حد يشتري مني حبيبة أنا عاوزة ابيع حبيبة بنت واقفة في الشارع بتقول كد بصوت عالي لكن محدش مهتم وكله كمل طريقه بدأت اقرب من المكان الي واقفة فيه وانا ملامح الاستغراب علي وشي لو سمحت تشتري حبيبة طب اهدي طيب وبطلي عياط ممكن اعرف فيه اييي ماما خلص من عندها دوا السكر ولازم تاخده حالا اشتريها مني الله يخليك طب وهشتري منك ايييي شاورت ب ايديها علي عربيه صغيرة كانت قدامها حبيبة دييي العربيه مش كد أيوة تشتريها طب أنا مش معايا كاش دلوقتي طب اقولك طلع من جيبه الف ج وادهوملي هاتي العلاج دلوقتي ودا كارت فيه عنوان الشركة تعاليلي علي هناك اكون حضرت المبلغ خدت منه الفلوس ومشيت بسرعة من غير ما ارد عليه مكنش فيه وقت! روحت علي الصيدلية جبت العلاج وروحت علي البيت اديت لماما الحقنة اخيرا!! حضنتها وانا بعيط انتي كويسه صح انتي كويسه أيوة يحبيبتي انتي جبتي فلوس العلاج منين دكتور الصيدلية رضي يديكي واحنا علينا فلوس من الشهر الي فات اتصرفت متقلقيش وكمان سدت الي علينا في الصيدلية نامي وارتاحي يحبيبتي ومتفكريش في حاجة دخلت اوضتي بعد ما نامت افتكرت الموقف الي حصل ياه دا انا قليلة الذوق بشكل! دا انا حتي مشكرتوش! روحت العنوان الي علي الكارت استنيت شويه لحد ما دخلت اكيد صاحب شركة زي دي وقته مزحوم علي طول أنا ملحقتش اشكرك امبارح بس حقيقي شكرا انت عملت معايا خدمة عمري مهنسهالك ابدا العفو هو انا اسف بس انتي عاوزة تبيعي العربيه لي العربية ديييي غالية عندي اوييي بابا الله يرحمه هو الي هداني بيها احنا كانت حالتنا كويسه جدا وبابا عايش بس بعد ما ټوفي اتراكم علينا الايجار والفواتير ف لازم أبيعها أنا عارفه انها صغيرة انت ممكن تدفع أي مبلغ انت عاوزه ٧٥ الف كويس بتتكلم بجد اصرفي الشيك من الحسابات وربنا يشفي والدتك يارب غريبة اي الغريب بتهيقلي عمري ما قابلت واحد طيب بالشكل دا! انت لي بتعمل كد مينفعش مساعدكيش والدتي الله يرحمها كانت بتقولي احاول علي قد ما اقدر اساعد الناس عشان لما أنا اقع الاقي الي يساعدني وبعدين انتي كفاية انك بتحاولي بكل ما فيكي عشان مامتك انتي كمان طيبة ربنا يرحم مامتك ويجعل تربيتها ليك في ميزان حسناتها يارب شكرا جدا بصيت حواليا ورجعت بصيتله تاني هو انا ممكن اطلب منك طلب اخير اكيد اتفضلي ممكن اشتغل عندك أنا علي فكرة خريجة كلية تجارة وهعمل الي اقدر عليه عشان اقدم شغل كويس حضرتك ممكن تجربني هاتي ال cv بتاعتك بكرة وإن شاء الله تشتغلي مش عارفه اقولك والله شكرا شكرا بجد خرجت من الشركة وانا مش مصدقة نفسي معايا شيك برقم محترم ممكن اشتغل في شركة كبيرة جدا كأني كسبت اليانصيب يوم ما قابلته! كنت واقفة قدام المرايا اجهز الكلام الي هقوله وكأني اول مرة اشوفه حضرت شهاداتي في فايل نمت --- لأول مرة وانا متطمنة اسمي مريم عندي ٢٣ سنه خريجة كلية تجارة ضحك مالك متخشبة كد لي الموضوع اسهل من كد الفايل بتاعك كويس جدا تمام كلم السكرتيرة بتاعته ف دخلت وصلي الآنسة مريم لمكتبها في الحسابات مكنتش فرحت من فترة كبيرة زي منا فرحانة دلوقتي! روحت المكتب نضيف جدا كأنك قاعد في مسلسل طلع الشغل صعب جدا لا رجعوني بيتنا أي الارقام دي!! مريم أنا هسألك سؤال وسامحيني عليه أيوة يفندم اتفضل هو انتي جايبه امتياز بالغش اتكشفت نعم قصدي لا طبعا بمجهودي امال يعني اي ١٢ ٣ ب ٣٥ دا في قانون مين دا دا يرضي ربنا هي بكام مخصوملك يوم خلي بالك انت بتتلككلي لو عاوزني اقدم استقالتي قول يعني اتمني كنا بنهزر مع بعض دايما كان انسان جميل مع الكل الكل هنا بيحبه هو طيب ولذيذ وقلبه من دهب انتي اتخانقتي قدام الشركة ولمېتي عليكي الناس لي يمريم السواق حرامي الي قدامكم دا حقيقي مش ادعاء أنا موكلة السواق علقة مۏت سرق منك اييي انتي حيلتك أي يتسرق بيقولي الأجرة خمسه ج وانا ركباها امبارح ب ٣ ونص هو الي سمعته دا صح لاء بعد اذنك متبررلوش عشان راجل زيك دا استغلال لتر البنزين بكام لتر ايييي وزفت اييي مريم انتي كان مخصوملك كام مبعدتش والله اشمعنا كد مش هتاخدي مرتب دا شويه وهتبقي انتي الي عليكي فلوس للشركة علي مكتبك يعنى اتمني تبقي راجل طيب مرة واحدة في حياتك دور الضحېة ويقولك الست لازم تشتغل انتي مطبخ اقسم بالله مطبخ فيه ميتنج الساعة واحدة لاء سوري مش مناسبني الميعاد والله غيروه لاء مهو انتي مسقطة حاجة دا مش ميعاد فرحك دا ميتنج بصيتله بطرف عيني طيب متخافش هناخد الديل دا انا عوزاك تثق فيا اثق فيكي روحنا في داهية انتي جايه قبل الميتنج ب خمس دقائق جايه تظبطي الكراسي وتشوفي النور شغال ولا لاء ولا اييي قولتلك مش فاضيه كان في عرض بيتزا في المطعم الي جمب الشركة كان لازم استغله انا لما بخصملك بتزعلي متخافش بجد أنا خلاص حطيت نسبه النجاح والفشل طب كويس اوي بنسبه كام هنفشل ٩٩ ٩ لاء دا ديتول مش قولتلك مطبخ علي فكرة أنا بحاول مش هيكفيك شرف المحاولة لاء رد غير متوقع بالمرة طب أي لازم ننجح ننجح أي بقي دا انتي حاطة نسبة نجاح واحد من عشرة بص علي نص الكوباية المليان أنا شغاله في الشركة هنا أيوة دا الفاضي فين المليان احنا كده بنهزر وبنضيع وقت لو سمعت تصرفلي مكافأة عشان أنا طلع عين امي ومبنامش انتي ماسكة عليا ذلة بجد والله يعني اي مش فاهم فيه صور طيب حاجة اخاڤ منها دخلنا الميتنج كان متوتر جدا عشان الشركة المنافسه عارضه عرض احسن من الي عارضينه شوفنا الاعلان بتاعهم ولا غلطة الصراحة! بص حضرتك انت لازم تاخد الإعلان بتاعنا احنا عشان اييي عشان خاطري ميل علي وداني ابقي قوليلي يشمام لو قعدتي في الشركة بعد ما نخلص استني انت حضرتك عاوز اعلان أمومة --- لو ركزت علي اعلانا هتلاقي أننا عارضين صورة واضحة للامهات دلوقتي يعني ست مصرية فعلا عاوزة تحافظ علي صحة ابنها ف هتشتري منتجك لكن نشوف الإعلان بتاعهم جايبين بنات اجانب يتكلموا بالانجليزي يعني نسبة المشاهدة عندك هتبقي محصورة علي الرجالة عشان عنيكم زايغة نعم يعني بذمتك واحدة هتقتنع بكلام واحدة جاية من برا لما تشوف إن الي في الاعلان واحدة زيها قريبه من عيشتها ومقدرتها المادية ف دا هيخلي نسبة المشاهدة عالية خصوصا إن الإعلان هيتعرض في خمس قنوات يعني الأرباح الي هتجيلك هتبقي أضعاف الي هتدفعه لكن لو عاوز نسبه مشاهدات بس منتجك ميتباعش ممكن تاخد اعلانهم هما طلب إنه يشوف الإعلان بتاعنا تاني فتحنا الشاشة وشافه تمام أنا موافق خلصنا الميتنج ب رقم اكبر من الي كنا طالبينه في الاول! انتي بتيجي متأخر وعاملة دايما دوشه كارفة كأنك المديرة بس انتي محصلتيش هصرفلك مكافأة بجد شكرا اوييي هو انا ينفع اطلب منك طلب اطلبي ماما عاوزة تتعرف عليك أنا بعزم الجيران عندي كل خميس علي العشا ممكن تيجي اكيد طبعا خلصنا شغل وروحنا ماما سلمت عليه وسيبته قاعد معاها لحد ما اخلص أكل خلصت والجيران زي العادة بدءوا يهلوا واحد ورا التاني لحد ما السفرة اتملت كان وجوده خفيف وسطنا كأنه واحد مننا خلصنا عشا والجيران شكرتني وداعتلي تشرب شاي اشرب عملت كوبايتين بالنعناع وطلعنا وقفنا في البلكونة دي احلي كوباية شاي شربتها في حياتي بجد خلاص ابقي اعملك علي طول مامتك طيبة اوي يمريم ربنا يخليهالك يارب تعرف انها مجلهاش السكر الا بعد ۏفاة بابا كانوا بيحبوا بعض اوي كان دايما يقول هياخد مريم كأنه شال قلبي من جسمي كان نفسه يشوفني عروسه ويديني لجوزي ويوصيه عليا بس هو مشي قبل كل دا طلع من جيبه منديل وادهوني هو شايفك وسامعك امي الله يرحمها كانت دايما تقولي أنها عمرها ما هتسيبني حتي بعد ما ټمو*ت أنها هتفضل دايما معايا بحس بيها لما انجح في شغل صعب أو لما اقوم من وقعة كنتي فاكرها نهايتي لكن بحس أنه فضل ربنا ودعواتها ليا لو باباكي موجود معانا كان هيبقي فخور أنه ليه بنت زيك وأنها بتسعي عشان مامتها وأنها دايما بتحاول انتي وقفتي في الشارع عشان تبيعي عربيتك عشان علاج مامتك وكمان شاطرة في شغلك بغض النظر انك هتشليني في مرة ضحكت شكرا يا احمد شكرا بجد أنا الي شكرا اوي علي اليوم دا انا محستش ب جو العيلة من زمان أنا لازم امشي اشوفك في الشركة مع السلامة كان يوم جميل اويييي متأكدة اني عمري مهنساه ابدا ولا هنسي كلامه ليا مريم انتي طبعا عارفه إن أكلي كله تيك اواي واني بطني معتتش مستحملة لاء معرفش يعني اديكي عرفتي وردي حلو بدل ما اديكي بالدماغ اكلك حلو اوييي اه قول كد عاوزني اطبخلك مش بالظبط بس لو اي حاجة وانتي --- جاية كل يوم كد هيبقي كتر خيرك اهو قلبي الطيب دا الي موديني في داهية خلاص صعبت عليا لاء حبيبتي تسلميلي بقينا صحاب اوييي بنغدي كل يوم سوا من اللانش بوكس بتاعتي كنت دايما استني رأيه في الاكل أنا علي طول كان بيتقالي اني طباخة ممتازة وهو الي أكدلي دا بيجي عندنا كل خميس ماما حبيته جدا اكتر من اللزوم! طب روحي اعملي قهوة كمان ل احمد هو في أي أنا شغالة الشاي والقهوة من اول مجه هو انا في قهوة شوفي بنتك بقي يذوبة مش معقول كد ذوبة! انت خدت علينا اوي استني انت يحبيبي بتقولي حاجة يمريم كل سنه وانتي طيبة بمناسبة اي مامتك قالتلي إن عيد ميلادك بكرة بصيت لماما الي عملت وضع عظيم الشروق! ورجعت بصيتله بكرة الساعة ٨ هنخرج سوا في المطعم الي جمب الشركة عاوزك في موضوع موضوع أي بكرة هعرفك أنا همشي اه بالمناسبة شكلك حلو ب إسدال امك مشي ف ضحكت مش عارفه امتي! كنت دايما بقول اني مستحيل احب حد مستحيل اقع كنت عارفه اني مش هعرف الاقي بابا في حد تاني لكن لقيته! كنت محظوظة اني احب اطيب واحسن راجل في الدنيا! بس هو دخلت بسرعة الأوضة انقي دريس لبست دريس اسود وهيلز عالية و حطيت lipstick ومسكرة ترفع رموشي وبلاشر مش اوفر كان شكلي مختلف عن كل يوم بس بمنتهي النرجسيه كان شكلي بيرفكت روحت المطعم لقيته قاعد مستنيني وزي أي مشهد بتتمني كل بنت يحصلها حبيبها قاعد مستني وهو لابس بدلة فورمال تجنن عليه كانت كل حاجة تجنن! قعدت معلش اني اتأخرت شكلك تحفه شكرا وانت كمان شاور للويتر ف جه حط قدامي بوكيه ورد كان احمر لون خدودي وقتها ابتسمت بخجل دا عشاني كل سنه وانتي طيبة وانت طيب يا احمد مش عارفه بجد اقولك أي يلا عشان اوريكي هديتك هديتي أي هي طلعنا برا المطعم بعد ما طلب مني احط قماشه علي عيني فتحي شيلت القماشه ولقيت عربيتي ملفوفة وعليها ورد حبيبة! قرب جمب ودني انا بحبك بصيتله وانا مش مصدقة انت تتجوزيني اكتفيت ب سكوتي وقتها قال أي مكسوفة وانا عاوزة ارقع بالصوت حد يكتمني معلش يمريم أنا عارف انه مش وقته بس ال١٢ ٨ بكام 95 بردو يعني مش 96 انتي بوظتي حسابات الشركة مريم نعم انتي مطبخ والله مطبخ ومهتطلعي منه مريم سمير
