في السابعه صباح بتوقيت القريه كنت واقفه قدام البوتجاز او الشعله زاي ما بيقولو عليها هنا بحضر الفطار بصيت من الشباك لفت نظري ورده حمرا جميله مفتحه في وسط كل الورود خرجت جبتها ورجعت تاني اكمل تجهيز الفطار حضرت ليهم الفطار وبعدين الشاي وبعدها طلعت ل اوضتي كنت رايحه جايه جنب الشباك عايزه اشوفه المفروض إن ده الوقت اللي بيظهر فيه كل يوم مظهرش ليه بقا؟ ثواني وكان ظهر ب اطلالته الي دوبتني في حبه ..
الحكايه بدأت لما بابا توفى ومبقاش ليا اي حد في الدنيا بالمعنى الحرفي وقتها صاحبة ماما خافت عليا اعيش لوحدي وجوزتني ابنها .. ابنها اللي هو كراش الطفوله هو اه مبيحبنيش ومتجوزني غصب عنه لاكن انا متأكده اني هعرف اخليه يحبني قطع سرحاني فيه صوت مامته وهي بتنادي عليا _حاضر يا حماتي جايه نزلت ليها ساعدتها في شغل البيت وطلعت تاني اوضتي ابص عليه من الشباك لاكن مكنش موجود دقايق والباب خبط
_مين؟ _انا يا روز افتحي فتحت الباب كانت حربوقه بنت خالو قصدي حبيبه بنت خالو _خير يا حبيبه في حاجه؟ _ااه ياسين عايزك في حديقة البيت الخلفيه _عايزني انا؟ _ايوا _هو اللي قالك كدا يعني؟ _ايوا _طيب روحي انتي وانا هنزلو _اوكي قفلت الباب ودخلت ابص لنفسي في المرايا حطيت روج عدلت الجلابيه القطيفه بتاعتي وخبيت خصل شعري اللي كانت باينه في الطرحه ونزلت
روحت للحديقة الخلفيه بس مكنش موجود ! دقايق وظهر كريم صحبو _ازيك يا مرات اخويا _اهلآ يا كريم هو فين ياسين؟ _كان هنا ولسه ماشي _اه تمام عن اذنك _استني بس كنت عايز أسألك على حاجه _اي هي؟ طلع علبه فيها خاتم من جيبو وقال: _انا جبت ده للبنت اللي بحبها تفتكري هيعجبها؟ _ده تحفه ده يهبل يا كريم
_هتقدملها للجواز _الف الف مبروك _الله يبارك فيكي متشكر انك قولتي رايك لأني حقيقي كنت محتار _مفيش شكر ولا حاجه احنا اخوات وربنا يتمم ليك بخير _يارب يا مرات اخويا يارب ابتسمت ليه وسبته وطلعت اوضتي كنت مستغربه كان عايزني في أي واحنا مفيش اي كلام بيجمعنا اصلآ ميكونش كان عايزني عشان ياخد رأيي في خاتم كريم؟ حاولت اشيل الفكره من دماغي وفضلت اقراء في كتاب قديم لحد ما نمت قطع نومي صوتو
معقوله اكون بحلم؟ فتحت عيني لقيته في اوضتي دي اول مره من ساعات ما اتجوزنا يدخل اوضتي!! _تسمحي تقوليلي اي ده؟ قالها واداني ظرف فتحته وانا متوتره ولقيت .. لقيت صور ليا انا وكريم صحبو واحنا في الجنينه الخلفيه لما كان بيوريني الخاتم بصيت ليه وانا خايفه رغم اني معملتش حاجه وقولت: _هو انت شاكك فيا؟ _انا بسألك سؤال دلوقتي اي ده؟
_ده انا وكريم _حلو وضحي بقا معنى الصور _انت بتقول اي انت عارف معنى كلامك ده اي _اي!! _معناه انك شاكك فيا انا وصحبك فوق يا ياسين فوق _انتي طالق .. قطع حبل ذكرياتي صوت السواق: _يا انسه .. يا انسه وصلنا _اا احم طيب احنا كدا فين؟ _انتي عايزه تروحي فين؟ _اي مكان فيه فنادق _هتلاقي قدام في الشوارع الجايه
_تمام متشكره اوي نزلت من التاكسي دورت على فندق وبعد ساعه من التوهان في الشوارع اخيرآ وصلت ل فندق حجزت فيه كام يوم وطلعت بعد ٢٤ ساعه سفر وساعتين ونص طريق اخيرآ بقيت لوحدي بعد ما أطلقت من اكتر انسان حبيته ب تهمه بشعه في حقي اخيرآ هعرف اعيط بعد ما اطردت من بيته ومن البلد كلها اخيرآ هاخدني اطبطب عليا وأبدا من جديد .. دخلت خدت شاور سخن مختلط ب دموعي المفروض كان يصدقني كان يثق فيا لاكن هو ما صدق مسك عليا غلطه عشان يسبني ..
انا اللي غلطانه من الاول كنت حمل تقيل عليه .. خرجت من الحمام اترميت في حضن السرير عدا يوم والتاني والتالت وانا مبخرجش من الاوضه مش باكل مش بتكلم مع حد بعيط بعدين اخد راحه من العياط وانام وارجع اعيط تاني فلوسي كانت قربت تخلص ومكنش هيبقا معايا فلوس للفندق تاني قومت خدت شاور قصيت شعري حطيت ميكب وعملت فنجان قهوه ومن اول بوق من فنجان قهوتي قرارت اني هبدا من جديد هبدأ كأني مفشلتش أبدآ
نزلت ادور على شغل لاكن مالقتش رجعت للفندق تاني طلبت الجرايد ودروت على اي عمل في الجرايد برضو مالقتش فتحت موبايلي عملت سيرش عن اي عمل ولقيت .. لقيت شغل كويس بسعر ممتاز وكمان ينفع ابات في شغلي كان الشغل عباره اني اهتم بشخص معاق! مهتمش لموضوع هعرف او لاء قد ما اهتميت اني محتاجه الشغل ده فعلآ رنيت على الرقم الموجود وطلبو مني اجي يعملو معايا انترفيو الاول الوقت كان لسه بدري فا مكنش فيه مشاكل اني اروح دلوقتي
حاسبت على الفندق وخدت حاجاتي وروحت للمكان اللي هيكون فيه الشغل كان بيت فخم كل حاجه فيه كلاسيك شيك يظهر ان صاحب البيت ده غاوي انتيكات قعدت في الصالون لحد ما جيه كذا شخص سألوني على كذا حاجه فضلنا كدا شويه لحد ما جيه صاحب الأمر اللي هيوافق بيا او هيرفض دخل ب كرسي بعجل مكنتش شايفه ملامحو اوي لحد ما وصل ل عندي وقال:
_سبوني معاها قالها وكلهم خرجو مبقاش غيري انا وهو كنت متوتره قلقانه من نظراته قطع خوفي صوتو وهو بيقول: _بتعرفي تقرأي؟ _ايوا _بتعرفي تحكي حواديت؟ _ايوا _بتعرفي تلعبي شطرنج ؟ _لاء _ليه؟ _يمكن عشان مجربتش _طيب انتي عارفه انتي هتشتغلي هنا اي؟ _ههتم ب حضرتك _لاء حضرتي مش محتاج اهتمام من حد حضرتي مش عاجز حضرتي مش طفل صغير
_انا اسفه والله اكيد التعبير خاني _انتي اسمك اي؟ _روز _طيب انتي هتشتغلي شهرزاد يا روز بصيت ليه في ذهول وانا مش فاهمه يقصد اي مشي ب الكرسي قدام مكتبه كلها كتب وشاور عليها وقال: _كل الكتب دي مطلوب منك تقراهالي _ده هيكون شغلي! _في أغلب الأحيان اه ممكن يختلف في مره مثلآ نلعب شطرنج او لعبه جديده او نخرج او تهتمي بيا زاي ما قولتي من شويه ..
قالها ب خيبة امل وهو باصص للأرض _طيب تحب حضرتك استلم الشغل من امتا؟ _من دلوقتي فيه مشاكل؟ _لاء خالص _تمام خرج بره الصالون وجت بنت من لبسها باين إنها بتشتغل في البيت خدتني ورتني اوضتي ومشيت فضلت انا برتب حاجاتي وانا بفكر في الشغل الجديد الغريب ده وبفكر في اللي جرالي بفكر في ملامحه حرام شخص زاي القمر زايه يكون معاق !
بس دي حاجه مش ب إيد حد غير ربنا ! لاكن ملامحو تجنن جميل بطريقه متتوصفش عايز يتبروز من جمالو ساعه ورا ساعه ومكنش جيالي نوم الفجر اذن قومت اتوضيت وصليته ودخلت بلكونة الاوضه ولسه هسرح في القمر الباب خبط .. فتحت الباب وكان هو كان قاعد على الكرسي بتاعه وفي إيده طبق فيه توت وفراوله وقالي: _تعرفي تعملي كيكه ب دول؟ ابتسمت ليه وقولت:
_اعرف _المطبخ يمين اخر الطرقه قالها واداني الطبق خدت منو ودخلت المطبخ وقفت اعمل الكيكه وانا مستغربه شخصيته حسيته شخص حاد صارم مع الكل بس برضو حسيته طفل صغير عنده خمس سنين يمكن هو الاتنين! عملت الكيكه وخرجت ليه وكان .. يتبع.. اعملو فولو يا حلوين عشان يوصلكم كل جديد “الجزء التاني من شهرزاد وقعت في حب معاق” خلصت الكيكه وخرجت عشان اديهالو وكان قاعد على الكرسي بتاعه وهو على رجليه بنوته صغيره اول ما شافني قال:
_الكيكه جت اهي يا حبيبت بابا بابا! وانا اللي فكرت الكيكه ليه هو! قربت منهم وانا مبتسمه قدمت الكيكه البنت خدت مني الطبق وشكرتني وراحت تقعد على السفره عشان تاكلو كانت في حدود ال ٨ سنين بريئه رقيقه وجميله جميله زاي باباها.. _بنتك؟ _ايوا _الحواديت اللي كنت بتسألني بعرف احكيها ولا لاء هتبقا عشانها هي؟ _امال عشاني انا !! _اسفه مقصدش بس يعني انا اتفجأت ان فيه طفله
_مبتعرفيش تهتمي ب الأطفال؟ _لاء خالص انا بحبهم جدآ وبعرف اكون حنينه عليهم بعرف اكون ام وصاحبه واخت _طب تمام هو ده المطلوب كل حاجه عنها هتعرفيها بكرا واسف اني صحيتك في وقت متأخر لاكن مقدرش أرفض ليها طلب _ولو انا اصلآ كنت صاحيه بعدين ده في الاول والاخر شغلي يا استاذ .. ااا احم انا معرفش اسم حضرتك _يوسف _ده شغلي يا استاذ يوسف
_تمام تتأكدي انها نامت بعدين تنامي انتي اوضتها جنب اوضتك بظبط بس الأهم من ده كله ان رونزي بنتي بتتعلق ب اي حاجه بسرعه أشخاص بقا او العاب او حيوانات اي حاجه بتتعلق بيها بسرعه وبتتعب لو الحاجه دي بتفارقها فا لو ناويه تسيبي الشغل في يوم من الايام تقدري تمشي من دلوقتي _مش هسيب شغلي! _مفيش إجازات مفيش حاجه اسمها هزور اهلي _معنديش اهل!
بص ليا شويه وقال: _انا عارف انها انانيه مني بس انا في الاول والاخر اب وبيدور على راحة بنتو كل اللي قبلك مشيو عشان الأسباب اللي قولتها دي عشان مفيش واحده وافقت تتنازل عن كل ده فاهمني؟ _فاهمه ومقدارك والله .. _طيب لو فيه حد في حياتك وهيبقا في جواز بعد فتره برضو تقدري تمشي عشان زاي ما قولت انا اب بيدرو على مصلحة بنتو مش هقدر اشوفها اتعلقت بيكي ولما حضرتك تتجوزي وتسبيها بنتي تتعب ..
_استاذ يوسف اطمن مفيش اي حاجه من دي هتحصل حياتي كلها هتكون تحت امر رونزي قولتها وابتسمت ليه رد ليا الابتسامه حسيت انه ارتاح خدت البنوته ودخلت معاها اوضتها عشان تنام فضلت جنبها بحكي ليها حدوته عشان تنام وبعد شويه كانت نامت حاولت اقوم من جنبها لاكن صحيت وهي بتقول: _عايزه اشرب .. _عيني يا روحي حاضر ثواني واجيب ليكي المياه قولتها وخرجت روحت المطبخ جبت كوباية مياه ليها ووانا راجعه شفته بياكل من الكيكه بتاعتي ابتسمت ودخلت ل رونزي شربت المياه بعدين نامت وطلبت اني افضل معاها
عدا كذا يوم وانا علاقتي ب رونزي بتكبر عن اليوم اللي قبله فهمت إن مامتها اتوفت بسبب حادثه وغالبآ نفس الحادثه دي اللي كانت السبب في عجز يوسف . . وعرفت كمان ان العبه المفضله عند مامتها الشطرنج عشان كدا رونزي بتحب تلعبها وعشان كدا كان بيسألني إذا كنت بعرف العب العبه دي ولا لاء كان اب عظيم حنين وجميل اوقات كنت بغير من رونزي انها عندها اب حنين عليها وبيحبها الحب ده كله يا بختها بيه
وبرغم عجزه لاكنه ناجح على طول مشغول وراه اجتماعات وعمره ما طلب مني اي مساعده من وقت ما جيت البيت لاكن كان بينبسط لما بيلاقي علاقتي ب رونزي كويسه كنت قاعده بحكيلها حكاية علاء الدين والاميره ياسمين قبل النوم _وبس كدا ياستي اعترف علاء الدين انه مش امير ولا حاجه بس بيحب ياسمين فا ياسمين وافقت تتجوزه وهو مش امير وعاشوا في تبات ونبات _بس هو ينفع اميره تتجوز واحد عادي يا روز؟
_اكيد ينفع _بس هو فقير يعني مش هيديها فلوس ولا دهب وهي اميره لازم تاخد الحاجات دي _صح مظبوط بس عارفه بقا هو ادها اي اهم من كل دول؟ _اي _ادها قلبه _يعني اي؟ _يعني بيحبها والحب هو اللي بيعيش يا رونزي مش الفلوس _صح بس انا ليه مش اسمي ياسمين _انتي اسمك احلى اصلا اسمك مميز _بجد! _ااه طبعآ بجد
_انا بحبك جدا _وانا قد الدنيا بس يلا ننام بقا _حاضر تصبحي على خير يا روزتي _وانتي من اهل الخير يا أميرة الاميرات خدت في إيدي الكتاب وجيت اخرج من الاوضه لقيته قدام باب الاوضه قفلت النور وخرجت براحه _حضرتك هنا من بدري؟ _امم _طيب تأمر ب اي حاجه؟ _قهوه عايز قهوه عشان مصدع _عيني حاضر قولتها وحطيت الكتاب في المكتبه وروحت المطبخ وقفت اعمل القهوه دقايق ودخل ورايا وهو بيقول:
_متبقيش تحكي للبنت حكايات كلها رومانسيه _تحب احكيلها اي نوع من القصص؟ _الواقعيه بلاش شغل الخيال ده والنهيات السعيده مش كل نهاية قصه لازم تبقا سعيده ويعيشو في تبات ونبات _بس دي بنت يعني مش هحكي عن حاجات حزينه ولا حاجات اكشن اكيد هحكي عن الاميرات _خلينا في النص عشان مش عايزها تتعمق في الخيال وتكبر وتحب ومتالقيش قصتها زاي قصة الحواديت عشان زاي ما قولتلك مش كل النهايات سعيده
_حاضر بس لو الحب صادق هيبقا احنا اللي ب إيدينا نخلي النهايه سعيده.. _ما علينا الأسبوع الجاي عندي شغل في تركيا وهتيجي معايا عندك مانع؟ عيني لمعت وهو بيتكلم وبكل تلقائيه قولت: _طبعآ اجي معاك ده انت لو روحت من غيري _نعم!! _قصدي يعني اكيد مع حضرتك يا استاذ يوسف _تمام _بس انا معنديش جواز السفر والحاجات دي _انا هتصرف
_تمام قدمت ليه القهوه و.. يتبع .. اعملو فولو يا حلوين عشان يوصلكم كل جديد “الجزء التالت من شهرزاد وقعت في حب معاق” عدا اسبوع وكان جهز كل حاجه تخص السفر وانهارده كان اليوم اللي هنسافر فيه جهزت الشنط وجهزت رونزي وكل حاجه هنحتاجها واتجهنا للعربيه اللي هتوصلنا للمطار وبعد نص ساعه كنا في الطياره انا ورونزي جنب بعض وهو قدامنا كنت اول مره اركب فيها طياره في حياتي احساس ب الخوف والفرحه في نفس الوقت قطع خوفي صوت رونزي وهي بتقول:
_احكيلي حدوته _حاضر يا عيوني فتحت شنطتي طلعت منها قصة سندريلا وبدأت احكي كان عينو عليا مراقب طريقتي في الحكي مراقب حركات شفايفي كنت متوتره متلغبطه مش عارفه احكي لحد ما رونزي عملت فيا جميل ونامت في نص الحكايه شيلت القصه تاني في شنطتي واتنهدت وسرحت ب خيالي في السما بيبقا اسوء وقت لما بسيب نفسي ل دماغي بفكر في حاجات كتير اوي بفكر في اللي ظلموني والي زعلوني وكل ذكرياتي الوحشه بقالي فتره بحاول انسى اللي حصلي في القريه بس دماغي مش سايبني في حالي
ومن كتر التفكير محستش ب الوقت لدرجة اني فوقت على صوتو وهو بيقول: _يلا وصلنا بصيت ليه وانا مبتسمه وعيني بتلمع _يعني احنا كدا في تركيا؟ _امم مجاش في بالي غير الكوميك بتاع إن البنت اتجوزت ثري عربي وخليته يوديها شهر عسل في تركيا واول ما نزلو من الطياره قالتلو طلقني بصيت ليه وانا مبتسمه وكلي حماس وقولتلو: _طلقني رفع حجبه وبصلي ب استغراب وهو بيقول:
_نعم !! _لاء لاء انا اسفه والله بس عشان لسه صاحيه مفوقتش اسفه جدا _حصل خير هاتي رونزي ويلا _حاضر خدت رونزي في إيدي ومشينا وراه كان فيه كذا حد بيساعده يخرج من الطياره لاكن كان باين عليه انه مضايق مش عايز حد يساعده مش عايز الناس تتعامل معاه على انه عاجز ! نزلنا من الطياره وركبنا العربيه مع مساعدة الشباب برضو وشويه ووصلنا للبيت اللي هنعيش فيه
كنت مستمتعه بكل حاجه في البلد الأجواء تجنن البيت زاي اللي بنشوفو في المسلسلات بظبط قطع اندماجي مع تفاصيل البيت صوتو وهو بيقول: _طلبت اكل شويه وهيجي على هنا ودلوقتي تجهزي اوضتك انتي ورونزي _واوضة حضرتك! _هعملها لنفسي لما اجي حاليآ انا ورايا اجتماع مهم متتحركيش من مكانك لحد ما اجي _حاضر مشي هو وسابني انا في بيت أحلامي جهزت اوضتي واوضة رونزي زاي ما قال والاكل جيه كلت انا ورونزي وحكتلها بقيت الحدوته ونامت في نصها زاي كل مره
الوقت بداء يتأخر ساعه ورا ساعه وهو لسه مجاش كنت قلقانه عليه حاسه انه ابني وخايفه عليه نفسي لما يجي امسكه ابهدلو وازعقلو على التأخير ده كنت رايحه جايه قدام الشباك وانا بفكر ياترى جعان ولا شبعان ياترى مرتاح ولا تعبان يا ترى .. ولسه هكمل لفت نظري صوت رونزي وهي بتكح بصوت وحش جدا جريت عليها كانت سخنه درجة حرارتها عاليه وشها محمر مكنتش عارفه اعمل اي كمادات صح احسن حل هو الكمادات
جريت على المطبخ جبت مياه ساقعه وتلج وقعدت جنبها اعملها في كمادات لاكن مكنش فيه اي نتيجه مش عارفه اتصرف عيطت عشان مش عارفه اتصرف ازاي ماما كانت بتعرف تتصرف لما بتعب ومش بتكون متوتره زايي وكمان بتعمل الاكل وتروق البيت وتهتم ب العيله انا فاشله مش زايها مش زايها خالص قولتها وانا بعيط ومخبيه وشي ب إيدي لحد ما جت على بالي فكره مسكت موبايلي وبعد شويه من السيرش خدت رونزي وخرجنا
فضلنا بره اكتر من ساعه ونص ورجعت بيها البيت وهي على إيدي وشنطة العلاج في إيدي التانيه فتحت الباب ولما دخلت لقيته قدام الباب مستنيني العصبيه متملكاه الغضب على وشه في إيده سيجاره مولعه وقدامه الطفايه كلها سجاير _انتي كنتي فين؟ _مش قولتلك متتحركيش لحد ما اجي _كنتي فين ب البنت انطقي _اديني فرصه اتكلم طيب قولتها ودخلت رونزي اوضتها جيه ورايا _من فضلك نتكلم بره عشان متصحاش
سمع كلامي وخرجنا بره الاوضه _ها كنتي فين يا هانم _رونزي تعبت سخنت وعملت ليها كمادات _اه وانتي بنت حواري تركيا بقا وخدتيها للمستشفى اللي هنا صح وعرفتي تروحي عشان انتي طول عمرك عايشه هنا صح _عملت سيرش على جوجل ب أقرب صيدليه هنا وروحت تبع الجي بي اس واتأخرت عشان عشان مكنش معايا العُمله اللي بيتعاملو بيها في البلد فا خدتها مشي وتوهت عقابل ما وصلت هنا
_والعلاج اشتريتي ازاي؟ _سيبت للصيدلي سلسله دهب بتاعتي مقابل انه يديني العلاج _والله! _والله العظيم هو ده اللي حصل _وعرفتي تتكلمي معاه بقا صح؟ _انا مش جاهله يا استاذ يوسف بعرف اقراء واكتب ومعايا ٣ لغات اه فيه كذا حاجه قالها مفهمتهاش بس عرفت اتواصل معاه عن طريق ابلكيشن الدكشنري ولو مش مصدق اقولك على اسم الصيدليه تروح تسأل بنفسك _ااه قولي اسمها
قولتلو اسمها ودمعه نزلت مني غصب عني وانا بقولو: _مدام مش واثق فيا مشغلني عندك ليه خايف على بنتك وهي معايا مشغلني ليه انا قولتلك حياتي كلها هتكون تحت أمرها انا بتعامل معاها ب معاملة الام انت مشوفتش خوفي عليها ولا عياطي لما مكنتش عارفه اتصرف بس اكيد واحده سابت اهلها واتنازلت عن كل حاجه مقابل الشغل لازم تشك فيها عارف ليه انا اتنازلت عن كل حاجه؟
عشان انا معنديش ولا حاجه لما لقيت الشغل وكمان المكان اللي هعيش فيه دي كانت فرصه ليا هشتغل وكمان هعيش والأهم من ده اني مش عايزه البنت تحس بغياب الام مش عايزها تحس ب اللي حسيت بيه والدليل على كلامي اني لحد دلوقتي متكلمتش معاك في فلوس كنت بتكلم وانا منهاره من العياط اول مره صوتي يعلى كدا مسحت دموعي وكملت وقولت: _انا لسه قد وعدي يا استاذ يوسف هفضل مع رونزي بس اتمنى ان ميمجعنيش ب حضرتك اي حديث تاني من بعد انهارده
قولتها ودخلت اوضتي وقفلت ورايا الباب مش عارفه ليه زعلانه اوي كدا ده انا زعلانه منو على عدم ثقته فيا اكتر من ياسين واللي عملو فيا فضلت اعيط قطع عياطي صوت خبط الباب فتحت وكان هو كان في إيده السلسه بتاعتي مد إيده يدهالي وهو بيقول: _لما سألتك على اسم الصيدليه كان عشان ارجعلك سلسلتك مش عشان اتأكد من كلامك خدت منو السلسه في صمت مشي خطوتين ب الكرسي بتاعه ورجع تاني وهو بيقول:
_يمكن طريقة كلامي مكانتش الطف حاجه بس اعذريني اب خايف على بنته جيت مالقتكيش ولا انتي ولا هي وانتي متعرفيش اي مكان هنا وهي طفله انا اترعبت يا روز حسيت بمعنى العجز الحقيقي لما مكنتش عارف انتو فين سكت شويه وقال: _وعلى فكره انا خوفت عليكي وعليها _حصل خير يا استاذ يوسف انا اللي زوتها شويه انا اسفه .. _متعتذريش ودلوقتي بقا رونزي فاقت تسمحي تعملي ليها اي حاجه تاكلها؟
_عيني حاضر قولتها وروحت المطبخ وهو راح ليها اوضتها وقفت عملت شوربة خضار ودخلت ليها اكلتها ب إيدي كان مراقب كل تصرفاتي _شبعتي يا حبيبي؟ _اه بس عايزه اعرف سندريلا عملت اي بعد ما الشوز جت مقاسها _عيني حاضر جبت القصه وقعدت جنبها عشان اكمل حكي وهو كان هيمشي بس رونزي وقفته وهي بتقول: _استنى متمتشيش يا بابا غير لما انام _حاضر يا حبيبتي
رجع ب الكرسي جنبها وانا بدأت احكي _الامير عرف بعدها ان هي دي حبيبته اللي كانت في الحفله وخدوها للقصر بتاعه عشان يتجوزها وصحاب سندريلا كانو مبسوطين وفرحانين ليها الفار جاد والفاره ميرا وجوز جوز والعصافير و .. بصيت ل رونزي لقيتها نامت وهو قاعد حاطت إيده على خده وبيستمع ليا _كملي سكتي ليه؟ ابتسمت وكملت الحدوته _وبس كدا الامير اتجوز سندريلا وتوته توته وخلصت الحدوته
_اتجوزها ب فردة جزمه؟ _لاء هو قدم ليها الأهم من فردة الجزمه والاحسن بمليون مره _واي هو؟ _قلبه قدم ليها قلبه _امم _حضرتك مكلتش من وقت ما جينا هنا تحب احضرلك حاجه تاكلها؟ ضحك وقالي: _ياريت _بتضحك ليه؟ _عادي افتكرت حاجه _ماليش دعوه مش همشي غير لما اعرف بتضحك ليه؟ ضحك تاني وقالي: _عشان من شويه قولتي مش عايزه يجمعنا اي حديث وكنتي زعلانه مني ودلوقتي بتتكلمي عادي كأن محصلش حاجه
_ما اه ما انت صالحتني _انا؟ _ااه _امتا ده دا انا حتى مقولتش انا اسف انتي اللي قولتي _بس قدمت ليا مبرارت وانا اقتنعت بيها فا مصالحك ضحك وقال: _طب حضريلي الاكل لحسن هموت من الجوع وحياتك _عيني حاضر دخلت المطبخ بدأت احضر الاكل بعد شويه كنت خلصت خرجت قدمتهوله وكنت هروح على اوضتي رجعت تاني وانا بقولو: _هو انت بجد كنت خايف عليا انا كمان؟
اتكلم وهو بياكل وقال: _ااه _ليه؟ يتبع.. اعملو فولو يا حلوين عشان يوصلكم كل جديد “الجزء الرابع من شهرزاد وقعت في حب معاق” هو انت بجد كنت خايف عليا انا كمان؟ اتكلم وهو بياكل وقال: _ااه _ليه كمل اكل وهو بيقول: _مش عارف بس حسيت إن زايك زاي رونزي طفله مش هتعرف تتصرف مش عارف اشرحلك بظبط بس يعني انتي في نظري لو حد قالك تعالي معايا اجبلك شكولاته هتروحي
بصيت ليه وبعد تفكير قولت: _ومروحش ليه ماهو هيجبلي حاجه انا بحبها ضحك وقالي: _شكرآ انك اثبتي ان شكوكي صح انتي ورونزي محتاجين اللي يهتم بيكم اصلآ _محدش في الدنيا مبيحتاجش الاهتمام على كل حال متشكره اوي على خوفك عليا .. تصبح على خير ابتسم وقالي: _وانتي من اهل الخير سبته ودخلت اوضتي جيت انام بس مجاليش نوم فضلت قاعده سرحانه
_هو ليه خاف عليا؟ _قصده اي ب اني زايي زاي رونزي؟ _معقوله انا مهمه عنده؟ _معقوله في حد بيخاف عليا؟ روحت في النوم وانا بقول لنفسي فوقي يا روز انتي ولا حاجه .. ولا حاجه عدا اسبوع علينا ف تركيا خلص شغلو ورجعنا تاني معملناش اي حاجه ممتعه طول اليوم هو في الشغل وانا بهتم ب رونزي ده الروتين اليومي الدايم رجعنا القاهره وهو راح على شغلو كالعاده وكنت قاعده انا بحكي قصة الجميله والوحش ل رونزي
_راحت الساحره لعنته وخليته وحَش مخيف وكل اصحابو بقو ملعونين زايه برضو اللي بقت دولاب واللي بقا ساعه واللي بقا فنجان واللي بقت براد شاي لفت نظري وانا بحكي خيال حد بصيت ورايا وكان هو كان قاعد بيستمع ل الحدوته رونزي شافته جريت عليه حضنها وباسها وهو بيقول: _انا قرارت اخدكم ونخرج انهارده اي رايكم؟ _هيييه هطلع البس يا بابي قالتها رونزي وجريت على اوضتها وانا فضلت واقفه في مكاني
_عندك مانع يا روز؟ _لاء خالص _طيب اتفضلي ده مرتب الشهر بتاعك _يااه عدا شهر _ااه ياستي شفتي _بس انا مش محتاجه الفلوس انا عايشه معاكم باكل وبشرب ومش ناقصني حاجه حقيقي مش محتاجها _ده حقك انتي مش بتشتغلي ل الله والوطن الشغل شغل اتفضلي يلا وحصليني على العربيه قالها وساب الفلوس على التربيزه ومشي خدتهم وخدت رونزي وخرجنا روحنا مول دخلنا مطعم طلبنا بيتزا بعدين دخلت رونزي الملاهي بعدين جبنا غزل البنات واشترينا قصص جديده وعرايس وألعاب
وبفلوسي انا اشتريت تيلفون وهدوم جديده خلص اليوم وده كان أجمل يوم يعدي عليا من وقت ما سبت القريه وهو كان متغير مش حاد وصارم لاء بيهزر ويضحك كان جميل .. جميل للغايه رجعنا البيت هو راح على مكتبو وانا فضلت مع رونزي لحد ما نامت ودخلت البلكونه فتحت التيلفون الجديد بدأت اعمل اكونتات على السوشيل ميديا واول حاجه عملت سيرش عنها كان اكونت ياسين وبعد الكثير من السيرش لقيته باين من الصور بتاعته انه اتجوز..
عاش حياته من بعدي وكمان مبسوط! طب انا زعلانه ليه دلوقتي؟ مش انا مبقتش احبو اصلآ؟ ليه في جزء ف قلبي زعلان بقا؟ افتكرت كل اللي حصل وعيطت وانا صعبان عليا نفسي ليه حياتي مش عاديه؟ ليه محبتش واتحبيت زاي اي بنت؟ قطع عياطي وجوده جنبي وهو بيقول: _سمعك! مسحت دموعي وبصيت ليه وانا بقول: _حضرتك عايز حاجه رونزي صحيت؟ _مش القصد يا روز قصدي سمعك احكيلي اي سبب عياطك
اتهندت وانا بقول: _ولا حاجه بس افتكرت حاجه حصلت زمان _الماضي مؤلم بس يا تهربي منو يا تتعلمي منو قالها ومسك الموبيل من إيدي وبص على صورة ياسين وقال: _كان حبيبك؟ _كان جوزي _انتي كنتي متجوزه؟ _ااه بس غصبن عنه هو جوازي منو كان رد جميل عن جمايل اهلي _عندك مانع لو حكيتي التفاصيل؟ _لاء خالص بدأت احكيلو حكايتي من اول يوم اتجوزت فيه ياسين لحد اليوم اللي لقيت فيه اعلان الشغل
_يااه يا روز مريتي بكل ده _طبعآ مش باين عليا _خالص انا كنت فاكرك لسه صغيره متعرفيش اي حزن ولا اي مشاكل كنت مستني اسمع منك رد تافهه لما سألتك بتعيطي ليه كنت مستني تقولي ضفري اتكسر ولا رمشي وقع طلع مشاكلك اكبر من ان اي بنت زايك تستحملها _للدرجه دي بتشوفني ساذجه؟ _طفله بشوفك طفله _الطفله دي من بره يبان عليها اي دونت كير بس من جواها مفيش حاجه بخير
ضحك بصوت عالي ضحكت معاه ونزلت دمعه من عيني غصبن عني بص ليا وبعد دقايق رفع إيده عشان يمسح دموعي بس مطالش نزلت انا على رجلي عشان اكون في مستواه ابتسم وبكف إيده مسح دمعتي من على خدي _متعيطيش انا معاكي _وجنبك انتي مش لوحدك _زاي ما انا سند ل رونزي هكون سند ليكي _زاي ما رونزي بنتي انتي كمان بنتي هو اه يمكن سند عاجز شويه بس في الاخر سند
بصيت ليه وانا بقول: _متقولش كدا زاي ما انت هتكون سند ليا انا هكون عكاز ليك وكدا كملنا بعض ابتسم وقطع الحظه القمر دي صوت رونزي وهي بتنادي روحنا ليها سوا انا وهو _عايزه تشربي يا حبيبتي؟ _لاء كملي الحدوته _عيني حاضر قعدت جنبها على السرير وهو قرب مننا وبدأت احكي وهما الاتنين بيسمعوني _بعدين راح الوحَش خرج باباها وحبسها هي و..
بصيت على رونزي كانت نامت بصيت عليه كان قاعد حاطت إيده على خده ويسمعني ابتسم وقال: _كملي _طب في البلكونه عشان رونزي متصحاش خرجنا انا وهو من الاوضه ودخلنا البلكونه وكملت الحكايه _وبس كدا ياسيدي رجع امير من تاني واتجوز الجميله وعاشو في تبات ونبات _تفتكري لو كانت هي مكانو كان هو هيحبها؟ _وليه لاء الحب مش بشكل يمكن كان هيحب روحها شخصيتها اكتر من شكلها
_المرادي البنت اللي قدمت قلبها مش الراجل _مظبوط _امم حكايه لذيذه _امم هو انا ممكن أسألك سؤال _اتفضلي _انت ليه بتحاول تخلي نفسك شخص غاضب وعميق وغامض ؟ _ليه هو انا مش كدا؟ _لاء خالص انا اللي قدامي دلوقتي طفل عنده خمس سنين ضحك وهو بيقول: _كدا هنتخطى حدودنا بقا بعدين انتي كام سنه اصلآ ؟ _انا هتم شهر ٦ الجاي ٢٢ سنه
_يعني انا مكدبتش لما قولت عليكي بنتي عارفه انا كام سنه _كام يعني! _انا ٣٣ سنه _طب ما حلو مش كبير اوي على فكره ولا انت مصمم تكبر نفسك وعايزني اكون بنتك؟ _انتي بنتي من غير اي حاجه يا روز بنتي اللي هقف قصاد اي حد يفكر يأذيها تاني _هو انا ممكن أسألك سؤال تاني؟ _طيب اسأل انا الاول ممكن؟ _اتفضل
_مرتاحه في البيت في الشغل في المعامله في حاجه مضايقكي؟ _الامان حاسه ب الأمان وده اهم من كل اللي انت قولت عليه _طيب اي كان سؤالك انتي؟ _كلمني انا مامت رونزي! يتبع.. اعملو فولو يا حلوين عشان يوصلكم كل جديد وانتظرو الجزء الأخير بكرا “الجزء الخامس والاخير من شهرزاد وقعت في حب معاق” _كلمني على مامت رونزي! بص ليا شويه وبعدين بص في الفراغ وقال:
_مش قصة حب زاي الحواديت اوي يعني بس كانت كويسه يكفي إنها جابتلي اغلى حاجه في الدنيا “رونزي” كانت جوازه صالونات حبينا بعض بعد الجواز مكنتش لسه ابتديت اتعرف في شغلي يدوبك كنت موظف عادي لحد ما كبرت في مجالي وعملت شركات لنفسي كانت ماسكه إيدي من نقطة الصفر يعني لحد ما .. سكت شويه بعدين قال: _لحد ما كنا مسافرين نغير جو عملنا حادثه ضيعتها وضيعت نفسي
قالها واتنهد كان باين على ملامحو الإحساس ب الذنب بصيت ليه وبلا إدراك لقيتني بمسك إيديه وبقولو: _مفيش الكلام ده ولا ضيعتها ولا ضيعت نفسك ولا حاجه ده مقدر ومكتوب كل ده مكتوب إنه هيحصل من قبل ما نيجي الدنيا اصلآ مش ذنبك عٌمر الموت ما كان ذنب حد محدش بيموت ناقص عُمر يا يوسف! ابتسم ليا وقال: _ونعمه بالله بص في ساعته بعدين بصلي وقال:
_الوقت اتأخر يلا على النوم _حاضر يلا تصبح على خير _وانتي من اهل الخير صحيت تاني يوم الصبح ونا كلي امل وحماس ل حياتي الجديده حياتي اللي بقا فيها شخص انا غاليه عليه واهمه شخص معتبرني بنته! حضرت الفطار ل رونزي وسألت عليه لاكن عرفت انه راح الشغل بدري فضلت انا مع رونزي وحكتلها حدوته جديده عدا كذا يوم وهو على طول في الشغل مفيش وقت اتكلم معاه مفيش وقت اشوفو اصلآ!
وانهارده بعد ما فطرت انا ورونزي لبست دريس لافندر دانتيل وخدت قصه جديده وبدأت احكياهالها _وراحت ل أرض الجنايات مع بيتر مان وعاشت مع الأطفال التايهين في الشجره بتاعتهم و.. طبعآ رونزي نامت في نص الحكايه كالعاده قفلت نور اوضتها وخرجت سمعت صوتو في الصالون جريت اشوفه _مش معقول نبقا مع بعض في نفس البيت ونشوفك ب الصدفه يا استاذ يوسف _انا اسف بس انهارده اخر يوم في إنشغالي عنكم بعدين هنسافر تركيا نقضي الاجازه هناك عشان تعملي اللي معملتهوش المرا اللي فاتت
_اللي هو اي؟ _مش نفسك تدوقي اكل الشيف الي اسمه بوارك ده ونفسك تروحي المكان اللي أتصور فيه مسلسل حب للايجار وتاكلي المحار اللي كان في مسلسل الحب لا يفهم الكلام ضحكت وانا بقولو: _انت ازاي عرفت كل الحاجات دي؟ _من الفيسبوك بتاعك _يظهر ان فاضحه نفسي اوي _اوي اوي يعني ضحكنا انا وهو سوا وفضلنا باصين لبعض شويه بعدين قالي:
_شويه وهيكون عندي ضيف مهم وانهارده محدش جيه من الخدم ممكن تعملي لينا القهوه لما يجي؟ _ااه طبعآ اكيد قطع كلامي صوت رونزي وهي بتنادي عليا روحت ليها جبتلها مياه وفضلت قاعده بكمل ليها الحدوته لحد ما نامت شويه وسمعت صوتو وهو بيقول: _القهوه يا روز فهمت إن الضيف جيه دخلت المطبخ جهزت فنجانين قهوه وروحت أقدمها ليهم لاكن الصدمه إن الضيف كان ياسمين!
القهوه كانت هتقع مني خدت بالي منها وحطتها على التربيزه خد بالو مني استغرب اتصدم نظرته مش عارفه احددها ولا احدد معناها قطع شرودي صوته وهو بيقول: _روز !! _انتي بتعملي اي هنا يوسف بصلي وبص ليه وقالو: _انتو تعرفو بعض! من ارتباكي وعيني اللي خانتني ودمعت فهم إن ده ياسين اللي حكتله عليه _اه الانسه روز كانت معرفه قديمه! _امم طيب المدام روز تبقا مراتي
ياسين بص ليه وبصلي وقال: _مراتك!! _اه مراتي يا استاذ ياسين مستغرب ليه؟ _لاء لاء ولا حاجه نكمل كلامنا _لاء كلامنا خلص _ازاي ده ابتدا _لاء خلص عرضك مرفوض _بس يا استاذ يوسف ااا _مبسش كلامي انتهى _طيب عن اذنك قالها وكان هيمشي وقف لما سمع صوت يوسف وهو بيقولو:
_استاذ ياسين مراتي اشرف من الشرف ومتستهالش التهمه اللي اتهمتها بيها هو اه اللي حصل ده حصل في الماضي بس قابل اللي جاي عايزك تسترجل كدا للأخر وتقابل الي جاي واه اقعد اشرب قهوتك انا متعود على إكرام ضيفي ياسين بص ليه وبصلي وسابنا ومشي هدوء تام في المكان مش عارفه منين بيودي على فين نظرة ياسين ليا كانت نظرة ندم؟ نغزة قلبي لما شفته معقوله اكون لسه بحبو؟
يوسف اللي ساب الشغل المهم بنسباله لما عرف إن ده الشخص اللي اذاني معقول يكون بيحبني؟ قالو مراتي ليه مقالش قريبتي ليه شبهني التشبيه ده معقوله يكون شايفني مراته؟ عايز يتجوزني؟ قطع كل الدوشه اللي في راسي دي صوته وهو بيقول: _حقيقي انا اسف مكنتش اعرف ان هو لو كنت اعرف مكنتش دخلته بيتي والله _متعتذرش محصلش حاجه ومكنش ليه لزوم تلغي شغلك عشاني
_لاء كان ليه لزوم يا روز _طيب انت ناوي تعمل اي ؟ _كل خير _ارجوك بلاش تأذيه عشاني مش عشانه بلاش تسبب ليه اي أذى ارجوك _خايفه عليه؟ _اه لاء يعني اقصد هو ميهمنيش بس اا .. _خلاص يا روز اللي حصل حصل ومتخافيش ياستي مش هعملو حاجه قالها وسابني ومشي تقريبآ هو فهم غلط معرفش ليه اتضايق واتعصب! دخلت نمت وقرارت إن تاني يوم الصبح افهمو وجهة نظري
بس لما صحيت الصبح مالقتوش لقيت مسدج منو على الواتساب بيقول فيها “انا هغيب عن البيت فتره خلي بالك من رونزي سدي مكاني يا روز الفتره اللي هغيب فيها مش هوصيكي عليها” رديت عليه طمنته اني هخلي بالي منها وسألته هو فين بس شافها ومردش عدا كذا يوم الايام جرت الأسابيع وهو مختفي منعرفش عنه حاجه نفسيتي كانت بايظه انه مش موجود انا اه يتيمة الام والأب بس انهارده عرفت معنى كلمة يتيمه لما بعد عني كنت عامله زاي المدمن ومدمر عشان مخدش جرعته وحشني اوي ياريت يرجع او على الاقل يطمني عليه
مكنتش بخلص من سؤال رونزي عليه من عياطها إنه واحشها لحد ما قلبه حن وبعت مسدج انهارده انه راجع حضرت الاكل وجهزت رونزي وجهزت انا كمان كنت عايزه يشوفني جميله رغم ان كان جوايا غضب كان نفسي ازعقله واتخانق معاه على غيابه ده لاكن اول ما شفته كل الغضب ده راح دخل ب هيبته المعتاده رغم انه ماشي على كرسي بعجل لاكن ليه هيبه برغم انه عاجز بس شيك ووسيم والانظار عليه
سلم علينا وقعد معانا ناكل لاكن كلامنا كان بحدود يظهر إنه لسه زعلان من المره اللي فاتت كان نفسي اقولو انه وحشني وانه مهم في حياتي وانه ميغابش تاني لاكن اليوم خلص وكل واحد راح ل اوضته عشان ينام مجاليش نوم دخلت البلكونه اقعد فيها كنت سرحانه في حاجات كتير قطع سرحاني صوته وهو بيقول: _لسه بتحبيه؟ بصيت ليه وقولت: _هو مين؟ _ياسين!
_لاء هو انا محبتوش من الاول عشان اكون لسه بحبو _امال كنتي خايفه عليه مني ليه؟ _الحكايه ومافيها إني مش بحب ارد الاذى ب أذى وكمان انا مش ناكرة الجميل كفايه إن اهلو وقفو جنبي وانه اتجوزني غصب عنه _يعني مش بتحبيه؟ _والله أبدآ _طيب روحي نامي بكرا مسافرين _فين؟ _تركيا ابتسمت وقولت ليه: _طيب تصبح على خير دخلت اوضتي نمت وانا بفكر في الأسأله بتاعته بفكر كان فين الفتره دي مختفي فين بيعمل اي لحد ما النوم غلبني ونمت
صحيت تاني يوم حضرت الشنط وجهزت رونزي وكل حاجه هنحتاجها واتجهنا للعربيه اللي هتوصلنا للمطار كانت رونزي جنب السواق ويوسف كان جنبي فضلنا طول الطريق ساكتين وشويه و بص ليا وقال: _تقبلي تكوني زاي ما قولت ل ياسين يا روز؟ بصيت ليه بذهول وانا بقولو: _وانت قولت اي ل ياسين؟ _انتي عارفه انا قولت اي ومش هقولها تاني _عايزه اسمعها منك _يعني سمعتيها
_ااه _طيب قولتلو اي؟ _قولتلو دي مراتي وحبيبتي وام رونزي وكل حاجه ليا ضحك وقالي: _تتجوزيني _ده يوم المنى _حتى وانا عاجز؟ _حتى وانت عاجز العربيه وقفت قدام المطار وفجأه وبلا مقدمات لقيته قام وقف وفتح باب العربيه ونزل فتحلي الباب وقال: _وصلنا يا حرم يوسف هيكون شهر عسل سعيد انا متأكد لحظة إدراك انه واقف على رجليه! انا كنت في ذهول مصدومه ومبسوطه متفجأه منبهره
محستش بنفسي غير وانا بنزل من العربيه واترميت في حضنه وبعيط من الفرحه شالني لف بيا وشال رونزي حضنا احنا الاتنين كان مجهز إجراءات كتب الكتاب في قاعه قريبه من المطار كتبنا الكتاب وسافرنا على تركيا نقضي احلى شهر عسل في الدنيا كنت فاكره انه كان بميثل طول الفتره اللي فاتت دي بس اتضح إن ألفتره اللي كان غايب فيها كان بيعمل فيها العمليه وبعد مرور سنه بقا معانا رونزا بنتنا الجديده
وكدا تكون توته توته وخلصت الحدوته _امم طب وشهرزاد بقا بتحبه؟ قالها وهو باصص في عينيا وماسك إيدي _اكيد شهزاد بتموت فيه قصتها مميزه كانت مالهاش ولا اهل ولا صحاب ولا عيله وراحت ل بيت الراجل الكريم ده وهو ادها كل دول وعارف الأهم من كل دول اي؟ _اي؟ _ كان كريم أوي معاها لدرجة انه ادها قلبه قرب مني وباس راسي وقال:
_انا قلبي وعقلي وروحي متغلاش عليكي يا روز انتي كل حاجه واغلى حاجه المهم احكيلي الحدوته من اول وجديد _لاء بقا انت مبتزهقش كل يوم احكيلك حكايتنا اللي انت عارفها وعشتها اصلآ انت غلبت رونزي ورونزا _طب تيجي انا احكيلك حدوته _بتعرف؟ _ياخبر ده انا احسن واحد فيكي يا جمهويه يحكي حواديت النهايه.. ملحوظه يوسف وهو بيحكيلي الحدوته جبنا مالك وسليم وعيلتنا بدأت تكبر وشهرزاد وقعت في حب أعظم رجال الكون
تمت اعملو