الاب هز رأسه بماشي لكن بتردد :ماشي يا ابنى على خيرة الله …
الام زغرطت وعز بص لشمس وغمزلها وهى معطتهوش اهتمام وبصت الناحية التانـ,ـيه..
تاني يوم ..
كانت في غرفه جميله جدا واقفه بنت جميله ولابسه فستان فرح..
_ما شاء الله زي القمر يا اميرة.
_تسلميلي يا طنط ..طنط هوا فين عز مشوفتهوش من امبارح وبكلمه مش بيرد هوا في حاجه مزعلاه..
الام بتوتر:لا يا حبيبتي دا كان عنده ضغوط في الشغل انتى عارفه بقى أنه هياخد اجازه وغير كدا هوا بيحب الشغل جدا وهوا لسه مكلمنى وقايلى أنه في الطريق..
أميرة ابتسمت ليها وبعدين بدأت تحط اللمسات الأخيرة بفرحه ..
كان سايق العربيه وهى قاعده جنبه ..
_احنا رايحين فين
_رايحين فرحى
شمس باستغراب:فرحك ازاي يعنى مش فاهمه..
عز ابتسم وبدأ يحكيلها أن أمه مهما عمل ورفض صممت انها تعمل الفرح ومتعرفش أنه مجهزلها المفاجأة دي..
شمس:دانت دماغك دي متكلفه صحيح تعليم لغات مش زينا حكومى ..
عز يصلها بغرور وكمل سواقه…
وصل الفيلا بتاعتهم اللي كانت متجهزه على أعلى مستوى وكان الكل متـ,ـجمع وأصحابه كلهم قرب منه شـ,ـاب وهوا مبتسم ..
_عامل اي يا عز فينك مشوفتكش بقالى يومين ومش بتيجي الشركه..
_معلش يا صاحبي كنت تعبان شويه ومحتاج اراجع اللي فاتنى انت عارف بقى انى داخل على مسئوليات ولازم اعرف اي ليا واي عليا..
حمزه بصله باستغراب وخوف من الثقه اللي عز بيتكلم بيها دي..
_الف مبروك يا صاحبي وبص لشـ,ـمس:مين دي سكرتيره جديده ولا جايبها تساعد طنط..
شمس كانت لسه هترد وتهب فيه عز وقفها ورد مكانها..
_هتعرف كمان شويه يا حمزه متستعجلش أنا محضرلكوا مفاجاه حلوة اووي النهارده..
عن اذنك أنا رايح لعروستي..
عز قرب من أمه اللي كانت فرحانه أنه مخذلهاش وبعد شويه من الانتظار كانت أميرة نازله في ايد ابوها ومبتسمه بسعاده..
عز قرب بابتسامه واميره قربت منه
عز :تعالى اعرفك على حد مهم لازم تعرفيه علشان تتعودي على وجوده
اميره باستغراب:مين..
عز قرب من شمس ومسك ايديها قدام الكل :احب اعرفكم يا جماعه دي شـ,ـمس مراتى …
وبص لاميره:هتكون ضرتك يا اميرة مش تسلمى عليها..
اميره بصتله باستغراب ودموع وصرخت:انت بتهزر يا عز صح قول انك بتهزر أنا عارفه انك بتـ,ـحب تعمل مقالب فيا صح..
_لا يا حبيبتي مش بهزر شـ,ـمس تبقى مراتى …
اميره بصت لشمس بعصبية وقربت منها:بقى انت تسيبـ,ـني وتتجوز الجربوعه دي انا كنت مفكراها الخدامه..
شمس وقد فاض بها الكيل:نعم يا عنيا خدامة مين دي اللي بتتـ,ـكلمى عنها وبعدين أنا يوم ما اخدم اخدمك انتى يا انثى الغراب انتى ،انتى مفكرة نفـ,ـسك حلوه دانتى نفخ يا به يا صـ,ـدمانه يا عدمانه ياللي العشرة مـ,ـنك ميساووش في سوق الحريم ربع جنيه..
اميره بصدمه:انتى بتقوليلي أنا الكلام دا يا بيئه انتى..