#نبض”الجزء التاني” _تالين بهدوء:ديجافو حصلتلي ديجافو يا آسر _آسر بإطمئنان:اه، طيب ورأيك إيه؟ _تالين بهدوء:مش موافقة يا آسر ما أنت عارف أنّي بحبّ _آسر:خلاص خلاص هتفتحي نفس الحوار بلاش خلينا كدا فكّري كويس قبل ما تقولي كدا عشان متندميش _تالين بهدوء:دا أخر كلام عندي _آسر بهدوء:تمام ^^^^^^^^^^^^^^^^^^^^^^ _يوسف:الحفلة كانت كويسة وكلمت آسر فى الموضوع بس لسه مردش عليّ _عمرو:بتحبّها يا يوسف _يوسف بمكر:أحبّها!!، طبعًا لأ بس شايفها مُناسبة مش أكتر
_عمرو:طب لو رفضت _يوسف بخبث:طبعًا ليّا تَصرف تاني _عمرو:متعملش حاجة وتندم عليها دا جواز يعني مفيش إجبار فيه _يوسف بهدوء:ملهاش حقّ ترفض ^^^^^^^^^^^^^^^^^^^^^^^^ _أدهم بعصبية:يعني إيه البيه دا عايز يتجوزك هي سايبة ولا إيه _تالين بقلق:إيه إلى بينكم يا أدهم؟ _أدهم بتوتر:مقالكيش؟، بس استحالة تكوني لغيري أحنا بنحبّ بعض ومن إحنا صغيرين _تالين:قولي إيه إلى بينكم ومتوهش على الموضوع يا أدهم _أدهم:بينا جبال وطرق مسدودة _تالين بنفور:عايزني أتصرف وتعالى أتقدم
^^^^^^^^^^^^^^^^^^^^^^^^^^ _آسر بحُزن:خايف أكون بظلمها يا حبيبتي بس ما باليد حيلة عايز أطمن عليها بس بتحبّ الشخص الغلط وهتوجع قلبها زي قلبي الموجوع بس مش هجبرها على حاجة مع السلامة يا وعد مع السلامة يا قلبي *لتذرف من عيناه بعض الدموع المحبوسة أنهارت حصونه داخليًا ويخفيها خارجيًا كأنه حِصن صلب لكن داخله هش للغاية* ^^^^^^^^^^^^^^^^^^^^^^^^ _أدهم بغضب:بس أنا مليش ذنب فى إلى حصل صدقني _آسر بهدوء مُخيف:أطلع برا يا أدهم لولا العِشرة كنت عرّفتها البيه عمل إيه وكانت هتكرهك وجوازك من تالين مستحيل
_أدهم بحُزن:بس هى مبتحبّش يوسف دا _آسر:مش شغلك برا ^^^^^^^^^^^^^^^^^^^^ *تجلس أميرة وبداخلها عوائق أدت لصراعات وحروب؛ فوضى شديدة من الداخل كمدينة مهجورة مشاعرها تحترق يوميًا كالشمعة التى تنصهر وهى ترى حُبّ حياتها لا يراها كأنها معدن شفاف!* _أميرة بحُزن:أمتى تحسّ بيا وبالنار إلى جوايا ^^^^^^^^^^^^^^^^^^^^^^^^ *فى مكان أخر مُعتم كصاحبه يجلس أدهم معصوب العينين حالته رثة والدماء تلون بشرته وأسنانه!* _يوسف بهدوء مُخيف:قولتلك أبعد عن تالين هى استحالة تكون ليك
_أدهم بإبتسامة:هي بتحبّني أنا يبقى هتتقبلني أنا _يوسف بغموض:متبقاش واثق كدا صدقني هتتجوزني أنا *ليمشي بهدوء وبعدها يُربح أدهم ضربًا شديدًا ليسقط من شدة الألم* _يوسف بغضب جحيمي:تالين تخصني أنا، فاهم _أدهم بتعب:المفروض أصدق أنك بتحبّها؟ _يوسف:ملكش فيه ^^^^^^^^^^^^^^^^^^^^^^^ *لتستيقظ تالين فزعة وتنزل على الدرج مُسرعة تشرب مياه وتشعر أنَّ أدهم فى خطر لتتصل به وتجد غير مُتاح مما يزيد الشك فى فؤادها وتُشتت ولا تعلم ماذا تريد أن تفعل*
“أنتَ الماضي والحاضر كيف لغيرك أن يكون المستقبل!!” ^^^^^^^^^^^^^^^^^^^^^^^ _يوسف بهدوء:موافقة ولا أكمل شُغلي؟ _تالين بغضب:أنت مريض نفسي ومستحيل أوافق أتجننت ولا إيه _يوسف:وإن عملت فيه حاجة _تالين:إن كان على الفلوس الحمد لله معانا ومش محتاجينك فى حاجة _يوسف بغموض:فكّري كويس يا تالين عشان هتلاقي كُلّ حاجة حواليكِ مدمرة بلاش تختبريني ^^^^^^^^^^^^^^^^^^^^^^^ “فى الشركة” *يجلس جميع أفراد الشركة فى اجتماع مع الوفد الأمريكي ليناظر أحد أعضاء الوفد تالين بإعجاب ويقول “بالطبع سنوافق”
_يوسف بهدوء:أجل فأنتم مناسبون جدًا لتمويل هذا المشروع “بعد انتهاء الاجتماع” *يتتبع يوسف هذا الشخص ويحذره ببعض الحركات العنيفة نسبيًا أنَّ تالين تخصه وحده* ^^^^^^^^^^^^^^^^^^^^^ _تالين بصدمة:عملت له إيه أنت اتجننت هتصل على الشرطة تتصرف معاك _يوسف بمكر:أنا عبيط بالسهولة دي هخلّي حد يمسك علىّ حاجة تبقي غلطانة هفضل جحيمك لحد ما توافقي _تالين:إن قربت منه تاني هوريك وحسابك معايا عسير ^^^^^^^^^^^^^^^^^^^^^^^ _تالين بخوف:آسر يوسف دا *ليأتي لتالين شئ يجعلها تبتلع كُلّ الكلمات التي قالتها*
_آسر بإنتباه:كُنتِ حابة تقولي حاجة _تالين:بقول امتى أفرح بيك _آسر:بعدها، مفيش فرح _تالين:وأميرة يا آسر دي بتحبّك _آسر:وأنا موعدتش حد بحاجة ^^^^^^^^^^^^^^^^^^^^^^^ *يأتي عمل مفاجئ لآسر ليذهب خارج البلاد، وتبقى تالين بمفردها* ^^^^^^^^^^^^^^^^^^^^^^^ *فى إحدى اليالي تجلس تالين مندمجة مع التلفاز لينقطع التيار الكهربي فجأةً وتشعر تالين بشئ يتحرك تحت الظلام لترى التلفاز فجأة اشتعل وعليه صور قبور على كُلّ قبر صورة لأحدهم وتجد صورة آسر لتُفزع وتَهم بالصراخ لتجد يد على فاها تمنعها من الصراخ وأنفاس باتت قريبة منها بشكل غريب لتسمع همس يقول “تحبّي تشوفي آسر قدامك ميّت ولا توافقي”
*بعد نزع يده لتستنشق الهواء وتتعالى شهقاتها وتحاول استعياب ما يحدث لتقول بسرعة “اديني مُهلة أفكّر” *ليأتي التيار الكهربي مرة أخرى وتجد يوسف يجلس أمامها بإستمتاع ويقول* _يوسف:معاكِ مُهلة لحد أسبوع تفكّري ولو رفضتي أنتِ عارفة العواقب الوخيمة الى هتحصل _تالين:لدرجة دى أنا مُهمة كدا؟ _يوسف:جدًا _تالين:ما فى مليون بنت _يوسف:بس مفيش غير تالين وحدة بس، مكنتش حابب جو الرعب دا بس أنتِ أجبرتيني أعمل كدا _تالين بضعف:بس أنا وأدهم بنحبّ بعض من زمان حرام أتجوز حد تاني
_يوسف بهدوء مُخيف:أدهم تاني شكلي هخلص عليه المرادي _تالين بوجل ممزوجة بخيبة أمل: خلاص خلاص متجيش ناحيته _يوسف:شطورة، أحبّك وأنتِ عاقلة كدا _تالين:مش خايف آسر يعرف _يوسف بخبث:لو عرف نهايته هتكون قربت+أنا الملاك البرئ إلى أعمل كدا؟ _تالين بإستحقار:أتفضل برا _يوسف بإبتسامة:تعرفي أنّي عمري ما ابتسمت لسِت غيرك _تالين بإستهزاء:ابتسامة ال*س*و*ا*د _يوسف:ما أنتِ إلى بتجبريني على الجانب المُظلم مني _تالين بهدوء:كفاية لحد كدا استغليت عدم وجود أخويا وجيت _يوسف:المرة الجاية دبلتي فى إيدك يا قمر
^^^^^^^^^^^^^^^^^^^^^^^^^ *لتحاول تالين السيطرة على نفسها بعد الكابوس الحقيقي الذي مرّت به وتحاول التفكير بعائلتها فكما يبدو أنَّ يوسف خطير للغاية وستحاول تلاشيه* “بعد مرور مُدة قصيرة” _آسر:إيه السفر المفاجئ دا يا تالين _تالين:أريح دماغي شويه يا آسر _آسر:هتروحي لوحدك؟ _تالين:أنا وأميرة ومش هنطول هناك بإذن الله _آسر بحنان:طالما هيريحك موافق وقرارك النهائي إيه عشان أردّ على يوسف *ليقشعر بدن تالين عند سماع اسمه ويمرّ أمامها شريط ما حدث فى غمضة عين وتردف قائلة*
_تالين بهدوء مصطنع:هفكّر وأردّ عليك _آسر بحنان:تمام ^^^^^^^^^^^^^^^^^^^^ “يوم السفر” _حضرتك ممنوعة من السفر _تالين بصدمة:أزاى وكُلّ حاجة كاملة _أسف بس حضرتك ممنوعة *لتجد رسالة من شخص مجهول* “بلاش تلعبي معايا وارجعي وقولي لآسر أنا موافقة” ^^^^^^^^^^^^^^^^^^^^^^^ *ليأتي يوم الخِطبة وكان يوم مزدوج خِطبة وكتب كِتاب لتشعر تالين بثِقل وخُذلان فى الوقت عينه وتشعر بغصة مريرة فى قلبها فليست كأي عروس ستتوج ملكة لعريسها بل كأنها فى جِنازة قلبها يحترق من الداخل ومن الخارج كدُمية يُحركونها كيفما يشاءون!*
_آسر بسعادة:العروسة جاهزة _تالين بهدوء:اه *لتنزل على الدرج وكان حفل بسيط لأجل أنَّ مازال هناك زفاف وسيكون حفل كبير وتتلاقي الأعَيون وبها كَم هائل من الحُزن، ليخرج أدهم وهو غاضب وفؤاده تصاعدت أبخرته من شدة الغَلي الشديد وينظر ليوسف نظرة مطولة تعبر عن كم الغضب والحقد الدفين* *لينظر يوسف نظرة مطولة لتالين ليجدها باهتة الملامح وكأنها مطموسة ولكن وجدها مُختلفة عن سائر الفتيات وجد بها كُلّ ما يريد لكن على حِساب مشاعرها*
_يوسف بهمس لتالين:تالله هِمتُ بيكِ يا معشوقة الفؤاد _تالين بإندهاش وسط حُزنها: أنت ليك فى الشِعر؟ _يوسف:لقد خُلِقَ الشعر لأجلكِ _تالين:أنت بتعمل كدا قدام النّاس مش أكتر _يوسف بهيام:فأنتِ مطلع قصيدة جاهلية صعب وصفها وتفسيرها لكنَّها قصيدة غزلية تَسُرُّ القُراء ومن غيري يقرأكِ تالله قد هِمتُ *ليُلبسها حُلي الخِطبة ويُكتب الكتاب وسط دهشة تالين فهو يبدو كشخص أخر وكأنها قابلت هذا الشخص من قبل ليتركوهم بمفردهم لتردف قائلة* _تالين:بس أنت يوسف اه بس مش يوسف دا
_يوسف بتوتر:بتقولي إيه! #أين_أنا #ريم_محمد #نبض “الجزء التالت” _تالين بهدوء:أنا أعرفك يا يوسف شفتك قبل كدا ولسه فاكرة _يوسف بذهول:بتهزري، شوفتيني أزاى يعني؟ _تالين:قابلتك قبل كدا بس كُنت غير مكنتش بالبشاعة دي! _يوسف:أمتى دا؟ “فلاش باك” _تالين:بس أنا مش موديل ومش عايزة أمثل _بس شكلك يقول أنك موديل ومش شرط تكوني موديل بس صدقيني هتكوني نجمة صاعدة _تالين:بس أنا مش حابة دا، أنا مديرة تسويق مش ممثلة _يوسف بتدخل:حصل خير طالما الأنسة مش موافقة تكون ممثلة خلاص نلاقي حد تاني وأسف نيابةً عنهم
_تالين بهدوء:حصل خير _يوسف بهدوء مماثل:أنا يوسف الأنصاري حضرتك اسمك ايه؟ _تالين:تالين، تالين العُمري _يوسف:اسم جميل زي صحبته _تالين:سلام أنا بقى _يوسف:سلام “باك” _يوسف:مش فاكر؛أول مرة قابلتك كانت فى الشركة غير كدا مشوفتكيش _تالين:مش فاكر!!، بطل تمثيل ما أصلك ممثل فطبيعي تلعب أي دور _يوسف بهدوء مُخيف:أنا مش مضطر أكدب على سيادتك تطلعي مين يعني عشان أكدب عليكِ!! _تالين بهدوء:طالما كدا بلاها جواز وطلقني وبلاش نعمل فرح _يوسف بتلاعب:إيه رأيك نتجوز بكره
_تالين:بقولك طلقني _يوسف بهدوء:عيزاني أطلقك، أخلص على أخوكِ _تالين بإنهيار:ما تسبني فى حالي يا يوسف عملتلك ايه لكُلّ دا _يوسف:محدش يرفض يوسف الأنصاري، سلام يا مراتي العزيزة ^^^^^^^^^^^^^^^^^^^^^^^^^ _أدهم بغضب:عجبك إلى حصل يا آسر _آسر بهدوء مُخيف:تالين موافقة على الجوازة دى _أدهم بغضب دفين:عمري فى حياتي مبصتش لوعد _آسر بغضب جحيمي:اسمها ميتنطقش على لسانك فاهم _أدهم بغضب:قولتلك معملتش ليها حاجة _آسر:أطلع برا، دلوقتي مراتي راحت دار الحقّ ^^^^^^^^^^^^^^^^^^^^^^^^^^ _أميرة بصدمة:يعني إيه!!
_يعني زي ما سمعتي _أميرة:يا نهار مش فايت طب هو عارف _لأ ^^^^^^^^^^^^^^^^^^^^^^^^ *أتى الصباح وكان يوسف سعيدًا للغاية مُتبقي أسبوع واحد وتصبح تالين فى منزله وسيقضي على وحدته* _يوسف يحادث نفسه:أنا أسف يا تالين حقّك عليّ أنا بعشق التُراب إلى بتمشي عليه بس رفضك ليَّا بيحطمني من جوا، بإذن الله هعوضك عن كُلّ إلى حصل ^^^^^^^^^^^^^^^^^^^^^^^^^ *استيقظت تالين ووجدت رسالة تقول “أطلعي برا فى الجنينة” * *ارتدت ملابسها وهبطت وذهبت إلى حديقة القصر وجدتها مُزينة بالورد الجوري ومكتوب “أهواكِ هوى لم يهواه أحد لحدٍ من قبل فأنتِ آسرة الفؤاد ومعذبتي وأنتِ الماضي والحاضر والمستقبل”
_تالين:مين عمل كدا؟ _يوسف:مين يقدر يعمل كدا غيري؟ _تالين بغضب:ملوش لزوم _يوسف بحُزن:معاكِ حقّ تكرهيني مش هقول حبّيني بس كُلّ دا لمصلحتك _تالين بإستهزاء:مصلحتي، معاك أنت؟! _يوسف بحنان:هفضل أحبّك برضو وهعوضك عن معاملتي دي _تالين:أمشي يا يوسف مش طايقاك _يوسف بحُزن دفين:زي ما تحبّي بس إن شاء الله كُلّ حاجة هتتكشف ^^^^^^^^^^^^^^^^^^^^^^^^^^ *خرجت تالين لاستنشاق الهواء وشعرت بأحد يراقبها ولكن لم تبالي حتّى وجدت يوسف يشدّها بعنف مُسرعًا ويقول* _يوسف بخوف:أنتِ كويسة؟
_تالين بإندهاش:هو فى إيه ظهرت فجأة كدا _يوسف بتنهيدة:كُنتِ هيحصلك حاجة بس أنا لحقتك فى الوقت المُناسب متطلعيش غير معايا _تالين:هو تحكم وخلاص *ومازالت تالين تُثرثر حتّى أحكم يوسف قبضته على فاها وقال بهدوء* _يوسف بجاذبية:اه، تحكم أنا راجل مُتحكم عندك مانع _تالين بغضب:على نفسك وبعدين أنت مرة تعاملني كويس ومرة وحش أنت عندك شيزوفرنيا؟ _يوسف بتنهيدة ألم:صدقيني هعرّفك بس فى الوقت المُناسب _تالين:لمَّا أشوف هتقولي ولا لأ _يوسف:اديني فُرصة وهصلح كُلّ حاجة
*ليقرر يوسف إذهاب التوتر والغضب عنها وتخفيف الجو المشحون وشراء المُثلجات فهو عَلِمَ مُسبقًا أنها تُحبّ هذة الأشياء وشراء أيضًا شتى أنواع الكُتب، لتستوقفه فتاة مازالت فى مُقتبل العُمر لشراء الزهور منها* _تالين بإندهاش:اشتريت كُلّ دا؟ _يوسف:قليل عليكِ بس بإذن الله طول الأسبوع دا هشتري حاجة مُختلفة وهنروح مكان مُختلف _تالين بهدوء:هحاول أتعامل مع تغيرك المفاجئ دا _يوسف ببعض الأمل:هتبقي عملتِ خير فيَّ ^^^^^^^^^^^^^^^^^^^^^^^^^^ _آسر:عارف موقفك صعب يا يوسف ربّنا يعينك أنا أتأكدت أد إيه بتحبّ تالين وبإذن الله كُلّ حاجة تتحلّ
_يوسف بإرهاق شديد:يارب ^^^^^^^^^^^^^^^^^^^^^^^^^ “أنا بحبّك أوى أوى يا تالين ومش مُستعد أسيبك _المُخرج:كات بس البطلة اسمها رزان مش تالين _يوسف بإدراك:اه، خلاص نعيد المشهد تاني ^^^^^^^^^^^^^^^^^^^^^^^^^ *ظلت تالين شاردة تُفكّر فى تصرفات يوسف المتناقضة وتقارن بينه وبين أدهم وعقلها مُشتت وروحها تائهة دخلت فى دوامة لا تستطيع الخروج منها!* _أدهم:تعالي نهرب يا تالين وهطلقك منه _تالين:أمشي يا أدهم عشان لو آسر شافك هتبقي مصيبة+هبقى سِت خاينة أنا دلوقتي على زمة راجل تاني مينفعش أفكّر فى غيره
_أدهم:صدقيني هتندمي _تالين:فات الأوان؛كان فى إيدك كُلّ حاجة وضيعتها أمشي أحسن وأنسى وحدة اسمها تالين ^^^^^^^^^^^^^^^^^^^^^^^^ _يوسف بتفكير:حابة نروح فين انهاردا؟ _تالين بتَكيف:ممكن السينما _يوسف:أنت تؤمر وأنا أنفذ *قررا الذهاب إلى السينما لمشاهدة فيلم تالين المُفضل* *لتندمج تالين مع الفيلم وكان يرنوها يوسف بصمت وعلى شفتيه اعتلت ابتسامة بسيطة تَنم على السعادة بجوارها وأتى مشهد مفاجئ لتشعر تالين بالذعر وليقوم يوسف بمعانقتها والترتيب على ظهرها كالطفل الصغير * _تالين بإدراك:أنا أسفة أنّي قربت
_يوسف بإبتسامة جذابة ممزوجة بالثقة:بس أنتِ مراتي فطبيعي أحضنك _تالين ببلاهة:اه، صح “قلب مُشتت، عقل مُبعثر، روح تائهة هذة أنا” *لتفاجئ تالين أمام السينما بأشخاص يقفون ويحمل كُلّ شخص منهم لوحة مكتوب على كُلّ لوحة كلمة “أنا أسف، أنا أُحِبّك تالين” _تالين بصدمة:مكنتش متوقعة إنك هتعمل كدا وليك فى الحاجات دي “من يرى عيناكِ التى عبارة عن جرتين عسل يُغيب عقله ويفعل المستحيل لأجلكِ” _تالين بعدم استعياب:لحظة أستوعب الى حصل
*لتنطفئ الأنوار فجأة ويظهر بعدها بمُدة؛ يوسف وهو فى كامل أناقته المعهودة ووسامته الطاغية ويرتدي بدلة سوداء اللون والطلة مع إضاءة خفيفة* _تالين بتفاجئ:يوسف أنا مبقتش فاهمة حاجة ومتشتتة _يوسف بهيام:هاتي إيدك *ليقوم بوضعها موضع خافقه الذي ينبض خلف ضلوعه يريد التحرر لإعلان تَيتُمه* _يوسف:لمَّا تحبّي دا هتبطلي تشتت “بوم” “حلو دا صح فوقتك من المنوم المغناطيسي ورّجعتلك الذكريات الحلوة معاه وأقنعتك بحبّي وهتحبّيني أنا” _تالين بصدمة:أنا فين؟ _أدهم:دلوقتي يوسف وآسر هيتجننوا ويلاقوكِ
_تالين:أنا فين _أدهم:فى مكان مش هيخطر على بالك تالين:أنت عندك شيزوفرنيا مش يوسف، وكمان بحبّ يوسف ومن زمان _أدهم بغضب:يوسف مريض نفسي مش أنا #يتبع