ايه التهريج ده ازاي ده يحصل انتو اتجننتو ؟! الكلام ده قالو صاحب محل الحلويات وهو بيبصلي اعصابي تعبت هو بيزعق لي ليه وبيبص ليا ليه ؟!. لقيته اتنهد وخد نفس وبصلي جامد بعدين ضحك وقال :ازاي يسيبو حته جاتوة حلوه زيك كده بره التلاجة لحظات من الاستيعاب حرفيا بصتله وانا مبرقه يعني وقعتلي قلبي وزعقت ليهم عشان تقول كده بعدين مين ده عشان يقولي كده كشرت ف وشه وقولت وانا متعصبه :ما تحترم نفسك ي عديم الحيا انت حط ايده ف جيبه وقالي ببرود :والله انا صاحب محل جاتوه وطبيعي لنا الاقي حلويايه بره اتعصب .... وغمز وقالي : ودي مش اي جاتوهايه برده وشي احمر واخدت بعضي وخرجت وانا بشتمه في سري وبتمني لو كنت ضربته بطوبه .. _فين الجاتوه ي شذي ...؟! رديت بتوتر :مجبتش ي ماما اتعصبت عليا وجت لي وهي شكلها هتضربني :انتي عايزة تخليني اتجنن ...هنقدم ايه لعريس اختك ؟!!!! اه ياني وانا مالي بعريس الزفتة اللي جوه دي ما تنزل تجيب هي _حاضر ي ماما هنزل اجيب جاتوة عشان ست سارة اكيد مش هروح للمتخلف ده تاني انا لو شوفته هربيه بس ماما عيزاني اجيب من هناك يعني عريس الاخت لو مكلش من هناك هيموت عصرت ع دماغي جردل لمون ودخلت وانا عاملة عبيطه وبصيت للبياع:بعد اذنك دستتين جاتوه لو سمحت _اوبا الجاتوهاية بتاعتي رجعت! غمضت عيني وانا بحاول متعصبش ع اللي خلفوه _لو سمحت احترم نفسك انا واحده محترمة مش زي اللي تعرفهم بصلي : بس انا معرفش حد بصيت للراجل وقولتله يجيب طلبي بسرعه لقيته بيقوله: الحساب عليا متقلش ع جاتوهايتي الصراحه مستحملتش لان انا شخص بتوتر بسرعه وحساسه جدا ولقتني فجاه بعيط . لقيت ملامحه اتغيرت وقرب مني بسرعه:انا اسف والله مكنتش اعرف انك هتزعلي ....انا بجد اسف خدت الحاجه وخرجت ..وانا بعيط انا مش بعرف اتعامل ف المواقف اللي زي دي مش بعرف اتعامل اصلا انا محتاجة اعادة تاهيل بجد روحت وجهزت عشان اقابل عريس ست سارة لبست وخرجت وقابلناه سارة كان باين ع وشها اوووي انها موافقه...موافقه ايه دي ناقص تتصل بالماذون الصراحه فرحت لها بقالنا كتير مفرحناش احنا بابا مات واحنا صغيرين فطلعنا احنا الاتنين بنخاف وحساسين ...في احساس دايما ملازمني اني بلا ضهر وخايفه اصحي ملاقيش ف يوم ماما بعد شويه واحنا قاعدين لقيت الباب رن واكيد سست سارة عروسه فمش هتقوم اهه قومت فتحت لقيته الكخة اللي كان ف المحل الصبح بصتله بصدمه عايز ايه ده الغريبه انه كمان بصلي بصدمة واتوتر وقال :هو مش ده بيت الانسه سسارة محمد؟! _اه بيتها ...مين انت بقي ؟! حسيته اتخض وزي م يكون هيعيط لقيته قالي:انا اخو العريس اللي جوة بصتله بصدمه وقولت وانا مصدومة:ايه انت؟!! ماما ندتني فدخلته ودخلت وراه لقيته بيبص لساره بطريقه غريبة وبعدين بصلي وقال: ازاي دي ساره انتي ساره بصتله باستغراب : ي بني دي ساره مش انا دي اختي ساره لقيت فجاه امه واخوه قامو وبصوله بعصبيه واتكلم ابراهيم العريس:ايه اللي جابك هنا ؟!!انت جاي تعرنا ي زيدان !!! اسمه زيدان طب والله حلو اسم جديد. _يعني ايه بعمل ايه ...جاي اقف مع اخويا يوم ما بيتقدم فيها ايه ؟!! _فيها انك هتعرنا ...بجهلك وشغلك الصراحه حسيت ان قلبي وجعني ازاي يقول لاخوه كده وليه أصلا حسيت زيدان وشه قلب وبصلنا كلنا وقال :صح الف مبروك سلام ماما حاولت تهدي الموقف بس هو كان مشي الصراحه معرفش ليه عملت كده بس مشيت وراه _استاذ زيدان ...ي ... استني لقيته وقف كنا خلاص بقينا ف الشارع . كان معطيني ضهره محبتش يمشي وهو بالشكل ده _متزعلش ..هو اكيد زعلان من حاجه وو بصلي والدموع كانت في عنيه:لا متخافيش انا اللي غلطان مينفعش يبقي مهندس قد الدنيا واخوه مكملش تعليم وشغال ف محل حلويات بكرهش ف حياتي قد العنصريه ليه حد يحس كده اصلا اتكلمت بعصبيه _ده تفكير الجهلة بس _منا جاهل في نظره _بتكلم عليه ي عبيط بصلي بذهول :عبيط ؟! اتوترت :انا اسفه بجد طلعت غصب عني ..حقيقي اسفه بصلي بابتسامة :تعرفي زعلت لما افتكرتك العروسه _ليه ؟! _محبتش الجاتوهايه بتاعتي تبقي لحد غيري بصتله وانا مكسوفه ومتعصبه :وانت مش خايف اقول لماما ضحك جامد وقال :مش بخاف ...خلاص اتعودت انا ابويا مات وانا في اعدادي وانا اللي شايل البيت من صغري وانا اللي ربيت الباشمهندس اللي فوق بس طلع خساة تقريبا وبقي بيستعر مني اول ما قال إن باباه مات وانا قلبي اتقبض افتكرت بابا وقد ايه العيشة صعبه من غيره دموعي نزلت بس مسحتها بسرعه بصلي نظرة طويلة وقال _بس يظهر ان الحلواني مش لازم كل الحلويات تبقي بتاعته بصتله وانا مش فاهمه حاجه _تقصد ايه !! ابتسم بحزن وقال : مش لازم تفهمي يلا سلام . بصتله وهو ماشي مش عارفه ليه الشعور ده جالي شعور مش حلو مش عايزه احس الاحساس ده بصيت للسما _هو كان يقصد ايه ؟ تابع الفصل التانيبارت 2 اختي رغم اللي عريسها سي ابراهيم عمله وافقت عليه ازاي بالعقلية دي ووافقت عليه بس ازاي ده جرح اخوه اللي رباه مش هيجرحها _يا سارة ده انسان قليل الذوق ازاي وافقتي عليه ؟ بصتلي بعصبية وهي بتسرح شعرها :انا بحبه وكمان ملهاش علاقة بعدين انتي محموقه ليه لاستاذ زيدان ده ....تكونيش بتحبيه؟!! قلبي دق ساعتها . .. انا ليه فعلا مدايقه انا مالي ؟!بس برده هو انسان قليل الذوق يعني ...بس ليه حسيت بشعور غريب لما قالت زيدان بصيت ليها بتوتر وقولت :براحتك ي سارة بس ده واحد بياع صدقيني بصتلي ببرود :براحتي بقي . روحت اوضتي قعدت علي السرير بصيت للسقف مالي كده مش مظبوطه ....من يوم ما مشي حساني متلغبطة مش واعية كده للي حواليا تفكيري بقي دايما معاه من يومها وانا بفكر فيه وشاغل تفكيري بس معرفش السبب يمكن صعب عليا او يمكن حسيته شبهي ....او يمكن حبيته ... بس انا وعدت نفسي انا مش هحب واعيش الجو ده اللي زيي ملوش حب ...دموعي نزلت وانت بفتكر اسوء لحظه مرت عليا ف حياتي ...اللحظه اللي اتمني ذاكرتي تتمحي عشانها ....لحظة ما بيتنا ولع وبابا مات فيه قومت دخلت الحمام بسرعه وانت بكتم عياطي اليوم ده ...متمناهوش لالد اعدائي كنت انا وساره لوحدنا ف البيت وقتها الكهربا ولعت ف الشقة صرخت انا وساره كنت حضناها بكل قوة وانا بصرخ علي بابا ييجي ينقذنا ولحسن الحظ او لسوء الحظ برده بابا كان قريب من البيت وطلع دخل لينا كانت النار مسكت ف البيت كله وقتها ابويا حضنا احنا الاتنين وحاول يطلعنا بس جزء من السقف وقع وجزء منه لمس دراعي واتحرق بابا زق ساره لبرا وجه يزقني مسكت فيه _بابا اطلع معايا عشان خاطري -يلا ي شذى مفيش وقت ... ملحقتش ارد وبابا زقني واغمي عليا صحيت بعدها وبابا مش معايا ومن بعدها وانا ضهري اتكسر خلعت التيشيرت وانا ببص علي الحرق اللي في دراعي دموعي نزلت مهما حاولت انسي الجرح ده هيفكرني ...هيفكرني ان بابا مات عشاني ...هيفكرني اني عشت اسوء لحظة في حياتي ..هيفكرني اني مشوهه وكل اللي يشوفني يعايرني افتكرت زيدان اكيد حتي لو حبيته عمر هو ما هيرضي بواحدة دراعها اتشوه ...ونا اصلا مش عايزه اتعلق بحد . لبست عباية سمرا وطرحه ونزلت اتمشي اغير جو عشان مموتش من ذكرياتي ...عديت من جنب محل زيدان صدفه ..او يمكن مش صدفة بصيت عليه وهو بيتكلم مع العمال...شخص لبق ووسيم ومحترم ...مش باين عليه انه ...جاهل زي ما قال طريقة كلامه طريقة كلام زعماء كأنه واخد كورس في كده بصيت علي المحل محل كبير ومشهور ... لفيت عشان امشي بس وقفني صوت _انسه شذى لفيت بتوتر يوه بقي يعني هيشوفني بالعباية _استاذ زيدان ازيك ...ي رب تكون بخير ابتسم وقال :بتعملي ايه هنا ؟ اتوترت هقول ايه :ماما بعتتني اشتري حاجات ...بس اتكسفت ادخل كدبت للاسف ايه هقوله كنت بتفرج عليك وعلي محلك ابتسم وبص للمحل :بصي طول منا عايش المحل تحت امرك متكسفيش خالص ..ده احنا حتي بقينا قرايب _ايه؟؟!!! ضحك وقال :مش انتي اخت خطيبة اخويا برده ! اتكسفت اني فهمت غلط وبصيت ف الارض وقولت بصوت واطي :اه طبعا دخلت المحل وانا مكسوفه هشتري ايه انا معرفش انا هنا ليه اصلا ! بص لي ومسك القايمة :ها جاتوه ولا بسبوسه ولا ايه نظامك ؟ اتوترت :ممكن شوكولاته؟! _اوووي اووي ..عايزه شوكولاته ايه برده ؟ _مش عارفه ممكن جاتوه بالشوكولاته ..او اي حاجه بشوكولاته _اشمعني اي حاجه بشوكولاته يعني _عشان انا بحبها ضحك وسنانه بانت :،متاكده ان مامتك اللي بعتتك ! ضحكت بتوتر :اكيد يعني اومال هاجي ليه ؟! جاب لي كيكه بالشوكولاته شكلها كان حلو ...لدرجة اني سبت كل الي ف بالي وركزت معاها اصل انا عاشقة للشوكولاتة بطريقة ادمانية ضحك جامد وقال وهو بيضحك :للدرجه دي ؟! بصيت باستغراب :في ايه؟! _اصلك مبحلقه فيها يعني ؟ قولت بكسوف:اصل انا بحب الشوكولاته اوي حطها في العلبه وقال وهو باصص علي الكرتونه:طب ي رتني شوكولاتة اخدت الحاجه وطلعت بره كانت خدودي حمرا اتمشيت شويه وابتسمت لما افتكرت الموقف _اما عبيط ...بس حلو وقفت فجاه وانا بتعصب ع نفسي _هو ايه اللي حلو ي متخلفه ..هششش...احنا اتفقنا نو امان لاي مان ..نو امان للحياة اصلا ... كفايه _انتي بتكلمي نفسك ؟!! بصيت ورايا بعد ما الدم اتسحب من خدودي هو كان ورايا؟! بصيت له وانا مصدومه مد ايده بالفلوس وقال :نسيتي الباقي فضلت بصاله وانا مبحلقه بحاول اعرف هو سمع ولا لا بلعت ريقي وبصيت له بصوت واطي جدا : شكرا ومشيت جري علي البيت غمضت عيني ودخلت اوضتي وانا بحاول اتحكم في احساسي _طب اقسم بالله عبيط سمعت ماما لتقول لساره انهم يعزمو سي ابراهيم الجاهل وامه الجاهله طلعت بسرعه وانا بقول : قولي لهم يجيبو زيدان ...ا...اقصد استاذ زيدان ساره وماما بصولي باستغراب بس ساره ضحكت ضحكه خبيثه عرفتها ماما وهي مش فاهمه حاجه :وانتي عايزانا نعزمه ليه ؟!! اتوترت وحاولت اجمع نفسي ::اصل محبتش يبقو متشاكلين ...وكمان يبقو فاهمين ان احنا مش بنفكر زيهم ...وووو _خلاص خلاص هقولهم ي ربي عليكي دخلت اوضتي وانا حاطة ايدي ع قلبي دلوقتي عرفت الشعور والمواقف المتخلفه الي بيقع فيها اللي بيحبو بسبب احساسهم قلبهم اللي بيحركهم بصيت للمرايا هل هو كمان معجب بيا ؟! بس ليه يعجب بيا فيا ايه زياده ....طيب ليه بيقولي ي جاتوهايتي ...طب ليه ...مش عارفه خايفه اطلع متوهمه ..طب هو لو شاف دراعي هيعايرني زي صحابي ...بتفكري ف ايه وصلت انه يشوف دراعك هو لسه ..متقدمش اصلا ..او ..او ايه؟ ليه اتحطيت ف موقف زي ده ...مش بحب احاسيس الحب والعاطفة احاسيس بتوجع وخلاص ..بتدمر طبعا بعد صراع داخلي وقفت قدام الدولاب ساعه _هتلبسي ايه.اممممم؟!! اخيرا اختارت فستان بنفسجي وعليه طرحه مزيج من الابيض والاسود والبنفسجي ... خرجت برا واستنيتهم روحت فتحت ليهم وانا قلبي بيدق وايدي بتترعش بصيت لقتها مامة العريس والعريس ابراهيم الجاهل حسيت اني زعلت اووي لما مجاش اعتقدت انه هييجي طب انا ليه مستنياه ؟! دخلت قعدت بعد ما سلمت وانا حاسه بخيبة الامل ..الباب خبط قومت فتحت وأنا ع اخري من ده اللي جاي فتحت وانا متعصبه لقيته العبيط الحلواني اتصدمت وبرقت له ...ده جه حرك ايده قدامي وهو بيقول :ايه هو كل ما هنشوف بعض هتتصدمي كده وتبرقي ..عايزين نعيش بصيت له كان متشيك جدا ايه ده لابس ساعه سوده بيعمل ماتشنج مع الطرحه بتاعتي .. قولت بهدوء :بعتذر ممكن مش قاصده ...اتفضل حضرتك بصلي بابتسامه واعطاني كيسه وطبعا بغبائي سالت :ايه ده ؟! _هدخل بايدي فاضيه...ده جاتوه للجاتوه ..واه بالشوكولاته اتكسفت وحطيت الحاجه في المطبخ طبعا الكلام بين ابراهيم وزيدان كان متوتر شويه او شويتين بس دول اخوات لازم يحبو بعض فجاه ماما اتكلمت:وانت يا زيدان هنفرح بيك امتي ده انت حتي الكبير ،؟! قلبي وجعني واتخضيت لدرجة اني سمعت صوت قلبي بصيت له بسرعه لقيته بيبص لي قلبي دق نزلت عنيا وحسيت باحساس وحش اعتقد انه الغير حسيت ان دموعي هتنزل فدخلت الحمام _بطلي حساسية بقي محدش هيطيقك بحساسيتك دي خرجت لهم وسمعته وهو بيضحك :والله ي طنط انا في واحده ف دماغي اتاكد اني بحبها ومناسب ليها واتجوزها علي طول المره دي حسيت اني مش قادره ليه يوم ما اتعلق بحد يبقي .. مش نصيبي خرجت لما شافني قالي : معلش ي انسه شذى ممكن توصليني للحمام _اه اكيد اتفضل وقفت مستنياه عشان اديله الفوطه عيني كانت في الارض بحاول اعرف ايه اللي بيجري واللي بيحصل جوايا وبحاول استوعب خرج من الحمام وعلي وشه الابتسامه العبيطه بتاعته بس ابتسامه حلوه اعطيت له الفوطة ولقيتع بيقول _بما انك بنت وكده رايك اعرف منين ان اللي البنت اللي انا بحبها بتحبني ؟ وكمان بيسالني اما حتة عبيط حاولت اخلي صوتي طبيعي وقولت _ الصراحه محبتش قبل كده معرفش _طيب تفتكري انا مثلا قليل...يعني ممكن ترفضني ؟! _قليل ازاي ما انت كامل اهو !! اتحرج وبصلي :مقصدتش ..كنت يعني اقصد... _تقصد ولا متقصدش انا مالي ! _معاكي حق انا اسف مشي واستاذن عشان يمشي ..غبية ليه كلمته كده يوه بقي خرجت وانا حاسه بالندم والحزن ليه كلمتة كده وليه عملت كده اصلا !!! قررت هروح اعتذر ايا كان هو كان دايما محترم معايا نزلت وروحت المحل شافني بس كمل ولا كانه كان شايفني زعلت من التجاهل ده بس ..بس انا كنت بجحه معاه برده روحت له وعيني ف الارضه _زيدان ....اا استاذ زيدان ممكن لحظه؟! بصلي ببرود :خير؟! عيني اتملت دموع :انا اسفه .. مكنتش اقصد اكلمك كده ..غصب عني كنت مدايقه ...حقيقي اسفه .. ويا.. حقك عليا انا غلطانه _جاوبيني وانا مش هبقي زعلان _لما تحس ان البنت اللي قدامك متلخبطه ومتوتره ومش علي بعضها وكده ....ولما تحس انها غريبه اعرف انها بتحبك _,تفتكري ممكن تحب واحد زي؟! بصيت له من فوق لتحت وانا بقول في نفسي تحبك ؟! ابتسمت بهدوء وقولت:مش شايفه عيب يعني ...ما شاء الله شخص ناجح عنده محل كبير ...مسئول وبشوش ...وبتعامل عمالك حلو واسلوبك سلس ولطيف ليه تكرهك ؟! حسيت ان اجابتي كانت اوفر وحساها فضحت مشاعري بس يلا ابتسم ورجع شعره ورا وهو بيضحك جامد _ياه ...تعرفي اول مره اشوف فيا مميزات كده ...للدرجه دي انا فيا مميزات ؟! _كلنا فينا مميزات ..وعيوب مقدرتش استحمل اكتر من كده وخدت بعضي ومشيت ..مشيت وانا سايبه قلبي هناك معاه ... روحت صليت وقرأت قرآن وبصيت من البلكونه علي الناس كل واحد جوانا شايل هم ...لو بصيت علي كل واحد كل واحد عنده حزن وهم جواه ما يعلم بيه الا ربنا سمعت ساره وهي بتكلم ابراهيم عرفت دلوقتي ان الواحد لما بيحب بيتعمي عن عيوب اللي قدامه و مش بيشوفها وده عيب الحب ...يعني انا حاليا معميه صحيت علي صوت ماما وهي بتقولي _قومي ...مامة ابراهيم عزمانا علي خطوبة ابنها التاني تابع البارت التالت Mariam soroبارت 3 هي ماما بتهزر زيدان هيخطب ؟!!يعني احساسي انه بيحبني كان غلط !طب ليه كان بيكلمني باسلوب حلو ليه طيب ؟؟ خرجت وانا ميتة تفكير روحت لماما وانا مازال جوايا امل: ماما هي طنط عندها ابن تالت يعني ...غير. زيدان وابراهيم ؟!! بصتلي وهي بتشتغل وبترد ع قد السؤال:لا معندهاش ...حتي لو كان عندها كان هيزورنا _يعني دي ...هتبقي ...خطوبة ..زز.. زيدان ؟! _اه مفيش غيره دخلت اوضتي جري وانا بحاول اسيطر علي الانهيار اللي هيحصل ده ...بصيت للمراية تلقائيا دموعي نزلت ..نزلت علي حياتي ...نزلت علي يوم ما حبيت ...يطلع وهم ...طلعت موهومه ..قعدت مسكت الموبايل بحاول اشغل تفكيري باي حاجه ..انا لازم انسي... اصلا انا اللي غلطت غلطت لما سمحت له يكلمني غلطت.لما سمحت لنفسي احبه كنت عايشة ف هدوء وسلام لغاية ما دخل حياتي مش مسمحاه .. سارة دخلت وسط عياطي جرت عليا وهي مخضوضة _في ايه ي شذى ؟؟!حصل ايه؟! دموعي نزلت انا شخص كتوم جدا حتي اختي مش هعرف اقولها ... _مفيش افتكرت ذكرى وحشة مش اكتر ...متشغليش بالك بصت لي بحنيه سارة اختي الصغيرة بس احيانا بحسها زي امي... لمست شعري برقه وخدتني ف حضنها _شذى ..تعرفي اني بحبك ..دموعك غالية عليا...انسي اي حاجه وعيشي انتي كده بتموتي بالبطئ بصيت ليها وقولت وانا بعيط _جربت اعيش ...عيشت ف وهم ...ليه ي سارة ؟! حضنتني وهي بتداعب شعري بحب وقعدت تقرا لي قرآن وتهديني هديت شوية .. وقعدت افكر ..حتى سارة هتمشي وتسبني ..هفضل لوحدي دايما حضنتها جامد وبقول وكلي مشاعر _هتوحشيني اووي ي سارة ضحكت جامد وقالت _دورك هييجي يوم ي حب ....بس انتي كمان هتوحشيني اووي صليت وقعدت ف البلكونه البلكونه المكان اللي بستريح فيه نفسيا بفضل ابص ع الزرع والورد بتاعي ...بفرح وانا بشوفه كل يوم بيكبر ...لقيت ورده جديدة ظهرت .. لمستها بحب ... لبست عشان اروح الخطوبة ..مش عارفه هروح ازاي هروح واشوفه بس هيبقي ايه مبرري لو مروحتش ! لبست فستان اسود وطرحة بيج بصيت ف المرايا ...هو انا شكلي حلو كل يوم بسال نفس السؤال ولسه معرفتش الاجابه ...بسبب اني اتعرضت لتنمر كتير وانا صغيرة بقي عندي فقدان شديد ف الثقة خاصة ف دراعي ...وف جسمي روحت وطول الطريق بصبر نفسي وبحاول امسك اعصابي دخلنا البيت كان فيه زحمة كتير وانا بدوخ بسرعه....بصيت علي مكان العريس والعروسه كان قاعد لابس بدله سوده وقميص اسود كان شكله حلو وقاعد جمبه بنت جميلة اوووي ....دي العروسه ؟! كانت لابسة فستان بينك وطرحه بينك ..كانت جميلة اووي تليق بواحد زي زيدان فعلا حسيت ان دموعي اتجمعت خرجت البلكونه وعملت كاني بمسح المكياج سارة جت وشافتني واستغربت _ايه اللي موقفك هنا ....انتي بتعيطي؟! _ايه ...لا ابدا دوخت من الزحمه وكده والكحل انتتي عارفه عندي حساسيه منه _طب لو حابة نمشي عشان تعبانه عادي ضحكت بالم وبهزر وانا بموت _لا لا ...احنا لحقنا ! خرجت برا كان عمال يهزر معاها وهي تضحك ...وكان في ولد كمان عمال يرخم عليهم ...وزيدان فضل طول الوقت ينكش فيها وفي الولد تقريبا اخوها فبيحاول يلطف . لقيته فجاه قام وكلهم قامو وقعدو يتكلمو مسمعتش حاجه بس فجاه لقيته بيمسك ايدها وبيحضنها جامد وبيدمع وبيقول _اخيرا ي سما ....والله وطال الوقت لحد هنا ومقدرتش استحمل انا برده بني ادم ....قولت لسارة اني تعبانه وهمشي وانا خارجه كان في زحمة عالية لدرجة ان البنات قعدو يخبطو فيا ...انا بدوخ ...الزحمة اكتر مكان مرعب بالنسبه ليا ...معتدش قادره اتنفس ... لازم اخرج ...خرجت مشيت ف الشارع وانا بحاول اخد نفسي من الزحمه....انا حتي نسيت الدوا بتاعي ...طلعت السلم بسرعه وانا بفقد القدرة علي التنفس ...فتحت الباب وحسيت ان الارض بتلف بيا ... موبايلي جاله رساله من ماما بتقولي مشيتي ليه دول هيلبسو الدبل ....سبت الموبايل وانا بدور علي الدوا ملقتهوش ....ملحقتش انزل اجيب ولقيت الدنيا سودا ووقعت علي الارض ومعرفش ايه اللي حصل بعدها تابع البارت الرابع Mariamبارت 4والاخير معرفش ايه اللي حصل كل اللي فكراه اني اغمي عليا صحيت لقتني نايمه علي الكنبه وماما جنبي بتعيط ..وتقريبا مخدتش بالها اني فوقت وسمعتها وهي بتكلم ساره _صعبانه عليا أختك اللي مش عارفه تعيش دي ... _ي ماما انتي عارفه انها بتدوخ من الزحمة ووو قومت وبصيت ليهم وضحكت مش عايزه اقلقهم ...وقولت وانا بضحك _خوفتو عليا صح ؟! متخافيش ي ماما انا بس دوخت من الزحمه والدوشه ومشيت والدوا بتاعي ملقتهوش فاغمي عليا انا كويسه بصتلي بشك وقلبها مش مطمن ما قلب الام بيحس هنقول ايه ؟! ماما اجبرتني اقعد ف البيت وف السرير اربع ايام ...الصراحه الحوار فرحني اهو اعيش اللحظه مع نفسي ..محدش فيهم جاب سيرة الخطوبة ..عشان عارفين ان ممكن ادوخ لو تخيلت الزحمه تاني .. كنت قاعده بقرا في رواية...حاولت اشغل وقتي معرفتش ...حتي بطل الرواية اسمه زياد....يعني بيفكرني بيفكرني...اشتم يعني ...يوه .. كنت حابسه نفسي بفكر بعمق .انا لازم اتغير لازم ابقي اقوي مش كل حاجه تاثر فيا تخليني اعيط او اغمي عليا بصيت ف المرايا.. _هييجي يوم واعيش لوحدي ومحدش يلحقني سرحت بذكرياتي ..من يوم ما اتولدت لحد دلوقتي...مش يمكن بابا لو كان هنا كان حاجات كتير محصلتش !! حسيت بملل وقررت انزل اتمشي . وقفت علي السور اللي بيطل علي النيل فعلا مصر جميلة بنيلها _شذى؟!! ليه ؟!!ليه اسمع صوته ...بقيت بتخيل ...وصلت لتلك الدرجه ؟! لفيت له وشي كان بياخد نفسه بالعافيه ... كان...زي ما هو بصيت له ببرود _خير؟!! اتكلم بلهفه _كنتي فين ؟!!بقالك فتره مختفيه ...حاولت اسال عليكي بس ...بصفتي ايه ؟! اتعصبت ازاي خاطب ....ازاي بيمثل كده ...واخد اوسكار ف التمثيل بجد _خير ؟!!....انا المفروض اعرفك كنت فين وليه ؟!!انت مين اصلا ؟! _طيب مجتيش الخطوبه ليه؟!! _ي بني انت بجح ....متكلمنيش تاني ولا توقفني ...كفايه بقى ايه مش بتحس ؟!!!... _انا عملت ايه طيب !! _عملت ايه والله ضحكتني ...بص ي ابن الناس انت لو وقفتني تاني انا هفضحك واقول لخطيبتك انك بتوقفني ف الشارع مستنتش يتكلم عشان انا خلاص فاض بيا ،_ ي شذى استني بس .... روحت البيت وانا بعيط طلعت السطح مش عايزه ماما تشوفني وانا بعيط ... جالي اتصال من رقم غريب مش عايزه ارد بس ده عمال يرن مش ساكت _الو مين معايا ؟! _انا زيدان ...صدقيني لازم نتكلم انتي مش فاهمه حاجه _مش فاهمه ايه ..؟!ي بني حس شويه ومتكلمنيش انا فيا اللي مكفيني _بس انا بحبك قفلت ف وشه هو لو فاكر اني معنديش كرامه ...او فاكر اني ممكن اقبل الحب من واحد رابط واحده تانيه بيه يبقي غبي . فضل يتصل بيا كتير بس خلاص فات الاوان .... انا اه بحبه بس . ...بس هو خاين خاطب وكمان عايز ...يحبني انما قليل الذوق فضلت اسبوع مش بنزل الشارع مش عايزه اشوفه ...عايزه انساه الساعه ١٢بليل لقيت رقمه بيتصل...اول مره يتصل ف وقت زي ده ...غريبه ...حسيت قلبي مش مرتاح ..رديت وانا ايدي بترتعش _الو ...زيدان؟! _الو ازي حضرتك ي مدام تقريبا جوز حضرتك عمل حادثه ونقلناه علي المستشفي .. قلبي وقع حسيت ان الارض مش شيلاني ....هو يقصد زيدان ؟! _حضرتك تقصد استاذ زيدان ؟!!!!!! _ايوه انا اسف انا افتكرتك مراته اصلك اخر رقم متصل بيه ... _المستشفي فين بسرعه؟؟ صحيت ماما ونزلت اجري علي المستشفي وانا بعيط. ...في الاخر انا بحبه . وصلت المستشفي وطلعت له كان قلبي بيدق حتي لو مش ليا مش عايزه اشوفه ميت .... دخلت لقيت ايده ورجله متجبسين وكمان راسه ... قعدت جمبه وانا بعيط ....ليه ي زيدان ؟!! سمعت صوت اخوه من ورايا بيكلمني _علي فكره هو كمان بيحبك مسحت دموعي وقولت _ولما هو بيحبني ...خطب ليه ؟!! رد عليا بكل صدمه _مين ده اللي خطب ؟!! بصيت له بدموع _زيدان حط ايده علي دماغه ...وقال _انا معتدش فاهم حاجه ...انتي جبتي منين انه خطب ؟!. اتعصبت ايه العيله اللي فهمها بطئ دي _والله اومال الخطوبه اللي فاتت دي خطوبه مين...والله انتو بتلعبو بيا!!! برق لي وهو مش مصدق _بجد انتي معتقده أن الخطوبه دي كانت خطوبة زيدان ....ههههه ..بصي الدكتور عايزني برا زيدان لما يصحي يفهمك بقا .. انا معتدش فاهمه حاجه ...هو ايه اللي بيحصل مين اللي غلط ...ومين اللي صح...انا مش فاهمه !! دموعي كانت عماله تنزل زي الشلال ... مش قادره اتحكم فيها ... بصيت له لقيته فاتح عينه وبيبص لي قومت وقفت وانا بعيط ... _انت صحيت؟؟انت كويس ؟! وقعدت اعيط جامد ودموعي مغرقاني _ بس بس ... اهدي مش كده ...انا كويس حادثه بسيطه خالص . قعدت وانا بحاول اهدي ...بصيت له تاني _انا كمت هموت من الرعب 'عليا؟!! _في غيرك هنا! _بس مش انتي بتكرهيني ! _عشان تعرف انك عبيط ...كل ده ومخدتش بالك ؟!!! بصيت لبعيد وانا مش عايزه ابين ضعفي قولت وانا بلقلق _اومال مين ...مين اللي كانت معاك ف .... ابتسم لي وقال بهدوء شديد _قصدك اللي كانت لابسه بينك ف الخطوبه ؟ _اه دي مين ؟ _دي اخت ابراهيم كشرت عشان مش فاهمه _اخت ابراهيم ؟!!يعني اختك ؟! _يعتبر هي رضعت مع ابراهيم من ماما فهي اخته وتعتبر اختي برده . _مش فاهمه حاجه ...يعني اختك متجوزه اخوك ولا ايه؟! ضحك جامد لدرجة ان عنيه دمعت _اه ...ياني احنا مش كفرة ي حجه لا كانت خطوبة ابن خالتي علي اخت ابراهيم ...بس عشان ماما بتحب ابن اختها اوووي فدايما بتقول عليه ابنها .. بصيت له _وفضلت تبوس وتحضن فيها ليه ....انا افتكرت انك خطبتها ؟ بص لي بحنيه _مقدرش ...اموت ولا اني اعمل كده ...دي اختي وكنت فرحان لها... تعرفي فضلت طول اليوم تيجي بس مجتيش _مقدرتش استحمل ... _ولا يهمك عارف شعورك يوم ما جيت وافتكرتك عروسة اخويا ...بس مش مسامحك عشان زعقتيلي وكلمتيني وحش _انا آسفه حقك عليا انا كنت غلطانه ...بس انا افتكرت انك خطبتها بعد ما خلتني احبك ...حسيت بالم انت مش متخيله .... وعيطت تاني انا اصلا استحق الشنق . _خلاص اهدي اهدي مش كده انا برده بضعف _هعمل اي حاجه عشان اعبر عن اعتذاري _اي حاجه ..اي حاجه؟!! _اه اي حاجه _تتجوزيني ونبقي خالصين وتبقي تصالحيني بعد ما نتجوز وراح غمز لي عبيط مش عارف اني بتكسف يوه خدودي احمرت ....واتوترت _هو محدش جه يشوفك بعد ما فوقت ليه ؟ _عشان محدش لسه عرف اني فوقت ... _اه صح ...هتطلع انادي لهم مامته واخوه دخلو والبنت اللي هي المفروض اخته ....حتي لو اخته ....انا بغير زيدان بصلي وقال _سما اعرفك شذى ...شذيى سما اختي _اهلا ي سما الف مبروك _انتي شذى بقا اللي قرفنا بيها زيدان بصلها بعصبيه _اتكلمي بأدب معاها ي بت _حاضر ي ابيه زيدان ضحكت جوا نفسي احسن ...احسن المفروض كان ياكلها قلمين أو حاجه خرجت عشان حسيت ان مليش موقع من الاعراب روحت نمت اخيرا بهدوء ...زعلت من نفسي اني فهمت غلط .... عدي اربع ايام .... عايزه ارتاح شويه انا بقالي فتره منهاره ...او بالاصح بفكر هلبس ايه وهو بيتقدم لي اه انا مقولتش اني موافقه بس ....نعتبر اني قولت اتصل بيا _السلام عليكم _وعليكم السلام ي شذى ...مشيتي ليه يومها ؟! _انتو عيلة وكده ...محبتش اقف مليش لازمة _متقوليش كده انتي هتبقي عيلتي كلها _...... _خلاص عرفنا انك بتكسف ي صغنن _...... _طب هاجي امتي عشان نتصالح ؟ قفلت ف وشه ...وشي سخن واحمر ما هو مش للدرجة دي اتصلت بيه تاني _تعالي في اي وقت مستنياك وقفلت تاني مهي مش سايبه هي طلعت قولت لماما وانا كلي فرحة وابتسامه .... _ماما زيدان هييجي يتقدم لي _وانا مش موافقه صدمة تانيه ليه كده ي ربي _ليه؟! _انتي تستاهلي حد احسن عيطت _لا ماله ده ...انا عيزاه هو .... خدت نفسي بالعافيه ... _خلاص خلاص ...اهدي خليه ييجي ونبقي نشوف خوفت ماما ترفضه في وشه وقتها اكيد مش هيكلمني تاني جه اليوم المنتظر ...كان لابس قميص اسود وبنطلون اسود وف ايده بوكيه ورد احمر وعلبة شوكولاته مكنش في داعي للشوكولاته ...كفايه هو خرجت وانا لابسه فستان نبيتي علي طرحه بيج ....و في ايدي الحاجه الساقعه . بصيت ليه لقيته بيضحك وبيغمز لي ... اتوترت ووقعت الحاجخ الساقعه عليه. قومني وقال وهو بيغمز. _انا هجيب الماذون عشان غلطاتك كترت والخطوبه مش كفايه عشان اسامح اتوترت اكتر وماما فضلت مبرقه لي _معلش ي جماعه هي كده دايما كسفانا اتكسفت اكتر ليه تقول كده _لا ي طنط عادي زي اي بنت بتكسف ...وبعدين اي حاجه منها حلوه انا راضي قعدت في كرسي جمب مامتي ومامتي وعيني ف الارض وفضلت طول القاعده وشي جايب الوان والضحكه العبيطه علي وشي _طيب انا كنت حابب اخلي كتب الكتاب علي طول لام مفيش داعي للخطوبه كلنا عارفين بعض وانا جاهز ان شاء الله ماما ردت برضا _والله انا معنديش مانع الراي راي شذى في الاخر اتكسفت ارد قدامهم كلهم بس ساره حست بقا _موافقه ايه....دي اتصلت بالماذون خلاص بصيت لساره بكسوف ... _كده ي سارة؟!! ضحك زيدان وقال _والله خطيبة اخويا مغلطتش ف. حاجه ابتسمت وقولت _وانا كمان موافقه _لولولولولولولولولولولي البيت اتملي زغاريط وهنا اقدر اقول اخيرا بدات افرح واخيرا انا وزيدو هنعيش سوا وجه يوم كتب الكتاب نزلت السلم بالفستان الابيض ....زيدان كان مستنيني تحت ولابس البدله اللي واكله منه الف حته دي ...وف ايده بوكيه ابيض بصلي باعجاب كان باين علي وشه اعطاني البوكيه خدته وأنا باصه ف الارض مش قادره ابصله _يلا بينا .... ركبناا وروحنا للماذون ..فضل طول الوقت بيبص لي وبيضحك واخيرا (بارك الله لكما وبارك عليكما وجمع بينكما في خير) لولولولولولولوي خدني ف حضنه حضنته جامد اعترف ان دي اجمل لحظه ف حياتي كلها بص لي وضحك _هتصالحيني بقا _الاه مش اتجوزنا خلاص عايز ايه تاني ؟ شاور علي خده وقال _هنا عبيط ده ولا ايه فاكر اني سهله هو يعني عشان بقي جوزي ...هههه ....انا حته عبيط مسكت وشه بايدي وقولت _غمض عينك ي حب غمضها بكل ثقه ...مش بقولكو عبيط قربت من ودنه وقولت _اما انك حتة عبيط وطلعت اجري لقيته بيقول _عشان حبيتك ي جاتوهايتي وجري ورايا(الناس اللي هتقول جرو فين وازاي وقدام الناس ...سيبونا نعيش اللحظه ونسيب المنطق علي جمب) خدني لمحل الحلويات بتاعه بعد ما فضاه من العمال ...مش مطمنه له...عايزني لوحدي لي الراجل ده ؟!! قعدني علي ترابيزه....متزينه ومسك ايدي _تعرفي وقعت في حبك من اول وهلة وقعت عيني فيها عليكي _انا كمان بحبك ي زيدو _ ياه اخيرا سمعتها منك جاب لي جاتوه بالشوكولاته مكتوب عليها .. (الي احلي جاتوهاية في حياتي) _والله ؟؟!!معني كده ان في جاتوه غيري بس انا احلاهم !!! _اه ولادنا ان شاء الله اه ابن الايه عرف ياكل بعقلي حلاوه ضحكت بكسوف وقلت _مقبوله منك ي روحي مسك ايدي للمره الالف وباسها _ربنا يبارك لي فيكي ي حبي ويرزقنا ولاد حلوين زيك كده ضحكت له _لا حلوين زيك انت ي اسمراني انت _بحبك للابد ي جاتوهايتي (يلا حلاوة البدايات وكده ) النهايه
