سماح اتنهدت وهي شايفه هيثم باصص من شباك العربيه وعلي وشه علامات الحز.ن وماسك ايدها: الحمدلله ليله: خليكي معاه ي سماح سماح: حاضر انتي فين ليله بصت لقاسم: لما اجي هعرفك سلام سماح: ماشي سلام ليله قفلت معاها وادت التليفون لقاسم.. في نفس الوقت وقفت العربيه قدام بوابه كبير وعلي بُعد كبير شويه في بيت كبير وحوليه شجر وزرع وورد عهد ببتسامه: وصلنا ليله بصت للمكان بستغراب ونزلت من العربيه.. قاسم بصلها ببتسامه ومسك ايديها
عهد فتحت البوابه وجريت علي جوا: ماما ليله هنا انتي فين ليله فضلت وقفه مكانها بتبص للمكان كله من غير ما تتحرك قاسم: يلا ندخل ولا هنفضل واقفين هنا ليله انتبهت ليه وبصتله ومشيت معاه: طب طلاما مامتك واختك موجودين ليه مش عايشين في القصر قاسم من غير ما يبصلها: بحميهم ليله بستغراب: بتحميهم! من ايه قاسم وقف وبصلها: بحميهم من عيلة الهلالي عيلتك ي لي…. وقاطع كلامه ظهور مامت قاسم خارجه من البيت ومعاها ليله “كان باين عليها كبر السن بس ملامحها هاديه وجميله” بصت لليله ببتسامه: انتي ليله
ليله بصت ليها ببتسامه وحركة راسها بالايجاب مامت قاسم حضنتها : ما شاء الله ي حبيبتي زي القمر احسن من ما وصفتها ليا ي واد ي قاسم ليله بصت لقاسم: قاسم وصفني؟ مامت قاسم ببتسامه: اصل من ساعة ما شافك في القصر وهو مبيبطلش كلام عليكي بس طلعتي احلي ما شاء الله ليله ابتسمت: شكرا ي طنط مامت قاسم: طب خدها ي حبيبي ووريها البيت لغايت ما الغدا يخلص ليله: لا ازاي بقا هساعدك
مامت قاسم ببتسامه: لا ي حبيبتي ارتاحي انتي وانا هاخد اليت عهد معايا عهد بغيظ: وهو كل حاجه عهد انا عايزه اشوف البيت معاهم مامت قاسم:دا علي اساس انك مش حفظاه امشي ي بت قدامي عهد بزعل مصطنع: ماشي ي ماما ليله لسه هتتكلم قاسم شدها بسرعه: حاضر ي ماما ومشيو بعيد عنهم ومامت قاسم ضحكت ودخلت البيت تاني ليله: شدتني ليه ي قاسم لازم اروح اساعدها قاسم كان ماشي بسرعه: لا
ليله: لا ليه قاسم وقف فجاه وشدها عليه.. بقت قريبه منه اوي ليله شهقت بخ.ضه: قاسم ممكن مامتك او عهد يشوفونا ابعد قاسم حرك راسه بالرفض: لا هما مشغولين بتجهيز الغدا ليله بخو.ف وهي بصه للبيت : لا ممكن يجو برضو ابعد قاسم حضنها جامد: كنت خا.يف عليكي اوي ي ليله ليله ابتسمت وحضنته: كنت عارف انك هتنقذني كالعاده قاسم خرجها من حضنه وبصلها ببتسامه: وافردي مكنتش جيت ليله ابتسمت: تؤ كنت هتيجي انا متاكده (سكتت شويه وكملت) اوعدني انك تفضل معايا ي قاسم
قاسم حضنها تاني اكتر لما حس انها خايفه وحاول يطمنها: بوعدك افضل جنبك ومعاكي طول العمر ي ليله ليله خدت نفس عميق وطلعته تاني براحه وهي في حضنه عدت ثواني من الصمت قطعته ليله وهي بتطلع من حضن قاسم وبصاله بستغراب: انت قولت بتحمي مامتك واختك من عيلتي لي؟ واي ااي حصل؟ ممكن تفهمني
قاسم اتنهد: حاضر ي ليله… انا كنت اسمع عن شركات الهلالي كنت انا وقتها عندي شركه صغيره كدا علي قدي بس كنت بشتغل وبت.عب كتير كان هدفي اني اوصل لشركات الهلالي واتخطاها كمان… وبعد سنين شغل بدات اعلي واحده واحده لغايت ما عملت شركات قاسم الراوي وبقيت بنافس شركات الهلالي لغايت ما عمك جالي وهددني وبعدها ا.(كان لسه هيجيب سيرت والد ليله بس محبش يقولها حاجه عليه) كانو بيحاول كتير يهدو كل شريكاتي وحاول يق.تلوني كتير ور.شو موظفين عندي ينقليلهم كل اخبار الشركه
من اول ما عمك هددني عرفت انهم هيعملو اي حاجه عشان يشلوني من طريقهم ويفضلو هما في الدرجه الاولي.. فحبيت احمي اهلي وبعتهم عن الطريق دا ومحدش كان عارف عنهم حاجه… مش ضعف مني او مش هقدر احميهم انا بس حبيت ابعدهم عن اي مشاكل وعيشهم في حياه هاديه زي دي كدا ليله: طب لي عهد جت وفضلت تعيط قدام القصر قاسم اتنهد: كانت عرفت اني اتص.بت ولما مكنتش برد عليها وجتلي الشركه مكنتش موجود خا.فت عليا وفتكرت اني حصلي حاجه
ليله ببتسامه خفيفه وحركة راسها بالايجاب: يعني طول الوقت كان اهلي بيأذ.ك وانا دخلت حياتك بوظتها اك… قاطعها قاسم بجديه وهو حاضن وشها بايده : هوووششش اسكتي ي ليله انتي احلي حاجه حصلت في حياتي من اول ما شوفتك في القصر وانا حاسس بشعور غريب مكنتش فهمه حتي كل تصرفاتي معاكي كنت مستغرابها… بكون مرتاح وانا جنبك.. وبرضو مكنتش فاهم لي لحد ما فهمت ان الشعور الغريب الي جوايا دا حب ي ليله..(شدها لحضنه وهمس) انا بحبك اوي ي ليله
ليله اتنهدت ودمو.عها نازله بفرحه: وانا كمان قاسم خرجها من حضنه وبصلها بنظرات ماليها الحب: تتجوزيني ي ليله ليله بصتله ببتسامه عريضه ومسحت دمو.عها بإهمال وهي بتحرك راسها بالايجاب كذا مره: م.. موافقه وفجاه طلعت عهد من البيت وهي بتنادي عليهم عهد ببتسامه: قاسم ماما بتق….(وشافت ليله دمو.عها نازله) مالك ي ليله بتعيطي ليه قاسم عملك حاجه قاسم بستغراب: وهي عشان بتعيط ابقي انا السبب؟؟؟ عهد: ايوه اصلي عرفاك مفتري
قاسم: انا مفتري؟؟ طب تعالي بقا ولسه هيمسكها عهد جريت بعيد عنه بسرعه وهي بتضحك قاسم بغيظ: تعالي انا هوريكي مين المفتري بقا كان بيتكلم وهو واقف مكانه وشايف عهد بتبعد عنه وهي بصاله وبتضحك وبصوت عالي: ماما بتقولك هات ليله وتعالي الاكل جهز قاسم ابتسم وبص لليله وهو بيمد ايده ليها: تعالي ي لي لي ليله ابتسمت ومسكت ايده ومشيو سوا في نفس الوقت كانت العربيه الي فيها سماح وهيثم وقف قدام بيت ليله ونزلو منها ودخلو البيت
سماح اتنهدت: انت مكلتش حاجه من الصبح هروح اج… قاطعها هيثم بصوت ضعيف: لا انا هروح ارتاح وسبها ومشي سماح بصتله بعيون بتلمع من الدمو.ع صعبان عليها شكله.. وشه البهتان وعيونه الحمرا وبيحاول يمشي بالعافيه اتنهدت واتجهت للمطبخ هيثم كان وصل للاوضه بتاعته واول ما دخل الاوضه اترمي علي السرير وغمض عينه ___________ معتز رفع المسد.س بتاعه ووجهه علي هيثم اخوه: طول عمرك ملكش منفعه وكدا كدا دورك في المو.ت مكنش لسه جه عشان تبقي كل الاملاك بتاعتي انا.. بس مش مشكله هعجل مو.تك شويه
هيثم لف لاخوه ووقف مصدو.م: انت كنت عايز تمو.تني انا كمان معتز ابتسم ومسح الد.م الي نزل علي عينه: ايوه هيثم ابتسم بحز.ن ورفع ايده بستسلام: مو.تني ي معتز يلا _________ نظرات معتز الخ.بيثه…وهو بيرفع المسد.س في وشه …كلامه لهيثم الاخير كل دول صور كان شا.يفها هيثم وهو مغمض عينه دمو.عه نزلت بحز.ن واول ما شاف منظر معتز وهو بيمو.ن فتح عينه فجاه وقام قعد علي السرير باصص فالاشئ نظرات الحزن ماليه عيونه ووشه.. كلام معتز بقا بيتردد في ودنه بطريقه مستفزه… لدرجه ان هيثم رفع ايده وبقا يقفل ودنه: باااااسسسس باااااسسسسسس
كان صوته عالي جدا لدرجه ان سماح سمعته وهي جيباله الاكل وجريت علي اوضته حطت الاكل علي طربيزه في الاوضه وجريت عليه: هيثم في ايه مالك؟؟ اهدي في ايه هيثم اول ما شافها شدها في حضنه وفضل يشدد عليها سماح اتصد.مت من ردت فعله بس هي حسه بحز.نه رفعت ايديها وحضنته وفضلت تطبطب عليه بحنان ليله كانت مبسوطه وهي قعده وسط عيلة قاسم.. مامت قاسم الي كل شويه تحطلها اكل في طبقها وتطلب منها تاكل وهي مبسوطه.. وقاسم وعهد كل شويه يتخا.نقو
وفضلت طول اليوم معاها لغايت ما جه الليل قربت من قاسم وهمست: قاسم ممكن تروحني عايزه اطمن علي هيثم قاسم حرك راسه بالايجاب وقام وقف.. ليله قربت من مامت قاسم ولسلمت عليها وعلي عهد كمان عهد: خدي بالك من نفسك ي مرات اخويا ليله ببتسامه: وانتي كمان ي لمضه وخرجو من البيت ليله اتنهدت: مكنتش متخيله ان بعد الي حصل النهارده اكون مبسوطه في الاخر كدا شكرا ي قاسم قاسم ابتسم وفتح ليها بابا العربيه: وانا ميهمنيش حاجه غير سعادتك
ليله بصتله ببتسامه وقعدت في العربيه وقاسم لف وقعد جنبها وشغل العربيه وهو باصص ليها ببتسامه ليله بكسوف: انت هتفضل باصصلي كدا قاسم: مقدرش ابعد عيوني عن الجمال دا ليله ابتسمت وبصتله: طب يلا نمشي ولا هنفضل واقفين كدا قاسم ببتسامه: اوامرك ي ليله هانم