تيم بصوت عالى نسبيا وهو يمسكها من قفاها: حووور حور بصوت باكي: هقول كل حاجه يباشا بعد شويه محمد دخل البيت سمع صوت ضحك تيم في الاوضه قرب براحه وبصلو وعرف من كلامو انو بيكلم حور
تيم بحب: انا بحبك اوي ي حور عمري في حياتي محسيت اني اعم*ى وانتي معايا شكرا انك واقفه جنبي ومسبتنيش……… تيم ضحك بصوتو كلو: مش هتعقلي ابدا……… حاضر ي ستي ولله حفظت……… متقوليش واشرب اللبن قبل منام واغسل سناني ورجلي صح……… امشي ي حور انا غلطان اني بكلمك…… ابتسم بحب: وانا كمان بحبك اوي ده انتي وش السعد عليا….. محمد رسول الله مع السلامه ي حبيبتي محمد بص ل تيم بحزن بس اقنع نفسو انو بيعمل كده عشان مصلحتو ودخل اوضتو بهدوء
في صباح اليوم التالي حور بسعاده: اتفضل يابا الحج اتفضل ده احنا زارنا النبي اتفضل… الشاي يولا ي عنبه محمد: انا مش جاي اشرب ي حور انا جاي اقول كلمتين وماشي حور: قول اللي تحبو بس مينفعش كده لازم تشرب حاجه على الاقل محمد: صاحبه واجب ي بنتي بس معلش خليها مره تانيه حور: ولا تانيه ولا تالته ده احنا نشيلك فوق راسنا لو الارض مشالتكش… الشاي ي ولاااا محمد: تسلمي ي بنتي… بصراحه انا عايزك في موضوع يخص تيم
حور بقلق: مالو تيم حصلو حاجه. وقفت: يلا بسرعه لازم نطمن عليه محمد: اهدي ي بنتي تيم كويس حور قعدت براحه: الحمد لله… اومال موضوع اي ده محمد: بصراحه بقى ومن غير لف ودوران انتي لازم تبعدي عن ابني حور بصدمه: ا اي محمد: اسمعي ي بنتي انتي وتيم مش شبه بعض واعذريني بس انتي بتاعه مشاكل وابني مش ناقص كفايه اللي هو فيه
حور بدموع : ب بس انا مش ق قصدي و ولله ط طب ب بص انا هبعد ع عن الشغل وكل حاجه ب بس بلاش تبعدني عن ت تيم ا انا مقدرش ا ابعد عنو د ده انا روحي فيه انا ممكن ام*وت لو بعدت عنو ارجوك محمد بصلها بحزن وبص في الارض بعدين بصلها: غصب عني ي بنتي بس حسن مش هيسبكو في حالكو حور بأستغراب وسط دموعها: ح حسن لي هو عمل اي
محمد: حسن جالي ي حور وهددني بحياه ابني لو مخلتكيش تبعدي عنو هيأ*ذيه وانا مقدرش اقف في وشو حور مسحت دموعها بغل: لو انت متقدرش انا اقدر. وقامت وقفت وخرجت برا متجاهله نداء محمد حور بصوت عالي: انت يالي عامل نفسك كبيرنا اخرجلي ان كنت راجل بصحيح حسن خرج ببرود: في اي ي معلمه صوتك عالي لي حور بغل: انت لسه شوفت حاجه ده انا هم*سح بكرامتك الارض بقى بتهدد حمايا عشان ابعد عن جوزي انت فاكر نفسك مين
حسن ببرود: ولله انا حر اعمل اللي انا عايزو حور: اسمع وحط كلامي حلقه في ودنك فكره اني ابعد عن تيم دي تمسحها من راسك ولو حمايا راجل طيب ومش هيقدر يقف في وشك ف انا تربيه ش*وارع واقدر اخليك متسواش بصله في سوق الرجاله ف احسنلك ابعد عننا وسبنا في حالنا بدل والمصحف لخليك تندم على اليوم اللي فكرت تقف في وشي حسن بعصبيه: انتي بتهدديني حور بصوت عالي: اه بهددك مش المعلمه حور الي حد يقف قصادها وتسكت
حسن: انتي قد اللي بتقوليه ده حور: قدو ونص ي حسن حسن بتوعد: يبقى انتي اللي جبتيه لنفسك ي. كمل بسخريه: ي معلمه حور بصتلو بقر*ف من فوق لتحت ومشيت محمد بص لحسن بتفكير بعدين مشي ورا حور حسن بص ل اثرها بتوعد وقال بصوت عالي: فاااارس محمد: مش ممكن يأ*ذي تيم حور: ميقدرش يعمل حاجه. بصتلو وهي بتقول بثقه: وبذات لتيم انا اللي يبص لتيم بصه متعجبنيش اطلع مص*رينو بايدي تخيل بقى لو حد بقى فكر يأذ*يه
محمد بصلها بندم: انا اسف يبنتي انتي فعلا جدعه وتستاهلي تيم يحبك كل ده حور بإبتسامة خفيفه: متعتذرش انت زي والدي وانت ليك حق تخاف على تيم ده ابنك الوحيد… مبناسبه سيره تيم صح هو فين مشوفتوش من الصبح محمد باستغراب: انا فكرتو معاكي حور باستغراب: لا انا مشوفتوش خالص انهرده فجأه سمعو صوت حا*دثه والناس كلها اتجمعت محمد و حور راحو يشوفو في اي واتصدمو محمد بصدمه: ابني حور بصدمه ممزوجه بدموع: ت تيم. بصراخ: تيااااااام
يتبع اسفه على التأخير ان شاء الله الجاي هيبقى الاخير توقعاتكو بقى#البلطجيه_الاعمى الاخير ༺༺༻༻ حور بعياط: يارب متاخدوش مني يارب انا محتجالو انا مليش غيرو بعدك يارب يارب محمد: لا حول ولاقوة الابالله لا حول ولاقوة الابالله عدت ٤ ساعات كأنها ٤ سنين في سجن ومستنين الافراج لغايه مخرج الدكتور ومحمد جري عليه وحور من الخوف وقفت مكانها ومش قادره تتحرك وهي سانده على الحيطه محمد بكسره: ابني ي دكتور
الدكتور بص في الارض ومردش معدتش دقايق والممرضه خرجت وهي بتجر سرير تيم وهم مغطين وشو محمد بدموع وكس*ره راح وقف جنبو وشال الغطى من على وشو وفضل يحسس على وشو وهو بيعيط وبيقرا قران بعدين مسح على شعرو: كده ي تيم هتسيب ابوك لوحدو… لسه صغير ي حبيبي لسه مشبعتش منك. قبل جبينو : هدعيلك ديما لغايه مجيلك مش هتأخر عليك ي حبيبي
حور كانت بتصارع عشان تاخد نفسها وهي بتبص على تيم وهي فاتحه عنيها على اخرها وذكرياتهم بتحاربها .. على فكره بقى انا بحبك.. اوعي تسبيني انا من غيرك ام*وت.. موافقه تكملي مع واحد اعم*ى حضنتو وهي بتبسم موافقه اكمل مع تيم حور حطت اديها على وشها وهي بتترعش ووقعت على الارض وهي بتصرخ: تاااااااااييم لاااااااااااا فاقت من ذالك الكابوس على صوت الدكتور وهو خارج ومستنيه ردو بخوف وقلبها بيدق بعن*ف
محمد: ابني ي دكتور الدكتور: الحمدلله عدى مرحله الخطر محمد بفرحه: الف حمد وشكر ليك يارب حور ضحكت بفرحه وسط دموعها: ع عايزه اشوفو الدكتور: مينفعش غير شخص واحد اللي يدخل وميطولش عن خمس دقايق حور بصت لمحمد فابتسملها وهز راسو
حور بصت للاوضه وقربت ببطئ وبمجرد م عنيها وقعت عليه دموعها اتسابقت على خدها وقلبها دق بع*نف…. غمضت عنيها وهي بتحاول تاخد نفسها وقربت منو وقعدت جنبو براحه وهي بتتأملو موجع والدموع في عنيها بتزيد لدرجه مبقتش شايفاه بوضوح: ا انا عارفه ا انك مش سامعني ب بس انا محتجاك ي تيم مش هقدر اكمل من غيرك ا انا السبب في اللي حصلك ي حبيبي انا اسفه.صوت عياطها ظهر وشهقاتها:
و ولله غصب عني ا انا ب بس حبيتك م مكنتش اعرف انك هتتأ*ذى بسببي ا انا كنت مستعده ابعد عن كل حاجه عشانك عشان بس تكون مرتاح ومحدش يأ*ذيك ا انت عارف اني مش بالقوه اللي بظهرها واني اضعف من ان اكون لوحدي. مسكت اديه وهي بتترجاه: عشان خاطري ي تيم متسبنيش انا خايفه اوي من غيرك خايفه اواجهم لوحدي كنت ديما ببقى مطمنه انك معايا يوم م حس اني مك*سوره هجري عليك وانا متأكده انك هطمني. ابتسمت وهي بتفتكر:
ف فاكر لما اللي ميتسماش فارس كان هيفض*حني في الحاره وانت دافعت عني اثبتلي للمره المليون ان ليا ضهر ومحدش هيكسرني ابدا. عيطت بصوت عالي: بس مكنتش اعرف انك هتك*سرني كده ي تيم لي تبعد عني دلوقتي… انا السبب في كل ده ياريتني م حبيتك ي تيم ياريتني مدخلت حياتك بس انا لازم ابعد عشان اتأكد انك بخير باباك كان معاه حق انا هسببلك مشاكل كتير سامحني اني هسيبك وهخالف بوعدي ليك واني مش هكمل بس انت عارف انك اغلى من روحي وانا مستعده اعمل اي حاجه بس متتأ*ذاش انا اسفه ي تيم اسفه ي حبيبي.قربت وقبلت جبينو وقبلت يدو:
هتوحشني اوي بس خليك متأكد اني مهما عملت ف هو عشان تكون بخير. سابت كفو وهي بتعيط وجريت على برا