بكاء طفل

كل اللي اقدر اقوله اني اتصد…مت صد..مة عمري في اكتر انسانة المفترض أثق فيها ثقة عمياء في حياتي، اتصد..مت في أمي، ايوة الست اللي المفترض تكون رمز للفضيلة والعفة والطهارة، كان باقي عشر ايام وجيشي يخلص، يومها قائد الوحدة قالنا اننا هنخلص بدري ١٠ ايام وانه خلاص مش محتاجنا غير وقت ما الشهادة تيجي.. يومها هيصنا للصبح ومعرفناش ننام من الفرحة، ومع أول شعاع للشمس جريت على بيتنا عشان أفرح امي اني خلاص خلصت جيش، خلاص بقيت حر وقادر اشتغل وابدأ حياتي..

دخلت بيتنا وسمعت صوت طفل بيبكي، استغربت جدا ودخلت اوضة نوم أمي لقيت طفل صغير على السرير، مين ده وايه اللي جابه هنا ؟؟ في اللحظة دي لقيت امي جاية من المطبخ، أول ما شافتني وانا باصص للطفل اترعشت شوية وبعدها حضنتني وحمدت ربنا اني رجعت بالسلامة.. سألتها باستغراب: – مين الواد ده – ده ابن واحدة صاحبتي راحت عمرة وسابته ليا – واحنا من امتا بنربي عيال في بيتنا

– متبقاش رخم بقا يا واد وتعالى عشان ناكل حاولت اتجاهل الموضوع وان كنت حاسس ان فيه حاجة مش مظبوطة، حكيت لأمي اني خلاص خلصت واني هروح بس لما الشهادات تيجي اخود شهادتي وبس.. بس الغريب اني كنت شايف قلق في عينيها، قلق غريب مش فاهم له أي أسباب، وعدى اليوم وإن كان فيه شيء ثقيل على صدري حاولت اتجاهله بقدر الإمكان.. تان يوم بالليل كنت مع صحابي وحسيت بشوية تعب، كنت داخل على دور برد شديد، فتحت الباب بالمفتاح ودخلت من باب البيت، وبالصدفة سمعت صوت أمي بتترجى حد في التليفون..

كانت بتقول: – لازم تتصرف ابني رجع من الجيش امبارح وسألني على الواد وقولتله انه ابن صاحبتي سكتت شوية وقالت: – استحالة  اضـ،ـ،ـ،ـره ده ابني واتنفض جسمي كله من الكلمة، بقيت مش قادر حتى اتنفس، أمي خلفت من الحرام، فضلت اترعش مكاني وانا مش قادر انطق، عقلي مشلول وقلبي وقف من الصد…مة.. فتحت عليها الباب عشان تصرخ وتبصلي بخوف شديد، كلمتها بصوت متحشرج وقلت: – هو اللي انا سمعته ده صح

لقيت وشها بقا اصفر وجسمها بيترعش ومردتش عليا بكلمة، فضلت باصص لها بذهول، وكأن الزمن كله وقف بيا، مش عارف انا ممكن أعمل ايه، لو كانت اختي كنت قتلتها، بس دي أمي، يعني استحالة همد ايدي عليها، بس دي عملت كارثة رهيبة.. سبتها ودخلت اوضتي وفضلت انهج، بفكر بعقل شيـ،ـطاني.. الفضيحة الناس شكلي لما الناس تعرف حتى افتكرت ابويا اللي مات من ست سنين، ياريتك كنت موجود مكنش ده حصل..

الواد ايوة الواد ده لازم يموت.. خرجت وانا ثاير ووقفت ابص للطفل بغل وعنين بلون الدم، لقيتها حضنته بخوف، شاورت عليه وقولتلها: – الواد ده لازم يموت بصتلي برعب وقالت: – اياك تقرب منه حاولت اشده بين ايديها بعنف بس كانت بتحميه بروحها، سبتها وفضلت اكسر في عفش البيت، كنت ثاير، عامل زي الثور الهايج، عايز الف راجل عشان يقدروا يسيطروا على غضبي..

قعدت في اوضتي مش مستوعب ده حصل ازاي وامتا، انا كنت في سينا، كانت أجازتي كل تلت شهور ١٠ ايام، يعني لو نزلت تاني أجازة أكيد كنت هلاحظ حملها، ايوة افتكرت يوم ما نزلت الاجازة اللي فاتت وشوفتها بتخبي بطنها، ولما سالتها قالتلي عندها انتفاخ وبطنها تعباها شوية، وانا كنت استحالة هظن فيها أي ظن سيء.. وقتها سمعت صوت بكاء الطفل، وحسيت بالجنون، كان صوته عامل زي صوت البعوضة اللي كانت بتزن جوة دماغ النمرود، مكنتش قادر استحمل صوته، لأن صوته كان بيفكرني بجريمة أمي..

نمت ليلتها وانا قلبي مقبوض بقبضة المـ،ـوت، نوم كله كوابيس ومشاهد مخيفة جدا، كنت حاسس ان ملك الموت عمال يشد روحي من جسمي طول الليل.. صحيت وخرجت من البيت كله وروحت على الأراضي الزراعية، فضلت قاعد هناك طول اليوم وانا عقلي هيولع من التفكير، وكل تفكيري كان دايما بينتهي بالواد.. الواد ده مينفعش يكون موجود اطلاقا، هيتكتب بإسم مين، والناس هتقول علينا إيه، والشيطان فضل يزين الصورة في ذهني، لازم يموت، لازم..

رجعت بيتنا وتلاشيت أمي تماما، كنت في مكان وهي في مكان، مبخرجش للحمام غير لما تنام عشان مشوفهاش، عدى يوم والتاني والتالت لحد ما صحيت في يوم على صوت عياط الطفل، كان صوته مستمر ومش عايز يقف، خرجت وانا ثاير من اوضتي عشان اقولها خليه يسكت، بس ملقتهاش جمبه.. وعرفت انها على السطح بتنشر، وبدأ الشيطان يوسوس ليا، كنت شايفه اللي هيفضـ،ـ،ـحني ويدمر حياتي، صوت عياطه كان عمال يزيد ويزيد، وبدأت احس ان دمي بيفور، وهو عمال يبكي اكتر واكتر..

بصيت تحت السلم وشوفت الفاس، مسكته وقربت منه، وفي غفلة وساعة شيطان نزلت بالفاس على جسمه، اتنفض مرة واحدة بس ونزل الد….م من جسمه.. بصيتله بذهول وبعدها جريت خدت فلوس من شنطة أمي وهربت برة البيت، وجريت على الأراضي الزراعية وقعدت هناك بعيد عن العين.. فضلت قاعد بترعش، مرعوب من اللي ممكن يحصل، هي ممكن تسكت وتدفن الواد وخلاص، بس للأسف ده محصلش، لأني بعد كام ساعة بس شوفت اتنين أمناء شرطة جايين ناحية المكان اللي انا فيه..

واتقبض عليا، وفي النقطة عرفت ان أمي صر..خت بأعلى صوتها لما شافت جـ،ـثـ،ـة الطفل، الناس اتلمت وسمعوها بتقول: – فتحي قتل ابني طبعا الحكومة جت، وكان فيه واحد جارنا ارضه في المكان اللي بقعد فيه بلغ الحكومة اني هبقا هناك، وفعلا خدوني من هناك.. ودخلت في دوامة تحقيقات مخيـ،ـفة، لحد ما عرفت ان قلب أمي حن عليا ووكلت محامي للقضية، القضية اللي كان كلها ثغرات، وقدر المحامي يثبت اني مريض نفسي ويجيب لي سنة سجـ،ـن..

ودخلت السجن عشان أقضي سنة صعبة جدا في حياتي، وبعد ست شهور جالي خبر موت أمي، وحقيقي معرفتش أحزن عليها، هي اللي وصلتنا لكل اللي احنا فيه ده، وخرجت من السجن على البيت عشان اقدر أعيش اللي اتبقا من حياتي، وإن كنت عارف ان نظرات الناس وكلامهم هيطـ،ـاردني بقية حياتي كلها.. …………. ومن الليلة الأولى بدأت أسمع صوت بكاء شيطان، استحالة يكون بكاء طفل عادي، وكان الصوت جاي من الاوضة اللي فيها..

صوت خشن، كأن راجل بالغ هو اللي بيبكي، ليلتها فضلت اترعش في اوضتي وقررت اني استحالة أدخل الاوضة.. وبدأ الموضوع يتكرر بطريقة مخيفة، لحد ما جت الليلة اللي خلت شعري يبيض من الر..عب، صحيت من نومي يومها على صوت حاجة بتنكش تحت السرير، حسيت بخوف كبير بس قولت يمكن فار او حاجة.. بس على الضوء الضعيف لمحت طفل صغير بيزحف وطالع من تحت السرير وخارج من الاوضة، وقتها جسمي مسكه ضعف غريب، كأني بتحول لكائن بدون روح..

واتحول الموضوع لشيء مرعب اكتر لما بقا الطفل بيظهر في كل مكان في البيت، وبالأخص بالليل، حتى في الحمام، طفل لونه اسود متغطي بهدوم بيضا وبيفضل يزحف بصوت لزج مخيف جدا.. لحد ما فقت في ليلة وشوفته بيتحرك فوق سريري، وبيطلع عليا، وقتها شوفت وشه، كان كأنه قطعة من الجحيم، وشه كان اسود متفحم ومتشقق بشقوق مخيفة، عنيه كانت عبارة عن فجوتين وبس، وقتها مسكت جسمي كهربا شديدة.. عنيا جحظت من مكانها وشعري ابيض، جلدي بدأ يكرمش وبحس بوجع رهيب مكان صدري، لحد ما اقترح عليا حد اتجوز، يمكن حالتي تتحسن..

وفعلا قررت اتجوز بنت فقيرة من بلد جمبنا، هي اللي رضيت بيا، وجه يوم الزفاف ودخلت انا وهي.. ……….. أهل البلد صحيوا على صوت صـ،ـ،ـراخ مر.عب من البنت يومها بعد منتصف الليل، ولما دخلوا البيت لقوا فتحي ميت بسكتة قلبية ووشه أزرق وشكله مر..عب، كان كأنه قابل الشيـ،ـ،ـطان نفسه يومها.. مراته قالت انه تعب وقالها هنام لوحدي الليلة، ولما دخلت تطمن عليه لقيته كدا، وبعدها مشيت البنت لأهلها واتقفل البيت..

البيت اللي بقا عليه جدل لحد انهاردة، بعض الشهود بيقولوا ان فيه قط اسود شكله بشـ،ـ،ـع بيقف قدام البيت بالليل وبيهـ،ـ،ـ،ـ،ـاجم اللي بيعدي.. والبعض بيقول ان فيه نـ،ـ،ـار غريبة بتمسك في البيت وتطفي لوحدها كل يوم بالليل.. حتى ان البعض اطلق عليه “بيت الشيـ،ـ،ـطان”