#اسكريبت انتي يا انسه غطي شعرك _نعم ———————— _ اي ده هنروح الكفر يا ماما النهارده _ اها يا سلسبيل جهزي نفسك عشان نمشي _بس لي _ هنروح نشوف جدك و اهل باباكي …..بقالنا كتير مسالناش عليهم _ ماشي …..بس بابا مش دول اهلوا _ باباكي مسافر …..لما يجي يبقي يجلنا _ إحنا نقعد هناك لحد اما يجي _ اها يا حبيبتي …..مش كنتي عايزه تخرجي _ اها …..بس مش معني أننا نروح الكفر و
_ ماله الكفر يا سلسبيل …..باباكي مولود فيه و متربي فيه كمان …..دول اهلك يا حبيبتي _ يا ماما مقولتش حاجه ….بس هنقعد هناك كتير لي _ لو معجبكيش يبقي نرجع ….بس متاكده انه هيعجبك _ ماشي يا ماما …..بعد اذنك بقي هروح البس …..بس فين الواد عمرو صحيح _ الواد عمرو…..ده اخوكي اكبر منك يا بنت الهبله _ عادي يا ماما …..هو فين _ فوق …..بس بيقول مش عايز يروح
_ لي يا ماما _ مش عارفه بقي …..اطلعي كلميه _ حاضر ” طلعت عشان أكلمه . …..مع أن دايما متحمس انه يروح هناك …..مش عارفه اي غيره كده ….طلعت لقيته قاعد _ واد يا عمرو _ عايز اي يا زفته _ انت مش عايز تروح لي _ انا حر روحي انتي _ الخروجه مش هيبقي ليها طعم من غيرك _ اتثبت انا كده _ بتكلم بجد …..خلاص متبقاش رخم
_ عشان رخم دي مش رايح _ بالله عليك يلا قوم ….هروح اجهز شنطنا و انت اجهز _ حاضر ….مع أن مش عايز بس يلا جهزي شنطتي معاكي _لي الخدمه الفلبينيه بتاعتك انا _ مش رايح ….يلا من هنا _ يا ساتر يارب ….بص هقولك حاجه _ ها …..قولي _هجهز نفسي و شنطتي ولو كده هطلع اجهزلك شنطتك _ لا علي اي انزلي ….انتي بتفضلي سنه لحد ما تلبسي يلا روحي
_ تشكر يا زوق _ سرسجيه ….يلا يا ماما من هنا _ انا نازله متزقش طب _ يا ويلي الصابرين ” ضحكت و نزلت انا و عمرو مش بس اخوات لا أصحاب كمان ….. دايما خناق مع بعض بس يومي مش بيكمل غير بيه …لبست و جهزت نفسي طبعا في ثواني _ ما طيلا يا زفته ….كل ده تأخير _ خلاص جاي اهو اي ده
” نزلت و ركبت وراه في العربيه و ماما ركبت جنبه …. فضلت سرحانه في الطريق ….بحب اسافر عشان كده ……افضل ابص علي المناظر . …ناس كتير بتستغربني …. بتقول ازاي دي بتفضل سرحانه طول الوقت ده لوحدها ..
نسيت اعرفكم بنفسي انا سلسبيل عندي 21سنه في تالته كليه زراعه …..مكنتش عايزاها بس التنسيق هو اللي دخلني …. ورغبه بابا كمان ….اني ادخل زراعه ….عشان اصلا من ارياف و مرتبط بالزراعة جدا و عايزني اعرف فيها كل حاجه …..هي جميله بس مختلفه شويه عن كل التدريس …. وصلنا هناك بعد حوالي تلات ساعات في الطريق ….زرع و أشجار و جو ريفي مصري اصيل …..نزلت من العربيه قدام الدوار … .البيت الكبير بتاع العيله بيت جدي حبيبي ….دخلنا البيت وهو كان قاعد بصتله و ابتسمت و هو فتح حضنه و ضحك
_ وحشتني اووي اووي يا جدي _ بكاشه من يومك يا بت ولدي _ لا والله ازعل منك ….انت عارف معزتك عندي اد اي _ وانتي كومان وحشتيني جوي _ حبيبي يا جدو ” سيبت ماما و عمرو يسلموا عليه و روحت عند مرات عمي و سلمت عليها _ اومال فين سلمي يا مرات عمي _ فوج اطلعيلها _ حاضر ” طلعت عندها و انا فرحانه جدا ….. اخيرا هشوفها دخلت اوضتها و خبطت عليها
_ سلمي …. سلمي _ سلسبيل ….وحشتيني اووي _ وانتي اكتر والله _ اخيرا جيتي الكفر بعد كل ده _ انتي عارفه الدراسه يا سلمي والله صعبه ….وبعدين انتي مش بتيجي لي _ انتي عارفه اني مخطوبه و كل شئ بحساب _ اها صح نسيت …..بس احنا هنفضل قاعدين هنا _ عايزانا نعمل اي يعني _ تعالي ننزل سلمي علي ماما و عمرو و بعدها نتكلم _ ع عمرو هو چه معاكم
_ اها يا اختي عمرو تحت ….تعالي ننزل عشان في حاجات كتير عايزه اعرفها _ ماشي يلا بينا
” نزلنا تحت انا وهي …سلمت علي ماما و عمرو….كانت خايفه تسلم عليه ….كانت بتسلم عليه بكسوف وهو بيسلم عليها و عيونه فيها لوم كبير …..انا عارفه من زمان انه بيحبها وهي كمان …..ولاد عم مع بعض و كنا بنلعب هنا كمان مع بعض ….كانوا قريبين من بعض جدا و لما كبرنا ….كان خلاص هيتقدملها ….بس للاسف اتقدملها عبدالله و عمي وافق عليه …..معرفش لي و ازاي هي وافقت …..بس كل ال اعرفه انها بتحب عبدالله اووي و هو كمان بيحبها ….من ساعه ما سمعنا الخبر ده و عمرو مكنش عايز يجي هنا ….كان عايز يفضل بعيد عنهم .
_ بقولكم اي يا جماعه تعالوا نطلع بره _ عايزه تروحي فين يا سلسبيل _ الف اشوف الارض و المواشي و كده _ طيب استني هنحط الوكل ل اول _ مش قادره عمرو جابلنا اكل واحنا جايين انا عايزه أخرج _ خلاص خديها يا سلمي و اخرجوا … _ عيوني يا جدي حاضر …..يلا يا به قدامي _ ماشي يا اختي يلا بينا ” بصيت علي عمرو زي ما يكون عايز يتكلم …..كلمتوا
_ عمرو تحب تيجي معانا _ لا انا هطلع ارتاح شويه …..تعبت من السواقه _ علي راحتك ….باي _ باي يا زفته _ تسلم يا برنس ” شديتها و طلعت و قفتنا عند ارض كبير كده بتاعت العيله …..هي كبيره و فيها زرع و فيها أشجار فاكهه كتير . …جدي كان زرعها عشان ناكل منها … .تقريبا كل الكفر بياكل منها ….بصيت علي سلمي لقيتها سرحانه _ مالك يا سلمي
_ مخنوقه اوي يا سلسبيل _ لي بس يا روحي …..شكلك تعبان _ انا زهقت من حياتي اووي يا سلسبيل _ لي بس كده ….مالها حياتك ما هي حلوه اهي _ كل يوم خناق مع عبدالله ….ومشاكل مبتخلصش _ معلش مش انتي بتحبيه …..لازم تستحملي _ اها فعلا عندك حق …..بقولك اي انا هروح انده ل حد يحط اكل ل لبهايم بتاعتنا _ هتنادي مين _ واحد من اللي شغالين اهنه
_ ماشي _ تيجي معاي _ لا انا هقف اتفرج شويه _ ماشي ” فضلت واقفه سرحانه شويه المنظر حلو و جميل اووي ….شكل تاني غير ال اتعودت عليه فلاحين بيزرعوا ارض …..ناس بتاكل مواشي أو بهايم زي ما سلمي بتقول ….ناس هنا و ناس هناك ….
بصيت لقيت اله شغاله و بتنزل ميه …انا عارفاها بس ناسيه اسمها مش عارفه اسمها اي ….ضحكت و رحت وقفت عندها و قربت منها و حطيت ايدي …..شكلها حلو و هي بتنزل الميه علي ايدي ….كنت واقفه بضحك و مبسوطه جدا من المنظر ده …..حسيت ب حاجه بتشدني بعيد ….بصيت لقيت واحد واقف لابس جلبيه و بيبصلي بغضب باين عليه فلاح من هنا و لسه طالع من الأرض _ انتي مبتفهميش ….مفكيش مخ يفكر
_ نعم ……انت بتكلمني انا _ لا خيالي…. ل مؤاخذه _ انت بتزعقلي كده لي . _ انتي مش شايفه انتي كنتي هتعملي اي _ هعمل اي يعني ما انا واقفه اهو _ لا كنتي هتقعي في الترعه ….شوفتي انتي كنتي واقفه فين _ اها مخدتش باللي _ يبقي خدي بالك بعد كده _ ما خلاص بقي هي شغلانه ما قولت مخدتش بالي _ انتي بتعلي حسك عليا _ اها هعلي صوتي عليك ….ا