مريم: ماشي يا سيدي وانا معاك في عالمك اهو احمد بعصبيه : مريم انا مش من الانس انا من الجن مش عارفه ليه غصب عني ضحكت ايوه ما هي حاجه تضحك بردوا بجد يا احمد انت عفررريت أحمد بجديه: انتي بتضحكي علي اي مريم: علي زوجي اللي لما بيجوع بيبقي مش عارف هو بيقول اي أحمد: بس انا بتكلم بجد انا ابقي ملك الجان مريم : يعني انا دلوقتي ملكه صح وكملت ضحك
أحمد : مررررريم مريم اتخضت من صوته العالي وقالت : في اي يا احمد أحمد : انا بتكلم بجد ولازم تيجي معايا علي عالمي عشان ارجع ملك تاني احنا متقسمين لعشيرتين وفيهم ملكين ملك مسلم وملك لا الملك التاني كان عايز يستولي علي عشيرتنا لكن والدي حارب معاه وراح ضحيتها بعد ما كسبنا المعركه وانا اخدت مكانه وعشان اكون معاكي اتنازلت لاخويا الأصغر بشرط ان بعد المده اللي هيحددوها اي ان كانت هي حتي لو بعد 100 سنه لازم تيجي معايا علي عالمي ودلوقتي اتحددت ان بعد يومين لازم تيجي معايا
مريم بخوف وعدم تصديق هي جبانه اصلا : احمد بالله عليك انا بخاف وانت عارف كدا وبعدين في جني بيصلي وبيصوم أحمد :مريم انا قولتلك اني مسلم وعشان انا من الجان ماينفعش اصلي ربنا قال (وماخلقت الانس والجن إلا ليعبدون ) يعني احنا وانتم اتخلقنا للعباده مش لغيرها القرار قرارك يا مريم ولازم تنزلي معايا لو ما كسبتش المعركه دي الملك التاني هيستولي علي العشيره كلها وخصوصاً ان اخويا ضعيف جدا في حكمه ورجوعك معايا هو اللي هيرجعني احكمهم تاني
ولو مارجعتش يبقي انسي انك قابلتيني وبردوا مش هسيبك يا مريم رجوعك معايا عالمي امر مهم ولازم هيتم ولو مش دلوقتي لو اخر يوم في عمرك ها اخذك معايا وانا مستحيل اعمل حاجه زي كدا يا احمد لو كلامك بجد معاكي يومين وفكري وفي خلالهم انا موجود معاكي وامتي ما تقرري انا موجود مريم : انا قررت أن مش هعمل حاجه زي كدا ابدا مهما ضغطت عليا ومهما عملت يبقي انتي اللي جنيتي علي نفسك يا مريم
لحظة ادراك كدا ان احمد في اقل من دقيقة كان واقف قدامي بشكله الحقيقي ما حسيتش بالدنيا غير وانا في مكان زي كهف كدا ووووووووو بقلمي أيات الرحمن#زوجي_ملك_الجان 2 فتحت عيوني في مكان زي كهف كدا ولقيت احمد قاعد جنبي مريم : انا فين و أحمد : ما تخافيش انتي لسه في عالمك مش قادر اخدك معايا وانتي مش موافقه مريم بحزن : معقول كل السنين دي وانا عايشه مع شيطان
أحمد : مريم انا مش شيطان انا مسلم زيك اقسم بالله انا كل حاجه كنت ب اعملها ليكي وعشانك كانت صادقه لدرجة ان انا مش قادر اخدك معايا غصب عنك مريم بجمود : ولا هتقدر عارف ليه عشان انتوا خداعين وكذابين عرفت انت مهما كنت ف انت مخلوق من نار شيطان ربنا خلقكم وخلقنا للعباده زي ما قولت وخلق فيكم قدرات كبيره يمكن مش في حد فينا بس دا ما يديش لحد فيكم الحق ان يتزوج من الانس
كلامي كان صعب جدا عليه عيونه من شدة العصبيه اتحولت للون الاحمر غمضت عيوني اوي وحطيت ايدي علي اذني انا مش عارفه ممكن يعمل اي ساعات الحقيقه بتوجع لاعلي درجه بعد شويه فتحت عيوني ما لقيتوش ولقيتني في شقتنا جريت علي تليفوني وكلمت اختي هي عايشه برا مصر حكيت ليها كل حاجه وطلبت مساعدتها قلبي اتطمن شويه لما قالت ان هتجحز اول طياره وراجعه لكن للاسف مالحقتش اتطمن اوي لما لفيت ولقيته واقف الغريب ان هو كان هادي جدا ومش ظاهر عليه اي نوع من العصبيه او الغضب
أحمد :انتي كدا ارتاحتي صح مريم بخوف : انت جيت هنا إزاي أحمد : ودا اللي همك اختك هتكلمك وتعتذر ان هي مش هتقدر ترجع بسبب مشكله كبيره وهتبعت حد يساعدك بس للاسف مش هيوصل هنا قعدت علي الارض بفقدان امل وبدأت في البكاء خلاص كل حاجه بقيت معقده واكيد هياخدني عالم الجن لقيته نزل لمستوايا وقبل مايتكلم تليفوني رن وكانت اختي وقالت نفس الكلام اللي هو قاله وقفلت
أحمد : صدقتيني بعد كدا اخد نفس طويل وقال انا عارف وحاسس بخوفك مني وعارف ومتأكد ان انتي عارفه ان مش هأذيكي انا مسلم زيي زيك يا مريم بس الفرق بينا ان انتي من الانس وانا من الجن ودينا ما امرناش نغصب علي بعض في اي حاجه تخص حياتنا بالعكس ربنا كرم المرآه و عمل ليها سوره في القرآن والرسول وصي عليها فمش هاجي انا اخالف اوامرهم انا هروح لعالمي ومش هأذيكي بالعكس انتي اللي هتإذي نفسك من كتر تفكيرك فيا
كان بيقول كلام يوجع بجد وكان بيثبت حاجات كتير ليا بأيات من القرآن سابني وراح لعالمه بعد ما قدر يثبت ليا ان مع ابسط مشكله مع اختي اتخلت عني وان ما كانش ليا حد بيهتم بيا ويخاف عليا غيره سابني وانا مش قادره اصدق اي حاجه حاسه ان دا كابوس وهصحي منه مر ست شهور بس وانا لوحدي كإنهم 60 سنه كنت بواجه قساوة العالم لوحدي ماكنتش بلاقي حد يهون عليا بكلامه من بعده واجهت مشاكل كتيره اوى كل يوم دموع لحد ما بدء نظري يتعب وفجأه من دون مقدمات ومن كتر ما انا ما بقيتش لاقيه حل لمشاكلي
اخدت قرار ان خلاص موافقه انزل معاه لعالمه وبالفعل روحت لشقتنا انا كنت سيبتها من كتر ماكنت ب افتكر ذكراياتنا وبتعب في ست شهور كانت بقيت زي المهجوره بقالها سنين وقفت في منتصفها وبدأت انادي عليه واقول ان انا موافقه اروح معاه عالمه وهنا حصلت حاجه كانت خارج توقعاتي وووووووو بقلمي أيات الرحمن#زوجي_ملك_الجان 3 رجعت بيتنا وانا واخده قرار ان خلاص موافقه اروح معاه عالمه لان تعبت اوي من غيره وصلت بيتنا ووقفت في نصفه وبدأت انادي عليه واقول تعالي يا احمد انا موافقه اروح معاك عالمك تعالي خدني معاك انا مش قادره ولا عارفه اعيش من غيرك
تعالي حياتي من بعدك بقيت سراب ناديت كتير اوي وصرخت كتير اوي لحد ما صوتي اختفي واحمد ما رجعش قعدت علي الارض وكنت ببكي بكاء هستيري انا فعلا مفتقداك تعالي لكن للاسف ماجاش ومن وقتها وانا بقيت مطفيه كدا لا قدرت اروح معاه ولا قدرت انساه واعيش مع غيره طب انتي ليه ما اتزوجتيش وعيشتي حياتك واكيد ربنا كان هيعوضك مريم :ربنا كان معوضني ب احمد في حد اتقدم ليكي بعد ما عرفوا حكايتك
مريم : ايوه اخو زوج اختي وقال ان مش هيفرق معاه اي حاجه غيري وباقي الناس كانوا بيخافوا مني اول ما يشوفوني