ثم اخلاق ايه اللي. بتتكلم عنها وتقولى اخلاقى تمنعنى …طب كانت فين اخلاقك دى وانت. بتعمل فيا كدا …
انت مش بنى ادم ..انت حيوان …
لم يتحمل زين حديثها اكتر من ذلك ليصفعها صفعه قويه اوقعتها أرضا…
حوريه وهى تتوعد لذلك المغرور الظالم …
حوريه : كدا انت اللى بدأت وقامت من مكانها لتعلن الحرب بينها وبينه …تعود إلى حجرتها وتجلس على سر,,,يرها وتبكى …بقلم منال عباس
حوريه : فينك يا بابا …ليه انكتب عليا اعيش من غيرك …حتى مفيش صورة ليك اشوفها ..
ثم طرق الباب ..مسحت دموعها بسرعه وتحدثت :
ادخل
دخلت بسنت بسرعه وهى سعيده وتحتضنها …
بوسي : الف مبروك يا حور …انا فرحت اووووى اول ما عرفت …
حور وهى تحاول أن تدارى حزنها : الله يبارك فيكى ….
بوسي : عارفه كان قلبي حاسس
امبارح آبيه قعد يسألنى عنك كتير …
ودا مش طبع آبيه خالص …ديما رافض فكرة الزواج والارتباط …بس انتى الحقيقه تستاهلى يا حور …انا فرحانه اوووى انك هتبقي معانا ديما …
حور : تسلميلي يا بوسي
بوسي :
يلا تعالى معايا اوضتى …
ماما وطنط فوق فرحانين جدا …وبابا اتصل على عمو غانم وعزمهم …
يلا مفيش وقت …سيبيلى نفسك …وانا هتصل بالميك اب ارتيست …واتيليه فساتين الزفاف
حور : مفيش داعى من دا كله …
بوسي باستغراب : ازاى بس …يلا بقي احسن آبيه يزعل منى …دا طلب منى اجهزلك اى حاجه تؤمرى بيها واخذتها وصعدوا إلى حجرة بسنت … عند مريم
مريم : الحقيقه انا خايفه على حور من الجوازة دى …حور بنتى عنيدة ومش بتيجى بالضغط …
محمد : انا شايف أن اللى حصل دا لمصلحتنا كلنا …
سمر : احنا ما صدقنا أن زين يغير فكرته عن الجواز ويقتنع اخيرا …واظن زين ما يتعايبش يا ست مريم ..
مريم : انا مش بقول حاجه فى حقه لا سمح الله …بس حور …انا عارفاها كويس …
محمد : احنا كنا بنفكر كلنا ازاى حور تفضل هنا لحد ما نثبت الحقيقه …على دخول زين
زين : حقيقه ايه يا بابا ؟
محمد وهو يحاول أن يجمع أفكاره بسرعه حتى لا يعرف زين ما يدور بينهم …
محمد : حقيقة أنك هتتجوز حور وانت مقتنع بيها ..لان الست مريم خايفه تكون مغصوب عليها …
زين بشك : مفيش حد بيغصبنى على حاجه يا طنط ..
مريم : طيب يا ابنى ربنا يهنيكم ببعض …
زين : شكرا …بابا لو سمحت عايزك فى موضوع …بقلم منال عباس
محمد : طب عن اذنكم انتم وأخذ زين وخرج …
محمد : خير فى حاجه نقصاك ..
زين :
ايه الداعى انك تعزم عمى وأسرته ..وانت عارف ان الجوازة دى لمجرد وقت …
محمد بحدة : وليه لمجرد وقت !! هى بنات الناس لعبه بين ايديك …
ترضي حد يعمل فى اختك كدا
زين : بس دى مش زى اختى ..دى واحدة …وسكت فجأة
محمد : واحدة ايه ما تكمل ..ولا انت مابقاش ليك كبير وعمال تخبط فى كل حاجه …يلا روح اجهز وبطل افت*رى على خلق الله…وأحمد ربنا أن البنت وافقت ..واحدة غيرها كانت زمانها فض*حتك بتصرفاتك الو *س*خة
زين :
بقي هو كدا …ماشي تمام وترك والده وهو يستشيط غيظا من تلك الحوريه التى أتت فجأة لتقلب حياته رأسا عن عقب …. فى حجرة بسنت
حيث وصل العامل بالآتيليه بالعديد من ملابس الزفاف …
تقف حور محتارة .فكلهم اجمل من بعضهم البعض …لتأتى فى رأسها فكرة فتبتسم بخبث وتختار إحدى الفساتين
وكان فستان زفاف قصير فوق الركبه زو فتحه طويله على الص,,در ..
بسنت : يا نهار مش فايت …هتلبسي دا يا حور …
حور : ايوا ما لبسهوش ليه مش الحفله على الضيق …ثم إن دا زوق زين
بسنت :
يعنى آبيه زين موافق انك تلبسي كدا …عجبت لك يا زمن …
دا ديما كان بيزعق لو لبست اى حاجه قصيرة ..فعلا آبيه اتغير خالص ..
ابتسمت حوريه فى نفسها : صبرك عليا يا زين الك*لب هنشوف مين اللي. هيضحك الآخر ….وطلبت من بسنت إحضار بعض الطعام فهى لم تأكل اى شئ إلى الآن ..
بسنت : من عنيه هنزل اخلى دادة فاطمه تعملك احلى اكل لاجمل عروسه …
انتظرت حور خروجها …واتصلت على صديقه لها
حور : سالى ازيك وحشانى
سالى : حبيبتى يا حور وانتى اكتر يا قلبي …
حور :
ينفع اطلب منك خدمه
سالى : اه طبعا ..انتى بتستأذنى …خيرك سابق يا حور
حور : حبيبتى تسلميلي ..عايزاكى تكتبى فى السوشيال ميديا بكل انواعها الخبر دا ……….وتكتبي الدعوة عامه …
سالى : انتى بتتكلمى بجد يا حور …ولا دا مقلب …انتى عارفه شرطه الفيس بوك بقت بتقفل الحسابات للاخبار الفيييك …
حور : اطمنى ..دا حقيقي
سالى : الف مبروك يا حبيبتي …
حور : الله يبارك فيكى يا سوسو وعقبالك …وشكرتها وأغلقت الهاتف..
بعد قليل حضرت بوسي بساندوتشات
بوسي : اتفضلى يا عروستنا …ويلا علشان الميك اب على وصول ..
حور : اه طبعا … عند غانم حسن المصرى
غانم : انا ديما كنت بسمع عن الست دى الممرضه وبنتها ولا مرة روحت عندهم هناك وشوفتهم …
عمر : الحقيقه يا بابا حور دى صاروخ ارض جو ..تقول ملكه جمال ..يا بختك يا زين
غانم : عيب تتكلم عنها كدا البنت دلوقتى بقت من العيله وتعتبر زوجه زين …وانت عارف زين ابن عمك لو سمع كلامك دا مش هيسكت ..
عمر ،: الحقيقه انا مستغرب …انا اللى بقالى شهور بحاول معاها …
يجى سي زين فجأة ياخد الجمل بما حمل …
لترد أميرة والده عمر
أميرة :
وانت كنت مفكر أننا هنوافق انك تتجوز بنت الممرضه دى ولا ايه
فوق لنفسك وشوف انت مين وهما مين ..
عمر : ما هو زين اهو من نفس وسطنا وهيتجوزها ..
أميرة وهى تنظر إلى غانم وتتحدث : واضح أنه رمرام زى ناس زمان …
يلا روح اجهز علشان نروح نشوف عروسه الغفله دى كمان …زمانها واحدة فلاحه بيئه لا بتعرف حاجه عن الاتيكيت ولا الموضه …
غانم : سابوا ليكى انتى الموضه والاتيكيت …ربنا يهديكى وتركها وصعد إلى حجرة نومه
جلس على الأريكة
غانم :
ياااه يا زين ولا قدرت تغير قوانين العيله …
انا خسرت حب عمرى وشبابى وخسرت نفسي لمجرد أن اسمع كلام والدى علشان تقاليد العيله وحزن فى نفسه …يا ترى هى عامله ايه دلوقت …يا ترى عايشه ولا …اكيد اتجوزت مش معقول هتعيش العمر دا كله من غير ونيس …..
مر الوقت بسرعه وامتلأت الفيلا بالعديد من المدعويين
وقف محمد مستغرب فهو لم يدعوا أحد كيف لكبار رجال الدوله والصحفيين أن يأتوا …
ذهب إلى زين ليسأله
زين : انا اللى كنت لسه هسألك ..عزمت كل دول ليه مش قولنا الحفله على الضيق …
محمد : اومال مين عزمهم
..يلا مفيش وقت هتصل بسرعه بأى فندق يبعت لينا بوفيه مفتوح علشان المعازيم دووول …
وصل غانم وعائلته ليجد الفيلا والحديقه ممتلئه …
كما حضر العديد من الفنانين لإحياء الحفل …
عند حور
بسنت : الحقى يا بنت المحظوظه
حور : فى ايه
فى ان كل المطربين المشهورين تحت
كلهم جايين علشان فرحك ..بقلم منال عباس
ابتسمت حور وقالت
حور : طبعا هو انا اى حد…
بسنت : اوعدنا يارب …يلا جاهزة علشان بابا هيطلع ياخدك ويسلمك ل زين يا عروسه
حور : حاضر وانا فى انتظاره ….
قامت الميك اب ارتيست بتثبيت الطرحه فوق شعرها الذهبي لتصبح أكثر من رائعه وكأنها فتاة من فتيات هوليود …
وبعد دقائق وصل محمد الى حور
وقف مصدوما من مظهرها
محمد :
ايه دا يا حور يا بنتى …دا انتى ولا الممثلات الاجنبيه
حور بابتسامه : اعمل ايه يا اونكل
زين صمم اختار دا وانا مش متعودة البس بالشكل دا
محمد : منك لله يا زين …معلشي يا بنتى …يلا علشان المعازيم كلهم فى انتظارك ….
نزل محمد على السلم وهو يمسك بيد حور فى ذهول من جميع الحاضرين على تلك الحوريه فائقه الجمال
استغرب زين لنظراتهم فالجميع ينظر إلى أعلى السلم …
التفت ليجد حور. بتلك الملابس
زين : اه يا بنت ……..يتبع
البارت 6 استغرب زين فكل نظرات الحاضرين تنظر إلى أعلى السلم التفت بنظراته ليجد حور وهى تمسك بيد والده ولكن أوقفته ملابسها ..
زين : اه يا بنت ال*كل*ب…. استشاط غض,,با من مظهرها …صبرك عليا يا حور بس الليله الز*فت دى تعدى …
ليجد صوت عمر من وراءه
عمر : ايوه يا عم ماشيه معاك حد قدك هتتجوز قمر 14 ولا نجمه هوليود في زمانها..
زين بحده : عمر لاحظ ان اللي بتتكلم عليها دي تبقى مراتي وانا مش هسمح لحد يتكلم عنها بالشكل ده..
عمر :
ايه يا زين في ايه انا بهزر معاك عموما الف مبروك يا سيدي وحلال عليك… بقلم منال عباس
وصل محمد هو حور إلى أسفل الدرج
ليستلم زين عروسته من والده ..مع صفيق كل الحاضرين ….
امسك يدها بغل وضغط عليها
زين بهمس : ايه القرف اللى انتى لبساه دا …
حور بابتسامه : دا انسب حاجه للجوازة دى …حاجه كدا تليق بأخلاق العريس ….
زين : قولى بقي انك متعودة على الحاجات دى ف مش غريبه عليكى …
حور : الحقيقه ما بهمنيش رأيك خالص فقول اللى تقوله ..
زين بصوت مرتفع من غيظه : حووووور …التفت أثره لينظر الجميع إليهم …
أضطر زين يتحدث بأسلوب لائق : تعالي نرقص سوا..
حور. : يلا بينا
على انغام موسيقي هاديه بدأ العروسان يتراقصان …اقتربا منها زين بشده وضمها إليه بص,,دره العريض
فكم هو متضايق لرؤيه نظرات الإعجاب فى عيون المدعويين
زين : نخلص الرقصه دى …وتطلعى تغيرى الفستان دا …قبل ما المأذون يعقد القران …اصل قسما عظما ..هكسر عضمك لو نطقى كلمه تانيه غير حاضر ….
حور : من غير ما تقول ..انا هعمل كدا ..
بس حبيت اوريك حاجه بسيطه لو فكرت بس تتمادى معايا …قبل ما أفضح نفسي هفضحك انت يا سي زين
علشان ما تفكرش انى مكسورة الجناح وابتعدت عنه وبصوت ملائكى ..أمام الجميع
حور : زين حبيبي ..بعد اذنك هطلع اظبط الميك اب .ونظرت لوالدتها لكى تصعد معها ..
زين : اه طبعا يا روحى …
امسكت حور بيد والدتها وصعدت إلى الأعلى
وقف غانم يفكر
غانم : معقول الست اللى مع حور دى تبقي ……مستحيل …اه شكلها اتغير والزمن بان عليها بس ليه حاسس انها هى …انا لازم اتاكد بنفسي
لتستوقفه أميرة
أميرة : شوفت اختيارات زين …اللى يشوفه وهو بيتحكم فى كل حاجه ..مايقولش أن البنت اللى هيختارها تكون بالشكل دا …اكيد البنت دى غير ما عمر قال ..واضح انها استايل اوووى … بقلم منال عباس
غانم : كل واحد حر فى اختياره ..
أميرة :
الحقيقه انا فرحت ..مش شايف كل الحاضرين كلهم من كبار المجتمع الراقى …اكيد البنت دى بنت حد مهم …فين اخوكى نسأله ..
غانم : لما الاقيه هبقي اسأله …عن اذنك دلوقتى…
وذهب للبحث عن محمد حتى وجده
غانم : الف مبروك يا محمد …
محمد : الله يبارك فيك عقبال عمر
غانم : فى حياتك يا حبيبي…كنت عايز اعرف …مين الست اللى طلعت مع العروسه فوق …
محمد : دى والدة حور …
غانم : اه تمام ..اسمها ايه يا محمد …
محمد :
دى تبقي …ولم يكمل حيث نادى عليه زين …
زين : بابا المأذون مستعجل ..وحور لسه ما نزلتش ..
محمد : واضح أن انت اللى مستعجل اهى نازله يا سيدى يلا روح هات عروستك ..وانت يا غانم تعالى علشان تكون وكيل العروسه …
غانم باستغراب : وكيل العروسه !!!ازاى
هو فين باباها ولا حد من أهلها …
محمد : مش وقت اسئله جهز بطاقتك ويلا بينا …