الدكتوره ببتسامه: متقلقش المدام كويسه وكمان القمرات كويسين الحمدلله قدرنا ننقذهم من حسن حظها ان الوقعه مكنتش قويه عليها حمزه بستغراب: قمرات اي هما توأم الدكتوره ببتسامه: ايوه توأم بنتين ربنا يجبهم بسلامه المدام هننقلها اوضه عاديه بعد شويه عن اذنكم صفاء بفرحه: شكرا يا دكتوره ادهم بارتياح: الحمدلله جات سليمه حمزه بتمثيل االقوه والهدوء: ادهم روح انت وصفاء البيت جبولها لبس واكل وطمنو ماما يلااا ادهم بخوف ع لينا: طب هسيب صفاء معاكم لتحتاج حاجه وانا هروح بسرعه واجي
حمزه بنرفزه: انت سمعتني قولت اي يا ادهم ادهم: حاضر يلا يا صفاء صفاء: حاضر صفاء وادهم سابو حمزه.. وبعد شويه حمزه شاف لينا وهيا طالعه من اوضه العمليات ودخلت اوضه عاديه وهو دخل وراها الممرضه كانت بتقول للي معاها: يلا هنعد لغايه تلاته ونشيلها علطول علشان متتوجعش حمزه بستغراب: انت بتعملو اي الممرضه هنشيلها من السرير ده ونحطها ع الثابت ده حمزه بصلها بسخريه وقال: اوعي انتي وهيا وقرب منها وشالها بهدوء بس لينا في الوقت ده فتحت عنيها واتكلمت وهيا تحت تأثير البنج وقالت: متنزلنيش من حضنك يا حمزه
حمزه بص في عيونها اللي بيعشقهم وقال: مش فاهم هفضل شايلك كده يعني الممرضين ابتسمو وسابهم وطلعو برا. لينا بصتلو وحطت ايديها ع وشو وقالت: ايوه خليك شايلني كده علشان انا كده قريبه من عيونك اوي وقربت منو واخدت نفس عميق من ريحتو وقالت بحب: وكمان قريبه من ريحتك بحب ريحتك اوي ي حمزه حمزه بضعف قال: لينا بطلي بقا اللي بتعمليه ده لينا بتعب: يوووه انا مش لينا انا عشق وهبقا عشقك
حمزه بصدمه: اسمك عشق لينا بضحك: ايوه اسمي عشق يا حموزتي حمزه ضحك غظبن عنو وقال: حموزتك طب يلا انزلي بقا علشان ترتاحي عشق عيطت وقالت: متسبنيش يا حمزه زي امجد حمزه بستغراب: امجد مين عشق بدموع: جوزي قـ,ــ,ـتلو*ه قدام عنيه يا حمزه تخيل موتو*ه وانا كنت بترجاهم واقولهم سبوه ونبي انا مليش غيرو وبرضو خدوه مني يا حمزه حمزه بحزن ع حالها قال: طب يا عشق ارتاحي بقا شويه
ورايح ينزلها ع السرير بس هيا اتعلقت فيه اكترر وقالت: حمزه لا مش عاوزه انام هنااا وشاورت ع حضنو وقالت انا عاوزه افضل هنا يا حمزه حمزه قعد ع السرير ونيمها جنبو واخدها في حضنو وقال: ارتاحي بقااا وبالفعل عشق نامت بسرعه وهوا فضل جنبها ويتأملها بحب وقال: انا عارف انك اتظلمتي بس برضو مش معني كده ان انا هضعف واسامحك واعدي اللي عملتيه معايا يا عشق وضحك بسخريه: حتي اسمك كدبتي فيه
وغلبو النوم ونام جنبها وبعد شويه صحيت عشق لقت حمزه حضنها بتملك ونايم بعمق بصتلو وابتسمت ومسحت ع شعرو بحنيه وهو صحا من لمستها.. قام بصلها وقال: انتي كويسه يا عشقي عشق بصتلو بحب وقالت: اايوه انا كويسه حمزه فاق بسرعه وقام من مكانو وقال: اعذريني مكنش قصدي انام جنبك كده بس انتي اللي كنتي عاوزه كده عشق بصتلو بدموع وقالت: حمزه انت قومت كده ليه
حمزه بجمود: قولتلك ده غلط مش مقصود متنسيش نفسك بقااااا ومش معني اللي حصل ده معناه ان كده نسيت لااا والاتفاق بتاعنا زي ما هوا بس انا زودتلك 3ايام زياده علشان تعبك ده تفكري فيهم تمام ولو مفكره ان انا هرحمك تبقي غلطانه بالعكس عذ*ابك زاد معايا الضعف يا عشق
وسابها وطلع براا وهيا فضلت تعيط ونامت من التعب بس بعد شويه فجأه دخل حد اوضتها وهو لابس لبس تمريض وماسك ع وشو ووقف قدامها وطلع مسد*س من جيبو وضـ,ـرب طلقه كل اللي في المستشفى سمعهاا وحصل فوضي في المكان الراجل طلع يجري من الاوضه وادهم كان لسه جاي هو وصفاء وشاف الراجل طالع يجري من اوضه عشق دخل يجري ع الاوضه هو وصفاء بصو بصدمه وقالو في صوت واحد: اي دااااا
توقعاتكم هل فعلا عشق هتمو*ت وهيمو*ت معاها حكايتها وهل قصتنا هتخلص مع عشق ولا هتكمل» تفاعل يحلوين بقاا دمتم بخيررر🤍 بقلمي/𝗛𝗮𝗟𝗮 𝗔𝗵𝗺𝗲𝗱 #حرب_العشق البارت السابع🤍صفاء وحمزه اتصدمو لما شافو قدامهم السرير غرقان د*م وحد نايم عليه بس مش باين الشخص ده مين.. صفاء وقعت ع الارض منهاره وقالت بزعيق: لينااااااااااا