الحلقة الثانية عشر (شرط )
فضلت لينا بصاله بهدوء …وشها بارد مش باين عليه مشاعر …
-شروط ايه اللي حضرتك.را.فضها بالضبط ….
-شرط اني اعيش في بيت جدك …وشرط انك تحددي فترة الخطوبة قد ايه ….أنا مش لعبة في ايديكي يا هانم….
لمعت عينيها وقالت :
-اه فعايزني أنا اللي ابقى لعبة في ايديك صح.؟!
-انا الراجل …
-وانا الست ومتنساش انت اللي طلبت ايدي وانا اديتلك موافقتي بشروط وهي دي شروطي اللي مش هتنازل عنها …لو مش عاجبك ممكن تنسحب من دلوقتي ….كلم جدي بقا عشان تنهي موضوعنا زي ما طلبتني منه …
وبعدين قامت وهي بتحط النضارة على عينيها ومشت …
رفع حواجبه وابتسم بإعجاب …..صحيح جوازة منها هيكون لمهمة انه يبعدها عن جوز اخته بس دع ميمنعش انه يتسلى شوية …مقدر جدا سبب هو..س قاسم بلينا…يعترف انها اكتر ست مميزة شافها في حياته …قوية بطريقة مشافهاش قبل كده …مفيش مانع انه وهو بينقذ جواز اخته يتسلى معاها شوية خصوصا ان دي فرصة مش هتيجي الا مرة واحدة …ومين يعلم ممكن يقدر يخليها تحبه….
قام قصي من مكانه وهو مبتسم وقال:
-جميل …وانا بحب التحد…ي يا لينا ….
……
وقفت لينا تاكسي وركبته بهدوء وهي حاطة النضارة على عينيها بتخفي مشاعرها كلها …بس الأ…لم كان جواها بيكبر …كان تتمنى ان ده كله ميحصلش…اتمنت انها تتجوز قاسم حب حياتها بس هو خا…نها وحتى لو ند..م هي مستحيل ترجعله…حتى لو قلبها بيحبه كرامتها مش هتسمح لها انها ترجعله تاني …دمعة نزلت ومسحتها بسرعة …لا مش هتبكي …هتكون قوية محدش هيقدر يكسرها لا قاسم …ولا اللي اسمه قصي ده ….
اقف هنا لو سمحت …
قالتها لينا بصوت مبحوح وبعدين نزلت من التاكسي وهي بتروح لبيتها ….فتحت الباب عشان تلاقي عيلتها قاعدين مع جدها …جابر السيوفي …..
-اهلا بيك يا جابر بيه نورت …
-جابر بيه …
قالها جابر بضـ..يق بس لينا مردتش فقال بهدوء :
-انا عايزة اتكلم مع حفيدتي شوية ….
-اكيد.هنتكلم عشان مصلحة.دلال حفيدتك الجديدة صحيح يا جابر بيه …
غمض جابر عينيه وقال:
-لو سمحتي يا لينا…
هزت لينا راسها وقالت :
+معلش يا مريوم ممكن تعمليلي شاي بالنعناع ولجدك القهوة بتاعته …
-حاضر يا لينا …..
….
……..
بعد شوية ….
كانت لينا قاعدة بتشرب الشاي بالنعناع بتاعها على البلكونة وشعرها بيطير …كان جدها بيبصلها وهو مش عارف يبدأ من فين …
-اكيد مش جاي تبصلي وخلاص يا جابر بيه ….قولي عايز ايه ؟!
-عايز بدل خطوبتك انتِ وقصي يبقى فرحكم….
ضحكت لينا وقالت :
-ياااه حالا قصي كلمك وحضرتك جيت فاكر أنك هتفرض رأيك عليا. ..
اتنهد جابر وقال:
-والله ما قصي كلمني ولا حاجة …قصي كلمني فعلا النهاردة عشان بس يستأذن يخرج معاكي …لكن طلبي ده ليه علاقة بقاسم ….
ابتسمت بغموض وهي حاسة بالانتصار فكمل جابر بهم :
-قاسم بقا مجنو..ن…من وقت ما عرف أنك هتتجوزي قصي وهو بيتصرف بطريقة مخـ..يفة …طر.د مراته ومصر يرجعك ….لينا أنا وهو بقولك لو مش عايزة تتجوزي قصي وترجعي لقاسم مرة تانية وتبقي مراته التانية أنا معنديش مشكلة لاما تتجوزي قصي …
ميلت لينا راسها وقالت؛
-هو ده تهد…يد؟!
-لا طبعا يا حفيدتي مش تهد..يد…بس أنا فاهمك يا لينا … انتِ موافقة على اقتراحي ده …انتِ عايزة تأ.ذي قاسم وانا عايز انقذ جوازه …
رجعت لينا لورا وهي بتهز راسها وبتقول :
-مش عايزة اعترف بس عندك حق ….بس فيه شرط.صغنون …
اتنهد جابر وقال :
-ربنا يستر …
-ممكن تخلي قاسم هو اللي يشهد على جوازي …
-نعم يا اختي !!!
صر..خ جابر في وشها فابتسمت هي ببراءة شديدة
يتبع….. الحلقة الثالثة عشر (إختطا…ف) -أنتِ كيا..دة اووي …
قالها جابر بغيـ.ظ فهزت لينا كتفها وقالت ببراءة :
-الله أنا قولت ايه يعني. يا جابر بيه …ابن عمي وعايزاه يبقى الشاهد على فرحي ….
-انتِ عايزاه يمو..ت فيها يا لينا …حرام عليكي ….
-ده شرطي يا جابر بيه مش موافق عليه يبقى يفتح الله. …
بصلها جابر وهز راسه وقال:
-بجد معرفش ازاي بقيتي كده …بقيتي بالحـ..قد ده ازاي ….
بصتله لينا وهي حاسة بالمر..ارة وقالت:
-تخيل يا جدددي ان حياتك تكون مثالية …وهتتجوزي اللي بتحبيه …تكوني طايرة من الفرحة وفجأة يجي جدك اللي من د…مك ويهـ..د ده كله ويوقعك على جدور رقبتك …يكـ..سر قلبك وبعدين يجي يسألك ايه اللي خلاكي بالحقٕـ…د ده …تفتكر يا جدي هكون بالحـ…قد ده ليه ؟!أسأل نفسك …
أول مرة يشوف حفيدته مهز..ومة بالطريقة دي …بصراحة هو كان بيفضلها عن قاسم …لان لينا رغم سنها الصغير بس كانت قو..ية …بتفكره بيه …
مد ايده ومسك ايديها وقال:
-قصي هيسعدك …
ابتسمت بسخر..ية وشدت ايديها وقالت:
-مظنش ان سعادتي مهمة بالنسبة لك …المهم دلال دلوقتي …أنا أو..لع صح …
-والله يا بنتي …
وقفته بإيديها وقالت:
-لو سمحت متحاولش تز..يف الحقيقة …أنا عارفة كل حاجة …ومش هنيجي نتعاتب او تحاول تقنعني بقصي…هو ميختلفش كتير عنكم…بس زي ما قولت وهقول ..دي شروطي لو مش هتقبل فيها خلاص يبقى نفضها سيرة ….