||من نظرة عين_الجُزء الأول|| – يلا يا هند تعالي ساعديني بسُرعه كُنت ماسكه التليفون وبقلب فيه وقولت: – طيب، طيب، جايه بعد عشر دقايق، دخلت عليّ الأوضه وقالت: – هند، كُل ده بتعملي أيه، بقولك تعالي ساعديني – في أيه يا سالي، مستعجله علي أيه – هشام كلمني وقال أنه عازم تميم علي الغدا قفلت التليفون وقومت بسُرعه وقولت: – طب مقولتيش ليه من الأول ضيقت عينيها وقالت: – أشمعنا!!
– عشان أساعدك فضلت مضيقه عينيها بشك لثواني وبعدين دخلت المطبخ، دخلت وراها، وأنا بساعدها في الأكل – سبيني أنا أعمل صينيه المكرونه بالبشامل ضحكت وقالت: – أيه الحماس ده كُله، بركاتك يا سي تميم داريت ابتسامتي وقولت: – أيه يا سالي ده، أكيد مش عشانه بتريقه قالت: – آه، آه، ما أنا واخده بالي بدأت أعمل صينية المكرونه بقلبي، أقصُد بالبشامل، الوقت الوحيد اللي بشوف فيه تميم هو وقت ما بقضي أيامي عند أُختي، والصراحه أني باخُدها فُرصه عشان أشوفه
حطيت المكرونه في الفُرن، وبدأت أحضر كيكة الكريمه، كُنت كُل مره بعملها كأني أعرف المقادير وخلاص علي كده، بس المره دي كُنت بركز في أدق التفاصيل، رسمت عليها قلوب باللون الأحمر، كان شكلها يجنن، دخلتها التلاجه بعد ما خلصتها، وقبل ميعاد وصولهُم، دخلت لبست دريس للأستقبال، سمعت جرس الباب، طلعت عشان أفتح كانوا هُما، دخلوا بعد ما سلموا عليّ، فضلوا يهزروا طول ما هُما قاعدين، دخلت قفلت علي المكرونه بعد ما أخدت الوش المظبوط، طلعت سالي وبدأنا نحضر الأكل علي السُفره، أتجمعنا حوالين السُفره وبقيت قاعده قُصاده
بقيت حاسه بتوتُر رهيب، كُنت باكُل بأحراج شديد منه، اتكلم بأنبساط: – تسلم أيدك يا سالي والله، المكرونه حلوه أوي قلبي دق لما لقيت المكرونه عجبته، سالي ضحكت وقالت: – تسلم أيد هند، هي اللي عامله المكرونه بص لي وقال بأبتسامه: – تسلم أيديك ابتسمت وقولت: – الف هنا خلصنا أكل وقومت ألم الأطباق، طلعت كيكة الكريمه وبدأت أقطعها لقطع في أطباق وقفت قُدامي وقالت وهي بتقلده: – تسلم أيديك
ضربتها وقولت بضحك: – يا بت بس بقى قعدنا كُلنا بعد ما وزعت الأطباق، كُنت قاعده بهزر مع سالي، وفجأه حسيت أنه مركز معايّ، بصيت فعيوني بقت في عينيه، بصيت في الأرض من أحراجي بدأنا نلعب وبقى كُل أتنين يساعدوا بعض – أنا هبقى مع جوزي بصيت لها جامد ولقيتها قامت تقعُد جمبه، وتميم قعد جمبي، بقينا نلعب ونتعاون مع بعض، فضلت محروجه شويه، بس بعد كده بقيت عادي. اليوم خلص بهزار ولعب، دخلت الأوضه لبست بچامه بنفس لون الكيكه، فتحت الفيس ونزلت بوست
” اليوم كان جميل أوي النهارده ” جالي كومنت بعديها بشويه، فتحت الكومنت – فعلًا كان جميل أوي بصيت علي الأسم وقلبي دق لما لقيته هو اللي كاتب الكومنت. #أسميته_تميم #هند_إيهاب||من نظرة عين_الجُزء الثاني والأخير|| بعد ما شوفت الكومنت بتاعه، بعديها بخمس دقايق لقيت مسدچ جالي – عامله أيه!! ابتسمت وقولت لنفسي: – ده بيتلكك كتبت وقولت: – الحمدلله وأنتَ رفعت حاجبي والأبتسامه مازالت علي شفايفي وقولت لنفسي: – تلكيك بتلكيك يا سي تميم
– الحمدلله، اليوم كان حلو أوي بيكي عدلت نفسي علي السرير وفضلت بَصه لجُملته وقولت: – كان حلو بوجودك أكيد عمل لاڤ علي كلمتي وبعدين كتب: – هشام بيعزك أوي – أنا بعزه جدًا ويعتبر أخ كبير ليّ – دايمًا بيكلمني عنك عقدت حواجبي بأبتسامه وكتبت: – بيقولك أيه بقى يا تري!! فجأه قلبي دق جامد لما لقيته بيتصل ماسنچر، فضلت ثواني بحاول أستوعب، رديت بتوتُر من المُكالمه المُفاجئه دي
– كده أحسن، تحبي أبدأ منين!! ابتسمت وقولت: – ده باين قايل عليّ كتير بقى – كتير أوي، يعني مثلًا، بيفضل يحكي لي عن هزارك، بتحبي أيه، مبتحبيش أيه ضحك وقال: – لدرجة أني بقيت حافظك – يا سلام، ولو عملتلك أختبار دلوقتي!! – هبقى جاهز – حلوه ثقتك في نفسك دي – جربي وأنتِ تشوفي رفعت حاجبي بتحدي وقولت: – أيه أكتر فاكهه بحبها!! بثقه قال: – الموز – وأكتر أكله!!
– نقدر نقول محشي، ولو سندوتشات، تبقى مشاوي – أكتر عصير!! – جوافه – أكتر دلع!! – نود ضحكت وقولت: – طب وبعدين!! ضحك وقال: – غلبتك ضحكت وقال: – عارفه هشام لما حب يوصفك قال أيه!! – أيه!! – فراولاية البيت ابتسمت من الأسم وقال: – بيكلمني عنك لدرجة أني بقيت بحس بشعور غريب أوي – شعور أيه!! سكت وكأنه بيرتب كلامه وقال: – تسمحي لي أكون جُزء من حياتك، أهتم، وأشارك تفاصيل حياتك
– دي بدايات حلوه أوي، وبعدين ترجع تمِل مني – أنا مبملش – بجد – جربي وأنتِ تشوفي، وعندك هشام تقدري تسأليه – بعدين هشام يزعل – من أيه – أنك كلمتني – هشام عارف، ومكنش عنده مانع، بالعكس هو فرح – بعدين سالي تضايق – لاء مهي سالي عارفه، وفرحت – ده أنتوا متفقين عليّ بقى – طب بذمتك، مش أحلي أتفاق!! – اتفاق أديله ٩ ونص من عشره
– وليه مش عشره – عشان خاطر الكيكه اللي مقولتش فيها رأيك يا أُستاذ ضحك وقال: – كانت أحلي كيكه أكُلها في حياتي ابتسمت وقولت: – تعالا تاني وأنا أعملك واحده مخصوص ليك – الجايات كتيره متقلقيش، لسه فيه خطوبه وجواز وشقه موضوع كبير أنتِ لسه مشوفتيش حاجه ضحكت وقولت: – مسيري أشوف #أسميته_تميم #هند_إيهاب