مين دا اللى انا هتجوزه بقلم ايمان صالح

#اسكريبت _مين ده اللي انا هتجوزه ده ! _ماله ده بقي إن شاءالله انتي تطولي اصلا تتجوزيني _لا اطول اطول من كده ومش هتجوزه مستحيل ! _طيب وانا بقي هحققلك المستحيل وهتجوزك انا موافق يا بابا اتجوز البتاعه دي _مين دي اللي بتاعه يا ابني انت وانا مش موافقه اتجوزه انا مش هورط نفسي مع البني ادم ده ! _والله الورطه الأكبر هتكون ليا مش ليكي بس هتجوزك برضه _مش موافقه _انا موافق _يا مستفز يا بارد _والله ما فيه أبرد منك يا مهزاه _والله ما فيه مهزا غيرك _انت ا _خلاص خلصتوا تهزئ في بعض ولا لسه شويه كمان يلا ما احنا مش موجودين يلا كملوا #ايمان_صالح بصتله بأسف _انا اسفه يا بابا مش قصدي اتكلم كده قدام حضرتك والله _وانا كمان اسف يا عمي بس هي عصبتني _انت اللي عصبتني انا مش موافقه اصلا _رييم خلاص بقي احنا قولنا ايه انا قررت انكم هتتجوزه خلاص كده "انسان بارد وغلس ومستفز مش عايزه اتجوزه ،نزلت تحت وانا بفكر ايه الورطه دي ! _يلا البسي عشان هننزل نجيب الشبكه "كانت رساله منه بصيت فيها ورديت _شبكه ايه _شبكتنا _شبكتنا !شبكه مين اتغطي ونام كويس ! _يلا انزلي يا ريم واخلصي نص ساعه وهكون عندك _اعمل اللي تعمله ! "اتجوزه !اتجوز مين ده مستحييل ده بيهزر ولا ايه انا اتجوز ده ده اهبل ! _ايه يا ريم مجهزتيش ليه _اعمل ايه يا بابا _مش مالك ابن عمك قالك هتروحوا تختاروا الشبكه _يا بابا انا مش عايزه الجوازه دي ! _انا قولت اللي عندي وخلاص يلا اجهزي _يا بابا بس _قدامك ربع ساعه بس ولو مجهزتيش انتي حره يلا انا واقف مع مالك لحد ما تيجي "ياربي الإنسان هيفضل طول عمره هامش لحد امتي مش عايزه اتجوزه هو غصب مش عايزاااه _اركبي يا ريم _انا هركب مع بابا _لا هتركبي معاه لانكم هتختاروا الدهب انا ورايا مشوار وهبقي ارجعلكم _يعني هروح معاه لوحدي ! بصلي بحده _ما امك معاكي اهي #ايمان_صالح "خوفت من نظرته وسيبته واقف ماسك الباب وركبت وره وماما ابتسمتله وركبت قدام عشان متكسفهوش! _انتي واقفه كده ليه يلا اختاري شبكتك _مش هختار مش عايزه اتجوز _يلا يا بنت العبيطه اختاري الشبكه ! "طيب ليه الغلط ده بس ! "اختارت خاتم عجبني ودبله وسكت فبصلي _يلا كملي _انا اختارات ده وده _خاتم و دبله بس !كملي يلا _لا انا اخدتهم وكفايه كده _يا بنت الناس كملي شبكتك _هم عجبني و خلاص ! "اتنهد بغيظ وشد في شعره وماما بصتله واتكلمت _خلاص يا مالك هما عجبينها يلا احنا نمشي عشان لسه هنختار الفستان بتاعها وبدلتك _هو لسه فيه فستان كده ! _يلا قدامي يا ريم "زقتني لبره انا طول عمري بقول اني مش بنتهم والله ! "ركبنا العربيه ووصل لحد المحل نزلنا انا و ماما و هو ركن العربيه دخلنا المحل ولفينا فيه الفساتين فيه تحفه وقفت قدام فستان عجبني جدا حسيت نفسي فيه وقفت قدام وسمعت صوته ورايا _هاتيلنا الفستان ده لو سمحتي _ذوق حضرتك تحفه يا افندم ده اخر قطعه في المحل ابتسم_فعلا ذوقه حلو خدي يا ريم قيسي الفستان قرب وهمس_يارب يطلع علي قدم ومتكونيش تخينه فيه بصتله بغضب _علي فكره بقي انا جسمي مظبوط هات "خدت الفستان ودخلت قيسته وماما دخلت _ماشاء الله قمر يا ريم حلو فيكي اوي "ابتسمت وبدلت لبسي وخرجت اديته للواقفه في المحل ،بصلي وابتسم _اي مطلعش علي قدك ! _مش هقولك اصلا ولا هرد عليك لفيه بعد اذنك وهاتيه انا طالعه يا ماما "طلعت بغضب وهو بيضحك البارد المستفز ! "ركب العربيه ومشي بينا شويه ووقف _يلا هننزل ناكل _انا مش عايزه اكل ! ابتسم بسماجه _انا مقولتش ليكي علي فكره انا قولت ل مرات عمي _بارد _يلا يا مرات عمي _لا يا حبيبي احنا كلنا قبل ما نطلع يلا بس نروح انا تعبت ومحتاجه انام _مش هينفع يا مرات عمي لازم ناكل مع بعض _لا خليها مره تانيه يا مالك معلش _طيب ثواني "دخل المحل وكان سايب موبيله وكان بيرن مسكته ولسه هشوف الاسم قرب مننا _هو انا نسيت الموبيل هنا _ها اهه اهو "خده مني بتوتر وعطانا عصير كان جايبه وركب العربيه ومشي وصلنا البيت ،حددوا الخطوبه بس انا اعترضت كده كده هتكون خطوبه وبعدها كتب كتاب انا مش عايزه خطوبه _خلاص هنخليها كتب كتاب وفرح علي طول _يا بابا مش قصدي كده _هو انتي علي طول معترضه عايزه ايه يا ريم _يا بابا انا من الاول مش عايزه الجوازه دي اتكلم بهدوء _يا عبيطه ده ابن عمك ومن زمان وانتوا مع بعض عارفه انا دايما شايفه هو المناسب ليكي انتي ملكيش اخوات وهو ابن عمك وهيخاف عليكي وهطمن عليكي معاه قبل ما اموت _بعد الشر عليك يا بابا متقولش كده _اسمعي الكلام مالك مهما كان ابن عمك من لحمنا يا ريم "حددوا كتب الكتاب والفرح ،مالك ابن عمي ومتربين مع بعض دايما واقف معايا وسندي بعد بابا من واحنا اطفال ،كان كل المواقف يبقي جنبي وبيدعمني رغم أنه كتير بيضايقني وبيستفزني انا بحبه بس زي اخويا مش اكتر ! #ايمان_صالح "اتكتب كتابنا وقعدت وكان اصحابي معايا وكنا بنتصور مع بعض ،بعدها سمعت الستات بتقول العريس داخل يشوف العروسه ،دخل وكان لابس بدله وفاتح اول زراير القميص اخر مره كنا بنختار الفستان قرر يروح يختار بدلته مع أصحابه بس ذوقه فعلا حلو ،قرب مني وابتسم مسك ايدي ولبسني الخاتم والدبله وبعدها باس ايدي وهو مبتسم وعيونه بتلمع لبسته دبلته وانا بحاول ابعد نظري عنه طول الفتره الفاتت مكنتش بكلمه اصلا ،بصيت لقيته قرب علبه مني فتحها وبصيت عليها لقيت طقم دهب بصلي وقالي لفي راسك لفيت وانا مستغربه لبسني السلسه وابتسم بصتله بدهشه _انا مختارتش الدهب ده همس بابتسامه _عارف بس قلبي اختاره دي شبكتك "كمل لبس دهب وهو مبتسم وباس راسي وكلهم صقفوا ،انا مش فاهمه حاجه هو كده ازاي ده اغلب الوقت مش طايقني اصلا ! "كملنا اليوم وده يعتبر فرح لاني مكنتش عايزه اعمل فرح خالص ،روحنا الشقه بتاعته ودخلنا وقفل الباب وبصلي فاتكلمت بسرعه وانا رافعه ايدي _بص بقي انا مش عايزه ا _دي اوضتك ادخلي غيري هدومك يا ريم ونامي عشان انا مصدع ومش فايقلك "دخل اوضه تانيه وانا واقفه مصدومه هو بيقول ايه ! "دخلت اوضتي وغيرت ونمت من الارهاق مش فاهمه اي حاجه بتحصل اصلا يعني مش هيقولي انتي مراتي و الكلام ده احسن انا عايزه انام . "اليوم التاني كنت بحاول افتح عيوني لما حسيت بحاجه علي وشي قومت من النوم لقيته قاعد جنبي كنت هصوت بس حط أيده علي بوقي _انا جوزك يا مجنونه ،هشيل ايدي بس اياك تصوتي "هزيت راسي بهدوء فبعد أيده وهو بيبتسم بصتله بغضب _انت بتعمل اي في اوضتي هنا _بصحيكي ايه عادي _لا مش عادي انت ازاي تدخل عليا وانا نايمه _انا ادخل في اي وقت وانتي نايمه أو بصتله بصدمه _او ايه هز كتفه بلامبلاه _او صاحيه عادي _اطلع بره ومتدخلش عليا اوضتي _هدخل اوضه الوزيره يعني اتنيلي يلا حضريلي الفطار _وانا احضرلك ليه _عشان انتي مراتي معروفه يعني ! _بس انا مبعرفش أحضر اصلا _ايه يعني اتنصب عليا ازاي مبتعرفيش تجهزي الفطار _انت هتستعبط ما انت عارف اني مبعرفش اعمل اكل _ما انا عارف انا حضرته وتعالي افطري معايا _مش هفطر معاك اصلا انت مين عشان افطر معاك _عارفه لو مفطرتيش معايا هعمل ايه _هتعمل ايه يعني _ولا حاجه موتي من الجوع "خرج ببرود البارد ،وانا قعدت شويه بس ثواني انا جعانه اصلا مكلتش من امبارح قومت ولقيته قاعد علي السفره زي ما يكون مستنيني شافني ابتسم ومسك ايدي وقعدني _يلا كلي _ا _كلي بقي يا ريم وانتي ساكته ! _متكلمنيش كده انت بتكلمني كده ليه اصلا "اتجاهل كلامي وبدانا ناكل ،خلصنا الاكل وشلت الاطباق وهو ساعدني دخلت البلكونه وقعدت فيها بعد شويه لقيته بيمد أيده بكوبايه شاي وماسك واحده وقعد قصادي _اي رايك في كوبايه الشاي بقي _انا لسه شربت ! _لما تشربي قليلي _طيب سبني اشربها بقي _قوليلي اي رايك في ذوق شقتنا _قصدك شقتك دي _لا شقتنا مش شقتي لوحدي اي رايك بصيت حواليا_عارف كان ناقصها ايه بصلي بانتباه_ايه _زهريه ورد هنا والجانب ده برضوا زهريه نسقيها كل يوم الصبح كده انا كنت بحلم بكده _عارف بس نسيت بكره إن شاءالله وانا راجع من الشغل هجيب وانا جاي _انت راجع الشغل بكره ! _اهه فيه شغل مهم في الشركه ولازم اروح عشان _اوكي "قومت شيلت الكوبيات من مكانا وكنت همشي بصتله _علي فكره الشاي جميل "بصلي وابتسم ساعات كتير بحس مالك طفل صغير فيه جزء من جواه طفل بأقل كلمه تراضيه وتخليه مبتسم طول الوقت ،ساعات ببقي عايزه اتضايقه بس منكرش انه وجوده مهم في حياتي من وانا طفله بس الجواز جه بسرعه مكنتش حاطه الموضوع في دماغي طول عمره اخويا اللي واقف جنبي وبيدعمني #ايمان_صالح "تاني يوم نزل الشغل وحسيت بفراغ هو مش المفروض اننا عرسان وكده بيسبني ليه ! "طول اليوم حاسه بملل كنت قاعده وقررت اعمل اكل انا جعانه ومفيش اكل ،دخلت المطبخ ومش عارفه اعمل ايه اول مره ادخل مطبخ اصلا ! "افتكرت الاكل الفي تلاجه فتحت ولقيت مكرونه واكل كتير طلعت المكرونه وفراخ وقولت اسخن الاكل ،سمعت صوت موبايلي لقيته بيرن قربت لقيت مالك _الوو _احلي الوو في حياتي اتكسفت _والله بتهزر صح _لا مبهزرش صوتك جميل في الموبيل _عايز ايه يا مالك _عايزه حاجه اجبهالك وانا جاي _لا شكرا _متاكده _اهه متأكده سلام "قفلت لما شميت ريحه شياط اتخضيت وجريت علي المطبخ الاكل اتحرق منك لله يا مالك ،طلعت من المطبخ بأحباط سمعت صوته وهو بيفتح الباب قرب عليا بقلق _مالك يا ريم بتعيطي ليه _الاكل اتحرق _في داهيه يا ريم خضتيني عليكي قومت بغضب _كله بسببك قعدت ترغي لحد ما اتحرق _انا _اهه انت وسع انا داخله انام "دخلت الاوضه بيغيظ مش منه من نفسي لاني مبعرفش اعمل اكل أساساً "بعد شويه لقيته داخل الاوضه وحط الاكل قدامي _ايه ده _يلا كلي يا آخره صبري _مش هاكل _لا متعمليش فيها مكسوفه انا عارف انك مبتعرفيش تدخلي المطبخ ايه دخلك اصلا ! _ملكش دعوه _يلا كلي معايا بقي _لا _انا عارف انك بارده انا غلطان اصلا انا خارج "لسه هيشيل الصينيه شديتها منه بسرعه _لا انا جعانه هات "بصلي وضحك ،قعد كل معايا وقام يغير هدومه وخد موبايله كان بيرن ودخل الاوضه يرد عليه ، دخلت المطبخ لقيت علي الرخامه شيكولاته وورقه مكتوب فيها _انا عارف ومش ناسي انك بتحبي الشيكولاته "خرجت بره لقيته واقف ومبتسم _انت جبت الشيكولاته دي ابتسم بسخرية _لا خيالي _علي فكره انت رخم _بس بحبك والله "بصتله بصدمه فضحك ودخل الاوضه بتاعته وانا واقفه متنحه اصلا . #ايمان_صالح _ريم انتي فين _انا في المطبخ _مش قولتلك متدخليش المطبخ انتي بتعملي كوارث اصلا _علي فكره عملت اكل حلو استني هجهز الاكل ودوق "جهزت الاكل كان غير هدومه حطيته قدامه وبدأ يأكل وانا متوتره اصلا _ها اي رايك ابتسم _اكلك حلو تسلم ايدك يا حبيبتي "اتكسفت وقومت وانا متوتره مسك ايدي _ايه هو انا بقول كده عشان تقومي كلي معايا _بس عايزه اقوم _ايه ده انتي بتتكسفي زينا _والله انت بارد يا مالك _بس بيحبك والله "حياتنا بدأت تتغير وشخصيتي كمان حاولت اتلاشي فكره أننا متجوزين غصب وبدأت اقرب منه و احبه كمان! "كنت واقفه في شقتنا كالعاده بجهزها قبل ما يجي فجأه جاتلي رساله من رقم غريب _جوزك اللي بتحبيه وعامل انه بيحبك معايا في النايت كلب لو يهمك أمره تعالي شوفيه وهو في حضني ده العنوان "استغربت الرساله مين دي يمكن تكون اتبعتت غلط سكت شويه ،بس بعدها الفضول معقول مالك مش مصدقه اصلا "لبست وقبل ما أنزل رنيت عليه مكنش بيرد عليا زي ما اتعودت رنيت تاني تليفونه كان مغلق روحت المكان وياريتني ما روحت بصيت عليه لقيته بيرقص في حضن واحده ومبتسم وهي مميله عليه جامد وبتضحك! يتبع..... #حكايات_ايمي #ايمان_صالح#اسكريبت2 "قربت وانا مش عارفه اتصرف معقول طول الفتره دي كان بيضحك عليا ويخوني مش عارفه اعمل ايه ولا في دماغي ايه بس قربت منهم بهدوء وانا جوايا نار بتحرقني عمري ما اتوقعت احس الاحساس ده لما اشوف مالك كده قربت منهم فهي شافتني ووقفت قدامه وهو وراها مش شيفاه بتحاول تحجبه عني اتكلمت بثقه وهي بتخفيه _شوفتي بقي طلع بيخونك وانتوا لسه متجوزين جداد _مالك _مش هيرد عليكي انتي مستنيا ايه يقولك مش بخونك يلا روحي بقي وشوفي كنتي بتعملي ايه _وانتي مين بقي وتتكلمي عنه ابعدي كده _انا حبيبته وانتي بقي تبعدي عنه لانه مستحيل يكون ليكي _ده جوزي وانا عمري ما شوفت حد بالبجاحه دي كده وسعي "حاولت أوصله وهي بتبعدني فزقيتها بعيد وقربت منه لقيته بيفتح عيونه بالعافيه _مالك انت بتعمل ايه هنا بصلي وضحك وحضني وريحته مش حلوه خالص ده سكران ! _انتي جيتي يا ريم انا بقولها من الاول بحبك ومش سمعاني انا بحبك "وقع بين ايديا بصدمه وهي حاولت تقرب مني بس فشلت ركنت علي جنب وطلعت من شنطتي ازاي مياه وحاولت افوقه مبيفوقش حاولت تقرب منه بس ضربتها في وسط الناس وهي بصتلي بغل ومشيت ،قربت منه وفوقته بالعافيه سحبته طلعته بره وهو مش حاسس بنفسه ،فتحت العربيه وخدت منه المفتاح وسوقتها ووصلنا البيت ونزلنا ودخلته وفتحت الشقه وهو تايهه نايمته علي السرير محسش بحاجه بعدها . طلعت بره وقعدت لوحدي وانا بفكر اعمل ايه افتكرت كل مره حاول يكون معايا وجنبي حاول يساعدني طلع في الاخر بيخوني افكار كتير في دماغي مش عارفه آخرها ايه ،افتكرت في مره لما روحت عنده الشغل والبنت دي كانت هناك وكانت دايما واقفه معاه دايما بيكون فيه بينهم شغل بس مالك طول الوقت مكنش بيتكلم معاها كتير وطول ما انا واقفه كان دايما يقفل معاها الكلام بس هي كانت بتحاول بشتي الطرق تكلمه ! "من تعبي وارهاقي نمت مكاني من غير ما احس بأي حاجه نهائي ،فتحت عيوني وحسيت بصداع مسحت عيوني وفتحت عيوني لقيت نفسي في سريري ايه جبني هنا ! وكنت لسه هقوم من مكاني لقيت مالك قرب مني ومسك ايدي! _ريم انتي كويسه ايه نيمك بره اوضتك كده ! بصتله شويه ومردتش عليه حاولت اقوم دماغي لفت وكنت هقع بس سندني! _براحه يا ريم متقوميش شكلك تعبان اصلا حاسه بأيه ! _مش حاسه بحاجه شكرا _شكرا !انتي بتقولي ايه يا ريم استني هتصل بالدكتور _دكتور !عامل انك خايف عليا اوي ! _ومخفش عليكي ليه مش مراتي ! _مراتك ! عشان كده خونتني بصلي بصدمه _خونتك !خونتك ازاي انا مخنتكيش يا ريم _بطل كدب بقي انت خونتني وانا شوفتك بعيني انت كنت بتخدعني طول الفتره دي كلها ! _بخدعك ازاي بس فهميني وقوليلي شوفتي ايه انا مستحيل اخونك يا ريم مستحيل انتي عارفه كويس اني بحبك اتعصبت_انت مبتحبنيش انت خونتني ويا عالم من امتي من حقك تعمل كده طالما لقيت اللي بعوني ليك بسهوله ! "دخلت اوضتي وقفلت الباب وعيطت انا مش زعلانه غير علي نفسي اني هونت عليه كده ! Eman Saleh "سمعت صوت تخبيط علي الباب وببقولي افتحي طلعت بشنطه هدومي وبصتله _ايه الشنطه دي يا ريم ! _انا ماشيه يا مالك سيبالك البيت اشبع بيه _اشبع بأيه انتي مجنونه يا ريم ماشيه ليه مش فاهم _لما تفهم يبقي تعلالي كويس أن احنا في الاول مسك الشنطه وحاول ياخدها _مش هتمشي بقولك غير لما افهم _سيب الشنطه يا مالك انا كده كده ماشيه مش هعيش معاك تاني خلاص ! _ريم اهدي وقوليلي فيه ايه تعالي نتفاهم _مفيش تفاهم بينا أنا ماشيه _مش هتمشي هاتي الشنطه دي "شد الشنطه من ايدي جامد فبصتله بعصبيه _عجباك خدها برضوا همشي "مسك ايدي _يا ريم اعقلي وقوليلي في ايه اتعصبت _انا مجنونه روح للعقله اللي كانت معاها امبارح بليل "سيبته في صدمته ومشيت انا مش هرجع غير لما اعرف فيه ايه ! مالك_ كنت واقف في صدمه هي عرفت ازاي اني كنت هناك و كان معايا واحده ، حسيت بتشوش حواليا افتكرت لما راحتلي هناك و خناقتها مع ايه و لما جبتني هنا ،كنت مصدوم ازاي حصلي كده وازاي كنت برقص معاها انا اخر حاجه فاكرها لما كنت بكلم ايه و وهي عرفت مكان ازاي يا بنت ال .... "غيرت هدومي بسرعه وروحت مكان شقتها اكيد هي موجوده هناك لما اشوفك يا ايه الكلب ،خبط علي الشقه ولقيتها فتحت شافتني ابتسمت واترمت في حضني زقتها بعيد _ابعدي ايدك ال و...دي عني _فيه ايه بس يا بيبي هي مراتك سابتك عادي و جت " شدتها من شعرها جامد _ايه اللي خلاكي تعملي كده يا ... انتي قرفك كمان وصلك لكده تبعتي مراتي لحد هناك ضحكت بصوت عالي وهي بتبعد أيدها _ايه ده هي زعلت ولا ايه مكنتش اعرف ان قلبها رهيف كده وهتقع بسرعه وتزعل لو كنت اعرف ان الحبايه هتخليك دايخ ومش شايف قدامك و تبقي في حضني كده وهي يتحرق دمها كده انا كنت عملتها من زمان ! "ضربتها بالقلم _بقي انا كنت جاي وقولت اخد منك ورق الشغل وهعفوي عنك طلعتي بالوس ....ومكتفتيش بسرقه الورق لا بتخربي بيتي كمان انا غلطان انا هسجنك بأيدي "زقتها ومشيت وانا بفكر اعمل ايه يا تري هرجع ريم ازاي ! "روحت شقتي الاول وقعدت افكر هعمل ايه وهترجع بسهوله انا مصدقت اقرب منها انا بحبها من زمان وهي مش حاسه بده كنت برخم عليها عشان بحبها ومصدقت بابا وعمي قالولي ووفقت . Eman Saleh . "خدت شور سريع ولبست وروحت بيت العيله بابا ساكن هناك وعمي كمان كل واحد واخد شقه بس حبيت استقل بمراتي وابقي قريب من الشغل كمان ،طلعت وخبطت علي شقتنا الاول شقه بابا و ماما فتحتلي وسلمت عليا _مالك حبيبي عامل ايه _الحمدلله يا امي اخبارك ايه _انا كويسه يعني سايب مراتك اول مره تيجي عند اهلها لوحدها كده ينفع كده يا مالك بعدت وشي بعيد_ما انا جايه اجيبها اهو يا ماما لفت وشي ليها _فيه حاجه مراتك جايه لوحدها ليه يا مالك ! _يا ماما جايا عادي ومفيش حاجه #ايمان_صالح سمعت صوت بابا من ورايا_مفيش حاجه اومال هي بتعيط ليه ومش راضيه تكلم حد _يا نصيبتي بتعيط ليه كده يا مالك عملت ايه _يا ماما مفيش حاجه هي قالت ايه يا بابا _مقالتش حاجه كل اللي قالته أننا وحشناها _طيب يا بابا انا طالعلها _مالك مهما يكون مراتك فيها ايه طيب بخاطرها مهما يكون انت ملكوش غير بعض "ابتسمت وبوست راسها وطلعت فوق وانا بدعي يارب الوقت ده يعدي بخير ،خبطت علي الباب وسلمت علي عمي ومرات عمي وقعدت شويه . _بقي كده يا مالك هي دي الامانه اللي امناك عليها ،تزعلها كده _يا وليه هي قالتلنا حاجه هي ساكته وبس انتي تعرفي مين مزعل مين _يعني هتكون مزعلاه وبتعيط مثلا يا حاج ضحك_بنت قادره وتعملها _بقي كده يا حاج _انا بهزر خدي مالك بس دخليه عندها وخليه يصالحها الوحده ملهاش غير جوزها ولا ايه "غمزلها فضحكت حقيقي بحب علاقه عمي بمراته كان نفسي اعمل كده مع ريم ! "خبط ودخلت عندها لقيتها قاعده علي جنب وزعلانه قربت منها وقعدت جنبها وسكت ! "فضلت شويه وبعدها اتكلمت _عامله ايه يا ريم "مردتش فاتنهدت وشديت شعري من التوتر وحاولت اتكلم _ريم انا ا _انا مش عايزه اسمع منك حاجه جاي ورايا ليه _عشان اقولك الحقيقه يا ريم _حقيقه! حقيقه ايه انا شوفتك بعنيه في كباريه في حضنك واحده و.... وبترقصه ومنسجم اوي حقيقه ايه يا مالك _يا ريم والله انتي فاهمه غلط _لا انا فاهمه صح انت من ساعه ما خطبتني وبيجيلك مكالمات كتيره وبتتوتر وتسبني وتتكلم بعيد لو مش بتعمل حاجه غلط هتتوتر وتبعد وتشد مني الموبيل ! _يا حبيبتي بس اتعصبت _متقولش حبيبتك انا مش حبيبتك ولا عمري هكون انت واحد اناني يا مالك حاولت اتحكم في اعصابي_طيب يا ريم افهمي والله البنت دي كانت شغاله عندي وخدت ورق وروحت اجيبه منها وهي حطتلي مخدر _انت فكرني عبيطه وهتضحك عليا بكلمتين وطالما خدت الورق روحت تاخده في كباريه لا صادق _علي فكره انا مبكدبش ده حصل فعلا انا كنت محتاج الورق ده وهي بعتتلي ناس عشان اخده منها وللاسف _متكلمش مش مصداقك وكل المكالمات و الخوف اللي كان بيظهر علي وشك ايه _عشان هي كانت بتحاول تكلمني وخوفت يقع في ايدك الموبيل توقع بينا وده فعلا اللي قدرت تعمله _ايه يثبتلي ان كلامك ده صدق مفيش اي دليل يوضح ده كل الدلايل ضدك وبدل انك للاسف خدعتني انا انا _ريم _انا مش عايزه اسمع كلمه طلقني وبس يا مالك ريم.. "محستش بحاجه بعدها وفقدت الوعي ،فوقت وبحرك ايدي لقيت ايدي مش عارفه احركها اصلا محطوط فيها كالونا لفيت وشي لقيت مكان غريب وانا علي سرير وبابا و ماما واقفين وعمي ومرات عمي و ومالك ماسك ايدي التانيه ،كلهم قربوا عليا و اطمنوا عليا وهو ساب ايدي بعد ما شديتها بضعف منه ،وقام وقف _رايح فين يا مالك _نازل تحت اجيب اكل يا ماما انتوا ماكلتوش وريم كمان مكالتش حاجه بعد اذنكم "سابنا ونزل وانا مش مستوعبه انا فقدت الوعي من كتر الزعل هو انا زعلت وحزنت ليه حاسه كل ما افتكر الموضوع ده بتخنق! مالك _ "نزلت اجيب اكل وانا تايهه ،لما وقعت من أيدي كنت حاسس ان قلبي هيوقف وروحي هتروح مني حاولت افوقها معرفتش وموبيلي فصل شحن شلتها وطلعت بره وعمي ومرات عمي قربوا بسرعه واتخضوا عليها نزلنا بسرعه وروحنا المستشفي وبابا وماما شافونا وجم ورانا ،فضلت قاعد جنبها طول الليل وانا خايف عليها مش عارفه اصلا من غيرها اعيش ازاي بس لما اشوفك يا ايه و الزفت التاني ده كمان ،جبت الاكل وطلعت فوق اديت لعمي و مرات عمي وبابا و ماما الاكل وانا اخدت اكلها وروحت قعدت جنبها همست_يلا كلي يا ريم _مش عايزه منك حاجه _كلي يا ريم بلاش عند _مش عايزه منك حاجه قولت _انتي ليه عنيده كده _وانت ليه قلبك قاسي كده _من بعض ما عندكم يلا افتحي بوقك ده عشان تاكلي همست بعصبيه_مش هاكل من ايدك ومش عايزه ابعد بقي ،يا ماما خديه عندك _فيه ايه بس يا ريم يعني هو غلطان انه بيأكلك _ااه غلطان خليه يا بابا يبعد عني _هات الاكل انا هأكل بنتي ،انا نفسي اعرف ايه الحصل بينكم يخليكم عاملين كده ده احنا لما جينا عندكم بعد الجواز مش كنتوا كده ! _ااه يا مالك قولنا فيه ايه طالما مش عايزه تقول _عمي هو _يا بابا مفيش حاجه خليه بس يبعد عني "اتكلمت وانا بعيط ،قرب مني ومسك ايدي وباسها بهدوء _انا اسف غصب عني وجعك ده والله "بعد عني وماما ساعدتني اكل وانا كملت لوحدي ،خلصت وقالوا هروح بيت العيله وهفضل عند شقه عمي عشان هي في الدور الارضي الأقرب ليا ،الاول اعترضت بس مرات عمي صممت وشافت اني هكون قريبه منها عشان مش هتقدر تطلعي كل شويه تطمن عليا ،بعد القرار ده دخلت اوضه مالك عشان مفيش غير اوضه جاهزه دخلتها وقعدت فيها نفس شكل الاوضه اللي في شقتنا هناك ،شقتنا !شقته ،نمت بعد ما مرات عمي وماما جابولي اكل وصحيت علي حركه علي وشي وهمس بأسمي صحيت بخضه لقيت أيده بطبطب عليا بهدوء _براحه انا اسف زعقت_انت ايه دخلك هنا _انا عارف انك مش متقبلاني دلوقتي بس انا حبيت أسألك قبل ما انزل الشغل محتاجه حاجه مني بعدت وشي _لا شكرا مش عايزه منك حاجه اتنهد بضيق_ماشي يا ريم انا ماشي خدي الفلوس دي خليها معاكي لو احتاجتي حاجه وموبيلك اهو علي الشاحن هبقي ارن عليكي يبقي رني عليا ماشي سلام يا ريم "باس راسي ومشي وانا بحاول افكر يا تري فين الحقيقه انا بشر وشوفت بعيوني اكيد عيوني مبتكذبش بس ممكن مالك مش يكون بيكذب ! مالك _ "روحت الشغل وانا بفكر فيها خايف عليها بس اللي مطمني انها في وسط أهلي قلبي مقبوض من امبارح وبقالي يومين بحلم بكوابيس مبتسبنيش ،رنيت عليها مردتش رنيت تاني ردت ،قولت بسرعه _ايه يا ريم _نعم _انتي كويسه اتنهدت_الحمدلله _انا كنت قلقان عليكي يعني كويسه دلوقتي _اه _طيب خلي بالك من نفسك _سلام "قفلت وانا اتنهدت هي عنيده بشكل لا يوصف من حقها بس مش عارفه اثبتلها ازاي ،خلصت شغل و روحت البيت وانا مرهق وبفكر بصيت علي باب الشقه بتاع بابا لقيته مفتوح غريبه عمرهم ما سبوهم مفتوح كده دخلت الشقه وسمعت صوت قربت من اوضه ريم بخضه لقيتها مربوطه وشخص مش باين وشه حاطط سك*ينه علي رقبتها ! يتبع... #ايمان_صالح#اسكريبت3 بصيت عليهم بخوف ،لفيت في الشقه لقيت بابا و ماما متربطين كمان وباين عليهم اغمي عليهم مش حاسين بحاجه فتحت الموبيل وبعت رساله لصاحبي وقفلت ،دخلت اوضتي بسرعه وطلعت مسدس وحاجه تاني حطيته في جيبي ،وانا بدعي ربنا انه يحفظها دخلت بهدوء ،دخلت الاول عند بابا و ماما وفكيتهم و الاول وخرجتوهم بره يطلعوا عند عمي فوق قربت من الماسك السكينه بعد ما خدرت الواقف جنبه وخبطت أيده وضربته جامد ضربت وانا مش شايف قدامي حاول يقوم بس كنت بضربه بصيت عليه لقيته بينزل دم من وشه من كتر الضرب ،البوليس جه وخدهم بعد ما فكيت ريم قربت منها وحضنتها بهدوء وانا خايف عليها جدا مكنتش متخيل انا شايفها ازاي وهي السك*ينه علي رقبتها احساس بشع ان بينك وبين اللي بتحبه خطوات وهو بيواجه الموت قدام عيونك _حبيبتي انتي كويسه _مالك انا اسفه والله هي كانت و بصتلها بجمود_ششش اهم حاجه انك كويسه دلوقتي "سيبتها وخرجت انا بحبها وجدا كمان بس هي مش حاسه بده خالص #ايمان_صالح ريم ** "كنت قاعده في الشقه لوحدي بعد ما قفلت معاه وبدعي ربنا يحفظه انا خايفه عليه من ساعه ما لقيته عندها ،كنت خايفه عليه منها ومش عارفه اتصرف ازاي بعد ما هددتني بيه وانا في البيت بعد ما روحت ،كنت قاعده وانا عارفه ومتأكده انها عملتله حاجه انا حاسه بيه كويس ،وقولت انا يقوم اكيد هيحكيلي بس للأسف وقتها بعتتلي رساله تهديد وأنها زي ما خليته يروحلها وعملت كده هتحاول تأذيه و جدا كمان وهتقدر وكمان الورق لسه معاها وتقدر تعمل بيه اي حاجه لو مبعدتش عنه ،حاولت افكر في حل بس معرفتش الورق معاها وكمان بعتتلي فيه واحد مستنيه تحت في اي وقت ،قررت وقتها اروح بيتنا ولاني عارفه مالك متمسك بيا قولتله كده وهددته بالطلاق ،لما جالي وانا متأكدة انه مش هيأخر عشاني وهيجيلي بسرعه بعتتلي وقتها ورق مذور بأسم مالك وهي فعلا هتأذيه لو قربت منه ،ساعتها من الخوف والزعل عليه وعلي حياتنا قررت اطلب منه الطلاق بثقه و ابعد عنه بس من كتر خوفي وقلقي عليه فقدت الوعي وهو واقف جنبي ،محستش غير وهو جنبي لما قومت من فقدان الوعي كنت مقرره احكيله كل حاجه بس تراجعت لما حسيت انه ممكن يتقبض عليه بسببي ،ولما رجعت بيت عمي مكنتش عايزه اقعد فيه خوف علي حياته ،ولما كلمني وقفلت معاه ساعتها ناس دخلت الاوضه فجاه وربطوني وواحد حط سك*ينه علي رقبتي ،لما جه و خلصني منهم مكنتش مصدقه خلاص يعني هو اكيد هيكون عارف انا عملت كده ليه ! "طلع عند بابا و ماما وبعدها كلهم نزلوا اطمنوا عليا وهو راح القسم مع عمي وبابا ،قعدت استناه وانا قلقانه هياخده أقواله ،بعد فتره دخل الاوضه وقعد قصادي فمرات عمي اتكلمت _ها يا حبيبي حصل ايه اتنهد _مفيش يا ماما هناك بيستجوبه العيال اللي عمله كده وهيعرفوا مين ورا الحكايه دي ردت بطيبه_منهم لله اللي كان السبب حسبي الله ونعم الوكيل قام وقف _حصل خير يا امي _انت رايح فين يا ابني _راجع شقتي يا امي _طيب ومراتك بصلي بجمود ومال عليا فجأه وشالني _اكيد مش هسيبها هنا يعني ! "اتخضيت وحاولت انزل بس همسىلي _اثبتي عيب احنا قدامهم اتكسفت_انت ا نزلني بصلي بضيق_ليه عايزه تقعدي هنا رديت بسرعه _لا طبعا _خلاص يبقي اسكتي Eman Saleh. "روحنا البيت ودخلني اوضتي ووقف _لو احتاجتي حاجه يبقي نادي عليا _مالك _نعم عايزه حاجه _انا اسفه يا مالك انا فيه _مش عايزه اتكلم في الفات يا ريم خلاص ! "سابني وطلع اكيد هو متضايق مني وانا اللي قولت خلاص هنرجع طبيعي طلعت غلطانه ! "حاولت اقوم من مكاني بس حسيت بصداع قولت لازم أقاوم قومت وطلعت بره لقيته واقف في المطبخ ! _انت بتعمل ايه بصلي بحده _انتي ايه اللي قومك من مكانك _كنت جايه اشوفك زعق_انا قولتلك تقومي من مكانك ارجعي اوضتك يلا _انت بتزعقلي كده ليه _عشان انتي مبتفهميش ! _انا مبفهمش يا مالك _طبعا لو بتفهمي مش كنتي هتقومي من مكانك كده وانتي تعبانه لو كنتي عايزه حاجه كنتي نديتي عليا ! "بصتله بضيق ودخلت اوضتي ليه حقه اللي بيعمله ما انا مكنتش بسكت برضوا ! "بعد شويه لقيته دخل وحط الاكل قدامي _يلا كلي لفيت وشي _مش عايزه اكل _يلا يا ريم كلي انا مش بتحايل علي بنت اختي ! _لا محدش طلب منك تتحايل عليا _طيب يلا كلي "مد أيده بالمعلقه فابتسمت واكلتها منه بصلي شويه وقام _لو عوزتي حاجه ابقي نادي عليا متقوميش من مكانك _اه انا عايزه حاجه رد بسرعه _عايزه ايه _عايزاك تسمعني وحياه اغلي حاجه عندك بصلي بضيق وقعد _عايزه ايه _عايزاك تسمعني للآخر وبعد كده أحكم عليا . "بدأت احكي ليه كل حاجه حصلت من ساعه الرساله لحد ما دخل عليا ولقي واحد ماسك سك*ينه ووريته كمان المسدچات وتسجيل المكالمات "بصلي شويه بصدمه واتكلم _وانتي عملتي كل ده ليه اتكلمت بدموع بحاول اخفيها _عشان خايفه عليك _كل الايام دي عشان خايفه عليا و تخلي واحده و...زي دي تستغلك ! _هي ورتني ورق يا مالك _الورق ده اصلا مذور وانا روحت قبلها عشان ارفع قضيه عليها وكمان روحتلها البيت وضربتها عشانك _وانا والله عملت كل ده عشانك _عارفه من شويه صغيرين لسه جايلي مكالمه انها السبب في انها بعتت الراجلين دول عندنا مع قضيه التذوير وخلاص اتحكم عليها ! عيطت _مكنتش اعرف انها كده مكنتش اعرف انها بتضحك عليا انا كنت خايفه عليك انا بصلي ومسح دموعي وضحك بمرح _متعيطيش وانا اللي كنت فاكرك قويه طلعتي ضعيفه مسكت في الچاكت بتاعه _انا قويه بيك طول عمري بستقوي بيك انت وبس يا مالك انا بحبك ضحك وعيونه لمعت وضمني ليه _وانا معنديش اغلي منك يا عيون مالك بعشقك "انتمي إليك بكل تفاصيلي وارغب في الحصول على جزء من قلبك 🧡🦋 #حكايات_ايمي #ايمان_صالح

مقالات ذات صلة

اسراء هانى ج٤

هتد.خل علي بنتي

لقيت عمي

هربت لتسكن قلبى بقلم رحمه محمد ج٣

اترك تعليقاً إلغاء الرد