اسكريبت _ندي انتي عندك شغل مهم جدا _اي يا دكتور _هتمرضي في مستشفي الامراض النفسيه واحد عنده انفصام الشخصية _نعم !؟ ودا لي انا مالي يا دكتور انت عارف اني مش بحب المستشفي دا _,عارف بس دي اوامر وانتي اكتر حد شاطر هنا وممكن تترقي بسببه لانه من عيله غنيه جدا علشان كدا بينقوا افضل دكاتره وأفضل تمريض _,وانا بقى اللي وقعت في الحظ دا لا يا دكتور انا عندي اقدم استقاله الا اني اتعامل مع واحد كدا انفصام الشخصية يعني كل يوم بحاله يوم اي دا كل ساعه بحاله يعني لما اتعود علي طريقته تلاقيه اتحول وبقى حاجه تانيه
_يا ندي متقلقيش كلنا معاكي الشغل دا هيفرق معاكي زياده فلوس وحوافز وانتي محتاجه علشان اهلك *انا فعلا محتاجه علشان اهلي بس مش لدرجة اني اتعامل مع واحد عنده انفصام الشخصية لا علي جثتي!؟ تاني يوم كنت في المستشفي بعد إلحاح من الدكتور… عرفت الأوضه بتاعته دخلت كنت متضايقه اصلا بس اي دا معقول القمر دا عنده انفصام!؟ دخلت علشان اتعرف عليه وكدت _السلام عليكم _……… _احم اسمك اي _………..
_اسمك اي بصلي باستغراب وقالي _انتي مين انتي حلوة اووي اول مرة اشوف واحده حلوة كدا _ها اي _اي!؟ اتوترت _انت اسمك اي _عمرو دياب _اي _ولا اقولك تامر حسني _انت غاوي غنى ومزيكا _اه جدا انتي عرفتي منين _علشان اسمك عمرو دياب _بس يا خساره بابا وماما مش راضيين يخلوني اغني عارفه كنت كل لما اغني يقولولي اسكت _طيب ممكن تغنيلي هسمعك _بجد هتسمعيلي _اه هسمعك _حاضر هغني بدأ يغني وحقيقي صوته جميل جدا فضلت تشجعه انو يغني فضل مبتسم وفرحان جدا
قد اي هوا برئ زي الاطفال بصلي وقالي _انتي اسمك اي _ندى __اسمك جميل وانتي اجمل _شكرا وانت صوتك حلو اي رايك اعملك حفله وتخليك تغني والمستشفي كلها اسمعك _ازاي انا ممكن يض*ربوني بابا وماما _لا متخافش خليك انت فكر عاوز تغني اي ولما اجي نسمعها سوا _خرجت برا قابلت الدكتور وشرحتله الموضوع _يا ندي انا مقدر كدا بس احنا حاولنا كتير وانا نفسي حاولت اقنعهم أن الغنا هوا اللي هيقدم علاجه وهيفرحه وكمان ممكن يخف
_طيب ممكن تديني العنوان اقنعهم انا _طيب خدت العنوان وكان بعيد روحت هناك وطلبت اني أقابل والدته علي علمي أن الأم قلبها حنين وكدا!؟ نزلت وكلمتها وقولتلها قد اي ادم بيحب الغنا ولازم نديه فرصه ودا هيقدم في العلاج بتاعه _لا غنا اي دا هيجيبلنا العار لا طبعا مش هيغني وانتي يا بتاعه انتي بطلي تشجعيه ابني هيخف من غير حاجه _ازاي وانتو كابتين الغنا جواه لازم يعبر عن اللي جواه