رضا قال…ايه مش انتى حلمتى بالفستان انا أحلم بالى تحته وانتى تحلمى بالفرح انا احلم بالى بعده ده فرق طموحات ياماما
سهر قالت بغيظ…. اطلع يارضا أطلع ياحبيبى ربنا يهديك
رضا ضحك وقال ..طب هاتى تصبيره على بال ماالفرح يجهز بس قطع جملته لما سمع صوت تحيه بتحمحم قال…الأكل لحد الأكل مايجهز وسهر مسكت سنداوتش وأدتهولو بسرعه
وقالت…..خد يارضا روح كل ده على بال ماأجهز الأكل
تحيه قالت…روح يارضا من هنا وخليك بعيد عن بنتى ماشى دى خطوبتها النهارده وانت هاردلك يارضا ياحبيبى ده نصيب رضابصلهاوبغضب طلع
وسهر قالت…وبعدين معاكى يااما ده ابن ضرتك مش هو ضرتك و بعدين انتى مبتزهقيش من مضايقته هو عملك ايه بس يااما لده كله وسبتهاوأخدت الأكل وبقت تحطه على الطاوله ونادت على رضا علشان ياكل بس رضا قال…مش عايز اكل
وأمها قالت بغضب…اترزعى انتى انشاء الله عنه ماطفح سهر قعدت معاهم بس مرضيتش تاكل خالص وأول ماخلصو أكل قامت بسرعه وأخدت أكل وراحت وراى رضا
وقالت…..
انت ماأكلتش معاهم تحت تعال كل يلا
رضا قال….مش عايز ياسهر
سهر قالت انا مكلتش كمان تعال ناكل سوا
رضا قرب وقال… ومأكلتيش معاهم ليه
سهر قالت..أكل ازاى وانت مأكلتش مقدرش تعال بقى متزعلش
رضا قال…انا مش زعلان وهزعل ليه مااحنا هنطفشه زى الى قبله
سهر قالت…امم ولماانت عارف كده مأكلتش ليه
رضاقال …اصل السندوتش الى ادتهولى لما أكلته سد نفسى فامقدرتش أكل دلوقتى سهر بصتله بغيظ
وقالت…بقى كده وأنا الى فاكره انك زعلت علشان حسن جاى يخطبنى وياخدنى منك بس رضا مسكها من دراعها بغضب
وقال….محدش يقدر ياخدك منى أنتى يا
اماليا ياإما للقبر ياسهر
سهر قالت بضحك بعد السندوتش ولا قبل السندوتش
رضا قال …قبل وبعد ودلوقتى وكل وقت انتى ليا ياسهر
بس جات علا وفلتت أيده
وقالت…روحى اجهزى أمك بتدور عليكى جوزك المستقبلى زمانه على وصول وأخدت رضا من ايده
وقالت …وانت تعال معايا يا أخرت صبرى ورضا مشى مع أمه وسهر راحت تجهز وبعد شوية وقت كان حسن وصل وكلهم قاعدين معاه فى الصالون وتحيه قالت لسهر توديلو الشربات ورضا كان قاعد معاهم ومتضايق جدا وجات سهر ومعاها الشربات وحسن مسك ايدها وهو بياخد الكوبايه منها
رضا وقف بغضب بس علا قعدته بضيق
وقالت…اش اهدى اقعد عاقل
رضا قال …شايفه مسك ايدها ازاى الواطى
أمه قالت…دى هتبقى مراتو اتقبل الوضع رضالسه هيرد بس اتجمد مكانه لما
حسن قال….لا لا انا مستعجل قوى انا اصلا عايز اسافر يعنى اخرى اخر الأسبوع ده هتجوزها وسافر وبالنسبه للفرح هيكون فى أكبر قاعه متقلقوش تحيه زغرطت و رضا وسهر بصه لبعض بصدمه و رضا طلع بره وقعد قدام البيت بغضب رهيب وحسن بص لسهر
وقال …هنروح بكره نجيب الدبل ومشى وسهر طلعت على أوضتها بدموع ورضا راح وراها وفتح الباب ودخل
وقال…هتتجوزيه سهر بصتله بدموع
وقالت…لو اتجوزته هخسرك ولو اتجوزتك هخسر أمى