_داخله انام يا أبيه _استني مش هتاكلي معانا ولا اي _لا يا أبيه مش قادره انا هنام الاول “دخلت وبصلي بضيق فزعلت اني كنت السبب في زعلها بس والله ما كان قصدي اضايقها كده ! “خالتي و ماما قعدوا و مازن كنت لسه هقعد جنب مازن ف عمار بصلي بغضب و شاور بدماغه قربت منه فهمس _اقعدي جنبي _بس كنت عايزه اقعد جنب مازن _هو انا جوزك ولا مازن ؟
_انت بس _يبقي اقعدي جنبي ها اقعدي “بصلي بتحذير فضحكت بصمت و بصيت علي مازن لقيته بيضحك فبصلنا بغيظ _انتوا بتضحكوا علي اي _ولا حاجه يا أبيه مبنضحكش _طيب كل يا اخويا مش عندك كليه بكره ولا اي _لا احنا في رمضان الامتحانات اون لاين _طيب الحق عشان تذاكرلك كلمتين ينفعوك ضحكت _هو احنا من أمتي بنذاكر احنا بنذاكر في الفينال بس مازن ضحك _جدعه كفك احنا فشله زي بعض الفرق اني اكبر منك بسنه
“لسه همد ايدي لقيت عمار ضربه علي أيده و اتخضيت و يتبع…. #ايمان_صالح فولوا عشان اكملالبارت الثاني 🧡🧡💨 لسه همد ايدي لقيت عمار ضربه علي أيده _انت هتمد ايدك ولا اي _اي يا أبيه دي مرات اخويا و زي اختي عادي _بس حرام و اياك تسلموا حتي بالأيد انتوا مبتفهموش ولا اي حراام _اووف حتي دي كمان يلا يا ماما نروح شقتنا _استني يا اختي هنتسحر مع بعض _مش عايزه
_انتي هتهربي زي العيال الصغيره ..السلام ب الايد حرام و الرسول صلى الله عليه وسلم نهي عنه متجوش انتوا تسلموا على بعض ماشي _يعني يا أبيه حرام ولا انت بتغير _ملكش دعوه اياك تمد ايدك و تسلم عليها هقطعهالك فاهم “فيه حاجات كتير انا فيها بعيد عن ربنا وانا معترفه بده كنت مفكره أن عادي أسلم طلع حرام بس بعيد عن اني عارفه أنه بيغير من مازن من زمان عشان مازن قريب مني ودي حاجه بتفرحني جدا
عمار_بنت خالتي و بحبها من هي صغيره محبتش غيرها كنت بحب تعلقها بيها و حبها ليا لما كبرت كنت بحبها عادي بس لما عرفت أنه حرام خوفت اني اتحرم منها فبعدت عنها لما كنت بشوفها قريبه من مازن كنت بزعل و بحس بنار جوايا كنت بغير عليها من اخويا كل الناس كانوا عارفين اني بحبها اهلنا كلهم بس هي مكنتش عارفه، بعد ما ظروفنا اتعدل طلبت أيدها من خالتي هي صحيح تصرفتها بضايقني و تعصبني بس بحبها ومبعرفش اعيش من غيرها
Eman Saleh . “جه وقت السحور وحضرته وهو وقف معايا كان بيجهز احسن مني كمان انا كنت واقفه بساعده كمان مش هو لا _انت طلعت شاطر اوي يا عمار _طبعا عشان تعرفي انتي متجوزه مين ضحكت _عارفه كويس انا متجوزه مين لدرجه انك كنت بتشوفني تستغفر انا كنت عملتلك اي يا عمار ضحك_والله عشان كنت عارف أنه حرام اشوفك وابصلك وللاسف اني زي القمر بتحرقي دمي بحلوتك فكنت بغض بصري عنك عشان متحرمش منك
قرب و غمزلي _عشان تعرفي بس انا بحبك _ها مسك ايدي وباسها وبص في عيوني _بعشقك من زمان وبغير عليكي حتي من مازن اخويا _ها ضحك _لا انتي حالتك حاله ادخلي صحي هند ولا تجيبي حضن “جريت وسيبته وهو بيضحك جامد ده طلع قليل اوي اي الباد جود بوي ده ! “دخلت اوضته هند اصاحيها وانا قلبي بيدق جامد خدت نفسي وقربت منها بهدوء . _هند يلا عشان السحور جاهز
بضيق_خلاص صاحيه اطلعي بره _هند انتي زعلانه مني _لا انتي دايما واخده مكاني من اخواتي محدش فيهم بيحبني بسببك اتحوزتي اخويا الكبير و الصغير مبيحبش يروح مكان من غيرك _هند حبيبتي انا مش عايزاكي تزعلي مني انتي اخر واحده مستحيل ازعلك عارفه انا كان نفسي يكون عندي اخوات عشان كده معتبراكم اخواتي كان نفسي يكون عندي اخت بس اعتبرتك انتي اختي عارفه انا لو ليا اخت مكنتش حبيتها زيك و مين قالك انهم مبيحبكيش هما بيحبوكي اوي والله بس الفكره مش عايزين يحسسوني اني أقل من حد ويكون عندي اخوات فهمتي حقك عليا لو زعلتك في يوم من غير. قصدي
“حضنتني وانا حضنتها جامد شعور عوض الاخت ده جميل اوي والله . _انا مش زعلانه منك انا كنت متضايقه شويه _مش عايزاكي تضايقي خالص طول ما احنا مع بعض _اتفقنا _اتفقنا .بس بقولك اي اي حكايه أننا كلنا اخواتك دي ببراءه_ما انتوا فعلا كلكم اخواتي بخبث _كلنا كلنا ..حتي أبيه عمار “اتحرجت و خدودي احمرت و شهقت كمان لما سمعته صوته _الظاهر يا هند لحد دلوقتي معتبراني اخوها يبقي لازم نغير الفكره ولا اي
“غمزلي فصوت و جريت عند ماما وهما ضحكوا عليا “اتسحرنا و صلينا الفجر و عملنا حلقه و مسكنا المصاحف و قران قران حقيقي القرآن بعد الصلاه ده بيغسل القلب حرفيا “مشينا انا و. ماما روحنا شقتنا نمنا مع بعض و حقيقي قلبي بيدق كل اما افتكر وقت السحور غمزاته و همساته وحقيقي في قمر بالشكل ده ده انت تاخد قلبي Eman Saleh. _زينه صليتي العشاء _ايوه يا عمار _شاطره يا قلب عمار تعالي نتمشي مع بعض
_اي ده بجد _بجد ولا ارجع في كلامي _لا لا ترجع اي انا جايه ثواني “دخلت لبست و خرجت بصلي بانبهار _شكلك قمر بالخمار يا حبيبتي اللهم بارك _اي رايك _قمر يا حبيبتي مفيش كلام بس انتي كده عايزه _عايزه اي مش فاهمه _عايزه حضن “شهقت و جريت علي السلم وهو بيضحك _خدي يا بت استني “مازن شافنا و ضحك _الله يسهلوا “وقفت علي الباب و هو جه مسك ايدي و حضنها بأيده وفعلا قره عيني اوي
بصلي و ضحك _كده تجري مني _ما انت قليل الادب يا عمار ضحك بصوته كله _ما انا بعشقك يا قلب عمار والله _وانا بدور فيكي والله بحبك بصلي بصدمه _قولتي اي _والله ما هقول حاجه تاني خلاص كده _مره كمان عشان خاطري مره بس _لا يلا _ماشي يا زينه ماشي “ضحكت عليه و مشينا دخل محل وانا وقفت بعيد بعد شويه طلع معاه فانوس كبير وشكله تحفه مكتوب عليه زينه و عمار و بتاريخ النهارده ٣رمضان
_اتفضلي بفرحه_اي ده فانوس ليا هز راسه_ايوه كنت قايل لصاحب المحل يعملوا ليكي قبل رمضان و جهزوا النهارده قولت اعملهولك مفاجاه _شكرا يا عمار انا بحبك اوي اوي “ابتسم جامد و قرب مني باس راسي وحضني _وانا بعشقك كل رمضان وانتي معايا و منوره حياتي _وانت معايا و منوره دنيتي يا عمار “تمت ” “انتمي إليك بكل تفاصيلي وارغب في الحصول على جزء من قلبك 🧡🦋. كل سنه وانتوا طيبين رمضان كريم عليكم و علي الامه الاسلاميه جميعا حبيت كالعاده اقولكم كل سنه وانتوا طيبين بس بطريقتي 🧡🧡🦋
أعاده الله علينا وعليكم بالخير واليمن والبركات 🧡🦋 #ايمان_صالح