خارجة من الحمام إيديها بترتجف عيونها مليانة دموع خو’ف مصاحبها وباين من ملامحها الباهتة ورعشة جسمها وعدم قدرتها علي المشي، وإيديها اللِ الرجفة مسبتهاش بتهز الجهاز اللِ ماسكه _جوزها بلهفة: هااا فيه حمل =بتوتر رد عليه: لا _بعصبية يعني ايه هااا ومسكها من شعرها وسط صر’اخها اسمعي أما أقولك أنا نازل الشغل وأرجع وأخدك عند اي ز’فت علي دماغك يشوف المشكلة فين وايه اللِ مانعك تحملي
=ده نصيب _نصيب أنا مش راضي بيه ورحمة أمي لو حملتي وجبتيلي الواد اللِ نفسي ما تلزميني وسابها وخرج، عشان بعدها تسمح لنفسها بالأنيها’ر، قعدت وهي مستوعبة اللِ حصل بقي معقول ده اللِ أتحديت الكل عشانه، ده اللِ قطعت أبوها بسببه وحاليًا بيستغل هو ده ضدها أنها مش هتلاقيها حد تروحله (دي تبقي قسمت، وقسمتها كانت مسعد جوزها اللِ بيتطا’ول عليها حاليًا) ★*****★ رجع وخدها وراح لدكتور زي ما قال…
_هاا يا دكتور خير طمني /خير إن شاء الله هنعمل بس شوية تحاليل وبعدين نطمن _تمام وقد كان عملوا التحاليل وبعد يومين رجعوا تاني للدكتور ★*****★ _ها ي دكتور طمني /الحقيقة المدام عندها ضعف فِ جدار الرحم بالإضافة كمان لوجود خلل فِ الغدة الدرقية _نعمل حقن مجهري /للأسف لازم نعالج الإضرابات الموجودة فِ الغدة الأول عشان بعد كده نقدر نحدد إذا كنا هنقدر نقوم بالعملية ولا لا
_وايه المانع فِ أنها تتعمل الأول مش فاهم /أفهم حضرتك هتجهض للأسف ومع كل محاولة هنعملها هتتكر عملية الإجهاض مرة والتانية ودي حاجه مش فِ صالحنا لأنها للأسف هتؤدي لضعف جدار الرحم أكتر ما هو ضعيف وهيضعف نسبة نجاح العملية اللِ هي أوردي ضعيفة =وأنا جاهزة أعملها /نعم حضرتك بتقولي ايه ده فِ خطورة علي حياتك =وأنا موافقة /بس _بس ايه ما قلتلك موافقة اتوكل علي الله بس وحدد لينا ميعاد مناسب
/يا مدام أنتي مش فاهمة خطورة حالتك وانا مش هقبل بحاجه زي دي _قام بعصبية ورمي كذا حاجه من عالمكتب فِ وش الدكتور، وشد قمست من إيديها بغضب يلا وأنا هلاقي دكتور بيفهم يعمل اللِ احنا عاوزينه /أنت إنسان رجعي ومتخلف وبتقضي علي حياة مراتك سابه ومهتمش يرد وهو خارج خبط فِ واحد كان داخل لدكتور ★*****★ +ايه يا عم مين اللِ خارج شاطح كده ولا همه
/أبدًا ي سيدي دول اللِ بيدعوا لينا احنا كأصحاب مهنة الطب +😂😂 طيب ي عم يا بختك /يا عم أسكت أنا كنت عاوز أدخل أدبي أصلا الله يسامحك يا حاج أنت اللِ غصبتني ونسيبهم مع بعض يضحكوا ★******★ _أسمعي ي تعملي العملية يا أتجوز وأخلف طبيعي بس ساعتها هرميكي ل كلا’ب السكك وأبوكي حالف عليكي ما تدخليه بيته تاني =باصة فِ الأرض دموع غالبها مش قادرة تتكلم هزت رأسها بالموافقة موافقة
مر أكتر من أسبوعين فِ لمح البصر حددوا فيه ميعاد العملية، كانت خايفة مش بس خايفة لا مرعوبة حاسة أن حياتها بتت’حسب منها ببطئ عيونها أرهقتها الدموع، وقلبها فطروا الحزن طلعت فونها سجلت ريكورد وبعتته لأمها بدموع
=أنا عارفة أني مستهلش، وأني غلطت وأستاهل كل ما يجري ليا أني مسمعتش كلامكم بسس بس وشحتفة أنا محتاجة دعواتكم اووي محتاجة أترمي فِ حضنك يا ماما واوطي علي رجل أبويا أقوله أنت كان عندك حق لما قولتلي مش هيصونك ولا هيراعي ربنا فيكي بس عاندة، أنا داخلة أعمل عملية حقن مجهري لأني عندي مشاكل كتير تمنع الخلفة، بس كان لازم استني شوية أتعالج الأول بس هو رافض وقالي ي العملية ي ارميكي فِ الشارع حاسة أني ماليش ضهر يا بابا
★ أبوها أول ما سمع:……. ★******★ #قسمت_لم_يقسم_لها_الفرح بقلم #دعاء_زينةحاسة أني ماليش ضهر يا بابا أبوها أول ماوصل لهنا قلبه أتقبض، وعيونه غزها الدمع بدون مقاومة منه، نغزة جات فِ روحه أجبرته أنه يهب واقف، ضارب بوعده عرض الحائط فِ أنه مالوش علاقة ببنتها وبقرارتها بعد ما أصرت علي اللِ فِ دماغه شد التليفون من إيد أمها بغضب رن عليها مفيش رد كان هيتج’نن، لبس الچاكت وكان خارج مش عارف وجهته ايه ولا يروح فين حس بالعجز لأول مرة فِ حياته
مسكته مراته من دراعه: هتروح فين زق إيديها بغض’ب وأتحرك بيتفح الباب، فِ دخلة ابنه كان هيقع لحقه بسرعة /عالفين ي حاج الأم: الحقه ي بني متسبوش ينزل كده /فهموني بس فِ ايه حكوا ليه الحكاية، عشان يفتح تليفونه وقدر يحدد مكان وجودهم بسهولة، نظرًا لأن دي طبيعة عمله (مهندس إلكترونيات) ركبوا العربية وصلوا المستشفي بس للأسف كان بعد فوات الأوان، وكانت قسمت خارجة من العمليات، أبوها أول ما شاف وجهها الشاحب، وذبول ملامحها، وإرتخاء جسدها بشكل يوحي بضعفها، قلبه أنفطر أكتر عليها، جري مسك جوزها من رقبته
+بقي أنتَ ي ابن الك’لب تعمل كده فِ بنتي فكرك ايه ي و’سخ مالهاش اللِ يوقفلك _شد نفسه منه بعن’ف نزل أيديك ي راجل أنت لولا عامل حساب لسنك كنت د’فنتك هنا +رفع إيديه نزلها علي وشه ورحمة أمي يا تطلقها ي و’سخ _أتنر’فز وبغض’ب قرب منه عشان يقف ابنه حائل بينه وبين أبوها /أبلع ريقك ياض ي وحياة أبويا أد’فنك ولو عالطلاق هتطلقها غص’ب عن عين أمك
الممرضة: رجاءًا الصوت عشان المرضي وهنا مش مكان لخناقكوا /معاك حق أنا بعتذر وآسف ليكِ وبص ل مسعد بعيون بتشع غض’ب وأنت ي عم القمور مشوفش ضلك فِ محيط عشر متر من المستشفى يا تقول علي نفسك يا رحمان يا رحيم يلاااا مسعد عرف أن وجود هنا مش فِ صالحه حاليًا فمشي ★*******★ فِ اوضة قسمت أبوها ماسك إيديها بيبوسها وبيحرك إيديه علي وشها بحنية والدموع متعلقة فِ عيونه
+بقي كده يا بنت عمري تحسسني بالعجز بعد العمر ده كله، ده أنتِ مهما عملت أو جرا منك هفضل عمري كله ضهرك وسندك بكلامك ده أنتِ قضمتي ضهري =حركت إيديها وب لسان تقيل من البنج ب بااا باابا +ي عيوني =م ميي مياه +فوقي أنتِ بس وأنا أديكِ عيوني بس دلوقتي مش هينفع =أاا أنا أس أسس أسفة ب +حط إيديه علي بقها هشش بس قومي بالسلامة واللِ فِ نفسك أبقي قوليه
وكان هو متابع اللِ بيحصل ده فِ صمت وحنين بيو’جع قلبه إن مالقاش اللِ يحبه زي أب عادي صمت وهدوء خارجي يوهم من يراه أن كتلة جليد علي عكس أجواء الحر’ب التي تدور داخله، لتأتي أمه من خلفه & وبعدين هو مش أبوك بردوة /كان نفسي أبويا يحضني ولو لمرة واحدة & وبعدين بقي أبوك الله يرحمه وكان بيعمل كل ده عشان يأمن مستقبلك /الفلوس مبتأمنش مستقبل ي أمي وأهو راح وراحت معاه فلوسه
عشان يتفاجئوا ب مسعد ومعاه ظابط بيسأل عن أبو قسمت، ودخلوا ليهم اوضتها الظابط: حضرتك متهم بالتطاول علي زوج بنتك الأب: ولو طولت هقت’له +شوفت ي فندم /لا أنا اللِ هخليه يشوف الحقيقة ي جميل الملامح وحكي للظابط اللِ عرفه +وده كد’ب أنا مغصبتهاش علي حاجه وكله كان برضاها الضابط: ده حقيقي ي مدام قسمت =ايوه بس ده عشان كنت خايفة أني أبقي لوحدي واترمي ف الشارع بس دلوقتي خلاص مبقتش أخاف وعاوزة أعمل محضر عن’ف أسري فيه
/وبكده يبقي محضر قصاد محضر وأنا لو منك أفكني من الحوارات دي وأطلق احسن +بعناد مش هيحصل /غب’ي أمشي فِ إجراءاتك ي حضرة الظابط وقد كان، خدوها وراحوا البيت بعد نا اطمنوا عليها ومع أتباع الأدوية والتعليمات اللازمة لحمايتها أولًا وبعدها الجنين ★******★ فِ البيت قسمت: بابا مش عاوزك تزعل مني علي عنادي قصادك بصلها بلوم ومردش عليها قسمت بدموع: كنت عارفة أنك هتفضل زعلان أنا استاهل أني أمو’ت
+بصلها أبوها ساعتها وقرب منها باس رأسها: أخرسي زعلي الوحيد أنك تحسي أنك مالكيش ضهر وأنا عايش وحضنها وسط دموعها هي وهو ومعاهم أمها وبعد وصلت دموع محترمة قسمت: مين ده ي بابا +ده زكريا ابن عمك معقول مش فاكراه قسمت: هو أنا فعلا مش فاكراه أصل أخر مرة اتقابلنا كان من أكتر من عشرين سنة /ببرود كنا صغيرين فعلًا حمدالله على سلامتك ★********★ بعد شهرين كان اتعمل جلسة محاكمة لقضية الطلاق اللِ رفعتها قمست بعد ماتنازلوا عن المحاضر الأولي، ولكن القاضي قام بتأجليها لحد ما تولد
وفِ يوم كانت قسمت فِ الاوضة كالعادة، سمعت أمها صوت صر’يخها جريت ليها بسرعة: فِ ايه ي بنتي مااا ومكلمتش كلامها لما شافت الد’م مغرق سريرها وإصفرار وشها وعرقها اللِ مغرق وشها، لطمت صدرها وفضلت تلف حوالين نفسها مش عارفه تعمل ايه، طلعت تجري علي شقة ابن عمها &الحقني ي ابني الحقني /بنوم ايه ي مرات عمي فِ ايه مالك &قسمت قسمت /وقبل ما تكمل كلامها كان بيجري قدامها شالها وجري بيها علي أول مستشفي، أتصلوا بأبوها جه فورًا، وكانت هي فِ العمليات
أبوها: طمنين ي بنتي الممرضة: أهدي ي حاج وأدعي ليها وبعد فترة خرجت الدكتورة بصدمة الدكتورة: أنا حقيقي آسفة عملت كل اللِ عليا بسس مسعد كان وصل: ايييه تفتكروا ايه حصل ★*******★ #قسمت_لم_يقسم_لها_الفرح2 بقلم #دعاء_زينة رأيكم يهمني 🤍_للأسف الجنين ما’ت