قاسم قال……زعلانه يا جدى عشان هي بتحبني وانا كمان بحبها هي من حقها انى اكون ليها لوحدها هي ما عوزاش حد يشاركها فيا حامد قال….. لا عادي كلها الناس بتتشارك تتجوز ولا هي هتعملها حال لحالها كلها الناس ماشيه كده قاسم قال…..بس انا مش عايز اتجوز غيرها يا جدى حتى لو هتجوزها هي كمان انا مش عايز غيرها هي تكفيني عنهم كلهم حامد قال…..بس كده هى هترجع عند امها تاني
قاسم قال….ليه هي لازم يعني تقعد في بيت جوزها مينفعش تقعد في بيت اخوها شوف قعدها كيف ما تحب وكيف ما هي تحب لكن بعيد عني انا مش هخسر قدر عشان اي حد حامد قال…..حتى لو كنت انا قاسم قال….وانت ليه هخسرك لما اتجوز قدر انا بحبها من وقت ما كنا عيال و حبها كبر معايا مش عايز غيرها معايا يعني لا راندا ولا غيرها وانت يا جدى الله يوفقك شوف اي سكه تانيه غير دي
حامد قال….بس يا ولدي قاسم قال…ما بسش يا جدى انا مش هتجوز غير قدر والخميس الجاى كمان هتجوزها سنه واما تبقى تكمل ابقى اكتب عليها حامد قال….على شهر يا ولدى قاسم قال….على يوم يا جدى انتو زودتوها قوى ومشى طلع على اوضت قدر ودخل وكانت قدر قاعده فى البلكونه بضيق ورندا قاعده على السرير قرب عند رندا وقال….انا جواز ماهتجوزكش ماشى انا بحب قدر اللى قاعده هناك دى حلو اوضتى بقى مشوفكيش قريبه منها مش بس فيها وقال بزعيق…. ماشى رندا هزت دماغه بايوه بسرعه وراح عند قدر
وقال…قدر قدر التفتتله والدموع متجمعه فى عيونها بصلها بحزن وقعد على ركبته ومسك اديها
وقال… ليه كده كل الدموع دى عشانى انا مستهلش دموعك دى ولا اى حاجه فى الدنيا تستاهل انك تنزلى دموعك دى غاليه قوى عندى انا كلمت جدى وقلتلو انى مش هتجوز غيرك وحددت المعاد انا هتجوزك يوم الخميس الجاى هتجوزك سنه وبعد الشهر ابقى اكتب عليكى عشان انتى اللى هتلجميهم تاجى اوضتى وبكده محدش هيدخلها تبقى معايا وهى مش هتتجرا تبصلى بس وانتى على زمتى حتى جدى مش هيقولك تلت التلاته كام لأنى هبقى جوزك وساعتها اقل حق عندك انك لما تشوفيها قريبه مني تجيبيها من شعرها هي او اي واحده تانيه غيرها انا عارف انك زعلانه مني عشان وقفت وما
اتكلمتش قدام جدي بس انتى عارفه انه راجل كبيره و عيان وانا اخاف عليه بس انا قلتله والله انى معاوزش غيرك وهو وافق وبعدين حتى لو زعل دلوقتي كل حاجه ليها حل الا فراقك ده اللي ما لهوش حل وصعب قوي
قدر مسكت ايديه و قالت …..انا ما زعلاناش منك انا بس زعلانه على فكره ان فى واحده تانيه هتشاركني فيك انا مستنيتش منك ترد في وش جدي انا استنيت منك توقفها هي وانت وقفتها كتير وانا جمبك ومش ههملك واصل هنبعد اي حد يوقف في طريقنا كيف لما كنا عيال قلتلي طالما يدك فى يدى اكسب اي تحدي وانا معاك اهه يدى في يدك مش هسيبها واصل و بقت بين ايديه وضمته بتملك وبصت لراندا اللي حرفيا كانت هتموت منها الغيظ وغمزتلها ورندا مشيت بسرعه
وبعد يومين كان ميعاد الفرح وكانت حفله كبيره قوي فيها كل الناس وقدر كانت قاعده في الاوضه مع البنات بس جات واحده جرى وقالت وهى بتنهج …..الحقوا يا بنات قاسم راكب على الحصان و بيرقص بيه جريت قدر على البلكونه وراحوا معاها البنات صاحبتها وقدر بقيت تتفرج باعجاب شديد على قاسم كان راكب على الحصان وبيرقص باحتراف البنات كلهم كانوا بيبصوله باعجاب قدر بصتلهم بحده وقال….ت جرى ايه يا بنت انت وهي هتبصوله وهو واقف قدامي ايه ما ملياش عينيكم انا والبنات بقم يضحكو عليها و
واحده قالت….الله يعينو على الغيره دى قلبى عندو قدر قالت….لا ياختى خدى قلبك وبلاش سهوكه الحفله خلصت وطلع قاسم على اوضت قدر وكانت مستنياه ونزلت الطرحه بسرعه على وشها قاسم دخل وقال ….احم احم يا رب يا ساتر وحط ايده في ايد قدر وطلع على أوضته وقفل الباب وشالها وقدر شهقت بكسوف ومسكت فيه جامد وقاسم مشي بيها ناحيه السرير وقال….. برضك بتتفاجئي وانتى معايا على فكره المفروض تكوني اتعودتي
قدر بصتله و قالت….اتعود على ايه بس انت ما لكش حاجه يتعودوا عليها بتفاجئني بصراحه يعني ما كنتش عارف مثلا انك هتشيلني وتدخلنى كده يعني قاسم سحب ايده من تحتها وقعت على السرير وقال….ليه بقى ان شاء الله مشبهش ولا مشبهش ولا العرسان اللي بيشيلوا احسن مني قدر قالت ….لا. محدش احسن منك انت سيد الرجاله كلها
قاسم قعد جنبها على السرير وقال… طيب يلا عادي احنا خدنا وقت كتير قوي في الحديت المايع ده حان وقت الجد بعدين انا مش عارف يعني انت مخبيه وشك مني ليه ما انا عارفه
قدر قالت …..عادي يعني عشان تتفاجئ لما تشوف وشى قاسم ضحك بخفه وقال….ماشي اتفاجئ ما اتفاجئش ليه وشال الطرحه من على وشها وقرب منها فى لحظه جميله بس بعده عن بعض بخضه على صوت الباب كان بيخبط جامد جدا راندا بتقول ببكى …. الحق يا قاسم جدى تعبان قوي
قاسم بعد عن قدر بسرعه وراح فتح وقال…. ماله جدى يعني كيف تعبان ما انا فايته زين تحت دلوقتي راندا قالت….ما اعرفش تعب فجاه قاسم نزل بسرعه عند جده وكان نايم على السرير
وقال…جدى جدى مالك فيك ايه رندا قالت…انا اقولك هو اخد دوى ونام لان الدوى فيه منوم قاسم بصلها بغضب وقال…انتى كانك اتجنيتى ولا ايه رندا حطت ايدها على صدره وقالت… خليك معايا هنا وسبيك من جدو دلوقتى هو نايم بس متقلقش عليه قوى كده قاسم زقها بعيد وبقى يفوق فى جده بس برق بشده وقال …قدر ليه منزلتش ورايا رندا قالت…وانا اش عرفنى روح شوفها وطلعت لفوق بهدوء وقاسم جرى على اوضته بسرعه بس لقى قدر مرميه على الارض بقى يفوقها
ويقول ….قدر قدر بس رندا قالت….واخده كميه دوى رهيبه محتاجه غسيل معده ولا ممكن انها تموت بس انا معايا دوى لو ادتهولها هتنزل اللى فى بطنها بسرعه بس هديهولك بعد ما تطلقها وانت طبعا مش هيبقالك عده قاسم بصلها بغل وقال….حسابك معاى بعدين وشال قدر بسرعه ونزل جرى حطها فى العربيه وطلع على اقرب مستشفى وبعد وقت كان واقف قدام باب الاوضه وطلعت الدكتوره وقالت….الحمد لله لحقناها بالعافيه بس هى لسه تعبانه قوى حاليا خلى بالك عليها
قاسم قال… يعنى ما فيش خطر دلوقتي عليها الدكتوره قالت…لا بس انت تحب تبلغ ولا ده انت*حار انتو عايزين تجوزوها غصب صح قاسم قال… لا غصب ايه دى بس بتاخد دوى وتلاقيها غلطت فى الجرعه اما تفوق تبقى تقولك هى بنفسيها الدكتوره قالت…تمام بس انت متدخلش عندها دلوقتى قاسم قال…تمام وخلى الدكتوره مشيت وطلع الفون بتاعه واتصل على رقم وقال…ايوه يا ناصر ايه اخدتها ولا لسه وسمع شويه وقال تمام اوعى تهرب منيك وقفل ودخل يتسحب وراح عند قدر
وقال….قدرى ما تقومى عاد يا بت وقفتى قلبى انا متعودتش اشوفك كده قدر فتحت عنيها بتوهان وقاسم مسك ايدها وقال ….قدر انتى زينه حاسه بحاجه