اروي:سلام عليكم
منه:عليكم السلام اي يا رورو اتاخرتي لي كدا ومال وشك كدا اي الحصل مش اتقابلتي في الشغل
اروي:لا اتقابلة قالتها وحطط اديها علي وشها وبدات تعيط
منه بفرحه:طب دا خبر يجنن مالك زعلانه لي
اروي:عشان رضا وقفني تاني
منه:يادي النيله علي رضا المش هنخلص منه دا قولتلك سبيني عليه
اروي بجديه:لا طبعا اياكي تقربي منه انت هتبقي دكتوره مش عيزين مشاكل عشان متتعطليش
منه:ما انا عشان هكون دكتوره هجرب اعمل فيه عملية صغننه اد كده
اروي بضحك:ايوا عرفاها انا الصغننه دي اخلصي انا جعانه وجبتلك الحاجه اهي اعملي حاجه نكلها وادخلي
ذاكري
منه:والشنطه التانيه دي فيها اي
اروي:هدوم الشغل وبكرا الجمعه ننزل نجيب جزمه للطقمين دول
منه:انا كان في فلوس عيناها خديهم هاتي جزمتين ولا تلاته ولما تقبضي ابقي رجعيهم
اروي بمزاح:عيناهم منين انت بتخدي من مصروف البيت يا امينه
منه ب[رهبة] مصطنع:ابدا والله يا سي السيد
اروي وهي بترفع اكمام قميصها:ليلتك سودا يا امينه
وفضل اروي ومنه في حالة الهزار المعتاده بتاعتهم وان هما يجروا ورا بعض في الشقه
……………………………..
الساعه 5 كان لسه ياسين في مكتبه ودخل عليه رمزي اعز اصدقائه
(رمزي المرشدي 30 سنه ظابط شرطه في مكافحة المخدارات اسمر اللون طويل جسم رياضي شنب كبير من اقرب الناس لياسين بعد جدته)
رمزي:كدا يا بيبي مطنشني
ياسين:بيبك الله يخربيت الدخلك شرطه
رمزي:عيب يا بيبي متدعيش علي نفسك
ياسين:رمزي احنا في الشركه الناس هتفهمنا غلط
رمزي:قصدك هيفهمونا صح يا روحي
ياسين:بطل صوت النسوان دا انت ظابط حتي
رمزي:معاك بنسي ان ظابط وكدا
ياسين بضحك:طب اظبط نفسك
رمزي:تمام يا فن[نزف] بس انا برن عليك مش بترد عليا لي
ياسين:انا عندي
شغل كتير
رمزي:يعني انا عواطلي منا سايب القسم وبكلمك المهم اعمل حسابك بكرا هنخرج نسهر و مفيش فيها كلام بكرا الجمعه اصلا وقوم نروح نتغدا لان انا جعان
ياسين:ولا متقول من الاخر انت جاي لي
رمزي:مقفوش انا صح
ياسين:اوي بصراحه
رمزي:طيب رندا كلمني
ياسين بنفاز صبر:خييير
رمزي:كالعاده بتدور عليك وعيزاك
ياسين:انا بدات اتخنق هي مش بتفهم ما اتسلينا وخلصنا
رمزي:والله بقا كلمها وقولها كدا
ياسين:طيب يلا نروح نتغدا في القصر
رمزي:يلا لان نهود وحشتني اوي
ياسين:تعرف تخرس
رمزي:حاضر
نزل ياسين ورمزي وارحوا علي القصر
……………………………..
بعد ماخلصوا البنات الاكل وقعدين ياكلوا مع بعض
منه:احكيلي بقا اي اللي حصل في المقابله
بدات اروي تحكي الحصل بينها وبين ياسين
اروي:دا كل الحصل
منه:ينهااار دا شكله صعب اوي يا رورو بس انت تستاهلي عشان قولتلك متتسرعيش ومش كل حاجه تعيطي خدي حقك وبعدين عيطي برحتك وانت لوحدك
اروي:اهو الحصل بقا يا منه
منه:طيب انا هدخل اذاكر وانت لمي الاطباق
اروي:ماشي
…………………………..
دخل رمزي وياسين البيت
رمزي:نهود يا نهود
ياسين:اسمها ناهد هانم يا حيوان انت
رمزي:ملكش دعوه هي بتحب مني نهود
ياسين:يارب صبرني
خرجة ناهد من المطبخ علي صوتهم
ناهد:ايه صوتكم عالي لي
رمزي وهو بيمسك اديها ويبوـ,ـسها:بنده عليكي ياروح قلبي
ياسين:ابعد ياض دي روح قلبي انا
ناهد وهي بتضحك:بس بقا انتو الاتنين انا كبرة علي الكلام بتاعكوا دا
رمزي:فشر انت مش بتبصي في المرايه ولا ايه انت طول عمرك قمر يا روح قلبي
ياسين بمرح:شكلك عايز تت[إيذاء] النهارده
رمزي:اهدي بس يا عم هلاكو
ناهد:انا هخليهم يحضروا الاكل لحد ما
تغير هدومك يا ياسين وانت تعاله معايا يلا
رمزي:وراكي يا روح قلبي
بعد ساعه من غزل رمزي في ناهد علي الاكل و هزاره مع ياسين مشي رمزي وطلع ياسين جناحه
وانقضي اليوم
……………………..
في الصباح
كان ياسين قاعد في سريره بيفتكرها لما [نزف]عة ولما ابتسمت وقد ايه هي رقيقه
ياسين:لالا فوق دي حتت موظفه عندك احنا نلعب ونتسلي برا الشغل جوا الشغل لا مش يمكن تيجي هي لوحده ووقتها هنتسلي اوي
انهي كلامه مع نفسه و وقف من علي [الفراش] راح للحمام
………………………
الساعه 10
فتحت عنيها علي صوت خبط علي الباب شقتها وقفت بسرعه تشوف مين
فتحت الباب بعد ما غطت شعرها وشافت اكتر شخص بتكرهوا في حياتها عمها حسن
(حسن السيد 62 سنه عم اروي موظف مرتشي ومعروف بسمعته السيئه وسط الناس)
اروي:عم
حسن خير
حسن:خير يا بنت اخويا هتكلم من علي الباب
اروي:اتفضل
في الوقت دا كانت منه خرجة من الاوضه وحسن داخل اروي سابت الباب مفتوح
حسن:الله متقفلي الباب يا بت
اروي:لا معلش الباب مبيتقفلش واحنا معانا حد في البيت
حسن:دا انا عمك يا اروي
اروي:خير يا عمي
حسن:يوم الخميس الجاي كتب كتابك علي جمال ابني
يتبع…….
بقلم الاء ابو العز ❤️
# يتبع
@الجميع {القاسي والبريئة}
(الجزء الثالث)