#في_مستشفى_الامراض_العقلية #الاول _ارجوك يا سليمان كفاية ضر*ب سليمان بقس*وة:لا مش كفاية علشان تبقى تخالفى كلامى كويس وتخرجى بدون علمى بصريخ ودموع:يعنى اسيب امى تعبانه انت اي يا اخى معندكش قلب ولا رحمه انت مر*يض.. سليمان بعصبية أثر هذه الكلمه :أنا مر*يض طيب والله لاوريكى.. دخل يجيب الحز*ام وكان دا في دخول بنته وابنه اللي جايين من المدرسه، البنت مسكت في ايد اخوها بخوف اللي كان عمره حوالى ١٥سنه رحمة بدموع:الحق ماما يا فارس ..
فارس بعد عنها وراح تجاه أبوه ووقف قدامه:مش هسمحلك تضر*بها سليمان بعصبية:وانت مين علشان تمنعني ابعد يلا احسن اطلع البلى على جتتك النهارده الام وقفت قدام فارس بترجى:خد اختك وادخلوا اوضتكوا يا ابنى ومتعملش مشاكل .. _يا امى هوا انتى جاريه عنده بيضربك عمال على بطال أنا بقيت راجل وقادر احميكى كويس.. سليمان بش*ر:طيب يا راجل تعلالى بقى.. ونزل فيه ضر*ب بالحز*ام ومحدش قدر يمنعه كان شوية على مراته وشوية على ابنه لحد ما واحد فيهم وقع على الأرض اثر خبطة قوية على دماغه..
_فاااارسسس… فاقت من شرودها على صوت الممرضه وهى بتقول:يا دكتور المريض اللي في اوضه ١٠٨جاتله حالة هيا*ج شديد ومحدش قادر يتصرف معاه.. مسحت دموعها اثر الذكريات الال*يمه اللى عاشتها زمان واللى كان السبب فيها ابوها اللى كان سبب في دما*ر وتفك*ك عيلة كاملة… قامت من مكانها وراحت تجاه الأوضة اللى الممرضة قالت عليها.. دخلت الأوضة واتفاجئت ان المريض مكس*ر كل حاجه حواليه حتى السرير مسلمش منه …بصت للممرضه وشاورتلها تمشي..
بصتله بقلة حيلة:انت تانى يا آسر..احنا مش اتفقنا بلاش اللي بتعمله دا علشان تخف بسرعه.. آسر:انتى لى مش قادره تفهمىىى انى مش مريض أنا مش مريض ومسك المله بتاعت السرير وكسر*ها على الأرض أنا مش مريض مش مريض.. رحمة بهدوء وابتسامه:ومين قالك انك مريض أنا بس محتاجه اقعد معاك شويه واسمعك وانت رافض تتكلم مع انك لو اتكلمت دا هيساعدك كتير… وقربت منه ومدت ايديها ليه:ومفيش مانع لو بقينا صحاب واوعدك أن كل اللى هتقوله هيكون سر بينا ..
آسر هدى شويه وبصلها باستغراب وبص لايديها بعدها عنه واتكلم بانهيار:لااا انتى زيهم انتى زيهم هم عملوا معايا كدا مدتلهم ايدي وفي الاخر ضحكوا عليا وجابونى هنا مع انى مش مريض ..وقبلها خدوا منى اعز ما املك خدوا عيلتى .. رحمة:نعم عيلتك !
آسر بصلها بضعف وقعد على الأرض مكانه:ايوا عيلتى مراتى وابنى عملنا حادثه وراحوا فيها وبعدها اخواتى ضحكوا عليا وجابونى هنا صدقيني انا مش مريض هم اللى مرضى هم السبب في كل اللي حصلي دا وبصلها باستهزاء ودموع اخواتى اللى المفروض يكونو سند وضهر ليا هم اللي طعنونى في ضهري وخدوا كل حاجه منى ومكتفوش بدا وكانو سبب في دخولى هنا.. رحمة افتكرت اخوها اللى ما*ت قدام عينيها بسبب ابوها ..
في الوقت دا اتأكدت أن اللى مش جوا المستشفى هم المرضى الحقيقين لكن في برا مرضى حالتهم اسوأ بكتير لكن متنكرين في زي العقل… آسر باستهزاء:استغربتى مش كدا عرفتى انى مش مريض عرفتى أنكو حكمتوا عليا بالاعدام .. رحمة بهدوء:أنا كدكتورة عمري ما حكمت على حد من وجهة نظر الكلام اللى مكتوب قدامى لازم اسمع لانى عارفه كويس اى اللي بيحصل برا وكلنا عيشنا ظروف زي دى علشان كدا بكلمك كأنسانه وبقولك انى مستعده اساعدك بس في المقابل انت كمان تساعدنى
_انا مستعد لأى حاجه بس أخرج من هنا.. _تمام اتفقنا… ومدت ايديها ليه:صحاب _صحاب! استمروا على الحال دا حوالى شهر وأسر كل يوم منتظر اليوم اللي هيخرج فيه وكل يوم رحمة تقوله قربت قربت لكنه كان من جواه حاسس انها مش هتقدر تعمل حاجه.. وفي يوم كانت قاعده في اوضتها ودخلت عليها الممرضه بسرعه:الحقى يا دكتوره أسر هر*ب! #يارا_عبد_السلام#فى_مستشفى_الامراض_العقلية #الثانى _الحقى يا دكتور آسر هر*ب رحمة قامت مفزوعة من مكانها لان دي مسئوليه كبيره اووي عليها وممكن تتر*فد فيها …
خرجت وراحت تجاه الأوضة بتاعته ودورت على اي حاجه يكون عملها علشان يهرب وبالفعل اتأكدت شكوكها لما لقيت شباك الاوضه مفتوح .. اتنهدت بيأس ومش عارفه تعمل اي كانت عوزا تعيط لكن مسكت نفسها .. خرجت برا المستشفى نهائي ودورت بعنيها لكن مفيش اي اثر وطبعا اداره المستشفى اتصلوا بالبو*ليس .. رحمة اتنهدت بقلق وخوف واتصلت بابن خالتها اللى كان ظابط في الداخليه.. _الو امير الحقنى _في اي يا رحمه حصل اي
رحمة بدموع:فى مريض هر*ب من المستشفى وانا اللى كنت مسئوله عنه وخايفه.. _طيب طيب أهدى وانا جايلك حالا.. _ماشي.. قفلت معاه واتنهدت بتوتر وقلق.. رغم أنها كانت مصدقاه ومصدقه أنه مش مريض إلا أن واجبها كان محتم عليها انها تخليه في المستشفى لحد ما تثبت أنه مش مريض ،رغم أنها حاولت كتير تثبت إلا أن اثباتاتها كلها باتت بالفشل.. في جزء من جواها ارتاح انه هر*ب متعرفش لى يمكن علشان كان نفسها تمشيه من هنا
بعد شويه امير جه والبوليس جه وراه .. وفضل واقف جنب رحمه بيدعمها امير:احكيلي يا رحمه اى اللي حصل.. رحمه اتنهدت:مش عارفه بس هوا كان مسئول منى وانا اللى مسئوله عن علاجه وكمان يا أمير أنا كنت متأكده أنه مش مريض لانه تصرفاته كلها تصرفات واحد عاقل .. _احنا مالنا بكل دا هوا دخل هنا بورق واثباتات لمرضه يا رحمة ودلوقتي انتى اللى مسئوله . _طيب اعمل اي _رحمه لو انتى اللى مساعداه قوليلي على مكانه علشان متحطيش نفسك في مشكلة انتى مش قدها ..
_صدقنى يا أمير أنا معملتش حاجه ولا ساعدته أنا اتفاجئت زيي زيك بالظبط.. _طيب يا رحمه أنا هشوف كدا الموضوع دا وان شاء الله هلاقيه هيروح منى فين.. _امير ارجوك متئذهوش امير يصلها باستغراب وهى اتوترت هى متعرفش قالت كدا ازاي اصلا:قصدي يعنى كفايه اللى حصله.. امير بصلها بشك:ماشي يا رحمه ماشي أما اشوف اخرتها مع انى مش متطمن .. وسابها ودخل المستشفى وهى دخلت وراه بس دخلت اوضتها ..
وكانت واقفه بتوتر ورايحه جايه في المكان…. _انا السبب أنا السبب.. افتكرت امبارح لما كانت خارجه من الاوضه بتاعته .. #Flash_back آسر بترجى:ممكن تفتحيلي الشباك اصلى مخنوق اووي والجو حر زي مانتى شايفه . رحمه بصتله بتوتر وشفقه:امممم مهو مش هينفع.. آسر:طيب شكرا يا دكتورة.. رحمة حست أنه زعل فقربت من الشباك وفتحت الشيش بس وسابت الشباك من برا مقفول… _اعتقد أن كدا هيدخلك هوا آسر بابتسامه:شكرا يا دكتورة ..
رحمه ابتسمت ليه وخرجت وراحت اوضتها.. #end رحمه فركت في ايديها بتوتر:أنا اي اللي عملته دا ،استغل طيبتى وثقتى فيه وعملى اكبر مشكله وهرب ربنا يسامحك يا آسر . وقعدت على الكرسي وحطت دماغها بين ايديها وعيونها دمعت بتعب ..