_ عدي :- وطالما بدأ يخف وفيه تحسن لازم تشوفي شغلك وشركتك اللي سيباها دي _ قمر :- فدى ابني فلوس الدنيا _عدي :- مقولناش حاجة بس ابنك بقا كويس _ قمر :- عندك حق وبالمناسبة الحلوة دي قبل ما اروح الشركة هعدي على بابا ، اه نسيت اقولك اي رايك في اسم مصطفى ؟! _ عدي :- اسم جميل وانا بحبه _ قمر :- يبقى من هنا ورايح تناديني بيني وبينك ام مصطفي
_ عدي :- عيوني ياأم مصطفى _ قمر :- تسلم عيونك يا ابو مصطفى _ عدي :- هااا؟!… _ قمر ضحكت :- دا مؤقتاً بس اروح عشان الحق بابا قبل مايروح شركته وعشان الحق اروح شركتي انا كمان _ عدي :- ربنا معاكي _ قمر :- يارب _ قمر راحت بيت ابوها ، وصلت لحد الباب وحد من الخدم فتحلها دخلت وقعدت على كرسي كانت متعودة تقعد عليه جنب كرسي باباها وفضلت تبص على البيت زي ماتكون بقالها سنين مدخلتهوش .
_ انتي مين سمحلك تاجي هنا مش ابوكي قالك متجيش هنا تاني _ قمر :- ازيك يا مرات بابا ، انا جاية اصالحكم _ مرات ابوها :- ولا تصالحينا ولا نصالحك ابوكي اصلا مش عايز يشوفك _ قمر :- انا عارفة اني غلطت بس انا كنت نفسي اعيش حياتي مع انسان بحبه ويحبني _ وانا عمري مفكرت اقف قدام سعادتك بس سعادتك مكانتش مع ده _ قمر :- بابا ؟! اسفة يابابا اعتبرني كنت عيلة ومش فاهمة وغلطت سامحنى
_ باباها :- كنت مستني انك تاجي هنا من يوم مااتجوزتي _ قمر :- سامحنى يابابا وصدقني من هنا ورايح هسمع كلمتك ولو كررتها تاني اعمل اللي انت عايزه _ مرات ابوها :- اللي يعملها مرة يعملها الف _ باباها :- بس ياحسنية دي بنت الغالية الله يرحمها ، انا هسامحك بس بشرط _ قمر :- اي هو _ باباها :- اوعديني أن ده ميحصلش تاني _ قمر فرحت وجريت عليه حضنته:- وعد عمر ده ميحصل ياروح قلبي
_ باباها :- ياقمر دانتي عيوني اللي بشوف بيها وميرضنيش زعلك بس انا عايز مصلحتك _ قمر :- عارفة يابابا _ مرات ابوها ف سرها :- كتك بو منك ليها ، جيتي ياعقر’بة خربتي كل حاجة _ باباها :- انا هسيبك مع حسنية تتصالحوا وانا هروح الشركة لاني صاحي متأخر اصلا وهستناكي عشان تمسكى شركتي زي ماكنتي مسكاها قبل كدا _ مرات ابوها ؛- طب متخلي ابنك يمسكها ماهي ماسكة شركة امها عشان متزودش عليها الحمل
_ قمر:- ياريته كل الحمل زي حمل بابا ، عيوني يابابا مش هتاخر وهاجي وراك _ باباها :- ابنك ده صايع بيضيع فلوسه على الحريم _ حسنية :- بكرة يعقل _ باباها :- ولا عمره هيعقل سلام ياقلب بابا سلام ياحسنية _ حسنية:- دخلتي عليه بالحنجل والمنجل لحد مانستيه اللي عملتيه عشان تاخدي الشركة التانية _ قمر :- هو انتي مش هتتهدي بقا فلوس اي يام فلوس وبعدين ملكيش دعوة بشركة امي دي فلوس امي الله يرحمها
_ حسنية:- امك امك امك هو يقولي امك وانتي تقولي امك انتي كفاية عليكي كدا _ قمر :- ايوا دي شركة امي وانا مش محتاجة فلوس بس مش هسبلك قشاية وحدة من حقي في ورث بابا ربنا يطول ف عمره _ حسنية :- ورث ابوكي هيكون من حق عيالي وبس وانتي مش هتاخدي حاجة دانتي طماعة اوي
_ قمر :- مين فين اللي طماع ، اللي انا فيه ده من مال امي ابويا اتجوز امي وهي ملكة ف بيت ابوها عندها بدال العربية اتنين وتلاتة إنما انتي اتجوزك وانتي مش لاقية تأكلي اتجوزك عشان تربيني إنما انتي اتجوزتيه طمع اياك انتي فكراني هنسى اللي كنتي بتعمليه فيا زمان _ حسنية :- اللي كنت بعمله فيكي زمان مش هيجي حاجة جنب اللي هعمله فيكي دلوقت _ قمر :- انا وانتي ياحسنية والزمن بينا اروح انا بقا عشان امسك الشركة التانية وروحي لمي ابنك من الكبار*يهات والشقق وبنتك اللي دايرة على حل شع’رها سلام يا مرات ابويا
_ مشيت قمر ورا باباها ، حسنية :- كدا بقا انتو اللي جبتوه لنفسكم وجه وقت الخطة التانية هصبر لحد اما الاقي عيالي طالعين من غير ولا قرش ، تاني يوم راحت حسنية المستشفى وطلبت تقابل دكتور هي عرفاه . _ حسنية :- جهزت اللي قولتلك عليه ؟! _ الدكتور :- الفلوس قبل مالحاجة _ حسنية عطته شنطة فلوس :- اهم حاجة ميسبش اثر _ الدكتور :- اطمني الس’م ده مش بيسيب اثر والموتة هتبان طبيعية
_ حسنية ضحكت بخب”ث :- وهو ده المطلوب _ وحسنية طالعة من مكتب الدكتور قابلتها قمر وهي طالعة من عند ابنها ، قمر انتي اللي جابك هنا…….