تزوجت ارمل

بصلها وليد بغضب وبعدها عنه يعنى ده وقته يابوسى مراتى عاملة حادثة وبسسبى ومحدش فى البيت طايقنى وبتقولى اخدك على البيت بوسى ياروحى انا كنت بقترح بس مردش وليد عليها بوسى طب انا آسفة متزعلش منى وليد خلاص يابوسى انا مش زعلان بوسى اومال ياقلبى ساكت ليه وليد بتنهيدة بفكر يابوسى زينة عرفت ازاى انى بخونها بوسى بتوتر اكيد يعنى كانت بتراقبك وبعدين حاولت بوسى تشغله عن الموضوع اجبلك تاكل ياقلبى

قام وليد لا شكرا بس لازم اروح المستشفى وكمل بتحذير اوعى تروحى لزينة باسته بوسى من خده انت تؤمر ياحبيبى بعد مامشى وليد ضحكت بوسى بخبث بوسى فى عقلها ازاى يعنى مروحش اطمن على صديقة عمرى لا ده انا لازم أروح ده انا حتى عامللها مفاجأة هتعجبها جدا هههههههه _____________________ مروان فى ايه مالك ردت شمس بحزن مفيش مروان وهو بيبص على وشها كانت عنيها حمرا ووشها باهت مروان انتى كنتى بتعيطى ولا ايه؟

دمعت عين شمس وعيطت خدها مروان فى حضنه وطبطب عليها بحنية مروان عارف انك زعلانة على الل حصل لزينة انا كمان والله زعلان اوى عليها طول عمرى بعتبرها زى اختى اوثقى فى ربنا وادعيلها وهيشفيها أن شاء الله شمس بحزن انا حاسة انى بقيت لوحدى هنا فى البيت مروان متقوليش كدة كلنا معاكى شمس انا عايزه اروح أشوف زينة دلوقتى مروان مش هينفع دلوقتى ياشمس الوقت اتأخر خليها بكرة وهروح معاكى

هزت شمس راسها وبصتله شوية مروان بااستغراب فى ايه مالك ؟ شمس بهدوء امشى اطلع برة يامروان مروان بتوسل حرام عليكى بئا ياشمس لحد امتى هتخلينى ابات برة الاوضة مانا اعتذرتلك وانتى سامحتينى شمس لا يابابا انا مقولتش أنى سامحتك وبعدين يلاا امشى عايزة انام واطفى النور معاك مروان كدة ياشمس شمس بتفكير عشان صعبت بس هخليك تنام بس على الأرض مروان بغضب لا بقولك انظبطى احسن مااجى اظبطك انتى هتسوقى فيها ولا ايه

شمس ببرود عكس الخوف الل جواها هتعمل ايه يعني انت فاكرنى هخاف منك ده كان زمان يابابا قرب مروان منها شمس بخوف انت بتقرب كدة ليه والله لو فكرت تعمل اى تصرف غير لائق هصوت والم الل فى البيت عليك وشوف بابا امجد هيعمل فيك ايه ضحك مروان وخد البطانية والمخدة مروان باابتسامة باخد البطانية عشان انام على الأرض تصبحى على خير شمس وانت من اهله وفرش على الأرض ونام بصت شمس بااستغراب

سبحان مغير الاحوال ربنا يهديه دايما كدة _______________ انتى لسة صاحية بابنتى ردت بهدوء لا انا كنت نايمة وصحيت اشرب ناولتها والدتها الماية وقعدت جمبها كانت متأكدة أن بنتها منامتش بسبب حزنها زينة بألم انتى بسببى مش بتعرفى تنامى ياماما بتخافى احتاج حاجة فى الليل ومعرفش اجبها لنفسى مانا بقيت مشلولة وعالة عليكى والدتها بلوم ايه الل انتى بتقوليه ده يازينة انا امك وده واجبى مسمعكيش تقولى كدة تانى وبعدين خلى املك كبير فى ربنا يابنتى احكيلى و قوليلى كل الل فى قلبك متفضليش ساكتة وكاتمة فى نفسك كدة

زينة وهى بتبتسم بألم عارفة ياماما انا نفسى اصرخ جامد اوى واطلع كل الحزن الل جوايا نفسى اعيط بس مش عارفة مش قادرة اعيط حتى ماما انا تعبانة اوى خدتها فى حضنها وفضلت زينة تعيط لحد مانامت _________________ ملاااااااااك فاقت شمس وبصت حواليها بخوف كان مروان صاحى جبلها كوباية ماية وبصلها بااستغراب شمس بعد ماشربت لقت مروان بيبصلها كان قلبها بيدق بسرعة شمس بتبص كدة ليه ؟ مروان انتى قولتى ملاك صح ؟

شمس أيوة مروان ومازال مستغرب انتى شوفتيها فى منامك ؟ شمس ايوة لا أيوة مروان بنفاذ صبر يعنى شوفتيها ولا لا شمس ايوة شوفتها وبتسلم عليك قعد مروان جمبها وابتسم وقالتك ايه حلمتى باايه بالظبط احكيلى كل حاجة شمس احكيلك ايه انا صاحية مفزوعة يعنى كنت شايفة كابوس والكوابيس مش بتتحكى احمرت عين مروان وبصلها بغضب مروان بغضب ملاك مش كابوس ياشمس وسابها وخرج شمس فى عقلها يلااا فى ستين داه*ية قال فاكر هقوله معلش واحكيله الحلم وبصت لصورة ملاك

وانتى ياملاك فى ايه مصحيانى مفزوعة ماقولتلك اطمن على زينة وبعدين اشوف مين الل خلص عليكى يووووه انا بقيت بتكلم مع الميتين _______________ زياد بغضب طفولى تيته انا زهقت وعايز اروح عند بابا باسته ‏والدة زينة بحنية انا جبتلك ألعاب كتير أوى روح العب بيهم زياد انا هلعب بالالعاب دى كلها لوحدى انا عايز ملك ومليكة ونلعب مع بعض زينة كفاية بئا يازياد متغلبش تيته هما جايين النهارده مع شمس

والدة زينة تحبى انزلك الجنينة ياحبيبتى بدل مانتى حابسة نفسك كدة فى الاوضة زينة شكرا ياماما بس انا مرتاحة كدة شوية ولقوا الباب بيخبط زينة دى اكيد شمس جت فتحت والدة زينة الباب بس انصدمت لما شافت… والدة زينة بصدمة انت جيت تزوجت أرمل ٧والدة زينة بصدمة انت جيت قولت اعملهالك مفاجأة بس شكلك منبسطيش والدة زينة بتوتر لا ابدا انا كن.. قاطعها وكان لسة واقف على الباب مش هتقوليلى ادخل ولا ايه ياام ريتاج

والدة زينة اتفضل حمد الله على سلامتك اكيد عرفتو طبعا مين ده والد زينة وسبب توترها انها معرفتهوش بالل حصل لزينة وخايفة من ردة فعله لما يشوف زينة أمين انا هطلع بئا ارتاح فى اوضتى وبعدين احكيلك عن رحلتى فى ايطاليا بالتفصيل لاحظ امين أن مراته متوترة وعرف أن فى حاجة أمين هو انتى مخبية عنى حاجة؟ لا هخبى عليك حاجة ليه أمين اصلك ساكتة ومش بتتكلمى حتى مشوفتش فى عينك فرحة انى جيت طب انا طالع اوضتى

وهو رايح اوضته لاحظ أن اوضة زينة مفتوحة وفى نور فى الاوضة بص بغضب فى الوقت ده كان زياد خرج شافه امين امين بغضب ايه الل جاااااب ده هنا واكيد طبعا امه هنا مانتى بتستغلى غيابى وتجيبى بنتك وابنها البيت والدة زينة أمين انت بتقول ايه مش قدام الولد وبعدين دى بنتك خلينى اشرحلك كل حاجة كانت زينة سامعة صوت والدها وبتعيط بصمت وعايزة تخرج بس مش قادرة تتحرك أمين بعصبية لاااااا مش بنتى الل تروووح تجوز وااحد من غير موافتى متبقااااش بنتى واجوزت واحد واطى زى وليد انا مستحيل اسامحها على الل عملته

والدة زينة وليد وزينة هيطلقوا و.. قاطعها انا مااالى انا مايطلقوا ولا يروحوا فى ست*ين داهية مش ده اختيارها انا هروح اطردها استنى بس ياامين وراح على اوضة زينة اول ما دخل انصدم لما شاف زينة على الكرسى المتحرك اول مازينة شافته انصدمت هيا كمان بقالها ٨ سنين والدها مقاطعها عينها دمعت وبصتله بشوق واعتذار زينة بصوت واطى بابا مقدرش يقول ولا كلمة كانت عينه مدمعة وخرج علطول خرجت وراه زوجته

امين ايه الل حصل لزينة ايه الل وصل بنتى للحالة دى والدة زينة تعالى اوضتنا وانا هحكيلك كل حاجة حكتله على كل الل حصل وزعل اوى على بنته حتى لو كان زعلان منها بس هتفضل بنته امين بس انا مش هقدر اسامحها ووليد ده حسابه معايا __________________ شمس يعنى باباكى جه من السفر ومقاليش اى حاجة لما شافك زينة ايوة ياشمس تفتكرى بابا سامحنى شمس بعد كل الل حكيتهولى أظن أنه سامحك هو اكيد زعلان منك بس لما شاف حالتك مقدرش يستحمل بس انتى لازم تروحى تعتذريله

زينة خايفة اروحله مش عارفة اقوله ايه تعرفى ياشمس انا مصدومة اوى فى بوسى ده لما كنا انا ووليد نتخانق كنت بحكيلها وكانت بتتحللنا مشاكلنا بعد ثقتى فيها تخونى وتجوز جوزى مش عارفة انا اذيتها فى ايه عشان تعمل فيا كدة شمس ربنا ينتقم منها انسانة حقيرة الداده مدام زينة المحامى جه وطالب يشوفك زينة دخليه دخل المحامى وسلم على زينة زينة انا عايزاك ترفعلى قضية خلع على جوزى بصت شمس بصدمة

اتفقت زينة مع المحامى على الإجراءات وبعدين المحامى مشى شمس انتى خلاص هتتطلقى من دكتور وليد زينة أيوة ياشمس بس اوعى تجيبى سيرة قدام حد خاصة وليد عايزاه ينصدم لما يجيلوا دعوة من المحكمة بقضية الخلع زى ماصدمنى بخيانته ليا وده أقل انتقام منه خصوصا انه بيخاف اوى على مكانته واحترامه بين الناس ودى هتوجعه اوى شمس حاضر ____________________

دخلت الاوضة لقيت الدولاب بتاع ملاك مفتوح اصل مروان متعود يقفل دولابها عشان يحافظ على حاجتها قولت اكيد كان مستعجل على الشغل و نسى يقفله كنت لسة هقفله بس جه على بالى فكرة انى اضور فى الدولاب ممكن الاقى اى دليل فى قضية موتها أو على الاقل اشوف الرسالة الل هيا كتبتها ماهو الل بييجى ينتحر بيسيب رسالة يكتب فيها السبب ممكن اكون ظالمة بيسان فضلت اضور ملاقتش حاجة ثانية واحدة فى ورقة وقعت من الهدوم خادتها ولسة هقراها لقييت

شريهان انتى بتفتشى فى هدوم بنتى ؟ قفلت الدولاب وخبيت الورقة لا أنا كنت بضور على حاجة شريهان بغضب وصوت عالى حاجة ايه الل فى دولاب بنتى وبعدين فتحتى الدولاب ازاى شمس مدام شريهان وطى صوتك انا لحد دلوقتى محترمة انك واحدة أكبر منى وبعد كدة ياريت تخبطى الباب قبل ماتدخلى دى بقت اوضتى انا دلوقتى مش اوضة بنتك شريهان بغضب انتى بتكلمينى انا بالطريقة دى يابتاعة الشوارع انا ادخل فى الوقت الل انا عايزاه انتى نسيتى نفسك

مقدرتش امسك نفسى اكتر من كدة وقولت الل عمرى ماتوقعت أنى اقوله ليها. طب اتفضلى اطلعى بقا من اوضتى كان مروان جه و بغضب شمسسس أنتى ازاى تتكلمى مع مرات عمي بالطريقة دى لقيت شريهان العقرب*ة بتمسح دموعها بتمثيل على اساس انى المفترية الظالمة وانا الل جاية عليها سمية انت مش بتشوف غير وانا برد عليها وهيا الل لسة مهزقانى قبل ماحضرتك تيجى ردت شريهان علطول أيوة يابنى انا فعلا زعقتلها عشان مش بتصون الامانة

بصيت بخوف عرفت انها هتقول لمروان انى فتحت دولاب ملاك بس بطريقتها طبعا شمس خلاص يامروان انا ومدام شريهان اتصالحنا شريهان لا مروان لازم يعرف الل انتى بتعمليه فى ذكريات ملاك وهو مش موجود ________________