ثم رفع وجهها اليه وهو يمرر إصبعه بإفتتان على شـ,ـفتيها المتورمتان من أثر قبلاته وهو يبتسم بحنان ويقول برضا .. = أدينا خففنا المكياج..هاتخرجي معايا كده والا تظبطيه.. عقدت شمس حاجبيها بغضب طفولي وهي تلتفت للمرآه تتأمل نفسها فيها..
= كده برضه يابيجاد بوظتلي مكياجي.. طب مخصماك و مش عاوزه اخرج معاك.. ضحك بيجاد وهو يضمها إليه بمرح..
=وهو احنا لحقنا نتصالح عشان تخصميني وكمان مش عاوزه تخرجي معايا ..
ثم تابع وهو يرفع وجهها اليه يتأمل تفاصيله بشغف ..
=وانا الي كنت محضرلك مفاجأه حلوه..بس طالما مخصماني يبقى خلاص
هتفت شمس بحماس وفضول ..
= مفاجأه..مفاجأة ايه..عشان خاطري قولي ايه هي.. قبل بيجاد اعلى رأسها وهو يوجهها للمرآه مره اخرى.. =وهي تبقى مفاجأه لو عرفتيها دلوقتي..بس أوعدك أنها هتكون مفاجأه حلوه وهتعجبك.. ثم تابع بحنان ..
= يلا يا حبيبي.. ظبطي نفسك واجهزي عشان منتأخرش..
نظرت له شمس بسعاده وهي تعيد ظبط زينة وجهها وتخفيفها
بينما ابتسم بيجاد وهو يخرج علبه من القطيفه الفاخره وفتحها وهو يقول بحب..
= ايوه كده يا قلب بيجاد اسمعي الكلام ..انا مش عاوز ارتكب جـ,ـريمه لو شفت حد بيبصلك بطريقه متعجبنيش.. ثم وقف خلفها وبدء في فتح قفل سلسلتها الذهبيه..وسحبها من حول رقبتها
فقالت شمس بدهشه..
= انت بتعمل ايه هي السلسله مش عجباك.. أدارها بيجاد إليه وهو يقول بجديه حانيه..
= السلسله حلوه وتجنن بس ده مش المكان الصح للبسها..احنا رايحين حفله كبيره وكلها ناس مش بيهمهم غير المظاهر.. يبقى نلبس الي يناسب المكان والناس دول
ثم بدء في إخراج عقد ماسي فخم مجدول بحبات من اللولي رمادي اللون ثم قبل عنقها وهو يضعه حول عنقها ..
شمس باعتراض رقيق وهو يقبل معصمها ويضع فيه سوار مماثل للعقد..
= بس انا مبحبش المجوهرات الي شكلها ضخم وبحب الحاجات الرقيقه اكتر.. ابتسم بيجاد بحنان وهو يضع الخاتم الخاص بالطقم في اصبعها ويشير إلى صندوق ضخم من الفضه المشغوله موضوع على خزانة الزينه ..
= عارف يا حبيبتي بس مينفعش يبقى عندك المجوهرات دي كلها ومبتلبسيش دايمآ غير السلسله دي ..
ثم تابع وهو يفك عقدة حاجبيها باصبعه..
= وانا يا حبيبتي مش بفرض عليكي تلبسي ايه.. بس زي ما اتفقنا كل مكان وله اللبس الي يناسبه.. ثم تابع وهو يقبل ظاهر يدها بحنان..
=ماشي يا قمري.. شمس وهي تهز كتفها بدلال
= قصدك شمسي.. ابتسم بيجاد بعشق وهو يرفع وجهها اليه ويقول بعشق..
= شمسي وقمري ودنيتي كلها الي بدعي ربنا تفضل منوره دنيتي طول العمر.. ثم ضمها بشده إليه يقبل عنقها وهو يشعر أنه يمتلك اغلى مافي الوجود بين زراعيه..
“#يتبــــــــــــــــــع….. ” ❤حافية على اشواك من ذهب❤ 👇الفصل الأخيــ29ـــر👇 في فيلا الدمنهوري..
حيث يقام حفل من أكبر حفلات المجتمع المخملي..
ابتسمت قسمت التي ارتدت فستان سهره لامع أسود اللون طويل جدا وعـ,ـاري الكتفين .. وتحلت بعقد ضخم من الماس وسوار وخاتم مماثلين له..
وقالت لزوجها بارتياح وهي تراقب ابنتها التي تتمايل بنعومه بين احضان صديقآ لها.. = يعني خلاص استلمت شحنة الآثار..انا كنت خايفه لابن الكيلاني يكون عنده علم بيها ويبوظلنا كل حاجه
ابتسم حامد بثقه..
= ولا يقدر يعمل اي حاجه صبرك
عليا بس ..اسلمها للمشتري واستلم فلوسي و أسدد فلوس الي عليا ثم قسى صوته..
=وساعتها هفضاله وأمسحه من السوق ومن الدنيا كلها.. ضحكت قسمت وهي تنظر له بسخريه وغضب.. = ممكن تبطل تتكلم كلام انت مش قده..بيجاد الكيلاني مسحك من السوق وقرب ياخد الي وراك والي قدامك ولسه ليك عين تقف قدامي وتهدد..
ثم تابعت بحسره وغضب.. = انا وانت عارفين إن ابن الكيلاني محدش يقدر يقف قدامه في السوق ولايقدر يهز مركزه المالي ..
ثم تابعت بخبث وكراهيه.. =لكن مركزه الاجتماعي نقدر نهزه وبسهوله جدآ.. عقد حامد حاجبيها بتساؤل.. = تقصدي ايه.. مش فاهم.. ابتسمت قسمت وهي ترفع حاجبها بثقه.. = أنا أقولك .. ثم بدئت في قص خطتها عليه لتتسع عينيه بسعاده وشماته.. في نفس اللحظه.. دخل بيجاد إلى الحفل برفقة شمس وهي تلف يدها حول مرفقه بتوتر بينما يده الأخرى تلتف حول خصرها بتملك وحمايه
يتبعهم منصور ونبيله التي تألقت بفستان بنفسجي من القطيفه المخمليه ووضعت هي الاخرى يدها بقلق حول مرفق منصور الذي تمسك بها بحمايه ..