“فى الليل” كان عمر قاعد على تليفونه لكن مش عارف يركز فى اى حاجه لان روان بتيجى على باله عمر لنفسه:هو فى اى بقا مكنتش واحده يعنى وقابلتها النهارده..اووف بقا ياربى مش راضيه تطلع من بالى قام لبس تيشيرت على بنطلون قماش اسود وخد مفاتيحه ونزل وتلقائيآ لقى نفسه قدام محل الكتب بتاع روان دخل كانت بتحط فنجان قهوه قدام شاب وبنت بيقرأوا كتاب ما عمر:مساء الخير
بصت روان لمصدر الصوت كان نفس الشاب بتاع الصبح روان:اتفضل اقدر اساعدك ازاى عمر بتفكير:بصى والله انا مش عارف اى اللى جابنى هنا بس بما انى جيت ف هقرأ كتاب واشرب قهوه اختار عمر كتاب وقعد وهى بدأت تعمله قهوه ساده زى ما طلب.. حطتها قدامه وقعدت مكانها على المكتب كان الولد والبنت قاموا مشوا كانت قاعده بتكتب حاجه على الفون بتاعها رفعت عينها كان سرحان معاها
روان:احم احم بص للكتاب تانى بإحراج وقال لنفسه:اتلم شويه . . . _هو انتى خريجه اى ؟ بصتله لما سمعته سأل السؤال ده روان:انا كليه فنون جميله بس لسه بدرس عمر:امم انا بقا فى تمريض اتخرجت خلاص وبشتغل روان:اممم ربنا معاك عمر:تسلمى على القهوه الجميله دى دفع حق القعده والقهوه وقام مشى..قامت تحط الكتاب مكانه لكن اتنفضت بخوف لما سمعته مره واحده بيقول عمر:اى حكايه الخاتمين اللى فى صوابعك دول؟!
رأيكم يهمنى🌔 By Basmalla Hassan#حلاوة_الحب_2 اتنفضت بخوف لما سمعته مره واحده بيقول عمر:اى حكايه الخاتمين اللى فى صوابعك دول؟! روان بخوف:خضتينى انت مش كنت مشيت عمر:معلش بس الفضول رجعنى تانى روان بغضب:وانت مالك بخواتمى ولا ايدى اصلا عمر:مش قصدى حاجه بس انتى لابسه خاتمين شبه بعض جنب بعض لى روان:انا حره اللبس اللى عاوزاه واتفضل بقا من هنا عشان اشوف شغلى عمر:الوقت اتأخر مش هتروحى روان: استغفر الله العظيم يبنى انت مالك حد قالك تقف تحرسنى
عمر:انا غلطان انى خايف عليكى…همشى بقا روان:احسن امشى غمزلى بعيونه السود گ سواد الليل مع ابتسامه صغيره ومشى روان بضحك:اى العبيط ده طلعلى منين بجد؟ حط عمر المفتاح فى باب الشقه ودخل وهو بيصفر ويدندن ل الست’الليل وسماه ونجومه وقمره قمره وسهره’ والده عمر:ايوه بقا البيه الرايق بتاعنا ابتسم لها عمر ودخل باس راسها:ست الكل والناس وحشتينى والده عمر:وحشتك بردو..كنت فين ياواد ومزاجك عالى كده عمر:ها!كنت فى مكتبه بقرأ كتاب
والده عمر:اممم يادى القرأه اللى وخداك منى عمر بمغازله:محدش يقدر ياخدنى منك ياقمر انتى والده عمر ابتسمت:اممم يعنى مفيش واحده كده ولا كده عمر:واحده اى بس ياماما مفيش الكلام ده والده عمر:ولو ان باين كده انه فيه لكن هستناك تيجى تقولى بصلها وسكت وهو مبتسم والده عمر:قوم نام ياحبيبى عشان الشغل عمر بهمس:شكلها مفيهاش نوم بقا الليله دى
والده عمر بصتله بخبث وقامت دخلت اوضتها تنام وهو كذلك دخل اوضته خلع التيشيرت بتاع ونام بالبنطلون بس مسك فونه فتح الفيس وبدأ يكتب فى السيرش”روان خالد”ملقاش اى صورة ولا اى حاجه تدل أن الاكونت بتاعها مسح الاسم وكتب “Rawan Khaled”كان فى اكونت ب نفس اسمها لكن صورة البروفايل ايدها اللى فيها خاتمين وهى ماسكه بغبغان عرف أن دى صفحتها دخل عليها كان فى الخلفيه كتاب الزهور النادره عمر:معقول!