_خلاص العبوا كلكم مع بعض _بس يا طنط همست في ودنه _مش قولتلك هجوزهالك لما تكبروا _اه “جري قعد جنبهم وبعد شويه سمعوا صوت ضحكهم مع بعض ابتسموا علي طفولتهم البريئه #ايمان_صالح “”بعد مرور أعوام “” كانت واقفه والغيظ ماليها وهي شيفاه بيكلم بنات الشركه وهو اصلا مش بيكلمها ،سحبت ورق وقربت منه بغيظ _بشمهندس سيف اتفضل شوف الورق ده بص للبنت اللي واقفه معاه بابتسامه راسميه _خلاص روحي انتي يا هيدي هاتي يا بشمهندسه لوچي
جزت علي اسنانها_بشمهندسه كمان _بتقولي حاجه _لا بقول امضيلي الورق ده _هاتي كده وريني “فضلت واقفه تبصله وتتأمل فيه وهو اتكلم _اتنين كيلو طماطم! بصتله _طماطم طماطم اي يا بشمهندس _اتنين كيلو ملوخيه _ملوخيه! اتعصب_انتي جايبه الورق ده لي عشان تطبخي ولا شغل _يا سيف بس _روحي شغلك يا بشمهندسه وبلاش ترفعي الألقاب “خدت الورق بغيظ وهي بتاكل في نفسها ألقاب اي دي بنت خالته ! #ايمان_صالح “روحت وهي بتنفخ بضيق هتفضل ل امتي تحبه وهو بيبعد عنها !
“دخلت شقه خالتها بغيظ و قالبه وشها و كانت قاعده مامتها و خالتها _يا ستير يارب قالب وشك لي كده _بصي يا طنط خلي ابنك يتعدل احسن _سيف عملك اي تاني _قال اي كلميني ومترفعيش ألقاب و بشمهندسه و نينيني و كلام كتير مفهتمش منه حاجه لا انتي تفهميه ان انا غير و يعاملني و كويس و ميتكبرش عليا هو يدوب مدير الشركه ومغرور و _واي كمان “كانت بتتكلم و خالتها بتبرق سمعت صوته ووقفت مكانها وبصت عليه لقيته واقف و مربع أيده
_ها _بقولك اي كمان حملي يا لوچي ماله مدير الشركه _لا لا ده انا بقول متواضع و كل الناس بتحبه وانا بحترمه و و يا ماماااا _خلاص خلاص انتي هتعيطي طالما مش قد الكلام متتكلميش _انا انا ماشيه يلا يا ماما #ايمان_صالح مشيت وهي بتبرطم من بروده _طالما مش قد الكلام متتكلميش و نينيني ها “كانوا واقفين وهو بيبتسم عليها و دخل اوضته و قلع چاكت بدلته وهو سرحان “دخلت اوضتها وهي بتتكلم _ماشي يا سيف ماشي يا سيف انا عارفه هو بارد أساساً وبيتجاهلني ماشي
“تاني يوم في الشركه كانت واقفه وهو بعتلها راحتله و عطته الورق وبصلها _ملوخيه و طماطم تاني ؟ _لا يا افندم ده ورق الشركه بجد _طيب “شافوا و مضي عليه و عطهولها و اتكلم بتهكم _ابقي ركزي بعد كده في اللي في ايدك و ااه بطلي تبرطمي وانتي ماشيه _انا ده انا حتي طيبه و غلبانه و _علي مكتبك يا بشمهندسه #ايمان_صالح “بصتله بقرف و مشيت و بعد ما خلصوا نزلت و جت تشاور ل تاكسي وقفها صوته
_يلا اركبي _لا مش هركب معاك انا هركب تاكسي _اركبي يا لوچي _لا _اركبي ولا انتي بقيتي مجنونه مش كنا بنروح مع بعض اي غيرك _من ساعه ما قولتلي حطي ألقاب و نينيني _ده جوا الشركه بس _جو الشركه زي بره يا بشمهندس _طيب اركبي يا لوجي اخلصي _لا فتح الباب وبصلها وابتسم بأرهاق_اركبي لاني بجد هموت وانام مش حمل مناهده خالص النهارده “ركبت بهدوء وهو ساق العربيه وباين عليه مرهق جدا كنت سرحانه وبصتله
_استني يا سيف وقف بخضه _في اي _استني ثواني احمد هناك اهو _اي #ايمان_صالح “مسمعتش كلامه و نزلت عنده بسرعه و سلمت عليه كان واقف قدام السوبر ماركت _يا رخم مقولتش لي أنك رجعت من البلد _لسه راجع النهارده والله المهم خدي شيكولاته _الله ميرسي يا احمد _العفو يستي سيف جه علي كلامهم ووقف بضيق _مش يلا يا لوچي ولا اي _روح انت يا سيف وانا هرجع مع احمد _نعم انتي مروحه معايا انا
_لا خلاص هروح مع احمد _خلاص يا سيف هي هتروح معايا بصلها بشر و غيظ _مش هروح من غيرك خالتي هتسال عليكي اقولها اي _قولها اني راجعه مع ابن عمي فين المشكله _والله _اهه والله روح بقي يا سيف انا هركب معاه العربيه “بصت ل احمد وابتسمت ومشيت معاه ركبت العربيه و سيف بيطلع نار من ودانه ووشه احمر . “سيف وصل البيت و خالتوا سألتوه _فين لوجي يا سيف
بصلها بضيق_راجعه مع احمد ابن عمها _ماشي يا حبيبي طيب انت متضايق لي _انتي بتسأليني ولا حاجه سلام “دخل اوضته وهو متضايق جدا فضل واقف في الشباك لحد ما لمحهم. نازلين من العربيه وفي أيدها علبه شيكولاته وهي بتضحك مع احمد بصلهم بضيق و غضب وقفل الشباك . “تاني يوم نزل ووقف مستنيها عشان يوصله الشركه مع بعض لقيها نزله هي وأحمد ،بصلها بضيق وفتح العربيه _اركبي _لا يا سيف احمد هيوصلني
_نعم لي ما انا رايح _عادي يا سيف هو هيوصلني لشركه فيها أي _وهو يوصلك بتاع اي اصلا _ابن عمي يا سيف يلا سلام “ركبت معاه العربيه ومشيت وهو واقف ناقص يولع فيهم هما الاتنين ،راح الشركه وهي متجهلاه تماماً غير العاده ،كان بيفضل قاعد انها تجيلوا مكنتش بتيجي ولو جت تمضي الورق وتمشي علي طول . “فضل متضايق انها مبقتش معاه هو اه كان بيرخم عليها بس مش لدرجه تسيبه ممكن ترخم عليه هي كمان .
“كان واقف قدام العماره وهو مستني خلاص قرر يتكلم معاها و يعبر عن مشاعره تجاهه،شافها نازلين من العربيه حاول يتجاهل شعور انه متضايق و متعصب منهم شافها قربت وقفها _لوچي استني _نعم يا سيف بصلها في عيونها وحاول يتكلم و يعبر عن اللي جواه كل حاجه فيه بتقول انه بيحبها ومش هيسمح انه ياخدها منه قرب منها وابتسم _لوچي بصي انا “لسه هيتكلم والد لوچي قرب منه وابتسم _انتوا واقفين كده لي
_عمي انا كنت _تعالوا بس ادخلوا ده انا كنت هقولك خبر حلو احنا قررنا نعمل خطوبه احمد هيتجوز لوچي _نعمم يتبع…… انتمي إليك بكل تفاصيلي وارغب في الحصول على جزء من قلبك 🧡🦋 #حكايات_ايمي #ايمان_صالح ها اكمل ولا لا وقولوا رأيكم ويا تري هيحصل ايباقي #الاسكريبت وقف الكل في ذهول وصدمه قطع الصمت ده سيف بصله بصدمه _حضرتك بتقول اي يا عمي _اي انت متعرفش أن انا و ابو احمد كنا متفقين نجوز احمد ل لوچي ولا اي ؟
_لا اول مره اعرف الكلام ده صح يا لوچي بجد _يلا اطلعوا وتبقي تقولك بعدين دلوقتي لازم نطلع فوق #ايمان_صالح “طلعنا كلنا بصدمه وانا مش عارف اي الكلام ده الكلام ده جديد عليا انا انا كنت بحبها و لحد دلوقتي مكنتش اعرف انهم مخططين انهم هيجوزوهم لبعض طلعنا وقفنا قصاد الشقه و سمعت والدها بيقول ادخلوا وقفت بجمود _بعد اذنك انا داخل شقتي _رايح فين مش هتحضر معانا _اسف يا عمي جدا بس انا تعبان الف مبروك ليهم
“قبل ما اسمع كلام تاني و دخلت الاوضه بصمت وانا بحارب نفسي مصرخش بصوت عالي انا مش عايز اخسرها انا انا بحبها قلعت چاكت بدلتي واتراميت علي السرير وانا بحاول اتنفس بهدوء . لوچي : “لما سمعت الكلام ده اتصدمت وكنت عايزه اقول اصرخ احمد لا انا عايزه سيف سيف بس ،حاولت اشوف رد فعله الأول بس صدمني لما لقيته بيبارك ..بيبارك علي اي ده عشان اتجوز غيره ! سيف “كنت نازل اروح الشركه نزلت بسرعه مش عايز اتكلم مع حد مش عايز حتي اشوفهم مع بعض !
“نزلت وقابلت خالتي في وشي هي اتكلمت _سيف عامل اي كنت فين امبارح بصتلها بعتاب _انتي كنتي عايزاني احضر وهما قاعدين _ ليه لا _ليه لا انتي عارفه كويس اني مستحيل أحضر كده _لي يا سيف مش لوچي اختك _لوچي عمرها ما كانت اختي لوچي حبيبتي وبحبها من وانا صغير وانتي وعدتيني اتجوزها صح _بس كنت صغير زعق _واي يعني مشاعري زي ما هي انا بحبها وانتوا بكل بساطه هتجوزوها غيري
“لسه هتتكلم سيبتها ومشيت انا مخنوق ومتضايق ومش عايز ازعلها مني . “وصلت الشركه و دخلت مكتبي وقعدت وانا مخنوق قلبت في الورق و طلعت بره مش قادر حتي اقعد _اتفضل “سمعت صوتها وبصيت عليها لقيتها واقفه ومبتسمه بصتلها اوي _اي ده _دي شيكولاته بمناسبه قرايه فتحتي _نعم _انت متعرفش أن اتقرا فاتحتي امبارح ولا اي _يعني خلاص اتخطبتيلوا _اه _و كمان بتقوليها في وشي _الله في اي يا سيف انت مش هتفرحلي مش هتفرح ل اختك
زعق_انتي مش اختي يا لوچي _ماشي بنت خالتك مش هتفرحلي بردو “كنت لسه هتكلم فمشيت و نزلت من الشركه كلها ،كنت بلف بالعربيه وانا مش عارف انا رايح فين بس لو كنت وقفت شويه مكنتش اعرف اي اللي هيحصل هي فرحانه ! #ايمان_صالح “لفيت كتير وبعدين رجعت الشركه قولت هاخد الورق واروح او اي مكان ينسيني بس اي انا بحبها رجعت الشركه ووصلت كانت واقفه ومعاها احمد وبيضحكوا كان نفسي اضربهم او اعمل اي حاجه في وجع جوايا .
“قربت منهم بغيظ واتكلمت _انتوا واقفين بتعملوا اي لوچي اتكلمت باستفزاز_اتنين مخطوبين اي المشكله _فرحانين اوي بالخطوبه دي ردت بابتسامه_طبعا ما نفرحش لي انت تفرح واحنا لا _انا ماشي احمد اتكلم _استني انت مش لوچي شدته بسرعه وتوتر _يلا نروح عشان نكمل عزومه الخطوبه يا احمد بصتلهم بغيظ وشديت أيدها منه و كان ناقص اني اضربهم! “سيبتهم و روحت وانا بغلي لقيت والدها واقف اتكلمت بضيق _حضرتك بقيت مبسوط اوي انك خطبتهم لبعض
ابتسم _ومفرحش لي _عشان انا بحبها من زمان وكل الناس عارفه ده تيجي بسهوله تديها لبنت اخوك ! _بتحبها!من أمتي _من واحنا اطفال انا مش هقدر اتحمل اشوفها مع غيري انا بحبها _اممم وبعدين _انا عارف اني اتاخرت شويه بس والله انا كنت جاي اتقدم ارجوك متجوزهاش ل احمد ضحك _ما انا فعلا مش هجوزها ل احمد _نعم و الخطوبه _انا كنت فعلا هخطبها ل احمد بس عرفت أنه مينفعش لأن خالتك كانت مرضعاه وهو صغير يعني حرام هما اخوات و خالتك قالتلي انك طلبت أيدها و عايز تتجوزها وانا وافقت بس لوچي مرتضتش تخلينا نقولك
“كان بيسمع بصدمه وبصله _يعني هما اخوات _ايوا اخوات _و لوچي مقالتليش لي و “سكت شويه وبعدها نزل بسرعه كانت نزلت من العربيه قرب منها بغضب _وانتي مقولتليش لي انكم اخوات و مقولتيش لي أن عمي وافق اتجوزك _ا انت عرفت _طبعا عملتي كده لي وانتي عارفه اني بحبك _كان لازم اعمل كده اغيظك شويه يعني اسكت وانا بحاول اوريك حبي ليك وانت بتغظني و بتتبارد عليا كان لازم تحس
“احمد بصلهم وضحك_هسيبكم انا بقي وهروح اتجوز هنا باي مشي وسيف شدها من أيدها وقربها منه _يعني كنتي بتغظيني _ايووا كنت بغيظك _طيب انتي متلوميش غير نفسك يا لوچي _يعني هتعمل اي يا سيف ضحك _هحبك اكتر ضحكت وقربت منه _بقولك تعالي معايا _اي #ايمان_صالح “شدتوا من أيده وطلعت فوق عند مامته و خالته وهي وقفت قصاد خالتها هتتكلم وهو وقف قصاد خالتوا هيتكلم واتكلموا في صوت _طنط انا عايز اتجوز بنتك
_طنط انا عايزه اتجوز ابنك “كلهم بصوا لبعض و ضحكوا وهو همس _بحبك “انتمي إليك بكل تفاصيلي وارغب في الحصول على جزء من قلبك 🧡🦋 #حكايات_ايمي #ايمان_صالح مبروك لكل ابطال الثانويه العامه علي فكره مفيش فرق بين كليه و التانيه كل الكليات حلوه اهم حاجه تبدعوا فيها و تتفوقوا