___جه وقت المسابقة واول ماجميلة دخلت الجمهور بدأ يهتف باسمها ويشجعها ابتدت المسابقة وللمرة التانية جميلة تطلع المركز الاول وهنا طلع لجميلة عدو جديد _سحر( متسابقة) وهي المركز التانى:- بقا البت دى تغلبنى؟!!! انا مش مصدقة لااازم نتصرف ف المرحلة الجاية والا هتغلبنى _دعاء (صحبتها جاية معاها ):- اكيد هنتصرف انتى لااازم تفوزى هدى نفسك انتى بس عشان نعرف نفكر هنعمل ايه ___وصل أسر جميلة على البيت وقبل مايرجع على بيته ..
_اية بعصبية :- انت كل مرة تقووولى مشغووول مشغول انا عيزاك ف موضوع _بصلها أسر باستغراب:- تمام بس مش هنطول عشان لازم ارجع بيتى _ايه:- انا بحبك يااسر بحبك من يوم ماشوفتك ف المستشفى وكل يوم بتخيل نفسى وانا معاك….. _اسر:- متكمليش ،انتى لسة قدااامك طريق طويل يااية فكرى ف مستقبلك يادكتورة ياصغننة ،ممكن يكون اتعلقتى بوجودى ف البيت بس حب لا دا مش حب _اية:- أسر بس انا فعلا..
_تلفوون أسر رن وبحزن :- داا حصل امتا انا جاى حالا _طلعت أية عند زينة وهي منهارة:- دا كله بسببها انا لازم اتخلص منها عشان أسر يبقى ليا لوحدى اه ليا لوحدى ،وبصت لزينة:- وانتى كمان مش عايزة سليم يبقى ليكى لوحدك وميفكرش الا فيكى _زينة بلهفة:- اكيد طبعا _اية:- يبقى تركزى معايا كويس ____ف فيلا عبير___ _وصل أسر أما سمع بخبر موووت ابو عبير _عبير بعيااط متصنع:- بابا مااات سندى ف الدنيا راااح ،هعيش لوحدى ازاى
_اسر:- أهدى ياعبير وانا روحت فيين دا حتى ابوكى وصانى عليكى _عبير بخبث :-هياجى يوم وتتجوز وانا اتجوز وانت تنسنانى وجوزى يبهدلنى عشان ملياااش حد _اسر :- متقلقيش دا مستحيل يحصل _عبير :- لااا هيحصل كل ده كلااام _فكر أسر شويه وفكر ف الوصية:- يعنى هو انا برضو ممكن اذى مراتى _عبير:: تقصد ايه؟! _اسر:- انا هتجوزك موافقة وهخطبك حالا والجواز بعد شهر وبكدا اكون نفذت وصية ابوكى _فرحت عبير بس مبينتش وف سرها:- خطتى نجحت
_اتصل أسر بجميلة وقالها أنه هيعدى عليها البيت عشان عايزها ف موضوع مهم, رحلها البيت _اسر:- جميلة انا خطبت _نزل الكلام على جميلة كأنه سيف وشق روحها نصين وبضحكة متصنعة :- مبرووووك _اسر:- مش تسمعينى ليه دا حصل بسرعة _جميلة:- انت طيب وتستاهل كل خير وحقك انك تخطب ،وعملت نفسها نعسانة:- معلش يااسر انا الظاهر عليا نعست اووى وهنام _اسر حس بوجعها وهو كمان موجوع لأن هو حبها بجد وعارف أنها حبته :- خلااص انا هسيبك تنامى ياجميلة بس ركزى عشان المرحلة النهائية بتاع المسابقة بعد شهر وسابها ورجع بيته
_قامت جميلة وفضلت تعيط وبعدها امها جت قعدت جنبها :- ماما انا عايزة انزل اقعد تحت شويه لانى مخنوووقة _نزلتها امها وهما قاعدين جت أية وزينة وبمكر:- بنقولك ايه ياجميلة احنا رايحين نسهر النهاردة ف الغابة اللى قريبة من هنا ومتخفيش مفيهاش حاجة تخوف والجو تحفة متيجى معانا _جميلة بزهق :- لا امشو انتوا…..ولا اقولكم استنوا خدونى معاكم _عزة:- لاااء انا خايفة عليكى لو اختك هنا كنت خليتها تمشى معاكى بس هي بايتة عند صحبتها لأن فرح صحبتها بكرة
_ايه :- متخافيش يامرات عمى دى جميلة ف عنية الجوز __خدو بعض ومشيوا الغابة وولعوا نار وقعدوا يهزروا ويضحكوا وبعدها قامت أية بخبث ووقفت على حافة جبل الجو على ومن تحته بحر هنا يجنن ولا منظر البحر تحفة قربى هنا يازينة وهاتى معاكى جميلة هتتبسط اووى _قامت زينة ومعاها جميلة ،بس جميلة مكنتش خايفة من زينة لأن أية بنت عمها معاهم متعرفش أن دى خطة بينهم _اية بمكر:- قربى اكتر ياجميلة دا فيه شويه هوا إنما اييه يردوا الروح
_جميلة:- منا قربت اهو _ أية بصت لزينة وضحكوا لبعض :- اكتر ياروحى _قربت جميلة ومحستش بنفسها الا وهي بتقع :- لااااااااااا……………….#البارت_السابع #عمياء_ولكن #سمراحمد #كاتبة_الظلام _قربت جميلة ومحستش بنفسها الا وهي بتقع :- لااااااااااا _وقعت جميلة قدام أية وزينة وهما واقفين بكل برود ماهي الرحمة انعدمت من قلوبهم _ايه:- يلا نروح بقا _زينة:- لا نستنى للصبح واهو النهار كام ساعة ويطلع _اية:- ليه منمشيش دلوقت _زينة :- عشان أما نروح البيت ونقولهم أننا راحت علينا نومة وصحينا ملقنهاش يصدقوا
_اية:- معاكى حق يلا بقا نرجع مكانا __الصبح بدرى _____ ___في بيت صغير _مين دى يااراجل وفيها ايه =دى وحدة لقيناها واقعة ف البحر واحنا بنصطاد قولنا نجيبها هنا واهو نكسب فيها ثواب _احنا ناس على قد حالنا ومش ناقصين ندخل ف سين وجيم =ياولية فكرى وحطى بنتك مكانها _خلاااص خلاااص حطها هنا على السرير ،بس دى محتاجة دكتور =انا هروح انا ومهند نجيب دكتور صابر اهو منا وعلينا _بصت عنايات للبنت صعبت عليها حالتها ،طب متتاخروش
=تمام _جه الدكتور( ورجب حكاله كل حاجة):- بس دى لازم تتنقل المستشفى _رجب:- انت عارف يادكتور أننا ناس على قد حالنا ومش عايزين ندخل ف سين وجيم وحورات _الدكتور:- بس دى محتاجة مستشفى،كل حاجة متوفرة هناك _عنايات:- اعتبرها اختك الصغيرة يادكتور وساعدها لوجه الله، خلعت عنايات حلقها :- خد يامهند بيع ده وهات فلوسه عشان نحاسب الدكتور بعد مايخلص _مهند:- بس ده ياامى كنتى هتبعيه فى فرح اختى شروق عشان يساعد معانا
_عنايات:- ربنا هيعوضنا يبنى بس لازم نلحق البنية _الدكتور لانه عارف حالتهم وبالرغم من ده بيساعدو بنت ميعرفوش عنها حاجة :- استنى يامهند رجع الحلق لامك ،بيقولك اعمل خير تلاقو خير انا مش هاخد منكم فلووس وهساعد البنت دى ،اتصل صابر بالمستشفى وكلم المدير وقاله يبعتله ممرضة ومعاها الأدوات والأدوية اللى هيحتاجها واترجاه ،رفض مدير المستشفى:- دى حالة انسانية وفي حياة بنى ادم بين ايديك,واخيرا اقتنع المدير وبعتله الممرضة على المكان اللى حدده الدكتور صابر بس برضو مهند.طلع جابها ،خلص الدكتور معاها هي مخبوطة ف رأسها من الوقعة وشوية كدمات وانا هبقى أعدى عليها وهتابع حالتها لحد اما تخف
_رجب :- شكرا جدا يادكتور ربنا يكرمك ،بس هي هتفووق امتا