1 _ها يا يوسف جبت كام في نتيجة الثانويه العامه؟ _واحد وأربعين ونص _انت كنت بتذاكر من ورانا يالا _ياعم بقولك واحد وأربعين مش واحد وتسعين ركز _كلنا جايبين تلاتين في الميه يدوب يدخلونا حمام بيتنا ضحكت بزعل تاني مره اجيب مجموع وحش في ثانوي عام هقول اي ل ابويا اللي كان عايزني ادخل طب ول امي اللي كانت عايزني ادخل حقوق؟ قطع شروي علي صحبي _فكك انهارده فيه سهره زاي الفل تعالى معانا
_لاء يا عم ماليش نفس _ياض مروان عازمنا على بار تيكيت النفر فيه لوحده ب الف ونص وهناك بقا فيه كل حاجه _استغفر الله يا عم سيبني ب اللي انا فيه سيبته ومشيت روحت البيت وانا مش عارف اجيبها ازاي واقولهم على المجموع اللي على رأي علي يدوب يدخلني حمام بيتنا كانت أمي وأبويا قاعدين اتكلم بابا وقال: _ها جبت كام قول قولت بخيبت امل: _واحد وأربعين ونص _ده باقي الخمسين جنيه مش عايزو النتيجه بقا جبت فيها كام
_ماهي دي النتيجه يا بابا ضربني بالقلم اتعصب ودي كانت أول مره يعملها قامت امي مخضوضه عليا عشان تحوش _هتفضل طول عمرك فاشل اخوك مهندس بترول قد الدنيا واختك دكتورة علم نفس وانت اي قولي انت اي انت ولا حاجه _اهدا يا ابو كريم اهدا متزعلش نفسك زعق في امي وهو بيقول: _اسكتي كل ده بسبب دلعك ليه ده فرق تربيتي من تربيتك قولي الواحد وأربعين دول يدخلوك اي ردت ماما بكل عفويه وهي بتقول:
_ونص اتعصب اكتر وزعق وهو بيقول: _كدا بقا وزير يعني ب النص ده بقا رئيس جمهوريه هتجنيني انتي وابنك هتجنوني قالها ودخل وماما قعدت جنبي طبطت عليا وهي بتقول: _متزعلش نفسك انشالله تجيب صفر المهم عندي انت يا حبيبي خرج بابا وهو متعصب اكتر وقال: _مفيش فايده اقولك ده نتيجة دلعك تقوليلو جيب صفر بدال ما تشدي عليه قالها وشدني من ياقة القميص وقال: _اسمع يالاا مفيش عربيه ومفيش مصروف ومش هتقعد في البيت ده غير لما تشتغل وتصرف على نفسك متورنيش وشك غير وانت معاك شغل
قالها وفتح باب الشقه وزقني بعد ما خد مني مفتاح العربيه #شهد_محمد نزلت وانا سامع صوت زعيق ماما معاه غصب عني عيطت مكنتش عارف اعمل اي ولا اروح فين رنيت على عادل صحبي شويه ورد: _عادل انا اطردت من البيت ينفع اجي ابات عندك يومين _اي ينفع دي ده البيت بيتك تعالى يلا مستنيك قفلت معاه واتمشيت لحد بيته لأني مكنش معايا فلوس للمواصلات اصلآ بعد شويه كنت وصلت طلعتلو وقعدت حكتلو اللي حصل
_ولا يهمك شويه وبقيت الشله تشرف وتونسو بعض _ليه هما اطردو هما كمان _اه يا معلم كلنا في الهوا سوا _الله يطمن قلبك شويه وبقيت صحابي جم فعلآ وعشان عادل الوحيد اللي عايش لوحده لما بنقع في حاجه زاي دي بنروح نقعد عنده اتكلم علي وقال: _متزعلش نفسك بقا يا يوسف على الاقل انت طردك وحرمك من المصروف لاكن انا طلق امي بسببي _وهي ذنبها اي _دفعت عني خرج عادل ومعاه صنيه فيها سجاير وحاجات كتير معرفهاش وقال:
_السهره صباحي سيبكم بقا من كل ده عشان فيه صنف جديد وصل قام علي جري خد منو حاجه وهو بيقول: _هات هات خليني انسى قعدو كلهم قدامي وبداو يشربو الروايح كانت بتخنقني لاكن كنت بمسك نفسي ومش برضى اكح عشان ميتريقوش عليا اتكلم عمر صاحبنا وقال: _انا بقا همي اكبر من همكم بكتير مطلوب مني اجهز اخواتي البنات واشيل مسؤلية البيت مش مسؤلية نفسي زايكم وغير كل ده ندى سابتني
اتكلمت بزعل وانا بقولو: _بجد إزاي انتو كنتو بتحبو بعض جدآ _الحب مش هيفيد ب حاجه جنب واحد معندوش شقه ولا معاه يجيب شبكه يا يوسف انا اللي كاسر قلبي انها مستنتش والله كنت هتغير عشانها بس هي مشيت ومشيت بدري اوي رد عادل وقال: _مانا قولتلكم اتنين مالهمش أمان الحب والحب برضو اشرب يا عمر اشرب يابا عشان تنسى رد عليه وقالو: _عايز حاجه أقوى يا عادل الحاجات دي مبقتش تعمل معايا حاجه
_تضرب ابره؟ _اضرب ابره قام معاه وغابو شويه بعدين جم اتكلم عادل وهو بيقول: _نفسي اعزم عليك يا يوسف بس انت فافي مش قده ضحك علي وقال: _ياعم ده لو شرب سيجاره ممكن يغمى عليه سيبك منو بصيت ليهم بغيظ وانا بقول: _والله لو كان فعلآ فافي زاي مابتقولو كان جرالي حاجه من الريحه بعدين مش فاهم اي لازمتها الزفت اللي بتشربو ده رد عمر وقال: _بينسيك الدنيا يا صحبي اسألوني كدا هي كان اسمها اي
اتكلم عادل وقال: _حبيبتك كان اسمها اي يا عمر _سعاد كلهم ضحكوا واتكلم علي وقال: _لازمتها يا صحبي انك ممكن تلف العالم وانت قاعد مكانك _ياسلام _زاي ما بقولك كدا لو مش مصدق جرب واحكم بنفسك _لاء مش عايز اتكلم عادل وقال: _سيبكم منو ده فرفور ادايقت وحبيت اثبتلهم اني اقدر اشرب زايهم واكتر وقرارت اني هوريهم بعدين مش هشرب تاني #شهد_محمد قومت وقفت وانا بقول: _طب ولو شربت من كل الأنواع دي ومحصليش حاجه؟
اتكلم عادل وقال: _لو حصل فعلآ يبقا ليك شهر تحكم فيه ب اللي انت عايزو علينا كلنا نروح فين ونيجي منين وكمان ناكل اي _طب هات وريني بدأت اخد من كل حاجه موجوده وشربت منها فيه برشام وفيه سجاير شربتها كانو حاجات كتير جدآ وقف عادل وقال: _اخويا الهيرو اللي منقدرش نعيش من غيرو ناقص صنفين _هاتهم دخل جاب كيس فيه حاجه بيضه وحقن وقال: _دول أقوى صنفين يا معلم ده بيتشم وده هوريك تاخده ازاي
عملها قدامي وعملت زايه والحقنه خدتها في دراعي بعد ما ربطت حاجه عليه ومتسألونيش عدا قد اي عشان مش فاكر حاجه من يومها ولا فاكر عدا كام يوم ولا كام ساعه صحيت وانا جسمي مهمد مناخيري حمرا ومش طايق نفسي بهرش في كل جسمي وخرجت ل عادل وانا بقولو: _عايز تاني من البتاع اللي شربته _انهي واحد _مش فاكر يا عادل مش فاكر هات اي حاجه وخلاص _طيب هعمل معاك واجب بعد كدا كله ب حسابه
قالها ودخل جاب نفس الصنيه حط حاجه في ورقه ولفها بقت سيجاره وادهالي وجاب علبه صغيره حمرا وقال: _دي فيها اخر نوع انت شربته قصدي شميته بس متكرتش لا يجرالك حاجه وانا نازل عندي مشوار البيت بيتك قالها وسابني ونزل وشربت انا السيجاره وفضيت الماده البيضه على التربيزه وعملت زاي ما علمني عدا يوم او اسبوع مش فاكر الحقيقه وانا مبعملش حاجه غير اني بشرب وبنام لأني فعلآ بكون همدان والعلبه الحمرا خلصت
خرجت ل عادل اطلب منو تاني: _عادل عايز شويه كمان _يوسف الحاجه دي غاليه انا هسد عليك ولا عليا _معلش عشان خاطري _ب فلوس يا سطا يا تجيب لنفسك يا تديني اجيبلك يا تجيب نص المبلغ ونجيب ب النص _طب اخر مره افوق بس وبعدين اتصرف في الفلوس عشان خاطري _طيب امسك قالها ورمى ليا كيس في الماده البيضه شميتها وارتحت هتقولولي اي إحساسك لما بتعمل كدا هقولكم معرفش بس ببقا حاسس اني هتجنن جلدي هيخرج من جسمي ولازم اخدها عشان ارتاح ولما باخدها بكون في عالم تاني حرفيآ
دخل عليا عادل وهو بيقول: _اتصرف في فلوس عشان مش هديك حاجه تاني _حاضر قولتها وسيبته ونزلت روحت بيتنا فضلت مستني لحد ما شفت ابويا نزل واخواتي نزلو راحو شغلهم وطلعت ل امي اتخضت لما شافت حالتي عيطت وحضنتني _مالك يا يوسف حصلك اي _تعبان اوي يا أمي ومعيش فلوس العلاج _تعبان مالك يا حبيبي فيك اي _مش عارف عندي اي محتاج فلوس كشف _حاضر حاضر قالتها ودخلت جابتلي فلوس من جوه
_كام دول يا أمي _الفين جنيه يا حبيبي اكشف والباقي خليه معاك ل مصاريفك _حاضر _استنى البس واجي معاك _لاء عشان ابويا خليكي انتي وانا هاجي اطمنك قولتها وسيبتها ونزلت روحت ل عادل اديته الفلوس اتكلم بسخريه وقال: _ميعملوش حاجه دول يدوبك يجيبو فرخه وكيلو كباب قلعت ساعتي الدهب ادتهالو وموبايلي ايفون ادتهوله برضو _كدا ماشي تعالى معايا بقا اعرفك الأنواع والاصناف انت بقيت زميل خدني معاه وطلع حاجات كتير وبدأ يقول اساميهم كلهم والنوع الي باخده اسمه بيسه تقريبآ وقال إن النوع ده لازم يبقا كل يوم جرعه ولما بتعب كدا بكون محتاج الجرعه
#شهد_محمد خدته منو شميت شويه وخليت شويه معايا عشان لما احتاج تاني ونمت وفوقت بعد مش عارف قد اي خدت اخر شويه معايا ونزلت اتصرف في فلوس تاني قعدت ب الساعات تحت البيت لحد ما كلهم راحو شغلهم وامي راحت ل خالتي طلعت خدت مفتاح عربيتي ونزلت جري ل عادل _مفتاح العربيه بتاعتي اديني الجرعه بقا قولتها انا بهرش في جسمي كله ابتسم وقال: _انا حقاني العربيه دي تساوي عشر جرع هتاخد عشر أكياس ابسط يا عم
وبالفعل خدت منو العشر أكياس وفي اقل من شهر خلصو مني وروحت اتصرف في فلوس تاني استنيت بعد ما كلهم نزلو وطلعت البيت دخلت اوضة امي خدت دهب من العلبه بتاعتها والغير متوقع ابويا شافني وقال: _انت بتسرق يبقا انت اللي سرقت العربيه اتكلمت بعياط وقولت: _ارجوك ابعد عني ضربني ب الاقلام ورن على كريم اخويا طلع كمل ضرب عليا هو كمان حبسوني في الاوضه كنت بصرخ وانا بقول: _عايز الجرعه سبوني اروح اخدها بعد زعيق وخبط كتير
افتكرت ان معايا ربع كيس طلعته حطيته على التربيزه ولما قعدت عشان اشمه كان كريم اخويا دخل وزعق وهو بيقول: _انت بتشم ومسكني دخلني الحمام حط راسي تحت المياه وكلهم عرفو اني بشم مكنش في إيدي حيله غير اني اهددهم مسكت السكينه ورفعتها على سيليا اختي وقولت: _لو مسبتونيش انزل وادتوني فلوس هقتلها امي عيطت وصرخت من المنظر وكنت شايف الحصره في عيون ابويا وكان على عيني اعمل كدا في اختي بس كريم جيه من ورا شد السكينه وضربني وكتفني
كنت همدان فا استسلمت لاكن كنت سامعهم وهما بيزعقو سوا _شفت مش لو كنت احتويته مكنش كل ده حصل زعلت انه خسر الثانويه الزفته أديك انت خسرته _مش وقته الكلام ده يا أمي احنا لازم نشوفله مصحة إدمان كويسه _صح يا كريم أنت بتتكلم صح بعد شويه قومت وانا مع ناس لابسين ينيفورم ابيض نزلت معاهم في عربيه ووصلت المصحه حاولت اهرب بس مكنش قادر اقاوم اصلآ دخلوني اوضه من الاوض ودخلت دكاتره تشوف حالتي اتكلم واحد فيهم وقال:
_انتي اللي هتبعي حالته يا دكتوره روز _تمام يا دكتور بقيت الدكاتره خرجو وفضلت البنت دي موجوده علقت ليا محاليل في إيدي و .. يتبع.. ||مصحة إدمان_الجزء الأول || 2 بقيت الدكاتره خرجو وفضلت البنت دي موجوده علقت ليا محاليل في إيدي ورفعت شعري المتبعتر تقريبآ ملامحها كانت جميله! كنت شايفها بس كأنها مبكسله كانت بيضه وعيونها سوده وواسعه شعرها اسود ولا كأنها خارجه من ديزني غيبت عن الوعي وانا مستسلم للعالم ب اللي فيه مش حاسس ب حاجه من كتر الضرب اللي اخدته
فوقت بعد مش عارف قد اي بصيت جنبي ولقيت البنت الدكتوره دي واقفه ماسكه إيدي بتقيس الضغط ابتسمت ليا وقالت: _عشر دقايق والفطار يكون جاهز بعدت إيدي عن إيدها وقولت: _انا عايز اخرج من هنا ردت بابتسامه جميله وقالت: _هتخرج بس وانت على رجلك وانت كويس وفي عقلك ومدرك ل الي بيحصل _ليه حد قالك اني مجنون _لاء قالولي انك بتشرب حاجه بتخليك مش في وعيك ضحكت بسخريه وقولت: _مكسوفه تقولي مدمن
مردتش كملت شغلها مسكت الحقنه حطتها في المحلول وقالت: _ سكة المخدرات اللي بيروح فيها مبيرجعش إلا وهو ندمان بشوف حالات كتير فيه اللي قتل امه عشان منعته واللي باع بيتهم وشرد اهله عشان يجيب ب الفلوس الزفت اللي بتشربو ده والي سرق والي خسر نفسه وشغله وأهله فا من الاحسن انك تلحق نفسك قبل الندم يا يوسف استوعبت كلامها بعدين قولت بحزن: _كنت عايز اغير العالم معرفش ازاي العالم غيرني
_بسيطه نحاول تاني قالتها وجابت الفطار وسابتني ومشيت فضلت باصص للفراغ شويه وبعد دقايق لقيتني هتجنن مش قادر عايز الجرعه بتاعتي #شهد_محمد مسكت راسي من كتر الصداع كنت بخبطها في الحيطه جت على صوت صريخي _اهدا ممكن تهدا _خرجيني من هنا مشوني من هنا والا ههرب محستش بنفسي غير وهي بتديني حقنه في دراعي خليتني اغيب عن الوعي فوقت وانا جسمي مكسر ودماغي هتفرقع من الصداع اللي فيها كانت واقفه جنبي وهي بتقول:
_عامل اي انهارده؟ عيطت وانا بقولها: _سبيني امشي ارجوكي مشوني من هنا عايز الــجــرعـــه عادل هاتولي عادل كانت هتقرب مني ب الحقنه الي بتخليني افقد الوعي شدتها منها ومسكتها وانا حاطت الحقنه على رقبتها وبقول: _خرجيني من هنا وإلا هقتلك _يوسف اهدا مينفعش كدا _محدش حاسس بيا هتجنن هيجرالي حاجه لو مخدتش جرعتي هموتت همووت قولتها وانا بضرب راسي في الحيط وفي لحظه كانت ادتني الحقنه وغيب عن الوعي عدا بظبط اسبوعين طول الاسبوعين دول افوق اصرخ وازعق عشان اخرج وتديني الحقنه افقد الوعي وارجع انام تاني
انهارده من بعد الأسبوعين حسيت بجوع بعد ما كنت برمي الاكل في وشهم حاسس اني جعان لدرجة اني قادر اكُل فيل خبطت على الباب وانا بقول: _جعان افتحو هاتولي اكل بعد خمس دقايق دخلت وهي معاها صنية الاكل وبتقول: _قول باي باي للسموم الي بتخرج من جسمك خدت منها الصنيه وقعدت اكُل وهي فضلت جنبي لحد ما خلصت قومت غسلت إيدي ورجعت قعدت بصت ليا وقالت: _إحساسك ب الجوع ده ليه معنى كبير وهو انك بدأت ترجع زاي الاول ودلوقتي فاضل حاجات بسيطه وتبقا بني ادم طبيعي
بصيت ليها مكنتش قادر اتكلم خدت بالي من مرايا في الاوضه قومت بصيت فيها ومصدقتش اللي انا شايفو ده انا .. مين ده؟ دقني كانت طويله شعري متبعتر وطول خاسس وتحت عيني اسود بصيت ليها وقولت: _ده مش انا مين ده؟ ردت بكل ثقه وقالت: _ده يوسف المدمن التاني اللي بتسأل عنه كان يوسف العادي _عايز ارجع ل يوسف العادي ارجوكي قولتها وانا ماسك إيديها بترجاها طبطبت عليا وهي بتقولي:
_مادام انت عايز ده يبقا هتوصلو بس دلوقتي فيه حاجه _اي هي؟ _واحد صحبك بره عايز يزورك اسمه عادل _لاء لاءلاء لاء ابعدي عني مش عايز ارجع اشم تاني ابتسمت وهي بتقول: #شهد_محمد _كنت بختبرك عمومآ الأسبوعين دول السموم خرجت من جسمك الحمدلله الفتره الجايه هتكون اقل من شهر علاج خفيف ونفسي _عايز اخد شاور وعايز احلق وعايز اغير هدومي _طب يلا قوم اعمل كل ده الحمام فيه كل حاجه
قومت وسيبتها دخلت خدت دش سخن نزل في وسط المياه تعبي وسموم جسمي ويوسف المدمن! وقفت حلقت وخفيت شعري بدأت المح طيف يوسف القديم خرجت ليها كانت واقفه في البلكونه ب ضحكتها الحلوه جت عندي وهي بتقول: _ده خلاص فاضل تكه ونقول حمدلله ع السلامه يا بطل _الله يسلمك _دلوقتي بقا فيه حاجه جزء من العلاج لازم يكون نفسي عشان نعرف اي وصلك ل كدا ومتوصلش ليه تاني تحب اجيب ليك دكتوره مخصصه ب طب النفس ولا تكمل معايا؟
بصيت في عيونها وقولت ب طمأنينه: _عايز اكمل معاكي _طيب يا سيدي اقعد وقولي الحكايه بدأت منين قالتها وقعدتني على الكرسي اللي قدامها بدأت احكي الي حصل من يوم نتيجة الثانويه العامه لحد ما جيت المصحه اتكلمت وقالت: _هو اولآ الصاحب ساحب فا نخلي بالنا في اختيار الصحاب تاني حاجه الثانويه العامه مش كل حاجه _ازاي بقا ده انا بقيت من غيرها مدمن _لاء مش كل حاجه ومش نهاية العالم ممكن تبقا حاجه من غيرها
_بجد؟ _اكيد بجد قولي انت اي اكتر حاجه بتحبها او ميال ليها مجال نفسك تدخلو بعيد عن التعليم يعني حاجه بتشوف نفسك فيها _انا بحب حاجات كتير يعني بس اكترهم البس بحب اشتري لبس كتير اوي _طب اي رايك لو فتحنا محل ملابس شبابي اهو شغل واهو بتعمل اكتر حاجه بتحبها _كدا بقيت بياع مبقتش حاجه برضو عشان مش معايا ثانويه عامه _لاء ماهو مش محل عادي دن براند انت ب المحل وانا ب التصميم ونفتح فرع واتنين وأربعه وعشره ويبقا براند R.Y اكبر براند في الدنيا
_اي R.Y دي _اول حرف من اسمي واسمك _تفتكري كدا هكون ناجح في نظر ابويا _اكيد طبعآ _وبحب الرياضه اي رايك جنب البراند افتح جيم _حلو اوي _وبحب الكافيهات اي رايك افتح كافيه _ويبقا ب أسم البراند بتاعتنا ويكسر الدنيا ابتسمت ليها ل اول مره احس ان الدنيا رجعت ادتني امل من اول وجديد انا بس كنت محتاج حد يمسك إيدي يوريني الطريق الصح لو بس كان حد واحد في اهلي فاهمني مكنتش وصلت لكل ده!
عدا ١٥ يوم منتظم فيهم ب العلاج عشان كان عندي إراده اخرج عشان اعمل البراند وافتح الجيم والكافيه وعشان اتجوز روز! كانت معايا لحظه ب لحظه بتعاملني بحنيه غريبه كأني ابنها! انهارده كان آخر يوم ليا في المصحه كانت واقفه جنبي وهي بتقول: _ياريت منشوفكش هنا تاني! _هيحصل _اتمنى _شكرآ على كل حاجه _شكرآ على اي ده شغلي _شكرآ انك مأكلتنيش فراشات يا روز اكلتيني طمأنينه ابتسمت ليا وقالت: _انا دايمان هنا وجنبك وزاي ما اتففنا انت اللي تغير العالم مش العالم اللي يغيرك
_هيحصل .. هنتقابل تاني؟ _اكيد ده هيكون بينا شغل _يبقا لينا مقابله نتكلم فيها عن تفاصيل كل حاجه _اتفقنا خلصنا كلام ولميت حاجاتي ومشيت وانا بطلت إدمان البيسه وبدأت ادمن حاجه جديده اسمها روز #شهد_محمد روحت البيت اهلي كانو فرحانين بيا المعامله اتغيرت شفت في عنيهم الحب اللي كنت محتاجو يوم النتيجه بيعت شقه في برج كبير كنت وارثها من جدي وبدأت ب الفلوس اعمل المشاريع والبراند اللي اتفقنا عليه
انا وهي قربنا من بعض كانت دكتوره ليا وام واخت وحبيبه وبنتي انا فعلآ حبيت روز وعرفت وفهمت معنى الحب معاها وبعد اكتر من ست شهور كنت عامل حفل افتتاح البراند بتاعي كل صحابي حضرو اهلي وأهل روز كانو فرحانين بنجاحنا خدتها فرصه وقرارت اتقدم ليها في اليوم ده وفي وسط ما الكل موجود وقفت قدام روز وانا معايا علبه فيها خاتم وبقول: _حياتي كانت انتهت واتحطمت وباظت وجيتي انتي عملتيلي حياه جديده تقبلي تكوني شريكة الحياه الجديده؟
هزت راسها بمعنى موافقه بعد ما بصت ل باباها وخدت الاذن منو لما هز رأسه بمعنى موافق وخطبت احن واحده في الكون وبعد فتره وانا واقف في المحل عندي شفت عادل كان جاي ومعاه بوكس وبيقول: _الف مبروك يا صحبي _الله يبارك فيك قولتها بحده بص ليا بزعل وهو بيقول: _يوسف محدش ضربك على إيدك عشان تشرب حاجه انت اللي طلبت عمومآ مبروك مره تانيه يا صحبي قالها وساب البوكس ومشي خدته رميته في الزباله وكملت يومي عادي وبعد ما كنت خلاص هقفل المحل وامشي لمحت البوكس
جالي فضول اعرف فيه اي خدته فتحتو ولما فتحتو لقيت! لقيت كيسين بيسه وعلبه حمرا فيها انواع برشام وسجاير ملفوفه كنت هرميهم بس ريحة البيسه جت في مناخيري اشتقت ليها! حاسس اني عايز ارجع اجرب احساسها عشان فعلآ وحشني قرارت اني هشم شويه صغيره وهرمي بقيت البوكس وبالفعل شميت شويه ورجعت ل احساسي القديم ارتحت وشيلت البوكس وقفلت ومشيت #شهد_محمد وبكل اسف انا رجعت للأدمان تاني مقدرتش ابطل ماهو اسمه إدمان عشان مش بنعرف نبطلو
قرارت اني اخبي على روز عشان لو عرفت هتسيبني وانا مش مستعد ل حاجه زاي دي انا بحبها بس بحب البيسه برضو عدت الايام وانا كل ما اعوز باخد من البوكس والحمدلله محدش عرف ولا حد بياخد باله رغم اني بهرش في كل جسمي كتير ومناخيري رجعت لحمرها بس كنت بحاول اخبي عدا فترة الخطوبه على خير وانهارده كان فرحنا وده كان إنجاز ل ابويا اول واحد اتجوز في عياله كان فرحان بيا وفخور
الفرح كان حلو بكل تفاصيلو خلص اليوم ووقفت خدت من عادل صحبي حاجه ومشيت على شقتي ب زفه كبيره بعد شويه كنا وصلنا بيتنا طلعنا سوا وفتحت باب الشقه كانت هتدخل شديتها وانا بقول: _المفروض اشيلك يا عروسه ابتسمت وشيلتها فعلآ ودخلت بيها الشقه نزلتها ومسكت راسها بوستها وانا بقول: _شكرآ اني كنت من غيرك ولا حاجه وبقيت بيكي كل حاجه شكرآ انك عملتيلي كيان وبيت واوعدك هتكوني اسعد انسانه في البيت ده انتي وعيالنا
ابتسمت ليا وقالت: _لسه فاكره اول مره شفتك فيها كنت تعبان ومش في وعيك لاكن كنت بتبصلي لسه فاكره كنت بتبصلي ازاي وقتها عرفت اني هحبك وفعلآ حبيتك شدتها في حضني وانا بقول: _روز انا مش عايز من الدنيا غيرك انتي وحضنك بجد بعد خمس دقايق بعدنا اتكلمت بخجل وقالت: _هدخل اغير الفستان _مش محتاجه مساعده قولتها وانا بغمز ليها اتكلمت بخجل وقالت: _متشكره قالتها وسابتني ودخلت تغير وانا غيرت هدومي في الاوضه التانيه سمعتها وهي بتصرخ ب اسمي
دخلت عليها كانت معاها البوكس بتاع عادل صحبي كان في دولابي ووقع على الأرض بصت ليا وهي بتقول: _انت رجعت للهباب ده تاني _روز اسمعي _رجعت صح احساسي كان صح رجعت؟ _لاء لاء انتي فاهمه غلط خدت الحاجه كانت هترميها من الشباك بس مسكتها وانا بقول: _لاء يا روز لاء _رجعت اهو وخايف عليهم ارميهم _هرجع اخف تاني بسيطه اهدي بقا _يوسف انا عايزه اطلق _مفيش طلاق _لو مفيش طلاق يبقا مفيش بودره
قالتها ومسكت كيس البودره فتحتو كانت بترميه في الأرض زعقت فيها وانا بلمو من على الأرض معرفتش المو فا كنت بشمو وهو على الأرض عيطت وهي بتقول: _فكرتك اتغيرت يا غشاش يا مدمن يا شمام طلقني _روز افهمي _طلقني _روز دماغي مش فيا ننام دلوقتي وبكرا يعدلها ربنا _طلقني بقولك يا شمام طلقني _روز _ابوك كان عنده حق انت ولا حاجه مجرد راجل شمام او شيل راجل كمان بواقي راجل شمام
محستش بنفسي غير وانا بضربها بالقلم وبقول: _طلاق مش هطلق ولو عايزه تعرفي انا راجل ولا لاء عيني قولتها وانا بقطع فستانها وفي لحظه رجعت ل وعيي في وسط صراخها وعياطها زقيتها على السرير وانا بقول: _مش انا اللي اخد حاجه من بنت غصب عنها حتى لو البنت دي مراتي ودي يا ست روز اكبر دليل على أن الراجل راجل قولتها وخدت البوكس وخرجت الصاله فتحتو وبدأت اشم وجبت كاس حطيت فيه المشروب اللي جبته من عادل وفتحت العلبه الحمرا خدت منها برشام و..
يتبع.. التالت وقبل الاخير فوقت تاني يوم لقيتني نايم بهدومي والكاس في إيدي وكل الحاجات اللي كانت في البوكس واقعه في الأرض قومت غسلت وشي الصداع كان هيفرتك دماغي وكنت سامع صوتها وهي بتعيط استحقرت نفسي اني سبب دموع عينها بس ما ب اليد حيله! دخلت ليها كانت قاعده على السرير ب فستان الفرح المتقطع الميكب بتاعها باظ من العياط قعدت جنبها بندم وانا بقول: _حقك عليا انا اسف فضلت ساكته شويه بعدين قالت:
_لو كلمة انا اسف بترجع اللي فات كانت كلمة البقاء ل الله رجعت الي مات اتعصبت وانا بقول: _روز انتي عايزه اي مش ناقصه وجع دماغ _عايزه اطلق _طلاق مش هطلق _هخلعك _وريني احب اشوف _هوريك سيبتها وخرجت قعدت بره وطلعت شويه من البودره كنت بشمهم خرجت شافتني فضلت واقفه مكانها وانا مكمل اتكلمت بعياط وقالت: _انت عايز تخرب حياتك تمام اخربها انا ذنبي اي .. ذنب حياتي انها تتخرب ليه وابقا مرات مدمن ذنبي اي
قومت وانا دايخ ومسكت إيديها وقولت: _ذنبك اني بحبك _ابو الحب اللي جمعني بيك وابو الحب اللي جوزني ليك ارجوك طلقني وسيبني اعيش حياتي بعيد عنك وعن العك بتاعك _مش هقدر يا روز مش هقدر _ماهو يا انا يا الهباب اللي بتشربه فضلت ساكت شويه بعدين قولت: #شهد_محمد _انتي مسحت دموعها بفرح وقالت: _بجد يا يوسف بجد _امم بجد سابتني وراحت مسكت كل الحاجات اللي في البوكس رميتهم في الزباله كانت منتظره تشوف ردة فعلي لاكن متحركتش من مكاني رجعت وقفت جنبي وقالت:
_نبدأ من جديد في رحلة علاج ابتسمت ليها وهزيت راسي بمعنى موافق بعدين قولت: _بس بشرط مدخلش المصحه اتعالج وانا بره _اتفقنا بس انا كمان عندي شرط _اي هو؟ _نكون اتنين أصدقاء طول فترة العلاج _موافق عدا على اليوم ده شهر وباخد علاجي قدامها ومن وراها بشرب وبشم عادي لاكن هي متعرفش حياتي أنا وهي اتعدلت شويه ومع الوقت هقنعها اني بطلت خالص ونعيش حياتنا طبيعي كنا قاعدين بنتغدا اتكلمت هي وقالت:
_اخبار المحل اي _كله تمام _مشغول انهارده ؟ _لاء ليه _اي رايك نقعد نتفرج على فيلم سوا _او اي رايك نروح سينما من وقت ما اتجوزنا مخرجناش _طب يلا دلوقتي قالتها وسابت طبقها وجريت تلبس ضحكت على طفولتها اوقات بحس اني مستحقهاش! لبست وكنت انا كمان لبست وخدتها وروحنا السينما جبنا فشار وعصير وقعدنا نتفرج على الفيلم وكان معاد الجرعه بتاعتي قرب سيبتها وقولت اني داخل الحمام ودخلت خدت جرعتي وغسلت وشي وخرجت كملنا الفيلم سوا واليوم خلص على خير
رجعنا بيتنا وبحكم اننا عايشين أصدقاء هي كانت قاعده في اوضه وانا في اوضه ولما دخلنا البيت كل واحد كان هيدخل اوضته بس وقفتها وانا بقول: _روز _عايز حاجه؟ _ممكن تحكيلي حدوته عشان عايز انام ابتسمت ليا وقالت: _ممكن جدا دخلت معايا اوضتي انا نمت وهي كانت قاعده على الكرسي قدامي بتحكيلي حدوته #شهد_محمد
_مره واحد اتجوز واحده مدمنه بس مكانتش مدمنة مخدرات كانت مدمنة سندوتشات كبده من على العربيات كان كل أكلها من هناك وفي مره جالها تسمم بسببها لاكن برضو ما بطلتش تاكلها لحد ما ظهر شاب في حياتها حاول تخليها تبطل إدمان الكبده ولاكن معرفش لأنه بقا مدمن معاها واتجوزو وبقا كل يوم بعد ما يخلص شغل يروح ياخدها وينزلو ياكلو كبده ويشربو بيبسي ويتمشو في الشوارع ويطلعو يكملو يومهم في بيتهم
_امم جميله _فهمت اي الدرس المستفاد _اه انك لو حاولتي تخليني ابطل إدمان انا هخليكي تدمني معايا ونشم مع بعض متحاوليش بقا قامت وقفت وهي متعصبه وبتقول: _لاء الدرس المستفاد انك تدمن اي نيله غير المخدرات ادمن بيبسي ادمن نسكافيه ادمن إندومي بيتزا شكولاته اي نيله غير القرف اللي بتشربو لأن وقتها هيكون ليك شريك في الإدمان لأنها حاجه مش مضره ولا حرام ولا مثلآ إدمان الكبده هيوديك للمصحه قالتها وسابتني ومشيت ضحكت على ساذجتها وعلى الدرس المستفاد بتاعها ونمت وصحيت تاني يوم شفتها قاعده في الصاله
كنت هخرج ولاكن جتلي فكره وقفت جنب الباب بتاع اوضتي وشغلت رنت موبايلي كأن الفون بيرن ورديت وانا بتكلم وبقول: _عايز اي يا عادل .. لاء انا خلاص بطلت سيبني اعيش حياتي بقا مش عايز ادمر حياتي وبيتي ومراتي ونصيحه مني انت كمان بطل كانت سامعني خرجت وانا مبتسم ان خططي نجحت دخلت الحمام غسلت وشي وخرجت ليها كانت واقفه وهي مبتسمه اترمت في حضني وهي بتقول: _انا مبسوطه بيك و حبك ليا
قالتها وباستني في خدي وبعدت مسكت إيديها وانا بقول: _اي اللي عملتيه ده؟ _ده سكر عشان انت بقيت شطور وقربت تخف _طب ممكن سكر كمان؟ _لما تخف خالص هديك اتنين قالتها وسابتني ومشيت وهي مكسوفه فرحت اني عرفت اخليها تصدقني وجرت الامور كما خطت لها عدا اسبوع واحنا حالتنا كويسه وانهارده كنت مع صحابي رنت عليا وهي بتزعق وبتقولي اجيلها سيبتهم وروحت ليها كانت قاعده مستنياني _في أي؟ _بعت المحل ليه
فضلت ساكت شويه مش عارف اكدب اقول اي اقولها اني بعته عشان اجيب ب فلوسه بودره! _رد عليا بعت المحل ليه؟ _عشان هجيب واحد غيرو بس في مول _ومقولتليش ليه؟ _كنت هفجأك _يوسف انت رجعت تشم صح _روز ثقي فيا شويه _بحاول بس يعني اي اعرف صدفه ان جوزي باع المحل _كانت هتكون مفجأءه قولتلك _طيب يا يوسف هحاول اصدقك _لازن تصدقي عشان هي الحقيقة _طيب قالتها وسابتني ودخلت اوضتها نامت وانا دخلت نمت وصحيت على صوتها وهي بتقولي:
_يوسف ممكن انام عندك في الاضه عشان حلمت حلم وحش وخايفه قومت ليها وانا مبتسم وقولت: _اكيد طبعآ تعالي قولتها وانا بشاور على السرير اتكلمت وقالت: _هنام على الكنبه دي المهم اني مش لوحدي _طيب قالتها وراحت نامت على الكنبه اللي في اوضتي اتكلمت انا وقولت: _حلمتي ب اي يا روز _حلمت اني كنت بقع في مكان ضلمه وكل ما أقع يظهر ليا زاي تعبان كبير يبصلي ويضحك _أمم طب ماتيجي في حضني عشان التعبان ميجيش وانتي نايمه
_لاء متشكره قالتها ونامت وصحيت انا عشان كان معاد جرعتي خدت الكيس وخرجت بره في الصاله قعدت شميته واتفجأت بيها وهي بتقول: #شهد_محمد _مفيش فايده انا اللي كنت عبيطه ومغفله اني صدقتك _مش هعرف ابطلها يا روز صدقيني _تمام انا اصلآ فقدت الأمل فيك اعمل اللي انت عايزو موت ودمر حياتك وبيع الي قدامك والي وراك عشان تشتري الهباب ده وانا عملت اللي عليا معاك وخلاص هشيل إيدي من موضوعك
عدا على اليوم ده اسبوعين وكنا بنتعامل برسميه مع بعض وبما إنها عرفت فا كنت بشم قدامها عادي وانهارده صحيت على صوت خبط باب اوضتي قومت فتحت كانت هي اتكلمت بدموع في عيونها وقالت: _ممكن انام عندك _حلمتي حلم وحش؟ _أممم _ادخلي قولتها وانا بفتح ليها الباب دخلت نامت على الكنبه كانت بتحاول تتجاهلني اتكلمت انا وقولت: _حلمتي ب اي يا روز _مالكش دعوه _طيب شويه واتكلمت تاني وقولت: _احكيلي حدوته عشان اعرف انام
_يوسف مش عايزه محن _بس انا بحب المحن ياريت تردي عليا بطريقه امحن _لاء ماليش فيه الجو ده _طيب هدور على واحده يكون ليها في الجو ده _عادي ما انت بتشم مش ناقص غير الحريم وكدا تبقا عملت كل حاجه حرام في الدنيا _مش هعمل كدا عشان انا عندي واحده بكل الحريم اللي في الدنيا احكيلي حدوته بقا #شهد_محمد _لاء _عشان خاطري _مين قالك ان ليك خاطر عندي _قلبك _قلبي ده هشيلو من مكانو واحطه تحت رجلي بص الصبر
_امم طيب فضلت ساكت شويه بعدين قولت: _روز _امم _احكيلي حدوته _اوف طيب .. مره واحده اتجوزت واحد مدمن _وبعدين _كانت بتتعذب كل ما بتشوفه بيشم قدامها وحاولت معاه كتير يبطل بس مفيش فايده منو _وهي اتجوزته ليه من الاول _عشان كانت غبيه وفكرته خف قامت وقفت وراحت عند دولابي طلعت منو شنطه سوده فيه أكياس بودره رميتهم على الأرض وقالت: _فكرتك بطلت يا يوسف قومت لميتهم كلهم وانا بقولها:
_روز تأقلمي بقا على الوضع ده _فوق انت بقا فوق قبل فوات الأوان مبسوط وانت شوية تراب هما اللي بيتحكمو فيك _مبسوط اه _يوسف انت بتموت ب البطيئ _معاد الجرعه بتاعتي هاخدها واجي نكمل كلام زعقت وهي بتقول: _انا تعبت وهوصل الموضوع ل اهلك ويا تروح مصحه يا هبلغ عنك انت والي بتشتري منو سيبتها ودخلت المطبخ هجرب طريقه جديده عصرت لمونه على معلقه وحطيت المعلقه على النار وعليها شوية بودره وبعدين سحبتهم ب الحقنه
#شهد_محمد وربطت جلده في دراعي وخدتها مناخيري كانت تعباني وملتهبه فا مكنش هينفع اشمها عادل اللي قالي على الطريقه دي خرجت من المطبخ لقيتها رمت كل الأكياس في الزباله وحطت عليهم مياه عشان معرفش استفاد بيهم اتخانقت معاها فوقت من الخناقه لقيتني واقع في الأرض وهي جنبي غرقانه في دمها ومن غير هدوم _اغتصبتها! يتبع..||الجزء الرابع والاخير|| جريت بيها على المستشفى وأهلي كانو معايا وبعد شويه خرج الدكتور وهو بيقول:
_اتعرضت ل حالة إغتصاب عنيفه عدت مرحلة الخطر ونص ساعه وتفوق قالها وسابنا ومشي بابا بص ليا وهو بيقول: _اغتصبت مراتك؟ _كنت فاقد للوعي بعدين ده حقي الشرعي اصلآ _انت هتضحك على نفسك ولا اي نسيت هي عملت معاك اي نسيت وقفتها معاك دي كلمة شكرا _بابا انت مش فاهم حاجه _لاء فاهم انك رجعت للهباب بتاعك وهي كانت الضحيه بعد ما فكرتي عنك اتغيرت رجعت للأسوء يوسف انا ندمان انك ابني
بصيت ليه بزعل وانا بقول: _هو كان ب إيدي يعني كان ب إيدي اني اجي الدنيا دي ولا ب إيدي اختار اهلي _لاء بس ب إيدك تحافظ على مراتك وبيتك ب إيدك تشيل الست اللي فضلت معاك لحد ما وقفت على رجلك فوق راسك وجوه عينك والبنت دي امانه عندنا والي هتقول عليه هو اللي هيمشي _يعني اي _يعني لو عايزه تطلق هطقلها منك وانا اللي هقفلك #شهد_محمد قالها وسابني ومشي فضلت انا قاعد مستنيها تفوق وبعد شويه فاقت بصت حواليها لقيتني جنبها اتكلمت وقالت:
_انت اسوء اختيار خدته في حياتي _حمدلله على سلامتك الاول _طلقني _نبقا نشوف الموضوع ده بعدين يلا نرجع بيتنا دلوقتي _مش هرجع مع واحد متوحش زايك _روز نرجع والي انتي عايزاه هعمله كانت تعبانه وباين عليها التعب فا مقدرتش تجادل معايا خدتها وروحت البيت سيبتها دخلت نامت ووقفت جبت وصفة اكل من اليوتيوب عملته وسيبته ليها لما تصحى عشان تاكل حاولت اروق الشقه على قد ما اقدر جيه معاد الجرعه بتاعتي خوفت مبقاش في وعيي تاني واعمل حاجه تانيه فا نزلت روحت عند عادل خدتها عنده ب الطريقه الجديده اللي قالي عليها
وخدتها ونمت وصحيت بعد مش عارف قد اي نزلت على طول عشان كنت قلقان عليها روحت البيت كانت قاعده في الصاله بتتفرج على التيلفزيون قعدت جنبها في هدوء وطلعت من جيبي علبة السجاير والولاعه وولعت سيجاره وبصيت ليها وقولت: _انا اسف على اللي حصل مني بس مكنتش في وعيي صدقيني سمعت ومردتش رجعت اتكلمت تاني وقولت: _بس تعرفي انا مش ندمان على اللي عملته بصت ليا بنظره معرفتش افهمها كملت وقولت:
_اه مش ندمان انتي دلوقتي بقيتي مراتي رسمي اتكلمت هي بساذجه وقالت: _طيب خدت كل حاجه بس مش هتعرف تاخد قلبي يا يوسف عشان بقيت بكرهك بجد بكرهك قالتها وقامت مشيت ونمت انا مكاني من التعب عدت الايام بينا واحنا بنتجنب بعض وهي بطلت تطلب الطلاق تأقلمت تقريبآ كنت قاعد قدام الشاشه باخد جرعتي وهي كانت جايه من الشغل متعصبه وهي بتقول: _انت بيعت عربيتك؟ _اه _ليه _عشان دول قولتها وانا بشاور على الأكياس اللي قدامي
_يوسف انا تعبت وزهقت ومش عارفه اخرتها معاك اي قالتها وهي بتاخد الأكياس من قدامي قومت اخدهم منها وغصب عني وقعتها ووقع فوقها فازه كبيره عندنا في البيت #شهد_محمد صرخت وغابت عن الوعي ونزفت .. نزفت كتير شيلتها وجريت بيها على أقرب مستشفى كنت خايف عليها مرعوب انا عارف ان انا اللي وصلتها ل الي هي فيه دلوقتي بس مش هسامح نفسي لو حصلها حاجه بعد اكتر من ساعه ونص خرج الدكتور وهو بيقول:
_المدام بخير بس للأسف اجهضت الجنين اتكلمت بصدمه وانا بقول: _هي كانت حامل؟ _اه في أسبوع ربنا يعوض عليكم قالها وسابني ومشي كلامو كأنه كان صاعقه كهربائيه بنسبالي خوفت من ردة فعلها لما تفوق اكيد مش هتسامحني واكيد مش هترجع معايا البيت فا خدتها وهي لسه غايبه عن الوعي وروحت بيها بيتنا وفضلت قاعد ب الساعات مستنيها تفوق كنت قاعد في الصاله باصص للسقف وانا ساند راسي على الكرسي لمحت طيفها كانت خارجه من الاوضه وهي حطه إيديها على بطنها ومبتسمه وبتقول:
_الحمدلله انك قتلت ابنك بنفسك الحمدلله عشان مكنتش هقدر اروح اعمل عملية إجهاض دي اكتر حاجه حلوه عملتها من يوم ما عرفتك قومت وقفت بصدمه وانا بقولها: _هو انتي كنتي عارفه؟ _اه ما انا دكتوره طبيعي افهم الأعراض ويومها عيطت عياط الدنيا والاخره رغم ان طول عمري نفسي اكون ام بس يومها زعلت زعل قهر قلبي _للدرجه دي بتكرهيني ومش عايزه تخلفي مني؟
_وأخلف منك ليه عشان ابني يجي يلاقي ابوه شمام عشان اصحابو يقولولو يا ابن المدمن ولا عشان تاخد جرعه زياده تفقدك الوعي فا تقوم تعمل في الواد حاجه ابني مالوش ذنب يجي يلاقيك ابوه يا يوسف بس الحمدلله انت اللي ضيعته ب إيدك شيلت من عليا حمل كبير اوي عيطت وانا بقول: _روز ده ابني انا السبب في انتهاء حياة ابني اللي لسه مبداتش اصلآ
_ما اه اصل المدمنين مينفعش يكونو ابهات يا يوسف وانت اختارت الإدمان فا متطلبش تكون اب ولا تكون بني ادم عدل اصلآ ولا تتحب ولا تشوف تقدير واحترام من اي حد وانا مش هستنى لما تقتلني زاي ما قتلت ابنك انا همشي طلقتني مطلقتنيش في الحالتين همشي قالتها وسابتني ودخلت اوضتها خدت شنطة هدومها وخرجت وهي بتقول: _متدورش عليا عشان مش هكون عند اهلي ولا عند حد تعرفه ولو عايز تمنعني اتفضل
قالتها ورمت ليا سكينه على الأرض وكملت وقالت: _اقتلني يلا زاي ما قتلت ابنك في بطني يلا _روز اديني فرصه تانيه _لاء اشبع ب دول خلي دول ينفعوك قالتها وهي بتشاور على أكياس البيسه وفتحت باب الشقه وخرجت كنت عايز اروح وراها بس مكنش قادر كان معاد جرعتي جيه ولازم اخدها خدتها ونمت على الأرض وانا مش حاسس ب حاجه فوقت تاني يوم افتكرت كل اللي حصل منزلتش من البيت فضلت قاعد في البيت لأيام مش بعمل حاجه غير اني باخد الجرعه بتاعتي وانام
#شهد_محمد ولما خلصت مني مكنش قدامي حاجه غير اني ابيع الشقه بس كنت تعبان لدرجة اني مش قادر انزل بوست أعرضها للبيع حتى جسمي كان بيوجعني بطريقه صعبه لدرجة اني كنت بهرش وجسمي يطلع دم مكان الهرش غسلت وشي ونزلت بيعت سلسله دهب بتاعت روز كانت سايبها وروحت ل عادل اشتري منو بس الغير متوقع اني عرفت ان عادل اتقبض عليه بتهمة التجاره في المخدرات رجعت تاني وانا هتجنن مش عارف هجيبها من مين بعد كدا ووانا راجع شوفت علي صحبي واقف تحت العماره عندي ب عربيته ومعاه عربية نقل كبيره فيها عفش
وقفنا سلمنا على بعض كان بقالنا كتير مشفناش بعض _انت ساكن هنا يا يوسف ولا اي _اه الدور التالت _هنبقا جيران يعني انا عزلت وخدت الشقه الفاضيه اللي جنبك قالها ونزل طفل من العربيه وبيجري عليه وهو بيقولو: _بابي بابي مامي نسيت تجيب المرجيحة ضحك وشالو وهو بيقول: _هجبلك غيرها بس يلا سلم على عمو بصيت ليه وانا بقول: _ده ابنك انت خلفت؟ _اه ياسيدي مالك ومليكه جايه في الطريق
ابتسمت ليه وانا بقولو: _الف مبروك يا صحبي لو احتاجت حاجه مش محتاج اقولك أني موجود _ده كدا كدا سيبته وطلعت وانا صعبان عليا نفسي وقفت قدام المرايا كانت دقني طويله وتحت عيني اسود متبهدل ولا كأني متشرد مثلآ! اتكلت بدموع وانا بقول: _اي يا يوسف بقا هو ده حالك انت اللي مكنتش بترضى تشرب السيجاره بقت دي اخرتها خسرت بيتك ومراتك وحتى ابنك! مكنتش قارد أقف اكتر من كدا مددت على الأرض ونمت وصحيت تاني يوم الصبح على صوت رن الجرز قومت فتحت وكان علي صحبي
_اي صحيتك ولا اي _لاء أبدآ انا كنت صاحي اصلآ _طيب اي رايك تيجي معايا هروح اودي مالك الحضانه الجديده بتاعته وبالمره نتكلم شويه _طيب اديني خمس دقايق اغير هدومي وجاي قولتها ودخلت غيرت هدومي وانا مش قادر ومصدع وحاسس ان هيجرالي حاجه لو مخدتش الجرعه بتاعتي بس حاولت استحمل ولبست وخرجت كان علي واقف ماسك إبنه في إيده وإيده التانيه ماسك شنطة المدرسه نزلت معاه ركبنا العربيه ووصلنا للحضانه نزل ابنه بعد ما خد منو المصروف وباسو ورجعت انا وهو سوا
_اي بقا يا عم يوسف اي حالتك دي _اي مالها حالتي _انت ضيعت نفسك على الآخر يا يوسف بعدين فين مراتك فضلت ساكت شويه مش عارف ارد اقول اي اقولو اني معرفش مراتي فين! _سيبك مني انت اتجوزت امتى وخلفت امتى وابنك دخل الحضانه امتى _عدا اربع سنين يا يوسف طبيعي كل ده يحصل اللي مستغرب ليه ازاي انت لسه في مكانك عارف انا شايف اي _اي _شايفك يوسف بتاع يوم نتيجة الثانويه العامه لسه واقف مكانك متحركتش
مسكت راسي من الصداع وانا بقول: _علي ممكن تروحني على بيتي القديم _انت كويس فيك حاجه _معلش اسمع مني بس _طيب وصلني لبيتي القديم واقنتعه اني كويس وسيبته وطلعت خبطت على الباب فتحلي ابويا كنت واقف مش ساند طولي بصلي وهو بيقول: _خير جاي تسرق امك ولا تقتل اختك اترميت على الأرض وانا بقول: _عشان خاطري وديني اتعالج عشان خاطري وديني المصحه _وترجع تشم تاني ونعيده من تاني صح _والله لاء بس ارجوك امسك إيدي طلعني من الدايره السوده اللي انا فيها دي
دخل جاب مفتاح العربيه ونزلت انا وهو عشان اروح المصحه ولأول مره اكون رايح ب رجلي وانا كلي عشم في ربنا اني اتعالج وارجع انسان طبيعي #شهد_محمد وبالفعل روحت المصحه وابويا دفع المصاريف وقبل ما يمشي قال: _دي فرصتك الاخيره يا يوسف انت حر قالها ومشي وبدأت رحلة علاجي اوقات بكون هادي ومسيطر على نفسي واوقات بكسر الدنيا من كتر الصداع ووجع جسمي وجيه في مره كنت عايز انتحر عشان يسبوني امشي
ومره تانيه حاولت اقتل الدكتوره عشان اهرب ولاكن بعد ست شهور تمت رحلة علاجي على خير كان آخر يوم ليا في المصحه كانت هتبقا اول مره ابص لنفسي في المرايا بعد ست شهور اتنهدت وخدت نفسي ووقفت قدام المرايا وابتسمت لما لقيت يوسف يوسف رجع! رجعت ل وزني الطبيعي تاني السواد اللي تحت عيني راح كنت شيك حالق دقني ومخفف شعري ولابس طقم كلاسيك وحاطت برفيوم يوسف فعلآ رجع خليتهم في المستشفى يكلمو ابويا هو اللي يجي يستلمني وأخرج معاه وبالفعل جيه والابتسامه نورت وشه لما شافني
_يا كرم الله الحمدلله الف حمد وشكر ليك يارب قالها وهو بيحضني وبيقول: _اوعا ترجع تاني للهباب ده يا يوسف _ده لعنه وخراب مستحيل ارجع والله _جدع يا ابني ربنا يهديك مشيت معاه قضيت اليوم مع امي واخواتي بس كانت في حاجه ناقصني .. روز! مشيت من عندهم ورجعت ل بيتي اللي سيبته من ست شهور كان متبهدل كاسات على الأرض واكياس البيسه وسجاير ملفوفه بصيت للمنظر ده وانا قرفان
غيرت هدومي وروقت الشقه مسحتها وكنست وشغلت قرآن وولعت عود بخور وعدلت صورة فرحي انا وروز اللي التراب غطاها مكنش فاضل غير حاجه وهي انها ترجع ليا تاني عدا شهرين في الشهرين دول نزلت وقفت مع ابويا في شركته وبدأت اعمل مشروعي الخاص ومبطلتش تدورير على روز حتى اهلها روحت وصارحتهم على كل حاجه وانهارده بعد الشغل كنت معزوم عند اهلي خلصت شغل وروحت انا وابويا كنا قاعدين كلنا على السفره وامي واختي بيحضرو الاكل
كنت قاعد ماسك الموبيل ورفعت عيني من عليه لما سمعت كريم اخويا بيقول: _احلى مكرونه بشاميل في الدنيا من احلى مرات اخ رفعت عيني اشوف بيكلم مين وكانت روز قومت بفرحه حضنتها وشيلتها لفيت بيها وانا بقول: _وحشتيني وحشتيني اوي يا روز _وانت كمان _انا خفيت ورجعت كويس اهو سامحيني بقا وتعالي نبداء من جديد _ولو رجعت تاني _توبه والله العظيم توبه حتى اسألي بابا السيجاره مبقتش اشربها وقربت من ربنا وبشتغل مع بابا وبعمل شغل لنفسي
اتكلم بابا وقال: _فعلآ المرادي غير كل المرات يا بنتي حضنتني وهي بتقول: _مبروك عليك الفرصه التانيه فرحنا كلنا وقعدنا اتغدينا وعرفت منهم ان طول الفتره دي كانت قاعده معاهم هما وكانت بتعرف اخباري ومتابعه حالتي من زمايلها وخلصت يومي عند اهلي وخدت مراتي الحلوه ورجعنا بيتنا كانت واقفه في اوضتنا بتحط هدومها في الدولاب وخرجت وانا بتكلم في التليفون سمعتني وانا بقول: _يعني اي مش هتقدر تيجي يا عادل بقولك عايز اتنين ضروري مش هينفع لازم دلوقتي مش هقدر اعدي اليوم من غيرهم
اتكلمت وقالت بصدمه: _تاني يا يوسف بصيت ليها بخوف وانا بقول: _اهدي متفهميش غلط فتحت السبيكر وانا بقول: _مش هينفع تيجي توصل الاوردر ليه يا عادل _يا يوسف باشا احنا بنقفل الدليفري من بعد الساعه واحده تعالى نورنا في المحل #شهد_محمد _طيب جاي بس اجي الاقي الكبده سخنه وإلا مش هدفع ضحكت روز وهي بتقول: _قولو يحط طحينه _وطحينه يا عادل حط طحينه _ومخلل وبيبسي _ومخلل وبيبسي يا عادل _اوامرك ياباشا
قفلت معاه وانا بقولها: _تيجي ننزل نجيبهم ونتمشى في الشوارع؟ _اجي جدآ دخلت انا وهي لبسنا ترنجات هي ترنج بينك وانا ترنج ابيض ونزلنا جبنا الكبده ووقفنا على عربيه مركونه وكنا بناكل سوا اتكلمت وقولت: _اي رايك في الإدمان الجديد _قمر القمرات _اي رايك في وقت الحمل تتوحمي على كبده _مش شرط كبده دي حاجه مش ب اختياري بس حمل اي اصلآ ووحم اي _خلصي ولما نروح البيت هقولك قولتها وانا بغمز ليها اتكسفت مني وهي بتقول:
_انا مبسوطه اوي يا يوسف اسعد انسانه في الدنيا _حقك عليا على كل حاجه وحشه شفتيها مني وعملتها وشكرا انك استنتيني قولتها وانا ببوس راسها وفي الخلفيه كان فيه اغنيه بتقول: ||.. لو تطلب نجمه هجبهالك من حضن اليل هعملك كل اللي في بالك وده رد جميل للحب اللي انت ادتهولي وقوفك جني وانا بطولي هيشيلك شيل..|| تمت.. #