موج الرعد

رعد ح،ضنها…ازيك ياعمتي
وهيبه…الحمدلله مش بتيجي ليه ياحبيبي
رعد بضيق…ما انتي عارفة اني مش بحب مدحت وسايبه وساكت عشان وعشان يمان ابنك
وهيبه…عارفة انا عاوزه طلب منك ياحبيبي
رعد…اؤمريني ياحبيبتي
وهيبه…عندي بنت اخو مدحت الي اهلها سابوها وكل واحد راح في اتجاه هي اسمها موج بنت غلبانه وانا بحبها جدااا مدحت بيعذ،بها يابني بيفضل يض”رب فيها ومشغلها خدامه وبياخد من حسابها فلوس ويدفعلها جمعتها وحاجتها وبيقولها انا بصرف عليكي وحاطت ايدو على فلوسها وخلاها تكتبهالوا انا عاوزاك يابني تحميها
رعد…طيب هاخدها اشتري ليها بيت واحط عندها امن ومحدش يقدر يقربها
وهيبه…انت عارف مدحت يقدر

يوصلها لو تحت الارض انا عندي طلب منك انك تتز،وجها
رعد…لاااا يمكن ياعمتي انتي عارفة اني مش بتاع كدا
وهيبه…هي سنه يابني والله تتم ٢١وبعدها تسافر لخالتها كان ممكن اخلي خالتها تبعتلها لكن مش هينفع لأنها متمتش السن القانوني واخرها تروح سياحه
رعد…خلي حد من ولاد خالتها يتجوزها
وهيبه…كلهم بنات
رعد…وبعدين انا اقدر احميها من غير ما تتزوج تقعد هنا ومحدش يقدر يقربها
وهيبه…يابني هي مؤمنه اوي دا مقعدتش عندنا الا لما يمان طلع الشقة الي فوق انت عمرك ما رفضت ليا طلب يارعد
رعد…طيب ياعمتي موافق
وهييه بفرحه…بكره هخلي يمان يجبهالك تكتبوا

الكتاب ماشي
رعد…ماشي ياحبيبتي
وهيبه…همشي انا قبل ما التاني يكلمني
مشيت ورعد لبس عشاان يروح البار…
عند موج…
موج…عمي انا خلصت الاكل ممكن انزل
مدحت…غوري ومتتأخريش
موج مشيت بخوف لبست ونزلت تجيب كتب الكلية…
فجأة الجو اتحول والدنيا مطرت فضلت ماشيه وهي خايفة وكل شوية صوت البرق يزيد..

كل العربيات بقت تمشي بسرعه والشارع فضي في ثانيه…
كانت معديه جمب عربية ف كانت هتتزحلق وواحد خارج من العربية قام بسرعه سندها…
رعد…هو انتي
موج بخوف…انا مكنتش اقصد
رعد تاه في عيونها الزرق وشعرها الاشقر الي نازل على عيونها من المطر وقرب منها اوي …
موج زقته وض،ربته بالقلم…
رعد بعيون حمرا…وربناااا لوريكي
موح بصتله بخوف وجريت وهو ركب عربيته ومشي وراها…
لكن وهي بتجري كان في شاحنه كبيره عماله تنور الكشافات وهي شافتها على اخر لحظه….لاااااااااااااا
استوووووووووووووووووووب.

#موج_الرعد✨🩶
#البارت_التاني✨🩶
ولكن وهي بتجري جت شاحنه كبيرة ونورت الكشافات جامد قالت…لاااااااااااااا
فجأة ايد قوية شدتها عليه…
رعد بغضب…انتي غبييييه كنتي هتمو”تي
موج بوجع من دراعها الي ماسكها منو وحزن…انت السبب
رعد…انتي الي مديتي ايدك عليا الاول
موج بضيق…وانت الي اتعديت حدودك معاياااا
رعد بضيق…انتي اسمك ايه يابت انتي
موج بضيق…مسميش بت واسمي موج
رعد بصدمه…موج ايه
موج بملل…وانت مالك
رعد بغيظ…انجزي انطقي موج ايه
موج…موج المنيري ها حاجه تانيه انا ماشيه
رعد بصدمه لنفسه…يعني هي دي موج نفسها الي هتجوزها بكره
وبسرعه لحقها قبل ما

تبعد وقالها…كنتي راحه فين
موج بعصبيه…اسمع يابني ادم انت انا معرفكش وانت اتعديت حدودك معايا اوي ابعد عن طريقي عشان بجد متعصبش اكتر من كدا دا ايه دا لا اخلاق ولا دين ولا غيرو لا حول ولاقوة الابالله العلي العظيم
ومشيت بسرعه وسابته…
رعد بغضب…والله لوريكي ياموج
༺༺༺༺༺༻༻༻༻༻
وصلت بيت عمها…
مدحت بغضب…كنتي فين يا***في الجو دا
موج بعصبيه…عمي انت ازاي تغلط فيا كدا
مدحت بصلها بغضب وقال…انتي هتردي عليا يابت انتي
ولسه هيرفع ايدو عليها مسكها يمان…بابا لو سمحت ابعد عن موج
ونزل ايده قال مدحت…انت بتكلم ابوك كدا عشان

البت دي
يمان بضيق…بابا ابعد عن موج ممكن
وخدها ودخل اوضتها وقالها…موج بكره تكوني جاهزه تمام
موج…تمام يا يمان يماااان
يمان…نعم
موج…شكرا ليك
يمان بأبتسامه…موج انتي اختي متقوليش كدا
»يمان٢٩سنه صديق رعد وبيشتغل معاه شريك معاه في شركته وسيم وطويل وجسده قوي مرح وفي نفس الوقت هادي وحنون«
يمان خرج من الاوضة وقابلته وهيبه…ها قولتلها
يمان…ايوه ياحبيبتي متقلقيش
وهيبه…ربنا يصلح لك حالك ياحبيبي
༺༺༺༺༺༻༻༻༻༻
عند رعد رجع فيلته…
رعد لنفسه…بئا كدا انتي موج حلو اوي
قاطعه اخته الي جت بالكرسي المتحرك بتاعها…
رعد نزل لمستواها…رغد ازيك

ياحبيبتي
رغد بتقطيع في الكلام…الـ الححمد لله و واانت
رعد…الحمدلله ياحبيبتي اكلتي
رغد…ل لا
رعد…ليه كدا طيب يلا ناكل سوا
رغد هزت راسها زقها بالكرسي ومشيوا ناحية السفره…
الدادة انعام…ازيك يارعد يابني اقعد يلا عشان ناكل
رعد بأبتسامه…الحمدلله ياحبيبتي انتي اخبار صحتك ايه
انعام…في نعمة الحمدلله يلا هخلي هنادي تجيب الاكل وناكل
راحت تنادي هنادي وجابوا الاكل وقعدوا ياكلوا…
»رغد ٢٠سنه بنت بريئه وجميلة جدا محجبه وقريبة من ربنا حصلها حادـ,,ــــثه وليها سبب من ٣سنين بعد ما خلصت امتحانات ثانويتها ومن ساعتها جالها صدمه واصيبت بشلل بتحب الدادة انعام جدا ورعد«

»دادة انعام مربية رغد ورعد وعاشت معاهم من ساعة ما والد ووالدة رعد اتوفوا من ١٠سنين ورعد بيعتبرها امه هي حنونه وطيبة وبتحب رغد ورعد«
༺༺༺༺༺༻༻༻༻༻
تاني يوم…
في بيت مدحت…
يمان…موج جهزتي
موج…ايوه جهزت اهو
خرجت بفستان ابيض لكن مش سواريه طويل ماسك من عند الوسط ونازل بنفشه بسيطه واكمام واسعه وعليه طرحه حمرا وجزمه حمرا ومش حاطه ميك اب…
وهيبه حض،نتها…ربنا يسعدك يابنتي ويكتبلك الخير وتعيشي في هنا هجيلك كتير ويمان في اي وقت جنبك لو احتاجتي
موج بدموع….هتوحشيني اوي ياماما
وهيبه بدموع وفرحه…ياااااا احلى ماما سمعتها منك ياموج ربنا

يديمك ليا ياحبيبتي
يمان…يلا ياماما قبل ما بابا يجي
وهيبه…ايوه يلا ياحبيبتي روحي مع يمان
موج نزلت وركبت عربية يمان وراحت باتجاه مصيرها المجهول…
وقفوا قدام فيلا رعد بصت عليها كويس وحست انها جت هنا قبل كدا…
يمان…يلا ياموج انزلي
موج نزلت ويمان شال شنطتها…
يمان دخل الاول وهي وقفت تتأمل الجنينة… يمان خبط ورعد فتحلوا وح،ضنوا بعض…
موج دخلت ووقع عيونها على رعد…
رعد انبهر بجمالها ورقتها في لبسها…
موج اتصدمت ومقدرتش تتكلم…
سكتت لأن مافيش خيار تاني قدامها وهي فهمت ان رعد ابن اخو وهيبه..

الشيخ…اين وكيل العروس
يمان…انا وكيلها
قعدوا وكتبوا الكتاب وانتهى بجملة…
»بارك الله لكم وبارك عليكما وجمع بينكم في الخير«
يمان…هستأذن انا موج لو في خاجه حصلت بلغيني
موج…تمام
يمان…يلا سلام يارعد
رعد…سلام
مشي وموج قالت لرعد بوجع…كنت عارف انه انا
رعد…امبارح بليل
موج بوجع…تمام اوضتي فين
رعد…في شوية تعليمـ,,ــات كدا حياتي الخاصه ملكيش دعوة بيها ليكي عندي مصاريفك بس واه متقلقيش مش عاوز منك اي حقوق كدا كدا انتي مش زوقي واه مش هنام في اوضة واحده طبعا عشان بصراحه مستنضفش انام جنبك دي حاجه الحاجه التانيه الي اقول عليه

يتقالي حاضر ونعم غير كدا هتشوفي وش مش هيعجبك فهماني ياحلوة ودلوقتي هعرفك على اختك
موج بأنكسار…فاهمه ماشي يلا
راح لأوضة اخته رغد…
رعد بحنيه…رغد حبيبتي مش انت كان نفسك اتجوز
رغد هزت راسها…
رعد…دي موج مراتي
رغد فرحت اوي وابتسمت وقالت…ت تعالي
رعد بص لموج جامد وهي اتحركت ناحيتها…
رغد قربت من خد موج وباستها…
موج ابتسمت وباستها هي كمان…
رغد بحنيه…ررببنا ييسسعدكم
قعدوا شوية معاها وبعدين خرجوا…
موج…ربنا يشفيهالك حنينه اوي وطيبه
رعد…يارب
انعام…مين دي يارعد
رعد…دي مراتي يادادة اتزوجتها انهاردة وانتي برا

انعام بصدمه…مش فاهمه حاجه ازاي
رعد…هفهمك بليل يادادة
انعام…تمام يابني حيث كدا بئا لولولولولووووي ازيك يابنتي ايه الجمال دا يازين ما اخترت يارعد
موج…الحمدلله حضرتك اخبارك وتسلميلي يارب دا من زوقك
انعام…الحمدلله ياحبيبتي لا وادب كمان