ريا بصت على المكان اللي بيشاور علية و كانت هتعيط و هي بتقول: بس انتوا اللي موسخين المكان يعني انتوا اللي تنضفوا أنا تعبت من كتر الشغل وليد : صح معاكي حق ريا انبسطت أوي و ابتسمت لكن انصدمت لما سمعت وليد بيقول: ها يا حازم جهاز الكهربا اللي كنت قايلك علية فين حازم تف قشرة اللييب و قال: أيوة جبته هتلاقية في الرف التاني في دولابك أنا أخاف احط الحاجات دي عندي
وليد مثل اللي هو بيقوم و ريا جريت جابت المكنسة و بقت تنضف و هي بتقول: والله العظيم لوريكم هشردكم هخليكم تناموا في الشوارع الصبر حلو ——- اذكروا الله ملك مقعدة أمها و أختها على الكنبة و قاعدة قصادهم على الكرسي و هي يتقول بتوتر: أصل انا كنت بشتغل منال بتبريقة: نعم بتـ اية بتشتغلي و بتشغلي اية و فين بقي يختي ملك بلعت ريقها و قالت: كنت بشتغل خدامة
منه : ومالة يا بنتي الشغل لا عيب ولا حرام ها بتشتغلي فين بقي منال مركزة معاها أوي و ملك قالت بتهته: كنت بشتغل عند شباب منال: اه و الحاج و الحاجة كانوا معاهم صح ملك هزت رأسها بالنفي و قالت: شباب عذابي بس والله يا ماما أنا كنت محافظة على نفسي أوي حتي شوفي كنت بظهر قدامهم إزاي منال خطفت منها التليفون و قبل حتى ما تبص فيه كانت رايحة ناحيتهم و منه وقفت في النص تفصل بينهم و حايشة أمها عن ملك
منال : في بيت في شاب يا ملك دي اخرت تربيتي فيكي ملك : و الله يا ماما دول طيبين جدا ولا حد فيهم فكر يقرب مني دا حتي كانوا بيعاملوني زي اختهم منال : أنا مليش دعوة بدا كله منه واقفة في النص بتقول: ما تهدي بقي يا منال ما البت قدامك صاغ سليم اهي منال: اشتغلتي رقاصة يا سعدية وإلا لسة ملك بتسرع: أبدا والله دا انا كنت بشرف عليهم بس خليتهم هما اللي يرقصوا لكن أنا أبدا
منال برقت ليها و بصت لـ منه اللي بلعت ريقها و زقتها على جنب و منه حاضنة منال و مش راضيه تسيبها و هي يتقول: طلاق تلاتة ما انتي متحركة من مكانك يا منال و بصت لـ ملك و هي بتقول اهربي يا زفتة هتمسكك ملك بصت ليهم و جريت على الباب قبل ما أمها تمسكها منال : اشتغلت خدامة في بيت عُذاب كانت بتمسكلهم الصاجات شربتي بانحوا وإلا لسة يا بنت منال
ملك من على باب الشقة: لسة والله يا منال بس ممكن نجرب شيشة فواكه نفسي فيها أوي منال بصت لـ منه اللي سابتها و هي يتقول: شوفي شغلك معاها عشان انا فرهدت و بنتك معندهاش دم يا منال منال زقت منه على الكنبة و قامت جابت ملك من شعرها و منه جت تحوش منال مسكت شعرها هي كمان ملك : اهدي يا منال دي كانت بوسة بريئه مش بوسة اللي هتعمل فينا كدا
منه : يا بنت الصر’مة انتي مصره أنها تمو’تك يعني و بصت لـ منال و قالت: طب هي اتباست انا زنب اهلي اتسحل معاها السحلة الوده دي لية منال بصت لـ منه و قالت: اخرصي انتي و اضر’بي و انتي ساكتة و بصت لـ ملك و قالت: اتباستي يا بنت الصر’مة اتباستي ملك هزت رأسها بايجاب و قالت: كانت بيحطلي قطرة فباسني بوسة مشبك يا منال منال شدتها جامد من شعرها و هي بتقول: انتي عاوزه تحبيلي القلب صح يا بنت الكـ’ـلب يا اللي مشوفتيش بريع جنية تربية
منه :- ااااه شعري يا منال في اية أنا عندي الحل هقولك نعمل اية منال زقتها على الأرض و مسكت ملك باديها الاتنين ملك : اية يا منال هو اللي بنعمله في الناس هيطلع عليا وإلا اية و بصت لـ منه و قالت: الحقيها بالحل يا بنت الصر’مة هتاكلني منه : بصي يا منال إحنا نجيب الواد و نخلية يكتب على البت و يا دار ما دخلك شر و هنجيب اسماعيل يقولة التار ولا العار ها اية رايك
منال رمت ملك على الأرض و وقفت حطت ايد في وسطها و الايد التانية على دماغها و واقفة تفكر بصت ليهم و قالت: طلاق تلاتة ما يحصل اللي انتوا قلتوه دا و بصت لـ ملك و قالت: هايجي امتي يخطبك كلب البحر دا ؟ ملك لسة هتتكلم الباب خبطت منال: ولا حركة إن لقيت واحدة قامت من مكانها هفرج عليها الشارع و راحت فتحت الباب و قالت بخبث : يا مرحب يا مرحب ادخل تعال و شدته جوه و قفلت الباب و هي بتقول: استعنا على الشقا بالله
——– اذكروا الله مالك بعد ما عرف مين اللي مسلط ريا قام جاب ورد و راح لـبيت ملك و هو في نيتة أنه يخطبها كان مبتسم أوي لحد ما منال فتحتله الباب و ابتسامته اختفت لما لقاها بتشده لجوه منال بصت على مالك و عرفت إن هو من طريقة لبسة و شياكته و الورد اللي هو ماسكة و حلفت لـ تربية أخدت منه الورد و رمته على الأرض و شمرت اديها و هي بتقول: تعالالي يا عم تامر حسني بتبوس البت بوسة مشبك اية شايفها رقاصة قدامك
ملك بصت لـ مالك و هي قاعدة على الأرض مربعة و يتقول: هاي ملوكي وحشتني أوي يا روحي يا رب يكون حسن الاستقبال عندنا عجبك مالك : عجبني أوي يا روحي بتقولي لأمك إني بوستك با بنت الصر’مة ملك : سوى يا بيبي انا مش بخبي عن مامي اي حاجه منال: هي مين دي اللي صر’مة يا ابن الكـ’ـلب و نزلت فوقة ضرب مالك : أنا فعلاً ابن كـ’ـلب يا حاجة و بعدين انتي مكبرة الموضوع دا هما تلت أربع بوسات بس
منه بهمس لملك: بقولك يا صاحبي هو مفيش من الحليوة نسخة تانية ليا دا أنا أختك برضوا ملك : فية كريم شانتيه و كنافة بالمنجة و أنا أنصحك بالكنافة بالمانجة عشان الكريم شانتيه لسة صغير منه سلمت على ملك و قالت: نقرأ الفاتحة يلا انتبهوا الاتنين على صوت مالك اللي عليّ بصوا عليهم و اتصدموا….. يتبع الكاتبة Zährä Ęssäm تفاعل حلو لاني تعبانة و بكتب 😃👍 همسات ليله
حكايات آخر الليل خادمة قلبي بقلم زهرة عصامخادمة قلبي ٢٨ منه سلمت على ملك و قالت: نقرأ الفاتحة يلا انتبهوا الاتنين على صوت مالك اللي عليّ بصوا عليهم و اتصدموا لما لقوا منال نازلة عض في مالك و مش رحماه منال : تلت أربع بوسات لية شاقطها من جامعة الدول اظبط يلا بدل ما اظبطك مالك : خلاص أنا آسف يا حاجة ادي رأسك ابوسها منال : مكفكاش بوس في البت هتبوس أمها كمان اترزع اقعد في حته
مالك قعد على الكنبة و ملك و منه لسة قاعدين على الأرض ملك : بس أي رأيك في بيتنا يا ملوكي قمه الهدوء قمة التفاهم و الديمقراطية مالك: طبعاً انتي هتقوليلي و أنا أقول انتي طالعة كدا لـ مين صدق اللي قال أقلب القدرة على فمها تطلع البت لامها ملك بغيرة : فرقع لوز اللي في البيت لسه في البيت وإلا مشيت اوعي تكون مشيت لسة في حساب بينا مخلصش
مالك : ما مشيتش سايبها في ايد وليد و حازم هيخلصوا عليها منه : لا اسكوز مي بقي يا شوباب هي منولة تمشي و انتوا تاخدوا راحتكم مين فرقع لوز دي ضايقتك يا بت في حاجة ملك ببراءة مصطنعة: جدا يا منه كانت بتمد اديها عليا يرضيكي منه مصمصت شفايفها و مدت ايديها لـ مالك و قالت بهدوء: العنوان يا ريس منال خرجت و قعدت على الكرسي برأس مرفوعة ملك رفعت ايديها و قالت: منولة ممكن أقوم برستيجي بقي في الأرض
منال: برستيج اية يا أم برستيج اترمي مكانك لحد ما أخلص مع الحليوة دا ملك بغمزة: أنا قولت عليك حليوة من ساعة ما شفته محدش صدقني منال: مسمعش نفسك مفهوم و أنت عاوز اية أخلص في مسلسل عاوزين نتفرج عليه مالك : أنا عاوز اتجوز بنتك يا ماما منال: مو لما يلهفك بقي أنا أم لشحط زيك كدا ؟ و بعدين أنا معديش بنات للجواز مالك : سكسكيوز مي بقي يا حاجة بنت تخصني هفضحهالك في المنطقة كلها دا انا هريها بوس
ملك : شبح عليا الطلاق شبح و بعتتله بوسة في الهوا منه : هيييح اوعدنا يا رب بـ واحد كاريزما في نفسه كدا بعد نقاش متحضر جدا لا يخلوا منه الشبشب الطائر بين مالك و منال مالك قدر يقنعها بخطوبة بينهم مالك: ممكن اخدهم معايا نص ساعة و هرجعهم تاني ؟! منال: ساعة على الساعة لو ملقتهومش مفيش جواز مالك يصلهم و قال: طب يلا بقي يا بنات و خدهم و خرج
ملك : حليوة إحنا رايحين فين مالك بغمزة: في حساب لازم تصفية ملك شمرت ايديها و قالت: حسننا فلنفعلها معايا يا بت يا منه