= انتي النهاردة كنتي مركزة اوي مع الواد اللي بيصورنا لا محصلش طبعا.. يعني ايه مركزة دي أصلا وبعدين انت كنت واقف جنبي = للاسف مخدتش بالي عشان كنت فاكرك محترمة انت بتقول ايه!! = اللي أنتي سامعاه يا هانم.. حضرتك استغليتي اني مشغول وكنتي مركزة معاه حاسب على كلامك يا حازم.. انا مكنتش مركزة مع حد ولو انا مركزة زي ما انت ما بتقول مكنتش اتجوزتك اصلا = كوبري.. انا كوبري عشان توصلي للي انتي عايزاه
وايه هو اللي أنا عايزاه بقا = عايزة تمشي على مزاجك.. مش عايزة يبقا ليكي راجل هو انت ازاي بتقولي انا كدا.. دي اول ليلة بينا وبتقول كدا.. من اول ليلة وبتشك فيا اومال كمان شوية هيحصل ايه.. انا لو اعرف انك مكنتش اتجوزتك = واهو حصل و اتجوزتيني انا مش هقبل اعيش معاك وانت كدا يا حازم.. يإما تحترمني اكتر من كدا وتعرف أني واحدة مش جاية من الشارع عشان يتقال ليا كلام زي دا يإما هتطلقني
= بسيطة هطلقك عشان انا راجل ومش بيتلوي دراعي.. انتي طالق يا ريهام #عمرو_راشد #لا_تخبري_زوجك #يتبعوانا راجل ومش بيتلوي دراعي،، انتي طالق يا ريهام = نهارك اسود انت بتطلقني ليلة دخلتي.. ربنا ينتقم منك يا حازم ، ربنا ينتقم منك ، انت فضح*تني وسط الناس عشان بس تحترمي نفسك وتعرفي اني راجل.. راجل هااا = وهو انت كدا راجل.. لما تفض*ح مراتك وسط الناس كدا انت بقيت راجل،، انت عارف الناس هتقول عليا ايه؟
هتقول اني راجل ومقبلش ان مراتي تعلي صوتها عليا = ربنا ينتقم منك.. حسبي الله ونعم الوكيل فيك
” سابني وخرج برا ، انا مش عارفة اعيط حتى. انا في حالة صدمة ، مخي مش قادر يستوعب أني خلاص اتطلقت ومن اول ليلة ، ياريتها من اول ليلة دا من اول كام دقيقة،، مش عارفة اعمل ايه ، طب اكلم امي؟؟ بس هقولها ايه ، فضلت قاعدة كدا لحد الصبح معرفتش انام ولا عرفت افكر عشان اتصرف .. الساعة كانت 10 الصبح ولقيت جرس باب الشقة بيرن وبعد كام دقيقة سمعت صوت طنط سحر داخلة هي وامي. جريت فتحت باب الأوضة بهدوء وبصيت عشان اشوفهم لقيت امي اتكلمت وقالت
اومال فين العروسة ” حازم رد عليها ب ابتسامة وقال بتريح جوا شوية ” امي ردت ب نظرات ثعبانية شكلك تعبتها؟ اه يعني مش أوي = طب انا هدخل ليها بقا اتفضلي يا حماتي طبعا دا بيتك ” قفلت الباب و رجعت جري على السرير.. بعد ثواني امي خبطت على باب الأوضة اتفضل ” امي دخلت الاوضة و زغرطت الف مبروك يا حبيبتي.. عيشت وشوفتك متجوزة اخيرا يا ريهام = ومتطلقة كمان يا ماما والله
بس بقا بطلي كلامك الوحش دا = انا مبهزرش على فكرة طب اقعدي بس واحكيلي حصل بس بالتفصيل هاا عشان انا عايزة اعرف كل حاجة = يا ماما انا مش بهزر يوووه عليكي يا ريهام وعلى هزارك البايخ.. احكي بقا يلاا = اقسم بالله انا اتطلقت امبارح بجد اتطلقتي!! يالهوااااي.. يا فضيحتاااي.. بنتي اتطلقت من اول ليلة ، اتفضحنا يا ريهام خلاص = يا ماما انتي اللي فضحتينا والله.. وطي صوتك ابوس ايدك
” لقيتها شدتني من شعري بقوة انتي عملتيله امبارح يابت أنتي؟ = والله يا ماما معملتش حاجة اومال هو مجنون يعني وطلقك من نفسه كدا = اقعدي بس ووطي صوتك وانا هحكيلك كل حاجة قبلها ب خمس دقايق شكلك تعبتها؟ اه يعني مش أوي = طب انا هدخل ليها بقا اتفضلي يا حماتي طبعا دا بيتك ” حماتي دخلت وانا قعدت جنب امي احكيلي بقا يا واد عملت ايه امبارح
= مشكلة بسيطة يا ماما زي ماانتي قولتي بالظبط بجد.. طب برافو عليك ، بقا بالذمة مش عيب تبقا راجل ومتعرفش بيعملو ايه في يوم زي دا = محدش قالي ازاي بس يا زمزومي.. ازاي يا حبيبي ، اكيد صحابك قالولك او اتفرجت على حاجة كدا ولا كدا = وحياتك يا ماما ما حصل طيب يا حبيبي متقلقش انا هفهمك كل حاجة.. المهم بس قولي ايه المشكلة اللي عملتها = حاجة بسيطة يا ماما متشغليش دماغك بيها
ايوا ايه هي يعني = ولا حاجة طلقتها طلقت مين؟ = ريهام يا ماما الله يخربيتك… بتطلقها ليه؟ = مانا معرفتش اتصرف وهي قعدت تستفزني يااخي كنت اضر*بها احسن.. هنعمل ايه دلوقتي = ايه دا لا ماما هو انتي معندكيش حل.. انا قولت اطلقها واشوفك هتتصرفي ازاي انت تخرس خالص دلوقتي باك انت فين يا ابن سحر!! ” امي خرجت من الأوضة وهي في قمة عصبيتها.. كان هو و امه قاعدين في الصالة
بقا بتطلق بنتي ليلة دخلتها يا وا*طي وكل دا ليه.. عشان معملتش البيض الاومليت اللي حضرتك بتحبه ” امه قامت من مكانها و ردت بنتك هي اللي مش محترمة يا سهير وبتقل ادبها على ابني.. كان حقه ميسكتلهاش = يقوم يطلقها.. انتي عارفة الناس هتقول ايه على بنتي تقول اللي تقوله.. احنا معملناش حاجة غلط و زي ما دخلنا بالمعروف هنخرج بالمعروف = احنا مدخلناش عشان نخرج يا سحر.. ابنك لازم يرد بنتي ل عصمته تاني
لما بنتك تتعلم الادب يا سهير نبقا نفكر نردها غير كدا لا = تلاتة بالله العظيم لو ما عمل كدا هنزل اقول للناس كلها لما يسألوني عن سبب طلاق بنتي.. هقولهم انه مبيعرفش ” وهنا انا وطنط سحر قولنا في نفس واحد مين اللي قال انه مبيعرفش ” امي ساعتها بصتلي بصة معناها اني اسكت انا اللي هقول كدا يا سحر = عندك اللي يثبت؟ بنتي اللي لسة بنت بنوت دي اكبر اثبات.. قولتو ايه؟
” هو و امه بدأؤ يبصو لبعض والتوتر والقلق بان على وشهم.. امي قاطعتهم وقالت انا داخلة انا وبنتي جوا.. قدامكو 10 دقايق تفكرو ” دخلنا الأوضة وسبناهم قاعدين برا… هنعمل ايه يا ماما = هو انت خليت عندنا حل تاني.. هتردها طبعا و بعدين = تربيها بقا.. بس لازم الأول تدخل بيها و دي هعملها ازاي ” لقيتها بتخرج من الشنطة بتاعتها فلاشة صغيرة امسك.. دي هتنفعك = حاضر
اسمع ياالاا.. البت دي هي و امها ناس مش سهلة.. لازم تركز وتشوف انت بتتصرف ازاي عشان منقعش تاني في الغلط دا.. لازم احنا اللي نبقا فوق مش هما = بس أنتي خدتي بالك ان ريهام مقالتش ل امها على سبب الطلاق يبقا اكيد سمعتك وانت بتكلمني امبارح وعرفت اللي فيها وعشان كدا بقولك لازم تدخل بيها وفي اسرع وقت يإما هنتفضح يا حازم.. انا خايفة عليك يا حبيب ماما
= متخافيش يا ماما.. ابنك راجل عارفة يا قلب ماما.. يلا بقا ادخل دلوقتي عليهم وقولهم اننا موافقين بس خليك تقيل كدا وانت بتقولها عشان ميحسوش انهم كسبانين = حاضر يا ماما ” خبطت على الأوضة و دخلت.. كانت هي و امها قاعدين على السرير.. اتكلمت بدون تردد احنا فكرنا انا وماما ووافقنا.. انا قررت اردك تاني يا ريهام ” امها قامت ووقفت وهي اللي ردت اسمع يا حازم لو فاكر بنتي سهلة وحيطة واط*ية تبقا غلطان.. انا اللي يقرب ل بنتي ب شر آاكله ب سناني
= يا حماتي دي مراتي حبيبتي متقلقيش عليها ” قربت من ريهام وقعدت على ركبتي قدامها.. مسكت ايدها انا رديتك ل عصمتي يا ريهام ” كانت ساكتة ومبتنطقش انا اسف متزعليش مني ” قامت وسابتني وخرجت برا الأوضة.. امها بصت ليا معلش اللي انت عملته مش قليل برضو بس ريهام طيبة وهتسامحك.. حاول بس انت معاها = حاضر يا حماتي #بقلم : #عمرو راشد ” خرجت برا و امي خرجت ورايا عشان تمشي
خلي بالك من نفسك ومن جوزك ومتزعليهوش = متقلقيش يا ماما مع السلامة يا حبيبتي ” و امه هي كمان خرجت ونزلت شقتها.. قفلت باب شقتي و دخلت اوضتي قعدت على السرير لقيته هو دخل ورايا وقعد جنبي.. رفع وشي ب ايده عشان ابصله انا عارف ان مش دي بداية حياتنا اللي كنتي عايزاها بس انا هعوضك عم كل دا = انا مش عايزة تعويض يا حازم.. انا مش عايزة حاجة خالص،، انا عايزة اعيش في امان وانت من اول ليلة محسستنيش بالامان.. من اول ليلة بينا طلقتني يبقا انا المفروض بعد كدا اطمنلك ازاي
كانت غلطة والله.. كان شيطان و دخل بينا انا بحبك يا ريهام و ما صدقت اتجوزك = وتفتكر بقا انا هعرف انسا اللي انت عملته دا هعمل اي حاجة عشان تنسي = هفكر اخليك تعمل ايه نخلي موضوع التفكير دا بعدين.. احنا يعتبر النهاردة ليلة دخلتنا = يعني ايه يعني عايزين نعوض اللي فاتنا = و دا هنعوضه ازاي قومي البسي وأنا هقولك نعوضه = انا افتكرتك هتقولي اقل*عي لا مش علطول كدا.. الحاجات دي عايزة تمهيد،، قومي بقا و خدي راحتك على الاخر
” كان لازم أحاول اتقبل منه الاعتذار عشان اعرف اعيش وخصوصا لو في وضع زي اللي انا فيه دا.. قومت خدت دش وخلصت وغيرت هدومي وبعد ساعة ونص بالظبط كنت جاهزة.. خرجت من الأوضة وانت لابسة قميص نوم اسود شفاف،، كان هو في الصالة وبيحط اطباق الاكل على السفرة.. كان شكلها حلو جدا وعليها شموع وسامعة صوت مزيكا هادية ايه دا كله = دي اقل حاجة ممكن اقدمهالك كفاية انك فكرت فيا دي بالنسبالي بالدنيا كلها
= انتي الدنيا كلها مش كفاية عليكي يا ريهام ” شد الكرسي ليا عشان اقعد وهو قعد قدامي يلا دوقي بقا وقوليلي بعرف اعمل اكل ولا لا = طبعا هيكون جميل كفاية انك تعبت نفسك يا حازم تعرفي اني اول مرة اكتشف ان عيونك حلوة أوي كدا ” خدودي احمرت واتكسفت جدا ” مد ايده ليا.. مسكتها وقومت معاه وبدأنا نرقص على صوت المزيكا، بحبك ” كانت عيونه بتلمع وهو بيقولها.. قرب مني أكتر و دخلت في حضنه.. فجأه لقيته شالني و دخل الاوضة،، صحيت تاني يوم وهو نايم جنبي.. قربت منه و بدأت امشي ايدي على شعره
حازم.. حازم قوم بقا ” لف وشه و خدني في حضنه صباحية مباركة يا احلى عروسة = صباح النور يا قلبي.. يلا قوم بقا وانا هجهز الفطار حالا ” وبدأت الايام تمر.. كانت كل حاجة ماشية بشكل طبيعي أو انا اللي كنت بحاول امشيها بصراحة.. كان في حاجات كتير بتنازل عنها ومشاكل كتير بحاول اتفاداها زي تحكمات امه مثلا وانه دايما بيسمع كلامها في كل حاجة.. زي انها بتدخل في كل حاجة في بيتنا.. واكتشفت بالصدفة أنها معاها نسخة من مفتاح شقتي ولما واجهتها ردت عليا وقالت
اه معايا وايه المشكلة يعني.. هسر*قكو انا يعني ولا ايه ” مكنتش عايزة اعمل مشاكل وقررت اسكت ومحكيتش حتى ل امي لحد ما في يوم كنت راجعة من السوق وفتحت الشقة و دخلت لقيتها جوا أوضة نومي حضرتك بتعملي ايه هنا = على فكرة يا ريهام أنتي محتاجة تشتري قمصان نوم جديدة.. في أنواع جديدة نزلت عايزاكي تشتريها اظن ان دي حاجة تخصني انا وبس.. حضرتك مش من حقك تقوليلي حاجة زي دي
= لا من حقي يا حبيبتي.. اللي أنتي متجوزاه دا يبقا ابني و لازم تخليه مبسوط.. انا بنصحك عشان متجيش تزعلي لما يتجوز عليكي محدش كان اشتكالك و ياريت كفاية لحد كدا.. انا سمحت ان حضرتك يبقا معاكي مفتاح شقتي لكن تدخلي أوضة نومي وتفتشي في هدومي دا اللي مش هسمح بيه = مش هتسمحي بيه هتعملي ايه يعني هغير كالون الباب = افهم من كدا انك مش عايزاني في بيتك
حضرتك تنوري في اي وقت بس من غير ما تتطفلي علينا.. انا و حازم اللي بنمشي حياتنا مش حضرتك ” بعد كلامي لقيتها ابتسمت وقالت تمام.. براحتك يا ريهام ” خرجت من الشقة.. وانا حاولت متعصبش ولا اضايق نفسي وبدأت اجهز الاكل قبل ما حازم يرجع من الشغل.. بعدها بالظبط ب ساعتين كنت خلاص قربت اخلص بس سمعت صوت عالي جدا على السلم.. خرجت من المطبخ وفتحت باب الشقة وسمعت صوت امه وهي بتعيط
مراتك طردتني يا حازم.. طردتني عشان بقولها تخلي بالها منك.. ولما قولتلها كدا شت*متني ياابني.. امك اتشت*مت يا حازم على اخر الزمن.. ربنا يسامحك يا ريهام ، ربنا يسامحك يا بنتي = انا هربيها بنت الكل* دي ” سيبت الباب مفتوح و دخلت قعدت في الصالة وبعد ثواني لقيته دخل عليا وهو وشه كله غضب صحيح اللي امه قالته دا؟ = قالت ايه انتي شت*متي امي و طردتيها = محصلش
يعني امي هتكدب؟ = انا رجعت من برا لقيتها في اوضة نومي وكل اللي انا قولته انه مينفعش أنها تعمل كدا ومينفعش ليه ان شاء الله = عشان دي خصوصيات.. دي جاية تقولي أنتي محتاجة قمصان نوم يا حازم امي تعمل اللي هي عايزاه وانتي متنطقيش = دا اللي هو ازاي يعني زي ما سمعتي كدا.. أنتي هتنزلي دلوقتي تعتذري ليها على اللي أنتي قولتيه = والله انا مش شايفة اني قولت حاجة غلط
هتنزلي غصب عنك يا ريهام = مش نازلة يا حازم لو منزلتيش هطلقك = وانا مش غلطانة ولا قولت كلمة غلط.. لما ابقا غلطانة هبقا انزل تمام،، انتي طالق يا ريهام!!! #عمرو_راشد #لا_تخبري_زوجك 2 #يتبعزي ما سمعتي كدا.. أنتي هتنزلي دلوقتي تعتذري ل امي على اللي أنتي قولتيه = والله انا مش شايفة اني قولت حاجة غلط هتنزلي غصب عنك يا ريهام يإما هطلقك = مش نازلة يا حازم لو منزلتيش هطلقك بقولك
= وانا مش غلطانة ولا قولت كلمة غلط.. لما ابقا غلطانة هبقا انزل تمام،، انتي طالق يا ريهام = مش جديدة عليك.. بس انا اللي غلطانة اني قبلت اعيش معاك من الأول،، كان لازم ارفض يوم ما طلقتني اول مرة.. انت بني آدم ملكش امان = الست اللي متسمعش كلام جوزها يبقا تستاهل الحر*ق مش الطلاق اسمع كلامك في الغلط؟ = في الغلط أو الصح.. انا الراجل هنا وكلامي هو اللي يمشي
وانا واحدة بقا جايبها من الشارع ملهاش أنها تقول رأيها ولا حتى تتناقش معاك = مظبوط.. طالما راجل البيت قال كلمة يبقا تسمعي الكلام ومن اول مرة.. مليش انا في جو المناقشات والكلام الفاضي دا لا وكمان هنتناقش ف ايه؟،، واحدة طردت امي عايزاني ادخل اقولك برافو عليكي!! نسيت تقول ان الواحدة اللي بتتكلم عنها دي تبقا مراتك يا أستاذ حازم.. يعني المفروض تسمعلها بس خلاص انت كدا جيبت نهايتها.. انا هقوم آاخد حاجتي وهدومي و امشي
= في ستين داهية مش مستغرباها منك برضو بس تعرف!! انا اللي غلطانة اني مرضتش افض*حك قدام امي واقولها انك اتفقت مع امك ليلة الدخلة انك تعمل معايا مشكلة عشان تداري على خيبتك = خيبة ايه ومشكلة ايه اللي بتتكلمي عنها دي هو مش حضرتك معرفتش تعمل حاجة يومها.. مش هو دا سبب الطلاق؟ ولا أنت فاكرني عبيطة ومش فاهمة حاجة،، انت حبيت تداري على خيبتك بس داريت عليها بمشكلة اكبر بس انا كان لازم اقول لامي واخليها ان الراجل اللي انا متجوزاه طلع زيه زيي مفيش فرق
” وشه كله كان مليان غضب وعنيه بتبصلي بنظرات كلها شر وفي ثانية كان القلم نازل على وشي انا راجل غصب عنك وعن امك و دلوقتي هخليكي تشوفي دا ” بدأ يشدني من شعري ل اوضة النوم.. كنت بصر*خ بسبب الوجع لحد ما دخلنا و رماني على السرير اقل*عي يابت = انت طلقتني يعني ملكش حكم عليا ولا ليك انك تعمل معايا حاجة ‘ قرب مني و بعد ثواني كان القلم التاني نزل على وشي
بقولك اقل*عي = لو اخر يوم في عمري يا حازم انا مش هعمل كدا ” أكتر من قلم نزل على وشي وهو بيردد نفس الكلمة اقل*عي.. اقل*عي.. اقل*عي ” لحد ما فقدت الوعي.. لما فوقت لقيتني نايمة على السرير بنفس هدومي.. حاولت اقوم بس حسيت اني هقع ، جسمي مكنش متزن كويس ولكن تحاملت على نفسي وقومت وانا ساندة على الكوميدينو اللي جنب السرير.. قربت من باب الأوضة وفتحته وانا سامعة صوتهم كلهم برا.. حازم و امه وامي.. خرجت من الاوضة ووقفت قدامهم،، حازم اول ما شافني زعق وقال
اهي الهانم يا حماتي.. كل يوم من دا تصحى الساعة 8 ولا بتعملي اكل ولا بتغسل هدوم ولا مهتمية بنضافة البيت ولا اي حاجة.. انا مش فاهم هي قاعدة بتعمل ايه بصراحة،، ولما جيت اكلمها واقولها دا مينفعش يا ريهام قامت و زعقت فيا وكمان قالت عليا اني مش راجل.. انا بصراحة مبقتش قادر اعيش في الحالة دي وهي اللي اجبرتني اني اطلقها عشان دي بني آدمة محدش يطيق يعيش معاها
” طنط سحر ردت عليه عشان تهديه اهدى يا حازم.. اهدى يا حبيبي عشان ميحصلكش حاجة ” بعدها وجهت كلامها ل امي بصي بقا يا سهير بنتك بصراحة يعني.. بنتك مبتحترمش حد خالص حتى انا.. تخيلي اني عشان بقولها تهتم ب ابني شوية وتحاول تبسطه تروح طارداني من شقتها.. انا بصراحة مشوفتش كدا قبل كدا ” حازم مسك ايد امه و با*سها اهدي يا ماما اهدي.. و حياه حازم تهدي
” مكنش فارق معايا كلامهم قد ما فرق معايا نظرات امي ليا كأنها بتعاتبني على اللي حصل او على الموقف اللي هي فيه دلوقتي.. بعدها قامت من مكانها وقربت مني.. كنت واقفة مش قادرة اسند نفسي و عنيا بتدمع وعايزة اترمي في حضنها بس فوقت لما لقيت القلم نزل على وشي انتي ناقصة تربية.. ولو انا معرفتش اربيكي هخلي جوزك يربيكي = يا ماما انا.. اخرسي مش عايزة اسمع صوتك.. انتي لسة ليكي عين تتكلمي
= انا معملتش حاجة ” قولتها ب دموع و كسرة لكن هي ردت عليا ب عتاب انتي خليتي وشي في الأرض يا ريهام.. حطيتي امك في اوحش موقف ممكن تتحط فيه في حياتها،، ليه كدا؟.. انتي هتسمعي كلام جوزك وترضيه وتعملي زي اي واحدة بتعمل يإما تنسي انك ليكي ام.. فاهمة ولا مش فاهمة ” رجعت و بصت ل حازم و امه معلش يا حازم.. حقك عليا انا هي هتسمع الكلام والله،، الست مننا ملهاش الا بيت جوزها وهي بتحبك يا حبيبي بس انت عارف دلع البنات بقا
= دي قالتلي انت مش راجل يا حماتي.. تخيلي في واحدة تقول ل جوزها كدا يا جدعان؟ راجل يا حبيبي وسيد الرجالة ” بعدها بصتلي وقالت بجمود اعتذري ل جوزك ” بصتلهم وهما قاعدين وشايفة في عنيهم نظرات الشماتة والفرحة انا اسفة
” قولتها ودخلت جري على اوضتي وقفلت على نفسي.. وقعت على الأرض ودموعي نزلت مكنتش مصدقة ان امي تعمل فيا كدا قدامهم.. مكنتش متخيلة انها ممكن تذلني بالشكل دا.. حسستني اني رخيصة أوي في نظرهم.. مفيش حاجة وجعتني قد القلم بتاعها اللي كسر*ني قدامهم،، هو دا الجواز اللي كنت بحلم بيه؟ هي دي العيلة و الزوج اللي كنت عايزاهم؟ طبعا لا أنا عمري ما كنت اتمنى كدا،، بس الظاهر ان الافلام أثرت على دماغي شوية.. بعد نص ساعة تقريبا امي خبطت على باب الأوضة.. قومت فتحتلها
يلا عشان جوزك يردك ” مسحت دموعي وخرجت.. كان هو و امه لسة قاعدين.. روحت وقعدت قدامهم ساعتها امه اتكلمت وقالت خلاص يا حازم المسامح كريم وهي ان شاء الله مش هتغلط تاني.. صح يا ريهام؟ ” منطقتش ب ولا كلمة واكتفيت بالسكوت.. زعق حازم ساعتها شايفة مش بترد عليكي ازاي ” امه طبطبت عليه خلاص بقا يا زمزومي قلبك ابيض.. هي ريهام كويسة وهتسمع كلامك بعد كدا ماشي اما نشوف
” بص ليا وقال بكل تكبر خلاص يا ست ريهام انا رديتك.. يكش بس نحترم نفسنا بعد كدا
” من بعد اللحظة دي وانا اتحولت ل شخص تاني خالص.. شخص ساكت مبينطقش على اي حاجة.. مليش أي رد فعل وبقيت بعمل زي أي واحدة فعلا ، اعمله اكل و اغسله هدومه و اهتم بنضافة البيت وخلاص.. حتى لما هو بيكلمني او بيفتح معايا مواضيع كنت برد على قد الكلام وبس.. زي ما يكون فقدت الشغف أو بمعنى أصح فقدت جزء من روحي.. حاسة اني اتطفيت.. كل حاجة بقت بالنسبالي عادي مبقاش في حاجة تأثر فيا حتى امه وتحكماتها وبالمناسبة هي لسة بتدخل الشقة و بتدور في دولابي برضو بس انا ساكتة مبنطقش.. ماشية بمبدأ اللي عايز يعمل حاجة يعملها..
لحد ما في يوم كانت ماما معزومة عندنا.. وهو نزل جاب امه وطلعو قعدو مع ماما لحد ما انا اخلص ، اكتشفت ان الزيت خلص وانا كنت محتاجاه جدا.. ساعتها خرجت من المطبخ وندهت عليه بعد اذنك ممكن تنزل تجيب زيت عشان هو خلص = وانتي ازاي متكونيش عاملة حسابك في زيت مكنتش اعرف أنها اخر ازازة عندي = طب مانا كلمتك وانا راجع من الشغل وسألتك عايزة حاجة وقولتي لا
طيب انا محتاجاها دلوقتي.. من فضلك انزل هاتها = و انزل انا ليه.. ما تنزلي أنتي انزل انا!! = اه تنزلي انتي ايه المشكلة يعني.. انا قاعد مع امي دلوقتي يعني انا اللي واقفة من الصبح في المطبخ عايزني انزل عشان ارجع اكمل وقفة تاني = مش دا شغلك برضو لا محدش قالك اني خدامة والله = اتكلمي ب احترام يا ريهام انا بتكلم ب احترام والله.. شوف طريقتك انت
= مالها طريقتي.. قولتيلي انزل ومش نازل.. والله العظيم مانا نازل ايه رأيك بقا تمام متنزلش.. انا هكلم البواب يجبهالي = لا متكلميش حد وأنتي اللي هتنزلي تجبيها وانا مش قادرة انزل يا حازم = يعني ايه مش قادرة تنزلي.. بتعملي ايه انتي طول اليوم عشان متبقيش قادرة مبعملش حاجة يا حازم.. وبرضو مش هنزل = هتنزلي يا ريهام امي و امه دخلو المطبخ على صوتنا.. امي اتكلمت في ايه يا ولاد
” رد عليها وهو لسة بيزعق الهانم بقولها انزلي هاتي ازازة زيت عشان تكمل باقي الاكل ومش عايزة = خلاص يا حبيبي مش مشكلة انا هنزل اجيبها لا يا حماتي خليكي.. هي اللي هتنزل ” ساعتها رديت عليه وانا مش هنزل يا حازم = شكلك عايزة تتطلقي لو انت راجل اعملها بقا = انا راجل و راجل اوي كمان.. روحي وانتي طالق ” امي صرخت فيه يخربيتك دي التالتة #بقلم : #عمرو راشد
” بدأ يبصلها مرة ويبص ل امه مرة واللي برضو كانت بتزعقله.. ساعتها كانو هما في وادي وانا في وادي تاني خالص.. كنت مبسوطة وحاسة اني اخيرا خلصت منه.. امي طلبت المأذون وجه وثق عقد الطلاق واتفقنا ان بعد شهور العدة اقرر اذا كنت هرجعله ونتفق مع محلل او كل واحد يشوف حياته.. ومن ساعتها بدأت ابص ل حياتي و اول حاجة عملتها اني نزلت شغل عشان اقدر ابعد شوية واتشغل في اي حاجة.. انا اساسا خريجة تربية قسم رياض الأطفال و دا ساعدني الاقي شغل بسرعة في مدرسة كويسة وبدأت أحاول استعيد نفسي من جديد..
الايام بدأت تمر بسرعة والشهور عدت وأدركت ان مدة العدة خلصت.. عرفت لما لقيت امي جاية تكلمني وتقولي ام حازم كلمتني عايزة تسألك لو كنتي عايزة ترجعي ل حازم ولا لا = مستحيل يا ماما انا مش هرجع للبني آدم دا اومال عايزة ايه.. هتقعديلي كدا من غير لازمة = هشتغل واشوف مستقبلي الكلام دا تقوليه لو كنتي لسة انسة.. إنما انتي دلوقتي انتي مطلقة يا حبيبتي فاهمة يعني ايه،، يعني الناس مش هتسيبك في حالك
= والمطلوب مني ايه ترجعي ل جوزك وبيتك.. هو دا اللي أنتي تملكيه في الدنيا وسيبك بقا من شغلك والكلام الفاضي دا ” امي من غير ما تستنا تسمع رأيي اتصلت ب امه ايوا يا سحر احنا موافقين.. تعالي دلوقتي وهاتي في ايدك المأذون والمحلل
” امي بدأت تظبط البيت وانا دخلت غيرت هدومي.. بعد ساعة بالظبط كان حازم و امه المأذون وصلو ومعاهم شخص اللي هو المفروض محلل.. كان ساكت ومبيتكلمش،، باين عليه ابن ناس ومحترم.. لبسه شيك والبرفيوم بتاعه حلو جدا.. المأذون كتب الكتاب و رجعنا على بيتي،، وصلنا وانا القلق جوايا بيزيد كل ثانية.. حاسة ان رجلي تقيلة جدا ومش قادرة امشي.. حازم اتكلم وقال هو يوم واحد بس.. وبكرا الصبح هتطلقها وتاخد باقي فلوسك
= معلش يا حبيب اخوك انا باخد فلوسي كلها مقدم.. والست سحر عارفة كدا كويس ” حازم بص ل امه وشاورتله انه يطلع باقي الفلوس وفعلا حازم طلعها امسك = كدا تمام.. ياريت بقا تسيبونا عشان عايزين نرتاح ” طنط سحر اتكلمت مش هوصيك يا يوسف على ريهام تاخد بالك منها وبكرا الصبح هنيجي ومعانا المأذون ونخلص الموضوع دا ” حازم و امه مشيو وانا فضلت قاعدة في مكاني مش بتحرك
ممكن تقومي تدخلي اوضتك تغيري لو عايزة = حاضر ” قولتها بهدوء و دخلت وغيرت هدومي ولبست قميص نوم لونه موف وعليه روب طويل وخرجت.. لقيته لسة قاعد بنفس هدومه تحب اعملك حاجة تاكلها؟ = لا شكرا طب بالنسبة للنوم = ادخلي نامي في أوضتك عادي وانا هنام هنا تمام ” نزلت انا و امي على شقتها انا قلقان أوي يا ماما من الواد دا = متقلقش يا حبيب ماما انا عارفاه كويس وهو دايما بيعمل الموضوع دا
طب احنا هنطلع امتا = مالك مستعجل كدا ليه يا واد يا ماما دي مراتي وبايتة مع واحد غريب.. اكيد لازم اغيير عليها = اول ما الصبح يطلع هنطلع ومعانا المأذون والواد يطلق