-بصي بقي لو مروحتيش مش هروح وخليه يروح لوحده هااه وادي قاعدة *اي ده انتِ بتتكلمي جد -وههزر ليه *لا مينفعش كده أبراهيم يزعل -وانتِ يهمك زعل أبراهيم *ااحم ايوة يعني انا بعزه زي اخويا فلازم هخاف علي زعله -لو خايفة فعلا علي زعله قومي البسي الفستان ده ويلا بينا نروح…….. ضحي ربيع #دار_الرواياتياجماعة اسفة والله علي اللخبطة الي حصلت دي وبأذن الله النهاردة هنزل بارت تاني Part:15 #بلا_أمل (لبست سندس الفستان وخرجت لقيت أبراهيم لابس بدلته وواقف مستنيهم في الصالة حزنت انه مش عريسها وأنه مش ليها ده كلها دقايق وواحدة تاني تبقي واقفة جنبه
لف لقيها واقفة وسرحانه) ^مشاء الله لللهم بارك الفستان شكله جميل عليكي (ابتسمة ابتسامة بسيطة) ^شكرا مع اني مش عارفة ماما أية عرفت مقاسي ازاي بس كويس انه مظبوط (ابتسم عشان أمه مقالتلهاش انه الي جايبه) -ها يا ولاد خلصتوا (قرب عليها أبراهيم وباس راسها) ^اه ياست الكل جاهزين بس اي القمر ده يا حجة -ماشي يا واد يابكاش (حطت اديها علي وشه بحنان وحزن) -كان نفسي اشوفك يا أبراهيم في اللحظة دي واظبطلك بدلتك وأملي عيني منك
(مسح دموعها وطبطب عليها) ^اوعدك بأذن واحد احد مش هتجوز غير لما ربنا يكرمنا وتعملي العمليا وانت ياستي الي هتظبطيلي البدلة -يارب يابني يلا بقي عشان منتأخرش (وصلوا المكان الي اتعملت فيه الخطوبة وكانت متجهزة علي اعلي مستوي وحاجة في منتهي الجمال يعني قعدت سندس وأية وملك في مكان قريب من أبراهيم وسارة كان معظم وقته باصص عليها وعلي تصرفتها الطفولية هي وملك علي ضحكتها مع والدته تجنبها لاي حد من الشباب الي موجوده)
“حبيبي انت مركز في اي ^عادي مفيش اديني معاكي اهو (مسكت دراعه وقربت منه اوي وحطت راسها عليه بس هو اتعدل وبعدها عنه) “اخيرا يا أبراهيم فهمت اني بحبك ^سارة دي خطوبة مش كتب كتاب يعني مينفعش الي بتعمليه ده حرااااام لو سمحتي متخلنيش اكرر كلامي ميت مرة (اتحرجت من كلامه وبعدت عنه وهي مراقبة عنيه وعارفة هو سرحان في اي) “هي دي بقي الخدامة بتاعتكم (اتعصب) ^خدامة اي ياريت ياسارة بتحاسبي علي طريقة كلامك عشان احنا لسه هااا
(سكتت بغضب وهي بتتواعد من غير اي سبب لسندس عدي شوية وقت وبعدين لقي شاب بيقرب علي الطربيزة الي قاعد عليها سندس وأمه ولاحظ من تعابير سندس انه متضايقة) ^ثواني هقوم اطمن علي أمي (مستناش منها رد وراح ناحية الطرابيزة بعصبية) ^اتفضل ياكبتن عايزة حاجة “أبراهيم حبيب ياراجل فينك ^خالد!!اذيك ياعم فينك -اديني اهو انت الي فين مش تقول ان الجماعة تبعك ^انا كنت جاي الغبط وشك اصلا بس احمد ربنا اني اتكلمت بلساني الاول
(ضحكوا كلهم مع بعض وبعدين أبراهيم اخد صاحبه بعيد عنهم شوية) -اي ياعم منتا ليك قرايب مزز اهو امال كنت منشفها لي ايام الجامعة (حاول أبراهيم يتمالك نفسه من أسلوب صاحبه وطريقة كلامه) ^ولا مزز ولا حاجة دي بنت عمتي وكانت مسافرة اصلا -طب ماتوفق راسين في الحلال منا صاحبك برضه ^لا اصلا هي مخطوبة -مخطوبة؟؟بس مش لابسة دبلة ^ياعم وانا اي عرفني عادي اكيد قلعتها عموما شلها من دماغك اصلا
(وخلص اليوم وروحوا وعدي اسبوع وكل واحد منهم في حاله وإبراهيم بيتجنب سارة ومكالمتها) ^ماما انا عزمت عمي وسارة ووالدتها علي الغدي بكرة بصراحة كنت محرج منهم المفروض كنا عزمناهم من فترة اصلا -طب ابقي كلم مطعم***وصيه علي الاكل من بليل عشان يلحقوا يجيبوه *ولي مطعم انا بعرف اطبخ حلو اوي وان شاء الله يعجب العروسة ^والله ياسندس تبقي عملتي فيا معروف انا مش بحب شغل المطاعم اصلا يلا استأذن انا اتأخرت
(أستغربت سندس نفسها هل هي عايزة تعمل كده فعلا ولا عايزة تثبت انها احسن منها بأي حاجة وخلاص جي تاني يوم صحيت سندس بدري وبدأت تحضر في الاكل اشكال والوان وحاولت تخلي الاكل مش تقليدي) -الله اكبر اي الريحة الجميلة دي *دي النجرسكو اخر حاجة وابقي كده خلصت -وانتِ عرفتي النجرسكوا منين بقي *اصل انا من زمان اوي بحب الطبخ كنت كل ما يبقي معايا فلوس اقوم مشترية كتاب طبخ وأفضل اقري فيه
دوقي كده وقوليلي رأيك -الله بسم الله ماشاء الله جميلة اوي والله كأني اول مرة اكلها *هههه مش اوي كده انا لسه علي ادي برضه (الباب خبط) -اكيد هما وصلوا (وبدل ما سندس كانت بتبتسم حزنت) -اهلا وسهلا اتفضلوا نورتونا (سارة بمياصة) “ده نورك ياطنط (شوية وكلهم اتجمعوا علي الاكل أبراهيم كان بياكل وهو مبسوط من الاكل اوي وكل ما يدوق حاجة يبص لسندس بأعجاب وهي متجنبة نظراته) -تسلم ايدك ياحجة الأكل حلو اوي
-بجد ياطنط النجرسكوا تجنن -تسلموا ده اكل سندس (ام سارة وابوها) -تسلم ايدك يابنتي (سارة بصتلها بقرف وسكتت بعد الأكل) *لحظة والشاي يكون جاهز “بقولك اي يابتاعة انتِ اعمليلي معاكي نسكافيه (سابتها سندس ودخلت المطبخ) (أبراهيم بحدة) ^مسمهاش بتاعة اسمها سندس يا سارة “اه سوري نسيت اسمها (عملت سندس الشاي والنسكافية وقدمتهم وهي معدية تديها النسكافية راحت سارة مكعبلاها وقعت النسكافيه عليها وعلي سارة) *ااااه “انت بني ادمة متخلفة اي الي عملتيه ده بوظتي اللبس انتِ عارفة الطقم ده بكام ولا هتعرفي منين واحدة خدامه زيك متع….
(قاطعها أبراهيم بزعيق وعصبية شديدة و…..) ضحى ربيع #دار_الرواياتPart:16 #بلا_أمل (عملت سندس الشاي والنسكافية وقدمتهم وهي معدية تديها النسكافية راحت سارة مكعبلاها وقعت النسكافيه عليها وعلي سارة) (سندس بألم) *ااااه “انتِ بني ادمة متخلفة اي الي عملتيه ده بوظتي اللبس وبهدلتيه انتِ عارفة الطقم ده بكام هههه ولا هتعرفي منين واحدة خدامه زيك متع…. (قاطعها أبراهيم بزعيق وعصبية شديدة) ^سااااااارة (اتنفضت سارة علي صوته) (جز علي سنانه واتكلم بغضب مكتوم)
^انتبهي علي أسلوب كلامك في بيتي ولأهلي سندس مش خدامة ولا شغالة عندك سندس من اهل البيت ده زيها زي اي حد عايش فيه ولو متعلمتيش تعاملي اهل بيتي بأحترام من دلوقتي ل انا مش مستعد ارتبط بواحدة بتقلل مني ومن اهل بيتي “أبراهيم انت ازاي…. (أبراهيم مقاطع لكلامها) ^لو سمحتي ياسارة لو عايزة نكمل مع بعض بشكل متفاهم اعتذري لسندس دلوقتي (كل الي موجود بص لأبراهيم بما فيهم سارة مكنتش مصدقة انه بيطلب منها كده عشان حتة خدامه من وجهة نظرها
بصت لأهلها الي كانوا محرجين من تصرف بنتهم اصلا لقيتهم بيشجعوا قرار أبراهيم) “أبراهيم انت بتهز…. (اتكلم ابوها وهي بيقاطعها) -سارة أبراهيم عنده حق تصرفك كان غلط أعتذري منها (سارة كانت حاسة بأهانة كبيرة ليها المرة الي افتكرت انها استغلتها عشان تهين فيها سندس اتهانت فيها هي لأ ومن اهلها كمان أما سندس كانت بتراقب الموقف بصمت عيونها متعلقة بأبراهيم الي بيدافع عنها كأنها تُعنيه وحقها الي بيردهولها في اي وقت
وفي نفس اللحظة صعبانة عليها نفسها لأن كل حاجة حواليها بتفوقها علي حالها ومستواها جنبه) “ااااا انا….انا اسفة (قالت سارة الكلمة وكأنها بتقطع من لحمها وبعدين نزلت) -معلش يا أبراهيم يابني انا بعتذر عن تصرف بنتي انا مش عارف هي بقيت كده ازاي طول عمري انا وامها بنربيها علي الأخلاق والتواضع ^مقام حضرتك اكبر من الاسف ياعمي مفيش داعي لأعتذار حضرتك وعموما حصل خير واتمني أن سارة متكررش الموقف ده تاني
-انا هتكلم معاها وأن شاء الرحمن هخليها تحسن تصرفاتها عن اذنك أحنا بقي (مشيوا كلهم سندس كانت واقفة مكانها وصل أبراهيم الضيوف للباب ورجع لقاها واقفة وبتبتسمله ابتسملها ودخل اوضته) -سندس تعالي يابنتي دخليني اوضتي لأحسن تعبت *حاضر تعالي (دخلت سندس أية اوضتها وادتها علاجها وكانت خارجة) -سندس *نعم محتاجة اي حاجة تانية -في صندوق في الدولاب من تحت كده هاتيه (فتحت سندس الدولاب وفضلت تدور علي الصندوق لغاية ما خرجته)
*اهو لقيته -هاتيه (ادتلها سندس الصندوق وساعدتها تفتح القفل الي عليه) *متقولليش انه في مجوهرات وصيغة بقي والكلام بتاع المسلسلات ده -ههههههههه لا لأ ياستي ده صندوق عمره ٢٠ سنة من أيام ما كنت ادك كده في شبابي يعني تقدري تقولي مذكراتي *ااه طب ومحتفظة بيه لغاية دلوقتي لي -دايما بيبقي عندك حاجة لازم ترجع للماضي سواء كان حلو او وحش (فتحت الصدوق وطلعت منه صورة بنت بهدوم مدرسة) -دي صورتي وانا ف ٣ أعدادي
(سكتت وكملت بحزن) -كانت اخر سنة ليا في المدرسة قبل ما ابويا يطلعني منها عشان يجوزني كانت أمنيتي اكمل تعليمي وادخل كلية وابقي شخصية المجتمع يحترمها ويديها حقوقها بس للأسف أوقات ابسط حقوقنا بتتحول لأحلام مستحيلة ^طب أبوكي طلعك من المدرسة لي ولي جوزك بدري بالطريقة دي -الفكر الي بيضيع اجيال كان فكره ان خلفت البنات بتجيب العار وان كل ما البنت تتجوز بدري كل ما هيكون أفضل بس طبعا ده غلط لأن حتي الي اتجوزته كان شيطان في صورة انسان
مكنش يعرف ربنا ولا حلال ولا حرام حرمني من كل حاجة في الدنيا…….حتي نظري كنت ضعيفة اوي وقتها جناحي مكسور ومليش ضهر ولا معايا شهادة يمكن وقتها لو كنت متعلمة كان كل حاجة اختلفت (مسكت ايد سندس وشدت عليها) -عارفة انك ممكن تكوني مستغربة كلامي بس أنا عايزاكي تكملي علامك ياسندس وتبقي قوية الزمن ميكسركيش ولا حد يهينك *ايوة بس انا مدخلتش مدارس خالص اصلا ومعرفش ابدأ منين ولا حتي ازاي
-انا ممكن اخلي أبراهيم يحل الموضوع ده نطلعلك شهادة ميلاد وبطاقة وابدأي من الأول (سكتت سندس وبعدين بكت) *هتطلعولي شهادة ميلاد منين وانا اصلا معرفش مين أهلي ولا مين أمي ولا حتى اسم أبويا -طب حتي الراجل الي كنتِ عايشة معاه مقلكيش علي المكان الي لقاكي فيه *لأ مقاليش حاجة عنه كفاية كده عشان معاكي معاد للدكتور الصبح هاتي الصندوق اشيله تصبحي علي خير (اخدت سندس الصندوق منها وعي بتقفله لاحظت قسيمة طلاق جالها فضول تطلعها وقرأت الاسمين عليها أية ومصطفي محمد وشالت الورقة مكانها وخرجت من الاوضة
(تاني يوم الصبح اخدت سندس أية للدكتور بتاعها) -الله اكبر ملاحظ تغير كبير في الفترة الاخيرة دي -الحمد لله يادكتور كل الي يجيبه ربنا جميل -ودلوقتي نقدر نعمل العملية بأذن الله واحنا ضامنين نسبة نجاحها (اية وسندس بفرحة كبيرة) *بجد والله يادكتور -انت بتتكلم جد الف حمد وشكر لك يارب الحمد لله -الفترة دي بقي حاولي متتوتريش او تبقي في ضغط وبأذن الله هبلغ المستشفى عشان نعمل العملية اخر الأسبوع
دلوقتي هتمشي علي الادوية دي لغاية معاد العملية (مشيت سندس وأية من عند الدكتور والفرحة في قلوبهم اتصلت أية بأبنها عشان تفرحه وسندس سابتها وراحت تشتري العلاج) *لو سمحت يا دكتور عايزة العلاج الي في الروشتة ده -تمم لحظة واحدة (اشترت سندس العلاج وهي خارجة من الصيدلية حد جي من وراها كتم نفسها) *ااااام اااااااام سيبني (فضلت تحاول تفلت منه لغاية ما اغمي عليها) ضحى ربيع #دار_الروايات#بلا_أمل~ Part:17
(صحيت سندس من اغمائها لقيت نفسها في الخرابة الي كانت عايشة فيها مع الراجل الي قال عن نفسه ابوها كانت مستغربة وجودها في المكان دي فضلت تبص حواليها لقيت بشلة صبي ابوها والي هرب قبل ما البوليس يقبُض عليه) -اخيرا فوقتي *انا مين الي جبني هنا…..انت!! انت الي خدرتني ياض؟ -ايوة مكنتش هعرف اخدك غير كده عشان عارفك مش هتيجي معايا بهدوء *وديني يابشلة لأربيك علي الي عملته ده وعرفت مكاني منين
-فضلت ادور عليكي وكل يوم اروح عند الإشارة انا والواد محروس نستناكي يمكن نلاقيكي لغاية ما بالصدفة شفناكي مع واحدة كبيرة داخلة برج من الابراج الي عند الإشارة وفضلنا قاطرينك لغاية ما عرفنا انك عايشة معاها هي وابنها الظابط *وانت تقطرني لي بقي عايزين اي الي كان ابويا واتمسك والله اعلم فيها تأبيدة ولا أعدام -ماده الي انا جايبك عشانه ابوكي محتاجك وهو الي باعتني ادور عليكي اصلا *ده ازاي يعني مش فاهمة حاجة
-ابوكي عايزك تشهدي في المحكمة في جلسة الأخيرة الي بعد ٣ ابام *……… -تشهدي بأن الظابط ده كداب ولفق الحكاية دي علي ابوكي عشان شافك وعجبتيه وكان عايزك في الحرام عشان مش من مستواه وابوكِ الحنين رفض يفرط في بنته بالرخيص ف الظابط عشان ينتقم من ابوكِ اول قضية اشتغل عليكِ هي ازاي يخلص من ابوكي الغلبان عشان كده لفق له قضية المخدرات دي والدليل علي كده ان الليلة الي ابوكي دخل فيها السجن انتِ كنتي بايته في شقته
(سندس كانت بتسمعه وهي مبرقة مش مستوعبة اصلا الي بيتقال ده فضلت متنحة شوية وبعدين اتكلمت) *يخربيت ابوكوا اي ده اي الدماغ دي هههههه المفروض بقى أني سمعاً وطاعة واعض الأيد الي اتمدت ليا وادمر الشخص الوحيد الي نضفني من وساختكوا ده انتوا مخكم مريحاكم *للأسف يا سندس الموضوع مش رد جميل ده انتِ لازم تعملي كده لأن المعلم مش عايز يزعلك لغاية دلوقتي واعتبرك بنته ورباكِ *حاضر لما يتعدم هبقي اطلعله صدقة
(وجات تخرج بس كلامه وقفها وكأنه ضربها بخنجر في قلبها) -الجلسة الجاية لو المعلم مخرجش أبراهيم بيه هينام هو الست والدته في التربة فس نفس الليلة……… ضُحى #دار_الرواياتوالله ياجماعة اسفة أنه صغير بس حقيقي تعبانة ادعولي بالشفاء #بلا_أمل Part:18 (كلامه خلاها تقف تتسمر في مكانها ولأنها عارفة أنهم ناس ميخافوش من ربنا ممكن يعملوها فعلا وقفت للحظة وهي مغمضة عنيها بتتمني الأرض تنشق وتبلعها ولا أنها تضر أبراهيم او أية لأنها ملقتش حنان وحُب غير معاهم مش هتقدر تختار مابين مستقبله وروحه)
-هسيبك تفكري ليوم الجلسة واتمني انك متخيبيش أمل المعلم فيكِ (طلع وسابها لسه واقفة مكانها فتحت عنيها وخرجت للشارع وهي تايهة مفيش في دماغها حاجة غير أنها السبب في اي حاجة ممكن تصيب أبراهيم أملها الوحيد أنها تتمسك بالدنيا بدأ يتلاشا مع دموعها الي كانت مغرقة عيونها ماشية تبكي من غير صوت ولا كلام كل أمالها بتنتهي كل الي في بالها أنها لو مع اهلها الحقيقين من الاول مكنش زمان اي حاجة من كل ده حصلت……..فضلت ماشية كتير من غير ما تحس بنفسها لغاية مالقيت تلفونها بيرن ردت ورفعته علي ودنها)
*الو (أبراهيم بعصبية كبيرة وخوف) ^سندس انتِ فين؟؟؟؟بقالي خمس ساعات بتصل بيكي مش عارف اوصلك *انا كويسة متقلقش ^انتِ فين دلوقتي عشان اجي اخدك (بصت سندس حواليها عشان تحدد مكانها وهي بتعدي الشارع) *اناا……..ااااااه ^سندسسس الووووو سندس ردي عليا سندسسس حصل اي -الو يا استاذ صاحبة التلفون خبطتها عربية وجريت العربية…… مرت ساعة تقريباً لغاية ما وصل أبراهيم و أية للمستشفي الي فيها سندس بعد ما قاله الراجل الي رد عليه عن اسم المستذفي الي هياخدوها ليها وصل للأستقبال وهو وشه وارم وعنيه حمرة كأنه كان بيبكي وأية حالتها اسوء منه من الخوف والخضة عليها)
^وصلت هنا بنت عاملة حادثة سير اسمها سندس؟؟ -اه يافندم وصلت من حوالي نص ساعة ^طب وهي فين دلوقتي؟؟ -امشي أخر الطرقة دي هتلاقي دكاترة الأستقبال هناك تقدر تسألهم (طلع يجري عليهم حتى نسي والدته من كتر خوفه أنها ممكن يكون حصلها حاجة وصل لأخر الطرقة بس مكانش فيه دكاترة ملقاش غير ترولي وعليه حد متغطي بملاية كلها دم فضل واقف بيترعش قدامها مش معقول تكون هي مش معقول البنت الوحيدة الي عافت قلبه بعفتها وحنيتها تمـ,ـوت اكيد مش هي فضل واقف حابس دموعه وبيترعش جامد لغاية ما قربت والدته منه)
-أبراهيم سندس فين (صرخ بكلمة واحدة بس وبعدين قعد علي الأرض) ^ماتت سندس ماااتت يا أمي… ضُحى #دار_الروايات#بلا_أمل Part:19 في محكمة حلوان الساعة ١٢ااضهر بدأت الجلسة وبدأ وكيل النيابة بالكلام عن الجرايم الي ارتكبها ابو سندس وان أخر حاجة اتمسك بكمية مخدرات كبيرة ويطالب المحكمة بأقصى عقوبة ليه المحكمة هادية الكل مستني النطق بالحكم وعنيهم مركزة علي القاضي أبراهيم متحمس لأنه حاسس أنه هزم الراجل وهيقدر ياخد منه المعلومات الي محتاجها لأنه مبقاش في أيده حاجة يخسرها وفي لحظة واحدة وقبل ما ينطق القاضي فجأة محامي ابو سندس
-سيادة القاضي في حاجة اخيرة بس قبل ما سيادتك تتخذ الحكم وهي شهادة أبنه المتهم -طيب خليها تتفضل في اللحظة دي دخلت سندس وهي عيونها في الارض خايفة ترفعهم تشوف أبراهيم أبراهيم كان باصص لها وهو في منتهي الزهول والأستغراب وفي نفس الوقت خايف عليها لأنها لسه تعبانة -تقسمي بالله ياسندس انك هتقولي الحق فضلت ساكتة دقيقة وبعدين هزت راسها -اتفضلي اتكلمي يا سندس اي الي تعرفيه عن قضية تهريب المخدرات والاتجار الي ابوكي ممسوك فيها
فضلت سندس ساكتة مش بتتكلم وبعدين بصت علي أبراهيم بطرف عيونها افتكرت الحلم الي شافته وكلام بشلة الي هددها بيه غمضت عيونها بأستسلام وبعدين اتكلمت بالعافية -ابويا ملهوش اي علاقة بالمخدرات دي ابويا راجل علي باب الله وانا الي بطلع اقلب رزقي ببيع مناديل في الاشارات لا لينا في الممنوعات ولا عمرنا اشتغلنا في سكتها…… -بس ابوكي اتمسك ب٥كيلو هيروين -ايوة بس……بس مش بتاعته في حد حطهاله سكتت شوية وبعدين كملت كلامها
-في واحد من البهوات شافني مرة وعجبته حاول معايا أني اروح له شقته وانا رفضت لغاية ما قطرني مرة وعرف طريق بيتي وعرض علي ابويا مبلغ كبير عشان يتسلى معايا بس ابويا رفض وطرده……وهو عشان ينتقم من ابويا حطله المخدرات -مين الراجل ده يا سندس -…………… -سندس جاوبيني مين الراجل ده كان القاضى تقريبا بيكلم نفسه سندس عينيها في الأرض ومرغرغة دموع مش قادرة تتكلم ولا تنطق بأسمه ولا حتى تبص في عينه لسه أخيرة لأنها عارفة أنها مش هتشوفه تاني وأنها هتبقي أكتر أنسان بيكرهه علي وجه الأرض
-سندس لو متكلمتيش هنعتبر شهادتك باط…… -أبراهيم…….الظابط أبراهيم الدنيا كأنها كانت بتلف بيه وقف وكأنه شاكك أنه صاحب اصلا هي تقصده هو؟ولا دي مش سندس اصلا؟ايوة مستحيل؟ فضل واقف باصصلها وهي حاطة عيونها في الارض مش قادرة تبصله راح صارخ بعلو حسه -سندس متعمليش كده ياسندس ما تضيعيش كل حاجة -هدوووء طلعوا البني ده برااا -اوعى ايدك سندس اصحي دي اكيد مش أنتِ لأ يا سيادة القاضى سندس في المستشفى اكيد دي مش هي
-لو اتكلمت تاني ياحضرة الظابط هتخذ أجرأ قانوني ضدك ياريت تقعد مكانك -كملي ياسندس كملت سندس ببكى وشهقة والي خلى القاضي يصدق كلامها الباطل اكتر ولكنها كانت بتتقطع عليه مش علي اي حاجة تاني -بعد……بعد ما بابا اتحبس جي هددني يا اما امشي معاه يا إما ممكن يتهم بابا بقواضي تاني وميطلعش من السجن ابدا عشان كده انطريت اعيش معاه لغاية. النهاردة وهنا جي دور المحامي -اعتقد ياسيادة القاضى كل حاجة وضحت ولغاية دلوقتي مفيش دليل ملموس يدل علي أن البضاعة كانت لموكلي خصوصا أن سجله نضيف ومدخلش اي أقسام قبل كده فبطالب سيادتك بالنظر في القضية مرة تانية بعدلك
-بعد المشاورة والنظر علي شهادة أبنه المتهم وعدم وجود أي دليل آخر يثبت ملكية الممنوعات للمتهم وبعد التحقق والتأكد من مكوث ابنه المتهم المدعوة بسندس في بيت الضابط أبراهيم بدون وجود أي رابط رسمي قررنا تكملة التحقيق في هذه القضية واستكمالها بخروج المتهم واتخاذ الإجراءات القانونية اللازمة ضد الظابط أبراهيم محمد رفعت الجلسة …… أثناء خروج الجميع من قاعة المحكمة -انتِ اكتر وأخر أنسان توقعت أني أكرهه…..أنا بكرهك ياسندس. #دار_الروايات