_جاسر قام وقف ولسه هيتكلم لقاها بين ايديه مغمي عليها _فرح فرح فوقي ……. حاول يفوقها مش بتفوق ودخل جوا يجيب برفيوم فرح قامت وخرجت جري وهي بتضحك وقفلت الباب عليه بالمفتاح جاسر خرج ملقهاش لقي الباب مقفول عرف انها كانت بتكدب _ماشي يا فرح حسابك تقل اووي _ابقى قابلني يا جاسر باشا _طب افتحي وانا اعرفك _لا _يخوافه _لا مش خوافه _امال اي _انا بس ماما كانت قايلالي لما جوزك يزهق عليكي ابعدي عنه ودي اسلم طريقه شكلها كانت حاسه اني هتض*رب ليلة الدخله ست اصيله والله
_دانتي ليلتك سوده وجت في باله فكره فجاه سكوت تام وفجاه اتخضت من صوته _انا بقى هعرفك يا فرح اتخضت وجريت دخلت اقرب اوضه وهوا لحقها قبل متقفل الباب وهي جريت وهوا مسكها واتكعبلوا ووقعوا علي السرير ….. هي تحت هوا فوقها سرحان توهه حب مشاعر مختلطة كل منهم يعبر عنها بنظرات عينيه كلو علي هذا الوضع بضع الوقت _انتو بتعملوا اي…. وفجاه…..!؟ يتبع #بقلمي_يارا_عبد_السلام#عشق_طفولتي الجزء الثلاثون _انتو بتعملوا اي
كان ذالك يوسف وكان علي وجهه علامات الاستفهام وكان يضحك بشده وهذا ما أثار خجل فرح وجعل جاسر ينظر له نظرة ذات مخزي ففر من أمامه ثم نظر الي الفرح التي تكاد تنفجر من الخجل _اول مرة اعرف انك بتنكسفي بس علي فكره شكلك حلو كدا خليكي .. نظرت له بغيظ وزقته وقامت وجريت علي الأوضه وقفلت الباب … ظل ينظر في اثرها وابتسم معقول يكون قلبه دقلها!؟؟؟ في اللحظه دي افتكر وعد زعل ومشي خرج وذهب الي مكان لم نشهده من قبل
نعم فهي مقابر الحبيب .. جلس يقرأ قران بصوته العذب ويدعي لها ويتحدث إليها.. _حبيبتي وعد ايوا حبيبتي انتي عشق طفولتي العشق الذي كان ومازال يؤثر في وسوف نكون سويا في جنه الفردوس انتي حبي الاول والاخير انتي هوائي تأتي لي في كل وقت وكذالك في احلامي …. جاءت من تشبهك تغير كياني وتخطفني وتجعل لقلبي ينبض للمرة الثانية لغيرك …
انا احزن لكوني افكر بها لكني لم اقدر هذا فوق ارادتي قلبي هذا قلبي الذي يجعلني لم أتخيل شخص آخر غيرك لكننى للاسف اليوم تخيلتها اليوم وهي بين أحضاني انا لا احبها لكنني ارغب في وجودها انا تاءه لا تتريكيني أتألم هكذا لماذا رحلتي ما كان حدث هذا…. وظل يبكي حتى حال عليه المساء وركب سيارته وذهب الي مكان نعرفه جيدا …(البحر) جلس يتحدث مع نفسه وينظر في السراب فهوا تاءه في امره حياته اصبحت مقلوبه رأسا على عقب يريد التقدم لكنها مستحيل قلبه دق لفرح ويحب وعد فوعد حبيبته في النهايه فهل سيحب فرح مثلها ام سيظلمها..
_يارب نورلي بصيرتي يارب انا تايه هل دا كله تدبيرك ولا اختبار يارب نورلي طريقي يارب.. في الوقت دا شاف طفل واقف لوحده وبيعيط استغرب المكان فاضى اي هيجيب طفل زي دا هنا.. قرب منه ونزل لمستواه _اممم القمر بيعيط لي _الطفل يبكي ولا يتحدث _طيب ممكن تقولي اسمك عالاقل _اسمي كريم _الله جميل اي جابك هنا _ماما زعلت مني ومشيت وسابتني لوحدي _ازاي _مش عارف وظل يبكي مرة أخري
انا عاوز ماما والله مش هزعلها تاني _طيب تعالي معايا وانا هشوف ماما فين _بجد هتوديني لماما _اه يلا بس نتفق انتي هتقعد معايا يوم كدا صغنن عقبال لما ادور علي ماما _طيب موافق _نمسح دموعنا بقى علشان احنا ولاد شاطرين والراجل مش بيعيط _حاضر.. جاسر خده معاه البيت … كانت فرح تجلس قلقه فهوا ذهب منذ الصباح ولم يعد لماذا يفعل هذا لماذا يجعلها تقلق هكذا انها تحبه بشده لكنه لا يوجد عنده دم أو رحمه لحبها ليه …
_ياتري بقى يا أستاذ جاسر انت فين علي الله تكون متجوز عليا كمان تبقى واحده ماتت وواحده عائشه وانا في النص!!!!؟ في الوقت دا سمعت صوت العربيه بصيت من الشباك لقته داخل ومعاه طفل!!! _معقول يجاسر يابن ام جاسر دا ابنك يا خاين وطبعا عملت سيناريو معقول دا ابن مراته التانيه الخائن دا وجايبوا يغيظني بيه مثلا ماشي ونزلت .. _تعالي يا كوكو _كوكو!! بص لفرح التي كانت تقف تستشيط غيظا فعلم انها حللت الموضوع علي مزاجها فتنهد بقلة حيله…
_دادا خدي كريم اكليه ونيميه يلا يا حبيبي روح مع الداده وانا هبقى اجيلك اتطمن عليك نظر كريم الي فرح _هوا مين طنط الشريره دي ضحك جاسر بشده وكانت فرح تستشيط غيظا _انا شريره _اه _طب يلا يلا من هنا احسن اوريك الشر علي أصوله هرب كريم من أمامها _مين دا بقى يا سي جاسر ابن مراتك صح صعد جاسر دون أن يتحدث إليها وهذا ما جعلها تستشيط غيظا طلعت وراه
وهوا دخل غرفة الملابس وهي دخلت وراه وكانت لا تري اي شئ وهي تتحدث بعصبيه _ممكن تقولي مين دا يا جاسر طالما انت متجوز بتتجوزني لي علشان انا شبهها صح معندكش اي تقدير ليا ولا لمشاعري انا مش مسامحاك يا جاسر في الوقت دا جاسر قرب منها وحط أيده علي بقها ونظر في عينيها _قولتلك مليون مرة متزعقيش وانتي بتتكلمي معايا دا اولا ثانيا دا ولد لقيته في الشارع كان تايهه اسيبه!؟
ثالثا بقى ودا الاهم انا متجوزتش وعد جواز قدام ربنا وعد ماتت يوم فرحنا وانا مش مضطر ابررلك ليكي ولخيالك المريض رابعا وبدأت نبرة صوته تتحول الخبث انتي ازاي داخله عليا وواقفه وانا كدا!؟ لم تفهم ما يقصد نظرت إليه باستفهام وعلي وجهه ابتسامه خبيثه … نظرت له وفجاه صرخت فكان يقف عاري الصدر كانت تود المشى لكنه حاصرها _اي مش انتي قلبك جامد خليكي كدا عقبال لما اغير هدومي
_ارجوك خليني أخرج _اي مكسوفه مش انتى مراتي _,لا مش مراتك دا شئ مؤقت ،_متخلنيش اخليه دائم دلوقتي متعانديش _دا اللي هوا ازاي هوا غصب _لا بس هيبقى بمزاجك انا عارف انك بتحبيني وهتقبلي مني اي حاجه _كداب انا مش بحبك انا بكرهك _طب نجرب قرب منها أكثر فكان لا يفصل بينهما سوا انش واحد بدأت فرح تترعش وتغمض عينيها ووجها كان يكسوه الخجل … قرب من ودنها _شوفتي اني اقدر اعمل اللي عاوزوا وبمزاجك ههههههههه
فرح زقته وبعدت عنه وخرجت برا الأوضه باكملها ونزلت تحت في الجنينه كانت رايحه جايه _انا هبله انا اللي يستسلم ليه بسرعه ولعنيه انا هبله انا يكرهه لا انتي كدابه انتي بتحبيه _بس هوا دائما بيكسفني وبيبنلي اكتر انو مش بيحبني كانت واقفه تكلم نفسها _ما يمكن العيب منك يا مرات اخويا _ها _اي يمكن انتي مش حلوة ومش داخله دماغه _تفتكر!؟ _امال انتي طول النهار تتخانقي معاه جربتي تبقى كيوت كدا وتغيري من نفسك
_ازاي _,اظهري بحاجه مختلفه اثبتي نفسك في حاجه جاسر بيحب الست الناجحه وعد كانت شاطرة في الشغل _هي اي وعد دي للدرجادي هي كانت حلوة _جدا يا فرح بصي كانت حاجه كدا مش موجوده مش بتيجي كتير زي متقولي كدا ملاك بجد كانت بتتكلم الكل يسكت رغم أنها مكنتش بتتكلم كتير بس كلامها بيأثر كانت منتقبه وبعدين قلعته علشان السفر وبعدين رجعت هي وجاسر علي فكره دي حبيبه جاسر من الطفوله القدر فرقهم لظروف وجمهم تاني لنفس الظروف واتفرفه تاني بس تفرق ابدي
جاسر مش هقدر اقولك انو كان بيحبها للاسف هوا كان بيعشقها تعرفي أن هي ماتت وهي يوم فرحها ودا نفس اليوم اللي لبست فيه النقاب ودا اثر فيا انا جامد امال بالنسبه ليه اي انا دائما بشفق عليه بس اول لما شوفتك قولت انتي اللي هتعوضيه انتي اللي هثبتي نفسك وحياتك وهيحبك صدقيني هيحبك أو هوا بيحبك بس متردد ودا باين في عنيه _يعني انا تعويض مش اكتر صح اني شبها
_بايدك تمحي الموضوع دا وتخليكي انتي فرح اللي جاسر بيحبها مش اللي بيحبها علشان هي شبه حبيبته واظن انا شرحتلك النقطه دي قبل كدا _اه بس مش عارفه اجيله كدا يجيلي كدا بيعصبني _انتي كبنت تقدري تجذبي اي راجل ليكي خصوصا لو زوجك انا مش هقولك اكتر من كدا هروح بقى اكلم سارة زوجتي وقرة عيني _ربنا يخليكوا لبعض شكلها بتحبك _وانا بموووووووت فيها دي الحته الشمال اقولك دي القلب كله
_الو يا مزة فرح ضحك عليه وقعدت مع نفسها في الجنينه وظلت تفكر كيف تجذب إليها جاسر!؟ _بس لقيتها الله عليكي يا فروحه ااااه ياني لما دماغي تشتغل بصدع هههههههه…. اصبر عليا يا جسورة…… _بتضحك لي الهبله دي …!؟ يتبع…. #بقلمي_يارا_عبدالسلام#عشق_طفولتي الجزء الحادي والثلاثون في صباح يوم جديد استيقظت مجنونتنا ونظرت حولها رأت أن جاسر ينام علي الاريكه ابتسمت بخبث … دخلت الحمام واتوضت وصلت كل هذا وجاسر نائم _ههههههه نوم العوافي شكلك برئ اووي وانت نائم بس مفيش مانع العب معاك شويه
وبدأت تجيب المكياج _انا مش عندي الا الروج اهو ينفع انا كدا كدا بستخدمه لكل حاجه هههههه وبدأت تلعب في وش جاسر (الله يرحمك يا فرح) حست انو بتحرك سابته وخرجت جري وهي بتضحك اووي _بتصحكي اووي كدا لي كان يوسف _ههههههههه أصل انا عامله مقلب كدا _فمين! _في جاسر هههههه _هههههههه دانتي تقريبا كدا والله اعلم ليلتك سوده معاه _لي _جاسر مبيحبش المقالب خالص ممكن يقتل حد بسبب مقلب
بدأت فرح تبلع ريقها انت بتهزر صح _لا والله كنتي لازم تساليني ربنا يستر وميزعلكيش انتي عملتي اي _اانا انا شخبطت علي وشه بالروج بس _بس!؟ بس اي دانتي الله يرحمك اخفي من وشه دلوقتي وفجأة زعيق وصريخ وكل ما تشتهي له الأنفس فأصبح جاسر كالثور الهائج لا يقدر أحد عليه حتى يوسف في هاربا من أمامه وفرح نزلت بسرعه المطبخ _ماشي يا فرح بقى انا تعملي معايا كدا ماشي
ونزل وهوا بيزعق وكل الخدم خافوا وهي كمان دخل المطبخ وانا كنت واقفه بعمل اي حاجه بس واقفه _كله يخرج بصيتله بتوتر وانا ببلع ريقي بالعافيه كلهم خرجوا _احيه هيسيبوني مع الشرير دا لوحدي! _عملتي كدا لي حاولت تلطف الجو _بهزر معاك يا جسورة _تهزززززري كدا انتي عارفه انا عاوز اعمل فيكي اي عاوز ادفنك مكانك بس للاسف مش هقدر _ومش هتقدر لي يعني ااااه صحيح يكونش علشان انا شبه السنيوره بتاعتك اه مهو انت مش شايف غيرها بتحبها هي وبس
_ايوا هي اللي بحبها ومش بحب غيرها دي حبيبتي وروحى وكل حاجه _وانا اي انا فين من كل دا _انتي عباره عن تسليه مش اكتر انتي تسليه مش هقولك تاني انا جايبك هنا علشان احس بوجودها مش اكتر ولا اقل _طلقني طلقني بقولك انا بكرهك يا جاسر بكرهك صدقني انت عرفت تأذيني بمعني الكلمه واختي دي انتي خلتني اكرها بسببك منك لله خرجت وهي بتعيط وطلعت فوق دخلت الاوضه وقعدت عالارض وضمت رجليها وفضلت تعيط …
كريم كان بيلعب لقاها بتعيط _اي دا طنط الشريره بتعيط!؟ كان متردد يدخلها بس دخل وقعد جنبها وقرب منها ولكل براءه _بتعيطي لي يا طنط الشريره _فرح ابتسمت طيب انا والله مش شريره انا طيبه بس انا بحب الناس وباخد عليهم وعوزا هم كمان يحبوني بس هم مش بيحبوني _طيب ينفع انا احبك _ياريت _طيب احنا كدا بقينا أصحاب انا اقولك يا فرح وانتي قوليلي كريم _اتفقنا يا كريم كان جاسر واقف واتضايق جدا من اللي قاله واللي عمله معاها هوا فعلا بيأذيها بس هوا مش عاوز يحبها هي فعلا بتجذبه ولسه جذباه بطفولتها وطيبتها هي فعلا جميله جدا …
دخل الاوضه وهوا باصص قدامه ومن غير كلام _اونكل جاسر عامل اي _احم الحمد لله يا حبيبي _انا وفرح اتصاحبنا خلاص ممكن تاخدنا تودينا الملاهي _ها وبص لفرح اللي ابتسمت تلقائي لما قال ملاهي بس لما جاسر بصيلها لفت وشها… (مش بقولكوا طفله) حس انو ممكن يصالحها بكدا *فعلا عجيب صنف حواء فهن لديهم القدرة علي جعلك تعتذر دون مجهود فهم عجباء حقا _طيب يا كريم هنروح الملاهي بس مش النهارده يوم الجمعه اي رايك…
_طيب وفرح جدا وفرح كانت فرحانه بس مبينتش (قموصه اووي) جاسر مشي وراح الشركه وبدأ يشتغل وطبعا وفكر كتير في فرح اللي تقريبا داخله تشقلب حياته وتجننه بمزاجيتها وجمالها وجنانها….. _اي يا جاسر انت كنت بتزعق الصبح لي _يعني انت كنت سامعني وانا بزعق وقرب منه _رد _احم قام هووب جاسر ض*ربه بالبوكس ووقع علشان متبقاش تحذرها تاني دخل مراد _في اي _تعالي يمراد الحقني جاسر بيض*ربني قبل فرحي باسبوع يرضيك هتجوز ازاي انا دلوقتي
_معلش يا يوسف اخوك الكبير بس لي يا جاسر يوسف بدأ يضحك جاسر قرب عليه كان هيض*ربه بس هوا جري علي برا _ياااه للدرجادي الموضوع يضحك _موررراد خلاص يلا عالشغل _وخرج مراد هوا كمان وهوا بيضحك علي صديق عمرة لانه متأكد أن فرح هي اللي عامله كدا…. _السلام عليكم _عليكم السلام اتفضلي يا ملك عوزا اي _حضرتك كنت عوزا امضتك علي كام حاجه اتفضل _طيب قريبك دا اتعرضلك تاني _دا أمر طبيعي عندي
_ملك تقبلي تتجوزيني _اي!؟ _تتجوزيني يا ملك عاوز اتجوزك _احم عن اذنك خرجت ملك وهي فرحانه جدا فعلا هي تقريبا هتمو*ت من الفرحه وخرجت راحت مكتبها وبدأت تشتغل وهي مبتسمه والابسامه مش مفارقاها _معقول يا مراد بتحبني زي منا بحبك كدا ياااه انا مبسوطه اووي في اللحظه دي دخل مراد وهوا مبتسم وبدأ يتكلم _يجماعه خطوبتي انا ملك يوم الخميس _ملك بصيتله بصدمه و……. عند فرح فضلت تلعب مع كريم وبيضحكوا سوا الباب خبط وهي فتحته لقت راجل عجوز
_وعد!؟ يتبع…. #يارا_عبد_السلام#عشق_طفولتي الجزء الثاني والثلاثون _وعد فرح كانت مصدومه مين الشخص دا ويعرف وعد ازاي وبصلها كدا لي ممكن يكون حد عارف وعد!؟