جوزوني واحد اد ابويا

فوزيه بت يا رقيه انتي يابت يالي تنشكي   رقيه نعم يا مرات عمي عايزة حاجة مني ولا ايه   فوزية اه ياختي عايزة تدخلي نضفي مكان الضيف مكان موجود وادخلي المطبخ اغسلي الأطباق والمواعين ومتخليش حاجة وسخة انتي سامعه يابت   حامد مالك يا بت انتي بتعيطي ليه كده مالك في ايه   رقيه هو انت ليه ياعمي انت ومراتك مقولتوش ليا ان خالد جاي يتقدم لابتسام وهو اصلا ازاى يجي يتقدم لابتسام انا اصلا مكنتش اعرف انه عايز ابتسام

  فوزية اومال انتي كنتي فاكرة ايه ياختي كنتي فاكراه هيبص لك انتي ليه يعني ملقاش غيرك لا يا حبيبتي هو عينة كانت من ابتسام ومكنش راضي يقول ودخل البيت من بابه مش بنتي طلعت له شقته   رقيه قصدك ايه يعني يامرات عمي ازاى يعني خالد جه يخطب بنتك ازاى هو مكنش متفق معايا على كده خالص هو كان مواعدني انا انه يجي لي   حامد يعني ايه الكلام ده قولي لي يابت هو الواد ده عمل معاكي حاجه انطقي يابت

  رقيه عمل معايا حاجة يعني ايه ياعمي هو انا يعني هعمل ايه معاه انا مفيش حاجة بيني وبينه اصلا حرام عليك متظلمنيش الله يخليك   فوزية يابت مالك محموقه اوي كده ليه ان خالد خطيب بنتي جه وخطب بنتنا الحلوه دي وانتي لا ها مالك   رقيه مفيش يا مرات عمي انا مفيش حاجة بيني وبينة سيبوني في حالي بقا ابعدوا عني انا مش عايزة حاجة منكم سيبوني  

إتعصبت جامد وراح عمي نازل فيا ضرب جامد لحد لما عضمي كله وجعني ودخلت الاوضة ونمت من كتر العياط   وبعدها لقيت عمي بيقولي   حامد اسمعي يابت انتي ترجعي الشغل تاني مش انتي كنتي عايزة ترجعي الشغل   رقيه كتر خيرك ياعمي والله انا فعلا كنت عايزة ارجع الشغل يعني ارجع من بكرة ياعمي   حامد ارجعي بس اسمعي يا بت انا مش عايزك تعملي مشاكل انتي سامعه ولا لا

  رقيه حاضر ياعمي انا مش هعمل مشاكل مع حد والله وهاروح الشغل في حالي وارجع في حالي اطمن ياعمي   وفعلا تاني رجعت الشغل والبت سماح صاحبتي قابلتني وقالت لي   سماح ازيك يا بت يا رقيه والنبي يابت وحشتيني خالص ده الشغل مكنش ليه طعم من غيرك كويس انك رجعتي والله انا كنت من غيرك ولا عارفه اشتغل   رقيه بحزن ايوه هو عمي اصلا عمل كده عشان اسكت عن اللي حصل انتي تعرفي ان خالد راح واتقدم لابتسام بنته خالد اللي كنت بحبه ومستنياه يجي يتقدم لي انا

  سماح باستغراب انتي بتقولي ايه يا بت يا رقيه ازاى خالد راح واتقدم لابتسام وانتي رحتي فين بقا ياختي يعني عايزة تقولي لي ان خالد ده كان بيتسلي بيكي لا ده الواد ده طلع مش سهل بقا   رقيه انتي عارفه انا رحت وقولت له اني عايزاه يجي يتقدم لي عشان يتنشلني من اللي انا فيه ويرحمني من اللي مرات عمي عملاه فيا يقوم يقولي نتجوز عرفي اصلي مش هقدر اتجوزك رسمي

  سماح يانهار اسود يتجوزك عرفي ده ايه ليه هو انتي خرج بيت ولا ايه ولا كان فاكرك ايه يعني ده بيستهبل   رقيه ما أنا مسكتلوش ياسماح وكنت هعلق الشبشب وادي له على دماغه الواطي ده المصيبة اني بعدها بيومين لقيته جاي وبيخطب البت البومة اللي اسمها ابتسام دي   سماح ده طلع واطي اوي فعلا انتي لازم تتكلمي معاه وتشوفيه عمل كده ازاى يا رقيه   رقيه هتكلم معاه ازاى بقا ياختي ان شاء الله مش هينفع طبعا ده واحد وباعني واشتري المعفنة بنت عمي عايزاني اتكلم معاه اقوله ايه

  سماح افهمي منه هو عمل كده ليه وايه اللي خلاه يخطب بنت عمك ومش يخطبك انتي   رقيه ماشي انا هتكلم معاه واشوفه عمل كده ليه   وفعلا اتصلت بخالد وقولت له لو مجاش يقابلني انا هفضحة بس هو خاف وجه واتقابلنا وقولت له   رقيه انا عايزة اعرف انت عملت كده ليه ليه جيت وطلبت ايد ابتسام مع اني كنت قايله لك تيجي تطلبني من عمي وانت قولت لي انك مش هينفع تتجوز حصل ولا لا

  خالد فعلا انا قولت لك كده يا رقيه بس انتي متعرفيش اللي حصل لما مرات عمك جات لي وطلبت مني اني اجي واطلب ايد بنتها   رقيه نعم ياخويا يعني ايه الكلام ده ازاى يعني مرات عمي تعمل كده   خالد ايوه مرات عمي جات لي وقالت لي   #فلاش باك فوزية اسمع يا استاذ خالد انا دلوقتي جايه لك في موضوع مهم يخصك ويخص مستقبلك انا عارفه انك عايش بالايجار في الشقه اللي انت قاعد فيها دي ويحرام مش عارف يدفع الإيجار