لسه بتحبها يا مازن
قالتها وصوتها مكسور بصيت عليها بشـ,ـفقة كنت قادر أنكر وافرحها بس مش حابب أكسر وعدي واكدب عليها أنا وعدت شيماء إني هقولها الحقيقة مهما حصل
آه يا شيماء لسه بحبها منة كانت حب الطفولة والمراهقة كانت هي حلمي الوحيد وحبي الوحيد
عينيها دمعت ووقفت وقالت بصوت مكسور.
أنا هحضر الغدا
راحت من قدامي بسرعة مكانتش حابب اجرحها بس دي الحقيقة أنا مبحبش شيماء ولا عمري حبيتها
أنا اتجوزت شيماء من سنة كان جواز تقليدي أخدتها وسيلة عشان أنسي منة ..منة بنت عمي اللي حبيتها أكتر من حياتي وسابتني عشان تتجوز اللي أغني مني كنت ساعتها مجروح وكاره حياتي وملقيتش إلا شـ,ـيماء جارتي اللي بتحبني من زمان وكانت عارفة إني بحب منة ورغم كده قبلت بيا علي أمل إني أنسي منة بس للاسف فـ,ـشلت وجرحت شيماء معايا
تليفوني رن وطلعني من افكاري
رديت علي التليفون واټصدمت من الأخبار
جوز منة ماټ!
قفلت التليفون وطلعت أجري كان لازم أكون معاها في الظرف ده
بعد ست أشهر