= لا خالص يعني قاعده في مستشفي المجانين ولابسه مريله مجانين وقاعد مع دكتور مجانين.. كل دا مش مبرر اني اشوفك مجنونه خالص _ بُص انت عندك حق.. بس والله صدقني انا مش مجنونه ارجوك ثق فيا شويه = اثق فيكي اي.. اذا كانت انتي مش واثقه فيا وفكراني حاططلك حاجه في العصير _ يعم اشرب ام العصير اللي محيرك دا.. بس هتصدقني صح!! = خدي اشربي
” اخدت العصير مني وبدأت تشربه واحده واحده في صمت وانا باصصلها وبفكر هو انا ليه بستهبل كده يعني ممكن اقوم واسيبها عادي.. ليه يعني قاعد جمبها ومستحمل كلامها السم دا.. يمكن فضول لان شخصيتها غريبه ومثيره للفضول مش اكتر.. المهم اني قطعت الصمت دا وسألتها ” = ها اسمك اي بقا _ شهد = اسم مش علي مسمي خالص للاسف _ وانت ع كده اسمك اي يا توم كروز
= تيم _ اسمك حلو اوي ” سكت حبه مش عارف ارد اقول اي.. هو انا اتكسفت.!! اكيد لا يعني هي مش اول بنت تقولي كده بس هي قالتها بطريقه تلغبط بجد.. ” = شكرًا _ اي دا انت اتكسفت ولا اي ” قالتها وهي بتضحكلي وبعدين كملت شرب للعصير عادي وانا ابتسمت كده وقولتلها ” = لا بس توقعتك هتشتميني زي ما شتمتك _ اي شغل الحضانه دا.. ما انت اسمك حلو فعلا هكدب لي
= ع فكره وانتي كمان اسمك حلو بس انا كنت بزاولك _ ما انا عارفه = عارفه اني بزاولك؟؟ _ لا عارفه ان اسمي حلو = بت انا عرفت انتي عندك اي.. انتي نرجسيه، دا مرض نفسي وخطر جدا _ يعم انت عايز تلبسني اي تهمه وخلاص ما تريح دماغك مني = يعم!! دا اي الرحرحه اللي انتي بتتكلمي بيها دي انا دكتورك _ دكتور كفته
” حسيت اني زدوتها معاها واديتها حجم اكبر من حجمها انا مينفعش اخليها تكلمني بالاسلوب دا.. دي مهما كانت مجنونه.. ومش معني اني اديتها فرصه يبقي ناخد علي بعض بالسرعه دي.. ف وقفت بسرعه ومثلت الصرامه وقولتلها ” = لا مش معني اني عاملتك كويس تنسي ان انا دكتور وانك مريضه.. وان كنت اخدت معاكي في الكلام ف عشان انتي مريضه وزيك زي اي حد هنا لازم اسمعله لان دي شغلتي لكن هتطولي لسانك عليا مش هسكتلك
_ انا اسفه والله انا مكنتش اعرف انك هتتضايق انا كنت بهزر معاك = وتهزري معايا بتاع اي ان شاء الله _ ما قولت خلاص مكنش قصدي.. متزعلش = لا ازعل.. عشان دا مش اسلوب بين دكت.. _ خلاص اتفلق = !!!! _ انا هروح بيتي امتي = مش هتروحي لحد ما اشوف ورقك واعرف انتي جايه مع مين وازاي _ هتعرف امتي = براحتي بقا.. بكره بعده الاسبوع الجاي الشهر اللي بعده والله ع حسب ما افضي
_ طب اطلع بره بقا عشان هنام ولا انت هتفضل واقف كده ” بصتلها شويه وبعد كده ابتسمت ودخلت علي مكتبي ولحظي الحلو ان النهارده عندي شيفت مسائي وهبات هنا في المستشفي.. فقولت فرصه اني اطلب ورقها واشوفها جت هنا ازاي… والمفاجأه اني اتصدمت لما شوفت ورقها ومكنتش متوقع ازاي يحصل كده وكنت مستني الصبح يطلع عشان اعرف منها كل حاجه.. وع الساعه 2 كده لقيت الباب بيخبط.. ” = ادخل
_ تيم..! ” لقيتها مدخله راسها من الباب وشعرها مكنوش وعينها نايمه.. ف قولتلها تدخل ” = اي يا شهد في اي ردت بعصبيه _ انت شوف حل في المجانين بتوعك دول انا مش عارفه انام يا اما تسكتهم يا اما توديني حته تانيه عشان زهقت =!! “لو لقيت عليها إقبال هكملها بإذن الله♥. ” #مُتيمٌ_بكِ 🤎. #تيم_شهد #بقلمي_فرح_وائل ♥🪐#مُتيمٌ_بكِ 🦋. _ انت شوف حل في المجانين بتوعك دول انا مش عارفه انام يا اما تسكتهم يا اما توديني حته تانيه عشان زهقت
= طب وانا مالي _ هو مش انت دكتور هنا في المستشفي ولا انت تمرجي ولا اي شغلتك في ام المخروبه دي.. انا من ساعه ما شوفتك وانا قولت انك دكتور كفته والله = دا انا اللي هعملك كفته لو ممشتيش من قدامي دلوقتي _ لا مليش دعوه انا مش هنزل اقعد مع المجانين دول تاني.. دول بيشدوني من شعري ” بصيت لشعرها المنكوش وضحكت جامد…” = انتي شكلك عامله مصيبه سوده في حياتك عشان يحصل فيكي كده
” لقيتها بصت في الارض وسكتت ” = دا انتي شكلك عامله مصيبه بجد.. قولي عملتي اي _ مش لدرجه مصيبه يعني انا بس دغدغت العربيه بتاعه الدكتور بتاعي في الجامعه.. بس دي متتحسبش مصيبه صح!! = لا مصيبه اي ربنا ما يجيب مصايب.. دي يادوبك فيها 10 الاف جنيه يعني مش حوار _ يعني حد قاله يسقط الدفعه كلها = ساقطه!! كمان.. يعني قليله الادب وقولنا معلش ممكن يتعملها تعديل سلوك مجنونه وقولنا مش مهم دا مرض نفسي ومش ب ايدها بجحه قولت يمكن جراءه لكن ساقطه كمان؟! لا كده كتير انتي فيكي اي عدل معلش
_ وانت مالك يعم هو انت هتتجوزني = اتجوزك؟ ليه ماسكه عليا صور ولا ممضياني علي وصولات امانه _ ولا هو انت عشان دكتور هتتنطط عليا.. اومال لو كنت بتفهم شويه كنت عملت اي = لو كنت بفهم!! _ دا لو بقا = شهد غوري اطلعي برا _ لا انا جعانه = ما نعمات نزلت الاكل تحت للعنبر كله _ ايوا بس انا مكلتش منه = ليه؟! _ اكل مستشفيات اوي
= فوقي انتي في مستشفي انا مش بفسحك _ بس انا مبحبش الاكل دا.. اطلبلي شاورما = انا بجد مشوفتش بجاحه كده.. انا دكتورك انتي مستوعبه.! _ خلاص يعم روحني وانا هجيب اللي انا عيزاه لنفسي = اه بالمناسبه انا شوفت ورقك _ طب اي طلعت مخطوفه = بس اوڤر بقا بس نفختي مراره اللي جابوني _ اصل مفيش تفسير تاني غير كده = يعني اللي هيخطفك هيجيبك مستشفي المجانين ليه بذمتك
_ اكيد حب يعاقبني بيك.. قال اكيد مفيش تعذيب نفسي اكتر من كده = طب تصدقي بالله انا كنت ناوي اجيبلك اكل _ بس هو طلع غلطان طبعا.. دا انت بركه المستشفي = اي بركه المستشفي دي.. انتي شيفاني ماشي ببخر _ يعم مش قصدي.. خلص بقا اطلبلي الاكل جعانه = يستار يارب انتي هتتصعري ولا اي اهدي شويه _ الصبرر يارب انجز ” سيبتها وقومت طلبت اكل لاني انا كمان كنت جعان اوي.. وفي خلال ما انا كنت بطلب الاكل كانت هي بتتمشي في المكتب وبتتفرج عليه وبعدين لقيتها وقفت عند المكتبه وقالتلي..”
_ اي دا انت عندك مكتبه!! = اه عشان بحب القرايه _ غريبه يعني ميبنش عليك.. بس انا كمان بحب القرايه = مش باين ازاي يعني مش فاهم.. انا دكتور علي فكره _ اهلا وسهلا يعني اعمل اي.. وبعدين هو انت دكتور مخ واعصاب!! ما انت دكتور مجانين = دكتور نفسي يا جاهله _ اناني يعني = طب خفي استظراف ” مردتش عليا وكملت تقليب في الكتب لحد ما لقت كتاب معين ف بصتلي ب انبهار وحماس وقالتلي..”
_ انت بتقرأ لعمرو عبد الحميد!! = اه بحب روياته اوي.. بحب الفانتزيا عمومًا _ تيم بجد انت بقيت شخصي المفضل خلاص = مش كنت مبفهمش من شويه!! _ لا غيرت رأي اي حد بيقرأ لعمرو عبد الحميد جامد بجد = طب كويس طلع فيه بينا حاجه مشتركه _ ايوا فعلا.. طلبت الاكل = دا انتي فصيله بجد.. ايوا طلبته
” هزت راسها بمعني ماشي.. وراحت قعدت ع الكنبه اللي في المكتب وبدأت تقرأ في الكتاب وانا كملت شغل علي المكتب وبين فتره والتانيه كنت ببص عليها واشوفها وهي مندمجه وهاديه كده علي عكس ما بتبقي دايما.. وفضلنا كده لحد ما وصل الاكل وبدأنا ناكل..” = علي كده بقي انتي بتحبي كليتك يا شهد!! ” كنت عايز افتح اي موضوع واتكلم فيه معاها وخلاص لاني مش حاببها ساكته كده خالص..”
_ بحبها اوي.. كان حلمي انا اخش اعلام اصلا = حاجه حلوه اوي انك تدخلي حاجه كان نفسك فيها _ وانت كان في نفسك في طب برضه صح..!! = لا انا كان نفسي ادخل شرطه بس مقبلتش _ شرطه اي صلي ع النبي انت قادر تصلب طولك عشان تمسك سلاح وتنط من هنا ل هنا دا بركه انك مقبلتش = كل ما بتفتحي بوقك ببقي عندي رغبه مُلحه بجد اني اكتمك العمر كله
_ اتكلم علي قدك يا شاطر = طب اطفحي وانتي ساكته.. انا اصلا اللي جبته لنفسي _ تيم انا زهقت انا عايزه اروح = اه بالمناسبه.. انتي من اسكندريه!! _ ايوا ليه.!! = واي اللي جابك هنا.! _ هنا فين = شهد انتي في القاهره _ القاهره!! ازاي = مش عارفه فعلا.. بس الورق بيقول انك من اسكندريه وبيثبت فعلا انك مريضه نفسيه ومن تلت دكاتره مش من دكتور واحد
_ ازاي يعني انا عمري ما روحت لدكاتره نفسيين = الورق بيقول كده _ طيب مين اللي جابني هنا؟! = المستشفي استلمتك من واحد اسمه اشرف سالم _ معرفش حد اسمه كده.. انا اول مره اسمع الاسم دا = شهد في حاجه غلط.. معني انك تبقي نايمه في بيتك وتصحي تلاقي نفسك في المستشفي يبقي انتي كنتي متخدره _ مين اللي ممكن يعمل كده طيب.. وليه يعمل كده انا مش فاهمه
= مش عارف بس انا هدور في الحوار دا _ يعني انا هروح امتي = مش عارف بس مش هينفع اخرجك من هنا من نفسي لانك رسميًا وبالاوراق مجنونه ف لو خرجتك انا ممكن اتحاكم فيها ” سكتت شويه وبعدها عينها اتملت دموع وقالت بحزن..” _ يعني اي.. يعني انا هفضل هنا طول عمري! = لا طبعًا انا هشوف الموضوع دا بنفسي وانتي هتفضلي هنا فتره مؤقته لحد ما نفهم اي اللي حصل ومتخافيش انا معاكي
” هدت شويه وهزت راسها ومسحت عنيها وراحت قعدت ع الكنبه وهي ضامه رجليها باصه للارض بحزن.. حبيت اسيبها براحتها ف اتحججت اني هنزل اشوف المرضي وطلعت بره الاوضه وانا بفكر لي ممكن حد يعمل كده.. «في الصباح» ” دخلت المكتب تاني يوم لقيتها لسه صاحيه من النوم..” = صباح الخير _ صباح النور.. هو انا نمت هنا!! = اه وانا نمت بره _ انا اسفه خليتك تبات بره مكتبك والجو برد
= دا اي الادب دا كله.. انتي سخنه ولا اي _ تصدق انا غلطانه خساره فيك الاسف = يارب الصبر.. انا جبتلك طفح تتطفحيه.. خلصيه وانزلي العنبر بتاعك _ بس انا مش عايزه انزل العنبر دا تاني = مينفعش تقعدي لاني انا ماشي اصلا _ ماشي رايح فين = هروح بيتنا يستي.. ما انا واخد شيفت بالليل كله _ يبختك ” قالتها بحسره كده وبعدها قامت عشان تنزل..” = اي مش هتاكلي.. انا جايب الاكل عشانك
_ لا مش جعانه ” قالت كده وسابتني ونزلت وانا فضلت باصص عليها شويه وبعدها نزلت عشان اغير هدومي واروح.. وبعدما خلصت قولت اعدي علي العنبر بتاعها اشوفها قبل ما امشي بس لقيتها بتجري في الممر بتاع المستشفي..” = شهد شهد استني انتي بتجري لي في اي _ سامر تحت سامر تحت وعايزني.. اكيد جه ياخدني ” قالت كده ونزلت جري وانا سمعت كلمه ياخدي واتصدمت ونزلت جريت وراها اشوف مين سامر واي الحوار دا.. وهي اول ما شافته جريت عليه ونطت حضنته جامد.. وفضلوا ع الوضع دا خمس دقايق لحد ما روحت عندهم..”
=…… ” هستني اشوف رأيكم و اي اكتر حاجه حبتوها في البارت ♥.” #مُتيمٌ_بكِ 🦋. #بقلمي_فرح_وائل ♥#مُتيمٌ_بكِ 🦋 _ سامر تحت سامر تحت وعايزني.. اكيد جه ياخدني ” قالت كده ونزلت جري وانا سمعت كلمه ياخدني واتصدمت ونزلت جريت وراها اشوف مين سامر واي الحوار دا.. وهي اول ما شافته جريت عليه ونطت حضنته جامد.. وفضلوا ع الوضع دا خمس دقايق لحد ما روحت عندهم..” = استاذ سامر اهلا بحضرتك انا دكتور شهد
~ اه اهلا بحضرتك ” كان بيكلمني وهو لسه باصص لشهد ف رديت ب ابتسامه ” = حضرتك اخوها مش كده..! ~ لا انا ابن خالتها = نعم؟؟ ~ ابن خالتها حضرتك = ابن خالتها اه.. اه اه تمام تمام.. يعني انت ابن خالتها ~ اه = وهي بنت خالتك طبيعي يعني ايوا ايوا فعلا ” كنت بتكلم بشكل مريب ومكنتش علي طبيعتي وقتها.. ازاي تحضن ابن خالتها بالشكل دا.. كنت واقف وحاسس ان في نار بتطلع من دماغي ف قولت بسرعه ”
= اه وانت جاي ليه بقا ~ افندم!! = قصدي يعني حضرتك جيت عشان اي يعني..زياره!! ~ لا انا جيت اخد شهد _ انا كنت متأكده انك مش هتسيبني هنا لوحدي.. شكرا يا سامر بجد!! ~ وانا يعني عندي كام شوشو ” هي قالت كده وحضنته تاني وانا هنا بجد مقدرتش استحمل العك اللي بيحصل دا ف قولت بنبره جاده ” = احم.. ممكن تتفضل معايا يا استاذ سامر ع المكتب عشان نتكلم مع بعض شويه
~ اه طبعا.. تعالي يا شهد ” قال كده ومسك ايدها وكان لسه هيشدها بس انا مسكت ايده وفكيتها من ايدها و وقفت بينهم ” = لا معلش شهد لازم تتطلع العنبر بتاعها دلوقتي.. ولما تخلص الاجراءات ممكن نناديها _ بس انا مش عايزه اطلع العنبر دا تاني.. ممكن اطلع مع سامر ” جاوبت بأندفاع غير مبرر خالص ” = لا طبعا.. يعني قصدي ان احنا هنتكلم في شغل ولحد دلوقتي الورق بيثبت انك مريضه نفسيا ومينفعش تخرجي من العنبر بتاعك
~ خلاص يا شهد اطلعي انتي وانا هخلص مع الدكتور واجي اخدك _ ماشي = نعمات.. اتفضلي خُدي شهد علي العنبر بتاعها.. وانت يا استاذ اتفضل قدامي وانا جاي وراك ” و اول ما اتحرك سامر شويه خطوات لقدام وقفت انا وقربت من ودان شهد قولتلها بصوت واطي ” = دا انا همسكك السلك عريان وافضل اكهرب فيكي لحد ما تنشفي في مكانك.. اصبري عليا بس ” قولت كده وسيبتها ومشيت وكملت مع الحلوف التاني دا.. وكنت بتمني امسك اعصابي عليه لحد ما يغور في داهيه تاخده.. ”
= اتفضل اقعد يا استاذ سامي ~ سامر = مش هتفرق اقعد ~ تمام.. ممكن افهم شهد جت هنا ازاي.!! = جت مغمي عليها ~ انا عرفت ان عمها هو اللي بعتها لحد هنا = عمها!! اي العك دا… ياريت تفهمني من الاول ~ شهد ابوها مات من ست سنين ومامتها سابت البلد وهاجرت بعد موت ابوها ومحدش يعرف عنها حاجه.. وشهد فضلت عايشه مع عمها ومرات عمها لان عمها مكنش بيخلف ومعندوش عيال
= تمام اتفضل كمل ~ واللي اعرفه ان مرات عمها كانت بتعاملها معامله وحشه اوي وكان فيه مشاكل كتير اوي بينهم وماما كانت علطول بتطلب من عمها انها تيجي تقعد معانا لو هما مش مستحملينها بس عمها كان بيرفض بسببي انا واخواتي.. لاننا تلت شباب وهو كان بيقول ان بنت اخوه مينفعش تتربي وسط تلت شباب = دا يا الف بركه ~ افندم!! = يعني قصدي عنده حق طبعا شئ طبيعي
~ المهم ان انا روحت ازورها امبارح ولقيت عمي زيه زي بيدور عليها ومش لاقيها وبعدين اتصلت بمعارفي في الداخليه وكده اصل انا ظابط.. وعرفت انها هنا وعشان كده شاكك في عمها او مرات عمها.. انا مش هسيب الحوار دا وهفضل وراه لحد ما اعرف بس كان لازم اجي اشوفها = اممم ~ اقدر اخُدها امتي = تاخدها فين.! ~ البيت = اه البيت اللي فيه تلت شباب امم.. لا للاسف مش هينفع
~ مش هينفع ليه = لازم الواصي عليها هو اللي يجي ويخرجها ويمضي اقرار انه مسؤول عنها لو حصل اي حاجه لان متنساش انها فيه الورق بيثبت انها مجنونه ~ الواصي هو عمها = تمام حاول تتفاوض معاه وتجيبه يمضي وياخدها ~ بس انا مش عايزه ياخدها انا عايزها تيجي تعيش معانا = اه مع التلت شباب.. بس للاسف دي مش مشكلتي دي مشكلتك معاه ~ تمام انا هشوف الحوار دا عند اذنك
= اتفضل ~ اه ممكن اعرف عنبر شهد فين عشان محتاج اتكلم معاها قبل ما امشي = تتكلموا اه.. ايوا يعني هتتكلموا في اي مش فاهم.!! ~ افندم!! = قصدي يعني اتفضل انا هوصلك انا كده كده نازل اطمن علي المرضي اللي في العنبر بتاعها ” بصلي شويه بغموض كده ومردش عليا ونزل قدامي للعنبر لحد ما وصلنا ولقينا شهد قاعده عند الشباك وسرحانه ف راح عندها البغل دا وقعد علي كرسي قدامها ومسك ايدها وبدأ يتكلم معاها وهي بدأت تدمع بس انا مش سامع حاجه.. فروحت عندهم بحجه ان عندي شغل وبدأ ارمي ودني.. ”
~ شهد عشان خاطري متعيطيش انا اسف بس اعمل اي الدكتور قالي لازم الواصي عليكي هو اللي يجي ياخدك _ انا مش حابه القعده هنا يا سامر وبخاف لوحدي بالليل كلهم هنا بيتعاملوا بشكل غريب ~ حقك عليا يا قلب سامر.. صدقيني غصب عني والله بس متخافيش انا هجيلك كل يوم مش هسيبك = لااا ~ لا اي = قصدي يعني مش هينفع الزياره الكتير عشان نفسيه المريض وكده ~ لا بس هي نفسيتها هتتحسن لما انا اجي متقلقش.. صح يشهد.!!
_ ايوا ” كان بيبصلي بحده وهو بيتكلم و اول ما شهد قالت ايوا بصيتلها بغيظ وقولتلها بصوت خفيض ” = دا انا هعلقك علي باب المستشفي واخلي اللي رايح واللي جاي يكهرب فيكي ~ بتقول حاجه يا دكتور!! = احم.. لا بس بقول يعني كفايه كده لان انا ماشي ~ طب ما تمشي = واسيبكوا!! ~!! = قصدي يعني لا براحتكوا انا حابب اقول لشهد بس اني همشي.. محتاجه حاجه
_ لا يا دكتور شكرا = دكتوور!! والله دلوقتي بقيت دكتور.. لا تمام ” سيبتهم ومشيت وانا متغاظ ومش قادر احدد انا متغاظ من اي بالظبط عشان كده اتغاظت اكتر ودخلت مكتبي ورزعت الباب.. وفضلت رايح جاي رايح جاي في المكتب لحد ما دوخت.. امشي ولا افضل.. اسيبهم ولا اقعد واشوف هيقولوا اي.. مينفعش اسيبهم لوحدهم.. انا مالي بيهم اصلا ما يولعوا.. فضلت في الصراع دا لحد ما قررت انزل العنبر تاني..”
_ دكتور تيم!! انت لسه ممشيتش = لا دكتور تيم لسه ممشيش ” لقيته بيقرب منها وبيقولها حاجه وهي ضحكت وبصتلي وسكتت وانا دخلت وروحت لمريضه كانت قاعده جمبهم بالظبط.. وحاولت اشتغل من غير ما اشتت نفسي بيهم لحد ما شوفته بيحضنها ومشي وانا فضلت باصصلها بغضب وساكت ف لقيتها بتشاورلي ب ابتسامه اني اجي.. فتجاهلتها وركزت مع المريضه لحد ما نادت عليا..” _ تيم يا تيم.. تعالي عايزه اقولك حاجه ”
” روحتلها بعصبيه اوي و انا متغاظ قدام البتاع بتاعها دا ابقي الدكتور تيم ولما نبقي لوحدنا ابقي تيم بس.! هو انا تحت امرها ولا اي.. انا لازم اوقفها عند حدها.. روحت ولما وصلت عندها قالتلي..” _ اي يعم عماله اشاورلك من بدري انت اتعميت ولا اي =…… #مُتيمٌ_بكِ 🦋 #بقلمي_فرح_وائل ♥#مُتيمٌ_بكِ 🤎🦋 _ اي يعم عماله اشاورلك من بدري انت اتعميت ولا اي = دكتور تيم.. من هنا ورايح تقوليلي دكتور تيم انا مش بلعب معاكي كوره في الشارع
_ اشمعنا دلوقت..
” سيبتها ومشيت ومردتش عليها وطلعت مكتبي وانا متضايق جدا مش عارف عشان اتعاملت معاها كده ولا عشان تصرفاتها هي، وبقيت حاسس اني عشمت نفسي ب حاجه لا يمكن تحصل اكيد واضح جدا ان فيه حاجه بينها وبين ابن خالتها دا، خصوصًا انها بتعاملني برسميه قدامه ف تمام نمشيها رسميه علطول بقا، بدأت اتجاهلها يوم ورا التاني ورا التالت عدا اسبوع واتنين ودخلنا في شهر وانا مبتكلمش معاها غير في حدود شغلي مش مديها مساحه خالص في الكلام معايا، ملاحظ وحدتها وضيقتها مني بس كده احسن، او انا اللي بخدع نفسي بكده لاني مش بتحسن خالص بالعكس بقيت باخد شيفت الليل
مخصوص عشان انزل واقعد جمبها وهي نايمه، عارف انها مراهقه متأخره بس لاني طول اليوم ببقي شادد عليها ف بحتاج هدنه لنفسي شويه والهدنه دي بتبقي وهي نايمه، ومازال ابن خالتها كل بيجي المستشفي يقعد معاها شويه ويمشي ولكن مؤخرًا لاحظت انها مبقتش تديله اهتمام زي الاول خالص ودا شئ بسطني جدًا.. ولكن كالعاده مش ببين دا.. وفي اليوم كنت بمر في العنبر ولقيت شكلها حزين جدًا فروحتلها بحجه اني هطمن عليها ”
= مساء الخير.. اخبار صحتك اي _ انا مش كويسه خالص بجد = مش كويسه جسديًا يعني.!!