بعد يوم طويل في الشغل فتحت موبايلي على صورته بصيت فيها واتهندت قطع اندماجي مع ملامحو صوت سلمى صحبتي وهي بتقول: _يلا يا ست العشقانه هتباتي هنا ولا اي؟ _بحبو يا سلمى بحبو _الدنيا كلها عارفه يا قلب سلمى بس احنا عمرنا ما نروح نقول _طب هو ليه مش حاسس بيا؟ _عشان اخويا ده جبله مبيحسش ده لوح من التلج ولا عنده قلب ولا مشاعر
_ماتقوليش عليه كدا يا سلمى والا هزعل منك ده جميل ده أعظم رجال الكون _يوسف بطيخه بقا أعظم رجال الكون؟ امشي يا روز الله يرضى عليكي خدت حاجاتي ونزلنا سوا من الشركه واستنينا الاوبر وبعد شويه كان وصل وركبنا سوا _هتروحي على بيتك ولا هتيجي عندي؟ _يوسف اخوكي هيكون في البيت ولا لاء؟ _لاء زمانو راح شغلو _خلاص مش جايه _يا واطيه كنت بختبرك هيكون في البيت ياختي
_خلاص هاجي معاكي عشان اشوفه اصله واحشني اوي _انا مش عارفه فيه اي زياده عن بقيت الناس عشان تحبيه اوي كدا هو اخويا اه بس انا مش شايفه انه يجنن زاي مانتي شايفاه _بحبو يا سلمى بحب شخصيته تقيل كدا وعاقل وراسي عارف هو عايز اي مش تافه زاي شباب اليومين دول ده مش شاب ده راجل _امم بختصار يا روز يا حبيبتي انتي بتحبي اللي يديكي على دماغك
_لو هاخد على دماغي منو هو مفيش مشاكل شوية وقت وكنا وصلنا عند البيت حاسبنا سواق الاوبر ونزلنا طلعنا العماره وقفت سلمى ترن الجرز ودقايق وكانت مامتها فتحت _اهلآ اهلآ إزيك يا روز _ازيك انتي يا طنط عامله اي _مش قولنا بلاش طنط دي _ااه صح إزيك يا خالتي اخبارك اي _كويسه يا حبيبت خالتك خشو يلا عقابل ما احضر الغدا ونتغدا سوا
دخلنا وانا عيني على باب اوضته مظهرش ليه مش سامعه صوتو ليه معقول سلمى تكون ضحكت عليا عشان اجي معاها وخلاص؟ ولسه هسأل سلمى هو فين قطع سؤالي خروجو من الحمام بص ل سلمى وقال: _حضريلي قهوتي واكوي البدله بتاعتي عشان هتأخر على الشغل _اعمل اي ولا اي اختار حاجه واحده انا مش بمليون إيد يا يوسف _اعملي الاتنين يا سلمى وتاني مره تردي بأسلوب احسن من كدا
قالها وسابنا ودخل اوضته سلمى نفخت من طريقته الحاده بصيت ليها وقولت: _روحي انتي اكوي البدله وانا هقف اعمل القهوه مع طنط جوه _انتي حره يكش تطلع مش مظبوطه ويزعقلك _على قلبي زاي العسل مالكيش دعوه قولتها ودخلت ل طنط المطبخ وقفت اعمل القهوه بالطريقه السريه بتاعتي .. فقط القليل من البُن والحليب وقلبي . . اختارت فنجان لذيذ لونو بينك وافتكرت إن معايا شكولاته كيندر في شنطتي جبتها وحطتها جنب فنجان القهوه وخرجت وانا بتمنى من كل قلبي انها تعجبه
_هو فين ؟ _مشي قال انه اتأخر على شغلو وهيشرب قهوته في المكتب _طب والقهوه اللي عملتها؟ _اشربيها ياختي بعدين اي الفنجان ده؟ وانتي بتقدميها ل ابن اختك ده يوسف يا روز يوسف _طب ينفع اشربها في اوضته؟ _هو ينفع بس متلمسيش حاجه عشان هيعرف _طيب فتحتلي باب اوضته ودخلت هي ل مامتها في المطبخ ودخلت انا الاوضه وانا بتأمل في كل حاجه فيها سريره مكتبو الكتب اللي بيقراها برفانو ويالهوي بقا من برفانو
حطيت فنجان القهوه على التسريحه ولسه همد إيدي اخد البرفيوم بتاعه اشمها زاي كل مره قطعني صوته وهو بيقول: _انتي بتعملي اي هنا ؟ لفيت ليه وانا متجمده في مكاني مش عارفه انطق من خوفي منو ومش عارفه اتشجع واتكلم من جمالو وهو ب البدله الميري _انطقي بتعملي اي هنا؟؟ جت سلمى في الوقت المناسب وقالت: _هي عملت القهوه وكانت فاكرك لسه موجود ودخلتها ليك يا يوسف .. انت اي رجعك مش قولت إنك مستعجل؟
_ااه بس نسيت محافظتي فتح الدرج خد محافظتو وقفلوا تاني وكان هيمشي بس رجع مسك فنجان القهوه وشرب منو بوق وقال: _قهوتك نيه المفروض تستني عليها اكتر من كدا وسكرها كتير تبقي تقللي السكر اكتر من كدا والقهوه مبيتاكلش معاها شكولاته ولا اي نوع من الحلويات بلاش عك ويلا يا سلمى انتي وصحبتك من اوضتي من غير مطرود قالها وخرجنا انا وسلمى من اوضته خدت القهوه شربتها في اوضة سلمى وانا بعيط من طريقته الجافه
_خلاص يا روز اهدي مانتي عارفه ان دي طريقته من زمان ومع ذلك بتحبي _هو فاكرني متهمه عنده يا سلمى ازاي يعاملني كدا _هو بيعاملنا كلنا كدا وانا قولتلك مش هتعجبه وهيزعقلك قولتي على قلبي زاي العسل _بس ده عسل مُر ده عسل ماسخ مش مسكر _واي اللي رماكي على المُر يا ست روز _بحبو _ااه من الحب ووجع قلبه يا ناس هروح اشوف ماما واهدي بقا
سابتني وخرجت شربت اخر بوق من القهوه اللي طلعلي فيها عيوب قد كدا وانا بفكر هو ليه كدا؟ ليه مش عادي مش يمكن اللي محببني فيه اصلآ انه مش عادي غامض وعميق عمره ما سلم عليا على طول بيتجاهلني كأنه مش شايفني اصلآ مش يمكن ده المميز فيه ؟ بعد ما قعدت مع طنط وسلمى عشان ميزعلوش روحت البيت وانا بفكر فيه وفي قلبي اللي سايبني ومطاوعه غيرت هدومي ولبست بيجامه مريحه بحبها
ودخلت المطبخ عملت فنجان قهوه سويت القهوه كويس ومحطتش سكر كتير ومكلتش معاها شكولاته ولا اي حاجه عشان ميبقاش عك ومع اول بوق من قهوتي افتكرت حكايه قرأتها زمان تشبه ل حكايتي كانت حكاية الجنايني اللي حب اميرة القصر بس انا قصتي تختلف انا الجنايني وهو امير القصر! الحب من طرف واحد مُلك انا مستاهلش اني متحبش انا استاهل اني اتحب ب الطريقه اللي استاهلها ويتمشيلي بلاد
من تاني بوق من القهوه قرارت اني خلاص هشيلو من دماغي وهبطل احبه فتحت موبايلي عملت بلوك ل رقمه اللي هو ميعرفش انه معايا اصلآ واخر بوق من قهوتي جتلي فكره حلوه تخليه يحس بيا فا اتصلت ب سلمى صحبتي احكيلها على الخطه الجديده ورجعت احبه وافكر فيه تاني وفكيت البلوك عشان انا مهزقه وهعمل خطه جديده عشان يحبني وبعد دقايق من الانتظار سلمى ردت يتبع..
بقلم شهد محمدبعد شويه من ألانتظار سلمى ردت _خير يا روز هانم _خير يا ختي خير . . انا جتلي فكره تخلي اخوكي يتحرك وياخد خطوه من ناحيتي _اي هي قولي _نقول قدامه إن جالي عريس وقتها هو يتجنن بقا ويبقا عايزني أرفض وكدا _هو انا مظنش إنه ممكن يعمل بس ماشي نعملها يمكن تيجي ب فايده بكرا تعاليلي ونعمل الحوار عليه بس يا خوفي لا يعرف اننا بنحور
_وهيعرف منين يا سلمى _متنسيش إن يوسف ظابط مخابرات يا روز يعني يعرف الكداب من الصادق _طب والحل _بصي متبصيش في عينو وانتي بتتكلمي عشان قالي في مره إن البيكدب في حاجه في عينو بتتحارك باين وحاولي تسيطري على حركاتك وانتي بتتكلمي عشان ده بيفهم في لغة الجسد _ياربي منو بيعرف في كل حاجه _يوسف بقا هو اي حد _طيب خلاص هجيلك بكرا
_تيجي بدري قبل ما ينزل الشغل يا روز _اتفقنا قفلت مع سلمى وانا بتخيل اي اللي ممكن يحصل لو خططي نجحت نمت وانا بفكر فيه وجيه تاني يوم صحيت بدري غيرت هدومي وعرفت ماما انا رايحه فين وروحت على بيت سلمى على طول رنيت الجرز وثواني وكان هو اللي فتح الباب فتحو ودخل من غير ولا سلام ولا كلام البارد سلمى شافتني جت عليا وقالت:
_اهلآ اهلآ ب العروسه _عروسه اي يا سلمى لسه مفيش حاجه طنط مامتها قالت: _اي يا روز هنفرح بيكي قريب ولا اي؟ _مش اوي يعني يا خالتي هو عريس متقدملي لاكن انا مش موافقه _ليه يا بنتي اي اللي يعيبو؟ _ميعبوش حاجه والله يا خالتي بس انا اللي مش عايزاه انا عايزه واحد ليه هيبه كدا مقامه عالي وياسلام بقا لو ظابط زاي أبطال الروايات
_الروايات كلت دماغك إذا كنتي انتي ولا الموكوسه التانيه اقعدي افطري يلا اقعدي قطع كلامنا صوتو من اوضته وهو بيقول: _القهوه يا سلمى دخلت سلمى عملت القهوه وقدمتها ليه شربها في اوضته ونزل من غير ولا كلمه ونزلنا انا وسلمى روحنا الشغل واحنا قفانا بيأمر عيش زاي مابيقولو _اخوكي ده بني ادم زاينا ولا حجر ده لوح ده لو ابو الهول كان نطق ده انا قولت عايزاه ظابط اعمل اي تاني اقول اسمه عشان يفهم؟
_انا قولتلك ده مفيش حاجه هتهزه _ماليش دعوه يا سلمى اتصرفي عايزه اتجوزه اي الحل؟ _الحل إنه يحبك _ويحبني إزاي؟ _معرفش يا سلمى معرفش يوسف اخويا غامض يعني معرفش بيحب اي وزوقه اي واي اللي يرضيه محدش فاهم يوسف ولا يعرف دماغو فيها اي روحنا الشغل وانا فاقده الأمل فيه وفي قلبي اللي بيحبو عدا يومين وانا مبروحش عندهم وماليش دعوه بيه وهو مسألش زاي عادته
وانهارده بعد الشغل سلمى كانت مصممه إني اجي معاها عشانها مش عشانه وفعلآ روحت معاها قعدت معاها هي ومامتها _صحيح يا روز يابنتي عملتو اي في حوار العريس _رفضتو والله يا خالتي _ربنا يرزقك ب ابن الحلال اللي يستاهل قلبك يا حبيبتي _يارب يا خالتي عن اذنكم امشي بقا عشان اتأخرت قومت وهزيت الكرسي اللي عليه العصير فا وقع عليا ومكنش ينفع امشي ب هدومي المتبهدله فا لبست دريس من عند سلمى وسلمت عليهم ومشيت
ووانا على السلم شفته عيني جت في عينو ومتكلمش وبعد خطوتين وقفني صوتو وهو بيقول: _استني لفيت ليه وانا مش مستوعبه انه هيكلمني وقولت: _نعم في حاجه؟ _الدريس اللي انتي لابساه ده مش قصير شويه؟ _ولا قصير ولا طويل معقول يعني متكلمش سابني ومشي هو اه حركه مش لطيفه انه يسبني ويمشي من غير ولا كلمه بس انا الفرحه مش سايعني انه اتكلم معايا روحت البيت وانا طايره من الفرحه
روحت البيت اتصلت ب سلمى عشان احكيلها _شفتي اللي حصل _لاء مشفتش _اخوكي كلمني يا سلمى كلمني _بجد قالك اي انطقي قولي قالك اي _كنت نازله من السلم وهو طالع وقفني وقالي استني قولتله نعم في حاجه قالي الدريس اللي انتي لابساه ده مش قصير شويه قولتلو معقول ولا قصير ولا طويل وبس كدا سابني ومشي _شكل كدا والله واعلم غيران عليكي يابت ياروز عشان بعد مامشيتي هو كان طالع مضايق
_بجد غيران اني لابسه قصير خلاص هجيلكم بكرا وانا لابسه ضيق وقصير وعريان عشان يغير _لاء كدا هيطلقك قبل ما يتجوزك بس احنا كدا فهمنا ان فيه ذرة مشاعر اهو ممكن نلعب على النقطه دي ونعمل خطه جديده _صح انتي صح اي الخطه بقا؟ قطع كلامي مع سلمى صوت مامتها وهي بتقول: _خطة اي يا سلمى بتخططو ل اي انتي وروز _أبدآ يا ماما مفيش حاجه
_لاء فيه انا سمعت هتقولي ولا اجيب يوسف اخوكي يعرف بتخططو ل اي؟صرحيني يا بنتي انا مش هأذيكم على الاقل اقولكم إذا كانت الخطه صح ولا غلط كلام طنط مامت سلمى اقنعني قولت ل سلمى تفتح السبيكر واتكلمنا احنا التلاته وحكينالها عن حبي ل ابنها ضحكت وقالت: _الله يخيبك يا روز انتي فكرك اني معرفش ده الدنيا كلها عارفه انا مش بنت امبارح وفاهمه وعارفه انك بتيجي عشانه وحوار العريس ده كدا وكدا صح
_صح ياخالتي اتصرفي بقا وجوزيني ابنك _مش هلاقي أحسن منك يا حبيبتي هجوزهولك عيني ده انتي الغاليه بنت الغاليه بكرا هعمل خطه جديده من تفكيري انا وشوفي بقا تخطيط خالتك _حلاوتك يا ام يوسف وجيه تاني يوم وسلمى ومامتها جم عندنا وهما بيحكولي عملو اي ( فلاش باك ) _اي اللي مصحيكي بدري يا امي؟ _رايحين ل خالتك ام روز غصبه البت على العريس والبت يا حبة عيني مموته نفسها عياط هقنعها إن الجواز مش ب العافيه
_طيب تحبي اوصلك؟ _لاء سلمى هتصحى ونروح سوا روح انت شغلك يا حبيبي _ماشي يا أمي ( باك ) _ياسلام فين الخطه في كدا بقا يا خالتي _يابت بليل هيجي يسألني عملتي اي وهلمحلو بقا _طيب يكش يجي ب فايده _هيجي بس قومي اعملي كوباية شاي يلا _حاضر وبعد ماخدو قعدتهم معانا مشيو وسلمى قالتلي انه مسألش ومعملش اي حاجه
فقدة الأمل للمره المليون وقرارت اني هنساه وهموف اون من علاقه مدخلتهاش عملت بلوك ليه ومسحت صورو دخلت المطبخ عملت فنجان قهوه زاي ما هو بيحبو بظبط بعدين رميتها مش هشرب حاجه بيحبها من انهارده وعملت مج كاكاو وخدت كام قطعة فراوله ومع اول قطعه لقيت موبايلي بيرن كانت سلمى رديت وكانت مامتها هي اللي بتتكلم _انا عندي خطه جديده يا روز والمرادي هتبقا خطوبه على طول
_بجد يا خالتي اي هي؟ وفضلت تحكيلي الخطه الجديده واقتنعت بيها انا وسلمى وقفلت معاهم ورميت الفراوله وعملت فنجان قهوه زاي ما بيحب يشربها ومكلتش معاها اي حاجه عشان ميبقاش عك ورجعت افكر فيه تاني وفكيت البلوك ورجعت صورو اللي مسحتها عشان انا مهزقه يتبع… شهد محمد3 في اليوم التاني في بيت يوسف بدأت طنط وسلمى ينفذه الخطه اللي اتفقنا عليها _الحق يا يوسف ماما تعبانه الحقها
كان لسه صاحي من النوم سمع كدا وجري على اوضة مامته _في اي يا أمي مالك يا حبيبتي خدتي علاجك _حاسه اني هموت يا يوسف يا ابني مش قادره شكلي همشي خلاص خلي بالك من اختك كانت بتقولها وهي بتاخد نفاسها ب العافيه وبتنهج _ماتقوليش كدا يا ماما بعد الشر عليكي يا حبيبتي قومي اخدك المستشفى _لاء خلاص يا ابني اللي ربنا عايزو هو اللي هيكون المهم انا عندي طلب اعتبره طلبي الاخير اوعا تكسفني يا يوسف وحياتي عندك لا توافق
_اي هو يا أمي خليها بعدين ونروح المستشفى دلوقتي وبعدين هنفذ اللي انتي عايزاه _تتجوز روز دي امنيتي الاخيره البت انا واثقه انها بتحبك ومش هتلاقي زايها دي متربيه على إيدي اتجوزها يا يوسف _يا أمي اي لازمته الكلام ده دلوقتي جواز اي بس قومي خدي علاجك _متقعطش كلامي تتجوزها هاخد علاجي ونروح المستشفى مش هتتجوزها فا قلبي وربي غضبنين عليك في آخر لحظاتي _طيب يا أمي موافق بس قومي معايا يلا نروح المستشفى
_لاء نروح ل اهلها انهارده بعدين المستشفى _يا أمي قولتلك موافق خليها بعد ماتبقي كويسه على الاقل _دلوقتي هاخد العلاج ونروح ل اهلها بعدين المستشفى ريحني يا ابني _ماشي يا أمي اللي انتي عايزاه وبالفعل طنط خدت العلاج وبداو يلبسو عشان جايين عندنا وانا كنت طايره من الفرحه مروقه الشقه من امبارح ومجهزه كل حاجه بس حبيت ابان اني متفجأه فا ملبستش حاجه شيك لبست ترينج بيتي عادي
وبعد نص ساعه كان جرز الباب بيرن وقومت افتح وحاولت اعمل نفسي متفجأه _اي المفاجأة الجميله دي اتفضلي يا طنط اتفضلي يا سلمى دخلو معاده هو فضل واقف قدام الباب وهو بصصلي _احم اتفضل يا ستاذ يوسف قرب من وداني وهمس وقال: _افرحي حلمك هيتحقق اللي كنتي بتحلمي طول عمرك انك تتكلمي معاه مجرد كلمه جاي يخطبك يا روز استعدي ل جحيمك بقا
قالها ودخل وانا مذهوله يعني هو كان عارف! معرفتش اعمل اي حاجه غير اني عيط مسحت دموعي ودخلت جبت عصير من المطبخ وقدمته ليهم وقعدت وسطهم وبعد كلام كتير اتكلمت مامته وقالت: _احنا جايين نطلب إيد روز بنتك ل يوسف ابني يا ام روز _ده يوم المنى يا حببتي بس الرأي الاول والاخير ل العروسه اي رايك يا روز يا بنتي؟ بعد تفكير كتير قومت وقفت وبصيت ليه بتحدي وقولت بأعلى صوت عندي:
_مش موافقه يوسف مجرد اخ ليا مش اكتر وعمري ما شفته غير كدا قولتها وسبتهم ودخلت اوضتي انا عارفه اني صدمت طنط وسلمى بس كفايه إهانه لحد كدا شفت دقايق وكانت طنط استأذنت من ماما ودخلتلي الاوضه واول ما دخلت جريت حضنتها وانا بعيط _اهدي يا بنتي وفهميني حصل اي اللي شقلب كيانك كدا؟ _طلع عارف يا خالتي عارف اني بحبو وساكت وعامل نفسه مش عارف بيقولي استعدي ل جحيمك بيقولي حلمك هيتحقق
وحكيتلها كل اللي قالو وانا بعيط من كرامتي اللي كانت مداس تحت رجليه _عارفه انا مبسوطه منك انك عملتي كدا جدعه انك رفضتي انا هخرج اقول اني اتحايلت عليكي وانتي مش موافقه وهعمل ويعدي يوم ولا حاجه واقولو اني كلمتك وخليت سلمى كلمتك وبعد إلحاح طويل وافقتي هرجعلك كرامتك يا حبيبتي حضنتها ومسحت دموعي وقولت: _هو انتي ليه واقفه في صفي اكتر منو؟
_عشان انتي خير ليه يوسف في حاجات كتير بايظه في حياته انتي اللي هتصلحيها انا اللي بعملو ده ل مصلحة ابني عايزكي تاخديه من إيده للنور يا روز عايزه يرجع يضحك ويهزر ويخرج زاي زمان _هو اي اللي غيرو كدا طيب؟ _بعدين بعدين اقولك وخرجت طنط من عندي سلمت على ماما وانا خرجت سلمت عليهم ووصلتهم لحد الباب ومشيو واتصلت ب سلمى حكيتلها اللي حصل ووانا بكلمها لقيت رقم غريب بيرن قفلت معاها ورديت على الرقم
_الو . . _بقا انتي مخليه أمي تتحايل عليكي يا روز؟ هدفعك تمن اللي عملتي ده بس اصبري _انت بتهددني ولا اي انت فاكر نفسك مين هو الجواز ب العافيه انا مش عايزك ومش شايفك اصلآ _مبقاش غيرك انتي يالي هتموتي عليا وتقولي كدا انتي كنتي تطولي اصلآ اني اسلم عليكي لكل فعل رد فعل يا روز _يامي يامي خاف يا عيد روح اعمل الشويتين دول على متهم عندك يا حبيبي واي هموت عليك دي تكون روشدي اباظه وانا معرفش وبلاش انا تتحداني يا يوسف عشان انا دماغي تعبانه
قولتها وقفلت في وشه وانا فرحانه من نفسي جبت الجرأه دي منين؟ اكيد عشان بكلمو في التيلفون لاكن انا لو قدامه هبقا عامله زاي الكتكوت المبلول ومنكرش أني خايفه اشوفو هيعمل فيا ومنكرش برضو اني فرحت انه كلمني لاء وكمان جاب رقمي فتحت الواتساب كتبت تاريخ اليوم اللي جيه اتقدملي فيه في البايو وحطيت قلب احمر ودبله وحطيت صورتو خلفية الشات هو اه انا مبينه اني مش عايزاه بس انا هموت عليه حبيب قلبي
عدا يومين وطنط كانت بتنفذ خططها كل يوم تمثل انها تعبانه وتطلب منو انه يعمل اي حاجه عشان يتجوزني بس كان الغضب مسيطر عليه تقريبآ كرهني وكانت كلمته الوحيده اني لو اخر بنت في الدنيا مش هتجوزني في اليوم التالت طنط زودتها شويه وخليتهم ينقلوها المستشفى خوفتهم عليها وطلبت انها تشوفي لبست نفس الدريس اللي ضايقو اللي فاتت روحت المستشفى وانا بجري عليهم وعامله نفسي خايفه
_هي فين يا سلمى هي فين سلمى دخلتني ليها وفضلنا واقفين شويه وهو كان بره واول ما دخل طنط قالت: _اهون عليكي اموت وانا نفسي في حاجه؟ وافقي يا روز ووافق يا يوسف ريحو قلبي انا كنت عارفه انها بتمثل بس الأداء كان عالي اوي ل درجة اني صدقت وعيط وقولت: _خلاص يا خالتي موافقه بس قومي الله يخليكي اوعي تسبينا مش عايزه تفرحي بينا قومي بقا عشان تختاري معايا فستاني وتشيلي عيالنا اوعي تسبينا بالله عليكي
تقريبآ هو اتأثر فضلنا واقفين شويه لحد ما الدكتور جيه طمنا وبعد شويه كنا خرجنا من المستشفى طنط ركبت العربيه هي وسلمى وكان هو لسه واقف وانا برضو كنت واقف طنط قالت: _يلا يا روز اركبي _لاء يا خالتي انا هروح على البيت عشان ماما متعرفش وزمانها قلقانه وبصيت ليه بتحدي وقولت: _استعد انت ل جحيمك يا حضرت الظابط عض على شفايفو وقال:
_ده انا هقطعك لفيت ومشيت على طول خوفت منو وقرارت اني مش هعصبه تاني انا مش قده روحت البيت وحكيت ل ماما اللي حصل وعدا يوم وجم انهارده عشان يتفقو ونلبس الدهب بعد كلام كتير وانفقات اكتر قطع كلامهم صوتو هو بيقول: _فترة الخطوبه دي انا مش بعترف بيها فا هو شهر ونكتب الكتاب انا جاهز وهي جاهزه نستنى ليه ؟ ردت ماما وقالت:
_ماشي يا ابني عدك العيب ردت طنط وقالت: _نقرأء الفاتحه بقا قرينا الفاتحه ولبسني الدبله مسك آيدي جامد لدرجة انها كانت هتتكسر في إيده عكسي تمامآ مسكت إيده براحه ولبستو الدبله بهدوء وبدأت الاغاني والزغاريط تملى الشقه خلص اليوم وقبل ما يمشي قال: _استعدي انتي بقا ل جهنم الحمرا قالها ومشي مش مهم جهنم جهنم المهم اني هتجوزه ونال قلبي مراده بعد طول الانتظار
فترة الخطوبه كانت فتره عبيطه ولا بنخرج ولا بنروح ونيجي ولا بيسأل رايحه فين وجايه منين ولا اي حاجه كأني مش موجوده في حياته كان فاضل اسبوع على كتب الكتاب قطع اندماجي في دبلته اللي في إيدي صوت خبط الباب فتحت وكان هو كنت لابسه بيجامه نص كمٌ _ايوا في حاجه؟ _انتي ازاي تفتحي الباب وانتي كدا؟ _عادي فكرتك ماما _ومطلعتش ماما يبقا تدخلي تلبسي حاجه محترمه واي نيله على شعرك وتخرجي
_طيب قولتها ورزعت الباب في وشه ودخلت لبست الاسدال وخرجت _ها اوامرك ياباشا _عايز صورة شهادة ميلادك وبطاقتك _ليه هتعمل عني تحريت قبل ما تتجوزني؟ _لاء عشان المأذون يا ام لسانين وحيات امي بعد الجواز ل اقطعلك لسانك ده _هنشوف يا يوسف الشاطر اللي يضحك في الاخر قولتها ودخلت وانا فرحانه اني خلاص هبقا مراته جبت الورق اللي عايزو وخرجت اديهلو
خده وكان خلاص هيمشي بس مكنتش عايزاه يمشي قولت: _استنى _اي؟ _شوف كدا الورق مظبوط بص فيه وقال: _مظبوط اه وكان هيمشي وقفته وقولت: _استنى _اي تاني؟ _هي خالتي عامله اي؟ _كويسه قالها وكان هيمشي وقفته وقولت: _استنى _اممم _اتأكد إن الورق مظبوط مش ناقص لا ترجع تاني بص في الورق وقال بنرفزه: _مظبوط ياستي
لف وكان هيمشي وقفته تاني قولت: _استنى لف وهو بيضحك وقال: _انتي عايزه اي؟ _مش .. مش عايزه حاجه _امال مش عايزني امشي ليه؟ _أبدآ امشي هو انا ماسكك؟ _طيب ادخلي يلا وقبل ما تفتحي الباب ابقي اسألي مين الاول وتلبسي حاجه ياختي _حاضر يا قلب اختك قولتها وضحكت وهو ضحك وسابني ومشي اول مره يضحك وانا بكلمو اول مره اشوف ضحكته وكان4
عدا الاسبوع وانهارده كان كتب الكتاب كنا مقرارين إننا مش هنعمل فرح مزعلتش ان مش هيتعملي فرح كبير زاي ما كنت بحلم ولا حتى هلبس فستان عروسه كل ده يهون لأجل اني هتجوز اكتر انسان حبيته في الدنيا كنت لابسه دريس ابيض كله دانتيل لفة طرحه سيمبل ميكب خفيف سلمى كانت معايا هي ومامتها ودقايق وكان هو جيه ومعاه المأذون والقليل من الدقايق والمأذون قال كلمته الشهيره:
_بارك الله لكم وبارك عليكم وجمع بينكم في خير رقعت زغروطه من فرحتي جابت اخر الشارع وقومت حضنتهم كلهم باركو لينا معاده هو مقاليش الف مبروك حتى .. كان مع أصحابو مالوش دعوه ب اي حاجه وبعد وقت مش كتير جيه ناحيتي وقالي: _مش يلا ولا هنفضل طول اليوم نغني ونرقص؟ جت ماما وصته عليا وسلمو علينا وخدني ونزلنا ركبنا العربيه وطول الطريق صمت محدش اتكلم في حاجه لحد ما وصلنا البيت
فتح الباب ودخل وقال: _حضريلي الغدا _نعم ياخويا!! _اي بقولك حضريلي الغدا _انت تعبان في دماغك ولا اي المفروض اني عروسه من بعد كام ساعه من فرحي هقف اطبخ؟ _اه وفيها اي؟ _بقولك اي انا مش فايقلك اسلق بيضتين وابعد عني قولتها ودخلت اوضتي قفلت الباب وغيرت هدومي بعد حيره كبيره مش عارفه البس اي لبست ترينج محترم وفتحت الباب ونمت
مفيش عشر دقايق ولقيته جاي يصحيني ويقول: _قومي هاتي شوية مياه سخنه وادعكي رجلي _يانهارك اسود انت هتعيشلي دور سي سيد ولا اي؟ _اه هعيش دور سي سيد يا روز وتقولي حاضر وانتي ساكته _لاء مش هقول حاضر ولو انت هتكون سي سيد انا مش هكونلك امينه يا يوسف لاء انسى _ماشي بكرا نشوف قالها وسابني وخرج وانا هموت من الغيظ اي المصيبه اللي جبتها لنفسي دي؟
مش مشكله على قلبي زاي العسل يكفي إننا بقينا في بيت واحد نام هو على الكنبه بره وانا نمت في الاوضه تاني يوم الصبح جيه صحاني وهو بيقول: _قومي اكويلي البدله واعمليلي قهوتي قومت وانا بنفخ انا روز رئيسة مجلس الكسلنين تقوم ٩ الصبح تعمل قهوه وتجز بدله عملت القهوه وخرجتهالو ودخلت اعمل البدله جيه ورايا وهو متعصب وقال: _اتفضلي دوقي قهوتك
_لاء انا مبشربش قهوه _اشربي قالها بزعيق خوفت منو وخدتها منو ادوقها _يعع اي ده؟ _انتي بتسأليني يا هانم حطلي ملح بدال السكر _والله مخدتش بالي _وهتاخدي بالك امتى يا روز ؟ واحنا واقفين شمينا ريحة حاجه بتتحرق بصينا ناحية الدخان كان قميص بدلته اللي بيتحرق جري عليه وشال فيشة المكوه وبصلي وهو بيعض على شفايفو وقال: _عارفه لولا اني متأخر على شغلي كان زمان في الجرايد دلوقتي خبر عريس قتل زوجته تاني يوم جواز
_خلاص اعمل حاجتك لنفسك مش ناقصه قرف _قرف؟؟ قالها وجري ورايا دخلت الاوضه قفلت ورايا الباب وفضلت مستخبيه لحد ما مشي واتصلت ب سلمى تجيلي عشان كنت خايفه اقعد لوحدي مفيش تص ساعه وجتلي دخلت وهي بتزغرط وبتقول: _صباحيه مباركه يا عروسه _عروسة اي بس _معلش يوسف اهم حاجه عنده شغلو المهم طمنيني سبع ولا ضبع _يعني اي؟ _يعني عملتو اي امبارح
_عملنا اي في أي مش فاهمه _ياربي منك يا روز مالهاش معنى تاني عملتو اي واضحه اهي _ااه فهمت قصدك ولا حاجه ده حتى نام على الكنبه وانا نمت في الاوضه _يالهوي يعني اخويا لسه ولد ولود ازاي؟ _هو اي اللي ازاي _ازاي المزه دي معاه في بيت واحد ومتهزش _حمار وطور مبيحسش _ماعلينا هاتي حاجه تتاكل اتسلى فيها انتي عروسه وعندك جميع الأكلات
_قومي ياختي المطبخ عندك قامت سلمى جابت الاكل وقعدنا ناكل ونهزر ومشيت قبل ما يوسف يجي ودخلت انا خدت شاور وخرجت وانا لابسه البرنس اتخضيت لما شفته في الصاله _يالهوي انت هنا من امتى؟ _من شويه _ومرنتش الجرز ليه ولا خبط _اي هستأذن وانا داخل بيتي؟ _مش القصد بس افرد كنت قاعده ب حاجه عريانه ولا بغير هدومي؟ _ياريت _ياريت اي؟
_ااا احم وفيها اي يا هانم وانا مش جوزيك خشي غيري هدومك وحضريلي الغدا _طيب دخلت لبست ترينج محترم وخرجت دخلت المطبخ جهزت الاكل وخرجت بيه سبته على السفره وجيت ادخل وقفني صوتو وهو بيقول: _روز _نعم _شعرك _مالو؟ _شكله حلو اوي وهو مبلول ابتسمت وسبته ودخلت الاوضه خلص اكل وعمل لنفسه الشاي وفضل شويه يتفرج على التيلفزيون ونام على الكنبه وانا نمت في الاوضه كالعاده
جيه تاني يوم صحيت بدري قبل منو عشان احضر الفطار واعمل قهوته واجهز بدلته جيت ادخل الحمام اتفجأت بيه خارج مش لابس غير بنطلون بس صدره كان عريان اتكسفت ودروت وشي وانا بقول: _اي يا اي مش في بنت معاك في البيت _والبنت دي مش مراتي ولا اي؟ _بقولك اي جوا النحنحه ده مش هياكل معايا فين الجحيم فين جهنم الحمرا ضحك قد اي ضحكته جميله وبيبقا شكله جميل لما بيضحك قال:
_شكلك قطه شرسه وبتحبي المشاكل _ااه دي حقيقه _امم وانا مش الراجل اللي هيعيش مراته في جحيم ولا جهنم حمرا انا اه على اخري منك بس مش لدرجة إني اجي عليكي وعلى كرامتك ده انتي وصية الرسول يا روز قالها وخد فوطه نشف شعره وسابني وخرج سابني وانا بفكر ازاي هو كدا انا مغلطش لما قولت عليه أعظم رجال الكون مغلطش لما قولت انه سيد الرجاله ونن العين
حضرت ليه فطار حلو وعملت قهوته زاي ما بيحبها وسبته يفطر وجهزت البدله شويه ودخل ورايا وقال: _على اخر النهار هيجيلي ناس صحابي عشان يباركولي ياريت تجهزي اكل حلو _حاضر _قولتي اي؟ _قولت حاضر _يانهار ابيض القيامه الجمعه الجايه روز بتقول حاضر؟ _يعني كدا مش عاجب وكدا مش عاجب؟ _لاء لاء كدا عاجب اوي اوي انتي كدا سكره قالها وقرب باسني جنب شفايفي وبداء يلبس هدومه وانا واقفه مذهوله من اللي حصل قطع ذهولي صوتو وهو بيقول:
_لبسيني جاكيت البدله يا روز لبسته الجاكيت زاي ما قال سرح شعره وحط برفانو ومشي وانا لسه قاعده مذهوله دخلت حضرت الغدا زاي ما قال وانا برضو مذهوله كان قرب يجي لبست اسدال عشان لو اصحابو معاه وانا قاعده مش مصدقه اللي حصل قطع ذهولي صوت رن الموبيل كانت سلمى حكيتلها اللي حصل _عليه حتت دين بوسه يا بت يا سلمى قطع كلامي معاها صوتو وهو بيقول:
_لاء ده احنا نعجبك اوي يا انسه روز رميت التيلفون وانا مصدومه من اللي حصل سمعني لاء لاء مش معقول _قول انك مسمعتش _لاء سمعت _بتكلم بجد يا يوسف _والله سمعت خدت الموبيل ودخلت الاوضه وقفلت الباب ورايا وانا مكسوفه ضحك على كسوفي وقال: _مش عيب يا روزتي انتي قولتي الحقيقه مش اكتر قطع كلامو صوت رن الجرز كانو اصحابو قعده معاه وحضرت ليهم الغدا ورجعت ل اوضتي تاني وبعد شويه كانو مشيو
كنت متوقعه انه هينام على الكنبه بس اتفجأت بيه دخل الاوضه وقفل النور وخدني في حضنه بدون اي كلمه ونام جيت اتكلم قال: _ششش ولا كلمه نامي وفعلآ نمت ولأول مره انام في حضنه اللي مبقتش عايزه حاجه من الدنيا غيرو جيه تاني يوم مالقتوش جمبي صحيت عشان احضر الفطار واعمل القهوه لقيته بيقولي: _متعمليش حاجه مش عايز _طيب هتروح شغلك اجهز البدله؟
_وتجهزيها ليه هو انا سي سيد وانتي امينه ولا اي هجهزها لنفسي يا هانم _هو في أي يا يوسف؟ _في اي ف اي؟ _معاملتك متغيره _والمفروض اعاملك ازاي يا ست هانم؟ _متعالمنيش انت انسان مريض اصلآ _روز متستفزنيش _انت عايز اي دلوقتي؟ _مش عايز حاجه ابقي حضري نفسك هنخرج بعد يومين مع ناس صحابي _لاء مش خارجه دول صحابك انت مش صحابي انا
_وانتي مراتي وهتيجي معايا _مراتك على الورق بس _ومالو نخليها ورق ورسمي ده حتى عيب في حقي مراتي تبقا لسه انسه لحد دلوقتي قالها وهو بيقرب مني _يوسف ابعد . . _مش هبعد _متقربش بقولك _لاء هقرب مبقاش فيه حاجه ورايا غير الحيطه قرب مني وانا بحاول ابعده عني وبعد ثواني بحر عينياه خدني ل دنيا تانيه ودوبت بين إيديه مكنش بقاوم قرب مني عشان يبوسني مكنتش ممنعه ولا مكسوفه بس فجأني ببعده عني وهو بيقول:
_مش انتي اللي تلفت نظري وتخليني أقرب منها يا روز انا بس حبيت اوريكي انك معايا بتنسي كل حاجه كبريائك ولسانك الطويل وكرامتك حبيت اوريكي تأثيري فيكي _انت لا يمكن تكون انسان طبيعي انت مريض مريض قولتها ودخلت الاوضه قفلت الباب ورايا وانا بعيط يتبع.. شهد محمد غيران عليا عشان كنت لابسه نص كمُ شكلالاخيره عدا كذا يوم وانا ماليش دعوه مش بتعامل معاه خالص وانهارده كان اليوم اللي المفروض هنخرج فيه عشان اصحابو جيه وقالي:
_اجهزي عشان كلها ساعه ونخرج _وانا قولتلك لاء مش خارجه معاك .. انا عايزه اطلق _نعم !! _اللي سمعته _واحنا معندناش رجاله بتطلق مراتتها يا روز _هخلعك _هو انتي مستوعبه ل كلامك .. أوعي تكوني فاكره اني معرفش انك كنتي هتموتي عليا ويوم ما بقيتي مراتي بقيتي خلاص عايزه تطلقي؟ _ااه دي حقيقه يا يوسف انا فعلآ كنت هموت عليك كنت بعشق حاجه اسمها يوسف قلبي كان بينبض ب اسمك عيني ومشاعري وكل حاجه فيا كانت معميه عن كل البشر عشانك .. بس انا كرهتك انا فعلآ كرهتك ومش عايزك
قولتها وانا بعيط ومنهار وحطه إيدي على وشي كان لسه هيتكلم قطعو صوت رن الموبيل كانت سلمى قالت إن مامته تعبانه قفل معاها وغير هدومه وانا كمان غيرت هدومي ولبست عبايه قالي: _انتي رايحه فين؟ _جايه معاك _لاء خليكي _لاء هاجي معاك هي امي زاي ما هي امك مش هسيبها لوحدها في وقت زاي ده هز رأسه وخدني ونزلنا ركبنا العربيه وروحنا عندهم البيت طلبنا الدكتور ادها العلاج بعد ما كشف عليها ويوسف قام وصلو وانا وسلمى فضلنا موجودين جنب طنط شويه ويوسف دخل
_انا هقوم اعملك شوية شوربة خضار يا خالتي هتاكلي صوابعك وراهم من الندم ان انا اللي عملتها كلهم ضحكوا وهو وقف حط إيده في جيبو وقال: _اللي كان مزعلك وتعبك انك عايزني اتجوز روز واتجوزتها عايزه اي تاني بقا يا ست الكل .. _عايزه اشيل عيالكم يا ابني قالت كدا وانا اتحرجت وقولت: _طيب هسيب الام والابن مع بعضهم وانتي يا سلمى تعالي طلعيلي ترنج من عندك يلا
وخرجنا من الاوضه وقفت عملت الاكل سلمى كانت معايا في المطبخ حكيتلها اللي حصل وكانت زعلانه عليا وزعلانه من اخوها الوقت اتأخر كان المفروض نمشي بس مامته أصرت اننا نبات عندهم انهارده دخلنا اوضته اللي كان بيبقا اكبر أحلامي إني ابص عليها من بعيد قالي: _الخروجه بتاعت انهارده هتبقا بكرا اعملي حسابك _هو انت ليه بتتكلم عادي كأن محصلش حاجه انا قولتلك إني مش عايزك على فكره وعايزه اطلق وأخرج نام بره عشان مش هتنام جنبي
_وانا قولتلك طلاق مش هطلق وأخرج انام بره ازاي اقولهم اي مينفعش انام جنب مراتي؟ _خلاص نام على الأرض _مش مستغني عن ضهري انا _خلاص هنحط مخده في نص السرير بس اوعا تشيلها سمع ومردش وفعلآ حطيت المخده في نص السرير وقفلنا النور وكل واحد خد جنب من السرير بس مكنش جيالي نوم ساعه ورا ساعه وانا صاحيه اتكلمت وقولت: _يوسف _امم
_صاحي ؟ _ايوا _طيب انت مش عايز تطلقني ليه؟ _هو كدا _طب انت ليه وحش كدا _وحش ازاي؟ _قاسي ومعاملتك حاده وطبعك وحش ومبتعرفش تحب ومش حنين _انتي شايفني كدا؟ _ااه ده اللي باين ليا ولكل الناس _طيب وليه حبتيني مدام انا فيا كل ده كنتي ناويه تغيريني؟ _لاء انا حبيتك زاي ما انت ب عيوبك ومكنتش ناويه اغير فيك حاجه بس كنت فاكره اني هستحمل كل ده لاكن طلع معنديش طاقه او طاقتي خلصت وبدأت اكره نفسي واكره قلبي اللي حبك ..
قام اتعدل في قعدته وفتح النور وقال: _بتكرهي نفسك عشان حبتيني يا روز؟ _امم انت اللي وصلتني ل كدا _طيب نعتبر اني طلقتك بعد ما تطلقي هتعملي اي هتحبي تاني؟ _ااه هحبك انت من تاني . . انت تستاهل اني في كل مره أقع في حبك من اول وجديد ابتسم وحط إيده على كتفي وقربني ليه وقال:
_انتي جميله اوي يا روز جميله لدرجة إني مستاهلش حبك ده كل مره كنتي بتيجي فيها عندنا كنت بحاول اتملك نفسي عشان ميبانش عليا اني معجب بيكي كنت ببقا هتجنن لما اعرف انك في خروجه من غير سلمى ومش بطمن غير لما تروحي كنت بغير لما بشوفك لابسه حاجه قصيره ورغم فرق السن بس انتي قدرتي توصلي ل قلبي _يعني انت كمان بتحبني؟ _ابقا عبيط لو سيبتك ل غيري يحبك ..
_طب ليه كنت ساكت يا يوسف ليه مقولتش ولما جينا نتخطب مفرحتش وبعد الجواز برضو مقولتش ومعاملتك بتقول عكس كدا _مش مهم ليه يا روز انسي . . قالها وقرب مني عشان يبوسني لاكن لفيت وشي الناحيه التانيه وقولت: _انا اسفه مش هخليك تقرب مني غير لما اتأكد من مشاعرك ليا واعرف إذا كنت بتحبني ولا عايز تثبتلي حاجه زاي المره اللي فاتت قولتها وقفلت النور ونمت وصحيت تاني يوم قبل منو خرجت احضر الفطار مع سلمى دقايق ولقيت طنط بتنادي عليا خدتني من إيدي دخلتني اوضتها وقعدتني جنبها على السرير وقالت:
_فاكره لما سألتيني يوسف اي اللي غيرو وقولتلك هقولك بعدين؟ _ايوا يا خالتي فاكره _جيه اليوم اللي اقولك فيه يا روز انا سمعتك امبارح وانتي بتقوليلو عايزه اطلق فا لازم تعرفي سبب معاملته الجافه معاكي ومعانا كلنا وبعدين تقراري إذا كنتي عايزه تكلمي وتستحملي وتغيريه وترجعيه زاي زمان ولا تطلقي _طيب قولي يا خالتي قلقتيني
_شوفي يابنتي يوسف زمان كان عنده مهمه هو وواحد صحبو الروح بالروح المهم صحبو ده اتقتل مات بين إيد يوسف صحبو كان متجوز ومراتو حامل اخر كلمه قالها ل يوسف يخلي باله من مراته وابنه اللي لسه مجاش وقتها يوسف جيه البيت وهو بيعيط وخايف وببترعش من اللي حصل شوفي بقا يوسف ب قوته وجبروته جيه معيط وخايف من بشاعة المنظر اللي صحبو مات فيه مفيش يومين ومرات صحبو انهارت من اللي حصل لدرجة أن بسبب زعلها فقدة ابنها الحياه اسودت في وشها وانتحرت من يومها ويوسف اتغير ولا بقا يهزر ولا يضحك وقاسي مع الكل وكان رافض الجواز عشان خايف
يحصله زاي ما حصل ل صحبو وانا لما كنت مصممه على جوزاكم كنت عارفه ومتاكده انه بيحبك بس بياكبر عشان خايف يعلقك بيه ويصحل زاي ما حصل _يا حبيبي يا يوسف كل ده حصل معاك قولتها وانا بعيط _اوعي تقولي اني قولتلك يا روز هيعرف انه صعبان عليكي وهو لا يمكن يتقبل إن حد يشفق عليه ووقتها هيطلقك بجد _لاء لاء مش هيعرف يا ماما وانا عمري ما هسيبو
قولتها وحضنتها سمعنا صوتو وعرفنا انه صحي خرجنا كلنا فطرنا وقضينا اليوم عادي بعدين روحني البيت وبعد المغرب جيه وقالي: _يلا قومي البسي هنخرج معرفتش اقولو لاء قومت وانا ساكته لبست دريس نبيتي ستان مع ميكب خفيف وخرجت كان هو لابس وجاهز وواقف مستنيني _اوباا ده احنا نلغي الخروجه بقا _اعتبرها معاكسه دي ؟ _وفيها اي واحد وبيعاكس مراتو ابتسمت ليه وخد إيدي في إيده ونزلنا . . قد اي انا بفرح لما بيقول اني مراتو
شويه ووصلنا للكافيه اللي صحابو موجودين فيه كانو اربع رجاله وأربع بنات تقريبآ كل واحد جاي ب مراتو عرفني عليهم وسلمت عليهم وقعدت جنبه قالت واحده من اللي قاعدين: _دي سكره خالص اسد واخد غزال كلهم ضحكوا وانا ابتسمت ابتسامه بسيطه وانا مكسوفه اتكلمت واحده تانيه وقالت: _ده انتي مالكيش مثيل عشان عرفتي توقعي في حبك ده ياما جبتله عرايس وكان بيرفضهم ويقول محدش فيهم لفت قلبي يظهر ان جت اللي لفتت قلبه وعقله وعينيناه
اتكلم هو وقال ل اصحابو: _ماتشوف مراتك انت وهو رد صحبو وقال: _احنا مالناش دعوه دول حريم مع بعض وفضلنا نهزر ونتكلم خدت على الجو بسرعه اشتغلت اغنيه رومانسيه لقيته بيمد إيده ليا حطيت إيدي في إيديه وقومنا نرقص اول مره ابقا قريبه منو كدا كنا أجمل اتنين في المكان يبان أننا عاشقين بعض همس جنب وداني وقال: _روز اوعي تسبيني وانا اوعدك اني هتغير هتغير عشانك
_انا عمري ما اسيبك يا يوسف انت روحي حد يسيب روحه؟ باس راسي وشدني من إيدي وراح خد شنطتي واستأذن منهم ومشينا وانا مش فاهمه مشينا ليه طول الطريق صمت لحد ما وصلنا الشقه _في اي ليه مشينا ومكملناش القاعده؟ _هبقا اخرجك معاهم تاني المهم دلوقتي _دلوقتي اي؟ _دلوقتي انا قرارت انك هتبقي مراتي رسمي ونظمي وفهميي قالها وهو بيفتح السوسته بتاعت الدريس بتاعي مسكت إيده وقولت:
_انا قولتلك يا يوسف مش قبل ما اتأكد من مشاعرك الاول _ب ح ب ك قالها بصوت هادي كل حرف بعيد عن بعضه وانا سمعتها من هنا ونسيت الدنيا من هنا وشالني ودخل بيا الاوضه و. “سكتت شهرزاد عن الكلام الغير مباح” وعيشنا في تبات ونبات وجبنا ادم وجميله وتوته توته خلصت الحدوته الصناره غمزت اتصلت ب سلمى احكيلها الي حصل يتبع.. شهد محمد