هيحصلها حاجة فى الشارع يااهل الحارة العزبى اتقبض عليه وهو دلوقتى فى القسم سمسم بخضة راحله وقال:عرفت منين يلا ياحديدة حديدة:هو فى حاجة بتستخبة فى ام الحارة دى ياعم سمسم فى سره:ياليلة دوخة اتققش لا دة انا امشى من الحارة واستكن يومين فى اى حتة اكيد البوليس هيقولوا الشقة دى بتاعت مين فى شقة اعتدال احمد:اتقبض عليه...ليه هو عمل ايه اعتدال:علمى علمك يبنى يكونش عمل فى البت عيون حاجة احمد:ياخبر اسود انتى معاكى رقم صاحبتها الاء دى ياماما اعتدال:ايوة يبنى معايا هروح اتصل بيها دلوقتى الحلقات 7_8 امتلاك بالاجبار الحلقة 7 فى المستشفى محمد:متقلقش ياجاسر هى بخير محصلهاش اى حاجة جاسر:على فكرة انا مش قلقان محمد:ماشى ياعم هعديها بقولك ايه انت متعرفش فين اهلها جاسر:لا معرفش بس انا كلمت صاحبتها وهى جاية دلوقتى الممرضة خرجت الممرضة:الحقنى يادكتور محمد المريضة عمالة تصرخ ومش فاهمين مالها محمد وجاسر جريوا على اوضة عيون محمد مسك حقنة مهداة وايداها لعيون اللى هديت تماما عيون كانت بتصرخ باسم امها جاسر مش فاهم حاجة بس قلبه وجعه عليها بعد شوية الاء جات الاء:عيون مالها ايه اللى حصل محمد بصلها تاه فى جمالها الاء:يادكتور انا بكلمك محمد:احم انتى تقربى للممريضة الاء:ايوة انا صاحبتها محمد:تعرفى فين اهلها الاء:ايوة انا كلمتهم وقالوا جايين..هى عيون بخير محمد:هى الحمد لله بخير متقلفيش الاء:شكرا جاسر:انا همشى محمد:ماشى ياجاسر فى العربية جاسر ماشى بالعربية سرحان مش عارف ليه انقذها معقول خاف عليها..ازاى هو مش المفروض بيكرها...لا هو معندوش اى مشكلة معاها هو بيكره وشها بيفكره بخيانة مراته ليه فى فلة الالفى جاسر فتح الباب ودخل اوضة بسملة لقاها نايمة باس راسها وخرج دخل الاوضة خد الشاور بتاعه وقعد على السرير فضل سرحان فى السقف ومش عارف ايه اخرة عيون معاه وقرر انه مش هيشوفها تانى فى المستشفى اعتدال:عاملة ايه دلوقتى عيون:الحمد لله ياعمتى تشكرى احمد:انتى هترجعى البيت مخلاص العزبى بقا فى القسم فمفيش حاجة تخافى منها عيون سرحت شوية وضحكت عفويا لما افتكرت ان لولا جاسر كانت زمانها ميتة احمد:بتضحكى على ايه عيون:افتكرت حاجة ضحكتنى عمتى انا كويسة ومفيش داعى اقعد فى المستشفى ولا ايه اعتدال:ماشى انا هقول للدكتور وممكن تخرجى انهردة من المستشفى عيون:ماشى ياعمتى.. اومال ايات فين صح احمد:ياامى رنى عليها ابوس ايدك شوفيها فين اعتدال:منا كلمتها قدامك وقالتلى عند صاحبتها احمد بعصبية:هاتى انا هرن عليها...البت دى لو محدش لمها عيارها هيفلت...ايه محدش هيعرف يكسرها ولا ايه هاتى ام التليفون فى الديسكو ايات:انت جايبنى هنا علشان تقولى كدة على:منا لازم اعرف ايات:تعرف ايه هو انت مجنون على:اعتبرينى مجنون ممكن اعرف ايه اللى بينك وبين مومن ايات بتوتر:مفيش حاجة بينه وما بينه على:طب ليه متوترة اوى كدة ايات:بتهيالك وبعدين انت مش بتثق فيا ليه منا قولتلك لا هكدب مثلا على:طب لو قولتلك انى هروح علشان اتقدملك هتقولى ايه ايات:موافقة على بدهشة:موافقة بجد.....وايه اللى غير رايك ايات:عادى على بعصبية:لا مش عادى...انتى عايزة تهربى من مومن انتى بتحبيه وخايفة عليه منى وهما قاعدين اتفجاوا بمومن مومن:ازيكم على:ايه اللى جابك مومن:عادى انا بسهر هنا على طول شوفتكوا قولت اجى اسلم عليكوا على:هو انت بتحب ايات مومن بص لايات لقاها متوترة مومن:انا بعشقها مش بحبها على مسك قميصه جامد:وبتقولها ف وشى انتى بجح اوى على فكرة ولازم تتربى مومن بص لايده اللى على قميصه وبعد كدة بص فى عنيه مباشرة وقال:نزل ايدك ياشاطر عيب كدة...وبعدين بلاش تتحمق اوى كدة انت سالتتى وانا جاوبت ايات قامت وقالت:خلاص ياعلى على:خلاص ايه ممكن افهم ايه اللى بيحصل هنا انت عايزانى ولا عايزاه ايات:انا بحب مومن مومن ضحك ضحكة خفيفة تحمل كل معانى الفرحة اما على من عصبيته ضرب ايات قلم مومن اتعصب وفضل يضرب فيه الامن بتوع الديسكوا فضوا بينهم وطردوهم برة ايات:مومن كفايا وخلينا نمشى على بعصبية:انتى ليا لوحدى ياايات انتى فاهمة متخلنيش اعلن عليكم الحرب انتوا الاتنين مومن:ماشى ياعم صلاح الدين وانت عارف مش مومن البحيرى اللى يتهدد وهو عارف ازاى يحمى اللى منه ومسك ايد ايات وركب العربية ومشيوا ترن ترن على بضيق:ايوة بسمة:ايوة ياعلى ايه اللى حصل على حكالها كل حاجة بسمة اتعصبت وقالت:نعم انت واعى بالكلام اللى بتقوله ازاى اصلا جى للديسكوا وشافكوا على:معرفش يابسمة بس والله لهوريها اما فضحتها فى الحارة مبقاش انا بسمة:اتصرف ياعلى انا معنديش استعداد اخسر مومن اعمل اى حاجة على:هقولك انا هعمل ايه فى العربية ايات:طب نروح المستشفى مومن:ليه مستشفى يابنتى دى شوية كدمات بسيطة متقلقيش ايات:متاكد مومن:سيبك انتى اخيرا نطقتيها ايات بكسوف:مومن الله مومن:يالهوى على اسمى وهو طالع من شفايفك ايات:بلاش قلة ادب مومن:هو انا لسة قولت حاجة دة انا لسة هقول ايات:لا دة انت تنزلنى احسن ترن ترن مومن:مين بيكلمك ايات:دة اخويا اكيد هيطلع عينى انا فعلا اتاخرت مومن:طب خلاص ردى عليه علشان ميقلقش عليكى ايات:حاضر فى حارة العزبى فى شقة اعتدال احمد بعصبية:انتى ازاى تخرجى من غير متقوليلى ايات بخوف:والله انا قولت لماما ايه ياحاجة متقولى حاجة عيون:خلاص يااحمد سيبها لو ليا خاطر عندك احمد:خاطرك على راسى ياعيون بس البت دى لازم تتربى وانا عارف هرببها ازاى ايات جريت على اوضتها وقفلت عليها الباب احمد:شايفة عمايل بنتك عيون بتعب:خلاص يااحمد هى عملت ايه يعنى راحت عند صاحبتها وقعدت معاها شوية بعد كدة اكد عليها انها متروحش ف حتة من غير متقولك اعتدال:خشى ياعيون ارتاحى انتى اكيد تعبانة عيون:ماشى تصبحوا على خير اعتدال:وانتى من اهله تانى يوم عيون اتحسنت فقررت تروح المدرسة فى المدرسة ساعة المرواح بسملة:بسملة زعلانة من عيون اه عيون:ليه عملت ايه بسملة:بسملة تعرف عيون مالها اه عيون:انا بخير ياحبيتى متقلقيش بسملة:بسملة عايزة عيون على طول اه عيون باستغراب:مش فاهمة يعنى عايزة ايه بسملة:عيون تتجوز جاسر اه عيون بحلقت جامد وقالت:يالهوى لو الحجر سمعك مش هيجيبها لبر ابدا بسملة:بسملة تعرف حجر لا عيون:الحجر دة يبقا ابوكى...بصراحة ملقتش وصف اوصفه بيه غير دة وبعدين اوعى تقولى الكلام دة لابوكى هيبلعنا انا وانتى بسملة:بسملة تسمع كلام اه عيون:شاطرة يابسملة شوية وجاسر جى بسملة اترمت فى حضن باباها اللى شالها جاسر جاى يمشى بس وقفه عيون:شكرا جاسر بصلها وقال: العفو وعلى فكرة اى حد ف مكانى كان عمل كدة وياريت تتحجبى وبطلى اللبس الضيق دة علشان دول السبب فى اللى اتعمل فيكى يلة سلام ومشى عيون بعصبية:انسان رخم وهو ماله اصلا البس حجاب او لا.والعبيطة التانية عايزانى اتجوزه اتخبلت ولا ايه انا ابقا مرات دة...يانهارى دة يصبحنى بعلقة ويمسينى بيها فى فلة الالفى فى اوضة فاطمة بسملة عمالة تنط على السرير فاطمة:مالك يابت فى ايه بسملة:بسملة عايزة بابا يتجوز اه فاطمة مسكت بسملة من ايدها وقعدتها على السرير فاطمة:دة على كدة احنا مكناش اطفال ايش فهمك فى الحاجات دى يامفعوصة انتى بسملة:بسملة عايزة جاسر يتجوز عيون اه فاطمة باستغراب:عيون مين قصدك الاخصاءية يالهوى انتى عايزة ابوكى يقتلنا دة رافض فكرة الجواز يوم مينجوز يتجوز عيون بسملة بصريخ وعياط:بسملة عايزة ماما اه...بسملة عايزة حضن اه...بسملة تحب عيون اه فاطمة حضنت بسملة وقالت:خلاص ياحبيتى متعيطيش خلاص هكلم ابوكى فى الموضوع دة وامرى لله تانى يوم اعتدال:قومى ياختى عيون:فى ايه ياعمتى صباح الخير اعتدال:انا مش قولتلك ان الصراصير فى المطبخ قد كدة وانتى قولتيلى انك هترشى عيون:حاضر ياعمتى انهردة اصلا الجمعة ومش خارجة غير بليل علشان اروح الكوافير هرش حاضر من عنيا اعتدال:يلة بسرعة انا مستنياكى وطلعت برة الاوضة عيون:يارب نفسى اخرج برة الحتة...والله معندهاش ريحة الدم انا لسة خارجة من المستشفى وهى بتقولى خشى المطبخ علشان ترشى رحمتك يارب فى الصالة احمد:صباح الخير ياعيون عيون:صباح النور يااحمد رايح الشغل احمد:ايوة عايزة حاجة عيون:سلامتك يااحمد احمد:يلة سلام عيون:سلام ومشى اعتدال:والله معرف ابنى بيحبك على ايه...غاوى يعذب قلبه دة بس لو شاور اجيبله بنات الدنيا كلها تحت رجليه عيون:معلش مسيره بقابل واحدة تفهمه وتحبه لكن انا لا فى بيت جاسر جاسر بعصبية:ايه الكلام الفارغ دة ياستى عايزانى اتجوز عيون...انتى اكتر واحدة عارفة انه مينفعش فاطمة:طب قولى اعمل ايه بنتك مرتبطة بيها..وعايزاك تتجوزها جاسر:مستحيل...عيون كل مشوفها ببقا عايز ارتكب جريمة انا مش هتجوز عيون ولا غيرها ودة اخر كلام وفجاه سمعوا كان حد وقع على الارض بيبصوا لقوها بسملة جاسر شال بنته ووداها الاوضة جاسر:بسملة ردى عليا ياحبيتى بسملة قتحت عينها وقالت بعياط:جاسر وحش اه ...انا عايزة عيون اه...عايزة عيون اه اه اه...بسملة ملهاش دعوة اه...بسملة عايزة ام وحضن وعيون اه عمالة بتعيط وتصرخ ابوها بيحاول يهديها مش عارف فاطمة:انا لازم اجيب عيون هنا علشان خاطر البنت..انت عارف رقمها ولا لا جاسر:سهل اجيبه مش حاجة يعنى فاطمة:كويس فى بيت اعتدال ترن ترن ايات:عيون تليفونك بيرن عيون سابت اللى ف ايدها وراحت ترد على التليفون عيون:الو....ايوة انا....ايه...طب انا جاية على طول...طب العنوان ايه...حاضر جاية على طول مش هتاخر ايات:فى ايه ياعيون حصل حاجة عيون:انا لازم امشى عيون لبست جت تنزل بس اعتدال فضلت تشتم فيها كتير بس عيون كانت عايزة تمشى لان فاطمة قالتلها ان بسملة عمالة تصرخ وعايزاها ياترى ايه اللى هيحصل؟ فى القسم العزبى:جرا ايه ياعم متتصرف منت واخد على قلبك كدة قدة المحامى:يامعلم الموضوع صعب دول افاشوك بالجرم المشهود مش هعرف اساعدك مفيش حل غير عيون تيحى تتنازل عن المحضر ودة اعتقد مش هيحصل العزبى:يعنى ايه الكلام دة لاموخذة يعنى انا هشرف فى ام التخشيبة دى كام يوم المحامى:ممكن نخرجك بكفالة بس غالية شوية العزبى:ادفع من جنيه لمليون بس اخرج من هنا المحامى:اصبر عليا يومين وانا هحاول اتصرف ولا تقلق يامعلم العزبى:العزبى حرمة تتدخله التخشيبة ماشى لما اطلع بس انا اللى غبى علشان سمعت الكلام الزفت سمسم بس ملحوقة امتلاك بالاجبار الحلقة 8 عيون راحت فلة الالفى قاعدت فى الصالون لحد مصافى نزلت اللى اول مشافتها اتصدمت لدرجة ازازة الويسكى وقعت من ايدها عيوم مش فاهمة ايه اللى ببحصل جات صافى تتكلم بس فاطمة منعتها وفالت:متستغربيش ياصافى دى عيون تبقى اخصاءية فى مدرسة بسملة وبعدين انتى مش قولتى انك رايحة تعملى شوبينج يلة روحى صافى مشيت بس دماغها عمالة بتودى وتجيب صافى:مش معقول دى شبه نوال بالظبط وياترى جاسر يعرف الموضوع دة...وبعدين ليه ست جاسر منعتنى من الكلام عند فاطمة وعيون فى الصالون فاطمة:اقعدى ياحبيتى عيون قاعدت وقالت:انا جاية علشان خاطر بسملة يعلم ربنا غلاوتها عندى.هى عاملة ايه دلوقتى كويسة فاطمة حاولت تكون طبيعية على قد متقدر ومش تبين صدمتها من قوة الشبه بين عيون ونوال فاطمة:الحقيقة هى مش كويسة خالص عمالة تصرخ باسمك انتى ياعيون البنت اول مرة تتعلق بحد بالشكل دة علشان كدة انا محتاجة منك انك تبقى معاها على طول عيون:والله يامدام انا بحبها وانا ياما كلمت باباها وقولتله ان البنت دى محتاجة ام فحياتها والا هتدمر فاطمة:علشان كدة انا عايزاكى تتجوزى جاسر ياعيون ومتستغربيش صدقينى مفيش حل غير كدة عيون بصدمة:اتجوز مين...لا طبعا هو انا اتجننت علشان اتجوز واحد زى دة فاطمة:الواحد دة بنات اشكال والوان هيموتوا عليه وعلى فكرة هو لسة مش موافق انا بحاول اقنعه وختارتك انتى علشان بسملة مرتبطة بيكى وانا حاسة انها هتتغير بشكل جذرى لما يكون فى ام فحياتها والام دى تبقى انتى عيون:هى بسملة فين فاطمة:فى اوضتها تحبى تتطلعلها عيون:ايوة فاطمة قالت لعيون عن مكان الاوضة طلعت السلم وكانت سرحانة فرجليها اتكعبلت جات تقع بس جاسر مسك ايدها علشان يسندها عيون بصتله وقالت:شكرا جاسر بضيق:ايه اللى جابك هنا عيون:انا جاية علشان خاطر بسملة ممكن تعدينى جاسر:ارجع واقولك خطتك هتفشل مش جاسر الالفى اللى لما ييجى يقع فى شباك واحدة الواحدة دى تبقى انتى عيون بصتله بعصبية وقالت:هو انت فاكر نفسك مين...انا يستحيل ابص لواحد زيك فاكر ان كل الناس تحت وهو بس اللى فوق.وبعدين انت بتظلمنى كتير انا جيت لبسملة مش علشانك انت خالص.قال جواز قال...انا يستحيل اتجوز واحد زيك ابدا...انا كدة بحكم على نفسى بالاعدام جاسر باستغراب:جواز ايه...فى حد فتح معاكى سيرة الجواز عيون:ايوة ستك ومتخيلة انى هوافق علشان خاطر بسملة ويكون فى علمك بسملة مش نقطة ضعف بالنسبالى علشان تلوى دراعى بيها مش معنى انى بحبها يبقى اتنازل واعيش معاك جاسر اتعصب وقال:انتى ازاى تتكلمى كدة ف وشى انا...انتى عارفة انا ممكن اعمل فيكى ايه ...انتى فاكرة نفسك انك حاجة يابت انتى ولا ايه عيون قربت منه وبصت فى عنيه مباشرة وقالت:لو خيرونى بين الموت وجوازى منك هختار الموت..الله اعلم لو اتحوزتك هتبقى حياتى عاملة ازاى...هتبقى حجيم..واوعى بقا خلينى اخش عند بسملة ومشيت جاسر بعصبية:انا اكيد عملت حاجة فى دنيتى وحشة علشان ربنا يرزقنى بيكى...وانتى متخيلة انى هموت واتجوزك...انا لو اتجوزتك هيبقى لسبب نوال الموت رحمها منى ومعرفش اخد بطارى لكن انتى اللى هتنولى الشرف دة...هتجوزك ياعيون...بس حياتك معايا هتبقى كلها اسود ف اسود مش هتدوقى طعم النوم...انا عارف يمكن اكون بظلمك بس انتى اللى وقعتى ف طريقى الاول...يبقى استحملى فى اوضة بسملة عيون:ايه يابسملة مش عايزة تبصيلى ليه بسملة:بسملة زعلانة من عيون اه عيون:زعلانة منى ليه يابسملة بسملة بصتلها وقالت:بسملة عايزة عيون تتجوز جاسر اه عيون بصدمة:انتى عايزانى اتجوز جاسر ليه يابسملة بسملة:عشان عيون تبقى مع بسملة اه عيون:منا معاكى اهو ياحبيتى ومش سايباكى بس جواز من جاسر صدقينى مش هقدر بسملة قامت وفضلت تصرخ عيون مش عارفة تعمل ايه فعلشان تهديها قالت انها موافقة على الجواز بسملة فرحت وحضنت عيون اللى باين فى عنيها اوى القلق وخايفة اوى من اللى جاى فى الصالون فاطمة بدهشة:موافق جاسر:ايوة ياستى موافق بس علشان خاطر بسملة...عيون دى ملهاش اى حقوق اظن فاهمانى فاطمة:ناوى تعمل فيها ايه ياجاسر جاسر بصلها باستغراب فاطمة:ايه مالك هو انت فاكرنى مش عارفاك ولا ايه ياجاسر...دة انا اللى مربياك...اسمع يبنى عيون ملهاش ذنب ف اى حاجة هى متعرفش انك قتلت مراتك علشان خانتك..ومتعرفش ان وشها شبه مراتك والشبه دة هيمنعها انها تقرب منك..صدقنى ربنا هو اللى عايز كدة اكيد ليه حكمة ف حاجة زى كدة احنا منعرفهاش اظن فاهمنى جاسر شاور براسه ب اه بس اللى فى دماغه ناوى عليه لا محالة نور نزلت ومعاها بسملة بتضحك وباين عليها مبسوطة بسملة جريت على حضن ستها وعيون باصة فى عيون جاسر... والاتنين باصين لبعض بحيرة واضحة عيون:انا موافقة جاسر:على عيون متضايقة من بروده اوى عيون:على الجوازة دى..بس علشان خاطر بسملة جاسر:وانا كمان موافق وبرده علشان خاطر بسملة بسملة جريت على باباها اللى خدها بالحضن وكان مبسوط علشان هى مبسوطة فاطمة بفرحة:على بركة الله اسمعى ياعيون احنا هنروح نتقدم وهنقرا الفاتحة وبعديها بيومين الفرحة الكبيرة عيون بقلق:الحقيقة انا معنديش مانع بس بيتى ف حارة شعبية فاطمة فهمت وقالت:متخافيش يابنتى..احنا ميهمناش الحاجات دى ابدا احنا خلاص جايين بكرة ان شاء الله تمام عيون:تمام فى حارة العزبى فى بيت اعتدال اعتدال:ايات بت ياايات ايات رايحلها المطبخ:ايوة ياماما اعتدال:تعالى اعملى البوتاجاز دة..شايفة شكله عامل ازاى ايات بصدمة:no way انا لا يمكن احط ايدي فى البتاع دة...وبعدين الشغل دة بتاع عيون مش بتاعى اعندال:متعيشى عيشة اهلك يابت انتى ايش حال انك فى حارة اومال لو ساكنة ف عمارة 40 دور ولا حاجة هتعملى ف ابونا ايه...وبعدين انتى هتكونى ست بيت ازاى..دة انتى كدة مش هتربعنى فى بيت حوزك دة انتى مش بتعملى حاجة فى شغل البيت خالص ايات:متقلقيش ياماما هجيب خدامة ترن ترن ايات:عن اذنك ثوانى دخلت الاوضة وقفلت عليها ايات:الو على:واحشانى ايات:عايز ايه ياعلى على:انتى متضايقة علشان كلمتك ايات:انت اكيد بتسمعنى صوتك علشان حاجة معينة فى دماغك ممكن اعرف ايه هى على:تعجبينى..بقولك ايه قدامك خيارين ملهومش تالت ياما تسيبى مومن وترجعيلى ياما شرفك هيكون فى الباى باى ايات بخوف:قصدك ايه على:انتى شكلك نسيتى الصور اللى انتى بعتهالى سهل جدا اعملها فوتوشوب واخلى فضحتك بجلاجل فى الحارة ايات بخوف:انت مستحيل تعمل كدة على:تبقى متعرفنيش ياقطتى...قدامك يومين...واول مبخلصوا اسمع انك سيبتى مومن والا هنفذ تهديدى يلة سلام وقفل ايات عمالة بتعيط مش عارفة تعمل ايه فقررت ترن على ايات:الو مومن:ايوة ياايات واحشانى يابنت ايه ايات بعياط:الحقنى يامومن فى كافيتريا ما مومن بعصبية:ممكن تبطلى عياط..دة انا اصلا ماسك نفسى منك بالعافية ايات:ليه عملت ايه مومن:لا ياشيخة مش عارفة بجد...ايه اللى خلاكى تبعتى الصور للزفت على ايات:انت ليه محسسنى انها صور وحشة والله مكنت لبسة لبس وحش دة كان لبس خروج مومن بعصبية:انتى ايه اللى خلاكى تبعتيلوا الصور اصلا اهو يافالحة عمال يساومك بيهم عجبك كدة...اسمعى ياايات احنا لازم نجيب الصور منه ايات مسحت دموعها وقالت:طب ازاى هنعمل كدة...دة مسكنى من ايدى اللى بتوجعنى..وانا يستحيل اسيبك بعد ملقيتك مومن مسك ايدها وقال:انتى مجنونة اسيبك دة ايه..انتى روحى اللى بتكملنى ياايات..دة انا من غيرك اموت.بس دة مش معناه انى مش زعلان منك دة انا شوية وهطق ايات:خلاص يامومن وقولى هنجيب الصور منه ازاى مومن:هقولك فى بيت على على:ايوة يابسمة بسمة:كلمتها على:ايوة كلمتها بسمة:على فكرة ياعلى احنا نسينا حاجة مهمة اوى على:نسينا ايه مش فاهم بسمة:عيلة مومن البحيرى عيلة جامدة ومتنكة على الاخر ومستعدة تقتل علشان خاطر مصلحتها على:ايه يابسمة الاوفر دى...مش لدرجة القتل ايه مفيش قانون بسمة:لا فى قانون بس هما اللى بيلعبوا بيه وعلى فكرة عيلة مومن مش هتسمح ان واحدة زى ايات جاية من حارة شعبية وام طماعة ومتتعاشرش زى اعتدال تدخل حياتهم ولا ايه على فرح من كلام بسمة على:يعنى علاقة هتفشل لا محالة بسمة:ايوة طبعا هتفشل وبرده اشتغل بالورقة اللى معاك على:تمام فى نفس الكافيتريا بس على طربازة تانية صافى:انا اتصدمت لما شوفتها انا اللى مطمنى ان جاسر مش هيقرب منها ميرفت:بس انا مش فاهماكى هو انتى مش متجوزة..ليه بتبصى لجاسر صافى:علشان انا اتحوزت الالفى مخصوص علشان ابقى قريبة من جاسر...انا لما بكون مع الالفى بحس انى جسم من غير روح بس مع جاسر ببقا حبة نفسى وحاسة انى ست بالمعنى الكامل ميرفت:ربنا يهديكى ياصافى..بس نصيحة منى طلعى جاسر من دماغك لان بطريقتك دى هتخسرى كل حاجة صافى:نو واى..مش هطلعه من دماغى خاصة بعد م حصل ما بينا فى الساحل دة انا كنت طايرة وانا معاه ميرفت:بس دى خيانة ياصافى صافى:يووووه خليكى عايشة كدة فى دور ضمير ابلة حكمت انا ماشية فى القسم المحامى:اسمعنى كويس يامعلم انا هخرجك بس بكفالة اظن انى كدة وفيت بوعدى بس العزبى:بس ايه المحامى:اوعى تقرب من عيون باى شكل من الاشكال ولازم تمضى العزبى:امضى على ايه المحامى:على حالة عدم تعرض وبصراحة انت لازم تبعد عن البت دى ولو شوية لحد م الدنيا تهدا العزبى:اخد الحق صانعة ياسى الاستاذ وانا عارف هاخد حقى منها ازاى انا اهم حاجة عندى ارجع للحارة وتنور بيا من تانى المحامى:ان شاء الله يامعلم فى الشارع عيون:الو المحامى:الو ياعيون عيون:طلع ولا لسة المحامى:ايوة طلع انهردة والفلوس معايا وزى موعدتك النص بالنص عيون:انت عارف انى موافقتش انى اتنازل مش علشان الفلوس بس وكمان علشان اننقم منه على اللى عمله فيا المحامى:اقابلك فين علشان اديكى الفلوس عيون:هقولك فى حارة العزبى اعتدال:كنتى فين يابت ايات بتوتر:كنت عند واحدة صاحبتى احمد:صاحبتك مين دى ايات:دى دى اسراء كانت محتاجة منى ملاحظات فقولت اروحلها اقعد معاها شوية احمد:تعرفى لو عرفت انك بتكدبى عليا هعمل فيكى ايه ايات بخوف:لا مش كدابة متقلفش انا هدخل اذاكر ودخلت اوضتها بعديها بشوية عيون دخلت عيون:السلام عليكم الكل:وعليكم السلام عيون:عمتى اعملى حسابك ان فى ناس جايين بكرة عندنا< اعتدال:ونبى ايه...وناس مين دول وعايزين ايه عيون:جايين علشان يطلبوا ايدى