بصلى بتوتر للمره المليون _ عند المجمع اللي برا المدينه اللي بيحصل فيه ندوات، عن بوابه رقم تلاته بصيتله من المرايا _ هتعمل اى هناك ؟ انا هوصلك اتكلم بهدوء _ رايح احضر ندوه، متشكر لحضرتك واسف على سوء التفاهم الرخم ده اللي غير مقصود بصيتله بتركيز من المرايا وهو اتكسف ومسك تيليفونه بتهرب… . استغربت نفسى إني ركبت راجل عربيتى، و وافقت اني اوصله واتكلمت مع الصنف ده بأريحيه بدون ما اعنفهم أو اتخانق معاهم حتى!؟
بعد شويه كنت قاعده قبل ما اطلع اتكلم و اوعى البنات والأمهات كـ العاده قرب واحد من مجهزين الندوه _ ههه لى بقى يا آنسه رقيه مضهده الرجاله بالدرجه دى، زى ما في وحش في حلو برضو لي بتصدرى الوحش بس ليهم، هو احنا ناقصين مررت لسانى على اسنانى بتركيز _ عايزه مياه لو سمحت حمحم بإحراج ومشى من قدامى بهدوء منه _ ها يا رقيه؟ جاهزه ؟ خمس دقايق وهتطلعي، ها عملتي اي مع الدكتوره ؟
اتكلمت بتعب _مصدعه اوى، بلاش نتكلم في حوار الدكتوره ده دلوقتى لما نروح علشان مش قادره اتكلم.. ابتسمت بحنيه وهي بتطبطب عليا بحنيه مُفرطه. طلعت بهدوء وبدأت الندوه _ يعني أنتِ عايزه تقوليلنا يا أستاذه إن الراجل ده وحش وكخه، مشوفتيناش واحنا بنطفح اللقمه علشان خاطر عيالنا اتكلمت بابتسامه _ لى دايما عايزين الجهل يسيطر عليكم ؟، انا حالياً بخاطب الم*تحرش مش الراجل، ياريت يكون في نضج اكبر من كده ونفهم الكلام قبل ما نتكلم، حد عنده اسأله تانيه؟
اتكلمت بنت _ لا المجتمع ولا الأهل بيصدقوا البنت، حتي لو معاها دليل، علشان البنت هي الأضعف فى المجتمع! _ مش لازم يا حبيبى المجتمع يصدقنا، اهم حاجه ناخد احنا حقنا، ومنتنازلش، ونعرف الم*تحرش إن الموضوع مش عادى وهيعدي، لانه لما يلاقي رده فعل من اول واحده هيخاف من رده فعل التانيه. _ ولو المتحر*ش من اهل البنت ؟ هل هيقدروا يساعدوا نفسهم برضو ؟؟ بصيت علي اللي بيتكلم واتفاجئت إنه هو!!!
_ والله لو انتشر التوعيه، والأمهات عرفوا بناتهم من صغرهم إن في حاجه اسمها ت*حرش، اللي حواليهم هيخافوا يقربوا منهم، ولو قربوا منهم اكيد البنات هتتصرف ما دام عندهم وعي، لكن ما دام محدش عنده وعى، المت*حرش هيفضل وسطنا وبيعمل اللي بيعمله بدون اى عقوبات، والحمد لله إن قانونياً ألمت*حرش بيتعاقب ومش بيفضل سايب كده !! ابتسم وهو بيسقف، وبعديه تعالت أصوات التسقيف اكتر اتنفست بفخر وانا بجدد الهوا اللي ملى اقفاص صدرى من أول وجديد
لاحظت إن بنت باصه بتوتر ملحوظ، و واضح، نهيت الندوه والكل بدأ ينسحب لحد ما القاعه فضيت تماماً ما عدا واحد، ما عدا هو!!! طلع كاميرا وهو بيبصلي بابتسامه وبيقولي _ ممكن اصورك ؟ ابتسمت بهدوء وصورنى عدد حقيقي محسبتهوش….. قرب منى بعد ما القاعه فضيت _ شكراً تانى إنك وصلتينى، الحقيقه خطابك النهارده كان كويس جداً…فخور إن في واحده بتنصح وحنينه على كل البنات، كـ كأنك مريتى بـ ده…!
ابتسمت وانا بلف بعيني بتوتر _ شكراً ليك بجد…. . ابتسم بخفه وهو بيديني الكارت بتاعه _ انا على، مصور لو احتاجتى تتصورى فى اى وقت كلمينى وهكون عندك، عن اذنك خدت الكارت وانا بحطه فى شنطتى، ومشى جريت عليا منه بحماس _ اللايف بتاع الندوه كان تحفه وكسر الدنيا، وتعليقات كتيره اوى ومعظمهم بنات صغيرين وحلمك بدأ يتحقق فعلاً شايفه تعليقاتهم حلوه ازاى ؟!!! #حواديت_رقروقه
بقلمى #رُقـيـه_محمد #البارت_الاول #قضيه_التحرشالبارت التانى اتكلمت منه وهي بتهزنى _ يا بنتى أنا بكلمك! بصي بصي الكومنتات كلها بتدعمك إنك بتوعى البنات عن الت*حرش الله الكومنتات بجد لطيفه بشكل! بصيتلها بتركيز قبل ما ابص قدامى وألمح شاب بيجري ناحيتنا وبيقول وهو بينهج _ استاذه رقيه….دكتور مدحت عايز حضرتك حالا فى مكتبه انا ومنه بصينا لبعض بإستغراب ودخلنا مكتبه مدحت _ انا مقدر كل النجاح اللي عملتيه ده، بس الدنيا مقلوبه عليكى وخصوصا الرجاله، وبيقولوا إن الندوه دى لازم تقف لأن كده أنتِ بتهدرى حقوقهم وبتسوئى سمعتهم!!!
قعدت بهدوء على الكرسى وانا باخد نفسى _ دكتور مدحت، أما حضرتك تيجي تتكلم ياريت تصحح كلامك بشكل لبق اكتر، تقدر تقول إن الم*تحرشين قالبين الدنيا عليا علشان بدأت اوعي البنات منهم، وبدأو يخافوا، بس الفكره اللي يخاف من رده فعلهم هو كمان ويحب يوقف كل الوعى ده يا تري يبقي اي ؟، ها يا ترى يبقى اى يا منه ؟ بصتلي منه بتبريقه، وساعتها رد عليا بحزم
_ حاسبى علي كلامك يا رقيه كويس قاطعته وانا بتكلم بحده وبخبط بأيدي علي المكتب _ أسمى دكتوره رقيه زى ما بحترمك تحترمنى، وبعدين لو خايف اوي كده انا هتصرف في مكان تانى، وابقي أما بناتك أو اخواتك أو حتي زوجتك يحصل فيها كده متتكلمش وخاف من رده فعل المتح*رشين، يلا يا منه خرجت بغضب وانا بشتم بصوت واطي ركبت منه العربيه وقفلت الباب وقالت بهدوء _ ممكن تهدى وتاخدى نفسك بهداوه؟ متتعصبيش لو سمحت
اتكلمت بعصبيه مفرطه _شوفى بيتعامل معايا ازاى بعد ما خليته يكسب من ورايا دهب !!!! اتكلمت منه وهى بتاكل موز _ كلهم كده يا رقيه، يلا بقى نروح لحسن انا تعبت تعب النهارده، يلا يا مشهوره يلا بعد كده مش هنعرف نمشي في الشارع ضحكت بخفه ونسيت كل عصبيتى فـ ثانيه… منه بإستغراب _ اى يا بنتى الكارت ده؟ وبيعمل اي في شنطتك اتكلمت رقيه وهي بتنشف شعرها
_ فى اى يا منه كارت عادى بتاع مصور، ده حصل حته موقف بس مش هحكيهولك علشان مش قادره صراحه ممكن بكره مثلاً ضحكت منه _ اصل كارت مصور راجل وفى شنطه دكتوره رقيه الداعيه لحقوق المرأه! احنا هنخيب ولا اى ضحكت بصوتى كله _ اخرسي يا منه أنا هروح اكل العصافير علشان لو فضلت قاعده معاكى مش هخلص من تقطيمك ليا دخلت رقيه بلكونتها الصغيره اللي تقريباً بيتها الدافى بدأت تسقي الزرع وبعد كده راحت للعصافير….شالت القفص وحطته علي الترابيه قدامها وهي بتقولهم بحنان مفرط
_ عارفه يا بندقه، النهارده كنت فخوره اوي بيا كان نفسي تكونى معايا الصراحه، بس مش مشكله مره تانيه قامت رقيه وحطتلهم اكل وخرجت بسرحان منه _ ايوه برضو هنعمل اى وهنروح فين، ميعاد الندوه الجايه قربت ومفيش اي حل كده هنلغيها بصت رقيه للفراغ لدقايق وقالت بهدوء تام _ أنا هتصرف، ادخلى نامى انتى بس وانا هتصرف متقلقيش دخلت رقيه المطبخ عملت قهوه وطلعت البلكونه مره تانيه
رجعت راسها لورا وهي بتفتكر آخر مشهد وهى في سن الـ 15 نور( بنت خالتها ) بخوف _ رقيه رقيه رقيه بخضه _ فى اى يا نور ؟ أنتِ كويسه ؟ خالتو عملتلك حاجه نور فضلت تلف عينها بذعر _ خالو يا رقيه خالو رجعت بذكرياتى تانى وانا بمسح دمعه نزلت _ أنا اسفه يا نور، مقدرتش انقذك ولا انقذ حياتك، مقدرتش اساعدك أنا آسفه…..، أنتِ فى مكان احسن يا حبيبتى ربنا يرحمك، وحقك مش هسيبه
_تمت بفضل الله_ #بقلم_رُقـيـه_محمد #البارت_التانى ( فى بارت هينزل بليل بإذن الله 👀 )