اختى بتقولى خليك معايا وسيب مراتك

ودخلت انام وايمان قالت لاميرة   ايمان انتي عارفة يا أميرة الرجاله كلهم ملهومش امان ايوه اسأليني انا عندك يوسف جوزي علطول مهملني ودايما يفضل بره طول النهار ويرجع متأخر واسلوبه زفت معايا   أميرة وانا مالي بالكلام ده يا ايمان بس انتي برضو اللي كنتي غلطانة عشان اي ست في الدنيا بتستحمل جوزها وبتعمله اي حاجة هو بيطلبها   ايمان انا كنت بعمل كل اللي هو عايزة بس مطمرش فيه وفي الاخر قال ايه عايزني ابطل شغلي على النت وده اللي بيجيب فلوس حلوه

  أميرة بس برضو يا ايمان لما كان جوزك ماكنش عجبة الوضع وقالك بلاش كنتي سمعتي الكلام مش تطلبي الطلاق وتطلقي وتسيبي بنتك لوحدها في حين أن في ناس مش طايله ضوفر عيل   ايمان ااه، طيب يا حبيبتي وانا ذنبي ايه انك مش بتخلفي اسكتي اسكتي ده انتي في نعمة ااه طب انتي عارفه انتي فاضية وتقدري تشتغلي وتروحي وتيجي انما بقا لو معاكي عيل مش هتعرفي لا تروحي ولا تيجي خليكي كده احسن

  أميرة سمعت كلام ايمان ودخلت الاوضة وفضلت تعيط وقالت لي أميرة قوم يا يحي انا عايزة اتكلم معاك قوم   يحي استغفر الله العظيم يارب هو انا مش هعرف ارتاح في بيتي وانام ولا ايه عايزة ايه يا أميرة   أميرة عايزة اسالك احنا هنعمل ايه في موضوع العمليه بتاعت الحقن المجهري دي   يحي يادي النكد بقا اللي مش هنخلص منه ده ما انتي قولتي لي قبل كده يا أميرة وانا قولت لك اجيب منين هااا قولي لي اجيب منين

  أميرة طيب ما تشوف اي جمعيه مع حد في الشغل واعملها واقبضها علطول ونعملها الدنيا سهله يا يحي بس انت دوربس وربنا يسهل انا نفسي اخلف اوي   يحي طيب ماشي لما بكرة اروح الشغل هبقا اسأل اي حد هيكون هيعمل جمعية وانا ادخل معاه ويقولوا يقبضني الأول وتاتي يوم رحت الشغل ملقتش حد هيعمل جمعيات ورجعت البيت واميرة كانت قاعده مع اخوها منير وقالي   منير اهلا يابو نسب اخبارك ايه

  يحي ازيك يا منير انت عامل ايه الدنيا عامله ايه معاك ولقيت شغل ولا لسه   منير اديني بدور والله يا يحي مش لاقي حاجة لسه وربنا يسهل   أميرة عملت ايه يا يحي في الموضوع اللي قولت لك عليه   يحي لسه يا أميرة مفيش حاجة لما يبقا فيه وربنا يسهل هبقا اعملها علطول خلاص ياريت تبطلي زن بقا ولقيت الباب بيتفتح ودخلت ايمان وانا قولت لها  

يحي انتي كنتي فين يا ايمان وراجعة منين كده   ايمان كنت بسحب الفلوس اللي جات لي من شغلي يا يحي الحمد لله الشهر ده حققت ارباح حلوه اوي   منير أرباح ايه يا ايمان هو انتي بتكسبي حلو بقا من التيك توك ده مش، كده   ايمان اه ياخويا الحمد لله الدنيا ماشية معايا كويس بقولكم ايه انا داخله جوه على بال ما أميرة تجهز الغدا وعدت الايام واختي قاعده عندنا وكانت واخده بالها قوي من نفسها وكانت تفضل تدلع عليا قدام مراتي وقالت لي

  يحي خود يا يحي الفلوس دي وهات لي شيكولاته وانت جاي وكمان ايس كريم   أميرة هو ايه اللي اختك بتعمله ده يا يحي هي بتفضل تتدلع كده ليه على فكرة انا مبقتش حابه وجودها معانا هنا   يحي تاني هنتكلم في الحوار ده انتي ايه مش بتزهقي ابدا من الكلام وبعدين معاكي يا أميرة انا قولت لك قبل كده اختي مش هتمشي من هنا   اميرة خلاص يبقا انا شكلي اني همشي انا يا يحي

  يحي اعقلي يا أميرة وبطلي عبط بقا ايه اللي انتي بتقوليه ده بس بقولك ايه انا همشي وسايب لك البيت ونزل يحي وراح لبسنت اللي قال لها   يحي انتي كنتي فين يا حبيبتي بقالي اسبوع برن عليكي وانتي تليفونك مقفول هو انتي مشتغلتيش التليفون الجديد ولا ايه   بسنت اسكت يا يحي اسكت على اللي حصل اعاااااااااا وعملت نفسها بتعيط   يحي بخضه في ايه يا بسنت في ايه يا حبيبتي فهميني بس في ايه مالك كده ايه اللي حصل

  بسنت اصلي بصراحة مش عارفه اقولك ايه التليفون اتسرق مني يا يحي وانا مش معايا ولا مليم وقافله على نفسي ومش عايزة اكلم حد حتى التليفون الصغير المعفن ده قفلته عشان مليش نفس اتكلم مع حد   يحي بضيق هااا التليفون الجديد اتسرق ازاى يا بسنت   بسنت ايه ده هو انت زعلان ولا ايه يا يحي اخس عليك وانا كنت فاكراك هتعوضني   يحي طبعا يا حبيبتي انا هعوضك بأحسن منه أن شاء الله بس انتي متزعليش نفسك وفداكي اي حاجة

  بسنت ياحبيبي ربنا يخليك ليا يارب وبعدها رجعت البيت وقولت لايمان   يحي بقولك ايه يا ايمان انا عارف اني المفروض انا الي ادي لك فلوس مش انتي بس الصراحة انا مزنوق في قرشين كده   ايمان ايه الكلام اللي انت بتقوله ده يا يحي انت اخويا وفلوسي هي فلوسك طبعا انا هديك اللي انت عايزة يا حبيبي بس قولي الفلوس دي انت عايزها عشان تعمل العمليه لمراتك  

يحي لا لا مراتي ايه انا حتى مش عايزك تجيبي لها سيرة ان انا اخدت منك اي فلوس ماشي انا بس عايزهم لاني كنت مستلف فلوس من واحد معايا في الشغل وهو جه وسالني عليهم   ايمان ولا يهمك ياخويا قولي بس انت عايز كام وانا رقبتي سداده اللي عايزة كله ده انت اخويا الغالي يا يحي   يحي ربنا مايحرمني منك ابدا يا ايمان وفعلا اخدت منها مبلغ حلو وقولت هبقا اروح اديه لبسنت وتاني يوم لقيت أميرة بتقولي

  أميرة بقولك ايه يا يحي انا اخويا منير جاي لك النهاردة بالليل عشان يطلب ايد اختك للجواز     يحي نعم ياختي بقا اخوكي منير عايز يتجوز اختي انا اه قولتي لي يا أميرة ما انا عارف هو بيعمل كل ده عشان عرف ان اختي بتشتغل عن طريق النت وبيجلها فلوس اد كده وهو اصلا مش بيشتغل وطبعا عايز الفلوس دي تكون ليه انا بقا مش موافق   أميرة

وليه متوافقش يا يحي وهو اخويا في ايه اللي يعيبة ده المفروض انك انت اللي تبقا فرحان عشان هيتجوز واحده مطلقه زي اختك دي   يحي بقولك ايه يا أميرة انا مش عايزك تجيبي سيرت اختي على لسانك وجواز اختي من اخوكي مش هيحصل ولا منه ولا من اي حد تاني وده اخر كلام عندي خلاص     أميرة قولي بقا الصراحة كده هو انت مش عايز اختك تتجوز ليه يا يحي

  يحي عشان انتي عارفه ان اخوك ما بيشتغلش هيعرف يصرف على اختي منين ان شاء الله إلا إذا كان اصلا طمعان فيها وفي فلوسها   أميرة زي هي ما بتصرف عليك يا يحي وانا عارفه انك بتاخد منها فلوس كل يوم انا مش عبيطة ماشي ولا انت بقا عايزه الموضوع يبقى ليك انت وهو لا في الوقت ده انا ضربتها بالقلم واتخانقنا سوا وبعدها ايه قعدت في اوضه لوحدها وكانت بتقفل على نفسها باب الاوضه وانا قولت لها

  يحي طب خلاص متزعليش مني يا أميرة افتحي خليني اتكلم معاكي طيب انا عايز اتكلم معاكي   أميرة انا مش هفتح لك يا يحي انا مليش دعوة بيك أمشي بقا من هنا حاولت اصالحها كذا مره ما كانتش راضيه تتصالح وايمان قالت   ايمان هي مراتك مالها يا يحي هي هتفضل كده ان شاء الله ولا ايه بقولك ايه سيبك منها انا عارفة انها مش طيقاني في البيت هنا مش كده وعايزة تجوزني اخوها باي طريقة عشان احل عنها بس ده بيت امي وابويا مش كده برضو

  يحي اكيد يا ايمان بيتك ده يا حبيبتي وبعدين أميرة متقصدش حاجة   ايمان خلاص انا مليش دعوة بيها انا قاعده في بيت اخويا ولو هي مش عجبها الباب يفوت جمل   يحي خلاص بقا يا ايمان ملوش لزوم الكلام ده     ايمان طيب ياخويا انا عشان خاطرك انت بس انا هسكت بس بقولك ايه يا يحي انا بقيت احلم بكوابيس وحشه جدا اليومين دول وبقيت اخاف من الشقه تعالى نام معايا بدل ما انت ما بتنام هنا في الصاله كده والست هانم واخده الاوضة وقافله على نفسها علطول

  يحي والله يا ايمان انا فعلا نومت الصاله تعبت لي جسمي اوي ومبقتش بقدر انام على الكنبة خلاص ودخلت مع ايمان اوضتها ونمت انا وهي على سرير وتاني يوم لقيت أميرة بتلم هدومها وقولت لها   يحي ايه ده هو ايه على الصبح يا أميرة خير عماله تلمي هدومك ليه رايحه فين كده على الصبح   أميرة انا واخده هدومي وماشية يا يحي وابقي خلي اختك تنفعك انا قولت لك اني مش مرتاحه لوجوها في البيت وكمان مش عايزه وجودها في حياتي

وبعدها سابت البيت وراحت بيت أهلها وايمان قالت   ايمان. هي مراتك اتجننت ولا ايه يا يحي هي فاكراني عشقيتك ولا ايه دي دماغها فوتت بجد والله دي غريبة اوي   يحي كبري دماغك يا ايمان وسيبك منها وانا عارف ان هي مش هترتاح هناك في بيت أهلها لان هي بتخدم اخواتها من بعد امها ما اتوفت   ايمان خلاص يا يحي يبقا سيبها وهي هترجع لوحدها قال هي بقا عايزه تمشيني من البيت ده طب والله العظيم لاحرق لك دمها

  يحي وبعدين معاكي يا ايمان انا مش عايز مشاكل مع أميرة اكتر من كده الله يخليكي ماشي   ايمان هو يعني هعمل ايه يا خويا انا بس هوريها انك بيها من غيرها هتعيش هتبقي زي الفل تعالي تعالي ناخد سيلفي مع بعض انا وانت صحيح ده انت عيد ميلادك بكرة مش كده   يحي بحزن للأسف ايوه يا ايمان واميرة مش، هتبقي موجوده معايا هنا بصي انا عايز اقولك على حاجة هو انا بصراحة عايز اتجوز واحده تانية وعيني منها بس انا باجي قدام أميرة دي بالزات وبضعف ومش بحب ازعلها ابدا

  ايمان بفرحة قولت لي بقا طيب يا حبيبي وماله ما تتجوز وتعيش حياتك اهو على الاقل تجيب واحده تخلف لك العيل اللي انت نفسك فيه مش الارض البور اللي انت متجوزها دي   يحي